ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា តាមការពិនិត្យជាក់ស្តែង តំបន់សេដ្ឋកិច្ចពិសេស ទាំង ១៣ ដែលកំពុងដំណើរការបច្ចុប្បន្ននៅខេត្តស្វាយរៀង បាននិងកំពុងអភិវឌ្ឍនិងបន្តរីកចម្រើនគួរជាទីកត់សម្គាល់ ជាពិសេស បានដើរតួនាទីជាក្បាលម៉ាស៊ីនក្នុងការស្រូបយកវិនិយោគដ៏មានប្រសិទ្ធភាព និងបង្កើតការងារជូនប្រជាពលរដ្ឋកម្ពុជា។

តំបន់សេដ្ឋកិច្ចពិសេសមួយចំនួន កំពុងមមាញឹកក្នុងការអភិវឌ្ឍហេដ្ឋារចនាសម្ព័ន្ធ និងការសាងសង់រោងចក្រដែលនឹងចាប់ផ្តើមដំណើរការនៅពេលឆាប់ៗខាងមុខ ដោយមានតម្រូវការកម្មករនិយោជិតរាប់ពាន់កន្លែង ជូនបងប្អូនប្រជាពលរដ្ឋ ជាពិសេសចំពោះបងប្អូន ដែលទើបត្រឡប់ពីប្រទេសថៃ។ ជាមួយគ្នានោះ នៅក្នុងតំបន់សេដ្ឋកិច្ចពិសេសថ្មីៗមួយចំនួន ដូចជាក្នុងតំបន់សេដ្ឋកិច្ចពិសេស ហ័រស៊ាង អុិនធេីណេសិនណល់ មានសហគ្រាសវិនិយោគខ្លះ កំពុងធ្វើការផលិតនូវផលិតផលពាក់កណ្តាលសម្រេច និងនាំចេញទៅប្រទេសចិនវិញ ដើម្បីផលិតជាផលិតផលសម្រេច ដែលនេះក៏ជាសញ្ញាណថ្មីមួយបន្ថែមទៀតសម្រាប់វិស័យឧស្សាហកម្មនៅកម្ពុជា។

សមិទ្ធផលដែលក្រុមហ៊ុនអភិវឌ្ឍន៍តំបន់សេដ្ឋកិច្ចពិសេសសម្រេចបាននេះ សបញ្ជាក់អំពីការខិតខំប្រឹងប្រែងរបស់ក្រុមហ៊ុន ជាពិសេស ឆន្ទៈខ្ពស់ និងទំនុកចិត្តមកលើរាជរដ្ឋាភិបាលកម្ពុជា ក្រោមការដឹកនាំដ៏ឈ្លាសវៃប្រកបដោយថាមវ័ន្តរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

The post មន្ត្រីជាន់ខ្ពស់ CDC ចុះពិនិត្យវឌ្ឍនភាពនៃការអភិវឌ្ឍតំបន់សេដ្ឋកិច្ចពិសេស ១៣ទីតាំង នៅខេត្តស្វាយរៀង appeared first on .

នេះបើតាមការឱ្យដឹងពីលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ក្នុងពិធីសម្ពោធបើកឱ្យដំណើរការរោងចក្រកែច្នៃឈើដាំក្នុងស្រុក (ពីដើមអាកាស្យា និងដើមប្រេងខ្យល់) របស់ក្រុមហ៊ុន TNTVN Forestry Co.,Ltd នៅខេត្តព្រះសីហនុ កាលពីថ្ងៃទី៤ ខែធ្នូ ឆ្នាំ២០២៤។

លោក ជា វុទ្ធី បានលើកឡើងថា រោងចក្រ TNTVN Forestry របស់វៀតណាមដែលបើកដំណើរការនេះនឹងមិនត្រឹមតែនាំមកនូវអត្ថប្រយោជន៍សេដ្ឋកិច្ចសម្រាប់កម្ពុជាប៉ុណ្ណោះទេ ប៉ុន្តែថែមទាំងរួមចំណែកដល់ការបង្កើតការងារ និងបណ្តុះបណ្តាលជំនាញសម្រាប់ប្រជាជនកម្ពុជា ព្រមទាំងលើកកម្ពស់ការផ្ទេរបច្ចេកវិទ្យា និងការពង្រឹងសមត្ថភាពឧស្សាហកម្មកម្ពុជាផងដែរ។

លោកក៏បានគូសបញ្ជាក់ថា កំណើននៃការវិនិយោគក្នុងរយៈពេល១១ខែ នៃឆ្នាំ២០២៤ ដែលមានប្រមាណ ៤០% បើប្រៀបធៀបនឹងរយៈពេលដូចគ្នាក្នុងឆ្នាំ២០២៣។ ម្យ៉ាងវិញទៀត ពីខែមករា ដល់ខែវិច្ឆិកា ឆ្នាំ២០២៤ ការវិនិយោគរបស់វៀតណាមជាប់ចំណាត់ថ្នាក់ទី៣ ក្នុងទំហំទុនវិនិយោគប្រមាណ ៥៥៧ លានដុល្លារអាម៉េរិក។

គួរជម្រាបថា គម្រោងវិនិយោគវៀតណាម នៅកម្ពុជា នាពេលបច្ចុប្បន្ននេះ មានចំនួន២០៨គម្រោង ជាមួយនឹងដើមទុនចុះបញ្ជីសរុប ២,៩១ពាន់លានដុល្លារ ខណៈការវិនិយោគរបស់វៀតណាមនៅកម្ពុជាភាគច្រើន គឺផ្តោតលើវិស័យកសិកម្ម ហិរញ្ញវត្ថុ ធនាគារ ធានារ៉ាប់រង និងទូរគមនាគមន៍។នេះយោងតាមការរបាយការណ៍ពីស្ថានទូតវៀតណាមប្រចាំនៅកម្ពុជា។

The post ការវិនិយោគរបស់វៀតណាមជាប់ចំណាត់ថ្នាក់ទី៣ នៅកម្ពុជា ក្នុងទុនវិនិយោគប្រមាណ ៥៥៧ លានដុល្លារ appeared first on .

