ឥណ្ឌូណេស៊ីចង់បញ្ឈប់ការនាំចេញសំណប៉ាហាំង ដើម្បីអូសទាញវិនិយោគិនមកបណ្ដាក់ទុននៅក្នុងប្រទេស

ឧកញ៉ាសំពៅ — Thu, 25 Nov 2021 04:49:47 +0000

ប្រធានាធិបតី Joko Widodo នៃប្រទេសឥណ្ឌូណេស៊ីបានប្រកាសថា ពួកគេនឹងអាចបញ្ឈប់ការនាំចេញសំណប៉ាហាំងនៅឆ្នាំ ២០២៤ ដែលវាគឺជាផ្នែកមួយនេះផែនការអូសទាញវិនិយោគិនមកបណ្ដាក់ទុននៅក្នុងប្រទេស។

ក្នុងនាមជាប្រធានាធិបតី លោក Jokowi ត្រូវបានបញ្ជាក់ថា រដ្ឋាភិបាលអាចនឹងបញ្ឈប់ការអនុញ្ញាតឱ្យនាំចេញសារធាតុបុកស៊ីតនៅឆ្នាំក្រោយ និងរ៉ែទង់ដែងនៅឆ្នាំ ២០២៣។

ប្រធានាធិបតីរូបនេះបានបញ្ជាក់ជារឿយៗកាលពីអំឡុងពេលលោកបង្ហាញខ្លួននៅវេទិកាសាធារណៈ ស្ដីអំពីការនាំចេញវត្ថុធាតុដើមនៃប្រទេសនៅអាស៊ីអាគ្នេយ៍អស់រយៈពេលយូរ ដែលវាអាចនឹងធ្វើឲ្យសេដ្ឋកិច្ចនៅក្នុងប្រទេស និងការងារផ្នែកឧស្សាហកម្មមានការរាំងស្ទះ។

ការខិតខំប្រឹងប្រែងទប់ស្កាត់ការនាំចេញវត្ថុធាតុដើមរបស់ប្រទេសឥណ្ឌូណេស៊ី នឹងជួយជំរុញវិស័យសេដ្ឋកិច្ចក្នុងស្រុក ដើម្បីទាក់ចិត្តវិនិយោគិនឲ្យមកសាងសង់រោងចក្រផលិតអាគុយរថយន្តអគ្គិសនីវិញ។

បញ្ជាក់ដែរថា ប្រទេសឥណ្ឌូណេស៊ី គឺជាប្រទេសនាំចេញរ៉ែដែកដ៏ធំ បានបញ្ឈប់ការនាំចេញរ៉ែនីកែលកាលពីឆ្នាំមុន ហើយការផ្លាស់ប្ដូរនេះបានបង្កើតឱ្យមានលំហូរនៃការវិនិយោគ ដែលភាគច្រើនមកពីប្រទេសចិន ដែលចូលខ្លួនមកកែច្នៃវត្ថុធាតុដើមមួយនេះ។

បើតាមច្បាប់បច្ចុប្បន្ន ប្រទេសឥណ្ឌូណេស៊ីគ្រោងនឹងបញ្ឈប់ការនាំចេញរ៉ែបុកស៊ីត និងទង់ដែងក្នុងចំណោមរ៉ែដែកផ្សេងៗនៅក្នុងឆ្នាំ ២០២៣ ស្របពេលគម្រោងការនាំចេញសំណប៉ាហាំងរបស់លោក Jokowi នៅមិនទាន់បង្ហាញច្បាស់លាស់នៅឡើយ៕

ប្រភព: CNA

The post ឥណ្ឌូណេស៊ីចង់បញ្ឈប់ការនាំចេញសំណប៉ាហាំង ដើម្បីអូសទាញវិនិយោគិនមកបណ្ដាក់ទុននៅក្នុងប្រទេស appeared first on .

កម្ពុជា ចិន គ្រោងសហការគ្នាដឹកវត្ថុធាតុដើមពីចិនផ្គត់ផ្គង់ ដើម្បីកុំឲ្យបិទរោងចក្រនៅកម្ពុជា

កូនចៅឧកញ៉ា — Thu, 27 Feb 2020 02:56:09 +0000

បាត់ដំបង៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន មានប្រសាសន៍ថា កម្ពុជា និងចិន អាចសហការគ្នាក្នុងការដឹកជញ្ជូនវត្ថុធាតុដើម តាមផ្លូវអាកាស ឬតាមផ្លូវទឹក ផ្គត់ផ្គង់រោងចក្រ ដែលកំពុងខ្វះខាត ដើម្បីចៀសវាងកុំឲ្យបិទទ្វារ។ សម្តេចថ្លែងបែបនេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការ ផ្លូវជាតិលេខ៥៨ ស្ថិតនៅស្របតាមខ្សែបន្ទាត់ព្រំដែនកម្ពុជា-ថៃ នៅខេត្តបន្ទាយមានជ័យ កាលពីថ្ងៃទី ២៦ ខែកុម្ភៈ ឆ្នាំ ២០២០។

