លោកបានថ្លែងបែបននេះនៅក្នុងឱកាសដឹកនាំក្រុមការងារជំនាញ ពិនិត្យផលិតកម្មដំណាំស្វាយចន្ទី និងដំណាំដំឡូងមី និងជួបសំណេះសំណាលជាមួយប្រជាកសិករ នៅឃុំស្វាយទាប ស្រុកចំការលើ ខេត្តកំពង់ចាម កាលពីថ្ងៃទី៧ ខែតុលា​ ឆ្នាំ២០២៥។

នាឱកាសជួបសំណេះសំណាលនោះ លោក តូច ប៊ុនហួរ បានលើកឡើងពីដំណាំស្វាយចន្ទីថាជាដំណាំឧស្សាហកម្មមួយប្រភេទ ដែលមានសក្កានុពលដ៏សំខាន់មួយ សម្រាប់ទីផ្សារក្នុងស្រុក និងក្រៅប្រទេស ដូច្នេះប្រជាកសិករគួរពិចារណាការធ្វើពិពិធកម្មពីការដាំដំណាំដំឡូងមី មកដាំស្វាយចន្ទីវិញ ដែលមិនព្រួយបារម្ភពីការរកទីផ្សារ និងចៀសវាងពីហានីភ័យនានាជាដើម។

ជាមួយគ្នានោះ លោកក៏បានផ្តល់ការណែនាំដល់មន្រ្តីកសិកម្មឃុំទាំងអស់ ដែលមានតួនាទីសំខាន់ នៅក្នុងឃុំមូលដ្ឋានរបស់ខ្លួននីមួយៗ ស្វះស្វែងក្នុងការជួយសម្របសម្រួលរកទីផ្សារ ផ្តល់ព័ត៌មានជូនប្រជាកសិករ ដើម្បីជំរុញអភិវឌ្ឍន៍ផលិតកម្មដំណាំស្វាយចន្ទី ជាពិសេសជួយលើកកម្ពស់ដល់ប្រជាកសិករអ្នកដាំដុះ អ្នកកែច្នៃ ក្នុងការធានានូវនិរន្តរភាព នៃទីផ្សារស្វាយចន្ទី សម្រាប់ផ្គត់ផ្គង់ក្នុងស្រុក និងនាំចេញទៅកាន់ទីផ្សារអន្តរជាតិ។

សូមបញ្ជាក់ថា កម្ពុជាបានដាក់ចេញ «គោលនយោបាយជាតិស្តីពីស្វាយចន្ទី ឆ្នាំ២០២២-២០២៧» កាលពីថ្ងៃ ១៤ ខែមិថុនា ឆ្នាំ២០២៣ ដែលគោលនយោបាយនេះនឹងក្លាយជាកម្លាំងចលករដ៏មានប្រសិទ្ធភាពសម្រាប់ពង្រឹងផលិតភាពនៃផលិតកម្មដំណាំស្វាយចន្ទី ការនាំចេញ ដើម្បីជំរុញឱ្យកម្ពុជាឈានទៅជាអធិរាជស្វាយចន្ទី នៅលើពិភពលោក។

កម្ពុជាគឺជាប្រទេសផលិតគ្រាប់ស្វាយចន្ទីធំជាងគេទី២ របស់ពិភពលោក ប្រមាណ១៧% នៃចំណែកផលិតកម្មពិភពលោក​ បន្ទាប់ពីកូតឌីវ័រ ប្រមាណ២៤% នៃចំណែកផលិតកម្មពិភពលោកក្នុងឆ្នាំ២០២៤។ ខេត្តកំពង់ធំនឹងក្លាយជា សួនឧស្សាហកម្មស្វាយចន្ទី ខណៈការបង្កើតសួនឧស្សាហកម្មបែបនេះ គឺដើម្បីប្រមូលផ្ដុំរោងចក្រកែច្នៃតូច-ធំគ្រប់ប្រភេទ ដោយមានការគាំទ្រផ្នែកហេដ្ឋារចនាសម្ព័ន្ធផ្សេងៗពីរដ្ឋ៕

The post លោក តូច ប៊ុនហួរ៖ កសិករគួរពិចារណាការធ្វើពិពិធកម្មពីការដាំដំណាំដំឡូងមី មកដាំស្វាយចន្ទីវិញ ដែលមិនព្រួយបារម្ភពីការរកទីផ្សារ appeared first on .

