លោក ឌួង ឆាយ បានបង្ហោះរូបភាពជាមួយអ្នកម្តាយ និងក្រុមគ្រួសារ ជាមួយនឹងរថយន្តថ្មីខ្នាតធំលក្ខណៈគ្រួសារម៉ាក Denza ព្រមទាំងភ្ជាប់ជាមួយនឹងសារបែបនេះថា៖ “Surprise កាដូរថយន្តជូនអ្នកម្តាយព្រះរស់ដ៏មានគុណបានសម្រេច។ សង្ឃឹមអ្នកម្តាយនឹងរស់នៅមានសេចក្តីសុខ និងពិធីក្រុងពាលីសង្កត់គ្រឹះ ធ្វើភូមិគ្រឹះជូនអ្នកម្តាយនៅឆ្នាំក្រោយពេលដល់ពេលវេលាហុងស៊ុយ”។

សូមជម្រាបថា អ្នកឧកញ៉ា ខុង លីស៊ីអាណា ម្តាយរបស់លោក ឌួង ឆាយ គឺជាម្ចាស់ក្រុមហ៊ុន ឌីអិនជី គ្រុប (D N G Group) ដែលជាប្រភេទអាជីវកម្មសំណង់ (សាងសង់អគារ)។ លោកស្រីឧកញ៉ា ត្រូវបានព្រះមហាក្សត្រ ប្រោសព្រះរាជទានត្រាស់បង្គាប់ផ្តល់គោរមងារជា «អ្នកឧកញ៉ា» នៅថ្ងៃទី២៤ ខែមិថុនា ឆ្នាំ២០២៤ តាមសេចក្តីក្រាបបង្គំទូលថ្វាយរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា៕

The post លោក ឌួង ឆាយ ទិញរថយន្តទំនើបមួយគ្រឿង ជូនកាដូ Surprise ដល់អ្នកម្តាយ appeared first on .

កាលថ្ងៃទី២៦ ខែមីនា ឆ្នាំ២០២៥ អាជ្ញាសាលានៃសាលាដំបូងរាជធានីភ្នំពេញ បានចេញលិខិតបង្គាប់ឱ្យឈ្មោះ ឌួង ឧត្តមឆវិន ហៅ ឌួង ឆាយ ភេទប្រុស សញ្ជាតិខ្មែរ ត្រូវធ្វើការអនុវត្តដោយស្ម័គ្រចិត្តដោយប្រគល់កូនស្រីឈ្មោះ ឌួង រាជនីគុជ ភេទស្រី កើតថ្ងៃទី២៦ ខែកក្កដា ឆ្នាំ២០១៩ ឱ្យទៅឈ្មោះ ដេត ម៉ាលីណា ភេទស្រី សញ្ជាតិខ្មែរ ដែលត្រូវជាម្តាយ និងជាម្ចាស់បំណុលនៃការអនុវត្ត ឬប្រគល់ឱ្យមក អាជ្ញាសាលានៃសាលាដំបូងរាជធានីភ្នំពេញ តាមអំណាចនៃដីកាសម្រេច ចុះថ្ងៃទី០៧ ខែមិថុនា ឆ្នាំ២០២៤ របស់សាលាឧទ្ធរណ៍ភ្នំពេញ ឱ្យបានឆាប់រហ័សក្នុងរយៈពេល៧ (ប្រាំពីរ) ថ្ងៃ គិតចាប់ពីថ្ងៃជូនដំណឹងនេះ រហូតដល់ថ្ងៃទី២ ខែមេសា ឆ្នាំ២០២៥ វេលាម៉ោង ដប់ប្រាំពីរ និងសូន្យនាទី ជាកំហិត។

យ៉ាងណាក្តី តាមសេចក្តីជូនដំណឹងស្តីពីលទ្ធផលនៃការអនុវត្តរបស់អាជ្ញាសាលានៃសាលាដំបូងរាជធានីភ្នំពេញ កាលពីថ្ងៃទី២ ខែមសា ឆ្នាំ២០២៥ ម្សិលមិញនេះ បានឱ្យដឹងថា លោក ឌួង ឆាយ បានស្ម័គ្រចិត្តប្រគល់កូនស្រីឈ្មោះ ឌួង រាជនីគុជ ឱ្យទៅឈ្មោះ ដេត ម៉ាលីណា ដែលជាម្តាយ បន្ទប់អាជ្ញាសាលានៃសាលាដំបូងរាជធានីភ្នំពេញ នៅថ្ងៃទី២ ខែមេសា ឆ្នាំ២០២៥ វេលាម៉ោងប្រមាណ ១៦:៤៥ នាទី (ពេលកំណត់ម៉ោង ១៧:០០ នាទី)។

ក្រោយប្រគល់កូនស្រីឱ្យទៅអតីតភរិយារួច លោក ឌួង ឆាយ បញ្ជាក់លើបណ្តាញសង្គមហ្វេសប៊ុក យ៉ាងច្បាស់បន្ថែមទៀតថា៖ “ខ្ញុំស្ម័គ្រចិត្តឱ្យកូនស្រីទៅនៅជាមួយម្តាយគេ សង្ឃឹមថាកូនៗខ្ញុំនឹងមានភាពកក់ក្តៅគ្រប់គ្រាន់ និងមានអនាគតល្អជាងពេលរស់នៅជាមួយខ្ញុំ។ ពុកគឺនៅទីនេះចាំការពារមើលថែកូនៗជានិច្ច។ ពុកនឹងចាំជូនកូនៗដើរលេងជារៀងរាល់ចុងសប្តាហ៍ថ្ងៃសៅរ៍ និងអាទិត្យ”។

សូមជម្រាបថា លោក ឌួង ឆាយ គឺជាអគ្គនាយកក្រុមហ៊ុន បុរី ដោនថោន នៅលេីផ្លូវ ដួង ងៀប ក្នុងរាជធានីភ្នំពេញ ជាអ្នកជំនួញល្បីឈ្មោះមួយរូបនៅកម្ពុជា។ លោកធ្លាប់បានទទួលគោរមងារជាឧកញ៉ា នៅថ្ងៃទី០៧ ខែមិថុនា ឆ្នាំ២០១៩ ប៉ុន្តែត្រូវបានអតីតប្រមុខរដ្ឋស្តីទី សម្តេចវិបុលសេនាភក្តី សាយ ឈុំ ចេញព្រះរាជក្រឹត្យបញ្ចប់គោរមងារ «ឧកញ៉ា» វិញ នៅថ្ងៃទី១៨ ខែមីនា ឆ្នាំ២០២១ ក្រោយមានរឿងអាស្រូវជាមួយអតីតភរិយា៕

The post អតីតឧកញ៉ា ឌួង ឆាយ ព្រមប្រគល់កូនស្រីឱ្យទៅអតីតភរិយា មុនពេលកំណត់របស់តុលាការ ១៥នាទី appeared first on .