គម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ គឺជាការឆ្លុះបញ្ចាំងពីការប្តេជ្ញាចិត្តឥតងាករេរបស់រាជរដ្ឋាភិបាល ក្នុងការកសាងឱ្យបាននូវបណ្តាញផ្លូវនាវាចរណ៍ប្រវត្តិសាស្ត្រ ដែលនឹងតភ្ជាប់បណ្តាញនៃការដឹកជញ្ជូនរវាងផ្លូវទន្លេ និងផ្លូវសមុទ្រជាមួយឆន្ទៈ និងមនសិកា “ឧត្តមនិយម” ផលប្រយោជន៍ជាតិ និងប្រជាជន។

ជាមួយគ្នានេះដែរ គម្រោងគ្រប់គ្រងធនធានទឹកចម្រុះហ្វូណនតេជោ គឺជាគំនិតផ្តួចផ្តើមប្រកបដោយចក្ខុវិស័យវែងឆ្ងាយរបស់ សម្តេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា ដែលជាផ្នែកមួយនៃយុទ្ធសាស្ត្រអភិវឌ្ឍប្រព័ន្ធដឹកជញ្ជូនផ្ទៃក្នុងប្រទេស និងឯករាជ្យនយោបាយ លើការដឹកជញ្ជូនផ្លូវទឹក ដោយបានគិតគូរគ្រប់ជ្រុងជ្រោយ ទាំងទិដ្ឋភាពយុទ្ធសាស្ត្រ បច្ចេកទេស និងថវិកា។ គម្រោងនេះ គឺជាការស្តារឡើងវិញនូវផ្លូវទឹក ដែលបុព្វបុរសខ្មែរយើង ធ្លាប់បានប្រើប្រាស់តាំងពីសម័យបុរេប្រវត្តិ គឺប្រមាណជាង ២០០០ឆ្នាំមុន។

គម្រោងគ្រប់គ្រងធនធានទឹកចម្រុះហ្វូណនតេជោ ជាប្រវត្តិសាស្ត្រលើកដំបូងក្នុងវិស័យដឹកជញ្ជូនផ្លូវទឹករបស់កម្ពុជា ដើម្បីតភ្ជាប់ប្រព័ន្ធទន្លេទៅកាន់សមុទ្រ។ ព្រែកជីកនេះនឹងក្លាយជាច្រករបៀងយុទ្ធសាស្ត្រ តភ្ជាប់ការដឹកជញ្ជូនពីរាជធានីភ្នំពេញទៅកាន់តំបន់ឆ្នេរនៃសមុទ្រ។ ផែនការអភិវឌ្ឍន៍នេះ មានគោលបំណងជំរុញការរីកចម្រើនប្រកបដោយតុល្យភាព ធ្វើពិពិធកម្មឧស្សាហកម្ម និងពង្រឹងហេដ្ឋារចនាសម្ព័ន្ធ ដោយផ្អែកលើគោលការណ៍អភិវឌ្ឍន៍អេកូឡូស៊ី។ បន្ថែមពីនេះ វានឹងក្លាយជាសរសៃឈាមតភ្ជាប់តំបន់សេដ្ឋកិច្ចសំខាន់ៗដូចជា ច្រករបៀងមច្ឆា និងអង្ករ ច្រករបៀងឧស្សាហកម្ម និងរ៉ែទន្លេមេគង្គលើ ដែលបានគាំទ្រដល់ចក្ខុវិស័យអភិវឌ្ឍន៍ជាយុទ្ធសាស្ត្ររបស់កម្ពុជាក្នុងការក្លាយជាប្រទេសមានចំណូលខ្ពស់ក្នុងឆ្នាំ ២០៥០។

The post លោកអ្នកឧកញ៉ា លាង ឃុន ដឹកនាំគណៈប្រតិភូ នៃសមាគមឧកញ៉ាកម្ពុជា ចូលរួមក្នុងពិធីបើកការដ្ឋានគម្រោងគ្រប់គ្រងធនធានទឹកចម្រុះហ្វូណនតេជោ កំណាត់ទី២ ប្រវែង ១៥១,៦គីឡូម៉ែត្រ appeared first on .