នេះបើតាមរយៈជំនួបពិភាក្សាការងាររវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយគណៈ ប្រតិភូក្រុមហ៊ុន និងសភាពាណិជ្ជកម្ម មកពីសាធារណរដ្ឋប្រជាមានិតចិន ដឹកនាំដោយលោក ហេង ទី ទីប្រឹក្សាក្រុមហ៊ុន Zhongjian Yongfeng New Energy Resources Technology Co., Ltd កាលពីថ្ងៃទី១១ ខែតុលា ឆ្នាំ២០២៤។

ក្នុងជំនួបនោះ គណៈប្រតិភូដែលមកពីប្រទេសចិន មានក្រុមហ៊ុនចំនួន៦ និង សភាពាណិជ្ជកម្មក្រុង Xinyang ខេត្ត Henan ដែលមានសកម្មភាពវិនិយោគក្នុងវិស័យថាមពល, ឧស្សាហកម្ម, សេវាប្រឹក្សាក្នុងវិស័យវិស្វកម្មសំណង់ និងពាណិជ្ជកម្មអន្តរជាតិ។

នាឱកាសនោះ លោក ជា វុទ្ធី បានស្វាគមន៍ចំពោះគណៈប្រតិភូ ដែលបានចំណាយពេលវេលាដ៏មានតម្លៃមកធ្វើទស្សនកិច្ចសិក្សាដោយផ្ទាល់នៅកម្ពុជា ដើម្បីស្វែងយល់ពី កាលានុវត្តភាពវិនិយោគ និងសក្តានុពលវិនិយោគរបស់កម្ពុជា។

លោកអគ្គលេខាធិការ ក៏បានលើកឡើងពីស្ថានភាពនៃវិស័យថាមពលនេ កម្ពុជា ព្រមទាំងការកើនឡើងនៃតម្រូវការអគ្គិសនី ដែលបណ្តាលមកពីការកើនឡើងនៃគម្រោងវិនិយោគ ក្នុងវិស័យ ឧស្សាហកម្ម។

ទន្ទឹមនឹងនោះ លោក ហេង ទី ប្រធានគណៈប្រតិភូ បានគូសបញ្ជាក់ថា ក្រុមហ៊ុន Zhongjian Yongfeng New Energy Resources Technology Co., Ltd និងក្រុមហ៊ុន China National Energy Group Longyuan Power Overseas Investment Company មានបំណងនឹងចុះអនុស្សារណៈយោគយល់គ្នា ដើម្បីសហការវិនិយោគលើវិស័យថាមពលសូឡា ហើយបានស្នើឱ្យរាជរដ្ឋាភិបាលផ្តល់ការគាំទ្រ និងការលើកទឹកចិត្តដល់ក្រុមហ៊ុន។

លោក ជា វុទ្ធី បានស្វាគមន៍គម្រោងវិនិយោគរបស់ក្រុមហ៊ុន និងបានជម្រាបជូនគណៈប្រតិភូថា រាជរដ្ឋាភិបាលកម្ពុជាគាំទ្រយ៉ាងពេញទំហឹងទៅលើការប្រើប្រាស់ថាមពលស្អាត។

 លើសពីនេះ លោកក៏បានស្នើឱ្យគណៈប្រតិភូពិចារណាលើការវិនិយោគក្នុងវិស័យកសិ- ឧស្សាហកម្ម ដោយកម្ពុជាមានសក្តានុពលខ្ពស់ក្នុងវិស័យកសិកម្ម និងមានដំណាំយុទ្ធសាស្ត្រជាច្រើនរួមមានស្រូវ ដំឡូងមី និងស្វាយចន្ទី ជាដើម ព្រមទាំងពិចារណាលើការវិនិយោគបង្កើតតំបន់សេដ្ឋកិច្ចពិសេសផងដែរ។

សូមបញ្ជាក់ថា ក្នុងរយៈពេលជាង១ទសវត្សរ៍ចុងក្រោយនេះ ការវិនិយោគរបស់ចិនមានកំណើនកំណើនខ្ពស់គួរឱ្យកត់សម្គាល់ ដែលក្នុងឆ្នាំ២០២៣ និង៩ខែដើមឆ្នាំ២០២៤នេះ ប្រទេសចិនជាប្រភពទុនវិនិយោគធំជាងគេទី១នៅកម្ពុជា ហើយក៏មានការកើនឡើងនូវការវិនិយោគរបស់ក្រុមហ៊ុនចិននៅកម្ពុជា ក្នុងឧស្សាហកម្មដែលប្រើបច្ចេកវិទ្យា ទំនើប និងមានតម្លៃបន្ថែមខ្ពស់ ដូចជារោងចក្រផលិតសំបកកង់រថយន្ត រោងចក្រផលិតគ្រឿងសង្ហារឹម និងរោងចក្រផលិតកង់ ជាដើម។(នេះបើតាមការបញ្ជាក់បន្ថែមរបស់លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា)

The post ក្រុមហ៊ុន២ មកពីប្រទេសចិន មានបំណងចុះអនុស្សារណៈ សហការវិនិយោគលើវិស័យថាមពលសូឡា នៅកម្ពុជា appeared first on .

