ក្រុមហ៊ុន Lippo Group បច្ចុប្បន្នកំពុងមានប្រតិបត្តិការនៅតាមបណ្ដាប្រទេសជាច្រើននៅក្នុងតំបន់ និងនៅជុំវិញពិភពលោក និងផ្តោតជាសំខាន់លើវិស័យអចលនទ្រព្យ ផ្សារលក់រាយ បដិសណ្ឋារកិច្ច សុខាភិបាល អប់រំ សារព័ត៌មាន ទូរគមនាគមន៍ ឌីជីថល និងហិរញ្ញវត្ថុ។ ក្នុងន័យនេះ នៅចំពោះមុខ សម្តេចធិបតីនាយករដ្ឋមន្រ្តី លោក John Riady បង្ហាញចំណាប់អារម្មណ៍ និងគោលបំណងក្នុងការវិនិយោគលើវិស័យសុខាភិបាល និងវិស័យអចលនទ្រព្យដែលផ្ដោតលើការផ្តល់សេវាសុខាភិបាល ប្រកបដោយគុណភាព ជាមួយតម្លៃសមរម្យ និងការអភិវឌ្ឍន៍លំនៅឋានដែលមានតម្លៃទាបនៅកម្ពុជា។  

ជាការឆ្លើយតប សម្តេចធិបតីនាយករដ្ឋមន្រ្តីបានគូសបញ្ជាក់ជូនក្រុមហ៊ុន Lippo Group ដែលបានបង្ហាញពីបំណងក្នុងការបណ្តាក់ទុនវិនិយោគនៅកម្ពុជា។ សម្ដេចធិបតីមានប្រសាសន៍ថា ផ្អែកលើបទពិសោធន៍របស់ក្រុមហ៊ុន ក៏ដូចជាភាពស្រដៀងគ្នានៃវប្បធម៌ប្រពៃណី និងបែបផែនទីផ្សាររបស់កម្ពុជា និងឥណ្ឌូនេស៊ី ក្រុមហ៊ុននឹងមានលទ្ធភាពយល់ដឹងច្រើនពីឱកាសនៃការពង្រីកទីផ្សារវិនិយោគក្នុងព្រះរាជាណាចក្រកម្ពុជា។

ជាមួយគ្នានេះ សម្តេចធិបតី ក៏បានជម្រាបជូនថ្នាក់ដឹកនាំក្រុមហ៊ុន Lippo Group អំពីគោលនយោបាយរបស់រាជរដ្ឋាភិបាលកម្ពុជា ពិសេស អំពីយុទ្ធសាស្ត្របញ្ចកោណ-ដំណាក់កាលទី១ ដែលផ្ដោតអាទិភាពលើការកសាងធនធានមនុស្សជាមួយការយកចិត្តទុកដាក់លើវិស័យសុខាភិបាល វិស័យអប់រំ បច្ចេកវិទ្យាឌីជីថល និងវិស័យអាទិភាពផ្សេងៗទៀត។ 

បន្ថែមលើសពីនេះ សម្តេចធិបតី ក៏បានគូសបញ្ជាក់ពីគោលនយោបាយ និងការលើកទឹកចិត្តរបស់រាជរដ្ឋាភិបាលចំពោះវិនិយោគិនបរទេស។ សម្ដេចធិបតីបានលើកទឹកចិត្តឱ្យក្រុមហ៊ុន Lippo Group ពិនិត្យលទ្ធភាពក្នុងការស្វែងរកឱកាសនៅក្នុងកិច្ចសហការជាមួយនឹងក្រុមហ៊ុនវិនិយោគក្នុងស្រុក ដើម្បីពង្រីកការវិនិយោគទៅលើវិស័យសក្ដានុពលផ្សេងៗបន្ថែមទៀតនៅក្នុងកម្ពុជា៕

The post ក្រុមហ៊ុនធំឥណ្ឌូនេស៊ី Lippo Group គ្រោងនឹងមកអភិវឌ្ឍន៍លំនៅឋានមានតម្លៃទាបនៅកម្ពុជា appeared first on .