គេហទំព័រហ្វេសប៊ុក វត្តរាជបូណ៌ ក្រុងសៀមរាប បានបង្ហោះសារថ្លែងអំណរគុណបែបនេះថា៖ “សូមថ្លែងអំណរគុណចំពោះ លោកអ្នកឧកញ៉ា លាង ឃុន និងលោកជំទាវ តែ សុវណ្ណី ព្រមទាំងក្រុមគ្រួសារ ដែលបានធ្វើនំខ្មែរចម្រុះចំនួន ៤៨៥០ នំ ប្រគេនព្រះសង្ឃ និងញោមញាតិពុទ្ធបរិស័ទ ពិសារ ក្នុងថ្ងៃទិវាបុណ្យរំលឹកព្រះឧបការគុណ សម្ដេចព្រះសង្ឃរាជ ជោតញ្ញាណោ ជួន ណាត និងក្រុមជំនុំព្រះត្រៃបិដកខ្មែរ លើកទី១៥។ សូមជូនពរ លោកអ្នកឧកញ៉ា ព្រមទាំងក្រុមគ្រួសារ បានជួបប្រទះនឹងពុទ្ធពរ ៤ប្រការគឺអាយុ: វណ្ណ: សុខ: ពល: កុំបីឃ្លៀងឃ្លាតឡើយ”។

សូមជម្រាបថា លោកអ្នកឧកញ៉ា លាង ឃុន និងលោកជំទាវ តែ សុវណ្ណី តែងមានសទ្ធាជ្រះថ្លាក្នុងព្រះពុទ្ធសាសនា។ ជាក់ស្តែង កាលខែមិថុនា ឆ្នាំ២០២៥ លោកអ្នកឧកញ៉ា និងភរិយា បានប្រគេនផ្លែល្ពៅចំនួន ២០០ផ្លែ សម្រាប់ព្រះសង្ឃវត្តនិគ្រោធវ័ន «គល់ទទឹង» ហើយនៅខែតុលា ឆ្នាំ២០២៥ លោកអ្នកឧកញ៉ា និងលោកជំទាវ ក៏បានទិញដីទំហំ ១ហិកតា តម្លៃប្រមាណ ៦០,០០០ដុល្លារ ប្រគេនដល់វត្តមណីរតនារាម នៅខេត្តពោធិ៍សាត់ផងដែរ៕

The post លោកអ្នកឧកញ៉ា លាង ឃុន និងលោកជំទាវ តែ សុវណ្ណី ធ្វើនំខ្មែរចម្រុះចំនួន ៤៨៥០នំ ប្រគេនព្រះសង្ឃ និងពុទ្ធបរិស័ទពិសារ នៅវត្តរាជបូណ៌ appeared first on .

កិច្ចប្រជុំនេះមានការចូលរួមពីបណ្តាលក្រុមហ៊ុនជាតិ និងអន្តរជាតិ សរុប ៣០៦ ក្រុមហ៊ុន និងធុរជនជាតិ និងអន្តរជាតិជិត ៧០០នាក់។ ក្នុងនោះដែរ មានការអញ្ជើញចូលរួមពីសំណាក់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា, លោកអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា ជាម ឃុនណាត, អ្នកឧកញ៉ា ឡាវ កាង, អ្នកឧកញ៉ា លឹម ហេង, អ្នកឧកញ៉ា លី ឃុនថៃ, អ្នកឧកញ៉ា សំ សុខនឿន, ឧកញ៉ា តាន់ មុនីវណ្ណ, ឧកញ៉ា សុខ ពិសិដ្ឋ, ឧកញ៉ា ម៉ុង រិទ្ធថា និងឧកញ៉ាៗ​មក​ពីវិស័យឯកជនជាច្រើនរូបទៀត។

