បើយោងតាមលោក ហេង រតនា កិច្ចសហប្រតិបត្ដិការនេះ នឹងអនុវត្ដនៅតំបន់ដែលមានតម្រូវការក្នុងការអភិវឌ្ឍន៍ ដើម្បីលើកកម្ពស់សកម្មភាពសេដ្ឋកិច្ចសង្គមឱ្យកាន់តែប្រសើរ​។  គម្រោងបោសសម្អាតមីននេះ នឹងអនុវត្ដក្នុងខេត្តបាត់ដំបង និងខេត្តប៉ៃលិន ដោយផ្តើមចាប់អនុវត្តចាប់ពីថ្ងៃទី១៦ ខែសីហា ឆ្នាំ២០២៥ ដល់ថ្ងៃទី១៥ ខែសីហា ឆ្នាំ២០២៦។

ទន្ទឹមនឹងនេះ លោក ហេង រតនា ក៏បានបង្ហាញពីក្ដីសង្ឃឹមផងដែរថា ​ជាមួយគោលនយោបាយដែលរាជរដ្ឋាភិបាលទើបតែដាក់ចេញថ្មីៗនេះ​ ក្នុងការពង្រឹងកិច្ចសហការបោសសម្អាតគ្រាប់មីននៅតំបន់ព្រំដែនកម្ពុជា-ថៃ​ ដោយផ្តល់អាទិភាពជាចំបងចំពោះទីតាំងណាដែលមានមនុស្សរស់នៅនិងប្រើប្រាស់ដីធ្លី​ ដើម្បីធានាសុខសុវត្ថិភាពនិងផលប្រយោជន៍សេដ្ឋកិច្ចសង្គម​។ ដូចនេះឃុំតាសែន​ ស្រុកកំរៀងដែលមានចម្ការមីនខ្លះជាប់ព្រំដែន​ អាចត្រូវបានបោសសម្អាតទាំងស្រុង។

សូមជម្រាបថា អង្គការបោសសម្អាតមីន និងអភិវឌ្ឍសហគមន៍ (IMCCD) បានចាប់ផ្ដើមកិច្ចប្រតិបត្តិការរបស់ខ្លួនជាមួយអង្គភាពCMACតាំងពីឆ្នាំ២០១១មកម្លេះ គិតមកដល់ត្រឹមឆ្នាំ២០២៥នេះ គម្រោងនេះមានរយៈពេល១៥ឆ្នាំហើយ។

គម្រោង IMCCD នេះផ្ដោតសំខាន់លើការបោសសម្អាតគា្រប់មីនប្រឆាំងមនុស្ស និងសំណល់យុទ្ធភណ្ឌមិនទាន់ផ្ទុះគ្រប់ប្រភេទ ជាពិសេសការបោសសម្អាតគ្រាប់មីនប្រឆាំងរថក្រោះ។ តាមរយៈគម្រោងIMCCDនេះ បានចូលរួមចំណែកផ្តល់ជូនប្រជាពលរដ្ឋកាន់តែមានសុខសុវត្ថិភាពក្នុងការប្រើប្រាស់ដីធ្វើកសិកម្ម សង់លំនៅដ្ឋាន សាលារៀន និងមន្ទីរពេទ្យជាដើម ជាពិសេសការអភិវឌ្ឍន៍ហេដ្ឋារចនាសម្ព័ន្ធក្នុងសហគមន៍ក៏ដូចជាសង្គម៕

The post អង្គភាពCMAC និងអង្គការ IMCCD ចុះហត្ថលេខាលើកិច្ចសហប្រតិបត្តិការជាដៃគូ អនុវត្តការបោសសម្អាតគ្រាប់មីនប្រឆាំងយានយន្ត ក្នុងភូមិសាស្រ្ដខេត្ដចំនួនពីរ appeared first on .

