ពិធីចុះហត្ថលេខាលើកិច្ចព្រមព្រៀងស្តីពីមូលនិធិពិសេសសម្រាប់គម្រោងកិច្ចសហប្រតិបត្តិការមេគង្គ-ឡានឆាង ឆ្នាំ២០២៤ លើទឹកប្រាក់ប្រមាណ២លានដុល្លារអាមេរិកនេះ បានធ្វើឡើងកាលថ្ងៃទី៥ ខែកញ្ញា ឆ្នាំ២០២៤ ក្រោមអធិបតីភាព លោក សុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា និងលោក Wang Wenbin ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជាមានិតចិន។

នាឱកាសនោះ លោក សុខ ចិន្តាសោភា រដ្ឋមន្ត្រីក្រសួងការបរទេស បានលើកឡើងថា ក្នុងនាមរាជរដ្ឋាភិបាល និងប្រជាជនកម្ពុជា សូមថ្លែងអំណរគុណចំពោះប្រទេសចិន ដែលបានបន្តគាំទ្រកម្ពុជា និងប្រទេសសមាជិកមេគង្គផ្សេងទៀតតាមរយៈមូលនិធិពិសេសនៃកិច្ចសហប្រតិបត្តិការមេគង្គ-ឡានឆាង ដែលបានរួមចំណែកយ៉ាងច្រើនដល់ការអភិវឌ្ឍសេដ្ឋកិច្ចសង្គមនៅកម្ពុជា និងបណ្តាប្រទេសអនុតំបន់ទន្លេមេគង្គ។

សូមបញ្ជាក់ដែរថា បើតាមក្រសួងការបរទេស បានឱ្យដឹងទៀតថា ក្រោមមូលនិធិពិសេសនៃកិច្ចសហប្រតិបត្តិការមេគង្គ-ឡានឆាងឆ្នាំ២០២៤ កម្ពុជាទទួលបាន ហិរញ្ញប្បទាន ដែលមានទឹកប្រាក់ប្រមាណ២លានដុល្លារអាមេរិក សម្រាប់គម្រោងចំនួន៨ ដែលផ្តោតលើផ្នែក ទេសចរណ៍ សកម្មភាពមីន កសិកម្ម អភិវឌ្ឍន៍ជនបទ ការលើកកម្ពស់ការយល់ដឹងពីកិច្ចសហប្រតិបត្តិការមេគង្គ-ឡានឆាង ការជំរុញសេដ្ឋកិច្ចក្នុងតំបន់ ការអប់រំបណ្តុះបណ្តាលបច្ចេកទេស និងវិជ្ជាជីវៈ ការកសាងសមត្ថភាព និងការគ្រប់គ្រងហានិភ័យទឹកជំនន់។ កិច្ចសហប្រតិបត្តិការនេះបញ្ជាក់ពីការប្តេជ្ញាចិត្តរបស់កម្ពុជាក្នុងការជំរុញការអភិវឌ្ឍន៍ប្រកបដោយចីរភាព និងកិច្ចសហប្រតិបត្តិការជាមួយប្រទេសមេគង្គ-ឡានឆាង៕ អត្ថបទ៖ រង្សី

The post ចិន ផ្តល់ហិរញ្ញប្បទានដល់កម្ពុជាចំនួន ២លានដុល្លារអាមេរិក សម្រាប់ដំណើរការគម្រោងចំនួន ៨ appeared first on .

ការចុះហត្ថលេខានៃប្រទេសទាំងពីរធ្វើឡើងរវាងលោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ លោកស្រី ខាមីខាវ៉ា យ៉ូកុ (KAMIKAWA Yoko) រដ្ឋមន្ត្រី ការបរទេសជប៉ុន ក្នុងអំឡុវមកបំពេញទស្សនកិច្ចផ្លូវការនៅកម្ពុជា ចាប់ពីថ្ងៃទី៥ ដល់៦ ខែកក្កដា ឆ្នាំ២០២៤។

ក្នុងជំនួបនោះ ភាគីទាំងពីរបានឯកភាពគ្នាថា ទំនាក់ទំនងមិត្តភាពរវាងកម្ពុជា និងជប៉ុន មានភាពកាន់តែរឹងមាំ ព្រមទាំងបានផ្លាស់ប្តូរយោបល់ក្នុង ការបន្តលើកកម្ពស់ភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន និងពង្រីកកិច្ចសហប្រតិបត្តិការលើវិស័យនានា ដែលមានសក្តានុពល និងផ្តល់ផលប្រយោជន៍ដល់ប្រទេសទាំងពីរ។