នេះបើតាមរយៈជំនួបពិភាក្សាការងាររវាងលោក ជា វុទ្ធី ជាមួយនិងគណៈប្រតិភូ ក្រុមហ៊ុនវិនិយោគមកពីខេតុ្ត Yunnan ប្រទេសចិន ដឹកនាំដោយលោក លោក Liu Jie អនុប្រធាមន្ទីរពាណិជ្ជកម្មនៃ ខេត្ត Yunnan កាលពីថ្ងៃទី ២៥ ខែកញ្ញា ឆ្នាំ២០២៤។

ក្នុង​ឱកាសនៃជំនួបនោះ លោក ជា វុទ្ធី បានធ្វើការកត់សម្គាល់ពីកំណើនខ្ពស់នៃការវិនិយោគរបស់ចិននៅកម្ពុជាក្នុងរយៈពេលប៉ុន្មានទសវត្សរ៍ចុងក្រោយនេះ។ លោកក៏បានវាយតម្លៃខ្ពស់ចំពោះដំណើរទស្សនកិច្ចរបស់ គណៈប្រតិភូនាពេលនេះដែលជាផ្នែកមួយនៃកិច្ចសហប្រតិបត្តិការមេគង្គ-ឡាងឆាង ដើម្បីជំរុញការវិនិយោគ និងពាណិជ្ជកម្មរវាងប្រទេសទាំងពីរ កម្ពុជា-ចិន។

ម្យ៉ាងវិញទៀត ក៏ជាការផ្តើមចេញពីក្របខណ្ឌនៃកិច្ចសហប្រតិបត្តិការនៃភាពជាដៃគូយុទ្ធសាស្ត្រគ្រប់ជ្រុងជ្រោយ និងកិច្ចសហប្រតិបត្តិការ ត្បូងពេជ្រ រដ្ឋាភិបាលនៃប្រទេសទាំងពីរ កម្ពុជា-ចិន ក៏បានសម្រេចបង្កើតនូវ “ច្រករបៀងឧស្សាហកម្ម និង បច្ចេកវិទ្យា” និង “ច្រករបៀងមច្ឆា និងអង្គរ” ដើម្បីជំរុញបន្ថែមការអភិវឌ្ឍសង្គម-សេដ្ឋកិច្ចផងដែរ។

ជាមួយគ្នានេះ លោកក៏បានលើកឡើងពីស្ថានភាពវិនិយោគ ច្បាប់ និងបទបញ្ញត្តិពាក់ព័ន្ធ នឹងការវិនិយោគរបស់កម្ពុជា ដែលមានភាពបើកចំហ តម្លាភាព និងភាពអាច់ប៉ាន់ប្រមាណទុកជាមុនបាន រួម ជាមួយនឹងកញ្ចប់លើកទឹកឆ្លាតវៃ។

ឆ្លៀតនៅក្នុង​ឱកាសនេះ លោក ជា វុទ្ធី ក៏បានជំរុញលើកទឹកចិត្តឱ្យក្រុមហ៊ុនគិតគូរពីការវិនិយោគកែច្នៃកសិផលកម្ពុជាសម្រាប់ផ្គត់ផ្គង់ដល់ទីផ្សារក្នុងស្រុក និងសម្រាប់នាំចេញ តាមរយៈការប្រើប្រាស់បច្ចេកវិទ្យាទំនើប និងមានតម្លៃបន្ថែមខ្ពស់។

ជាការឆ្លើយតប លោក Liu Jie បានបង្ហាញជំនឿជឿជាក់ថា បន្ទាប់ពីបានស្តាប់ប្រសាសន៍របស់លោកអគ្គលេខាធិការ គណៈប្រតិភូនឹងមានមូលដ្ឋានគ្រប់គ្រាន់សម្រាប់ធ្វើការសម្រេចចិត្តវិនិយោគនៅកម្ពុជា ទៅតាមវិស័យរៀងៗខ្លួន។

លោកបានបន្ថែមទៀតថា ទស្សនកិច្ចមកកម្ពុជាលើកនេះ ក៏មានបំណងចូលរួមផ្សព្វផ្សាយ និងទាក់ទាញវិនិយោគិនចិនមកកម្ពុជា ពិសេស ការវិនិយោគមកពីខេត្ត Yunnan ។

សូមបញ្ជាក់ថា គណៈប្រតិភូក្រុមហ៊ុនមកពីខេត្ត Yunnan ទាំងនោះ មានសកម្មភាពវិនិយោគក្នុងវិស័យ ថាមពល, បច្ចេកវិទ្យាឌីជីថល, ពាណិជ្ជកម្មអេឡិចត្រូនិក, កសិកម្ម និងកសិ ឧស្សាហកម្ម, ផលិតកម្មម្ហូបអាហារ និងការផ្តល់សេវាប្រឹក្សាពាក់ព័ន្ធនឹងការវិនិយោគ៕

The post លោក ជា វុទ្ធី ជំរុញឱ្យក្រុមហ៊ុនចិន វិនិយោគកែច្នៃកសិផលកម្ពុជា សម្រាប់ផ្គត់ផ្គង់ទីផ្សារក្នុងស្រុក និងនាំចេញ តាមរយៈការប្រើប្រាស់បច្ចេកវិទ្យាទំនើប appeared first on .

