សព សីលវិសុទ្ធសិរីរចនាអគ្គមហាឧបាសិកាពុទ្ធសាសនូបត្ថម្ភក៏ នាង ហ៊ុច ត្រូវបានតម្កល់ទុកធ្វើបុណ្យតាមប្រពៃណីនៃព្រះពុទ្ធសាសនានៅភូមិគ្រឹះលេខ១៩៩ មហាវិថីព្រះនរោត្តម សង្កាត់បឹងកេងកងទី១ ខណ្ឌចំការមន រាជធានីភ្នំពេញ។

ពិធីដង្ហែសព នឹងប្រព្រឹត្តទៅនៅថ្ងៃទី១៣ ខែធ្នូ ឆ្នាំ២០២៣ វេលាម៉ោង ៧៖១២នាទីព្រឹក ឆ្ពោះទៅកាន់វត្តឈូងលៀបព្រះសីហនុរាជ ភូមិកោះគរ ឃុំរកាខ្ពស់ ស្រុកស្អាង ខេត្តកណ្ដាល៕

The post មាតាបង្កើតអ្នកឧកញ៉ាថៅកែក្រុមហ៊ុន វឌ្ឍនៈ គ្រុប ទទួលមរណភាពក្នុងជន្មាយុ ៩១ឆ្នាំ appeared first on .

ថ្មីចែស! រឹតតែភ្ញាក់ផ្អើល រំភើប និងចូលរួមចែករំលែកពេលវេលាល្អ អបអរសាទរជាមួយបងប្រុស ឌុល សំបូរ រស់នៅរាជធានីភ្នំពេញ ដែលមានសំណាងឈ្នះមហារង្វាន់រថយន្តភីកអាប់ដំបូងគេបង្អស់ពីស្រាបៀរគ្រុឌ។ បងប្រុស ឌុល សំបូរ បានរៀបរាប់ទាំងអារម្មណ៍រំភើបរីករាយយ៉ាងខ្លាំងថា “កំពុងតែមានពេលវេលាល្អ ញ៉ាំអាហារពេលល្ងាចជាមួយគ្រួសារ ស្រាប់តែខ្ញុំគាស់ស្រាបៀរគ្រុឌ ក៏ឃើញរង្វាន់រថយន្តនៅលើក្រវិលកំប៉ុង។ អារម្មណ៍ពេលហ្នឹងគឺលើសពីរំភើបទៅទៀត។ ខ្ញុំគឺជាអតិថិជនរបស់ស្រាបៀរគ្រុឌ តាំងពីចេញលក់ក្នុងទីផ្សារដំបូងព្រោះ ខ្ញុំពេញចិត្តរសជាតិ និងគុណភាពរបស់គ្រុឌ ហើយធ្លាប់តែឃើញគេឈ្នះម៉ូតូ ឬរង្វាន់នេះ រង្វាន់នោះ គិតថាថ្ងៃណាមួយប្រហែលជាអាចមានសំណាងឈ្នះអ្វីមួយពីគ្រុឌដែរ តែឥឡូវមានសំណាងឈ្នះរង្វាន់ធំខ្លាំងហួសពីការរំពឹងទុក។ វាពិតជាអស្ចារ្យមែនទែន ហើយខ្ញុំសូមអរគុណដល់ស្រាបៀរគ្រុឌ ដែលផ្តល់មហារង្វាន់រថយន្តយ៉ាងពិតប្រាកដដល់រូបខ្ញុំ។”

លោកស្រី គង់ កុសល នាយកផ្នែកពាណិជ្ជកម្មក្រុមហ៊ុន វឌ្ឍនៈ ប៊្រូវើរី មានប្រសាសន៍ឲ្យដឹងថា “យើងខ្ញុំពិតជារីករាយក្រោយទទួលបានដំណឹងដ៏រំភើបនេះ ហើយសូមចូលរួមអបអរសាទរដល់អ្នកឈ្នះមហារង្វាន់រថយន្តភីកអាប់ដ៏មានតម្លៃដំបូងគេបំផុតរបស់យើង។ ក្រៅពី រសជាតិ និងគុណភាពដែលត្រូវបានទទួលស្គាល់លក្ខណៈអន្តរជាតិ ស្រាបៀរគ្រុឌ តែងតែបានផ្តល់រង្វាន់ដ៏ច្រើនសន្ធឹកសន្ធាប់ដើម្បីអរគុណ ចូលរួមចែករំលែកពេលវេលាល្អ និងបន្ថែមភាពរីករាយរាល់ការជួបជុំរបស់អតិថិជនយើងនៅគ្រប់ទិសទីដែលតែងតែនិយមគាំទ្រស្រាបៀរគ្រុឌ ដូចទៅនឹងពាក្យស្លោកនៃម៉ាកសញ្ញារបស់យើងនោះគឺ ពេលវេលាល្អ ពេលវេលាជាមួយគ្រុឌ។”

ស្រាបៀរ គ្រុឌ បានរកឃើញអតិថិជនជាច្រើននាក់ទទួលបានរង្វាន់ជាហូរហែជារៀងរាល់ថ្ងៃ ហើយនាពេលថ្មីៗនេះ អតិថិជនមានសំណាងឈ្នះរង្វាន់រថយន្តភីកអាប់ដំបូងគេ បង្ហាញវត្តមានហើយ ចុះអ្នកឈ្នះមហារង្វាន់បន្ទាប់ជានរណា?

ស្រាបៀរ គ្រុឌ តែងតែចែករំលែកពេលវេលាល្អ និងបន្តផ្តល់រង្វាន់អស្ចារ្យដ៏ច្រើនសន្ធឹកសន្ធាប់ ដូចជារថយន្តភីកអាប់ ម៉ូតូហុងដាឌ្រីមស៊េរីថ្មី រង្វាន់ប្រាក់សុទ្ធរាប់រយលានរៀល និងរង្វាន់ជាច្រើនទៀតដល់អតិថិជននៅទូទាំងប្រទេសកម្ពុជា។ចាំអីទៀត ទិញផលិតផលស្តង់ដារខ្ពស់ក្នុងស្រុក គាំទ្រការអភិវឌ្ឍសេដ្ឋកិច្ចជាតិ នឹងមានឱកាសឈ្នះរង្វាន់កាន់តែច្រើន។ អ្នកឈ្នះមហារង្វាន់បន្ទាប់ អាចជារូបអ្នក!