ជាមួយគ្នានោះ ភាគីទាំងពីរក៏បានចុះហត្ថលេខាលើលិខិតប្តូរសារ និងឯកសារពាក់ព័ន្ធគម្រោង២ ទី១, ការផ្តល់ហិរញ្ញប្បទាន ឥតសំណង ប្រមាណ ២,៧ លានដុល្លារ សម្រាប់ការអនុវត្តគម្រោងអាហារូបករណ៍ អភិវឌ្ឍន៍ធនធានមនុស្ស និង ២, ការផ្តល់ឥណទានសម្បទានប្រាក់យ៉េន ប្រមាណ ៥៩,៦ លានដុល្លារ សម្រាប់ការអនុវត្តគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ ៥ (ធ្លាម្អម- បាត់ដំបង និងសិរីសោភ័ណ-ប៉ោយប៉ែត) (III)។

ទន្ទឹមនឹងនោះ លោក សុខ ចិន្តាសោភា បានអរគុណដល់ជប៉ុនដែលជប៉ុនបានចុះហត្ថលេខាលើសម្រាប់គម្រោងទាំងពីរនេះ។លោក ក៏បានបញ្ជាក់ថា ប្រទេសជប៉ុនមិនគ្រាន់តែបានរួមចំណែកយ៉ាងសំខាន់ដល់ដំណើរការកសាងសន្តិភាពនៅកម្ពុជាប៉ុណ្ណោះទេ ប៉ុន្តែបានផ្តល់ជំនួយសម្រាប់ការស្តារអភិវឌ្ឍន៍សេដ្ឋកិច្ច និងសង្គមកម្ពុជាថែមទៀតផងដែរ៕

The post កម្ពុជា-ជប៉ុន ចុះហត្ថលេខាអនុវត្តលើគម្រោង២ ក្នុងទឹកប្រាក់ជាង៦០លានដុល្លារ appeared first on .

ការសម្រេចឯកភាពគ្នានេះ ត្រូវបានធ្វើឡើងនៅក្នុងជំនួបសម្តែងការគួរសមរវាងលោកស្រី Milena Caridad Zaldivar ឯកអគ្គរដ្ឋទូតគុយបាប្រចាំព្រះរាជាណាចក្រកម្ពុជា ជាមួយ លោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា កាលពីពេលថ្មីនេះ។

នាឱកាសនោះ លោកឧបនាយករដ្ឋមន្រ្ដី និងលោកស្រីឯកអគ្គរដ្ឋទូត បានគូសបញ្ជាក់អំពីទំនាក់ទំនងយូរអង្វែងរវាងកម្ពុជា និងគុយបា ដែលបានបង្កើតឡើងក្នុងទសវត្សរ៍ឆ្នាំ១៩៦០ ដែលជាមរតករបស់ព្រះបរមរតនកោដ្ឋ នរោត្តម សីហនុ និងលោក Fidel Castro និងដែលបានរីកចម្រើនទៅជាទំនាក់ទំនងដែលគ្រប់ដណ្តប់លើវិស័យជាច្រើន។

ទន្ទឹមគ្នានេះ ភាគីទាំងពីរ ក៏បានសម្ដែងនូវការប្តេជ្ញាចិត្តក្នុងការធ្វើការងាររួមគ្នា ឆ្ពោះទៅរកការអនុវត្តប្រកបដោយប្រសិទ្ធភាពនូវអនុស្សរណៈយោគយល់គ្នា និងកិច្ចព្រមព្រៀងទ្វេភាគីដែលបានចុះហត្ថលេខា ក៏ដូចជាស្វែងរកឱកាស ដើម្បីលើកកម្ពស់កិច្ចសហប្រតិបត្តិការ លើវិស័យផ្សេងៗ។ ពិសេស ភាគីទាំងពីរ បានឯកភាពគ្នាផងដែរក្នុងការពង្រីកកិច្ចសហប្រតិបត្តិការក្នុងវិស័យថ្មីៗដែលមានសក្តានុពល រួមទាំង កសិ-ពាណិជ្ជកម្ម ផលិតកម្មស្រូវ និងការវិនិយោគជាដើម។

លើសពីនេះ ភាគីទាំងពីរ ក៏បានពិភាក្សាគ្នាអំពីឱកាសក្នុងការជំរុញពាណិជ្ជកម្ម និងធុរកិច្ច តាមរយៈសកម្មភាពនានា ដូចជាពិព័រណ៍ពាណិជ្ជកម្មនៅក្នុងប្រទេសនីមួយៗ ផងដែរ ។ ភាគីទាំងពីរ បានសម្តែងក្តីសង្ឃឹមថា កិច្ចពិគ្រោះយោបល់នយោបាយទ្វេភាគីលើកទី៣ នាពេលខាងមុខ រវាងក្រសួងការបរទេសទាំងពីរនៅទីក្រុងឡាហាវ៉ាន នៅខែចុងនេះ នឹងជាទីកន្លែងដ៏ប្រសើរ សម្រាប់ពិភាក្សា និងដាក់ចេញនូវសកម្មភាពនានា ស្របតាមកិច្ចព្រមព្រៀងដែលមានស្រាប់ ព្រមទាំងស្វែងរកវិស័យផ្សេងទៀតសម្រាប់កិច្ចសហប្រតិបត្តិការនាពេលអនាគត៕ អត្ថបទ៖ រង្សី

The post កម្ពុជា-គុយបា ឯកភាពគ្នាពង្រីកកិច្ចសហប្រតិបត្តិការក្នុងវិស័យកសិ-ពាណិជ្ជកម្ម និងការវិនិយោគ appeared first on .