នេះបើតាមការលើកឡើងរបស់លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ក្នុងពិធីសម្ពោធដាក់ឱ្យដំណើរការជាផ្លូវការចក្រផលិតសំបកកង់យានយន្តរបស់ក្រុមហ៊ុន Newbustar (Cambodia) Tire Co., Ltd. ដែលមានទីតាំងស្ថិតនៅក្នុងតំបន់សេដ្ឋកិច្ច ពិសេស យូ ប៊ី អ៊ុ ស្នួល នៅខេត្តក្រចេះ កាលពីថ្ងៃទី៦ ខែកញ្ញា ឆ្នាំ២០២៤។

នាឱកាសនោះ លោក ជា វុទ្ធី បានថ្លែងថា ការបង្កើតឱ្យមានកម្មវិធីអភិវឌ្ឍន៍តំបន់សេដ្ឋកិច្ចពិសេសនៅកម្ពុជា តាំងពីឆ្នាំ២០០៦ ដើម្បីធ្វើពិពិធកម្មឧស្សាហកម្មកម្ពុជា ដែលពេលនោះពឹងផ្អែកលើខុស្សាហកម្មអតិពលកម្ម ភាគច្រើនផ្តោតលើវិស័យ កាត់ដេរសម្លៀកបំពាក់និងស្បែកជើង សំដៅចាប់យកឧស្សាហកម្មដែលមានតម្លៃបន្ថែមខ្ពស់ និងប្រើប្រាស់បច្ចេក វិទ្យាទំនើប។

លោកបន្តថា ជាលទ្ធផលនៃគំនិតផ្តួចផ្តើមនេះ និងក្រោមម្លប់សុខសន្តិភាព ស្ថិរភាពនយោបាយ បច្ចុប្បន្ននៅក្នុងប្រទេសកម្ពុជា តំបន់សេដ្ឋកិច្ចពិសេសដែលកំពុងដំណើរការមានចំនួន ២៦តំបន់ ដោយបានស្រូប យកគម្រោងវិនិយោគប្រមាណ ៧៧៥គម្រោង ក្នុងទំហំទុនវិនិយោគប្រមាណ ១០ពាន់លានដុល្លារអាមេរិក និង បានផ្តល់ការងារជូនបងប្អូនកម្មករនិយោជិតប្រមាណ ១៨ម៉ឺនកន្លែង។

សូមបញ្ជាក់ថា បើតាមក្រុមប្រឹក្សាអភិវឌ្ឍន៍កម្ពុជា តំបន់សេដ្ឋកិច្ចពិសេស គឺជាតំបន់ស្ថិតនៅទីតាំងប្រកបដោយយុទ្ធសាស្ត្រ សក្ដានុពល មានហេដ្ឋារចនាសម្ព័ន្ធគាំទ្រ ត្រៀមរួចជាស្រេច ដែលផ្ដល់ភាពងាយស្រួលដល់គ្រប់សកម្មភាពវិនិយោគ។ ក្នុងរយៈកាលជិត ២០ ឆ្នាំកន្លងមកនេះ តំបន់សេដ្ឋកិច្ចពិសេស បានរួមចំណែកសំខាន់ក្នុងការធ្វើពិពិធកម្មឧស្សាហកម្ម និងប្រភពទុនវិនិយោគនៅកម្ពុជា។

ជាក់ស្ដែងបច្ចុប្បន្ននេះ មានឧស្សាហកម្មគ្រឿងសង្ហារិម ឈើ Veneer និងផលិតផលធ្វើពីឈើ ឧស្សាហកម្មយានយន្តនិងគ្រឿងអេឡិចត្រូនិក និងឧស្សាហកម្មធុនធ្ងន់ គឺរោងចក្រផលិតសំបកកង់យានយន្ត មានទីតាំងនៅក្នុងតំបន់សេដ្ឋកិច្ចពិសេស។ ជាមួយគ្នានេះ ការនាំចេញផលិតផលពីតំបន់សេដ្ឋកិច្ចពិសេសទៅកាន់ទីផ្សារអន្ដរជាតិមានការកើនឡើងគួរឱ្យកត់សម្គាល់។

រយៈពេល១ឆ្នាំ នៃរាជរដ្ឋាភិបាល នីតិកាលទី៧ CDC បានអនុម័តគម្រោងសរុប ៣៩១គម្រោង ដែលមានទុនវិនិយោគជាង ៧.៥ពាន់លានដុល្លារ និងអាចបង្កើតការងារបានប្រមាណ ៣៤១ពាន់កន្លែង។

ក្នុងចំណោមគម្រោងវិនិយោគសរុប គម្រោងវិនិយោគ ដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ២៦១គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ១៣០គម្រោង៕

The post កម្ពុជាមានគម្រោងវិនិយោគជិត៣០០គម្រោង ស្ថិតក្នុងតំបន់សេដ្ឋកិច្ចពិសេស ក្រោមទុន១០ពាន់លានដុល្លារ appeared first on .