ពេលវេលាល្អ ពេលវេលាឈ្នះមហារង្វាន់ជាមួយស្រាបៀរ គ្រុឌ!

The post ទិញស្រាបៀរគ្រុឌ ៦កំប៉ុង ញ៉ាំបាយល្ងាចជុំគ្រួសារគាស់ឈ្នះរង្វាន់រថយន្តភីកអាប់ ISUZU D-MAX ដ៏ថ្មីស្រឡាងមួយគ្រឿង appeared first on .

ការចូលរួមបរិច្ចាគរបស់ក្រុមហ៊ុន វឌ្ឍនៈ គ្រុប ក្នុងបេសកកម្មមនុស្សធម៌នេះមិនមែនជាលើកទី១នោះឡើយ ដោយកន្លងទៅក្រុមហ៊ុនតែងតែចេញមុខបង្ហាញវត្តមានគ្រប់កាលៈទេសៈនៃការអំពាវនាវចូលរួមកិច្ចការងារសង្គមជាមួយរាជរដ្ឋាភិបាលទាំងវិស័យសេដ្ឋកិច្ច សង្គមកិច្ច សុខាភិបាល​​ និងមនុស្សធម៌ជាដើម។

សូមជម្រាបជូបថា គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ ហៅកាត់ថា យ.ជ.ប.ទ ត្រូវបានរាជរដ្ឋាភិបាលសម្រេចបង្កើតឡើងកាលពីថ្ងៃទី២២ ខែមីនា ឆ្នាំ២០២៣ ដែលមានសម្តេចតេជោ ហ៊ុន សែន នាយករដ្ឋមន្ត្រី ជាប្រធានកិត្តិយស, លោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងព្រឹទ្ធសភា- រដ្ឋសភា និងអធិការកិច្ច ជាប្រធាន, នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងរាជអាវុធលើផ្ទៃប្រទេស ជាអនុប្រធាន។

គណៈយុទ្ធមិត្ដជំនាន់បម្រើកងទ័ពឆ្នាំ១៩៧៨ មានតួនាទីភារកិច្ចថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោមជ្រែងជីវភាពរស់នៅរបស់យុទ្ធមិត្ត ជាពិសេសអ្នកដែលមានជីវភាពទន់ខ្សោយ ជួបទុក្ខលំបាក។

គួររម្លឹកថា អង្គភាព ១២៥ ជាអង្គភាពកងទ័ពដំបូង នៃរណសិរ្សសាមគ្គីសង្គ្រោះជាតិ ដែលត្រូវបង្កើតឡើងដោយសម្តេចតេជោ ហ៊ុន សែន នៅថ្ងៃទី១២ ខែឧសភា ឆ្នាំ១៩៧៨៕

The post អ្នកឧកញ៉ា ឈុន លាង ឧបត្ថម្ភថវិកា ២០ម៉ឺនដុល្លារជូនមូលនិធិតេជោ១២៥ appeared first on .

កម្មវិធី វិក្កយបត្រនាំសំណាង- GDT Lucky Draw នេះបានប្រកាសដាក់ឲ្យប្រើប្រាស់ជាផ្លូវការ កាលពីថ្ងៃទី០៥ ខែឧសភា ឆ្នាំ២០២២ ហើយទទួលបានការទាក់ទាញចំណាប់អារម្មណ៍យ៉ាងខ្លាំងពីអ្នកជាប់ពន្ធ និងសាធារណៈជន ក្នុងការកៀងគរព័ត៌មាន ក៏ដូចជាការពង្រឹងនូវអនុលោមភាពអាជីវកម្មថែមទៀត។

ការចូលរួមរបស់ វឌ្ឍនៈ ប៊្រូវើរី មិនត្រឹមតែបានឆ្លុះបញ្ចាំងពីអភិបាលកិច្ចសាជីវកម្មដ៏ល្អរបស់ក្រុមហ៊ុនផ្ទាល់ប៉ុណ្ណោះទេ ប៉ុន្តែថែមទាំងធ្វើជាគំរូដ៏ល្អសម្រាប់សហគ្រាសផ្សេងទៀតក្នុងការរួមចំណែក និងលើកស្ទួយវប្បធម៌បង់ពន្ធ១០០ភាគរយ ដែលជាកាយវិការនេះគឺជាកម្លាំងចលករយ៉ាងសំខាន់សម្រាប់ការអភិវឌ្ឍនិងរីកលូតលាស់នៃសេដ្ឋកិច្ចជាតិ។

The post ក្រុមហ៊ុន វឌ្ឍនៈ ប៊្រូវើរី សហការជាមួយអគ្គនាយកដ្ឋានពន្ធដារ រៀបចំការប្រគំតន្ត្រីដ៏ធំនាថ្ងៃទិវានៃក្តីស្រឡាញ់ នៅសួនបទុមវតី appeared first on .