ការសន្យាបែបនេះរបស់លោក វ៉ាង យី នៅក្នុងជំនួបជាមួយលោក សុខ ចិន្តាសោភា រដ្ឋមន្រ្តីការបរទេស និងសហប្រតិបត្តិការអន្តរជាតិ ក្នុងអំឡុងបំពេញទស្សនកិច្ចផ្លូវការនៅប្រទេសចិន ចាប់ពីថ្ងៃទី២៣ ដល់ថ្ងៃទី២៥ ខែឧសភា ឆ្នាំ២០២៤។

ក្នុងជំនួបនោះ រដ្ឋមន្ត្រីការបរទេសទាំងពីរ បានសម្តែងការពេញចិត្តចំពោះលទ្ធផលនៃកិច្ចប្រជុំលើកទីអ្នកកម្ពុជាជា គណកម្មាធិការសម្របសម្រួលអន្តររដ្ឋាភិបាលកម្ពុជា-ចិនកាលពីខែមេសាកន្លងទៅ ក៏ដូចជាវឌ្ឍនភារមការអនុវត្តកុងសង់ស៊ីសរបស់ថ្នាក់ដឹកនាំនៃប្រទេសទាំងពីរក្នុងក្របខ័ណ្ឌកិច្ចសហប្រតិបត្តិការត្បូងពេជ្រ ជាពិសេសការបង្កើតច្រករបៀងឧស្សាហកម្ម និងបច្ចេកវិទ្យា” និង “ច្រករបៀងមច្ឆា និងអង្ករ» កិច្ចសហប្រតិបត្តិការអភិវឌ្ឍន៍ថាមពលស្អាតការអភិវឌ្ឍផ្លូវដែក និងការជំរុញកំណើនពាណិជ្ជកម្មតាម រយៈការអនុវត្តឱ្យកាន់តែមានប្រសិទ្ធភាពនូវកិច្ចព្រមព្រៀងពាណិជ្ជកម្មសេរីកម្ពុជា-ចិន។

នាឱកាសនោះ លោក វ៉ាង យី ក៏បានសន្យាលើកទឹកចិត្ត ក្រុមហ៊ុន និងសហគ្រាស ចិនឱ្យធ្វើការវិនិយោគនៅកម្ពុជា និងពង្រីកការនាំចូលផលិតផលកសិកម្មពីកម្ពុជា ថែមទៀតផងដែរ។

ជាមួយគ្នានោះ ភាគីទាំងពីរក៏បានឯកភាពគ្នា ក្នុងការជំរុញកិច្ចសហប្រតិបត្តិការលើវិស័យសំខាន់ៗ និង មានសក្តានុពលដូចជា អប់រំ ទេសចរណ៍ កសិកម្មទំនើប ការតភ្ជាប់ សេដ្ឋកិច្ចឌីជីថល និងបញ្ញាសិប្បនិម្មិតជាដើម។

សូមបញ្ជាក់ថា ក្នុងរយៈពេលប៉ុន្មានខែដើមឆ្នាំ២០២៤នេះ ឃើញថាបណ្ដាវិនិយោគិននានាមកពីប្រទេសចិនបានចូលមកកម្ពុជាជាហូរហែដើម្បីស្វែងរកឱកាសវិនិយោគ ជាពិសេស ទៅលើវិស័យអចលនទ្រព្យ និងឧស្សាហកម្មជាដើម។បើតាមក្រុមប្រឹក្សាអភិវឌ្ឍន៍កម្ពុជា ក្នុងត្រីមាសទី១ ឆ្នាំ២០២៤ ការវិនិយោគក្នុងស្រុកសរុបឈរនៅលំដាប់លេខ១ រីឯការវិនិយោគមកពីប្រទេសចិនស្ថិតនៅលំដាប់លេខ២ ដោយបានរួមចំណែកប្រមាណ៩៣%នៃទុនវិនិយោគសរុប។ដោយឡែក ក្នុងខែមេសា ឆ្នាំ២០២៤នេះ ការវិនិយោគមកពីប្រទេសចិនស្ថិតនៅលំដាប់លេខមួយ ដោយបានចូលរួមចំណែករហូតទៅដល់ប្រមាណ ៩៨% នៃទុនវិនិយោគសរុប៕

The post រដ្ឋមន្រ្តីការបរទេសចិន សន្យាលើកទឹកចិត្ត ក្រុមហ៊ុន និងសហគ្រាសចិនឱ្យធ្វើការវិនិយោគនៅកម្ពុជាបន្ថែមទៀត appeared first on .

