នាឱកាសនោះ លោករដ្ឋមន្ត្រី ហួត ហាក់ បានលើកឡើងថា មគ្គុទ្ទេសក៍ទាំងអស់ បានខិតខំ ប្រឹងប្រែងលះបង់ទាំងឆន្ទៈ ប្រាជ្ញា ស្មារតី ពេលវេលា និងធនធាន ដោយបានដើរតួនាទីជាតួអង្គដ៏សំខាន់ ដើម្បីនាំកម្ពុជា ទៅកាន់ពិភពលោក និងនាំពិភពលោកមកកាន់កម្ពុជាវិញ។

ទន្ទឹមគ្នានេះ លោកបានថ្លែងអំណរគុណមគ្គុទ្ទេសក៍ទេសចរណ៍ទាំងអស់នៅទូទាំងប្រទេស ដែលបានបំពេញការងារក្នុងវិស័យទេសចរណ៍ និងបានដើរតួនាទីជាអ្នកផ្សព្វផ្សាយទេសចរណ៍កម្ពុជាដ៏សកម្ម ព្រមទាំងផ្សព្វផ្សាយព័ត៌មានវិជ្ជមានពីកម្ពុជា សំដៅលើកកម្ពស់កិត្តិនាមកម្ពុជានៅលើឆាកអន្តរជាតិ។

ជាមួយគ្នានេះ លោក ក៏បានស្នើសុំមគ្គុទ្ទេសក៍ទេសចរណ៍ទាំងអស់ ត្រូវបន្តអភិវឌ្ឍន៍សមត្ថភាព និងជំនាញមគ្គុទ្ទេសក៍ទេសចរណ៍ជាប់ជាប្រចាំ។ បន្ថែមលើនេះ លោកសូមឱ្យមគ្គុទេ្ទសក៍ទេសចរណ៍ទាំងអស់ មានឆន្ទៈរួបរួមសាមគ្គីគ្នាតែមួយ ឈរលើស្មារតីមហាគ្រួសារវិស័យទេសចរណ៍ និងគោរពក្រមសីលធម៌វិជ្ជាជីវៈរបស់ខ្លួនឱ្យបានខ្ជាប់ខ្ជួន។

ឆ្លៀតក្នុងឱកាសនេះដែរ រដ្ឋមន្ត្រីក្រសួងទេសចរណ៍ ក៏បានស្នើឱ្យមានការចូលរួមផ្សព្វផ្សាយឱ្យបានស្រុះគ្នា និងទូលំទូលាយនូវយុទ្ធនាការទស្សនាកម្ពុជានៅរដូវកាលបៃតង តាមរយៈការផលិតមាតិកា និង ផ្សព្វផ្សាយពីសក្តានុពលទេសចរណ៍របស់កម្ពុជា ដើម្បីទាក់ទាញទេសចរជាតិ និងអន្តរជាតិផងដែរ។

បើតាមក្រសួងទេសចរណ៍ កាលពីពេលថ្មីៗនេះ ធ្លាប់បានឱ្យដឹងថា ក្នុងរយៈពេល ៣ខែ ដើមឆ្នាំ២០២៥ នេះ ចំនួនភ្ញៀវទេសចរអន្តរជាតិ ដែលអញ្ជើញមកទស្សនាកម្ពុជាមានចំនួនជិត២លាននាក់ ពោលគឺកើនឡើងជាង ១៦% បើធៀបនឹងរយៈពេលដូចគ្នា កាលពីឆ្នាំ២០២៤៕ អត្ថបទ៖ ហ្សាលីន

The post លោក ហួត ហាក់ ស្នើអ្នកមគ្គុទ្ទេសក៍ខំអភិវឌ្ឍន៍សមត្ថភាព ដើម្បីជំរុញវិស័យទេសចរណ៍កម្ពុជា appeared first on .