លោក តូច ប៊ុនហួរ រដ្ឋលេខាធិការក្រសួងកសិកម្ម រុក្ខាប្រមាញ់និងនេសាទ បានថ្លែងដូច្នេះនៅក្នុង ឱកាសដឹកនាំក្រុមការងារក្រសួងកសិកម្ម រុក្ខាប្រមាញ់ និងនេសាទ ចុះពិនិត្យនិងវាយតម្លៃពីការប្រមូលផលគ្រាប់ស្វាយចន្ទីនៅសហគមន៍កសិកម្មទំនើបស្វាយចន្ទីមួយចំនួនក្នុងខេត្តកំពង់ធំនាថ្ងៃទី១៩-២០ ខែមេសា ឆ្នាំ២០២៥។

លោកបានបន្តលើកឡើងផងដែរថា ដោយឡែក ចំពោះបញ្ហាប្រឈម ដោយសារតែមានភ្លៀងកក់ខែច្រើននៅក្នុងខែចេត្រ ធ្វើឱ្យប៉ះពាល់ និងខូចជ្រុះក្តឹបនិងផ្កាចន្ទីដែលទើបនឹងចេញវគ្គចុងក្រោយនេះ (ប្រភេទពូជ M23)។

លោករដ្ឋលេខាធិការ បានបន្ថែមថា តាមការវាយតម្លៃនៅតាមតំបន់មួយចំនួនមានភ្លៀងធ្លាក់ច្រើន ធ្វើឱ្យទិន្នផលអាចថយចុះ។ ដោយឡែក នៅតំបន់ដែលមានភ្លៀងតិចតួច ទិន្នផលអាចកើនឡើង ហើយការប្រមូលផលឆ្នាំនេះ អាចបញ្ចប់យឺតជាងឆ្នាំកន្លងមក ប៉ុន្តែក្រុមការងារនឹងបន្តតាមដានទៀត៕

The post គ្រាប់ស្វាយចន្ទីសើម នៅដើមរដូវប្រមូលផល មានតម្លៃរហូត ៦៥០០រៀល appeared first on .

លោករដ្ឋលេខាធិការបានឱ្យដឹងបែបនេះនៅក្នុងឱកាសអញ្ជើញដឹកនាំក្រុមការងារ ចុះពិនិត្យនិងវាយតម្លៃពីការប្រមូលផលគ្រាប់ស្វាយចន្ទីនៅសហគមន៍កសិកម្មទំនើបស្វាយចន្ទីមួយចំនួនក្នុងខេត្តកំពង់ធំ កាលពីថ្ងៃទី១៩-២០ ខែមេសា ឆ្នាំ២០២៥។

ក្នុងដំណើរនេះ លោក បានឱ្យដឹងថា  នៅឆ្នាំនេះ គ្រាប់ស្វាយចន្ទីសើម នៅដើមរដូវប្រមូលផល មានតម្លៃរហូត ៦៥០០រៀល ហើយបច្ចុប្បន្ននេះ មានតម្លៃចន្លោះពី ៤៨០០-៥២០០រៀលក្នុងមួយគីឡូក្រាម ទៅតាមតំបន់ និងគុណភាពគ្រាប់។

លោកបន្តថា បើប្រៀបធៀបរយៈពេល៥ឆ្នាំ ចាប់ឆ្នាំ២០២១-២០២៥ គឺតម្លៃគ្រាប់ស្វាយចន្ទីឆ្នាំ២០២៥នេះ មានតម្លៃខ្ពស់ជាងគេ ដោយសារមានទីផ្សារល្អ បើទោះបីក្នុងថ្ងៃឈប់សម្រាកបុណ្យចូលឆ្នាំប្រពៃណីជាតិខ្មែរ ក៏ការទិញលក់នៅតែដំណើការដូចធម្មតា ពុំមានបញ្ហានោះឡើយ។