ការលើកឡើងបែបនេះរបស់លោក ជា វុទ្ធី នៅក្នុងពិធីបើកកម្មវិធីពិព័រណ៍ធុរកិច្ចសិង្ហបុរី ២០២៤ ដែលរៀបចំដោយវេទិកាធុរកិច្ចវិនិយោគសិង្ហបុរី នៅថ្ងៃទី១៦ ខែសីហា ឆ្នាំ២០២៤ នៅផ្សារទំនើបអូឡាំព្យា រាជធានីភ្នំពេញ។

នៅក្នុងឱកាសនោះ លោក ជា វុទ្ធី ក៏បានរៀបរាប់ដោយសង្ខេបអំពីស្ថានភាពអភិវឌ្ឍន៍ តំបន់សេដ្ឋកិច្ចពិសេសនៅកម្ពុជាទៅដល់បណ្តាវិនិយោគិន និងធុរជនជាង១០០នាក់ថា បច្ចុប្បន្នកម្ពុជាមានតំបន់សេដ្ឋកិច្ចពិសេសចំនួន២៦ដែលកំពុងដំណើរ ដោយបានស្រូបទាញគម្រោងវិនិយោគប្រមាណជាង ៧០០ ក្នុងទំហំទុនវិនិយោគសរុបប្រមាណជាង ២៨ប៊ីលាន ដុល្លារអាម៉េរិក និងបង្កើតការងារបានជាង ១៨០ពាន់កន្លែង។

បើតាមក្រុមប្រឹក្សាអភិវឌ្ឍន៍កម្ពុជា បានឱ្យដឹងថា តំបន់សេដ្ឋកិច្ចពិសេសទាំង ២៦ កន្លែងដែលកំពុងដំណើរការនៅកម្ពុជារួមមាន រាជធានីភ្នំពេញ និងខេត្តកណ្តាល ០៥ កន្លែង, ខេត្តស្វាយរៀង ០៩ កន្លែង, ខេត្តព្រះសីហនុ ០៥ កន្លែង,ខេត្តបន្ទាយមានជ័យ ៣ កន្លែង, ខេត្តកោះកុង ០១ កន្លែង, ខេត្តកំពត ០១ កន្លែង, , ខេត្តក្រចេះ ០១ កន្លែង, ខេត្តកំពង់ចាម ០១ កន្លែង។

សូមជម្រាបជូនថា គិតចាប់ពីខែមករា រហូតដល់ខែមិថុនា ឆ្នាំ២០២៤ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មី, គម្រោងពង្រីកផលិតកម្ម, និងគម្រោងវិនិយោគបង្កើតតំបន់សេដ្ឋកិច្ចពិសេសសរុបចំនួន ១៩០គម្រោង ដែលមានទុនប្រមាណ ៣,២ពាន់លានដុល្លារ និងអាចបង្កើតការងារបានចំនួន ១៦៨.៥៧២កន្លែង។

ដោយឡែក ក្នុងខែកក្កដានេះ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មីចំនួន ៤១គម្រោង និងគម្រោងពង្រីកផលិតកម្មចំនួន ៣គម្រោង ដែលមានទុនវិនិយោគសរុបប្រមាណជាង ៣៩៦លានដុល្លារ និងអាចបង្កើតការងារបានប្រមាណ ២៥ពាន់កន្លែង។ក្នុងចំណោមគម្រោងវិនិយោគសរុប គម្រោងវិនិយោគដែលមាន ទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ៣១គម្រោង និងគម្រោងវិនិយោគដែលមានទីតាំងស្ថិត នៅក្នុងតំបន់សេដ្ឋកិច្ចពិសេសមានចំនួន ១៣គម្រោង៕

The post លោក ជា វុទ្ធី៖ បច្ចុប្បន្នកម្ពុជាមានតំបន់សេដ្ឋកិច្ចពិសេស២៦កំពុងដំណើរការ ក្នុងទំហំទុនវិនិយោគរង្វង់ ២៨ប៊ីលានដុល្លារ appeared first on .

ទាក់ទងនឹងគោលបំណងចង់បណ្តាក់ទុននៅកម្ពុជានេះ លោក WAN YANHU ប្រធានក្រុមហ៊ុន DOMI Biotechnology Co., Ltd. និងគណៈប្រតិភូ កាលពីថ្ងៃទី១២ខែសីហា បានអញ្ជើញមកជួបពិភាក្សាជាមួយលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជាដើម្បីសុំការគាំទ្រនិងការណែនាំពីស្ថាប័នជំនាញរបស់កម្ពុជា។

ក្នុងជំនួបនេះ លោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា បានជម្រាបគណៈប្រតិភូអំពីរចនាសម្ព័ន្ធនិងតួនាទីភារកិច្ចរបស់ក្រុមប្រឹក្សាអភិវឌ្ឍន៍កម្ពុជា ពិសេសផ្តោតលើការជំរុញទាក់ទាញការវិនិយោគឯកជន ដែលមានគណៈ កម្មាធិការវិនិយោគកម្ពុជា ជាសេនាធិការ។បច្ចុប្បន្នកម្ពុជាមានច្បាប់ស្តីពីវិនិយោគប្រកបដោយភាពបើកចំហ មានតម្លាភាព និងអាចប៉ាន់ប្រមាណទុកជាមុនបាន។

