ឡាន Mercedes-Benz ផលិតតែ ២ គ្រឿងលើលោក ជាប់ជាឡានថ្លៃបំផុតប្រចាំប្រវត្តិសាស្ត្រ

ឧកញ៉ាសំពៅ — Mon, 27 Jun 2022 04:49:00 +0000

រថយន្ត Ferrari 250 GTO ដែលធ្លាប់លក់ចេញក្នុងតម្លៃប្រមាណ ៧០ លានដុល្លារ លែងជារថយន្តថ្លៃបំផុតប្រចាំប្រវត្តិសាស្ត្រហើយ ដោយសារថ្មីៗនេះ រថយន្ត Mercedes-Benz 300 SLR Uhlenhaut Coupe ត្រូវបានដាក់ដេញថ្លៃ និងលក់ចេញក្នុងតម្លៃថ្លៃជាងនោះទ្វេដងឯណោះ។

យោងតាមការចុះផ្សាយពី Bleedingedgedigital បានឲ្យដឹងថា Mercedes-Benz 300 SLR Uhlenhaut Coupe គឺផលិតឡើងតែ ២ គ្រឿងគត់នៅឆ្នាំ ១៩៥៥ ដោយបានដាក់ឈ្មោះតាមអ្នកផលិត និងប្រធានវិស្វករ Rudolf Uhlenhaut។

រថយន្តដ៏ប្រណីតប្រភេទនេះមានតម្លៃថ្លៃ ដោយសារតែវាជាវត្ថុកម្រ មានល្បឿនលឿន និងគុណភាពនៃរថយន្ត ស្របពេលរថយន្តដែលដាក់ដេញថ្លៃនេះគឺជាកម្មសិទ្ធិរបស់បុគ្គលដែលចូលចិត្តប្រមូលរថយន្តទុក ខណៈមួយគ្រឿងទៀតគឺកំពុងដាក់តាំងនៅសារមន្ទីរ Mercedes Museum នៅទីក្រុង Stuttgart។

រថយន្តដ៏ប្រណីតមួយនេះបំពាក់មកជាមួយនូវម៉ាស៊ីន ៣ លីត្រ ស៊ីឡាំង ៨ វាអាចផលិតកម្លាំងដល់ ៣១០ Hp ឬអាចបើកបរដល់ល្បឿន ៣០០ គម/ម៉ោង និងមានចង្កឹះលេខដៃ ៥ វគ្គផងដែរ។ នេះបើតាមការចុះផ្សាយពី Supercar។

សូមជម្រាបដែរថា រថយន្តដ៏កម្រមួយនេះត្រូវបានដាក់ដេញថ្លៃកាលពីថ្ងៃទី ២២ ឧសភា ហើយត្រូវបានលក់ចេញក្នុងតម្លៃប្រមាណ ១៤៣ លានដុល្លារ ជាប់ជារថយន្តដេញថ្លៃមានតម្លៃថ្លៃបំផុតប្រចាំប្រវត្តិសាស្ត្រ ស៊ីដាច់រថយន្ត Ferrari 250 GTO ដែលធ្លាប់លក់ចេញក្នុងតម្លៃប្រហែល ៧០ លានដុល្លារកាលពីឆ្នាំ ២០១៨៕

The post ឡាន Mercedes-Benz ផលិតតែ ២ គ្រឿងលើលោក ជាប់ជាឡានថ្លៃបំផុតប្រចាំប្រវត្តិសាស្ត្រ appeared first on .

វត្ថុកម្រ ៦ យ៉ាង លក់ថ្លៃបំផុតលើលោក សេដ្ឋីសញ្ជាតិម៉ាឡេស៊ីចាយលុយជិត ៤ ពាន់លានដុល្លារទើបទិញបាន

ឧកញ៉ាសំពៅ — Sat, 17 Jul 2021 07:43:41 +0000

កាលពីអតីតកាល វត្ថុកម្រៗ និងមានតម្លៃថ្លៃមហាសាលគឺភាគច្រើនគ្រប់គ្រងដោយខ្សែរាជវង្ស ដើម្បីទុកជាការបង្ហាញពីសក្ដានុពល ដែលប្រជាជនធម្មតាមិនអាចធ្វើបាន។