សូមជម្រាបថា ព្រឹត្តិការណ៍កិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ ក្រោមមូលបទ “ការផ្លាស់ប្តូរអាស៊ាន៖ នវានុវត្តន៍ សមាហរណកម្ម និងការវិវត្តឧស្សាហកម្ម” ត្រូវបានរៀបចំឡើងដោយ សភាពាណិជ្ជកម្មកម្ពុជា និងសភាពាណិជ្ជកម្មអន្តរជាតិ និងសមាគមពាណិជ្ជកម្មទាំងអស់។ វេទិកានេះនឹងផ្តល់នូវឱកាសសម្រាប់ការផ្គូរផ្គងអាជីវកម្មយ៉ាងទូលំទូលាយ លើកកម្ពស់ការយល់ដឹងគ្នាទៅវិញទៅមកកាន់តែស៊ីជម្រៅ និងពង្រឹងភាពជាដៃគូសហការក្នុងតំបន់៕

The post លោកអ្នកឧកញ៉ា អ្នកឧកញ៉ា ឧកញ៉ាៗច្រើនរូប ចូលរួមកិច្ចប្រជុំកំពូលធុរកិច្ច អាស៊ាន-កម្ពុជា ឆ្នាំ២០២៦ appeared first on .

យោងតាមសេចក្តីប្រកាសព័ត៌មាន នៅក្នុងគម្រោងមន្ទីរពេទ្យអន្តរជាតិកម្ពុជា (CAMBODIAN INTERNATIONAL HOSPITAL) នឹងធ្វើឡើងតាមស្តង់ដារអន្តរជាតិ ដែលមានរួមបញ្ចូលនូវសណ្ឋាគារ និងអគារស្នាក់នៅ សម្រាប់បម្រើ​ជូនដល់ប្រជាជនកម្ពុជា និងអន្តរជាតិ។

សូមជម្រាបថា គម្រោងមន្ទីរពេទ្យដ៏ទំនើប និងធំមួយនេះ បានលេចចេញរូបរាងឡើង ក្រោយពីការចុះហត្ថលេខា​លើអនុស្សារណៈនៃការយោគយល់គ្នា កាលថ្ងៃទី២១ ខែមេសា ឆ្នាំ២០២៥ ដែលមានសហស្ថាបនិកចំនួន ១០រូប មកពីក្រុមហ៊ុនធំៗឈានមុខគេនៅកម្ពុជា ក្នុងគោលបំណងដូចគ្នា ដើម្បីចូលរួមចំនែកក្នុងការអភិវឌ្ឍន៍​វិស័យសុខា​ភិបាលកម្ពុជា ឱ្យកាន់តែទំនើប ព្រមទាំងផ្តល់សេវាវេជ្ជសាស្ត្រលំដាប់ស្តង់ដាពិភពលោក នៅក្នុងប្រទេសកម្ពុជា៕

The post គម្រោងមន្ទីរពេទ្យអន្តរជាតិកម្ពុជា របស់លោកអ្នកឧកញ៉ា អ្នកឧកញ៉ាៗ ១០រូប ចុះកិច្ចសន្យាលក់ទិញអចលនវត្ថុ​លើផ្ទៃដីជាង ១៣ហិចតា នៅជិតផ្សារទំនើបអ៊ីអន៣ appeared first on .

ក្នុងខ្លឹមសារតាមរយៈបណ្តាញសង្គម បានលើកឡើងបែបនេះថា៖ “សភាពាណិជ្ជកម្មកម្ពុជា មានកិត្តិយស និងសូមគោរពថ្លែងអំណរគុណយ៉ាងជ្រាលជ្រៅ គោរពជូន លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង ដែលបានចូលរួមឧបត្ថម្ភ សម្រាប់ការរៀបចំ «អបអរមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥ និងលើកទិសដៅការងារឆ្នាំ២០២៦»ដែលនឹងប្រពឹត្តទៅក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នៅថ្ងៃពុធ ១០កើត ខែមាឃ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៨ ខែមករា ឆ្នាំ២០២៦។

សូមប្រសិទ្ធពរជ័យ សិរីបវរមហាប្រសើរ និងជួបនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ចូលមានដល់ថ្នាក់ដឹកនាំ និងបុគ្គលិកក្រុមហ៊ុនទាំងអស់”។

