ការថ្លែងបែបនេះ របស់លោករដ្ឋមន្រ្តីប្រតិភូ បានធ្វើឡើងនៅក្នុងវេទិកាសារព័ត៌មានលើកទី៦ ដែលរៀបចំដោយអង្គភាពអ្នកនាំពាក្យរាជរដ្ឋាភិបាល ស្ដីពី «រាជរដ្ឋាភិបាល នីតិកាលទី៧ នៃរដ្ឋសភា ជាក្ដីសង្ឃឹមរបស់ប្រជាពលរដ្ឋខ្មែរ» នៅទីស្ដីការគណៈរដ្ឋមន្រ្តី កាលថ្ងៃទី២៧ ខែកុម្ភៈ ឆ្នាំ២០២៥ ។

នាឱកាសនោះ លោកបញ្ជាក់ដូច្នេះថា កាទូតនយោបាយរបស់រាជរដ្ឋាភិបាលកម្ពុជា គឺជាការស្វែងរកប្រយោជន៍សេដ្ឋកិច្ច ដោយប្រើប្រាស់មធ្យោបាយទូត ដែលនាយករដ្ឋមន្រ្តី ហ៊ុន ម៉ាណែត បាននិងកំពុងបន្តប្រឹងប្រែងអនុវត្តយ៉ាងសកម្មជាទីបំផុត ដើម្បីធ្វើឱ្យសម្រេចមហិច្ចតាមួយធំរបស់រាជរដ្ឋាភិបាល នោះគឺធ្វើឱ្យកម្ពុជាក្លាយជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសចំណូលខ្ពស់នៅឆ្នាំ២០៥០។ ​​

ជាមួយគ្នានេះលោកអះអាងថា នយោបាយការបរទេសរបស់រាជរដ្ឋាភិបាល គឺគ្មានគោលបំណងអ្វី ក្រៅតែពីរទាញផលប្រយោជន៍សេដ្ឋកិច្ច និងទំនាក់ទំនងជាមួយបណ្តាប្រទេសនៅលើពិភពលោក មកបម្រើផលប្រយោជន៍ជូនប្រជាពលរដ្ឋកម្ពុជា និងចិញ្ចឹមកំណើនសេដ្ឋកិច្ចរបស់ជាតិរបស់យើង និងចិញ្ចឹមភាពធន់នៃសេដ្ឋកិច្ចរបស់យើង។

ហេតុនេះ ការធ្វើនយោបាយការបរទេស ឬការធ្វើការទូតសេដ្ឋកិច្ច មានគោលដៅសំខាន់ៗ គឺជំរុញពាណិជ្ជកម្មអន្តរជាតិ ទាក់ទាញការវិនិយោគពីបរទេស លើកកម្ពស់វិស័យទេសចរណ៍ ជំរុញការផ្តោះប្តូរវប្បធម៌កីឡា បូករួមទាំងការផ្សព្វផ្សាយនៅលើឆាកតំបន់ និងអន្តរជាតិ។

សូមបញ្ជាក់ដែរថា តាមរយៈវេទិកាសារព័ត៌មាននេះដែរ លោក ហ្សង់ ហ្វ្រង់ស្វ័រតាន់ ក៏បានកត់សម្គាល់ពី កំណើនសេដ្ឋកិច្ចកម្ពុជា ហាក់ចាប់ផ្តើមវិលមករកសភាពមុនការរីករាលដាលជំងឺកូវីដ១៩ ជាបណ្តើៗហើយ។ជាក់ស្តែង បើគិតត្រឹមឆ្នាំ២០២៤ កន្លងទៅនេះ សេដ្ឋកិច្ចកម្ពុជា កើនបាន ៦ %។ ជារួមស្ថានភាពម៉ាក្រូសេដ្ឋកិច្ចកម្ពុជា បើធៀបនឹងម៉ាក្រូសេដ្ឋកិច្ចសកល គឺមិនអាក្រក់ទេ ពោលគឺមានសន្ទុះខ្លាំង និងមានកម្ពស់ខ្ពស់៕អត្ថបទ៖ ហ្សាលីន

The post លោក តាន់ ហ្សង់ហ្វ្រង់ស័រ៖ នយោបាយការបរទេសរបស់រដ្ឋាភិបាល មានទិសដៅតែមួយគត់ គឺនាំផលប្រយោជន៍ជូនប្រជាជនកម្ពុជា appeared first on .