តាមរយៈវីដេអូមានរយៈពេល២នាទី ចេញផ្សាយដោយក្រសួងទេសចរណ៍ កាលពីថ្ងៃទី២៤ ខែវិច្ឆិកា ឆ្នាំ២០២៤ លោក ហួត ហាក់ បានលើកឡើងថា ប្រទេសកម្ពុជាជាប្រទេសដែលអំណោយផល ប្រជាជនកម្ពុជាទទួលភ្ញៀវដោយភាពកក់ក្តៅ រួសរាយ រាក់ទាក់ ស្និទ្ធស្នាល ជាពិសេសជាមួយស្នាមញញឹមកម្ពុជា។ លើសពីនេះ ប្រទេសកម្ពុជាក៏មានសណ្ឋាគារសម្បូរបែប មានម្ហូបអាហារដ៏ឆ្ងាញ់ពិសារផងដែរ។

លោកបន្តថា ពាក់ព័ន្ធនឹងទេសចរណ៍ប្រវត្តិសាស្រ្ត និងវប្បធម៌ គឺកម្ពុជាមានប្រាសាទអង្គរវត្ត ដែលត្រូវបានចូលជាសម្បត្តិបេតិកភណ្ឌពិភពលោក មានឆ្នេរសមុទ្រដ៏ស្រស់ស្ងាត មានខ្សាច់ដ៏សស្អាតជាងគេ រួមមានខេត្តកំពត កែប ព្រះសីហនុ និងកោះកុង។ ចំណែកតំបន់ខាងជើង គឺមានតំបន់ភ្នំ ទឹកជ្រោះ។

លោករដ្ឋមន្រ្តីក្រសួងទេសចរណ៍ បានគូសបញ្ជាក់ថា ភ្ញៀវទេសចរដែលមកទស្សនានៅកម្ពុជាប្រាកដជាមានការទទួលខុសត្រូវចំពោះសុវត្ថិភាព។ ក្នុងន័យនេះ លោកបានសូមឱ្យភ្ញៀវទសចរមានភាពកក់ក្តៅ សូមឱ្យមានការជឿជាក់ មកលើរាជរដ្ឋាភិបាល។ ដោយលោក សង្កត់ធ្ងន់ថា ខ្ញុំក្នុងនាមរដ្ឋមន្រ្តីក្រសួងទេសចរណ៍តំណាងរាជរដ្ឋាភិបាលកម្ពុជា យើងនឹងធ្វើអ្វីៗគ្រប់យ៉ាងដើម្បីបង្ហាញប្រាប់ពិភពលោកអំពីសក្តានុពលរបស់ទេសចរណ៍កម្ពុជាទៅដល់បរទេស ជាពិសេសប្រទេសចិន។

គួរឱ្យដឹងថា លោក ហួត ហាក់ ធ្លាប់បានបញ្ជាក់ថា កម្ពុជា​ទទួល​បាន​ភ្ញៀវ​ទេសចរ​អន្តរជាតិ​ចំនួន ៤.៣ លាន​នាក់​ក្នុងអំឡុង​ខែមករា ដល់​ខែ​សីហា ឆ្នាំ ២០២៤ កើនឡើង ២២.៥ ភាគរយ។

លោក​បាន​បន្ថែមថា៖ «កម្ពុជា​ត្រូវបាន​គេ​ព្យាករ​ថា​នឹង​ទទួលបាន​ភ្ញៀវទេសចរ​អន្តរជាតិ​ចំនួន ៧ លាន​នាក់ ក្នុងនោះ​មាន​ភ្ញៀវទេសចរ​ចិន​ជាង ២ លាន​នាក់​ក្នុង​ឆ្នាំ ២០២៥»។

វិស័យទេសចរណ៍កម្ពុជាបាននិងកំពុងងើបឡើងវិញ ទោះបីជាមិនទាន់ដល់កម្រិតមុនកូវីដ១៩ ក៏ដោយ តែក្រសួងទេសចរបាននិងកំពុងខិតខំប្រឹងប្រែង ដោយមានការគាំទ្រពីភាគីពាក់ព័ន្ធ និងវិស័យឯកជន ដើម្បីជំរុញការទាក់ទាញភ្ញៀវទេសចរមកទស្សនាប្រទេសកម្ពុជា។