ជុំវិញស្ថានភាពនេះផងដែរ វាហាក់បីជាកំពុងធ្វើឱ្យប្រធានាធិបតីថ្មីរបស់កូរ៉េខាងត្បូង លោក Yoon Suk-yeol កាន់តែជួបបញ្ហាស្មុគស្មាញបន្ថែមទៀត នៅពេលដែលផែនការ ដើម្បីជួយសម្រាលដល់លទ្ធភាព ក្នុងការទិញផ្ទះ នៅក្នុងប្រទេសដែលមានសេដ្ឋកិច្ចធំបំផុតទី ៤ របស់អាស៊ីមួយនេះ ហាក់គ្មានប្រសិទ្ធិភាព ។

អ្នកនាង Oh Ye-seul ដែលធ្វើការនៅក្នុងក្រុមហ៊ុន start-up មួយកន្លែង ក្នុងសង្កាត់ Gangnam ទីក្រុងសេអ៊ូល បានបង្ហាញថានាង គឺជាមនុស្សម្នាក់ ដែលមានភាពជឿជាក់តិចតួចបំផុត ឬគ្មានទាល់តែសោះ ចំពោះការសន្យារបស់ លោក Yoon ជុំវិញផែនការនេះ ។

នៅក្នុងខែមីនា ឆ្នាំ ២០២២ នៅពេលដែល លោក Yoon ឡើងកាន់អំណាច គឺចំពេលមានភាពខឹងសម្បារបស់ប្រជាពលរដ្ឋកូរ៉េខាងត្បូង ចំពោះអតីតប្រធានាធិបតី លោក Moon Jae-in ដែលមិនអាចទប់ទល់ការកើនឡើងតម្លៃផ្ទះ ដោយមិនមានការគ្រប់គ្រងច្បាស់លាស់ ស្របពេលអ្នកនាង Oh Ye-seul បានសម្រេចចិត្តទិញផ្ទះ ក្នុងតម្លៃក្រោម ៦០០ លានវ៉ុន ឬប្រមាណាជាង ៤ សែនដុល្លារ និងត្រូវចំណាយពេលកន្លះម៉ោង ជិះរថភ្លើងក្រោមដី ពីការិយាល័យធ្វើការរបស់នាង ។

មិនតែប៉ុណ្ណោះ ពលរដ្ឋវ័យក្មេងរបស់កូរ៉េខាងត្បូង បាននាំគ្នាសម្រុកទិញផ្ទះ នៅក្នុងស្ថានភាពបែបនេះ បើទោះបីជាធនាគាកូរ៉េ មានការដំឡើងការប្រាក់យ៉ាងឆាប់រហ័សក៏ដោយ ដែលនេះបានបង្ហាញថា សាធារណជនកូរ៉េ នៅតែមិនមានភាពជឿជាក់ចំពោះការសន្យារបស់ លោក Yoon ក្នុងការទប់ស្កាត់ ចំពោះការកើនឡើងនៃតម្លៃផ្ទះ ។

លើសពីនេះ វាក៏បានបង្កើនផលប៉ះពាល់ចំពោះសេដ្ឋកិច្ចកូរ៉េខាងត្បូងកាន់តែខ្លាំងផងដែរ ដោយសារតែអត្រាកម្ចីក្នុងការទិញផ្ទះបានកើនឡើងដល់កម្រិតខ្ពស់បំផុត ក្នុងរយ:ពេល ៩ ឆ្នាំចុងក្រោយ ដែលធ្វើឱ្យពលរដ្ឋធ្លាក់ចូលទៅក្នុងបន្ទុកបំណុល រួមទាំងការកើនឡើងតម្លៃជាសកលសម្រាប់អ្វីៗគ្រប់យ៉ាង រាប់ចាប់ពីអាហារ ទំនិញប្រើប្រាស់ រហូតដល់ប្រេងឥន្ធន:ជាដើម ។

គួរឱ្យដឹងផងដែរថា មួយក្នុងចំណោមហេតុផល ដែលធ្វើឱ្យពលរដ្ឋវ័យក្មេងរបស់កូរ៉េងខាងត្បូងនាំគ្នាសម្រុកទិញផ្ទះទុក ដោយសារតែមានភាពភ័យខ្លាចថា នឹងលែងមានឱកាសបានទិញផ្ទះ ដែលបណ្តាលមកពីតម្លៃចេះតែកើនឡើងឥតឈប់ឈរ ៕

ប្រភព: CNA

The post តើមូលហេតុអ្វី បានជាពលរដ្ឋវ័យក្មេងកូរ៉េខាងត្បូង សម្រុកទិញផ្ទះទុក ទាំងដែលមានការប្រាក់ខ្ពស់? appeared first on .

