សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងនាមជាស្រ្តីហើយជាអ្នកស្រលាញ់និងគាំទ្រផលិតផលខ្មែរ លោកស្រី​ ម៉ោង ស្រីពៅ ​ដែល​គេ​ស្គាល់​ ឈ្មោះ​តាម​ហ្វេសប៊ុក​ថា​ នាង​ បភាវត្តី​ មាន​អាយុ​២៩​ឆ្នាំ​ លោកស្រី​ គឺជា​នាយិកា ​ភូមិ​ពងទាខ្មែរ​ ដែល​បាន​បង្កើត​ឡើង​៥ឆ្នាំ​មក​ហើយ ដោយទទួលបានជោគជ័យ និងពង្រីក​សាខា​បាន​យ៉ាង​ច្រើន​ទូទាំង​ប្រទេស​ក្នុងរយៈពេល​ដ៏​ខ្លី​។​

ភូមិពងទាខ្មែរ គឺជាប្រភេទអាជីវកម្មបែបកសិកម្មនិងកសិឧស្សាហកម្មដោយចិញ្ចឹមទាយកស៊ុតនិងកែឆ្នៃជាផលិតផលសម្រេចនានា បង្កើតឡើងនៅឆ្នាំ២០១៦ ដោយលោកស្រី ម៉ោង ស្រីពៅ និស្សិតបញ្ចប់ការសិក្សាផ្នែកទំនាក់ទំនងអន្តរជាតិនៃសកលវិទ្យាល័យបញ្ញាសាស្រ្តកម្ពុជា និងទទួលបានអាហារូបករណ៍ទៅសិក្សានៅប្រទេសជប៉ុន។

លោកស្រីមានទស្សនៈវិស័យដ៏វែងឆ្ងាយក្នុងការធ្វើជំនួញ និងដឹកនាំកសិដ្ឋាន គឺក្លាយទៅជាអ្នកផ្គត់ផ្គង់ពងទាក្នុងស្រុកឈានមុខទាំងសេវាកម្ម,ទាំងកាទទួលខុសត្រូវ,ទាំងចំនួននៃកាផ្គត់ផ្គង់,ទាំងគុណភាពនៅក្នុងស្រុកខ្មែរ និងអាចឈានទៅដល់កាផ្គត់ផ្គង់នៅលើឆាអន្តជាតិ។ ជាពិសេសនោះគឺបង្កើតការងារជូនដល់បងប្អូនអ៊ុំពូមីងនៅក្នុងសហគមន៍។

លោកស្រី នាង បភាវត្តី បានប្រាប់គេហទំព័រឧកញ៉ាញូស៍ថា ភូមិពងទាខ្មែរ មានការចាប់អារម្មណ៍និងគាំទ្រច្រើនពីប្រជាពលរដ្ឋ ដោយសារតែលោកស្រីប្រកាន់យកនូវចំណុចពិសេសចំនួន ៦ រួមមាន៖ ១ មានប្រភពច្បាស់លាស់ ២ តម្លៃថេរ ៣ ទំនួលខុសត្រូវខ្ពស់ ( បែក, រាវ, ស្អុយ…ល…ប្តូរជូនថ្មី១០០%) ៤ មានកាចុះបញ្ជីរត្រឹមត្រូវ ៥ មានតំណាងចែកចាយទូទាំងខេត្តក្រុង និងទី៦ ទូATM ភូមិពងទាខ្មែរ។

បើតាមលោកស្រី គិតមកដល់ពេលបច្ចុប្បន្ន ភូមិពងទាខ្មែរ មានតំណាងចែកចាយ១៤ខណ្ឌ ១៥ខេត្តផ្គត់ផ្គង់៥មុឺនគ្រាប់ក្នុង១ថ្ងៃ និងមានផលិតផលចំនួន ៦មុខ គឺ ១.ពងទាសាប ២.ពងទាប្រៃ ៣.ពងទាប្រៃរសជាតិតុងយុំា ៤.បណ្តូលពងទាប្រៃ ៥.នំពងទា និង៦.មីពងទា។

លោកស្រីបានញ្ជាក់ថា ក្នុងស្ថានភាពកូវីតភូមិពងទាមានប្រម៉ូសិនពិសេសគឺឆ្លើយសំនួរយករង្វាន់ជាពិសេសចូលទិញក្នុងការ live គឺ free ដឹកជញ្ជូនឬទិញ៥០គ្រាប់ថែមជូន១០គ្រាប់។

ទៅថ្ងៃអនាគតលោកស្រីមានផែនការផ្គត់ផ្គង់ពងទាចាប់ពី១០មុឺនគ្រាប់ឡើងទៅក្នុង១ថ្ងៃ ដើម្បីឲ្យវិស័យពងទាកាន់តែរីកចម្រើនខ្លាំង ក្នុងឆ្នាំ២០២១នេះ និងមានយុទ្ធសាស្រ្តសំខាន់ៗទៀតដូចជា៖ ពង្រាយ ៥០០ស្តង់បន្ថែមទូទាំងខេត្តក្រុង បង្កើតគម្រោងហ្វ្រេនឆាយ ក្នុងមួយខេត្តមាន២គម្រោងទូទាំងប្រទេសក្នុងមួយគម្រោងចិញ្ចឹមចាប់ពីបីពាន់ទាឡើងទៅ។