ការស្នើដូច្នេះ បានធ្វើឡើងក្នុងកិច្ចពិភាក្សាការងាររវាងលោកសុខ ចិន្តាសោភា ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ ជាមួយលោក Nguyễn Huy Tăng ឯកអគ្គរដ្ឋទូតនៃសាធារណរដ្ឋសង្គមនិយមវៀតណាមប្រចាំកម្ពុជា នៅទីស្តីការក្រសួង នាថ្ងៃទី២០ ខែឧសភា ឆ្នាំ២០២៤។

នាឱកាសនោះ ឧបនាយករដ្ឋមន្ត្រី លោកសុខ ចិន្តាសោភា បានគូសបញ្ជាក់ការភ្ញាក់ផ្អើលយ៉ាងខ្លាំងរបស់រាជរដ្ឋាភិបាលកម្ពុជា ចំពោះការបង្ហោះសារតាម Tik Tok ជេរប្រមាថថ្នាក់ដឹកនាំជាន់ខ្ពស់របស់កម្ពុជា ពាក់ព័ន្ធនឹងគម្រោងព្រែកជីកហ្វ៊ូណនតេជោ ដែលបានបង្កឱ្យមានអារម្មណ៍មិនល្អក្នុងរង្វង់រាជរដ្ឋាភិបាល និងប្រជាជនកម្ពុជា។

ជាមួយគ្នានេះ លោកឧបនាយករដ្ឋមន្ត្រី ក៏បានលើកសំណើរបស់រាជរដ្ឋាភិបាលកម្ពុជា សូមឱ្យរដ្ឋាភិបាលវៀតណាមផ្តល់កិច្ចសហការធ្វើការស្រាវជ្រាវដើម្បីកំណត់សមាសភាព អត្តសញ្ញាណអ្នកដែលបានបង្ហោះខ្លឹមសារអមិត្តទាំងនោះ ដើម្បីទប់ស្កាត់ការប៉ុនប៉ងណាមួយសំដៅបំផ្លាញចំណងមិត្តភាពជាប្រពៃណី និងកិច្ចសហប្រតិបត្តិការដ៏ល្អប្រសើររវាងថ្នាក់ដឹកនាំ និងប្រជាជននៃប្រទេសទាំងពីរ។

ជាការឆ្លើយតប ឯកអគ្គរដ្ឋទូតនៃសាធារណរដ្ឋសង្គមនិយមវៀតណាម បានយល់ស្របមតិថា ការបង្ហោះខ្លឹមសារអមិត្តទាំងនោះ ជាសកម្មភាពអវិជ្ជមាន ដែលចាំបាច់ត្រូវមានកិច្ចសហការយ៉ាងជិតស្និទ្ធរវាងស្ថាប័នមានសមត្ថកិច្ចរបស់ប្រទេសទាំងពីរ ដើម្បីធ្វើការស្រាវជ្រាវកំណត់សមាសភាព អត្តសញ្ញាណជនដែលនៅពីក្រោយសកម្មភាពទាំងនោះ៕

The post កម្ពុជា ស្នើវៀតណាមសហការស្រាវជ្រាវករណីបង្ហោះខ្លឹមសារជេរប្រមាថថ្នាក់ដឹកនាំកម្ពុជា ពាក់ព័ន្ធនឹងគម្រោងព្រែកជីកហ្វ៊ូណនតេជោ appeared first on .

បើតាមលោក សុខ ចិន្តាសោភា អគ្គលេខាធិការក្រុមប្រឹក្សាអភិវឌ្ឍន៍កម្ពុជា CDC ក្នុងវេទិកាជំរុញវិនិយោគ និងពាណិជ្ជកម្មកម្ពុជា-វៀតណាម ២០២២ កាលពីថ្ងៃទី៨ ខែវិច្ឆិកាម្សិលមិញ បានឱ្យដឹងថា វិស័យឧស្សាហកម្ម និងហេដ្ឋារចនាសម្ព័ន្ធ ទទួលបានការវិនិយោគច្រើនជាងគេប្រមាណ ៤១,៥% បើធៀបនឹងរយៈពេលដូចគ្នាក្នុងឆ្នាំកន្លងទៅ ដែលគម្រោងវិនិយោគមានការកើនឡើង ១៥គម្រោង ហើយទុនវិនិយោគកើនឡើងប្រមាណ ១, ៣%។