សូមជម្រាបថា ក្នុងពិធីខាងលើនេះ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា, ប្រធានគណៈកម្មការសម្របសម្រួលក្រុមការងារ ផ្នែក ឯកជន សម្រាប់យន្តការវេទិការាជរដ្ឋាភិបាលផ្នែកឯកជន និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ាន សម្រាប់កម្ពុជា នឹងអញ្ជើញថ្លែងសុន្ទរកថាបើក “សន្និបាតបូកសរុបលទ្ធផលការងារ សភាពាណិជ្ជកម្មកម្ពុជា ឆ្នាំ២០២៥ និងលើកទិសដៅការងារឆ្នាំ២០២៦” នាព្រឹកថ្ងៃទី២៨ ខែមករា ឆ្នាំ២០២៦ នៅមជ្ឈមណ្ឌលសន្និបាត និងពិព័រណ៍កោះពេជ្រ៕ 

The post សភាពាណិជ្ជកម្មកម្ពុជា ចេញសារថ្លែងអំណរគុណ លោកអ្នកឧកញ៉ា លាង ឃុន ដែលបានចូលរួមឧបត្ថម្ភ សម្រាប់ការរៀបចំ «អបអរមហាសន្និបាតបូកសរុបលទ្ធផលការងារសភាពាណិជ្ជកម្មកម្ពុជាឆ្នាំ២០២៥» appeared first on .

កម្មវិធីប្រកាស ក្រុមហ៊ុន ជីប ម៉ុង វិនិយោគ និងពង្រីកវិសាលភាពលើវិស័យអប់រំលំដាប់ថ្នាក់អន្តរជាតិនៅកម្ពុជានេះ មានការអញ្ជើញជាអធិបតី និងចូលរួមជាភ្ញៀវកិត្តិយសពីសំណាក់ លោកអ្នកឧកញ៉ា និងអ្នកឧកញ៉ាជាច្រើនរូប រួមមាន៖ លោកអ្នកឧកញ៉ា ភាព ហៀក, លោកអ្នកឧកញ៉ា លាង ឃុន, អ្នកឧកញ៉ា លាង ម៉េង, អ្នកឧកញ៉ា លាង ហួង (Henry) និងអ្នកឧកញ៉ា ផែ ហុកឈួន។

គួររំលឹកផងដែរថា រយៈពេលជាង ៤០ ឆ្នាំមកនេះ ក្រុមហ៊ុន ជីប ម៉ុង បានពង្រីក និងវិនិយោគពហុពាណិជ្ជរបស់ខ្លួនអោយមានភាពចម្រុះ និងសម្បូរបែប។ មកទល់នាពេលនេះ ក្រុមហ៊ុន ជីប ម៉ុង មានក្រុមហ៊ុនអាជីវកម្ម ចំនួន ១៤ នៅក្នុងឧស្សាហកម្មសំខាន់ៗ រួមមាន៖ ឧស្សាហកម្មភេសជ្ជៈ សម្ភារៈសំណង់ ផលិតផលប្រើប្រាស់ ធនាគារ អភិវឌ្ឃន៍អចលនទ្រព្យ បដិសណ្ឋារកិច្ច និងរមណីយដ្ឋានវាយកូនហ្គោល ជាដើម៕

The post លោកអ្នកឧកញ៉ា អ្នកឧកញ៉ា រូបណាខ្លះ ចូលរួមកម្មវិធីប្រកាសវិនិយោគទុន ១០០ លានដុល្លារ របស់ក្រុមហ៊ុនយក្ស ជីប ម៉ុង ជាមួយសាលាអន្តរជាតិលំដាប់ពិភពលោក iCAN British International School នៅកម្ពុជា? appeared first on .

