លោក ស៊ុន សុវណ្ណារិទ្ធិ

ស្នងការរងខេត្តកំពង់ឆ្នាំងម្នាក់ ប្រគល់ដីព្រៃលិចទឹកជាង ៦០០ហិចតា ទៅឲ្យរដ្ឋវិញ

ឧកញ៉ាកោះក្របី — Wed, 01 Dec 2021 04:24:37 +0000

ដីព្រៃលិចចំនួន ៦៧៥ ហិកតា ស្ថិតនៅក្នុងឃុំច្រណូក ស្រុកកំពង់លែង ខេត្តកំពង់ឆ្នាំង ត្រូវបានឧត្តមសេនីយ៍ត្រី ស៊ុំ សុជាតិ ស្នងការរងនៃស្នងការដ្ឋាននគរបាលខេត្តកំពង់ឆ្នាំង បានប្រគល់មកឲ្យរដ្ឋវិញហើយ។ នេះបើតាមការឲ្យដឹងរបស់លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង នៅព្រឹកថ្ងៃពុធ ទី១ ធ្នូនេះ។

លោក ស៊ុន ស៊ុនវណ្ណារិទ្ធិ បានបញ្ជាក់ថា ដីជាង ៦០០ហិកតានេះ គឺលោក ស៊ុ សុជាតិ បានប្រគល់ឱ្យរដ្ឋវិញ កាលពីថ្ងៃ ២៩ ខែវិច្ឆិកា ឆ្នាំ២០២១ ហើយដីទាំងអស់នេះគឺបានមកដោយទិញពីប្រជាពលរដ្ឋ និងខ្លះទៀតបានដោយការឈូសឆាយបន្ថែម។

ការប្រគល់ដីព្រៃលិចទឹក ៦០០ហិចតារបស់លោកស្នងការរងខេត្តកំពង់ឆ្នាំងរូបនេះ ធ្វើឡើងបន្ទាប់ពីសម្តេច ហ៊ុន សែន នាយករដ្ឋមន្រ្តីកម្ពុជា នៅថ្ងៃទី ២៨ វិច្ឆិកា បានដាក់ចេញបទបញ្ជាយ៉ាងម៉ឺងម៉ាត់ឱ្យក្រសួងស្ថាប័នពាក់ព័ន្ធ និងអភិបាលខេត្តជាប់បឹងទន្លេសាប ត្រូវធ្វើការទប់ស្កាត់ និងបង្រ្កាបជាបន្ទាន់ចំពោះការលួចកាប់ព្រៃលិចទឹក និងវាទទីយកដីនៅតាមបឹងទន្លេសាប ជាពិសេសនៅខេត្តកំពង់ឆ្នាំង៕

The post ស្នងការរងខេត្តកំពង់ឆ្នាំងម្នាក់ ប្រគល់ដីព្រៃលិចទឹកជាង ៦០០ហិចតា ទៅឲ្យរដ្ឋវិញ appeared first on .

លោក ស៊ុន សុវណ្ណារិទ្ធិ មានបទពិសោធន៍ការងារជោគជាំមុន ទទួលបានតំណែងជាអភិបាលខេត្តកំពង់ឆ្នាំងថ្មី

ឧកញ៉ាកោះក្របី — Fri, 02 Jul 2021 10:08:54 +0000

លោក ស៊ុន សុវណ្ណារិទ្ធិ ចូលកាន់តំណែងជាអភិបាលខេត្តកំពង់ឆ្នាំង ក្រោមអធិបតីភាពសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងសម្តេចចៅហ្វាយវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង កាលពីថ្ងៃទី១ ខែកក្កដាម្សិលមិញ ខណៈលោក ឈួរ ច័ន្ទឌឿន អភិបាលខេត្តត្រូវបានផ្ទេរភារកិច្ចទៅជាអនុរដ្ឋលេខាធិការក្រសួងអភិវឌ្ឍន៍ជនបទវិញ។

សូមចុច Subscribe Telegram oknha_news ដើម្បីទទួលបានព័ត៌មានគ្រប់សកម្មភាពឧកញ៉ា អាជីវកម្ម ចែករំលែក ជោគជ័យ

តើចៅហ្វាយខេត្តកំពង់ឆ្នាំងថ្មី ជានរណា? មានប្រវត្តិសិក្សា និងបទពិសោធន៍ការងារយ៉ាងដូច្នេះខ្លះ?