លោកស្រី នាង បភាវត្តី បានបន្ថែមថា ក្នុងនាមខ្ញុំជាស្រ្តីហើយជាអ្នកស្រលាញ់និងគាំទ្រផលិតផលខ្មែរ នាងខ្ញុំសូមផ្តាំផ្ញើរទៅដល់ប្រជាពលរដ្ធគ្រប់រូប ត្រូវតែគាំទ្រផលិតផលក្នុងស្រុក ជាពិសេសគួររៀនបង្កើតអ្វីដែលខ្មែរយើងមានឲ្យទៅជារូបរាងថ្មីដោយយកផ្នត់គំនិតមួយជាគោលគឺចាស់បូកថ្មីចេញថ្មី៕

The post លោកស្រី ម៉ោង ស្រីពៅ៖ គួររៀនបង្កើតអ្វីដែលខ្មែរយើងមានឲ្យទៅជារូបរាងថ្មីដោយយកផ្នត់គំនិតមួយជាគោលគឺចាស់បូកថ្មីចេញថ្មី appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ដោយមើលឃើញពីស្ថានភាពទុក្ខលំបាករបស់បងប្អូនប្រជាពលរដ្ឋនៅតំបន់បិទទ្ទប់ដែលតែងតែរអ៊ូរទាំពិបាកក្នុងការទិញស្បៀងអាហារ និងគ្រឿងទេសនោះ ហើយដោយមានការស្នើរសុំពីអតិថិជនឲមានផ្លែឈើខ្លះ ថៅកែភូមិពងទាខ្មែរ លោកស្រី ម៉ោង ស្រីពៅ បានសម្រេចនាំផ្លែស្វាយពីខេត្តបន្ទាយមានជ័យ ចំនួន ៣មុខ គឺ ១.ស្វាយណាំដកម៉ៃ១kg =៧០០០រៀល ២.ស្វាយកែវចិន១kg=៧០០០រៀល ៣. ស្វាយប៉ាឡាន់១kg=៦០០០រៀល ដែលសុទ្ធតែមានគុណភាពផ្អែមឆ្ងុយឆ្ងាញ់។

ភូមិពងទាខ្មែរ បានឲ្យដឹងលើទំព័រហ្វេសបុកថា៖ “ស្វាយនៅតាមផ្លូវនៅឡើយតែកុម្ម៉ងអស់៩០០គីឡូហើយបើមានកាយឺតយ៉ាវយ៉ាងណាសុំអធ្យាស្រ័យផងបងៗអតិថិជន។”

បងប្អូនអាចទំនាន់ទំនងបញ្ជាទិញតាមផេក ភូមិពងទាខ្មែរ https://web.facebook.com/ភូមិពងទាខ្មែរ-108740200468533/ និងតាមរយៈលេខទូរសព្ទ 093 312 139។

សូមជម្រាបជូនថា កសិដ្ឋានភូមិពងទាខ្មែរ ជាកន្លែងផ្គត់ផ្គង់ទីផ្សារពងទាដ៏ល្បីឈ្មោះមួយនៅកម្ពុជា។ នាពេលថ្មីៗនេះ កសិដ្ឋាន បានចេញមកប្រកាសក្នុងគ្រាដ៏លំបាកមួយនេះភូមិពងទាខ្មែរនៅតែរក្សាតម្លៃដដែល មិនមានការឆ្លៀតឪកាសឡើយ ក្នុងការលក់ពងទាជូនបងប្អូនប្រជាពលរដ្ឋ៕

សូមចុចអានអត្ថបទខាងក្រោម៖

The post មានការស្នើសុំពីអតិថិជន ថៅកែភូមិពងទាខ្មែរចាប់មុខរបរលក់ស្វាយក្នុងសម័យកូវីដ ដាច់ដូចព្យុះ! appeared first on .

ក្នុងនោះផងដែរក៏មានបងប្អូនប្រជាពលរដ្ឋមួយចំនួនសម្ដែងការហួសចិត្តជាខ្លាំង ចំពោះតម្លៃស៊ុតទាលើទីផ្សារ ដែលកំពុងតែឡើងថ្លៃ ដល់មួយគ្រាប់ ៨០០៛ ឬលើសនេះក៏មាន តាមតែមាត់អ្នកលក់ឆ្លៀតឱកាសមួយចំនួន និងការសម្រុកទៅទិញរបស់ប្រជាពលរដ្ឋផ្ទាល់។ កសិដ្ឋានភូមិពងទាខ្មែរ ដែលជាកន្លែងផ្គត់ផ្គង់ទីផ្សារពងទាដ៏ល្បីឈ្មោះសំឡេងមួយនៅកម្ពុជា ក៏បានចេញមកប្រកាសក្តែងៗថា “ក្នុងគ្រាដ៏លំបាកមួយនេះភូមិពងទាខ្មែរនៅតែរក្សាតម្លៃដដែល មិនមានការឆ្លៀតឪកាសឡើយ”។

ដូចនេះបងប្អូនអាចទំនាន់ទំនងទិញតាមផេក ភូមិពងទាខ្មែរ https://web.facebook.com/ភូមិពងទាខ្មែរ-108740200468533/ និងតាមរយៈលេខទូរសព្ទ 093 312 139

The post យីហោភូមិពងទាខ្មែរល្បីឈ្មោះ ប្រកាសលក់ពងទាតម្លៃធម្មតាជូនបងប្អូនក្នុងស្ថានភាពល៏បាកនេះ appeared first on .