ផាកកាហ្វេ ហាងកាហ្វេ និងភោជនីយដ្ឋានបែបសុខភាពរបស់ខ្មែរដំបូងគេ ដាក់មហិច្ឆតាត្រៀមបើកសាខាបន្ថែមឱ្យបានដល់ ១០០សាខា ត្រឹមឆ្នាំ ២០២៥។ តើម៉ាកយីហោភោជនីយដ្ឋានអាហារសុខភាព ក្នុងស្រុកមួយនេះ បន្តឈរជើង និងបន្តពង្រីកខ្លួន ក្នុងទីផ្សារកម្ពុជាដោយរបៀបណា?

ការពង្រីកសាខាថ្មីបន្ថែមដូចភ្លៀងរលឹម និងគោលដៅពង្រីកសាខាថ្មីៗជាបន្តបន្ទាប់របស់ ផាកកាហ្វេ មិនមែនជារឿងចៃដន្យនោះទេ។ មានកត្តាស្នូលមួយចំនួន ដែលជាបច្ច័យធ្វើឱ្យអាហារដ្ឋានលក់ម្ហូបអាហារសុខភាពមួយនេះ បន្តឈរជើងបានរហូតដល់ជាង ២០ឆ្នាំ ក្នុងទីផ្សារកម្ពុជា។ ក្នុងនោះ រួមមាន៖​

១. រសជាតិម្ហូបអាហារ និងភេស្ជជៈ (សុទ្ធតែជាអាហារសុខភាព)

២. សេវាកម្ម

៣. បរិយាកាសទីតាំង

៤. កេរ្តិ៍ឈ្មោះ

៥. គិតគូរពីសុខភាពរបស់អតិថិជនជាចម្បង  

ជារៀងរាល់ខែ ភោជនីយដ្ឋានមួយនេះ តែងតែបញ្ចេញនូវមុខម្ហូប ឬក៏ភេសជ្ជៈបែបសុខភាព និងប្រូម៉ូសិនបញ្ចុះតម្លៃពិសេសជូនអតិថិជនរបស់ខ្លួន។ ទាំងអស់នេះហើយ ជាកត្តាទាក់ទាញមួយទៀត ដែលធ្វើឱ្យអតិថិជនរបស់ ហាងផាកកាហ្វេ ទទួលបាននូវរសជាតិម្ហូបអាហារថ្មីៗ មិនចេះជិនណាយឡើយ។ អ្វីដែលធ្វើឱ្យផាកកាហ្វេមានការល្បីល្បាញរហូតមកដល់សព្វថ្ងៃនេះ គឺផាកកាហ្វេ ជាហាងអត់ប្រើប៊ីចេងដំបូងគេនៅស្រុកខ្មែរ តាំងពីបើកដំបូងមក ។

អ្នក​នៅ​ពីក្រោយ​ជោគជ័យ​នៃ​អាជីវកម្ម​ផ្នែក​អាហារ​នេះ​គឺ​លោក​គុយ វ៉ាត។ លោក​គុយ វ៉ាត គឺ​ជា​អគ្គនាយក​ក្រុមហ៊ុន V Trust Group ដែល​គ្រប់គ្រង​លើ​ភោជនីយដ្ឋាន​ផាក​កាហ្វេ និង​ក្រុមហ៊ុន​បុត្រ​សម្ព័ន្ធ​ជាច្រើន​ទៀត។

លោក គុយ វ៉ាត អគ្គ​នាយក​ក្រុមហ៊ុន VTrust Group ចាប់​ផ្តើម​អាជីវកម្ម​នៅអំឡុង​ឆ្នាំ ២០០៤។ ក្រុមហ៊ុន​ដំបូង​ដែល​លោក​បើក​ដំណើរការ គឺ​ក្រុមហ៊ុន Atech IT Solutions បន្ទាប់​មក​ភោជនីយដ្ឋាន Park Cafe Foods and Beverages, ក្រុមហ៊ុន​អចលន​ទ្រព្យ VTrust Property Co., Ltd រោង​ម៉ាស៊ីន​កិន​ថ្ម​នៅ​ខេត្ត​កំពង់ស្ពឺ Kamhwa Stone Crushing និង​ក្រុមហ៊ុន Vtrust Appraisal Co., Ltd។ នា​ឆ្នាំ ២០០៨ លោក​បាន​វិនិយោគ​ទៅ​លើ​ក្រុមហ៊ុន​ចំនួន ២ បន្ថែម​ទៀត គឺ​ក្រុមហ៊ុន Impact Digital Advertising និង​ក្រុមហ៊ុន Phnom Penh Security Plc។