ការថ្លែងរបស់អ្នកឧកញ៉ា ដូចនេះបានធ្វើឡើងនៅក្នុងពិធីប្រកាសស្វាគមន៍លោក G-Devith ក្លាយជាទូតសុច្ឆន:របស់ស្រាបៀរវឌ្ឍនៈ និងដ្រាហ្គិន ជាផ្លូវការ ក្នុងកម្មវិធីប្រគុំតន្ត្រី PS2 x វ សម្ពោធអាល់ប៊ុលថ្មីឈ្មោះថា Passion II ដែលបានប្រព្រឹត្តទៅនៅសួនវឌ្ឍនៈ កាពីតាលឡាហ្វ៍ស្តាយផាក នាល្ងាចថ្ងៃទី៤ កុម្ភៈ ឆ្នាំ២០២៣។ 

ស្តាប់ប្រសាសន៍អ្នកឧកញ៉ា សំអាង វឌ្ឍនៈ៖

អ្នកឧកញ៉ា សំអាង វឌ្ឍនៈ បានថ្លែងបញ្ជាក់ទៀតថា លោក G-Devith ក៏បុគ្គលយកចិត្តទុកដាក់ និងផ្តោតសំខាន់លើគុណភាពរាល់កិច្ចការ ដែលឆន្ទះនេះដូចទៅនឹងឆន្ទះរបស់វឌ្ឍនៈប៊្រូវើរី ដែលតែងតែផលិតនូវផលិតផលដែលមានគុណភាពខ្ពស់សម្រាប់អតិថិជន។ ដូច្នេះហើយការសហការរវាងវឌ្ឍនៈ ប៊្រូវើរី និងលោក G-Devith នឹងនាំអ្វីអស្ចារ្យទាំងសម្រាប់ដេវីត និងស្រាបៀរ វឌ្ឍនៈនិងដ្រាហ្គិន។

ជាមួយគ្នានេះ លោក G-Devith ក៏បានបង្ហាញអារម្មណ៍រំភើបដែលបានសហការជាមួយក្រុមហ៊ុនវឌ្ឍនៈប៊្រូវើរី ហើយក៏បានសន្យាចំពោះមុខអ្នកគាំទ្រជាពាន់នាក់ ថានឹងបង្កើតភាព អស្ចារ្យជាច្រើនទាំងការធ្វើបទចម្រៀងថ្មីៗ ផលិតវីដេអូចម្រៀងឲ្យកាន់តែមានគុណភាព ព្រមទាំងការប្រគំតន្ត្រី ទេសចរណ៍ជាច្រើនខេត្តក្រុងនាពេលឆាប់ៗខាងមុខផងដែរ។ 

ស្តាប់ការលើកឡើងពីលោក G-Devith

គួរបញ្ជាក់ថា ក្រៅពីការចុះហត្ថលេខាធ្វើជាទូតសុច្ឆន:របស់ស្រាបៀរវឌ្ឍនៈនិងដ្រាហ្គិនជាផ្លូវការ លោក G-Devith ក៏បានបង្ហាញ និងច្រៀងបទចម្រៀងថ្មីៗជាច្រើនបទនៅក្នុងអាល់ប៊ុម Passion II របស់លោកដោយមានការចូលរួមពីហ្វេន និងទស្សនិកជនរាប់ពាន់នាក់។ 

វឌ្ឍនៈ ប្រ៊ូវើរី ដែលជាក្រុមហ៊ុនកំពុងតែមានភាពលេចធ្លោខ្លាំងក្នុងឧស្សាហកម្មផលិតស្រាបៀរ និងភេសជ្ជៈនៅកម្ពុជា  ហើយត្រូវបានទទួលស្គាល់ជាក្រុមហ៊ុន ដែលមានយុទ្ធសាស្រ្តទីផ្សារខ្លាំង និងច្បាស់លាស់។  វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើនវិនិយោគលើ វិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ៕

The post អ្នកឧកញ៉ា សំអាង វឌ្ឍនៈ បញ្ជាក់ពីមូលហេតុជ្រើសរើស G-Devith ធ្វើជាទូតសុច្ឆន:របស់ស្រាបៀរវឌ្ឍនៈ និងដ្រាហ្គិន appeared first on .

នេះគឺជាលើកទីមួយដែលមានការរៀបចំកីឡាររត់​ប្រណាំងបណ្តាក់ជាក្រុមឡើង នាំមកនូវបទពិសោធន៍ថ្មីប្លែកមិនធ្លាប់មានពីមុនមក គួបផ្សំជាមួយទីតាំងរត់​​ដ៏ល្អឥត​ខ្ចះនៃឆ្នេរសមុទ្រ និងទិដ្ឋភាពតាមដងផ្លូវដ៏ស្រស់ត្រកាលនៃខេត្តព្រះសីហនុបានធ្វើឲ្យមានការចាប់អារម្មណ៍យ៉ាងច្រើននិងទាក់ទាញអ្នកចូលរួមប្រមាណ​១០០០នាក់មក​ពីគ្រប់​ទិសទិ រួមមានក្រុមសិល្បៈករ សិល្បការី ក្រុមអត្តពលិកមកពីស្ថាប័នប៉េតង់កម្ពុជា ក្រុមបាល់ទាត់​គីរីវង់ ក្រុមបាល់ទាត់ជម្រើសជាតិ ក្រុម​ការងារ​យុទ្ធនាការ Beyond The Games និងមន្ត្រីនៃរដ្ឋបាល​ខេត្តព្រះសីហនុ ព្រមទាំងមហាជន​ទូទៅជាច្រើន ដែល​ធ្វើការ​រត់បណ្តាក់ចេញពីចាប់រង្វង់មូលព្រះសិវៈ និងព្រះនាង​ឧមាវតី រហូតទៅ​ដល់​ទីលាន​​សម្តេចតេជោ មាន​រយៈ​​ចម្ងាយជាង​១៩គីឡូម៉ែត្រ។

កម្មវិធីបាន​រកឃើញក្រុមដែលប្រើរយៈពេលលឿនជាងគេចំនួន៣ក្រុម ដែលក្រុមទទួលបាន​ជ័យ​ជំនៈ​​លេខ​មួយ​ប្រើរយៈពេលត្រឹម១ម៉ោង ១១នាទី លេខ២ប្រើរយៈពេល ១ម៉ោង១៣នាទី និងលេខ៣ ប្រើរយៈពេល​១ម៉ោង១៨នាទី ក្នុងនោះក្រុមលេខ១ទទួលបានប្រាក់លើកទឹកចិត្ត ចំនួន​២លាន​រៀល មេដាយមាស​ម្នាក់១​​សម្រាប់​​រាល់​សមាជិកក្រុមទាំង៧ និងភេសជ្ជៈកីឡា វី-អាកទីវ ចំនួន ៧កេស ក្រុមទី២ ទទួលបាន១លានរៀល មេដាយប្រាក់ និងភេសជ្ជៈកីឡា វី-អាកទីវ ចំនួន ៥កេស និងលេខ៣ ទទួលបានប្រាក់លើក​ទឹក​​ចិត្ត​​ចំនួន​​៥០ម៉ីនរៀល មេដាយសម្រឹតសម្រាប់រាល់សមាជិកក្រុមទាំងអស់ និង​ភេសជ្ជៈ​កីឡា វី-អាកទីវ ចំនួន ៣កេស។

អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី ដែលមានវត្តមានចូលរួមរត់ក្នុងព្រឹត្តការណ៍នេះ​ផងដែរបានប្រសាសន៍ថា «ក្រុមហ៊ុន វឌ្ឍនៈ ប្រ៊ូវើរី ពិតជាមាន​សេចក្តីសោមនស្សរីករាយដែលបានរៀបចំព្រឹត្តការណ៍នេះឡើង ដែលមិនមែនធ្វើឡើងសម្រាប់តែប្រារព្វ និងអបអរវត្តមានភេសជ្ជៈគីឡា វី-អាកទីវ ប៉ុណ្ណោះទេ តែសម្រាប់ផ្តល់នូវភាពរីករាយ និងបទ​ពិសោធន៍​ថ្មីដល់ប្រជាជនយើង។

ព្រឹត្តការណ៍រត់​ប្រណាំង​​កម្សាន្តបណ្តាក់ជាក្រុម V-Active Fun Run នេះបានបង្ហាញពីឆន្ទះរបស់ វឌ្ឍនៈ ប៊្រូវើរី ក្នុងការលើកស្ទួយ សុខភាព និងសុខមាលភាពសង្គម។ ការជ្រើសរើសការរត់ ឫដើរសម្រាប់កម្មវិធីនេះព្រោះវាគឺជាសកម្មភាពកីឡាដែលមានភាពងាយស្រួល ងាយអនុវត្តបំផុត មិនទាមទារសម្ភារបរិក្ខារ និងមាន​​ លក្ខណៈធម្មជាតិ។

ការរត់ ឫដើរគឺជាលំហាត់ប្រាណដ៏អស្ចារ្យមួយដែលត្រូវបានគ្រូពេទ្យណែនាំធ្វើឲ្យបានទៀងទាត់យ៉ាងហោចណាស់ពី២០នាទី ទៅ៣០នាទីដើម្បីទទួលបានអត្ថប្រយោជន៍សុខភាពដ៏សម្បូរបែប។ ពួកយើង​សង្ឈឹម​ថាព្រឹត្តការណ៍នេះនឹងក្លាយទៅជាសារមួយជួយក្រើនរំលឹកដល់ប្រជាជន យើងឲ្យបន្តនិងចូលរួមហាត់ប្រាណកាន់។ វឌ្ឍនៈ ប្រ៊ូវើរី នឹងបន្តចូលរួមលើកស្ទួយសកម្មភាពកីឡា និងរៀបចំកម្មវិធីកម្សាន្ត​សប្បាយបែបនេះ​ជាច្រើន​ទៀតនាពេលខាងមុខ។ »

វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើនវិនិយោគលើ វិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលានវាយកូនហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ៕

The post ព្រឹត្តការណ៍រត់ប្រណាំងកម្សាន្តបណ្តាក់ជាក្រុម V-Active Fun Run នៅខេត្តព្រះសីហនុប្រព្រឹត្តទៅយ៉ាងរីករាយក្រោមវត្តមានអ្នកចូលរួមយ៉ាងច្រើនកុះករ appeared first on .

ភេសជ្ជៈកីឡា វី-អាកទីវ គឺជាសម្ធិផលទី៦ របស់ក្រុមហ៊ុន វឌ្ឍនៈ ប្រ៊ូវើរី បន្ទាប់ពីដាក់ឲ្យដំណើរការ​ផលិត​ផល​ស្រាបៀរ វឌ្ឍនៈ ស្រាបៀរគ្រុឌ ស្រាបៀរប្រណិតទឺកខ្មៅ ដ្រាហ្គិន ភេសជ្ជៈប៉ូវកម្លាំង គ្រុឌ និងភេសជ្ជៈ​ប៉ូវ​កម្លាំង គ្រុឌអាយស៍ ដោយជោគជ័យក្នុងទីផ្សារប្រទេសកម្ពុជាត្រឹម​រយៈពេលយ៉ាងខ្លី។​ ដោយមើលឃើញ​ពីនិន្នាការ បរិបទនៃការរស់នៅ និង ចំណះដឹងអំពីសុខភាពកាន់តែទូលំទូលាយរបស់​ប្រជាជនកម្ពុជា ​ក្រុមហ៊ុន វឌ្ឍនៈ ប៊្រូវើរី បានជំរុញ និងបង្កើតឲ្យមាន ភេសជ្ជៈកីឡា វី-អាកទីវ ដែលជាជម្រើសបន្ថែមឆ្លើយ​តប​ទៅ​​តាមតម្រូវការ​សម្រាប់​អតិថិជនដែលនិយមការលេងកីឡា ការហាត់ប្រាណ ការរស់នៅបែបសកម្ម និងមមាញឹក​ ហើយចាំបាច់ត្រូវការផលិតផលភេសជ្ជៈមួយដែលអាចទ្រ្រទង់ និងជំនួយដល់​រាង្គកាយ​​​របស់​​​ពួកគេ​បាន​បន្ទាប់ពីបាត់បង់ ​ឫខ្សោះជាតិទឹក និងជាតិរ៉ែរពីក្នុងខ្លួន។

