កំពុងដង្ហោយហៅរកជំនួយស្រាប់ ក្រុមហ៊ុន ខាំ-ផែន ថ្នាំពណ៌ជាតិ ប្រគល់ថវិកាជាង ២ម៉ឺនដុល្លារជូនដល់មន្ទីរពេទ្យកុមារអង្គរ

ឧកញ៉ាកោះក្របី — Mon, 30 Aug 2021 10:44:27 +0000

ប្រឈមនឹងវិបត្តិនៃជំងឺកូវីដ-១៩ ដែលធ្វើឲ្យការទទួលជំនួយពីក្រៅប្រទេស ធ្លាក់ចុះ មន្ទីរពេទ្យកុមារអង្គរ ដែលជាមន្ទីរពេទ្យ ពិនិត្យ ព្យាបាលជំងឺកុមារដោយឥតគិតថ្លៃ តាំងពីឆ្នាំ ១៩៩៩ បាននឹងកំពុងព្យាយាមកៀងគរជំនួយក្នុងស្រុក ដើម្បីទ្រទ្រង់ដល់ដំណើរការរបស់មន្ទីរពេទ្យ រហូតដល់ចប់ឆ្នាំ ២០២១នេះ។

ដើម្បីចូលរួមចំណែកជួយដល់ដំណើរការនៃមន្ទីរព្យាបាលសម្រាប់កុមារនៅកម្ពុជាមួយនេះ លោក សោម សម្បត្តិ អគ្គនាយកប្រតិបត្តិក្រុមហ៊ុន ខាំ-ផែន (ថ្នាំពណ៌ជាតិ) បាននាំយកថវិកាចំនួន ២២,០២០ដុល្លារអាមេរិក ទៅឧបត្ថម្ភដល់មន្ទីរពេទ្យកុមារអង្គរ នៅខេត្តសៀមរាប។

គួរជម្រាបជូនថា មន្ទីរពេទ្យកុមារអង្គរ ជាអង្គភាពមិនស្វែងរកប្រាក់ចំនេញ ដែលមានបេសកកម្មលើកកម្ពស់សុខុមាលភាពកុមារកម្ពុជាគ្រប់រូប។ មិនត្រឹមតែផ្តល់សេវាសុខាភិបាលដល់កុមារ តាំងពីជាង ២០ឆ្នាំមកទេ តែមន្ទីរពេទ្យកុមារអង្ករ ក៏ជាមជ្ឈមណ្ឌលបណ្តុះបណ្តាលវេជ្ជសាស្ត្រ របស់សិស្ស និស្សិត និងមន្ត្រីសុខាភិបាលផ្សេងទៀតផងដែរ៕

The post កំពុងដង្ហោយហៅរកជំនួយស្រាប់ ក្រុមហ៊ុន ខាំ-ផែន ថ្នាំពណ៌ជាតិ ប្រគល់ថវិកាជាង ២ម៉ឺនដុល្លារជូនដល់មន្ទីរពេទ្យកុមារអង្គរ appeared first on .

លោក សោម សម្បត្តិ៖ មនុស្សត្រូវចេះផ្សំគ្រឿង ៤យ៉ាងនេះទើបទទួលបានសុភមង្គលពិតប្រាកដក្នុងជីវិត

អ្នកឧកញ៉ាវត្តភ្នំ — Wed, 28 Jul 2021 08:35:50 +0000

ក្នុងសិក្ខាសាលាមួយស្ដីពី «អាថ៌កំបាំងកសាងគ្រួសារដ៏មានសុភមង្គល» លោក សោម សម្បត្តិ អគ្គនាយកក្រុមហ៊ុនថ្នាំពណ៌ជាតិ Cam-Paint បានលើកឡើងថា ពាក្យ«សុភមង្គល» ត្រូវផ្សំឡើងពីកត្តាគ្រឹះ ៤យ៉ាង ទើបលេចចេញនូវសុភមង្គលពិតប្រាកដមួយសម្រាប់ខ្លួនឯង និងគ្រួសារ ក៏ដូចជាសង្គមជាតិទាំងមូល ។

លោក សោម សម្បត្តិ បញ្ជាក់ថា៖ « ការសន្សំចំណេះដឹង សន្សំពេលវេលា សន្សំសុខភាព និងសន្សំលុយ ធាតុចូលរួមទាំង ៤យ៉ាងនេះ មនុស្សគ្រប់គ្នាត្រូវតែស្វែងរក និងបំពេញឱ្យបាន បើចង់ទទួលបានអត្ថន័យពេញលេញចេញពីពាក្យថា សុភមង្គលពិតប្រាកដ ទៅថ្ងៃមុខ»។