ជាមួយគ្នានោះ ចក្ខុវិស័យទេសចរណ៍កម្ពុជា ឆ្នាំ២០២៤ នឹងទទួលបានទេសចរអន្តរជាតិប្រមាណ ៦,៥ លាននាក់ ជិតស្មើកាលគ្រាមុនជំងឺកូវីដ-១៩ (៩៨,៥%) ហើយកំណើននេះនឹងបន្តកើនឡើងដល់ ៧ លាននាក់ នៅឆ្នាំ២០២៥ និងឆ្នាំ ២០២៨ ប្រមាណ៨លាននាក់៕

The post រដ្ឋមន្រ្តីក្រសួងទេសចរណ៍៖ ប្រទេសកម្ពុជាជាប្រទេសដែលអំណោយផល មានធនធានទេសចរណ៍ពិសេសៗជាច្រើន appeared first on .

ដំណើរចុះសំណេះសំណាលជាមួយសហគមន៍ទេសចរណ៍ធម្មជាតិកំពង់ភ្លុក គឺមានការអញ្ជើញចូលរួមពីតំណាងគណៈអភិបាលខេត្តសៀមរាប អាជ្ញាធរមូលដ្ឋាន សមាគម CATA បងប្អូនសហគមន៍ សរុបចំនួន ៧០ រូប។

លោក ហួត ហាក់ រដ្ឋមន្ត្រីក្រសួងទេសចរណ៍ បានឱ្យដឹងថា ដំណើរចុះសំណេះសំណាលនេះ គឺដើម្បីសាកសួរសុខទុក្ខប្រជាពលរដ្ឋ ចុះពិនិត្យទិដ្ឋភាពពិតជាក់ស្តែងនៅគោលដៅទេសចរណ៍ធម្មជាតិកំពង់ភ្លុកពិនិត្យហេដ្ឋារចនាសម្ព័ន្ធទ្រទ្រង់ដល់សកម្មភាពទេសចរណ៍ និងបរិស្ថានជុំវិញ ព្រមទាំងស្តាប់នូវបញ្ហាប្រឈម និងសំណូមពររបស់លោកប្រធានសហគមន៍ លោកមេឃុំ ក៏ដូចជាបងប្អូនអុំទូកនៅក្នុងសហគមន៍ដែលភាគច្រើនជាស្ត្រី ក្នុងគោលដៅស្វែងរកនូវដំណោះស្រាយរួមគា្នដើម្បីទាក់ទាញទេសចរជាតិនិងអន្តរជាតិចូលទស្សនាកម្សាន្តនៅគោលដៅទេសចរណ៍កំពង់ភ្លុក ឱ្យបានកាន់តែច្រើនថែមទៀត។

លោកបានបន្តដែរថា សហគមន៍ទេសចរណ៍ធម្មជាតិកំពង់ភ្លុកខេត្តសៀមរាប គឺជាគោលដៅទេសចរណ៍ធម្មជាតិដ៏មានសក្តានុពល ព្រោះភ្ញៀវទេសចរអាចទស្សនាជីវភាពរស់នៅប្រចាំថ្ងៃរបស់ប្រជាជន នៅតាមមាត់បឹងទន្លេសាប ទស្សនាផ្ទះសង់ខ្ពស់ៗ នៅលើផ្ទៃទឹក អុំទូកទស្សនាក្នុងភូមិ ទស្សនាព្រៃលិចទឹក ទស្សនាផ្ទៃបឹងទន្លេសាបដ៏ធំល្វឹងល្វើយ ភោជនីយដ្ឋានបណ្តែតទឹក បែចិញ្ចឹមត្រី ជាពិសេសផ្តិតយកនូវរូបភាពស្អាតៗទិដ្ឋភាពថ្ងៃរៀបលិចដ៏ស្រស់ស្អាតនៅលើផ្ទៃបឹងទន្លេសាប។

បច្ចុប្បន្នកំណើនភ្ញៀវទេសចរមកកាន់ខេត្តសៀមរាប បាននិងកំពុងកើនឡើងមកវិញហើយ ខណៈក្នុងមួយថ្ងៃៗមានភ្ញៀវទេសចរមកទស្សនាខេត្តនេះ ចន្លោះជាង៤ពាន់នាក់ ទៅជាង៥ពាន់នាក់ គិតចាប់ពីខែមករា ឆ្នាំ២០២៤មក។ នេះបើតាមរបាយការណ៍របស់មន្ទីរព័ត៌មានខេត្តសៀមរាប កាលថ្ងៃទី១៣ ខែកុម្ភៈ ឆ្នាំ២០២៤។