ការហាត់ប្រាណ និងការបញ្ចេញកម្លាំងពលកម្មមានសារៈ​សំខាន់​បំផុត​សម្រាប់សុខភាព តួយ៉ាងដូចជា ជួយដុត រំលាយកាឡូរី និងគ្រប់គ្រងទម្ងន់ ធ្វើឲ្យប្រសើរឡើងនៃ​សុខភាពផ្លូវចិត្ត ​បេះដូង សួត និងលំពែង ការរំលាយ​អាហារធ្វើ​ឲ្យ​ឆ្អឹង និងសន្លាក់រឹងមាំ។​ យ៉ាងណាមិញ ការ​បញ្ចេញពលកម្ម​ដ៏ត្រឹមត្រូវ មានប្រសិទ្ធិភាព ដើម្បីទទួលបាន​អត្ថ​ប្រយោជន៍​​ទាំងនេះ​គឺ​ទាមទារឲ្យយើង​បំពេញជាតិទឹក និង​សារធាតុផ្សេងៗដែលបាត់បង់ពីរាង្គកាយឡើងវិញពីការបញ្ចេញញើស។ ញើស​មិនត្រឹមតែផ្ទុក​ជាតិទឹកប៉ុណ្ណោះ​ទេ តែក៏បាននាំទៅជាមួយ​សារធាតុដ៏ចាំបាច់ក្នុងខ្លួន​របស់យើង​ឈ្មោះថា​អេឡិចត្រូលីត រឺហៅបានថា​សារធាតុ​រ៉ែ មានដូចជា សូដ្យូម ប៉ូតាស្យូម ដែលមានសារៈសំខាន់ក្នុង ប្រតិបត្តិការ​សារពាង្គកាយ ដូច្នេះហើយការ​ទទួល​ទឹកតែមួយ​មុខ ពិតជាមិន​គ្រប់គ្រាន់​​ដើម្បីធ្វើអោយមានតុល្យភាពឡើងវិញនៃ​រាងកាយ​​​​​របស់យើងនោះឡើយ។

ការទទួលទានភេសជ្ជៈ កីឡា វី-អាកទីវ ពិតជាមានសារៈប្រយោជន៍សម្រាប់មនុស្ស​គ្រប់គ្នា​​ក្នុងការរស់នៅ​ប្រចាំ​ថ្ងៃ​ដើម្បីរក្សាតុល្យភាពជាតិទឹកក្នុងខ្លួន បំពេញជាតិទឹក និងអេឡិចត្រូលីតដែលបាត់បង់ឡើង​វិញ​ បង្កើនថាមពល និងសមត្ថភាពខួរក្បាលកាន់តែប្រសើរ និងផ្តល់ភាពស្រស់ស្រាយ។ ​​អ្នកឧញ៉ា សំអាង វឌ្ឍនៈ នាយកប្រតិបត្តិក្រុមហ៊ុន វឌ្ឍនៈ ប្រ៊ូវើរី មានប្រសាសន៍ថា៖ «វឌ្ឍនៈ ប្រ៊ូវើរី ត្រូវបានទទួលស្គាល់ដោយស្ថាប័នអន្តរជាតិជា​ច្រើនក្នុងការផលិតផលិតផលដែលមានគុណភាព ដែលកត្តាគុណភាពនេះ និងភាពច្នៃប្រឌិត តែងតែស្ថិតនៅក្នុងសរសៃ​ឈាម (DNA) របស់យើងខ្ញុំ ដូច្នេះហើយយើងខ្ញុំនៅតែបន្តបង្កើតផលិតផលដែលល្អ និងមានសុវត្ថិភាពខ្ពស់​សម្រាប់​​ប្រជាជន​​យើង។ ភេសជ្ជៈកីឡា វី អាកទីវ គឺជាម៉ាកសញ្ញាដែលកើតចេញពីម៉ាកសញ្ញា វឌ្ឍនៈ ដែល​​មាន​អក្សរ វី (V) ជាតំណាង​ បង្កើតឡើងដើម្បីផ្តល់ភាពរីករាយ អំណរសាទរក្នុងជីវិត និងការជួបជុំ។ ម៉ាកសញ្ញានេះ​តែងតែ​ត្រូវបាន​គេ​​​ទទូល​​​ស្គាល់​ពីប្រណិតភាព និង​គុណភាពរបស់វា។ ក្នុងជីវិតប្រចាំថ្ងៃ ទោះបីយើងគ្រប់គ្នាមាន​ភាព​មមាញឹក​យ៉ាង​ណា​ក៏ដោយ​ ការថែ​រក្សាសុខភាពគឺជារឿងដែលចាំបាច់បំផុត ដូច្នេះការហាត់ប្រាណ និងលេង​កីឡាពិត​ជា​​មាន​​សារៈសំខាន់ដែលយើងគ្រប់គ្នាត្រូវធ្វើជាប្រចាំ។ វី-អាកទីវ គឺជាភេសជ្ជៈកីឡាដំបូងបំផុតនៅ​កម្ពុជា ដែលនឹង​ជួយជំរុញ​លើកស្ទួយរាល់​សកម្មភាព​​​​​ពលកម្មទាំងនេះ។ ការបំពេញជាតិទឹក និង​អេឡិចត្រូលីត​ដែល​បាត់បង​​់ទៅ​ពិត​​ជា​មាន​​សារៈសំខាន់ព្រោះនៅក្នុងភេសជ្ជៈកីឡា វី អាកទីវ មានសារធាតុរ៉ែ​ស្រដៀង​ទៅនឹង​សារធាតុរ៉ែ ដែល​មាន​​​នៅក្នុង​ខ្លួន​​​យើង ដូច្នេះហើយរាងកាយយើងអាចស្រូបយកសារធាតុ​ទាំង​នោះ​ឡើយវិញ​បាន​យ៉ាងល្អ និងឆាប់​រហ័ស​ព្រម​ទាំងជួយរក្សាតុល្យភាពជាតិ​ទឹកក្នុង​ខ្លួន​បានយូរ​ជាង​ទឹកធម្មតា។ បើយើងមិន​មាន​​ជាតិ​ទឹ​កគ្រប់គ្រាន់ ខួរក្បាលយើងក៏មិនទទួល​បានជាតិទឹកគ្រប់គ្រាន់ដែរ ដូច្នេះហើយ​​សមត្ថភាព​ខួរក្បាល និង​ការគិត​របស់​យើង​ក៏ចុះ​ខ្សោយ មិនអាចផ្តោត​អាម្មណ៍ និងបំពេញភារកិច្ចផ្សេងៗ​បានល្អ​នោះឡើយ។»

