អតីតអគ្គនាយកគ្រប់គ្រងទូរទស្សន៍បុស្តិ៍លេខ ៥ ត្រូវបានតែងតាំងជារដ្ឋមន្ត្រ្តីប្រតិភូអមនាយករដ្ឋមន្ត្រី

ឧកញ៉ាកោះក្របី — Sat, 04 Mar 2023 11:43:24 +0000

ប្រមុខរដ្ឋស្តីទី សម្តេចវិបុលសេនាភក្តី សាយ ឈុំ នៅថ្ងៃទី៤ ខែមីនា ឆ្នាំ២០២៣នេះ សម្រេចតែងតាំង នាយឧត្តមសេនីយ៍ នាង ផាត រដ្ឋលេខាធិការប្រចាំការក្រសួងការពារជាតិ ជារដ្ឋមន្ត្រ្តីប្រតិភូអមនាយករដ្ឋមន្ត្រី បន្ថែមលើមុខងារបច្ចុប្បន្ន នៅព្រះរាជក្រឹត្យលេខ នស/រកត/០៣២៣/៣៨៦ តាមសំណើទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

នាយឧត្តមសេនីយ៍ នាង ផាត រដ្ឋលេខាធិការប្រចាំការ ក្រសួងការពារជាតិ និងប្រធានសមាគមមិត្តភាពកម្ពុជា-ឡាវ។ លោក នាង ផាត ធ្លាប់ទទួលគោរមងារឧកញ៉ា ប៉ុន្តែក្រោយសម្តេចវិបុលសេនាភក្តី សាយ ឈុំ ក្នុងតួនាទីជាប្រមុខរដ្ឋស្ដីទី បានសម្រេចបញ្ចប់គោរមងារ “ឧកញ៉ា” ពីមន្ត្រីយោធាចំនួន ៧៥រូប មានចាប់ពីថ្នាក់វរសេនីយ៍ទោ រហូតដល់ថ្នាក់នាយឧត្ដមសេនីយ៍ផ្កាយមាស៤ ក្នុងនោះក៏មានលោក នាង ផាត ម្នាក់ផងដែរ ហើយក៏ជាអតីតអគ្គនាយកគ្រប់គ្រងស្ថានីយ៍ទូរទស្សន៍បុស្តិ៍លេខ ៥ ទៀតផង៕

The post អតីតអគ្គនាយកគ្រប់គ្រងទូរទស្សន៍បុស្តិ៍លេខ ៥ ត្រូវបានតែងតាំងជារដ្ឋមន្ត្រ្តីប្រតិភូអមនាយករដ្ឋមន្ត្រី appeared first on .