ក្រៅពីការអញ្ជើញមកភ្លក់រសជាតិអាហារគ្មានប្រើគ្រឿងផ្សំប៊ីចេង និងភេសជ្ជៈសុខភាពដ៏ច្រើនមុខ លើ Menu ផាកកាហ្វេគ្រប់សាខាងហើយនោះ អតិថិជន ក៏អាចកុម្ម៉ង់ មុខអាហារ ភេសជ្ជៈ និង ទឹកផ្លែឈើស្រស់ៗ តាមរយៈសេវាដឹកជូនដល់ទីកន្លែងរបស់ផាកកាហ្វេដែលអាចទំនាក់ទំនងតាមលេខ 023 990 990 ឬ អាចស្វែងទិញបាននៅលើ Apps សេវាដឹកជញ្ជូន Foodpanda, E-gets, Muuve និង Nham24 ដែលសហការណ៍ជាមួយផាកកាហ្វេផងដែរ៕

The post ផាកកាហ្វេ និមិត្តសញ្ញាអាជីវកម្មខ្មែរកសាងម៉ាកយីហោរបស់ខ្លួនដោយរបៀបណា? appeared first on .

ពិធីចុះអនុស្សរណៈយោគយល់គ្នានេះ ត្រូវបានចុះហត្ថលេខាដោយលោក គុយ វ៉ាត ប្រធានក្រុមប្រឹក្សាភិបាល ក្រុមហ៊ុន Zillennium Co., Ltd, លោក សាយ សុខ ហេង នាយកប្រតិបត្តិក្រុមហ៊ុន Z1 Financial, លោកវ៉ា វីរៈ អគ្គនាយកក្រុមហ៊ុន Century 21 Fortuna Investment, លោក Jerry Morgan ស្ថាបនិកនិងអគ្គនាយកក្រុមហ៊ុន Mercan Group និងអ្នកនាង Jasmine Dang អគ្គនាយកក្រុមហ៊ុន Mercadia Cambodia ប្រចាំប្រទេសកម្ពុជា និងប្រចាំតំបន់អាស៊ីអាគ្នេយ៍។

កិច្ចសហការគ្នានេះ ត្រូវបានរំពឹងថានឹងក្លាយជាការត្រួសត្រាយផ្លូវដ៏សំខាន់រវាងក្រុមហ៊ុន ក្នុងការសហការដើម្បីពាំនាំនូវឱកាសវិនិយោគថ្មីៗសម្រាប់ប្រជាជនកម្ពុជាែដលមានលទ្ធភាពទិញអចលនទ្រព្យនៅប្រទេសព័រទុយហ្កាល់ និងទទួលបានសិទ្ធរស់នៅ ហើយកិច្ចសហការនេះនិងរួមចំណែកដ៏សំខាន់ក្នុងការកៀរគអ្នកវិនិយោគពីប្រទេសសមាជិកសហគមន៍អុឺរ៉ុបមកបណ្តាក់ទុនវិនិយោគនៅកម្ពុជាផងដែរ។

លើសពីនេះ គឺជាការបោះជំហានដ៏សំខាន់ សំដៅរួមចំណែកអភិវឌ្ឍន៍សេដ្ឋកិច្ចនៅកម្ពុជា តាមរយៈការទាក់ទាញអ្នកវិនិយោគពីក្រៅប្រទេស។

របាយការណ៍​ចក្ខុវិស័យ​អភិវឌ្ឍន៍អាស៊ី (ADO) ដែល​បានចេញ​ផ្សាយ​កាលពី​ខែមីនា ឆ្នាំ២០២១ ​បាន​កត់សម្គាល់​ថា សេដ្ឋកិច្ច​ត្រូវបាន​ព្យាករ​ថា នឹង​កើនឡើង ៤,០ ភាគរយ​ក្នុង​ឆ្នាំ ២០២១ និង ៥,៥ ភាគរយ​ក្នុង​ឆ្នាំ ២០២២។ ការ​ស្ទុះ​ងើបឡើង​វិញ​នៃ​សេដ្ឋកិច្ច​ជាមួយ​បណ្តា​ដៃគូ​ពាណិជ្ជកម្ម​សំខាន់ៗ នឹង​គាំទ្រ​តម្រូវការ​ដ៏រឹងមាំ​សម្រាប់​ការនាំចេញ​ទំនិញ​របស់​ប្រទេស​កម្ពុជា និង​ការវិនិយោគ​ផ្ទាល់​បរទេស​ជា​បន្ត។