រ៉ូយ៉ាល់​ស្កាយលែន បាន​សហការជាមួយក្រុមហ៊ុនវិនិយោគ មីងយូជីទួន អ៊ិនវេសម៉ិន លើ​គម្រោង​សាងសង់​អគារស្កឹមស្កៃមួយ​នៅ​ក្បែរ​តំបន់អ៊ូអរជិតផ្សារទួលទំពូង។ គម្រោងអគារនេះជាប្រភេទលំនៅដ្ឋាន​កម្ពស់ ៤៧ ជាន់​ សរុបមានចំនួន 1476 បន្ទប់ និងប្រមូលផ្តុំដោយ​ហាងពាណិជ្ជកម្ម សរុប 23ហាង។

វឌ្ឍនភាពគម្រោងបានចាប់ផ្តើមសាងសង់កាលពី ថ្ងៃទី១ខែវិច្ឆិកា ឆ្នាំ២០១៩ ហើយនឹងបញ្ចប់ខែកក្តដា ឆ្នាំ២០២២ខាងមុខនេះ។

គួរបញ្ជាក់ថាអាផាតមិននេះ នៅជិតផ្សារទួលទំពូងដែលជា​មជ្ឈមណ្ឌលពាណិជ្ជកម្ម កកកុញ​ដោយ​តំបន់ទេសចរណ៍​សំខាន់​បំផុត​នៅរាជធានី​ភ្នំពេញ៕

The post សំណង់​អគារ​ដ៏ខ្ពស់ត្រដែតកម្ពស់ ១៧០ម ជាលំនៅដ្ឋានខ្ពស់ដំបូងគេ នៅ​ក្បែរ​​ផ្សារ​ទួលទំពូង appeared first on .

ក្រសួងបញ្ជាក់ថា ម្ចាស់គម្រោងអភិវឌ្ឍដី គម្រោងសាងសង់ ឬម្ចាស់សំណង់ទាំងអស់ ត្រូវរៀបចំសួនច្បារជ្រាបទឹក និងដាំដើមឈើប្រណីត ដូចជា ធ្នង់ នាងនួន គ្រញូង និងរៀបចំសួនបៃតងមានដាំស្មៅ និងផ្កាដែលមានក្លិនក្រអូបនៅក្នុងគម្រោងនីមួយៗឱ្យបានស្អាតដើម្បីលើកសោភណភាពទីក្រុង។

ទន្ទឹមនឹងនោះ ក្រសួងក៏បានណែនាំឲ្យរៀបចំប្រព័ន្ធប្រព្រឹត្តកម្មទឹកកខ្វក់ ឬអាងប្រព្រឹត្តកម្មសំណល់រាវ ដើម្បីសម្អាតទឹកកខ្វក់ ឬសំណល់រាវ មុននឹងបង្ហូរចូលទៅក្នុងប្រព័ន្ធលូសាធារណៈ ឬតំបន់ទឹកសាធារណៈ ដោយត្រូវអនុវត្តឱ្យបានត្រឹមត្រូវតាមស្តង់ដាបញ្ចេញទឹកកខ្វក់ ឬកម្រិតកំណត់ស្តង់ដានៃការបញ្ចេញ សំណល់រាវនៅគ្រប់គម្រោងទាំងអស់។

បន្ថែមលើសពីនេះ ក៏ត្រូវរៀបចំឱ្យមានធុងសំរាមរួម សម្រាប់រក្សាទុកនូវកញ្ចប់សំរាម សំណល់រឹងដែលបានវេចខ្ចប់ដោយថង់ក្នុងទីតាំង ឬបរិវេណគ្រប់គ្រងរបស់ខ្លួន និងធុងរក្សាទុកសំរាមសំណល់រឹងនៅតាមចំណែកដី ឯកជននីមួយៗ និងច្រកយកសំរាមចេញ ព្រមទាំងគ្រប់គ្រងអនាម័យសមស្របតាមបទដ្ឋានបច្ចេកទេសនៅគ្រប់គម្រោងអភិវឌ្ឍដី គម្រោងសាងសង់ ឬសំណង់ទាំងអស់ផងដែរ៕

The post ក្រសួងរៀបចំដែនដី ណែនាំឲ្យម្ចាស់គម្រោងអភិវឌ្ឍដី សំណង់ និងលំនៅដ្ឋានទាំងអស់ត្រូវរៀបចំសួនច្បារជ្រាបទឹក និងដាំដើមឈើប្រណីត appeared first on .