លោក WAN YANHU បានជម្រាបថា ក្រុមហ៊ុន DOMI Biotechnology Co., Ltd. ជាក្រុមហ៊ុនចិនវិនិយោគកែច្នៃផ្លែឈើស្រស់ ពិសេស ផ្លែដូង និងទុរេន ដែលមានទីតាំងវិនិយោគនៅប្រទេសថៃ។ ភាគច្រើននៃផលិតផលរបស់ក្រុមហ៊ុន ត្រូវបាននាំចេញទៅប្រទេសចិន សហរដ្ឋអាមេរិក អូស្ត្រាលី មជ្ឈិមបូព៌ា និងអ៊ីតាលី។ គោលបំណងនៃដំណើរទស្សនកិច្ច នៅកម្ពុជានៅពេលនេះគឺដើម្បីស្វែងរកឱកាសវិនិយោគបង្កើតរោងចក្រកែច្នៃផ្លែឈើស្រស់ ពិសេស ផ្លែដូង ដូច នៅប្រទេសថៃដែរ។

ជាការឆ្លើយតប លោកអគ្គលេខាធិការបានសម្តែងនូវការស្វាគមន៍ចំពោះគម្រោងវិនិយោគបង្កើត រោងចក្រកែច្នៃផ្លែឈើស្រស់ ពិសេស ផ្លែដូង និងបានជំរុញលើកទឹកចិត្តឱ្យក្រុមហ៊ុនខិតខំធ្វើការកែច្នៃឱ្យអស់លទ្ធភាពនៅពេលបើកដំណើរការរោងចក្រ ដើម្បីចូលរួមចំណែកលើកកម្ពស់តម្លៃបន្ថែមក្នុងស្រុក។ ថ្នាក់ដឹកនាំនិងមន្ត្រីទាំងអស់របស់គណៈកម្មាធិការវិនិយោគកម្ពុជា រង់ចាំដោយក្តីរីករាយក្នុងផ្តល់កិច្ចសម្រួ សម្រួលគ្រប់ បែបយ៉ាងជូនក្រុមហ៊ុននៅពេលក្រុមហ៊ុនសម្រេចចិត្តវិនិយោគនៅកម្ពុជា៕

The post ក្រុមហ៊ុនយក្សរបស់ចិន មានបំណងវិនិយោគបង្កើតរោងចក្រកែច្នៃផ្លែឈើស្រស់សម្រាប់នាំចេញ appeared first on .

នេះបើតាមរយៈជំនួបពិភាក្សាការងាររវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយលោក ជាង ស៊ីអាន អនុប្រធានសភាពាណិជ្ជកម្មចិនសម្រាប់ការនាំចូល និងនាំចេញវាយនភណ្ឌ (China Chamber of Commerce for Import & Export of Textiles-CCCT) រួមទាំងគណៈប្រតិក្រុមហ៊ុនចិនចំនួន៤០ទៀត នៅថ្ងៃទី២២ កក្កដា ២០២៤។

នៅក្នុងជំនួបនោះ លោក ជា វុទ្ធី បានស្វាគមន៍យ៉ាងកក់ក្តៅចំពោះវត្តមានរបស់គណៈប្រតិភូក្នុងដំណើរទស្សនកិច្ចសិក្សាស្វែងយល់ពីបរិយាកាស និងកាលានុវត្តភាពវិនិយោគនៅកម្ពុជា។ នេះជាលើកទី២ ក្នុងរយៈពេលបីខែដែលលោកបានទទួលជួបគណៈប្រតិភូវិនិយោគដឹកនាំដោយ CCCT ដែលនេះបង្ហាញពីឆន្ទះដ៏មោះមុតក្នុងការស្វែងរក ការបណ្តាក់ទុនវិនិយោគនៅកម្ពុជាយ៉ាងពិតប្រាកដ។

លោកបន្តថា រំហូរវិនិយោគចិនមកកម្ពុជា និងទំហំពាណិជ្ជកម្មរវាងប្រទេសទាំងពីរដែលមានកំណើនខ្ពស់ជារៀងរាល់ឆ្នាំក្នុងរយៈពេលមួយ ទសវត្សរ៍ចុងក្រោយ ហើយក្នុងរយៈពេល៦ខែដើមឆ្នាំ២០២៤ ការវិនិយោគចិនជាប់ចំណាត់ថ្នាក់លេខ១ បើ ប្រៀបធៀបនឹងការវិនិយោគបរទេសផ្សេងទៀត ដែលការណ៍នេះគឺដោយសារកត្តាសុខសន្តិភាព ស្ថិរភាព នយោបាយ និងភាពអំណោយផលនៃច្បាប់ និងបទប្បញ្ញត្តិពាក់ព័ន្ធនឹងការវិនិយោគរបស់កម្ពុជា។

ជាមួយគ្នានេះ ក៏បានគូសបញ្ជាក់ថា បច្ចុប្បន្នកម្ពុជាមានតំបន់សេដ្ឋកិច្ចពិសេស ចំនួន ៤៤ ដែលក្នុងនោះតំបន់សេដ្ឋកិច្ចពិសេសដែលកំពុងដំណើរការមាន ២៨។ កម្ពុជាក៏មានរោងចក្រផលិត សំបកកង់រថយន្ត រោងចក្រផលិតកង់ រោងចក្រផលិតសម្ភារៈបរិក្ខាអេឡិចត្រូនិក គ្រឿងសង្ហារឹម…។ល។ដែលខុស្សាហកម្មទាំងនេះមានការវិនិយោគជាចង្កោម។

