មហាសេដ្ឋីអាមេរិកម្នាក់លែងមានសិទ្ធិទិញវត្ថុបុរាណ ក្រោយដកហូតវត្ថុបុរាណជាង ១៨០

ឧកញ៉ាសំពៅ — Wed, 08 Dec 2021 01:16:20 +0000

មន្ត្រីក្រសួងយុត្តិធម៌នៅទីក្រុងញូវយ៉កបាននិយាយកាលពីថ្ងៃច័ន្ទថា អ្នកប្រមូលសិល្បៈដ៏លេចធ្លោម្នាក់ និងជាមហាសេដ្ឋីអាមេរិកបានប្រគល់មកវិញនូវស្នាដៃសិល្បៈ និងវត្ថុបុរាណចំនួន ១៨០ ដែលត្រូវបានលួចពីជុំវិញពិភពលោក ដែលខ្លះតាំងពីជំនាន់ប្រទេសក្រិកបុរាណម៉្លេះ។

សេចក្ដីប្រកាសមួយនេះបានធ្វើឡើងដោយអគ្គមេធាវី Cyrus Vance ដើម្បីជៀសវាងការយល់ច្រឡំទៅលើលោក Michael Steinhardt និងការកាត់ទោសនានាក្នុងពេលបច្ចុប្បន្។ន តែការប្រកាសនេះបានចែងថា នឹងមិនអនុញ្ញាតឲ្យលោកមានសិទ្ធទិញវត្ថុបុរាណទាំងឡាយនៅលើទីផ្សារស្របច្បាប់ឡើយ។

ដោយឡែក វត្ថុបុរាណទាំងអស់នោះមានដូចជា ថូដាក់ភេសជ្ជៈរាងជាក្បាលក្ដាន់ដែលមានអាយុកាល៤០០ ឆ្នាំមុនគ.ស មានតម្លៃ ៣,៥ លានដុល្លារ និងមឈូសជនជាតិក្រិកបុរាណដែលមានអាយុកាលចន្លោះពី ១ ២០០ ទៅ ១ ៤០០ ឆ្នាំមុនគ.ស ខណៈតម្លៃរបស់វាគឺខ្ទង់លានដុល្លារ។

“រយៈកាលជាច្រើនសតវត្សមកនេះ Michael Steinhardt បានបង្ហាញការចង់បានវត្ថុបុរាណ ដោយមិនខ្វល់ពីរឿងខុសច្បាប់ឡើយ ខណៈគាត់បានប្រមូលទិញលក់គ្រប់វត្ថុបុរាណទាំងអស់ទូទាំងពិភពលោក”។ នេះបើតាមការឲ្យដឹងពីលោក Cyrus Vance នៅពេលផ្ដល់កិច្ចសម្ភាសន៍នោះ។

ដោយឡែក សម្រាប់វត្ថុបុរាណអស់ទាំងនោះ វិញ គឺមានខ្លះបានលួចចេញពីសារមន្ទីរ ពីអ្នកប្រមូលវត្ថុបុរាណឯកជន ឬកន្លែងដេញថ្លៃជាដើម ហើយវត្ថុបុរាណទាំងនោះនឹងត្រូវប្រគល់ជូនទៅកាន់ម្ចាស់កម្មសិទ្ធស្របច្បាប់ដូចដើមវិញជាពិសេសគឺនៅប្រទេសលីបង់ ប៉ាគីស្ថាន និងអ៊ីតាលី។

បញ្ជាក់ដែរថា វត្ថុបុរាណទាំង ១៨០ ដែលត្រូវបានប្រគល់ជូនវិញដោយមហាសេដ្ឋីវ័យ ៨០ ឆ្នាំគឺនឹងត្រូវផ្ដល់ជូនម្ចាស់កម្មសិទ្ធស្របច្បាប់ឡើងវិញ ដែលមានទីតាំងនៅ ១១ ប្រទេសផ្សេងៗគ្នា ខណៈបើគិតជាតម្លៃ គឺចូលជាង ៧០ លានដុល្លារអាមេរិក៕

ប្រភព: businesstimes

The post មហាសេដ្ឋីអាមេរិកម្នាក់លែងមានសិទ្ធិទិញវត្ថុបុរាណ ក្រោយដកហូតវត្ថុបុរាណជាង ១៨០ appeared first on .