ការកើនឡើង​ការវិនិយោគ​ផ្ទាល់​បរទេស​ដែល​បានអនុម័ត​អំឡុងពេល​ឆ្នាំ ១៩៩៤ ដល់​ឆ្នាំ ២០១៩ ដែលជា​ចំណែក​ភាគច្រើនបំផុត​បានមក​ពី​ប្រទេស​ចិន មានប្រមាណ ២១,៨១ ភាគរយ ដែល​កាលពីដើម​ឆ្នាំ២០២១ គឺជា​ប្រភព​នៃ​ការវិនិយោគ​ដ៏ទូលំទូលាយ​ក្នុង​វិស័យ​ហេដ្ឋារចនាសម្ព័ន្ធ ប្រភព​អភិវឌ្ឍ​ដែល​រួមមាន​កៅស៊ូ និង​ទេសចរណ៍។ ប្រទេស​ចិន​តាម​ពីក្រោយ​ដោយ​ប្រទេស​កូរ៉េ​ក្នុង​ចំនួន ៦,១៦ ភាគរយ​ និង​ចក្រភព​អង់គ្លេស ៥,០១ ភាគរយ។ នេះ​បើ​យោងតាមក្រុមប្រឹក្សាអភិវឌ្ឍន៍កម្ពុជា CDC។

ប្រភព​សំខាន់ៗ​ផ្សេង​ទៀត​គឺ​ប្រទេស​ម៉ាឡេស៊ី ៣,៥៩ ភាគរយ ជប៉ុន ៣,១៣ ភាគរយ ហុងកុង ៣,០៥ ភាគរយ កោះ​តៃវ៉ាន់ ១,៧៧ ភាគរយ វៀតណាម ២,៣១ ភាគរយ សិង្ហបុរី ១,៦៤ ភាគរយ និង​ថៃ ១,៥៤ ភាគរយ ដែល​ការវិនិយោគ​ទាំងនោះ​ភាគច្រើន​បាន​មកពី​ក្រុមហ៊ុន​ឧស្សាហកម្ម​កាត់ដេរ​។

The post ក្រុមហ៊ុនអចលនទ្រព្យធំមកពីអ៉ឺរ៉ុប ចុះហត្ថលេខាសហការគ្នាពាំនាំនូវឱកាសវិនិយោគថ្មីៗមកបណ្តាក់ទុនវិនិយោគនៅកម្ពុជា appeared first on .

បើតាមលោក គុយ វ៉ាត ហាងភីហ្សាហាត់នៅកម្ពុជា មាន ៣ ក្នុងនោះសាខាទី១ នៅផ្សារទួលទំពូង សាខាទី២ ភីស្សាហាត់កាល់ម៉ែត្រ និងសាខាទី៣ ភីហ្សាហាត់បឹងកេងកង ដែលកំពុងប្រារព្ធពិធីសម្ពោធសាខាចំបងនៅថ្ងៃនេះ។

នៅចុងឆ្នាំ២០២១នេះ ភីស្សាហាត់កម្ពុជានឹងបើកសាខាថ្មី២បន្ថែមទៀត ហើយនៅចន្លោះ២-៣ឆ្នាំខាងមុខនេះ ភីហ្សាហាត់កម្ពុជា គ្រោងបើកសាខាប្រមាណ ៣០សាខាបន្ថែមទៀត ដែលការបើកហាងថ្មីទាំងនេះនឹងបង្កើតការងារថ្មីប្រហែលច្រើនជាង ៨០០កន្លែង សម្រាប់ប្រជាជនកម្ពុជារបស់យើង។

ជាមួយគ្នានេះដែរ លោកស្រី Higgins Lauren តំណាងស្ថានទូតអាមេរិកប្រចាំកម្ពុជា បានបង្ហាញនូវចំណាប់អារម្មណ៍ថា ភីហ្សាហាត់គឺជាហាងភីហ្សាដែលចំណាស់ជាងគេនៅសហរដ្ឋអាមេរិក ហើយាលោកស្រីពិតជារំភើបណាស់ដែលបានឃើញម៉ាកយីហោដ៏ល្បីមួយនេះមានវត្តមាននៅប្រទេសកម្ពុជា។