ការរៀបចំព្រឹត្តការណ៍​​​រត់ប្រណាំងកម្សាន្តបណ្តាក់ជាក្រុម V-Active Fun Run  ​ស្របពេលដាក់​ដំណើរការជាផ្លូវការ​វត្តមាន​​ភេសជ្ជៈ​កីឡា វី-អាកទីវ ​លើទីផ្សារ បង្ហាញពីឆន្ទះរបស់ក្រុមហ៊ុន វឌ្ឍនៈ ប៊្រូវើរី ក្នុងការបន្តលើកកំពស់វិស័យ​កីឡា និងសុខមាលភាពសង្គមតាមរយៈការហាត់ប្រាណ និងលេងកីឡា។ ព្រឹត្តការណ៍នេះ ក៏មានការចូលរួម និងគាំទ្រដោយ​រដ្ឋបាល​​ខេត្តព្រះសីហនុ និងសហភាពសហព័ន្ធយុវជនកម្ពុជាតាមរយៈយុទ្ធនាការ #BeyondTheGames ដែលជាយុទ្ធនាការរៀបចំសកម្មភាពទាក់ទងនឹងវិស័យកីឡាជាច្រើន ទទួលបានការចូលរួមយ៉ាងសកម្មពីមហាជនក្នុងការផ្សារភ្ជាប់កម្ពុជាទៅនឹងភាពជា​ម្ចាស់ផ្ទះ និងត្រៀមខ្លួនក្នុងការលើកតម្កើងភាពអស្ចារ្យរបស់កម្ពុជាដោយពុំគិគពីលទ្ធផលចាញ់ រឺឈ្នះ សម្រាប់​មហាព្រឹត្តិការណ៍ស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ ខាងមុខនេះ។ V-Active Fun Run​ នឹងធ្វើ​​ឡើងជា​ក្រុមដែលមួយក្រុមមានចំនួន៧នាក់ រត់បណ្តាក់គ្នាពីចំនុចចាប់រង្វង់មូលព្រះសិវៈ និងព្រះនាង​ឧមាវតី រហូតទៅ​ដល់​ទីលាន​​សម្តេចតេជោ មានរយៈចម្ងាយ​១៩គីឡូម៉ែត្រ​។ ព្រឹត្តការណ៍នេះប្រព្រឹត្ត​ទៅ​នាវេលាព្រឹកម៉ោង ៥និង៣០នាទី ថ្ងៃទី២៩ ខែមករា ឆ្នាំ២០២៣​ និងបើកឲ្យចូលរួម​ដោយ​សេរីនិងឥតគិតថ្លៃ។ ​មិនត្រឹមតែទទួលបានភាពរីករាយ សុខភាពប៉ុណ្ណោះ​ទេ វឌ្ឍនៈ ប៊្រូវើរី ក៏មានជារង្វាន់លើកទឹកចិត្តសម្រាប់ក្រុមដែលទទួល​បានជ័យជំនៈចំនួន៣ក្រុម​ជាទឹក​​ប្រាក់​ចំនួន​២លាន​រៀល ១លានរៀល និង៥០ម៉ីនរៀល ព្រមទាំងការប្រគំតន្ត្រីរយៈពេល២ថ្ងៃពេញគឺថ្ងៃទី២៨ និង២៩ មករា ចាប់ពី ៥ល្ងាចតទៅនៅទីលាន​​សម្តេចតេជោ។

អ្នកឧកញ៉ា សំអាង វឌ្ឍនៈ បានបន្តថា៖ «ព្រឹត្តការណ៍​​​នេះធ្វើឡើង​ដើម្បី​ប្រារព្វ និងអបអរវត្តមានភេសជ្ជៈគីឡា វី-អាកទីវ របស់យើង​ដែលនេះបង្ហាញពីឆន្ទះរបស់ក្រុមហ៊ុន វឌ្ឍនៈ ប៊្រូវើរី ក្នុងការ​លើក​ស្ទួយ សុខភាព និងសុខមាលភាព​ សង្គម ហើយយើងជ្រើសរើសការរត់ ឫដើរព្រោះវាគឺជាសកម្មភាពកីឡាដែលមានភាពងាយស្រួល ងាយអនុវត្តបំផុត មិនទាមទារសម្ភារបរិក្ខារ និងមានលក្ខណៈធម្មជាតិពិតៗ។ ការរត់ ឫដើរគឺជាលំហាត់ប្រាណដ៏អស្ចារ្យមួយដែលត្រូវបានគ្រូពេទ្យណែនាំឲ្យធ្វើយ៉ាងហោចណាស់ពី២០នាទី ទៅ​​​​​​​​៣០នាទីឲ្យបានទៀងទាត់ដើម្បី​ទទួល​បាន​​អត្ថប្រយោជន៍សុខភាពដ៏សម្បូរបែប។​ ​យើងខ្ញុំសង្ឈឹមថា​ព្រឹត្តការណ៍​​​​​នេះ នឹងក្លាយទៅជាសារមួយជួយ​ក្រើនរំលឹក​ដល់​​​​ប្រជាជន យើងឲ្យបន្តនិងចូលរួម​ហាត់​ប្រាណ​​កាន់តែ​ច្រើន។ »