វត្តមណីរតនារាម (Maniratanaram Monastery) បានបញ្ជាក់ឱ្យដឹងថា លើទំព័រហ្វេសប៊ុក នៅថ្ងៃទី៨ ខែតុលា ឆ្នាំ២០២៥ បែបនេះថា៖ “សូមអនុមោទនាមហាកុសលរបស់ឧបាសក តែ សុទ្ធី និងឧបាសិកា ភូក ស៊ីចាន់ ព្រមទាំង លោកអ្នកឧកញ៉ា លាង ឃុន និងលោកជំទាវ តែ សុវណ្ណី ព្រមទាំងកូនចៅ ដែលមានសទ្ធាជ្រះថ្លា ចូលរួមចំណែកទិញដីប្រគេនដល់វត្ដមណីរតនារាម ចំនួន ១ ហិកតា តម្លៃ ៦០,០០០ដុល្លារ និង ត្រៃចីវរសម្រាប់បុណ្យកឋិនទាន ទឹកបរិសុទ្ធកម្ពុជា ១២០ កេស, សាប៊ូ ORA ៥០ ធុង ព្រមទាំងសម្ភារៈផ្សេងៗផងដែរ”។

វត្តមណីរតនារាម ស្ថិតក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់ នៅតាមបណ្ដោយផ្លូវជាតិលេខ៥ មានផ្ទៃដីទំហំ ៨ហិកតា។ ពីដំបូងទីវត្ដនេះមានឈ្មោះថា មណ្ឌលសិក្សាព្រះពុទ្ធសាសនាមណីរត្ន ដែលកាលមុនជាមជ្ឈមណ្ឌលអប់រំព្រះពុទ្ធសាសនា មានទីតាំងនៅក្នុងវត្តកែវសុវណ្ណ ឃុំបន្ទាយដី ស្រុកកណ្តៀង ខេត្តពោធិ៍សាត់។

ក្រោមកិច្ចដឹកនាំផ្តួចផ្តើមរបស់ លោកគ្រូឧបាសក សាន សុជា និងមានការឧបត្ថម្ភពីសប្បុរសជន ដោយមានការចូលរួមពីពុទ្ធបរិស័ទជិតឆ្ងាយទាំងក្នុង និងក្រៅប្រទេស បានកសាងជាបន្តបន្ទាប់ រួមមាន៖ ផ្លូវក្រាលគ្រួសក្រហមចូលទៅមណ្ឌលទំហំ ៧ម៉ែត្រ កម្ពស់ ១,៥ម៉ែត្រ ប្រវែង៩៥០ ម៉ែត្រ និងសមិទ្ធផលជាច្រើនទៀតជាបន្តបន្ទាប់។ ដោយការរីកចម្រើនក្នងការគោរពប្រណិប័តន៍ និងការរីកចម្រើនសមិទ្ធផលនានាផងនោះ នៅឆ្នាំ២០១០ ក៏មានការឯកភាព និងមូលមតិស្នើសុំប្ដូរឈ្មោះពីមណ្ឌលសិក្សាព្រះពុទ្ធសាសនា មណីរត្ន ទៅជាវត្តមណីរតនារាមវិញ។

សូមជម្រាបថា កាលថ្ងៃទី៣១ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញជាអធិបតីភាពសម្ពោធឆ្លងព្រះបទុមចេតិយ និងសមិទ្ធផលនានា នៅវត្តមណីរតនារាម ដោយផ្ទាល់ផងដែរ៕

The post លោកអ្នកឧកញ៉ា លាង ឃុន និងលោកជំទាវ ទិញដីប្រគេនដល់វត្តមណីរតនារាម ១ហិកតា តម្លៃ ៦០,០០០ដុល្លារ appeared first on .

១. លោកនាយចំណង់ ឈឿង ចាន់ណា បម្រើការនៅវរសេនាតូចអន្តរាគមន៍៣៨២ កងពលតូចអន្តរាគមន៍លេខ៨ ដែលបានពលីជីវិតក្នុងសមរភូមិកាលពីថ្ងៃទី២៥ ខែកក្កដា ឆ្នាំ២០២៥ ដោយពិធីបុណ្យធ្វើឡើងនៅគេហដ្ឋានសព ស្ថិតក្នុងឃុំខ្នាចរមាស ស្រុកបវេល ខេត្តបាត់ដំបង។

២.លោកនាយចំណង់ មៀច សុខណាវាធីប នៃវរៈសេនាតូចថ្មើរជើង លេខ៤៤៤ ដែលបានពលីជីវិតកាលពីថ្ងៃទី២៥ ខែកក្កដា ឆ្នាំ ២០២៥ ដោយពិធីបុណ្យធ្វើឡើងនៅគេហដ្ឋានស្ថិតក្នុងភូមិអូរគគី ឃុំអូររដា ស្រុកកំរៀង ខេត្តបាត់ដំបង។