ទន្ទឹមនឹងនោះ ដោយយោងលើស្ថានភាពនៃការវិនិយោគនៅកម្ពុជាដែលភាគច្រើននាំចូល វត្ថុធាតុដើម ឬផលិតផលពាក់កណ្តាលសម្រេចដើម្បីផលិតជាផលិតផលផ្សេងៗនាំចេញទៅទីផ្សារបរទេស លោក ជា វុទ្ធី ក៏បានជំរុញលើកទឹកចិត្តឱ្យក្រុមហ៊ុនធ្វើការគិតគួរវិនិយោគបង្កើតតំបន់ឧស្សាហកម្មនៅកម្ពុជា ដែលមានខ្សែច្រវាក់ផលតិកម្មពីលើដល់ក្រោម (upstream to downstream) ដើម្បីធ្វើជាមូលដ្ឋានផលិត សម្រាប់ទីផ្សារក្នុងស្រុក, ទីផ្សារក្នុងតំបន់ និងទីផ្សារពិភពលោក ព្រមទាំងបានលើកទឹកចិត្តដល់ក្រុមហ៊ុនក្នុងការការពារបរិស្ថាន តាមរយៈការប្រើប្រាស់ថាមពលស្អាត។

នាឱកាសនោះ លោក ជាង ស៊ីអាន ប្រធានគណៈប្រតិភូ បានបង្ហាញនូវការកត់សម្គាល់អំពីភាពរីកចម្រើនឥតឈប់ឈររបស់កម្ពុជា និងបានស្នើឱ្យសមាជិក គណៈប្រតិភូធ្វើឧទ្ទេសនាមអំពីសកម្មភាពវិនិយោតរបស់ខ្លួន និងគោលបំណងនៃការអញ្ជើញមកកម្ពុជា ក៏ដូចជាលើកឡើងនូវសំណួរពាក់ព័ន្ធនឹងការវិនិយោគនៅកម្ពុជា ដែលជារួមក្រុមហ៊ុនទាំងអស់មានបំណងពង្រីកការ វិនិយោគមកកម្ពុជា។

លោកក៏បានបង្ហាជំនឿជឿជាក់យ៉ាងមុតមាំថា បន្ទាប់ពីជំនួបពិភាក្សាការងារនេះ សមាជិកគណៈប្រតិភូនឹងធ្វើការសម្រេចចិត្តបណ្តាក់ទុន វិនិយោគនៅកម្ពុជាជាក់ជាពុំខាន៕

The post គណៈប្រតិភូក្រុមហ៊ុនចិន៤០ បានស្វែងរកឱកាសវិនិយោគនៅកម្ពុជា appeared first on .

នេះបើតាមជំនួបរវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយលោក ជូ ចាងជីន ប្រធានក្រុមហ៊ុន ចេជាង អេសអ៊ីហ្សេត រួមនឹងប្រតិភូចិនផ្សេងទៀតប្រមាណ១១ក្រុមហ៊ុន ក្នុងជំនួបពិភាក្សាការងារ នាថ្ងៃទី២១ ខែមិថុនា ឆ្នាំ២០២៤។

ក្នុងជំនួបនោះ លោក ជា វុទ្ធី បានវាយតម្លៃខ្ពស់ចំពោះលោក ជូ ចាងជីន ដែលបានចូលរួមអភិវឌ្ឍន៍សង្គម-សេដ្ឋកិច្ចកម្ពុជា តាមរយៈការបង្កើតតំបន់សេដ្ឋកិច្ចពិសេសចំនួនពីរនៅកម្ពុជា គឺ ទី១-តំបន់ សេដ្ឋកិច្ចពិសេស ខេមបូឌាន ចេជាង ហ្គ័រជី នៅស្រុកព្រៃនប់ ខេត្តព្រះសីហនុ នៅឆ្នាំ២០១៨ និងទី២-តំបន់ សេដ្ឋកិច្ចពិសេស កោះកុង ចេជាង នៅស្រុកស្រែអំបិល ខេត្តកោះកុង ដែលទើបទទួលបានគោលការណ៍អនុញ្ញាតពីក្រុមប្រឹក្សាអភិវឌ្ឍន៍កម្ពុជា កាលពីខែឧសភា ឆ្នាំ២០២៤ថ្មីៗនេះ។

លោក ជូ ចាងជីន បានលើកឡើងថា តំបន់សេដ្ឋកិច្ចពិសេស ខេមបូឌាន ចេជាង ហ្គ័រជី នៅស្រុកព្រៃនប់ ខេត្តព្រះសីហនុ បច្ចុប្បន្នមានការបណ្តាក់ទុនវិនិយោគពេញក្នុងតំបន់ រីឯតំបន់សេដ្ឋកិច្ចពិសេស កោះកុង ចេជាង នៅស្រុកស្រែអំបិល ខេត្តកោះកុង បច្ចុប្បន្នមានការបណ្តាក់ទុនវិនិយោគ ចំនួន ២៨ក្រុមហ៊ុន ខណៈលោកសន្យាថានឹងបន្តទាក់ទាញក្រុមហ៊ុនវិនិយោគផ្សេងឱ្យមកបណ្តាក់ទុនក្នុងតំបន់នេះឱ្យបាន ១០០ក្រុមហ៊ុន នៅក្នុងឆ្នាំ២០២៤នេះ។

លើសពីនេះ ក្រុមហ៊ុននឹងចាប់ផ្តើមសាងសង់មជ្ឈមណ្ឌលបណ្តុះបណ្តាលផ្នែកភាសា និងផ្នែកជំនាញបច្ចេកទេស នៅពេល ឆាប់ៗខាងមុខនេះផងដែរ ដើម្បីចូលរួមចំណែកជាមួយរាជរដ្ឋាភិបាលក្នុងការអភិវឌ្ឍធនធានមនុស្ស។