គួរបញ្ចាក់ថា វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធមួយរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយមានក្រុមហ៊ុនជាច្រើនវិនិយោគលើ វិស័យផ្សេងៗដូចជា វិស័យទំនិញ និងសេវាកម្ម អចលនទ្រព្យ សួនឧស្សាហកម្ម ធនាគារ ទីលាន​​វាយកូន​​ហ្គោល បដិសណ្ឋារកិច្ច សំណង់ ម្ហូបអាហារ និងវិស័យអប់រំ។ សម្រាប់ពត័មានលម្អិតពីចូលរួម សូមទាក់ទងមកលេខទូរស័ព្ទ ០៨៨ ៨៦៦ ៦៩៩០ ឫធ្វើការចុះឈ្មោះដោយផ្ទាល់តាមរយៈតំណរនេះ Link

The post នាថ្ងៃទី ២៩ មករាខាងមុខ ក្រុមហ៊ុនវឌ្ឍនៈប្រ៊ូវើរី រៀបចំព្រឹត្តការណ៍ដ៏ធំមិនធ្លាប់មានតាមបណ្តោយឆ្នេរសមុទ្រខេត្តព្រះសីហនុ appeared first on .

កម្មវិធី​ប្រគល់-ទទួល​​ស្រាបៀរ​គ្រុឌ​នេះ ​​ធ្វើ​ឡើង​នៅ​សាលាខេត្ត​ពោធិ៍​សាត់ ​​ដោយ​មាន​ការ​ចូល​រួម​ពី​​លោក​អភិបាលខេត្ត​​ថ្មី ខូយ រីដា ដែល​​ទើប​ទទួល​ការ​តែងតាំង​ថ្មី ​ជំនួស​លោក ជាវ តាយ កាល​​ចុង​ខែ​វិច្ឆិកា និង​អភិបាលរង មន្ត្រី​របស់​រដ្ឋបាលខេត្ត រួម​ទាំង​ខាង​តំណាង​របស់​ក្រុមហ៊ុន វឌ្ឍនៈប្រ៊ូវើរី។

លើសពីនេះ ក្រុមហ៊ុន វឌ្ឍនៈប្រ៊ូវើរី (Vattanac Brewery) ក៏​បាន​ឧបត្ថម្ភ​ស្រាបៀរ​គ្រុឌ​ដល់​កង​កម្លាំង​គណៈ​បញ្ជាការ​ឯកភាព​ខេត្ត​​បន្ថែម​ទៀត​ ដោយ​ក្នុង​បញ្ជាការដ្ឋានកងរាជអាវុធហត្ថខេត្ត ទទួល​បាន ៥០០​កេស និង​ ស្នង​ការ​ដ្ឋាននគរបាលខេត្តពោធិ៍សាត់ ទទួល​បាន ៥០០​កេស ផងដែរ។

លោក ខូយ រីដា ​តំណាង​ឱ្យ​រដ្ឋបាលខេត្ត និង​ប្រជាជន​នៅ​ខេត្ត​ពោធិ៍សាត់​ទាំង​មូល ​​បាន​ថ្លែង​អំណរ​គុណ និង​ថ្លែង​ថា​ នេះ​ជា​ទឹកចិត្ត​​ដ៏​ស្មោះសរ​របស់​អ្នកឧកញ៉ា សំអាង វឌ្ឍនៈ អគ្គនាយក​ក្រុមហ៊ុន វឌ្ឍនៈប្រ៊ូវើរី (Vattanac Brewery) ដែល​បាន​ឧបត្ថម្ភ​ស្រាបៀរ​គ្រុឌ​​​ដល់​រដ្ឋបាលខេត្ត​ពោធិ៍សាត់ និង​អង្គភាព​កង​កម្លាំង​នៃ​ខេត្ត​ពោធិ៍សាត់។ លោកអភិបាល ក៏បានជូនពរ​ដល់​អ្នកឧកញ៉ា ព្រម​ទាំង​សហការី ឱ្យ​ជួប​​តែ​ពុទ្ធពរ​៤​ប្រការ ជៀស​ផុត​ពី​ជម្ងឺ​កូវីដ-១៩ និង​កាន់​តែ​ជោគជ័យ​​អាជីវកម្ម​បន្ថែម​ទៀត៕

The post អ្នកឧកញ៉ា សំអាង វឌ្ឍនៈ ឧបត្ថម្ភស្រាបៀរគ្រុឌ ២០០០កេស ដល់សាលាខេត្តពោធិ៍សាត់ appeared first on .

កម្មវិធីលំដាប់ពិភពលោក Cambodia Idol ឧបត្ថម្ភដោយ ស្រាបៀរ គ្រុដ របស់ក្រុមហ៊ុន វឌ្ឍនៈប្រ៊ូវីរី ជាបុត្រសម្ព័ន្ធក្រុមហ៊ុន វឌ្ឍនៈ គ្រុប។

នៅវគ្គផ្តាច់ព្រ័ត្រនៃកម្មវិធីលំដាប់ពិភពលោក Cambodia Idol ដែលកំពុងផ្ទុះខ្លាំងឆ្នាំ២០២២នេះ ក៏មានការចូលរួមទស្សនាដោយផ្ទាល់ក្នុងស្ទូឌីយោកម្មវិធីប្រឡង ពីអ្នកឧកញ៉ា សំ អាង អ្នកឧកញ៉ា ឈុន លាង សហស្ថាបនិកក្រុមហ៊ុន វឌ្ឍនៈ គ្រុប និងអ្នកឧកញ៉ា សំអាង វឌ្ឍនៈ អគ្គនាយកក្រុមហ៊ុន វឌ្ឍនៈប្រ៊ូវឺរី ក្រោមវត្តមានលោកស្រី ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភានិងព្រឹទ្ធសភា នៅយប់ថ្ងៃទី២៨ ខែសីហា ឆ្នាំ២០២២។