ថ្លែងក្នុងឱកាសនោះដែរ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា បានលើកឡើងថា កម្ពុជា មានសក្ដានុពលធំធេងដែលវិនិយោគិនអាចពិនិត្យលទ្ធភាពវិនិយោគជាច្រើនវិស័យ ដូចជា កសិកម្ម ពាណិជ្ជកម្ម និងការកែច្នៃម្ហូបអាហារ ទេសចរណ៍ សំណង់ សម្ភារៈផ្ទះបាយ រថយន្ត សម្ភារៈផលិតថាមពល និងឱសថ។

អ្នកឧកញ៉ាបន្ថែមថា ដីសម្បូរជីជាតិ និងផ្ទៃរាបដ៏ធំទូលាយរបស់កម្ពុជា គឺជាកាលានុវត្តភាពធុរកិច្ចដ៏ធំធេងរាប់ឆ្នាំទៅមុខ សម្រាប់ធុរកិច្ចពាក់ព័ន្ធនឹងការដាំដុះ ការកែច្នៃ និងការផ្គត់ផ្គង់ផលិតផលដំណាំ។ រីឯអនុវិស័យឧស្សាហកម្មកម្មន្តសាល ដូចជា ថាមពល សំណង់ អគ្គិសនី និងគ្រឿងបន្លាស់យានជំនិះ កំពុងរីកចម្រើន និងមានតម្រូវការខ្លាំងនៅទីផ្សារអឺរ៉ុប និងទីផ្សារអាមេរិក។

ទន្ទឹមនឹងនោះ កម្ពុជាក៏មានទីផ្សារទូលំទូលាយ ក្នុងពិភពលោក ក្រោមក្របខណ្ឌនៃកិច្ចព្រមព្រៀងពាណិជ្ជកម្មសេរី ពហុភាគី និងទ្វេភាគី រួមមានដូចជា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់, កិច្ចព្រមព្រៀងពាណិជ្ជកម្មសេរីកម្ពុជា-ចិន និងកិច្ចព្រមព្រៀងពាណិជ្ជកម្មសេរីកម្ពុជា-កូរ៉េ ជាដើម៕

The post ១០ខែ កម្ពុជាអនុម័តគម្រោងវិនិយោគចំនួន ១៦១គម្រោង ក្នុងទំហំទឹកប្រាក់ ៣,៥ពាន់លានដុល្លារ appeared first on .

លោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា ក្នុងពេលផ្តល់កិច្ចសម្ភាសន៍ដល់វិទ្យុមិត្តភាពកម្ពុជា-ចិន កាលថ្ងៃទី២៥ ខែតុលា បានលើកឡើងថា៖ «ក្នុងនាមជារដ្ឋមន្ត្រី អមនាយករដ្ឋមន្ត្រី ដែលធ្លាប់បានចូលរួមក្នុងកិច្ចប្រជុំកម្រិតថ្នាក់ដឹកនាំរវាងប្រទេសកម្ពុជានិងចិន លោកមើលឃើញទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ពីមួយឆ្នាំ ទៅមួយឆ្នាំ គឺកាន់តែជិតស្និទ្ធជាបន្តបន្ទាប់ ហើយសង្ឃឹមថា ទៅថ្ងៃខាងមុខ មិត្តភាពនិងកិច្ចសហប្រតិបត្តិការនេះ នឹងកាន់តែមានភាពខ្លាំងក្លាបន្ថែមទៀត ជាក់ស្តែងបានឃើញតាមរយៈការរួមគ្នាប្រយុទ្ធប្រឆាំងនឹងជំងឺកូវីដ១៩ កាលពីពេលថ្មីៗនេះ ជាដើម»។

ជាងនេះទៀត លោកថា«ប្រទេសចិន ក្រៅពីការវិនិយោគដើម្បីបង្កើតការងារ ក៏មានការចូលរួមកសាងហេដ្ឋារចនាសម្ព័ន្ធ ចាំបាច់ ដូចជា ផ្លូវថ្នល់ ស្ពាន ថាមពល វារីអគ្គិសនី ដែលទាំងនេះគឺជាកត្តាចំបង ដើម្បីឲ្យគ្រប់ប្រទេសធ្វើការអភិវឌ្ឍន៍សង្គម សេដ្ឋកិច្ចបាន ដូច្នេះ ខ្ញុំសូមថ្លែងអំណរគុណចំពោះការវិនិយោគពីសំណាក់ក្រុមហ៊ុនចិន ក៏ដូចជា ការផ្តល់ហិរញ្ញប្បទាន ឬជំនួយ មកដល់រាជរដ្ឋាភិបាលកម្ពុជា ដើម្បីយើងខ្ញុំបានសាងសង់ផ្លូវ ស្ពាន និងប្រព័ន្ធអគ្គិសនី ។ល។ អ្វីដែលខ្ញុំចង់លើកឡើងគឺថា ការចូលរួមរបស់រដ្ឋាភិបាលចិន ក៏ដូចជា ពីសំណាក់ក្រុមហ៊ុន​ចិន ក្នុងការកសាងហេដ្ឋារចនាសម្ព័ន្ធបានចូលរួមធំធេងណាស់ ក្នុងការអភិវឌ្ឍ កន្លងមក នៅពេលនេះ និងពេលអនាគត សម្រាប់សង្គមសេដ្ឋកិច្ច» ។