លោក តាន់ ហ្សង់ ហ្វ្រង់ស្វ័រ បន្តថាសម្តេចធិបតី និងគណៈប្រតិភូជាន់ខ្ពស់ធ្វើដំណើរឆ្លងកាត់ទ្វីបទាំង៥នៃពិភពលោករួមមាន អាស៊ី អាមេរិក អាហ្រិក អឺរ៉ុប និងអូសេអានី និងប្រទេសចំនួន១៦ ដែលនេះគឺជាសកម្មភាពការបរទេសនៅក្រៅស្រុកមួយដ៏មមាញឹក និងសកម្ម។ដោយលោកបានបញ្ជាក់ថា ក្នុងនោះមានការចូលរួមក្នុងជំនួបកំពូល តំបន់និងកិច្ចប្រជុំអន្តរជាតិមួយចំនួនរួមមាន ជំនួបកំពូលអាស៊ាន និងជំនួបកំពូលពាក់ព័ន្ធនៅស្សាកាតា ប្រទេសឥណ្ឌូនេស៊ី, មហាសន្និបាតអង្គការសហប្រជាជាតិ នៅសហរដ្ឋអាមេរិក, វេទិកាខ្សែក្រវ៉ាត់ និងផ្លូវនៅប៉េកាំង ប្រទេសចិន, ជំនួបកំពូលអាស៊ានក្រុមប្រឹក្សាសហប្រតិបត្តិការ, កិច្ចប្រជុំកំពូលរំលឹកខួបអនុស្សាវរីយ៍ដើម្បីអបអរសាទរឆ្នាំទី៥០នៃមិត្តភាពនៃកិច្ចសហប្រតិបត្តិការអាស៊ាន-ជប៉ុន នៅប្រទេសជប៉ុន, ជំនួបកំពូលពិសេសអាស៊ាន-អូស្រ្តាលី នៅប្រទេសអូស្រ្តាលី។ល។

លោកបានបញ្ជាក់បន្ថែមថា ម្យ៉ាងទៀតសម្តេចធិបតី ហ៊ុន ម៉ាណែត ក៏បានធ្វើទស្សនកិច្ចជាផ្លូវការនៅបណ្តាប្រទេសមិត្តជិតខាង មិត្តក្នុងតំបន់ និងមិត្តក្នុងលោក រួមមានទស្សនកិច្ចនៅប្រទេសចិន ប្រទេសវៀតណាម ប្រទេសបារាំង ប្រទេសថៃ ម៉ាឡេស៊ី ឡាវ កូរ៉េខាងត្បូង សិង្ហបុរី។ល។

បើតាមលោក តាន់ ហ្សង់ ហ្វ្រង់ស្វ័រ ក្នុងរយៈពេល ១២ខែចុងក្រោយនេះ ការទូតកម្ពុជា មានមុខព្រួញពីរសំខាន់ទីមួយ គឺពង្រឹងមិត្តភាពចាស់ ពង្រីកមិត្តភាពថ្មី និងទីពីរ គឺពង្រឹងជំហរកម្ពុជានៅលើឆាកអន្តរជាតិ បន្តជំរុញសហគមន៍អាស៊ានឲ្យគោរពកម្ពុជា ជារដ្ឋអធិបតេយ្យពេញលក្ខណៈ រីឯមុខព្រួញសំខាន់ គឺការទូតសេដ្ឋកិច្ច។

លោកបានបន្ថែមទៀតថា គ្រាន់តែ៣ខែដំបូង ត្រឹមខែកញ្ញា ខែតុលា ឆ្នាំ២០២៣ សម្តេចធិបតី ជួបជាមួយថ្នាក់ដឹកនាំពិភពលោកជិត៥០នាក់ មានតាំងពីប្រធានាធិបតី នាយករដ្ឋមន្ត្រី ឧបនាយករដ្ឋមន្ត្រី រដ្ឋមន្ត្រី ប្រធានរដ្ឋសភា ប្រធានព្រឹទ្ធសភា និងទាំងអគ្គលេខាធិការនៃអង្គការសហប្រជាជាតិទៀតផងដែរ៕

The post ១ឆ្នាំមកនេះ សម្តេចធិបតី និងគណៈប្រតិភូជាន់ខ្ពស់កម្ពុជាធ្វើដំណើរឆ្លងកាត់៥ទ្វីបនៃពិភពលោក និងប្រទេសចំនួន១៦ appeared first on .