ការបញ្ជាក់បែបនេះរបស់លោក ហេង រតនា ធ្វើឡើងនៅលើបណ្ដាញសង្គមផ្ទាល់ខ្លួន នារសៀលថ្ងៃទី៤ ខែសីហា ឆ្នាំ២០២៥នេះ។

លោក ហេង រតនា បានលើកឡើងថា នៅថ្ងៃចន្ទ​ ទី០៤​ ខែសីហា​ ឆ្នាំ២០២៥​ នៅទីតាំងគ្រាប់បែកMK-84​ស្ថិតនៅភូមិថ្មដូន​ ឃុំគោកមក​ ស្រុកបន្ទាយអំពិល​ ខេត្តឧត្តរមានជ័យ ក្រុមជំនាញគ្រាប់បែកទម្លាក់របស់អង្គភាពសុីម៉ាក់​ អង្គការGolden West និងអង្គការNPA (Norwegian People Aid) បានចុះត្រួតពិនិត្យបច្ចេកទេសគ្រាបបែកនេះជាលំអិត​ ដោយបានបញ្ជាក់ថា​ គ្រាប់បែកMK-84នេះ​ មានលេខLot No. IMI 96G015-11 និងផលិតក្នុងឆ្នាំ១៩៩៦! ។

អគ្គនាយកស៊ីម៉ាក់ បានបន្ដថា លោកLen Austin ប្រធានអង្គការGolden West ប្រចាំកម្ពុជានិងជាអតីតៈកងទ័ពម៉ារីនសហរដ្ឋអាមេរិក​ខាងជំនាញគ្រាប់យុទ្ធភណ្ឌ​ ជាជំនាញខាងគ្រាប់បែកទម្លាក់ពីយន្តហោះ​នៃប្រទេសក្នុងតំបន់នេះ​ បានចូលរួមកំណត់លក្ខណៈបច្ចេកទេសគ្រាប់បែកMK-84នេះ​ ក៏បានបញ្ជាក់អំពីអត្តសញ្ញាណគ្រាប់បែកMK-84នេះផលិតនៅឆ្នាំ១៩៩៦និងអាចសៀមទិញពីក្រុមហ៊ុនIMI​ (Israel Military Industries)របស់អុីស្រាអ៊ែលបានទទួលសិទ្ធផលិតនិងលក់គ្រាប់បែកត្រកូលMKនេះ។

លោកហេង រតនា សង្កត់ធ្ងន់ថា គ្រាប់បែកMK-84 នេះផលិតក្នុងឆ្នាំ១៩៩៦​ ដូចនេះវាមិនអាចជាគ្រាប់បែកសំណល់ពីការទម្លាក់គ្រាប់បែកក្នុងសម័យសង្គ្រាមឆ្នាំ១៩៧០-១៩៧៣កេីតទេ​!

ទន្ទឹមនឹងនោះ លោកមានជំនឿយ៉ាងមុតមាំថា​ ពិភពលោកយល់ច្បាស់ណាស់អំពីរឿងនេះ៕

The post អគ្គនាយកស៊ីម៉ាក់ បញ្ជាក់ថា គ្រាប់បែកMK-84ដែលថៃទម្លាក់លើដីកម្ពុជា មានលេខLot No. IMI 96G015-11 និងផលិតក្នុងឆ្នាំ១៩៩៦ appeared first on .

លោក ហេង រតនា បានលើកឡើងថា នៅថ្ងៃទី៣១​ ខែកក្កដា​ ឆ្នាំ២០២៥​ ក្រុមជំនាញគ្រាប់បែកទម្លាក់ពីយន្តហោះរបស់អង្គភាពស៊ីម៉ាក់បានស្រាវជ្រាវណ្តៅគ្រាប់បែកផ្ទុះចំនួន៤ទីតាំង​ និងគ្រាប់បែកទម្លាក់មកមិនទាន់ផ្ទុះកប់ក្នុងដីចំនួន៥ទីតាំង​ (មានរន្ធគ្រាប់បែក)​។