ដោយឡែក ចំពោះបញ្ហាប្រឈម ដោយសារតែមានភ្លៀងកក់ខែច្រើននៅក្នុងខែចេត្រ ធ្វើឱ្យប៉ះពាល់ និងខូចជ្រុះក្តឹបនិងផ្កាចន្ទីដែលទើបនឹងចេញវគ្គចុងក្រោយនេះ (ប្រភេទពូជ M23)។

បើតាមលោករដ្ឋលេខាធិការ តាមការវាយតម្លៃនៅតាមតំបន់មួយចំនួនមានភ្លៀងធ្លាក់ច្រើន ធ្វើឱ្យទិន្នផលអាចថយចុះ។ ដោយឡែក នៅតំបន់ដែលមានភ្លៀងតិចតួច ទិន្នផលអាចកើនឡើង  ហើយការប្រមូលផលឆ្នាំនេះ អាចបញ្ចប់យឺតជាងឆ្នាំកន្លងមក ប៉ុន្តែក្រុមការងារនឹងបន្តតាមដានទៀត។

សូមជម្រាបជូនថា កាលពីឆ្នាំ២០២៤ កម្ពុជាផលិតគ្រាប់ស្វាយចន្ទីបាន ៨៥ម៉ឺនតោន កើនឡើង ២៦,៨ភាគរយ ក្នុងនោះកម្ពុជាបានចេញគ្រាប់ឆៅជាង ៨១ ម៉ឺនតោន កើនឡើង២១% និងទទួលបានចំណូល ១ ១៥០លានដុល្លារ កើនឡើង២៦.១៥%។

លោក តូច ប៊ុនហួរ ធ្លាប់បានអះអាងថា នៅឆ្នាំ២០៣០ កម្ពុជានឹងក្លាយជាប្រទេសអធិរាជស្វាយចន្ទីលើពិភពលោកយ៉ាងពិតប្រាកដ។ដោយលោកបានគូសបញ្ជាក់ថា ដោយសារ «កម្មវិធីគោលនយោបាយជាតិ ស្តីពីស្វាយចន្ទី២០២២-២០២៧ បានកំណត់ថាឆ្នាំ២០២៧ ឱ្យកែច្នៃស្វាយចន្ទីឱ្យបានយ៉ាងតិច២៥ភាគរយ ប៉ុន្តែបើក្រឡេកមើលរយៈពេល៣ឆ្នាំចុងក្រោយនេះ ២០២២, ២០២៣, ២០២៤ ឃើញថាមានការវិនិយោគទៅលើការកែច្នៃច្រើន រហូតមកដល់ពេលនេះគឺស្ទុះបាន១០ភាគរយ៕

The post លោក តូច ប៊ុនហួរ៖ បើប្រៀបធៀបរយៈពេល៥ឆ្នាំចុងក្រោយ តម្លៃគ្រាប់ស្វាយចន្ទីឆ្នាំ២០២៥នេះ មានតម្លៃខ្ពស់ជាងគេ appeared first on .

លោក តូច ប៊ុនហួរ បានគូសបញ្ជាក់ថា គិតត្រឹមឆ្នាំ២០២៤នេះ ប្រទេសកម្ពុជាមានផ្ទៃដីដាំដុះដំណាំស្វាយចន្ទីជាង ៥៨ម៉ឺនហិកតា នៅទូទាំងប្រទេស ដែលអាចផ្ដល់ទិន្នផលជាមធ្យមប្រមាណ ១,៥តោន ក្នុង ១ហិកតា។ បើគិតត្រឹម៧ខែដើមឆ្នាំ២០២៤ កម្ពុជាផលិតគ្រាប់គ្រាប់ស្វាយចន្ទីឆៅបានជាង ៨៣ម៉ឺនតោន កើនឡើង ៣៦,៧% ដែលធ្វើឱ្យកម្ពុជា ជាប់ចំណាត់ថ្នាក់លេខ២ ជាប្រទេសនាំចេញស្វាយចន្ទីច្រើនជាងគេលើពិភពលោក។