ម្ចាស់ក្រុមហ៊ុនថ្នាំលាបពណ៌ធម្មជាតិ ដដែលរូបនេះសង្កត់ធ្ងន់ថា៖ «មនុស្សគ្រប់គ្នាសុទ្ធតែមានបំណងចង់បានសុភមង្គល ហើយសុទ្ធតែអាចបង្កើតសុភមង្គលបានសម្រាប់ខ្លួនឯង គ្រាន់តែមិនទាន់ដឹងពីវិធីដើម្បីទទួលបានសុភមង្គលតែប៉ុណ្ណោះ»។ លោក បន្តថា៖ «ចំណេះដឹងសំខាន់ណាស់សម្រាប់មនុស្ស ព្រោះថាជីវិតអាចជោគជ័យទៅបានលុះត្រាតែយើងមានចំណេះទូលំទូលាយ សម្រាប់ដោះស្រាយរាល់គ្រប់បញ្ហាប្រឈមក្នុងជីវិត និងប្រើចំណេះដឹងឱ្យបានទូលំទូលាយ សម្រាប់ប្រើប្រាស់ក្នុងជីវិត និងក្នុងសង្គម»។

សូមចុច Subscribe Telegram oknha_news ដើម្បីទទួលព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព!

សហគ្រិនដែលបង្កើតរោចក្រផលិតថ្នាំលាបដំបូងគេនៅស្រុកខ្មែរ រូបនេះបន្ថែមថា៖ ពាក្យថា ចំណេះដឹង គឺមិនប្រាកដថាត្រូវរៀនតែក្នុងសាលានោះទេ យើងអាចស្វែងរកចំណេះដឹងបានពីគ្រប់មជ្ឈដ្ឋានទាំងក្នុងវិស័យការងារ និងពីផ្នែកផ្សេងៗទៀតក្នុងការរស់នៅ។ បន្ថេមពីនេះ ពេលវេលាក៏សំខាន់ណាស់ដែរសម្រាប់មនុស្ស ព្រោះថាបើយើងមិនចេះគ្រប់គ្រងពេលវេលាឱ្យបានល្អទេនោះ យើងនឹងចាយជីវិតចោលដោយមិនបានធ្វើរឿងដែលមានប្រយោជន៍សម្រាប់ជីវិតនោះទេ។ ការគ្រប់គ្រងពេលវេលាបានល្អ វាអាចធ្វើឱ្យយើងទទួលបានការអភិវឌ្ឍក្នុងពេលដ៏សមប្រកប ដែលវារុញច្រានឱ្យជីវិតទទួលបានជោគជ័យរួមទាំងមានសុភមង្គលក្នុងគ្រួសារថែមទៀតផង។

ក្រៅពីនេះ សុខភាព ក៏ជារឿងចម្បងមួយទៀតដែរសម្រាប់សុភមង្គល របស់មនុស្សទូទៅគ្រប់គ្នា មិនអាចខ្វះបាន។ បើសុខភាពមិនរឹងមាំ យើងក៏គ្មានកម្លាំងឯណាទៅយកឈ្នះបញ្ហានានានោះទេ ហើយបើយើងមិនអាចឈ្នះលើអាជីវកម្ម ឬមិនអាចឈ្នះលើការតាំងចិត្តរបស់យើងនោះទេ យើងក៏មិនអាចទទួលបានសុភមង្គលនោះដែរ។

ដូច្នេះមនុស្សគ្រប់គ្នា ដាច់ខាតត្រូវតែរក្សាសុខភាពឱ្យបានល្អសម្រាប់អភិវឌ្ឍលើវិស័យការងារ និងផ្តល់ភាពកក់ក្តៅដល់ក្រុមគ្រួសារ។ ចំណុចសំខាន់ចុងក្រោយ គឺមនុស្សគ្រប់គ្នាត្រូវតែសន្សំថវិកា និងបណ្ដុះនូវទម្លាប់សន្សំនេះឱ្យបាន ធ្វើយ៉ាងណាឱ្យសុខភាពហិរញ្ញវត្ថុរបស់ខ្លួនឯង និងគ្រួសារមានភាពរឹងមាំ។ លោក សោម សម្បត្តិ បញ្ជាក់បន្ថែម៕

The post លោក សោម សម្បត្តិ៖ មនុស្សត្រូវចេះផ្សំគ្រឿង ៤យ៉ាងនេះទើបទទួលបានសុភមង្គលពិតប្រាកដក្នុងជីវិត appeared first on .

លោក សោម សម្បត្តិ

លោក សោម សម្បត្តិ៖ មនុស្ស​ត្រូវចេះ​ផ្សំគ្រឿង ៤យ៉ាង​នេះទើបទទួលបានសុភមង្គលពិតប្រាកដក្នុងជីវិត

លោក សោម សម្បត្តិ៖ មនុស្សត្រូវចេះផ្សំគ្រឿង ៤យ៉ាងនេះទើបទទួលបានសុភមង្គលពិតប្រាកដក្នុងជីវិត