បើតាមសភាពាណិជ្ជកម្មកម្ពុជា បានឱ្យដឹងថា នៅក្នុងជំនួបនេះធ្វើឡើងនៅក្នុងគោលបំណងពិភាក្សា និងពិនិត្យ មើលបច្ចុប្បន្នភាពនៃការសិក្សាសមិទ្ធិលទ្ធកម្មគម្រោងកែច្នៃប្រេងសំបកគ្រាប់ស្វាយចន្ទីទៅជាជីវថាមពល និង ជីសរីរាង្គនៅកម្ពុជា។

ទន្ទឹមនឹងនោះ គណៈប្រតិភូវិទ្យាស្ថានថាមពលកូរ៉េ ក៏បានស្នើរសុំការសហការជាមួយសភាពាណិជ្ជកម្មកម្ពុជា នៅក្នុងកិច្ចសហប្រតិបត្តិការបន្ថែម លើការកែច្នៃថង់ប្លាស្ទីកទៅជាប្រេងឥន្ធន: និងជាដំណោះស្រាយសម្រាប់ បញ្ហាសំរាមផងដែរ។

ជាការឆ្លើយតប អ្នកឧកញ៉ា លឹម ហេង បានស្វាគមន៍យ៉ាងកក់ក្ដៅ និងគាំទ្រចំពោះការស្រាវជ្រាវថ្មីរបស់​វិទ្យាស្ថាន​ស្រាវជ្រាវ​ថាមពលកូរ៉េ ទាំងគម្រោងកែច្នៃប្រេងពីសំបកគ្រាប់ស្វាយចន្ទី និង គម្រោងកែច្នៃសំរាម​ប្លាស្ទីក​ជាថាមពល​ឥន្ធន:។

ក្នុងនោះផងដែរ អ្នកឧកញ៉ា ក៏បានលើកទឹកចិត្តវិទ្យាស្ថានស្រាវជ្រាវ​ថាមពលកូរ៉េស្វែងរក​ដៃគូសហការបន្ថែមទៀតដើម្បីទាញអត្ថប្រយោជន៍កាន់តែច្រើន ដល់សេដ្ឋកិច្ចប្រទេសទាំងពីរ៕

The post នៅចំពោះមុខអ្នកឧកញ៉ា លឹម ហេង វិទ្យាស្ថានស្រាវជ្រាវថាមពលកូរ៉េស្នើពង្រីកកិច្ចសហប្រតិបត្តិការ​លើការបម្លែងថាមពលនៅកម្ពុជា appeared first on .