គួរបញ្ជាក់ថា បើតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា រហូតមកដល់ខែតុលា ឆ្នាំ២០២២នេះ ប្រទេសចិននៅតែជាប្រទេសប្រភពវិនិយោគធំជាងគេរបស់កម្ពុជា ជាក់ស្តែង ក្នុងរយៈពេល៩ខែ ដើមឆ្នាំ២០២២ ក្រុមប្រឹក្សាអភិវឌ្ឍន៍កម្ពុជា បានយល់ព្រមនូវសំណើវិនិយោគ ចំនួន១៥០ គម្រោង ដែលកើនឡើង ចំនួន១៦គម្រោង បើប្រៀបធៀបនឹងពេលដូចគ្នា កាលពីឆ្នាំមុន ហើយទំហំវិនិយោគក៏កើនឡើង ប្រហែល ១០០លានដុល្លារផងដែរ៕ អត្ថបទ៖ រង្សី

The post លោក សុខ ចិន្តាសោភា៖ ប្រទេសចិននៅតែជាប្រទេសប្រភពវិនិយោគធំជាងគេរបស់កម្ពុជា appeared first on .

លោក សុខ ចិន្តាសោភា បាន​ឲ្យ​ដឹង​ថា ក្រោយ​ការ​ភ្ជាប់​ទំនាក់ទំនងការទូតឡើងវិញរបស់​កម្ពុជា​និង​សាធារណរដ្ឋ​កូរ៉េ​នៅ​ឆ្នាំ១៩៩៧ ការវិនិយោគផ្ទាល់ពីកូរ៉េមិនត្រឹមតែនាំមកនូវដើមទុន និងបច្ចេកវិទ្យាប៉ុណ្ណោះទេ ថែមទាំងនាំមកនូវស្មារតីតស៊ូមិនលះបង់ផងដែរ។

ក្នុង​ឱកាស​នោះ លោក​រដ្ឋមន្រ្តី​ក៏​បានលើក​ពី​ច្បាប់វិនិយោគថ្មីដែល​រដ្ឋាភិបាល​កម្ពុជា​បាន​ដាក់​ឲ្យដំណើរការ​កាល​ពី​ចុងឆ្នាំ២០២១ ដែល​ច្បាប់វិនិយោគថ្មីនេះនឹងជួយ​ទាក់ទាញការវិនិយោគពីកូរ៉េមកកម្ពុជា ជាពិសេស ក្នុងវិស័យឌីជីថល ដែលសាធារណរដ្ឋកូរ៉េបានបោះជំហាននាំមុខគេលើសាកលលោក និងក្នុងវិស័យកែច្នៃចំណីអាហារដែលជាវិស័យមានសក្តានុពលខ្ពស់នៅកម្ពុជា។

គួរ​បញ្ជាក់​ថា កម្ពុជា​បាន​ចុះកិច្ចព្រមព្រៀងពាណិជ្ជកម្មសេរីរជាមួយ​សាធារណរដ្ឋកូរ៉េកាលពីចុងខែតុលា ឆ្នាំ២០២១ ដែល​នឹងចូលជាធរមាននាពេលឆាប់ៗខាងមុខ។ តាម​រយៈ​ច្បាប់​ពាណិជ្ជកម្ម​ថ្មី​នេះ នឹង​ជួយត្រួសត្រាយផ្លូវក្នុងការបង្កើនសកម្មភាពពាណិជ្ជកម្ម និង​ជំរុញឱ្យមានការវិនិយោគពីកូរ៉េមកកម្ពុជាបន្ថែមទៀត៕

The post គម្រោងវិនិយោគ​ក្រុមហ៊ុន​កូរ៉េចំនួន ២១៩ គម្រោង មាន​ទុន​ប្រមាណ ៥ ប៊ីលានដុល្លារអាមេរិក​ បាន​ចូលរួម​អភិវឌ្ឍ​សេដ្ឋកិច្ច​កម្ពុជា appeared first on .