៣. លោកនាយចំណង់ ទេព ម៉ាឡា ជាយុទ្ធជនទ័ពពិសេសឆ័ត្រយោងកងពល៩១១ ដែលបានពលីជីវិតលើ សមរភូមិភ្នំទ្រព្យកាលពីថ្ងៃទី២៦ ខែកក្កដា ឆ្នាំ២០២៥ ដោយពិធីបុណ្យធ្វើឡើងនៅគេហដ្ឋានស្ថិត ក្នុងភូមិបោះ ពោធិ ឃុំអូរដំបង១ ស្រុកសង្កែ ខេត្ត បាត់ដំបង។

ក្នុងវេលាដ៏ក្រៀមក្រំនេះ លោកអ្នកឧកញ៉ា លាង ឃុន បានពាំនាំនូវសារចូលរួមរំលែកទុក្ខពីលោកអ្នកឧកញ៉ាប្រធាន ក៏ដូចជាលិខិតរំលែកមរណទុក្ខ និងថវិកាមួយចំនួនពីសមាគមឧកញ៉ាកម្ពុជា ព្រមទាំងគ្រឿងឧបភោគបរិភោគ មួយ ចំនួនទៀតជូនក្រុមគ្រួសារ នៃសពវីរជនទាំង ៣រូបផងដែរ។

មរណភាពរបស់យោធិនទាំង ៣រូបគឺជាការបាត់បង់កូនប្រុសដ៏កត្តញ្ញូ បាត់បង់ស្វាមីដែលប្រកបដោយសង្គហធម៌ ដ៏ឧត្តុង្គឧត្តមចំពោះភរិយា ជាឪពុកប្រកបដោយព្រហ្មវិហារធម៌ចំពោះកូនហើយ ក៏ជាការបាត់បង់នូវយោធិនដ៏ អង់អាចក្លាហានដោយបានធ្វើពលិកម្មនូវសាច់ស្រស់ឈាមស្រស់ប្រកបដោយភាពមោះមុតនៅក្នុងបុព្វហេតុការពារអធិបតេយ្យ និងបូរណភាពទឹកដី។

វីរភាពរបស់លោកនឹងស្ថិតក្នុងការចងចាំក្នុងដួងចិត្តប្រជាជនខ្មែរគ្រប់រូបគ្មានថ្ងៃបំភ្លេចបានហើយកេរ្តិ៍ឈ្មោះរបស់ លោក នឹងត្រូវបានចារទុកនៅក្នុងប្រវត្តិសាស្ត្រជាតិ។ សូមឧទ្ទិសបួងសួងដល់ដួងវិញ្ញាណក្ខន្ធ វីរជនទាំង ៣រូបសូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

The post លោកអ្នកឧកញ៉ា លាង ឃុន បន្តដឹកនាំគណៈប្រតិភូសមាគមឧកញ៉ាកម្ពុជាចូលរួមគោរពវិញ្ញាណក្ខន្ធយោធិនពលី ៣រូបទៀត នៅខេត្តបាត់ដំបង appeared first on .