សូមបញ្ជាក់ថា អ្នកឧកញ៉ា សំអាង វឌ្ឍនៈ ជាកូនប្រុសតែម្នាក់របស់ម្ចាស់អគារវឌ្ឍនៈ កាពីតាល តាមមហាវិថីព្រះមុនីវង្ស ខ្ពស់កប់ពពក នៅមិនឆ្ងាយរម្មណីយដ្ឋានប្រវត្តិសាស្ត្រ វត្តភ្នំ។ លោកមានតួនាទីជាអគ្គនាយកក្រុមហ៊ុន វឌ្ឍនៈប្រ៊ូវឺរី ដែលផលិតស្រាបៀរគ្រុឌ ហើយក៏ជាម្ចាស់ភាគហ៊ុននៃក្រុមហ៊ុន ជាច្រើនរបស់វឌ្ឍនៈគ្រុប ក៏ដូចជាធនាគារវឌ្ឍនៈផងដែរ។

លើសពីនេះក៏ជាមហាសេដ្ឋីវ័យក្មេង និងម្ចាស់ឧបត្ថម្ភផ្តាច់មុខកម្មវិធីលំដាប់លោក Cambodian Idol រដូវកាលទី៤ ដែលកំពុងផ្ទុះខ្លាំងឆ្នាំ២០២២នេះផងដែរ៕

The post មហាសេដ្ឋី ៣រូប ចូលរួមទស្សនាផ្ទាល់វគ្គផ្តាច់ព្រ័ត្រក្នុងស្ទូឌីយោ ប្រឡង Cambodia Idol កំពុងផ្ទុះខ្លាំង appeared first on .

បច្ចុប្បន្ននេះ អ្នកឧកញ៉ា សំ អាង និងអ្នកឧកញ៉ា ឈុន លាង ជាសហគ្រិនជើងចាស់នៅស្រុកខ្មែរ ដែលជោគជ័យក្នុងវិថីជំនួញរាប់ទស្សវត្សរ៍ តាមរយៈក្រុមហ៊ុន វឌ្ឍនៈ គ្រុប វិនិយោគក្នុងពហុវិស័យ ខណៈធនាគារ អចលនទ្រព្យ និងសំណង់ មានភាពលេចធ្លោជាងគេបំផុត។

ឈ្មោះក្រុមហ៊ុន វឌ្ឍនៈ ត្រូវបានមហាសេដ្ឋីមួយគូរនេះ សម្រេចយកតាមឈ្មោះកូនប្រុស គឺអ្នកឧកញ៉ា សំអាង វឌ្ឍនៈ មកដាក់ជានាមករណ៍នៃមុខជំនួញ “វឌ្ឍនៈ គ្រុប” ។

អ្នកឧកញ៉ា សំ អាង វឌ្ឍនៈ បញ្ចប់ការសិក្សាថ្នាក់អនុបណ្ឌិតផ្នែកវិស្វកម្ម សេដ្ឋកិច្ច និងគ្រប់គ្រង ពីសាកលវិទ្យាល័យ Oxford ចក្រភពអង់គ្លេស និងបានសិក្សាស្រាវជ្រាវផ្នែកអាជីវកម្ម ធនាគារនៅធនាគារ Allied Irish ចក្រភពអង់គ្លេសក្នុងឆ្នាំ២០០៥។ លោកចូលកាន់តួនាទីជានាយកប្រតិបត្តិនៃក្រុមហ៊ុន វឌ្ឍនៈ អចលនទ្រព្យ លីមីតធីត កាលពីឆ្នាំ ២០០៧ និងគ្រប់គ្រងអាគារពាណិជ្ជកម្ម វឌ្ឍនៈ កាពីតាល។

នាមករណ៍ វឌ្ឍនៈ ក៏ប្រហែលជាមហាសេដ្ឋីកម្ពុជាមួយគូរនេះ ដាក់បូកបញ្ចូលឈ្មោះអគារមជ្ឈមណ្ឌលពាណិជ្ជកម្ម វឌ្ឍនៈកាពីតាល (Vattanac Capital) កណ្តាលក្រុងភ្នំពេញ តាមបណ្តោយមហាវិថីព្រះមុនីវង្ស ដែលប្រើប្រាស់ទុនវិនិយោគចំនួន ២៥០លានដុល្លារ ផងដែរ។

បន្ថែមទៅទៀត នៅមានសម្ព័ន្ធក្រុមហ៊ុនគ្រាក់ៗមួយចំនួន ក៏ប្រើប្រាស់នាមករណ៍ ឬឈ្មោះកូនប្រុស ជាឈ្មោះក្រុមហ៊ុន ដូចជា ធនាគារ វឌ្ឍនៈ បើកដំណើរការអាជីវកម្មនៅឆ្នាំ២០០២, ក្រុមហ៊ុន Vattanac Properties បង្កើតឡើងក្នុងឆ្នាំ២០០៥, សួនឧស្សាហកម្ម វឌ្ឍនៈ ១ និង ២ ចាប់ផ្តើមប្រតិបត្តិការក្នុងឆ្នាំ ២០០៣, ក្រុមហ៊ុន Vattanac Investment វិនិយោគក្នុងឆ្នាំ ២០១៣, ក្រុមហ៊ុន Vattanac F&B ប្រតិបត្តិការតាំងពីឆ្នាំ ២០១៣។

លើសពីនេះ អ្នកឧកញ៉ា ឈុន លាង និងអ្នកឧកញ៉ា សំ អាង កាលពីឆ្នាំ២០២០កន្លងទៅ ក៏បោះជំហ៊ានចូលក្នុងវិស័យឧស្សាហកម្មផលិតស្រាបៀរថ្មីមួយ មានឈ្មោះ “VATTANAC BREWERY CO., LTD.” លើផ្ទៃដី ១០០០ហិកតា ជាមួយទំហំទុនវិនិយោគប្រមាណ ៨៧លានដុល្លារអាមេរិក និងអាចបង្កើតការងារបានចំនួន ៨៩៩កន្លែង ស្ថិតនៅភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ៕

The post មហាសេដ្ឋីប្តីប្រពន្ធមួយគូរ យកឈ្មោះកូនដាក់រហ័សនាមអគារពាណិជ្ជកម្មតម្លៃ ២៥០លានដុល្លារ appeared first on .