នេះបើយោងតាមប្រសាសន៍របស់ លោក តាន់ ហ្សង់ហ្វ្រង់ស័ រដ្ឋមន្ត្រីប្រតិភូអមនាយករដ្ឋមន្ត្រីទទួលបន្ទុកកិច្ចការការបរទេស និងសហប្រតិបត្តិការអន្តរជាតិ នៅក្នុងវេទិកាសារព័ត៌មានលើកទី៤ ស្ដីពី «គោលនយោបាយជាតិ និងសមិទ្ធផលរបស់រាជរដ្ឋាភិបាលនីតិកាលទី៧ រយៈពេល១ឆ្នាំ» ដែលរៀបចំដោយអង្គភាពអ្នកនាំពាក្យរាជរដ្ឋាភិបាល កាលព្រឹកថ្ងៃទី១៩ ខែសីហា ឆ្នាំ២០២៤។

នាឱកាសនោះ លោក តាន់ ហ្សង់ហ្វ្រង់ស័ បានលើកឡើងថា រយៈពេល ១ ឆ្នាំនៃការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី, កម្ពុជាបានពង្រឹងលើការងារការទូតរបស់ខ្លួនឱ្យកាន់តែប្រសើរថែមទៀត។

ដោយលោកបន្តថា៖« កម្ពុជាជាប្រទេសតូច តែថ្លៃថ្នូរក្នុងការងារការទូតរបស់ខ្លួន តាមរយៈបទពិសោធន៍ចាស់ទុំ និងការគោរពអនុវត្តតាមរាល់កិច្ចព្រមព្រៀងអន្តរជាតិទាំងអស់ ដែលកម្ពុជាបានចុះហត្ថលេខា។ កម្ពុជាតូចមែនពិតតែមានសំឡេងឆ្នោតដូចប្រទេសនានាលើឆាកអន្តរជាតិ។ កម្ពុជាតូចមែនពិត តែទង់ជាតិកម្ពុជាបក់រវិចនៅអង្គការសហប្រជាជាតិ អង្គការអន្តរជាតិនានា និងប្រទេសជាច្រើនទៀត»។

បន្ថែមពីនេះ លោកថា នយោបាយការទូតបរទេសកម្ពុជា ដែលដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្រ្តី គឺសម្តេចបានដាក់ចេញនូវនយោបាយការទូតសេដ្ឋកិច្ច ដើម្បីលើកកម្ពស់សេដ្ឋកិច្ចរបស់ប្រជាជន និងប្រទេសកម្ពុជាឲ្យកាន់តែខ្លាំងក្លា និងខ្ពស់បន្ថែមទៀត។

ជាក់ស្តែង លោក តាន់ ហ្សង់ហ្វ្រង់ស័រ បានបញ្ជាក់បន្ថែមថា រាជរដ្ឋាភិបាលកម្ពុជា ក្រោមការដឹកនាំរបស់សម្ដេចធិបតី ហ៊ុន ម៉ាណែត សម្ដេចបានធ្វើឱ្យសេដ្ឋកិច្ចកម្ពុជា មានកំណើនជាបន្តបន្ទាប់ ក្នុងនោះបើគិតត្រឹមពីខែមករា ដល់ខែមិថុនា ឆ្នាំ២០២៤ កម្ពុជាទទួលបានគម្រោងវិនិយោគថ្មីចំនួន ១៩០ គម្រោង ដែលមានទុនវិនិយោគជាងបីពាន់លានដុល្លារ។ ដោយឡែក បើគិតតែក្នុងខែកក្កដា ឆ្នាំ២០២៤ ថ្មីៗនេះ កម្ពុជាទទួលបានគម្រោងវិនិយោគថ្មីចំនួន ៤១ គម្រោង ដែលទឹកប្រាក់វិនិយោគជាងកៅសិបលានដុល្លារផងដែរ។

លោកក៏បានបន្ថែមទៀតថា តាមរយៈការព្យាកររបស់ធនាគារពិភពលោក(World Bank) បានឱ្យដឹងថា សេដ្ឋកិច្ចកម្ពុជានៅក្នុងឆ្នាំ២០២៤នេះ នឹងកើនដល់ ៦,១ ភាគរយ ដែលជាកំណើនខ្ពស់ជាងគេ បើធៀបនឹងប្រទេសក្នុងតំបន់អាស៊ាន៕ អត្ថបទ៖ រង្សី

The post លោក តាន់ ហ្សង់ហ្វ្រង់ស័រ៖ ១ ឆ្នាំនៃការដឹកនាំរបស់សម្ដេចធិបតី បានធ្វើឱ្យសេដ្ឋកិច្ចកម្ពុជា មានកំណើនជាបន្តបន្ទាប់ appeared first on .