ក្នុងរឿងនេះ អគ្គនាយកស៊ីម៉ាក់បញ្ជាក់ថា​ គ្រាប់បែកMK-84 ដែលមិនផ្ទុះ​ និងរណ្តៅគ្រាប់បែកមិនទាន់ផ្ទុះ​ សុទ្ធតែជាគ្រាប់បែកទម្លាក់ថ្មីរបស់កងទ័ពអាកាសសៀម​ ក្នុងសង្គ្រាមរយៈពេល៥ថ្ងៃ​ គឺចាប់ពីថ្ងៃទី២៤-២៨ខែ​កក្កដា​ ឆ្នាំ២០២៥នេះ។ គ្រាប់បែកទាំងនេះគ្មានអ្វីស្មុគស្មាញយល់នោះ​ទេ​ ក្នុងសង្គ្រាមឥណ្ឌូចិនគ្មានការទម្លាក់នៅតំបន់ទាំងនេះទេ​ អង្គភាពស៊ីម៉ាក់មានព័ត៌មានទិន្នន័យការទម្លាក់គ្រាប់ទាំងនោះ​ ផ្តល់ដោយក្រសួងការបរទេសសហរដ្ឋអាមេរិកយ៉ាងច្បាស់លាស់។

ទន្ទឹងនឹងនេះ លោក ហេង រតនា សង្កត់ធ្ងន់ថា គ្រាប់បែកត្រកូលMKនេះមានកំណត់សំគាល់និងប្រភពច្បាស់លាស់​ ជាពិសេសទិន្នន័យយន្តហោះF-16និងប្រភេទគ្រាប់បែកដែលបានទម្លាក់សុទ្ធតែមានកំណត់ត្រា​។ យន្តហោះF-16នេះអាចដឹកគ្រាប់បែកMK-84​ចំនួន៤គ្រាប់ក្នុងការទម្លាក់ក្នុង១ជើង។

ស្របជាមួយរឿងនេះ មានពួកអគតិលាបពណ៌បានលើកឡើងថា​ គ្រាប់បែកMK-84នេះ​ជាគ្រាប់បែកចាស់។

អគ្គនាយកស៊ីម៉ាក់​ គូសបញ្ជាក់ថា ករណីគ្រាប់បែកចាស់មានអាយុកាលជាង៥០ឆ្នាំមកហើយនោះ​ មិនមែនគ្រាន់តែរបកទឹកថ្នាំនោះទេ​ ច្រេះស៊ីដែកជ្រៅ​ៗ​ ទន្ទឹងនឹងនេះរណ្តៅគ្រាប់​ផ្ទុះ​ រន្ធរណ្តៅគ្រាប់បែកមិនទាន់ផ្ទុះ​ ជាភស្តុតាងស្រាប់​ អ្នកណាសង្ស័យអាចអញ្ជើញទៅទស្សនាជាក់ស្តែងបាន​ ដោយអាចយកទាំងអ្នកជំនាញអន្តរជាតិខាងគ្រាប់បែកទម្លាក់ពីយន្តហោះលើពិភពលោកយើងនេះ មកសិក្សាវាយតម្លៃយ៉ាងហ្មត់ម៉ត់បាន៕

The post ស៊ីម៉ាក់ ច្រានចោលការលើកឡើងមិនពិតរបស់ជនអគតិ ក្នុងរឿងគ្រាប់បែកMK-84 ទម្លាក់ដោយយន្ដហោះF-16 ​របស់ថៃលើទឹកដីកម្ពុជា ថាជាគ្រាប់បែកចាស់ appeared first on .