លោក សុខ ចិន្តាសោភា លើកឡើងដូច្នេះក្នុងពេលដែលក្រុមប្រឹក្សាអភិវឌ្ឍន៍កម្ពុជា ហៅកាត់ CDC នៅថ្ងៃពុធ ទី៣ ខែវិច្ឆិកា ម្សិលមិញ បានរៀបចំសិក្ខាសាលាផ្សព្វផ្សាយពីច្បាប់ស្តីពី វិនិយោគនៃកម្ពុជាថ្មី ជូនដល់ស្ថានតំណាងកម្ពុជានៅបរទេស ដើម្បីផ្សព្វផ្សាយបន្ស៊ីគ្នា រវាងការជំរុញការវិនិយោគ និងការអនុវត្តយុទ្ធសាស្ត្រការទូត សំដៅទាក់ទាញលំហូរវិនិយោគផ្ទាល់ ពីបរទេសបង្កើនផលិតភាព នៃឧស្សាហកម្មក្នុងស្រុក ព្រមទាំងពង្រឹងការតភ្ជាប់ឧស្សាហកម្ម កម្ពុជាទៅក្នុងខ្សែច្រវ៉ាក់ផ្គត់ផ្គង់ ក្នុងតំបន់និងសកលលោក។

បើតាមលោក សុខ ចិន្តាសោភា ក្នុងការកសាងសេដ្ឋកិច្ចឡើងវិញ ច្បាស់ណាស់ច្បាប់វិនិយោគថ្មីនេះ ដើរតួនាទីយ៉ាងសំខាន់មួយ ស្ដីពី ការវិនិយោគ ហើយនិងមានច្បាប់មួយទៀត ទើបតែអនុម័តគឺច្បាប់ ស្ដីពី ភាពជាដៃគូរវាងរដ្ឋនិងឯកជន។ ច្បាប់នេះបង្កើត នូវក្របខ័ណ្ឌគតិយុត្តមួយ ដើម្បីផ្ដល់លទ្ធភាពឲ្យវិស័យឯកជនចូល រួមជាមេរដ្ឋក្នុងការកសាងហេដ្ឋារចនាសម្ព័ន្ធរូបវ័ន្តដូចជា៖ ផ្លូវថ្នល់ កំពង់ផែ ប្រព័ន្ធចែកចាយភ្លើង សាលារៀន មន្ទីរពេទ្យជាដើម។

អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា៖ ដើម្បីដើរទៅមុខយើងកសាងហេដ្ឋារចនាសម្ព័ន្ធច្រើនហើយ ប៉ុន្តែយើងត្រូវការច្រើនជាងនេះទៀត ដូច្នេះថវិការដ្ឋ មិនគ្រប់យើងបើកឲ្យដៃគូឯកជន ចូលរួមជាមួយរាជរដ្ឋាភិបាល ដើម្បីវិនិយោគតាមរយៈច្បាប់វិនិយោគថ្មី និងច្បាប់ ស្តីពី ភាពជាដៃគូរវាងរដ្ឋ និងឯកជន ដែលច្បាប់នេះសុទ្ធតែបង្កើត នូវបរិយាកាសមួយអំណោយផលឲ្យអ្នកវិនិយោគទាំងក្នុងស្រុក និងក្រៅស្រុកមកចូលរួមអភិវឌ្ឍន៍សេដ្ឋកិច្ច និងសង្គមកម្ពុជា។

គួររម្លឹកឡើងវិញដែរថា ច្បាប់ស្តីពី វិនិយោគថ្មីនេះ ត្រូវបានតាក់តែងឡើងតាំងពីឆ្នាំ ២០១៥ មកម្លេះ ដោយមាន ៤២មាត្រា សំដៅការទាក់ទាញ និងជំរុញការវិនិយោគនៅកម្ពុជា ឲ្យមានគុណភាព ប្រសិទ្ធភាព និងប្រសិទ្ធផល ក្នុងការអភិវឌ្ឍសង្គម-សេដ្ឋកិច្ច៕

The post លោក សុខ ចិន្តាសោភា៖ ការកសាងសេដ្ឋកិច្ចឡើងវិញ ច្បាប់វិនិយោគថ្មីនេះ នឹងដើរតួនាទីយ៉ាងសំខាន់ appeared first on .

លោកថា ដើម្បីធ្វើពិពិធកម្មសេដ្ឋកិច្ចនៃបណ្តាប្រទេស LDC ដោយប្រើប្រាស់សក្តានុពលពេញលេញ នៃសមាហរណកម្មតំបន់ ដែលមានលក្ខណៈស៊ីជម្រៅ ដែលរួមចំណែកដល់ការធ្វើឲ្យប្រសើរឡើងនូវកំណើនសេដ្ឋកិច្ច និងភាពធន់ ព្រមទាំងបង្កើតរបបគតិយុត្តិ និងបទប្បញ្ញត្តិមួយ ដែលជំរុញការវិនិយោគក្នុងស្រុក និងបរទេស ដើម្បីធ្វើឲ្យទុនវិនិយោគឯកជន អាចធ្វើប្រតិបត្តិការបាន។