យ៉ាងណាមិញ បច្ចុប្បន្ននេះ វាខុសពីអតីតកាល ត្រង់ថាមិនមែនតែខ្សែរាជវង្សឡើយ ទើបអាចទិញវត្ថុកម្រ និងថ្លៃៗបាន ព្រោះពេលនេះចំនួនមហាសេដ្ឋីមានទ្រព្យសម្បត្តិច្រើនចាយមិនអស់ មានចំនួនច្រើនគរជើងគ្នា ហើយពួកគេមានលទ្ធភាពគ្រប់គ្រាន់សម្រាប់ចំណាយលើរបស់ណាដែលពួកគេស្រឡាញ់ពេញចិត្តដោយមិនខ្វល់ពីតម្លៃ។

ខាងក្រោមនេះ គឺជាវត្ថុកម្រ និងថ្លៃបំផុត ៦ យ៉ាងលើពិភពលោក ដោយខ្លះក៏មានម្ចាស់ ខ្លះទៀតក៏មិនទាន់មាន៖

1/នាវា Yacht History Supreme តម្លៃ ៤,៥ ពាន់លានដុល្លារ

នាវាមួយនេះត្រូវបានគេដឹងថា ជាកម្មសិទ្ធិរបស់មហាសេដ្ឋីមានបំផុតនៅប្រទេសម៉ាឡេស៊ី Robert Kuok ដោយតួខ្លួនរបស់វាមានប្រវែងដល់ទៅជាង ៣០ ម៉ែត្រ។

នៅពីក្រោយ ហេតុផលដែលធ្វើឲ្យនាវាមួយនេះមានតម្លៃថ្លៃមហាសាល គឺដោយសារគ្រឿងបង្គំដែលមានដូចជា មាស ប្លាទីន និងគ្រឿងអលង្ការផ្សេងៗសរុបប្រមាណ ១០ ម៉ឺនគីឡូ ដែលបានបង្កប់នៅតួនាវានេះ ហើយនៅមានជញ្ជាំងដែលរចនាមកជាមួយឆ្អឹងដាយណូស័រ T-rex នៅបន្ទប់គេងធំជាងគេទៀត។

2/ផ្ទាំងគំនូរ Salvator Mundi តម្លៃ ៤៥០ លានដុល្លារ

ផ្ទាំងគំនូរនេះគឺត្រូវបានគេស្គាល់ថា ជាស្នាដៃឯកមួយក្នុងចំណោមស្នាដៃពិសេសៗជាច្រើនទៀតរបស់កំពូលអ្នកប្រាជ្ញ Leonardo Da Vinci ហើយវត្ថុកម្រនេះ ត្រូវបានក្លាយជាកម្មសិទ្ធិរបស់ព្រះអង្គម្ចាស់អារ៉ាប៊ីសាអូឌីត Bader bin Abdullah bin Mohammed bin Farhan al-Saud បន្ទាប់ពីទ្រង់បានចំណាយ ៤៥០ លានដុល្លារដេញថ្លៃយកផ្ទាំងគំនូរនេះនៅការដេញថ្លៃជាសាធារណៈមួយ។

រំលឹកថា មូលហេតុដែលធ្វើឲ្យតម្លៃរបស់ផ្ទាំងគំនូរមួយផ្ទាំងនេះមានតម្លៃថ្លៃបែបនេះ ព្រោះគេជឿថា វាបានបាត់អំឡុងឆ្នាំ ១៧៦៣ និងត្រូវបានរកឃើញវិញក្នុងអំឡុងទសវត្ស ១៩០០។

3/ ផ្ទាំងគំនូរ Garçon À La Pipe តម្លៃ ១០៤ លានដុល្លារ

សម្រាប់ចំណាត់ថ្នាក់លេខ ៤ វិញ ក៏ជាផ្ទាំងគំនូរមួយផ្ទាំងដែរ តែវាខុសពីខាងលើគ្រាន់ថា Garçon À La Pipe គឺជាគំនូរប្រេង គូរដោយវិចិត្រករល្បីឈ្មោះ Pablo Picasso នៅអំឡុងឆ្នាំ ១៩០៥ ដែលគ្រានោះ លោកមានវ័យ ២៤ ឆ្នាំ។