មានវ័យ ៤៧ឆ្នាំ លោក ស៊ុន សុវណ្ណារិទ្ធិ បានក្លាយជាអភិបាលខេត្តកំពង់ឆ្នាំថ្មី កើតនៅថ្ងៃទី១៣ ខែមេសា ឆ្នាំ១៩៧៤ នៅសង្កាត់បឹងកក់២ ខណ្ឌទួលគោក រាជធានីភ្នំពេញ។

ក្នុងឆ្នាំ២០០៩ ជាបេក្ខជនបណ្ឌិត នៃសាកលវិទ្យាល័យភ្នំពេញអន្តរជាតិ ផ្នែកសេដ្ឋកិច្ច និងបរិញ្ញាបត្រជាន់ខ្ពស់ពីសាកលវិទ្យាល័យភ្នំពេញអន្តរជាតិ ផ្នែកគ្រប់គ្រងនៅឆ្នាំ ២០០៧ ហើយក្នុងឆ្នាំ ១៩៩៩ លោកទទួលបានសញ្ញាប័ត្រមន្ត្រីជាន់ខ្ពស់ សាលាភូមិន្ទរដ្ឋបាលសេដ្ឋកិច្ច និងហិរញ្ញវត្ថុ ឆ្នាំ១៩៩៨ លោកបានបញ្ចប់សញ្ញាប័ត្រមន្ត្រីមធ្យមសិក្សាសាលាភូមិន្ទរដ្ឋបាល រដ្ឋបាលទូទៅ និងឆ្នាំ១៩៩៨ ទទួលបានបរិញ្ញាបត្រមហាវិទ្យាល័យពាណិជ្ជកម្មទីផ្សារ ។

ឆ្នាំ២០១៥ លោកទទួលបានវិញ្ញាបនបត្រពីក្រសួងមហាផ្ទៃ លើជំនាញគ្រប់គ្រង Management ឆ្នាំ២០១៤ លោកចូលរៀនវគ្គបណ្ដុះបណ្ដាលមន្ត្រីរដ្ឋបាលជាន់ខ្ពស់ នៅក្រសួងមហាផ្ទៃ លើភាពជាអ្នកដឹកនាំ និងការអភិវឌ្ឍន៍តាមបែបប្រជាធិបតេយ្យ នៅថ្នាក់ក្រោមជាតិ។ នៅឆ្នាំ២០១៤ លោកបានចូលរួមវគ្គបណ្ដុះបណ្ដាលគ្រូឧទ្ទេសនៅលេខាធិការដ្ឋាន គ.ជ.អ.ប/JICA ផ្នែកផែនការអភិវឌ្ឍន៍ប្រាំឆ្នាំ និងកម្មវិធីវិនិយោគបីឆ្នាំរំកិលរាជធានី ខេត្ត។

ឆ្នាំ២០០១ លោកទទួលបានវិញ្ញាបនបត្រពីក្រសួងមហាផ្ទៃ លើផ្នែកគ្រូឧទ្ទេសសម្រាប់ស្មៀន ឃុំ សង្កាត់។ នៅឆ្នាំ ១៩៩៦ ដល់ឆ្នាំ១៩៩៧ លោកទទួលបានវិញ្ញាបនបត្រពីសាកលវិទ្យាល័យសាន់ហ្វ្រាន់ស៊ីស្កូ ផ្នែកច្បាប់។ នៅឆ្នាំ១៩៩៣ ដល់ឆ្នាំ១៩៩៤ លោកទទួលបានវិញ្ញាបនបត្រពីសាលា I.C.S ផ្នែកកុំព្យូទ័រ។ លោក ស៊ុន សុវណ្ណារិទ្ធិ បានចូលបម្រើការងារក្នុងក្របខណ្ឌរដ្ឋ នៅថ្ងៃទី០៣ ខែកក្កដា ឆ្នាំ១៩៩៦។

លោក សុវណ្ណារិទ្ធិ មានបទពិសោធន៍ការងារជាមួយក្រសួងមហាផ្ទៃជាច្រើន រួមមាន៖ អភិបាលរងខេត្ត អនុប្រធាននាយកដ្ឋានផែនការសេដ្ឋកិច្ច និងហិរញ្ញវត្ថុ ក្រសួងមហាផ្ទៃ ជំនួយការសម្ដេចក្រឡាហោម ស ខេង ជាមន្ត្រីនាយកដ្ឋានរដ្ឋបាលមូលដ្ឋាន ក្រសួងមហាផ្ទៃ ជាមន្ត្រីនគរបាលជាតិមន្ទីរប្រឆាំងគ្រឿងញៀន ក្រសួងមហាផ្ទៃ ជាមន្ត្រីនាយកដ្ឋានអាស៊ាន ក្រសួងពាណិជ្ជកម្ម ជាមន្ត្រីកម្មសិក្សា ស្ដីពីការរៀបចំ និងការត្រួតពិនិត្យថវិកាជាតិ ក្រសួងសេដ្ឋកិច្ច និងហិរញ្ញវត្ថុ។

