ឃើញគម្រោងធំ ៣ ទើបដឹងថាជប៉ុន កំពុងបោះទុនរយលានដុល្លារវិនិយោគនៅប្រទេសកម្ពុជា

ឧកញ៉ាមហាសម្បត្តិ — Tue, 23 Aug 2022 04:57:44 +0000

ជប៉ុនជាប្រទេសមហាអំណាចសេដ្ឋកិច្ចធំមួយនៅអាស៊ី និងលើពិភពលោក។ ប្រទេសជាច្រើនតែងតែចង់បានការវិនិយោគពីប្រទេសយក្សប្រជុំកោះនេះ ដើម្បីអភិវឌ្ឍសេដ្ឋកិច្ចជាតិរបស់ខ្លួន។

ដោយឡែក មួយរយៈចុងក្រោយនេះឃើញថាអ្នកវិនិយោគជប៉ុន ចាប់ផ្តើមដាក់គោលដៅប្រទេសកម្ពុជាលើគម្រោងបោះទុនវិនិយោគរាប់រយលានដុល្លារលើគម្រោងផ្នែកឧស្សាហកម្ម អលចលនទ្រព្យ និងវិស័យផ្សេងៗជាច្រើនទៀត។

AEON

ក្រុមហ៊ុន AEON ស្ថិតនៅក្រោមបុត្រសម្ព័ន្ធរបស់ក្រុមហ៊ុន អ៉ីអន គ្រុប ដែលមានមូលដ្ឋាននៅប្រទេសជប៉ុន កំពុងធ្វើជំនួញលើវិស័យជាច្រើនក្នុងប្រទេសកម្ពុជា ដូចជា ១៖ AEON MALL (CAMBODIA) CO., LTD ២៖ AEON (CAMBODIA) CO., LTD ៣៖ AEON SPECIALIZED BANK (CAMBODIA) PLC ។

គេស្គាល់ក្រុមហ៊ុនអ៊ីអន តាមរយៈគម្រោងផ្សារអ៉ីអន ក្នុងនាមជាក្រុមហ៊ុនលក់រាយធំជាងគេមួយនៅកម្ពុជា។ ក្រៅពីផ្សារទំនើបអ៊ីនអនទាំងពីរសាខាកំពុងដំណើរការទទួលបានជោគជ័យហួសការរំពឹងទុក ក្រុមហ៊ុនកំពុងពង្រីកផ្សារដ៏ធំមួយទៀតនៅខាងត្បូងរាជធានីភ្នំំពេញ ដែលនឹងបញ្ចប់នៅចុងឆ្នាំ២០២២ នេះ។

ក្រៅពីនេះក្រុមហ៊ុនអ៉ីអន ក៏មានជំនួញជាច្រើនទៀតដូចជា៖ ហាងលក់ទំនិញទូទៅ ផ្សារទំនើប ហាងលក់ទំនិញខ្នាតតូច (អ៉ីអន ម៉េកវែលយូ) និងអាជីវកម្មអនទ្បាញ (អ៉ីអន អនទ្បាញ) ហាងឯកទេសអ៉ីអន និងយីហោផ្ដាច់មុខរបស់អ៉ីអន (ហូមខរឌី ហាង iC Innercasual ហាង Kids Republic ឱសថស្ថាន អ៉ីអន ហាងកង់អ៉ីអន ហាងនំបុ័ងអ៉ីអន ហាងលក់សម្ភារៈ DAISO Japan និងផលិតផលម៉ាក ថប់វែលយូ)។

Minebea

ក្រុមហ៊ុនមីនីបៀ ដែលជាក្រុមហ៊ុនឧស្សាហកម្មដ៏ធំរបស់ជប៉ុន ដែលបានវិនិយោគនៅក្នុងប្រទេសកម្ពុជាក្នុងឆ្នាំ២០១០ ដោយផលិតជាម៉ូទ័រសម្រាប់នាំចេញទៅលក់នៅក្រៅប្រទេស។

ក្រៅពីនេះ ក្រុមហ៊ុនបានផលិតអំពូល LED ដែលបានជួយដល់ការកាត់បន្ថយការប្រើប្រាស់អគ្គិសនីនៅប្រទេសកម្ពុជាប្រមាណ ១ លានដុល្លារក្នុង១ឆ្នាំ។ រហូតមកដល់ពេលនេះ ក្រុមហ៊ុនបានបញ្ចេញទុនវិនិយោគជាង ៤០០លានដុល្លារអាមេរិក ដែលបង្កើតការងារដល់ពលរដ្ឋខ្មែរបានជាង ៦ពាន់នាក់។