បង្ហាញអាយុកាលកុលាល ភាជន៍ ជិត ៣០០ ដែលចាប់បានពីជនជាតិវៀតណាម នៅខេត្តព្រះសីហនុ

កូនចៅឧកញ៉ា — Thu, 01 Oct 2020 04:35:11 +0000

ក្រុមការងារនៃអគ្គនាយកដ្ឋានបេតិកភណ្ឌ ក្រសួងវប្បធម៌ និងវិចិត្រសិល្បៈ បានសហការជាមួយមន្ទីរវប្បធម៌ និងវិចិត្រសិល្បៈខេត្តព្រះសីហនុ ចុះពិនិត្យនិងវាយតម្លៃកុលាលភាជន៍ចំនួន២៨៤ កាលពីថ្ងៃទី២៩ ខែកញ្ញា ឆ្នាំ២០២០ បន្ទាប់ពីរឹបអូសពីជនជាតិវៀតណាម។

ក្រោយពីអ្នកជំនាញបានពិនិត្យ និងវាយតម្លៃយ៉ាងល្អិតល្អន់ ក្រុមការងារអាចសនិ្នដ្ឋានបានថា ភាជន៍ទាំង២៨៤ ជាភាជន៍បុរាណដែលមានអាយុកាលក្នុងចន្លោះពីស.វទី១៥ ដល់១៧នៃគ.ស.។

សូមរំលឹកថា កុលាលភាជន៍ចំនួន ២៨៤ ត្រូវបានកងរាជអាវុធហត្ថខេត្តព្រះសីហនុរឹបអូសបានពីជនជាតិវៀតណាមឈ្មោះ ឡេ វាន់ហួន កាលពីថ្ងៃទី២៧ ខែកញ្ញា។ កុលាលភាជន៍ ត្រូវបានជនជាតិវៀតណាមរូបនេះស្រង់ចេញពីបាតសមុទ្រ ក្នុងភូមិសាស្ត្រសមុទ្ររាម ដែលចន្លោះរវាងកោះតាគៀវ និងកោះឬស្សី រួចយកមករក្សាទុកនៅក្នុងផ្ទះរបស់ខ្លួនដែលមានទីតាំងស្ថិតនៅក្នុងក្រុម៣១ ភូមិ៣ សង្កាត់៣ ក្រុងព្រះសីហនុ។

តាមសេចក្តីសម្រេចរបស់ព្រះរាជអជ្ញារង និងលោកឧត្តមសេនីយ៍ត្រី ហេង ប៊ុនទី មេបញ្ជាការអាវុធហត្ថខេត្ត បានប្រគល់កុលាលភាជន៍ទាំងនោះជូនមន្ទីរវប្បធម៌ខេត្ត យកមករក្សាទុកជាសម្បត្តិវប្បធម៌ជាតិ។ រីឯជនសង្ស័យត្រូវបានសមត្ថកិច្ចឃាត់ខ្លួនជាបណ្តោះអាសន្ន ដើម្បីបន្តនិតិវិធីតាមផ្លូវច្បាប់៕

ប្រភព៖ ក្រសួងវប្បធម៌ និងវិចិត្រសិល្បៈ

The post បង្ហាញអាយុកាលកុលាល ភាជន៍ ជិត ៣០០ ដែលចាប់បានពីជនជាតិវៀតណាម នៅខេត្តព្រះសីហនុ appeared first on .

វត្ថុបុរាណ

មហាសេដ្ឋី​អាមេរិក​ម្នាក់​​លែង​មាន​សិទ្ធិ​ទិញ​វត្ថុបុរាណ ក្រោយ​ដកហូត​វត្ថុបុរាណ​ជាង ១៨០

បង្ហាញ​អាយុកាល​កុលាល ភាជន៍ ជិត ៣០០ ដែលចាប់បានពីជន​ជាតិ​វៀត​ណាម​ នៅខេត្តព្រះសីហនុ

មហាសេដ្ឋីអាមេរិកម្នាក់លែងមានសិទ្ធិទិញវត្ថុបុរាណ ក្រោយដកហូតវត្ថុបុរាណជាង ១៨០

បង្ហាញអាយុកាលកុលាល ភាជន៍ ជិត ៣០០ ដែលចាប់បានពីជនជាតិវៀតណាម នៅខេត្តព្រះសីហនុ