ថ្លែងក្នុងពិធីនោះ លោក កៅ កោសល អគ្គនាយកនៃអគ្គនាយកដ្ឋានជំរុញពាណិជ្ជកម្ម របស់ក្រសួងពាណិជ្ជកម្មកម្ពុជា បានកោតសរសើរ និងសូមអបអរសាទរចំពោះ លោក គុយ វ៉ាត នាយកក្រុមហ៊ុន United Food Group ដែលបានចំណាយទុនវិនិយោគក្នុងវិស័យម្ហូបអាហារ ឆ្លើយតបទៅនឹងការរីកចម្រើននៃសេដ្ធកិច្ចកម្ពុជា។

លោកបន្ថែមទៀតថា វត្តមានរបស់ភីហ្សាហាត់ នឹងរួមចំណែក បង្កើតការងារ និងប្រាក់ចំណូលជូនប្រជាជន ជួយលើកកម្ពស់វិស័យម្ហូបអាហារ និងជួយផ្គត់ផ្គង់ដល់ ទេសចរណ៍ជាតិ និងអន្តរជាតិ ដែលចូលមកកម្សាន្តនៅកម្ពុជា៕

The post ហាងភីហ្សា ដ៏ល្បីល្បាញចំណាស់ជាងគេនៅសហរដ្ឋអាមេរិកមានសាខាច្រើនជាង១៨ម៉ឺងហាង បន្តបើកសម្ពោធនៅកម្ពុជា appeared first on .

ប្រវត្តិ​ហាង​ផាក កាហ្វ​បង្កើត​ឡើង​តាំង​ពី​ឆ្នាំ​២០០៤ គិត​មក​ដល់​ឆ្នាំ​២០២០ នេះ​មាន​ជាង ២០ សាខា​ទាំង​នៅ​ទីក្រុង​ភ្នំពេញ និង​បាន​ពង្រីក​ដល់​ខេត្ត​កំពង់ចាម និង​ក្រុង​ព្រះសីហនុ។

អ្នក​នៅ​ពីក្រោយ​ជោគជ័យ​នៃ​អាជីវកម្ម​ផ្នែក​អាហារ​នេះ​គឺ​លោក​គុយ វ៉ាត។ លោក​គុយ វ៉ាត គឺ​ជា​អគ្គនាយក​ក្រុមហ៊ុន V Trust Group ដែល​គ្រប់គ្រង​លើ​ភោជនីយដ្ឋាន​ផាក​កាហ្វេ និង​ក្រុមហ៊ុន​បុត្រ​សម្ព័ន្ធ​ជាច្រើន​ទៀត។

លោក គុយ វ៉ាត អគ្គ​នាយក​ក្រុមហ៊ុន VTrust Group ចាប់​ផ្តើម​អាជីវកម្ម​នៅ​ឆ្នាំ ២០០៣។ ក្រុមហ៊ុន​ដំបូង​ដែល​លោក​បើក​ដំណើរការ គឺ​ក្រុមហ៊ុន Atech IT Solutions បន្ទាប់​មក​ភោជនីយដ្ឋាន Park Cafe Foods and Beverages, ក្រុមហ៊ុន​អចលន​ទ្រព្យ VTrust Property Co., Ltd រោង​ម៉ាស៊ីន​កិន​ថ្ម​នៅ​ខេត្ត​កំពង់ស្ពឺ Kamhwa Stone Crushing និង​ក្រុមហ៊ុន Vtrust Appraisal Co., Ltd។ នា​ឆ្នាំ ២០០៨ លោក​បាន​វិនិយោគ​ទៅ​លើ​ក្រុមហ៊ុន​ចំនួន ២ បន្ថែម​ទៀត គឺ​ក្រុមហ៊ុន Impact Digital Advertising និង​ក្រុមហ៊ុន Phnom Penh Security Plc។

ចាប់​ផ្តើម​អាជីវកម្ម​នៅ​ឆ្នាំ ២០០៣ រហូត​មក​ដល់​ពេល​នេះ​លោក គុយ វ៉ាត អគ្គ​នាយក​ក្រុមហ៊ុន VTrust Group គឺជា​បុគ្គល​ដ៏​ជោគ​ជ័យ​មួយ​រូប​នៅ​ក្នុង​ពិភព​ជំនួញ​នៅ​កម្ពុជា។