លំនៅដ្ឋានអារ៉ាខាវ៉ា

ជាក្រុមហ៊ុនអចលទ្រព្យបង្កើតឡើងក្នុងឆ្នាំ២០០៨ ដោយវិនិយោគិនជប៉ុន ដែលកំពុងអភិវឌ្ឍគម្រោងលំនៅឋានអារ៉ាខាវ៉ានៅតំបន់ទឹកថ្លា ក្នុងខណ្ឌសែនសុខ ខាងក្រោយមន្ទីរពេទ្យរ៉ូយាល់ភ្នំពេញ។

អារ៉ាខាវ៉ាសាងសង់លំនៅដ្ឋានតម្លៃសមរម្យមានទម្រង់ជាអគាស្នាក់នៅរួម ឬខុនដូ ដែលបានបោះទុនវិនិយោគជាង ៧០ លានដុល្លារ សាងសង់លើផ្ទៃដីជាង ១,៣ ហិកតា៕

The post ឃើញគម្រោងធំ ៣ ទើបដឹងថាជប៉ុន កំពុងបោះទុនរយលានដុល្លារវិនិយោគនៅប្រទេសកម្ពុជា appeared first on .

សហគមន៍ធុរកិច្ចនិងវិនិយោគជប៉ុន កោតស្ញប់ស្ញែងការដឹកនាំរបស់រាជរដ្ឋាភិបាលកម្ពុជា

ឧកញ៉ាកោះក្របី — Fri, 12 Feb 2021 04:42:34 +0000

សហគមន៍ធុរកិច្ចនិងវិនិយោគជប៉ុន កោតស្ញប់ស្ញែងការដឹកនាំរបស់រាជរដ្ឋាភិបាលកម្ពុជា ជាពិសេស បញ្ញាញាណដ៏ឈ្លាសវៃនិងប៉ិនប្រសប់របស់សម្តេចតេជោនាយករដ្ឋមន្ត្រី ក្នុងការអភិវឌ្ឍសេដ្ឋកិច្ច ទោះបីមានការញាំញីដោយការរាតត្បាតនៃជំងឺកូវីឌ-១៩ ក៏ដោយ។ ឯកអគ្គរដ្ឋទូតនិងផ្នែកឯកជនជប៉ុនបានលើកឡើងក្នុងកិច្ចប្រជុំលើកទី២១ នៃគណៈកម្មាធិការចម្រុះកម្ពុជា-ជប៉ុន នៅរសៀលថ្ងៃទី១១ ខែកុម្ភៈ ឆ្នាំ២០២១។

កិច្ចប្រជុំនេះដឹកនាំដោយឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី អគ្គលេខាធិការក្រុមប្រឹក្សាអភិវឌ្ឍន៍កម្ពុជា និងឯកឧត្តម ម៉ាសាហ៊ីរ៉ុ មីខាមី (Masahiro MIKAMI) ឯកអគ្គរដ្ឋទូតជប៉ុនប្រចាំកម្ពុជា។

សូមជម្រាបផងថា គិតត្រឹមខែមករា ឆ្នាំ២០២១ ក្រុមប្រឹក្សាអភិវឌ្ឍន៍កម្ពុជា សម្រេចចុះបញ្ជីគម្រោងវិនិយោគមានលក្ខណៈសម្បត្តិគ្រប់គ្រាន់របស់ជប៉ុន ចំនួន ១៤៤គម្រោង ដែលមានទុនវិនិយោគសរុប្រមាណ ២,៧ប៊ីលានដុល្លារអាមេរិក ហើយក្នុងនោះដែលមានគម្រោងវិនិយោគចំនួន៦៦គម្រោង បានបោះទីតាំងក្នុងតំបន់សេដ្ឋកិច្ចពិសេស ទុនវិនិយោគសរុបប្រមាណ ៣៤០ លានដុល្លារអាមេរិក៕

The post សហគមន៍ធុរកិច្ចនិងវិនិយោគជប៉ុន កោតស្ញប់ស្ញែងការដឹកនាំរបស់រាជរដ្ឋាភិបាលកម្ពុជា appeared first on .

វិនិយោគជប៉ុន

ឃើញ​គម្រោង​ធំ ៣ ទើប​ដឹង​ថា​ជប៉ុន កំពុង​បោះទុន​រយលានដុល្លារ​វិនិយោគ​នៅប្រទេស​កម្ពុជា

សហគមន៍ធុរកិច្ចនិងវិនិយោគជប៉ុន កោតស្ញប់ស្ញែងការដឹកនាំរបស់រាជរដ្ឋាភិបាលកម្ពុជា

ឃើញគម្រោងធំ ៣ ទើបដឹងថាជប៉ុន កំពុងបោះទុនរយលានដុល្លារវិនិយោគនៅប្រទេសកម្ពុជា