លោក ស៊ុន សុវណ្ណារិទ្ធិ មានបទពិសោធន៍ការងារជាមួយវិស័យឯកជន ឬអង្គការក្រៅរដ្ឋាភិបាលដូចជា ប្រធានហិរញ្ញវត្ថុរបស់គម្រោង នៃធនាគារពិភពលោក និងធនាគារអាស៊ី សាកលវិទ្យាធិការ នៃសាកលវិទ្យាល័យភ្នំពេញអន្តរជាតិ សាស្រ្តាចារ្យសាកលវិទ្យាល័យ BBU សាស្ត្រាចារ្យ នៃមហាវិទ្យាល័យគ្រប់គ្រង និងនីតិសាស្រ្តនៃអង្គការស៊ីវូ អ្នកស្រាវជ្រាវទីផ្សារនៃក្រុមហ៊ុន IMEX (Investment consultant limited) អ្នកស្រាវជ្រាវរបស់គម្រោង Gourgtown University (Faculty of Business)។

មុនបានតំណែងជាអភិបាលខេត្តថ្មីនេះ លោក សុវណ្ណារិទ្ធិ ជាអភិបាលរងខេត្តកំពង់ឆ្នាំង ខណៈលោកជាមន្រ្តីមួយរូបដែលទទួលបានការគោរពស្រឡាញ់ពីថ្នាក់ដឹកនាំ និងប្រជាពលរដ្ឋយ៉ាងខ្លាំងក្នុងខេត្តកំពង់ឆ្នាំង៕

The post លោក ស៊ុន សុវណ្ណារិទ្ធិ មានបទពិសោធន៍ការងារជោគជាំមុន ទទួលបានតំណែងជាអភិបាលខេត្តកំពង់ឆ្នាំងថ្មី appeared first on .

ប្រជាពលរដ្ឋភ្ញាក់ផ្អើលក្រោយអភិបាលរងខេត្តកណ្តាល ផ្ទេរទៅកាន់តំណែងនៅខេត្តកំពង់ឆ្នាំងវិញ

ឧកញ៉ាកោះក្របី — Fri, 02 Jul 2021 01:45:28 +0000

ពិធីប្រកាសឡើងកាន់តំណែងអភិបាលខេត្តកំពង់ឆ្នាំងថ្មីគឺលោក ស៊ុន សុវណ្ណារិទ្ធិ ត្រូវបានរៀបចំឡើងនៅខេត្តកំពង់ឆ្នាំងនាព្រឹកថ្ងៃទី០១ ខែកក្កដាម្សិលមិញ ដែលមានការអញ្ជើញចូលរួមពីសម្ដេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងសម្តេចចៅហ្វាយវាំង វរវៀងជ័យ អធិបតីស្រឹង្គារ គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង។

ទន្ទឹមនេះក៏មានការភ្ញាក់ផ្អើលពីប្រជាពលរដ្ឋ ក្រោយអភិបាលរងខេត្តកណ្តាល លោក នៃ ចារី ត្រូវបានផ្ទេរភារកិច្ចឲ្យទៅកាន់តំណែងជាអភិបាលរងនៃគណៈអភិបាលខេត្តកំពង់ឆ្នាំងវិញ។

នៅពីក្រោយនៃការផ្ទេរភារកិច្ចនេះ ពុំទាន់មានការបញ្ជាក់ច្បាស់លាស់នៅឡើយទេ។ ប៉ុន្តែប្រិយមិត្តប្រហែលជាធ្លាប់លឺព័ត៌មានថា រដ្ឋាភិបាលគ្រោងបំបែកខេត្តកណ្តាល ខណៈ លោក នៃ ចារី ក៏ត្រូវបានគេដឹងថា ស្ថិតក្នុងចំណោមបេក្ខភាពចៅហ្វាយខេត្តថ្មីផងដែរ។ ប៉ុន្តែព័ត៌មានអំពីការបំបែកខេត្តថ្មីនោះ ត្រូវបានសម្តេចតេជោ ហ៊ុន សែន ប្រមុខរាជរដ្ឋាភិបាលចេញមកបដិសេធជាសាធារណៈគឹពុំមានការបំបែកនោះទេ។

មុនបានតំណែងជាអភិបាលរងខេត្តកំពង់ឆ្នាំងថ្មីនេះ លោក នៃ ចារី ធ្លាប់ត្រូវបានផ្ទេរភារកិច្ចជាច្រើនលើកច្រើនសារួចមកហើយ ដូចជាធ្លាប់កាន់តំណែងជាអនុប្រធាននាយកដ្ឋាននគរបាលព្រហ្មទណ្ឌនៃក្រសួងមហាផ្ទៃ បន្ទាប់មកត្រូវបានផ្ទេរទៅកាន់តំណែងជាអភិបាលរងខេត្តកណ្តាល។ ក្រោយមកទៀត លោកបានកាន់តំណែងជាអនុប្រធាននាយកដ្ឋានព្រហ្មទណ្ឌ រួចលោកបានទៅកាន់តំណែងជាអភិបាលរងខេត្តកណ្តាលវិញ៕

The post ប្រជាពលរដ្ឋភ្ញាក់ផ្អើលក្រោយអភិបាលរងខេត្តកណ្តាល ផ្ទេរទៅកាន់តំណែងនៅខេត្តកំពង់ឆ្នាំងវិញ appeared first on .