ដោយ​ចាក​ចេញ​ពី​ស្រុក​កំណើត​នៅ​ភូមិ ត្រពាំងព្រៃ ឃុំ ត្របែក ស្រុក កំចាយមារ ខេត្ត ព្រៃវែង ដើម្បី​បន្ត​ការ​សិក្សា​នៅ​វិទ្យាល័យ សន្ធរម៉ុក រាជធានី​ភ្នំពេញ លោក គុយ វ៉ាត បាន​ប្រឡង​ជាប់​សញ្ញាប័ត្រ​មធ្យម​សិក្សា​ទុតិយភូមិ​ក្នុង​ឆ្នាំ ១៩៩១ ហើយ​បាន​បន្ត​ការ​សិក្សា​ភាសា​ចិន និង​អង់គ្លេស មុន​ពេល​ចាប់ផ្ដើម​អាជីវកម្ម​ដោយ​ខ្លួន​ឯង​ជា​លើក​ដំបូង​ក្នុង​ឆ្នាំ ២០០៣។

ក្រៅ​ពី​តួនាទី​ដឹក​នាំ​នៅ V Trust Groupលោក​ក៏​មាន​តួនាទី​ជា​ប្រធាន​ក្រុម​ប្រឹក្សា​ភិបាល​ក្លិប​អ្នក​វិនិយោគ​កម្ពុជា​មាន​សមាជិក​ជា​អ្នក​ជំនួញ​ជាង ១០០ នាក់។

អ្នក​ជំនួញ​ដើម​កំណើត​មកពី​ខេត្ត​ព្រៃវែង​នេះ ក៏​ជា​ស្ថាបនិក​ក្រុមហ៊ុន​អចលនទ្រព្យ​ដ៏​ធំ​ជាង​គេ​នៅ​ស្រុក​ខ្មែរ Century 21 ដែល​មក​ទល់​ពេល​នេះ ក្រុមហ៊ុន Century 21 Cambodia មាន​ការិយាល័យ​ចំនួន ២៣ ការិយាល័យ​នៅ​ភ្នំពេញ ដែល​ប្រតិបត្តិការ​ដោយ​ប្រើ​យីហោ Century 21 និង​មាន​សាខា ៣៨ នៅ​ទូទាំង​ប្រទេស​កម្ពុជា (១៤ ខណ្ឌ​នៅ​ភ្នំពេញ និង ២៤ តាម​បណ្តា​ខេត្ត) ជាមួយ​ភ្នាក់ងារ​អចលនទ្រព្យ​សរុប​ជាង ៧០០នាក់។

ក្រុមហ៊ុន​យូណាយ​ធីតហ្វូត​គ្រុប (UFG) ស្ថិត​នៅ​ក្រោម​ការ​គ្រប់គ្រង​និង​ជា​បុត្រ​សម្ព័ន្ធ​របស់ V Trust Group  ថ្មីៗ​នេះ បាន​ទិញ​ franchize ប្រេន​ភីហ្សា​ហាត់​ដែល​ជា​ម៉ាក​ខ្នាត​យក្ស​របស់​សហរដ្ឋ​អាមេរិក។ ភីហ្សា​ហាត់​ជា​បុត្រ​សម្ពន​របស់ Yum! Brands, Inc. (NYSE: YUM) ដែល​មាន​ហាង​ភីហ្សា​ច្រើន​ជាងគេ​នៅ​លើ​ពិភពលោក បង្កើត​ឡើង​នៅ​ឆ្នាំ១៩៥៨ មាន​ប្រតិបត្តិការ​ជាង ១៨ ០០០ ហាង នៅ​ជាង ១០០ ប្រទេស​។

ហាង​ភីហ្សា​ដើម​កំណើត​អាមេរិក​នេះ គ្រោង​បើក​សាខា​ដំបូង​នៅ​រាជធានី​ភ្នំពេញ ដោយ​បោះ​មូលដ្ឋាន​វាយ​លុក​ទីផ្សារ​ដំបូង​នៅ​តំបន់​ទួលទំពូង ដែល​ជា​សង្កាត់​ពេញនិយម​របស់​ជនបរទេស ក៏​ដូចជា​តំបន់​ពាណិជ្ជកម្ម​ដ៏​មមាញឹក ហើយ​គ្រោង​បើក​ពីរ​សាខា​ទៀត​នៅ​ឆ្នាំ​២០២១៕

The post មក​ស្គាល់​ស្ថាបនិក​ហាង​ផាក កាហ្វេ ហាង​អាហារ​​មិន​ប្រើ​ប៊ីចេង​មាន​ប្រវត្តិ​ជាង ២០ ឆ្នាំ​នៅ​ស្រុក​ខ្មែរ appeared first on .