អត្ថន័យនៃផ្ទាំងគំនូរមួយនេះមិនត្រូវមានអ្នកដឹងច្បាស់ឡើយ ដោយ Pablo Picasso មិនមែនជាអ្នកចូលចិត្តនិយាយស្ដីច្រើន ដូច្នេះហើយទើបវាក្លាយជាគោលដៅរបស់អ្នកជំនាញ និងអ្នកស្រឡាញ់គំនូរ ដើម្បីយកមកសិក្សាបន្ថែមទៀត។

4/ នាឡិកាដៃ Graff Diamonds Hallucination តម្លៃ ៥៥ លានដុល្លារ

នាឡិកា Graff Diamonds Hallucination គឺជាវត្ថុមានតម្លៃបំផុតមួយក្នុងលោកដែលអ្នកមិនអាចប្រកែកបានជាមួយនឹងការរចនាដ៏ប្រណិត ដោយបំពាក់មកជាមួយនូវពេជ្រកម្រ ១១០ ប្រភេទផ្សេងៗគ្នា ហើយតម្លៃវិញគឺអាចទិញវីឡាទំនើបមួយនៅតំបន់ Beverly Hills បានយ៉ាងងាយ។

5/ នាឡិកាដៃ Limited Patek Philippe តម្លៃ ២៦ លានដុល្លារ

បើនិយាយពីនាឡិកាម៉ាក Patek Philippe មានមនុស្សប្រហែលជាមិនច្រើននាក់ទេ នៅស្រុកខ្មែរដែលស្គាល់យីហោមួយនេះ តែនៅតំបន់អឺរ៉ុប Patek Philippe គឺជានាឡិកាលំដាប់អភិជនដែលជាទីពេញចិត្តរបស់មហាសេដ្ឋីជាច្រើនរូប ហើយតម្លៃដែលគេពេញនិយមគឺចន្លោះពី ១៩ ០០០ ទៅ ៣០ ០០០ ដុល្លារ។

តែសម្រាប់នាឡិកាមួយគ្រឿងនេះមានលក្ខណៈខុសប្លែកពីគេ ព្រោះវាផលិតឡើងតែមួយគ្រឿងប៉ុណ្ណោះ ហើយវាក៏ជានាឡិកាតែ ៧ គ្រឿងគត់ដែលត្រូវផលិតឡើងក្នុងពិធីអបអរគម្រប់ខួបទី ១៧៥ ឆ្នាំរបស់ Patek Philippe ដូចគ្នា។

6/ ខ្សែដៃ ពេជ្រ Diamond Panther Bracelet តម្លៃ ១២,៤ លានដុល្លារ

ខ្សែដៃ Diamond Panther Bracelet គឺជាប្រភេទគ្រឿងអលង្ការថ្លៃបំផុតក្នុងលោកនាពេលបច្ចុប្បន្ន ហើយវាក៏ជាខ្សែដៃដែលមានការរចនាល្អបំផុតមិនធ្លាប់មានពីមុនមកផងដែរ។

ដូចទៅនឹងឈ្មោះ ខ្សែដៃមួយនេះត្រូវបានផលិតនៅឆ្នាំ ១៩៥២ ដែលធ្វើចេញពី Onyx និងពេជ្រជាមួយរូបរាងជាសត្វខ្លារខិន៕

ប្រភព: Therichest

The post វត្ថុកម្រ ៦ យ៉ាង លក់ថ្លៃបំផុតលើលោក សេដ្ឋីសញ្ជាតិម៉ាឡេស៊ីចាយលុយជិត ៤ ពាន់លានដុល្លារទើបទិញបាន appeared first on .

វត្ថុថ្លៃបំផុតក្នុងលោក

ឡាន​​ Mercedes-Benz ផលិត​តែ ២ គ្រឿង​លើ​លោក ជាប់​ជា​ឡាន​ថ្លៃ​បំផុត​ប្រចាំ​ប្រវត្តិសាស្ត្រ

ឡាន Mercedes-Benz ផលិតតែ ២ គ្រឿងលើលោក ជាប់ជាឡានថ្លៃបំផុតប្រចាំប្រវត្តិសាស្ត្រ