លោកបន្តថា មកទល់ពេលនេះ កម្ពុជាមានលទ្ធភាពផលិត កែច្នៃដោយខ្លួនឯងត្រឹមតែ១០ភាគរយ ប៉ុណ្ណោះនៃគ្រាប់ស្វាយចន្ទីសរុប។ ក្រៅពីនេះ គឺជាង៨០ភាគរយ បាននាំចេញទៅកាន់ប្រទេសជិតខាងគឺប្រទេសវៀតណាម (គ្រាប់ឆៅ សើម ឬស្ងួត) ហើយមួយផ្នែកទៀត បាននាំចេញទៅប្រទេសឥណ្ឌា ចិន ម៉ាឡេស៊ី បង់ក្លាដែស។ល។

បើតាមលោក តូច ប៊ុនហួរ បានសំឡឹងឃើញ និងអះអាងថា នៅឆ្នាំ២០៣០ កម្ពុជានឹងក្លាយជាប្រទេសអធិរាជស្វាយចន្ទីលើពិភពលោកយ៉ាងពិតប្រាកដ។

ដោយលោកបានគូសបញ្ជាក់ថា ដោយសារ «កម្មវិធីគោលនយោបាយជាតិ ស្តីពីស្វាយចន្ទី២០២២-២០២៧ បានកំណត់ថាឆ្នាំ២០២៧ ឱ្យកែច្នៃស្វាយចន្ទីឱ្យបានយ៉ាងតិច២៥ភាគរយ ប៉ុន្តែបើក្រឡេកមើលរយៈពេល៣ឆ្នាំចុងក្រោយនេះ ២០២២, ២០២៣, ២០២៤ ឃើញថាមានការវិនិយោគទៅលើការកែច្នៃច្រើន រហូតមកដល់ពេលនេះគឺស្ទុះបាន១០ភាគរយ ។ដូច្នេះ ចន្លោះ៣ឆ្នាំទៀត ២៥ភាគរយ យើងនឹងឈានទៅដល់»។

ប្រធានសមាគមស្វាយចន្ទីកម្ពុជា លោក អួន ស៊ីឡុត ក៏បានធ្លាប់បានឱ្យដឹងផងដែរថា នៅឆ្នាំ២០២៤នេះ កម្ពុជាអាចបន្តឈរលេខ២បន្តទៀតជាប្រទេសនាំចេញស្វាយចន្ទីច្រើនជាងគេលើពិភពលោក ឬកម្ពុជាអាចឈានដល់លំដាប់លេខរៀងទី១ ក្នុងតារាង នៅឆ្នាំនេះ។

សូមបញ្ជាក់ថា នៅឆ្នាំ២០២៤នេះ សមាគមស្វាយចន្ទីកម្ពុជា បានព្យាករណ៍ថា កម្ពុជានឹងផលិតគ្រាប់ស្វាយចន្ទីឆៅបាន ៨៥០ ០០០តោន ក្នុងនោះនាំចេញទៅក្រៅប្រទេសប្រមាណ ៧៥០ ០០០តោន អាចរកចំណូលបានលើស ១ពាន់លានដុល្លារ។

សូមរំលឹកផងដែរថា កម្ពុជាបានដាក់ចេញ «គោលនយោបាយជាតិស្តីពីស្វាយចន្ទី ឆ្នាំ២០២២-២០២៧» កាលពីថ្ងៃ ១៤ ខែមិថុនា ឆ្នាំ២០២៣ ដែលគោលនយោបាយនេះនឹងក្លាយជាកម្លាំងចលករដ៏មានប្រសិទ្ធភាពសម្រាប់ពង្រឹងផលិតភាពនៃផលិតកម្មដំណាំស្វាយចន្ទី ការនាំចេញ ដើម្បីជំរុញឱ្យកម្ពុជាឈានទៅជាអធិរាជស្វាយចន្ទី នៅលើពិភពលោក៕

The post លោក តូច ប៊ុនហួរ៖ កម្ពុជានឹងក្លាយជាប្រទេសអធិរាជស្វាយចន្ទីលើពិភពលោក នៅឆ្នាំ២០៣០ appeared first on .