វីរយោធិនពលី ៤រូប នៅខេត្តសៀមរាប មាននាមដូចខាងក្រោម៖

១. អនុសេនីយ៏ឯក អ៊ុន ឡាវហុង បម្រើការនៅកងពលតូចលេខ៨ កងពលធំអន្តរាគមន៍លេខ៣ ដែលបានពលីជីវិតនៅសមរភូមិព្រះវិហារ ក្នុងជន្មាយុ ៣៥ឆ្នាំ ដោយពិធីបុណ្យធ្វើឡើងនៅគេហដ្ឋានស្ថិតនៅពាម ឃុំដូនកែវ ស្រុកពួក ខេត្តសៀមរាប។
២. ព្រិន្ទបាលឯក ថែ លឹង បម្រើការនៅកងពលតូចលេខ៣ ចំណុះកងពលធំអន្តរាគមន៍លេខ៣ បានពលីក្នុងសមរភូមិតំបន់ភ្នំទ្រព្យកាលពីថ្ងៃទី២៨ ខែកក្កដា ដោយពិធីបុណ្យធ្វើឡើងនៅគេហដ្ឋានស្ថិតនៅភូមិកាប់ដៃ ឃុំប្រាសាទ ស្រុកវ៉ារិន ខេត្តសៀមរាប។
៣. អនុសេនីយ៏ទោ ក្លែប រាយ មេបញ្ជាការរង គ១ កងពលតូចថ្មើរជើងលេខ៤២ យោធភូមិភាគទី៤ ដែលបានពលីជីវិតក្នុងជន្មាយុ៥៥ឆ្នាំក្នុងសមរភូមិប្រាសាទតាមាន់កាលពីថ្ងៃទី២៤ ខែកក្កដា ដោយពិធីបុណ្យធ្វើឡើងនៅគេហដ្ឋានស្ថិតនៅភូមិធ្លក ឃុំត្រាំសសរ ស្រុកស្រីស្នំ ខេត្តសៀមរាប។
៤. អនុសេនីយ៏ឯក ឡោក ម៉ៅ បុគ្គលិក ខ២ គ១ វរសេនាតូចលេខ៤២៣ កងពលតូចថ្មើរជើងលេខ៤២ យោធភូមិភាគទី៤ ដែលបានពលីជីវិតក្នុងជន្មាយុ៤៨ឆ្នាំក្នុងសមរភូមិប្រាសាទតាមាន់ព្រឹកថ្ងៃទី២៤ខែកក្កដា ដោយពិធីបុណ្យធ្វើឡើងនៅគេហដ្ឋានស្ថិតនៅភូមិគោកព្រេច ឃុំត្រាំសសរ ស្រុកស្រីស្នំ ខេត្តសៀមរាប។

ក្នុងវេលាដ៏ក្រៀមក្រំនេះដែរ លោកអ្នកឧកញ៉ា លាង ឃុន បានពាំនាំនូវសារចូលរួមរំលែកទុក្ខពី លោកអ្នកឧកញ៉ា ប្រធាន ក៏ដូចជាលិខិតរំលែកមរណទុក្ខ និងថវិកាមួយចំនួនពីសមាគមឧកញ៉ាកម្ពុជា ព្រមទាំងគ្រឿងឧបភោគបរិភោគមួយចំនួនទៀតជូនក្រុមគ្រួសារ នៃសពវីរជនទាំង ៤រូបផងដែរ។

មរណភាពរបស់យោធិនទាំង ៤រូបគឺជាការបាត់បង់កូនប្រុសដ៏កត្តញ្ញូ បាត់បង់ស្វាមីដែលប្រកបដោយសង្គហធម៌ដ៏ឧត្តុង្គឧត្តមចំពោះភរិយា ជាឪពុកប្រកបដោយព្រហ្មវិហារធម៌ចំពោះកូនហើយក៏ជាការបាត់បង់នូវយោធិនដ៏អង់អាចក្លាហានដោយបានធ្វើពលិកម្មនូវសាច់ស្រស់ឈាមស្រស់ប្រកបដោយភាពមោះមុតនៅក្នុងបុព្វហេតុការពារអធិបតេយ្យ និងបូរណភាពទឹកដី។ វីរភាពនេះនឹងស្ថិតក្នុងការចងចាំក្នុងដួងចិត្តប្រជាជនខ្មែរគ្រប់រូបគ្មានថ្ងៃបំភ្លេចបាន ហើយកេរ្តិ៍ឈ្មោះរបស់លោកនឹងត្រូវបានចារទុកនៅក្នុងប្រវត្តិសាស្ត្រជាតិ។

សូមឧទ្ទិសបួងសួងដល់ដួងវិញ្ញាណក្ខន្ធវីរជនទាំង ៤រូបសូមបានបដិសន្ធិក្នុងសុគតិភពកុំបីឃ្លៀងឃ្លាតឡើយ៕

The post លោកអ្នកឧកញ៉ា លាង ឃុន ដឹកនាំគណៈប្រតិភូសមាគមឧកញ៉ាកម្ពុជា ចូលរួមគោរពវិញ្ញាណក្ខន្ធយោធិនពលី ៤រូប នៅខេត្តសៀមរាប appeared first on .