លោក សុខ ចិន្តាសោភា បានគូសបញ្ជាក់នូវច្បាប់វិនិយោគថ្មីរបស់កម្ពុជា ដែលទើបត្រូវបានប្រកាសឲ្យប្រើ ដើម្បីបង្កើតនូវក្របខ័ណ្ឌគតិយុត្តដែលបើកចំហ មានតម្លាភាព និងអាចប៉ាន់ប្រមាណទុកជាមុនបាន ព្រមទាំងពង្រឹងភាពទាក់ទាញ និងសមត្ថភាពបំពេញបន្ថែម ជាពិសេសផ្ដល់របបលើកទឹកចិត្តដ៏ឆ្លាតវៃ ដល់គម្រោងវិនិយោគ ដែលប្រើប្រាស់បច្ចេកវិទ្យា, បង្កើតការងារ, បណ្តុះបណ្តាលជំនាញ, បណ្តុះការស្រាវជ្រាវ, អភិវឌ្ឍន៍, និងនវានុវត្តន៍។

បន្ថែមលើសពីនេះ ការវិនិយោគផ្ទាល់ពីបរទេស (FDI) គឺជាប្រភពដ៏មានសក្តានុពល និងសំខាន់នៃហិរញ្ញវត្ថុអភិវឌ្ឍន៍សម្រាប់ប្រទេស LDCs និងអាចបំពេញបន្ថែម ដល់ជំនួយ អភិវឌ្ឍន៍ផ្លូវការ (ODA)។ បើទោះបីប៉ុន្មានឆ្នាំនេះ មានភាពប្រសើរឡើងបន្តិចម្តងៗ ក្នុងក្របខ័ណ្ឌគតិយុត្តិ និងបទប្បញ្ញត្តិសម្រាប់ការវិនិយោគ នៅក្នុងបណ្ដាប្រទេស LDCs ក្ដី ការរីករាលដាលនៃជំងឺកូវីដ-១៩ បានបង្កជាផលប៉ះពាល់ដល់សេដ្ឋកិច្ច ព្រមទាំងប៉ះពាល់យ៉ាងខ្លាំង ដល់រំហូរវិនិយោគផ្ទាល់ពីបរទេស និងបង្ហាញឲ្យឃើញកាន់តែច្បាស់ នូវភាពទន់ខ្សោយនៃហេដ្ឋរចនាសម្ព័ន្ធសេដ្ឋកិច្ច។

យោងតាម UNCTAD រំហូរវិនិយោគផ្ទាល់ពីបរទេសទូទាំងសកលលោក បានឈានដល់ប្រមាណ៨៥២ពាន់លានដុល្លារ ក្នុងឆមាសទីមួយ នៃឆ្នាំ២០២១ ដែលបង្ហាញពីសន្ទុះស្ទុះងើបឡើងវិញ ខ្លាំងជាងការរំពឹងទុក។ ការកើនឡើងនៅក្នុងរយៈពេលពីរត្រីមាសនេះ បានស្ដារជាង៧០% នៃការថយចុះដែលបណ្ដាលមកពី ជំងឺរាតត្បាតកូវីដ-១៩ ក្នុងឆ្នាំ ២០២០។

ដោយឡែក ចំពោះលំហូរវិនិយោគផ្ទាល់ពីបរទេស ទៅកាន់បណ្ដាសេដ្ឋកិច្ចប្រទេសកំពុងអភិវឌ្ឍន៍ ក៏បានកើនឡើងគួរឲ្យកត់សម្គាល់ផងដែរ ដែលមានសរុបចំនួនប្រមាណ៤២៧ ពាន់លានដុល្លារ នៅក្នុងឆមាសទីមួយឆ្នាំ ២០២១ ជាមួយនឹងការកើនឡើងកាន់តែលឿនរបស់ប្រទេស នៅអាស៊ីបូព៌ា និងអាស៊ីអាគ្នេយ៍ (២៥%)។

ក្នុងចំណោមការស្ដារឡើងវិញ សរុបប្រមាណ៣៧៣ពាន់លានដុល្លារ នៃលំហូរវិនិយោគផ្ទាល់ ពីបរទេសលើសកលលោក នៅឆមាសទីមួយនៃឆ្នាំ២០២១នេះ ៧៥% ត្រូវបានកត់ត្រាក្នុងប្រទេសអភិវឌ្ឍន៍។ បណ្ដាប្រទេសមានចំណូលខ្ពស់ បានបង្កើនរំហូរ FDI ប្រចាំត្រីមាសបានជាងពីរដង ធៀបទៅនឹងឆ្នាំ២០២០ ដែលជាកម្រិត ទាបបំផុត ខណៈដែលប្រទេសមានចំណូលមធ្យម ទទួលបានរំហូរ FDI កើនឡើងប្រមាណ ៣០% ហើយប្រទេសមានចំណូលទាបទទួលបានរំហូរ FDI កាន់តែថយចុះ ៩% បន្ថែមទៀត៕

The post លោក សុខ ចិន្តាសោភា៖ កិច្ចខិតខំប្រឹងប្រែងរួមគ្នានេះ ដើម្បីទាក់ទាញលំហូរវិនិយោគ appeared first on .