លោក ជូ ចាងជីន ក៏បានលើកឡើងពីការអភិវឌ្ឍន៍ឧស្សាហកម្មដែលទាមទារឱ្យមាននិរន្តរភាពនៃការផ្គត់ផ្គង់អគ្គិសនី, ប្រព័ន្ធដីក ជញ្ជូនដែលមានភាពអំណោយផល និងការទាក់ទាញឱ្យបានច្រើនថែមទៀតនូវឧស្សាហកម្មគាំទ្រដែលនឹង ជួយធានាដល់ខ្សែច្រវ៉ាក់ផ្គត់ផ្គត់។

សូមជម្រាបជូនថា ក្នុងខែឧសភា ឆ្នាំ២០២៤កន្លងទៅនេះ កម្ពុជាទទួលបានគម្រោងវិនិយោគចំនួន ២៤គម្រោង ក្នុងទុនជាង ២៤៦លានដុល្លារ និងអាចបង្កើតការងារបានប្រមាណ ១៥ពាន់កន្លែង។ក្នុងនោះ ការវិនិយោគពីប្រទេសចិន ស្ថិតនៅលំដាប់លេខរៀងទី ១ រួមចំណែកជិត ៥០% នៃទុនវិនិយោគសរុប ខណៈការវិនិយោគក្នុងស្រុកគ្របដណ្តប់ប្រមាណជិត ៣១% ៕

The post គណៈប្រតិភូចិន នឹងទាក់ទាញក្រុមហ៊ុនវិនិយោគ ១០០ក្រុមហ៊ុន មកបណ្តាក់ទុននៅកម្ពុជា ក្នុងឆ្នាំ២០២៤ appeared first on .

នេះបើតាមរយៈជំនួនពិភាក្សាការងាររវាងលោក ជា វុទ្ធី អគ្គលេខាធិការគណៈកម្មាធិការវិនិយោគកម្ពុជា ជាមួយលោក Kow Juan Tiang នាយកប្រតិបត្តិរបស់សហគ្រាសសិង្ហបុរី (Enterprise Singapore – ESG) នៅថ្ងៃទី១៨ ខែមិថុនា ឆ្នាំ២០២៤ ក្នុងឱកាសលោក ជា វុទ្ធី អមដំណើរសម្តេចធិបតី ហ៊ុន ម៉ាណែត មកកាន់សិង្ហបុរី។

នៅក្នុងជំនួបនោះ លោក ជា វុទ្ធី បានបញ្ជាក់ជូនភាគីមិត្តពីលទ្ធភាពធ្វើការរួមគ្នាជាមួយ ESG ដើម្បីជំរុញកិច្ចសហប្រតិបត្តិការវិនិយោគ សំដៅបញ្ជ្រាបការយល់ដឹងពីកាលានុវត្តភាព និងសក្ដានុពលវិនិយោគលើវិស័យអាទិភាពរបស់កម្ពុជា ដែលមានជាអាទិ៍ រួមមាន វិស័យយានយន្ដ និងអេឡិចត្រូនិច, ឡូជីស្ទីក, និងការកែច្នៃផលិតផលកសិកម្មសម្រាប់ទីផ្សារក្នុងស្រុក និងបម្រើការនាំចេញ រាប់បញ្ចូលទាំងការកែច្នៃកៅស៊ូ ស្វាយចន្ទី និងដំឡូងមី ។ល។

ជាការឆ្លើយតប ភាគីមិត្តបានគូសបញ្ជាក់ពីកិច្ចខិតខំប្រឹងប្រែងរបស់ ESG ក្នុងការពង្រីកមូលដ្ឋានវិនិយោគរបស់ក្រុមហ៊ុនសិង្ហបុរីលើការដ្ឋានចាស់ក្នុងគោលនយោបាយថ្មី ដែលកម្ពុជាគឺជាផ្នែកមួយសម្រាប់ក្រុមហ៊ុនសិង្ហបុរីដាក់ការផ្តោតដោយយកចិត្តទុកដាក់ខ្ពស់បំផុត។

ជាមួយគ្នានេះ ភាគីមិត្តក៏បានសង្កត់ធ្ងន់លើការបន្តរួមគ្នាពង្រឹងកិច្ចសហប្រតិបត្តិការវិនិយោគ សំដៅជំរុញឱ្យក្រុមហ៊ុនរបស់ខ្លួនឱ្យសម្លឹងមើលលទ្ធភាពក្នុងការបណ្ដាក់ទុនវិនិយោគនៅកម្ពុជា ក្នុងការកែច្នៃផលិតផលកសិកម្ម, កសិ-ចំណីអាហារ, និងការសាងសង់ហេដ្ឋារចនាសម្ព័ន្ធ ជាដើម។

សូមបញ្ជាក់ថា សហគ្រាសសិង្ហបុរី (Enterprise Singapore – ESG) ជាស្ថាប័នរដ្ឋទទួលបន្ទុកកិច្ចអភិវឌ្ឍន៍សហគ្រាស ដើម្បីពង្រឹងនិងពង្រីកកិច្ចសហប្រតិបត្តិការជំរុញវិនិយោគទ្វេទិសរវាងកម្ពុជា និងសិង្ហបុរី៕

The post កម្ពុជា-ESG រួមគ្នា ជំរុញកិច្ចសហប្រតិបត្តិការវិនិយោគលើវិស័យអាទិភាពមួយចំនួននៅកម្ពុជា appeared first on .