ជីប ម៉ុង ជាក្រុមហ៊ុនដឹកនាំដោយសហគ្រិនខ្មែរ ដែលតែងរួមចំណែកក្នុងការបណ្តុះស្មារតីគាំទ្រផលិតផលខ្មែរ តួយ៉ាងដូចជាដំណាំបន្លែបង្ការធម្មជាតិពិតៗ ពីប្រជាកសិករក្នុងស្រុកជាដើម ដោយថ្មីៗនេះ ក្រុមហ៊ុន ជីប ម៉ុង បានប្រមូលទិញទិន្នផលដំណាំផ្លែល្ពៅជាច្រើនតោន ពីចំការនៅក្នុងខេត្តព្រះវិហារផ្ទាល់ ដើម្បីចែកជូនដល់គ្រប់បុគ្គលិក ជីប ម៉ុង ដោយឥតគិតថ្លៃ។

ស្របពេលដែលការគាំទ្រផលិតផលខ្មែរកំពុងផុសផុលឡើង ជីប ម៉ុង បានចូលរួមយ៉ាងសកម្មក្នុងការពង្រីកទីផ្សារ កសិផលក្នុងស្រុក ដែលជាភោជផលធម្មជាតិ ដាំដុះដោយកសិករខ្មែរសុទ្ធសាធ ដើម្បីជាចំណែកក្នុងការជំរុញ និងលើកស្ទួយផលិតផលក្នុងស្រុក ក៏ដូចជាបង្វិលចរន្តពាណិជ្ជកម្ម ឱ្យបានជាផលប្រយោជន៍ដល់គ្រប់ពលរដ្ឋក្នុងសង្គមផងដែរ។

ក្រុមហ៊ុន ជីប ម៉ុង ក៏បានជួយសម្រួលដល់ដំណាំមួយចំនួន ដែលកំពុងប្រមូលផលហូរហៀរពេញចំការ។ ជាក់ស្តែង ជីប ម៉ុង ស៊ុបភើម៉ាឃីត ដែលមាន ជីប ម៉ុង ជាក្រុមហ៊ុនមេ តែងប្រកាន់យកយ៉ាងខ្ជាប់ខ្ជួន ក្នុងការពង្រឹងស្មារតីលើកស្ទួយផលិតផលក្នុងស្រុក ដោយតែងបញ្ជារទិញគ្រប់ផលិតផលខ្មែរ ជាពិសេស គឺផលដំណាំធម្មជាតិពីចំការកសិករផ្ទាល់ ដើម្បីពង្រីកទីផ្សារកសិកម្មក្នុងស្រុក កាត់បន្ថយការនាំចូលនូវអ្វីដែលខ្មែរអាចផលិតបាន ក៏ដូចជាបន្តជំរុញការគាំទ្រផលិតផលខ្មែរនៅក្នុងស្រុក។

សូមជម្រាបថា ស្របពេលកំពុងមានបញ្ហាការបិទការនាំចូលបន្លែផ្លែឈើនៅតាមព្រំដែនពីប្រទេសថៃ ក្រុមហ៊ុន ជីប ម៉ុង ក៏បានរួមសហការជាមួយក្រសួងពាណិជ្ជកម្ម ដោយប្រមូលទិញដំណាំល្ពៅខ្មែររាប់តោនពីកសិករខ្មែរក្នុងខេត្តព្រះវិហារ ដើម្បីយកមកលក់នៅក្នុងផ្សារ ជីប ម៉ុង ស៊ុបភើម៉ាឃីត និងចែកជូនអតិថិជនដោយឥតគិតថ្លៃផងដែរ៕

The post លោកអ្នកឧកញ៉ា ភាព ហៀក និងលោកអ្នកឧកញ៉ា លាង ឃុន ប្រគេនផ្លែល្ពៅចំនួន ២០០ផ្លែ សម្រាប់ព្រះសង្ឃវត្តគល់ទទឹង appeared first on .