ដោយឡែក តាមរយៈសេចក្តីជូនដំណឹង​រប​ស់​ក្រសួងទេសចរណ៍​កម្ពុជា កាល​ថ្ងៃ​ទី៩ ខែវិច្ឆិកា ឆ្នាំ២០២៤​ រដ្ឋមន្ត្រី​ក្រសួង​ទេសចរណ៍ លោក ហួត ហាក់ ធ្លាប់បានបញ្ជាក់ថា កម្ពុជា​ទទួល​បាន​ភ្ញៀវ​ទេសចរ​អន្តរជាតិ​ចំនួន ៤.៣ លាន​នាក់​ក្នុងអំឡុង​ខែមករា ដល់​ខែ​សីហា ឆ្នាំ ២០២៤ កើនឡើង ២២.៥ ភាគរយ។

លោក​បាន​បន្តថា៖ «កម្ពុជា​ត្រូវបាន​គេ​ព្យាករ​ថា​នឹង​ទទួលបាន​ភ្ញៀវទេសចរ​អន្តរជាតិ​ចំនួន ៧ លាន​នាក់ ក្នុងនោះ​មាន​ភ្ញៀវទេសចរ​ចិន​ជាង ២ លាន​នាក់​ក្នុង​ឆ្នាំ ២០២៥»៕ អត្ថបទ៖ ហ្សាលីន​

The post លោក ហួត ហាក់៖ សហគមន៍ទេសចរណ៍ធម្មជាតិកំពង់ភ្លុកខេត្តសៀមរាប ជាគោលដៅទេសចរណ៍ធម្មជាតិដ៏មានសក្តានុពល appeared first on .

នៅលើបណ្ដាញសង្គមផ្ទាល់ខ្លួន លោក ហួត ហាក់ បានគូសបញ្ជាក់ឱ្យដឹងថា កម្មវិធីប្រកួតបវរកញ្ញាភពផែនដីអន្តរជាតិ ឆ្នាំ២០២៤នេះ គឺជាលើកទី៤ហើយដែលកម្ពុជាធ្វើជាម្ចាស់ផ្ទះ ដោយកម្មវិធីនេះនឹង ប្រព្រឹត្តិទៅពីថ្ងៃទី១៩ ដល់ថ្ងៃទី២៧ ខែវិច្ឆិកា ឆ្នាំ២០២៤។

សូមជម្រាបជូនថា Miss Planet International ហៅកាត់ថា MPI គឺជាកម្មវិធីប្រកួតសម្រស់អន្តរជាតិប្រចាំឆ្នាំ ដែលមានមូលដ្ឋានក្នុងប្រទេសកម្ពុជា។ MPI គឺជាស្ថាប័នមួយ ដែលផ្អែកលើគោលដៅអភិវឌ្ឍប្រកបដោយចីរភាព របស់អង្គការសហប្រជាជាតិ (UN) ពោលគឺហេតុផលនេះហើយ ទើបគេបង្កើតកម្មវិធីប្រកួតប្រជែង ដើម្បីស្វែងរកឯកអគ្គរដ្ឋទូត សម្រាប់ប្រទេសនីមួយៗ។

គួរបញ្ជាក់ផងដែរ Miss Planet International ហៅកាត់ថា MPI ត្រូវបានបង្កើតឡើងដោយកូនខ្មែរ តាំងពីឆ្នាំ២០១៩មកម្ល៉េះ ហើយតាំងពីដំណើរការកម្មវិធី MPI តែងតែត្រូវបានរៀបចំឡើងរៀងរាល់ឆ្នាំ លើកលែងតែឆ្នាំ២០២១ និង ២០២២ ដោយសារបញ្ហាជំងឺរាតត្បាត៕

The post ខែក្រោយនេះ! បវរកញ្ញាជាង ៧០ប្រទេស នឹងមកកម្ពុជា ប្រកួតបវរកញ្ញាភពផែនដីអន្តរជាតិ ឆ្នាំ២០២៤ appeared first on .