លោកបន្តថា ក្នុងស្មារតីការពារបូរណភាពទឹកដី និងប្រាសាទព្រះវិហារកេរ្តិ៍មរតកដូនតាខ្មែរ​ កងកម្លាំងប្រដាប់អាវុធដ៏អង់អាចក្លាហានរបស់កម្ពុជា បានវាយបកប្រយុទ្ធតតាំងជាមួយខ្មាំងឈ្លានពានប្រកបដោយជោគជ័យ ។

រយៈពេលជាង ៥០ឆ្នាំមកហើយ ពោលគឺចាប់ខែឧសភា​ ឆ្នាំ១៩៧៥​ ដែលគ្រាប់បែកMK-82 បានបាត់សំឡេងផ្ទុះទឹកដីនៃមាតុភូមិនេះ! ក្នុងអតីតសង្គ្រាមនោះ គ្មានគ្រាប់បែក MK-82 ត្រូវបានទម្លាក់នៅប្រាសាទព្រះវិហារនោះទេ។

លោកបានឱ្យដឹងទៀតថា​ ប្រាសាទវិហារជាទីតាំងដ៏សក្តិសិទ្ធបំផុត​ សូម្បីតែអតីតព្រះមហាក្សត្រសៀម ឡើងសោយរាជ្យក៏យកទឹកមន្តពីប្រាសាទព្រះវិហារ ដើម្បីប្រោះព្រំរិទ្ធីអំណាចផងដែរ។ ដូចនេះរដ្ឋណា ឬអ្នកណាបំផ្លាញប្រាសាទព្រះវិហារ​ នឹងទទួលនូវផលកម្មវិនាសហិនហោចវិញមិនខានឡើយ៕

The post អគ្គនាយកស៊ីម៉ាក់៖ ​ ប្រាសាទព្រះវិហារ ត្រូវបានទាហានឈ្លានពានសៀម ទម្លាក់គ្រាប់បែក MK-82 និងគ្រាប់ផ្លោងគ្រប់ប្រភេទក្នុងគោលដៅកម្ទេចប្រាសាទ appeared first on .

លោក ហេង រតនា បានលើកឡើងថា ​ នៅសមរភូមិមុខនៃសង្គ្រាមឈ្លានពានរបស់សៀម លើព្រំដែនបូរណភាពទឹកដីខ្មែរនោះ​ ពួកទ័ពសៀមបានប្រើប្រាស់គ្រាប់បែកចង្កោម​ តាមរយៈគ្រាប់កាំភ្លើង១៥៥មីលីម៉ែត្រ ដែលបាញ់ពីកាំភ្លើងធំប្រភេទ (M758 ATMG 155 mm) ​បាញ់បានចម្ងាយប្រមាណ៤០គីឡូម៉ែត្រ​។

លោកបន្ថែមថា ក្នុងគ្រាប់ផ្លោង១៥៥មីលីម៉ែត្រមួយគ្រាប់​ មានកូនគ្រាប់បែកចង្កោមចំនួន៥៦គ្រាប់​ ដែលគ្រាប់កាំភ្លើងធំប្រភេទនេះ ស្ថិតនៅក្រោមការហាមឃាត់ នៃអនុសញ្ញាគ្រាប់បែកចង្កោម អន្តរជាតិអូស្លូ។ បច្ចុប្បន្ននេះ មានប្រទេស១២៤ ជាសមាជិករដ្ឋភាគី​! ទង្វើរបស់សៀមនេះ ជាការរំលោភអនុសញ្ញាអន្តរជាតិយ៉ាងធ្ងន់ធ្ងរបំផុត៕

The post អគ្គនាយកស៊ីម៉ាក់៖ ការប្រើប្រាស់គ្រាប់បែកចង្កោមរបស់ទ័ពសៀមមកលើទឹកដីកម្ពុជា ជាការរំលោភអនុសញ្ញាអន្តរជាតិយ៉ាងធ្ងន់ធ្ងរបំផុត appeared first on .