សម្ដេចតេជោ ហ៊ុន សែន នាយករដ្ឋមន្រ្តី បានមានប្រសាសន៍ថា មិត្តចិន នឹងបញ្ជូនវត្ថុធាតុដើមដូចជា សាច់ក្រណាត់មួយចំនួនដឹកជញ្ជូនតាមផ្លូវអាកាស ឬតាមផ្លូវទឹក ដើម្បីសង្គ្រោះកម្មករកាត់ដេរនៅកម្ពុជា ដោយហេតុថា រោងចក្រមួយចំនួន គ្រោងបិទទ្វារ ដោយសារខ្វះវត្ថុធាតុដើមប្រមាណជា៦០ភាគរយ ដើម្បីផ្គត់ផ្គង់ និងចូលរួមសង្គ្រោះកម្មករកម្មាការិនី កុំឲ្យបាត់បងការងារ និងប្រាក់ចំណូលរបស់ពួកគាត់។

សម្ដេចតេជោនាយករដ្ឋមន្ត្រីថ្លែងទៀតថា ឆ្នាំនេះគឺជាខួបលើកទី១០ នៃទំានាក់ទំនងដៃគូយុទ្ធសាស្ត្រគ្រប់ជ្រុងជ្រោយរវាងកម្ពុជា និងចិន ដែលសម្ដេចបានរួមជាមួយថ្នាក់ដឹកនាំចិន បង្កើតឡើងនូវភាពជាដៃគូយុទ្ធសាស្ត្រគ្រប់ជ្រុងជ្រោយ នៅក្នុងឆ្នាំ២០១០ ក្នុងដំណើរទស្សនកិច្ចរបស់សម្ដេចទៅកាន់សាធារណរដ្ឋប្រជាមានិតចិន។

សម្តេចបានរំលឹកដំណើរទស្សនកិច្ចរបស់សម្ដេចទៅកាន់សាធារណរដ្ឋប្រជាមានិតចិនក្នុងពេលថ្មីៗនេះ ក្នុងគ្រាដែលចិនជួបការលំបាក ដែលប្រទេសដទៃមិនហ៊ានទៅកាន់សាធារណរដ្ឋប្រជាមានិតចិន ហើយដែលឥឡូវនេះ អ្នកសារព័ត៌មានចិន និងអ្នកលេងអ៊ីនធឺណែតចិន គេបាននិយាយថាសម្តេចថា ជា «បុរសសង្ហារធ្វើដំណើរបញ្ច្រាស»។

សម្ដេចតេជោបានពន្យល់ថា អ្វីទៅជាការដំណើរបញ្ច្រាស មានន័យថា ប្រទេសមួយចំនួនបានរើសអើងជាមួយប្រជាជនចិន ហើយប្រទេសខ្លះបានដឹកជម្លៀសប្រជាពលរដ្ឋរបស់ខ្លួនចេញពីប្រទេសចិន និងបិទផ្លូវហោះហើរជាមួយនឹងប្រទេសចិន។ ប៉ុន្តែកម្ពុជាមិនធ្វើដូច្នោះទេ មិនជម្លៀសនិស្សិតកម្ពុជាចេញពីសាធារណរដ្ឋប្រជាមានិតចិនឡើយ។ នេះគឺដើម្បីបង្ហាញពីសាមគ្គីភាព ជាមួយនឹងកិច្ចខិតខំប្រឹងប្រែងរបស់ថ្នាក់ដឹកនាំចិន ជាមួយប្រជាជនចិន ក្នុងការទប់ស្កាត់នូវការីករាលដាលនៃជំងឺឆ្លង ខូវីដ១៩។ សម្ដេចតេជោសង្កត់ធ្ងន់ថា “កម្ពុជាសម្រេចចិត្តនេះមហាត្រឹមត្រូវ សម្រាប់ទំនាក់ទំនងមិត្តភាពរវាងកម្ពុជា-ចិន”៕

The post កម្ពុជា ចិន គ្រោងសហការគ្នាដឹកវត្ថុធាតុដើមពីចិនផ្គត់ផ្គង់ ដើម្បីកុំឲ្យបិទរោងចក្រនៅកម្ពុជា appeared first on .

វត្ថុធាតុដើម

ឥណ្ឌូណេស៊ី​ចង់​បញ្ឈប់​ការ​​នាំ​ចេញ​សំណប៉ាហាំង​ ដើម្បី​អូសទាញ​វិនិយោគិន​មក​បណ្ដាក់ទុន​នៅ​ក្នុង​ប្រទេស

ឥណ្ឌូណេស៊ីចង់បញ្ឈប់ការនាំចេញសំណប៉ាហាំង ដើម្បីអូសទាញវិនិយោគិនមកបណ្ដាក់ទុននៅក្នុងប្រទេស