នៅលើបណ្ដាញសង្គមផ្ទាល់ខ្លួន លោក ហេង រតនា បានលើកឡើងថា ផ្អែកតាមសេចក្តីថ្លែងការណ៍របស់ក្រសួងការបរទេសនិងសហការប្រតិបត្តិការអន្តរជាតិនៃព្រះរាជាណាចក្រកម្ពុជា ស្តីពី«ការបដិសេដការចោទប្រកាន់ថាកម្ពុជាប្រើប្រាស់គ្រាប់មីនប្រឆាំងមនុស្ស»និងបានបញ្ជាក់ច្បាស់ថា ករណីទាហានសៀមជាន់គ្រាប់មីនកប់ក្នុងដីគឺស្ថិតនៅក្នុងបូរណភាពទឹកដីកម្ពុជា។

បើផ្អែកលើស្ថានភាពជាក់ស្តែង អគ្គនាយកស៊ីម៉ាក់ បានសង្កេតឃើញថា៖ ១, ករណីផ្ទុះនេះស្ថិតក្នុងចម្ការមីនលេខ BS/CMAA/16808 ស្ថិតក្នុងភូមិតេជោមរកត ឃុំមរកត ស្រុកជាំក្សាន្ត ខេត្តព្រះវិហារ ចម្ការមីននេះមិនទាន់បានបោសសម្អាតនៅឡើយទេ។ ២, បើពិនិត្យស្ថានភាពនៃទាហានសៀមរងរបួសដាច់ «កជើង»ម្ខាងនោះ អាចបញ្ជាក់ថា ការផ្ទុះអាចបង្កឡើងដោយប្រភេទគ្រាប់មីនដែលមានបរិមាណជាតិផ្ទុះទាប ដូចជាប្រភេទមីន72A ឬ 72B ឬ M14 ឬ MN79 ឬក៏MD82B ជាដើម ដែលជាគ្រាប់មីនចាស់សំណល់សង្គ្រាមនិងមានកម្រិតជាតិផ្ទុះប្រមាណត្រឹមតែជាង៣០ក្រាមប៉ុណ្ណោះ។ ៣, ប្រសិនបើទាហានសៀមនោះ ជាន់ផ្ទុះប្រភេទគ្រាប់មីនPMN-2 និងស្របតាមការចោទប្រកាន់ថាជាគ្រាប់មីនPMN-2ថ្មីផងនោះ ទាហានរូបនេះអាចដាច់ជើងទាំង២ ឬក៏រងរបួសធ្ងន់ធ្ងរ ឬក៏ស្លាប់តែម្តង ព្រោះថាក្នុងគ្រាប់មីនPMN-2 មួយគ្រាប់មានបរិមាណជាតិផ្ទុះចំនួនរហូតដល់១១៥ក្រាម។ ការសន្និដ្ឋាននេះដោយផ្អែកលើភាពជាក់ស្តែងនៃជនរងគ្រោះដោយសារការផ្ទុះគ្រាប់មីន PMN-2 ជាច្រើនករណីកន្លងមកនៅកម្ពុជា។

លោក ហេង រតនា បានគូសបញ្ជាក់ថា ចម្ការមីនរាប់រយគីឡូម៉ែត្រស្ថិតនៅតាមបណ្តោយព្រំដែនខ្មែរ-សៀម ក្នុងបូរណភាពទឹកដីកម្ពុជាមិនទាន់ធ្វើការបោសសម្អាតគ្រាប់មីនទាំងនោះនៅឡើយទេ ដោយសារកម្ពុជាបន្តខិតខំអនុវត្តការបោសសម្អាតមីនតាមការកំណត់អាទិភាពបម្រើសុខសុវត្ថិភាពប្រជាពលរដ្ឋនិងការគាំទ្រសេដ្ឋកិច្ចសង្គមរបស់ខ្លួន៕

The post អគ្គនាយក CMAC បញ្ជាក់៣ចំណុចជុំវិញករណីមីនដែលទាហានថៃដើរជាន់បណ្ដាលឱ្យផ្ទុះដាច់កជើងម្ខាង appeared first on .