វិមានសំណាងថោន

«វិមានសំណាង ថោន» តម្លៃ៥០០លានដុល្លារ របស់ឧកញ៉ា គីម ហ៊ាង គ្រោងចាប់ផ្តើមសាងសង់ នៅឆ្នាំ២០២៥

ឧកញ៉ាដែនដី — Mon, 29 Jan 2024 10:23:50 +0000

លោកឧកញ៉ាបណ្ឌិត គីម ហ៊ាង ម្ចាស់គម្រោងលំនៅឋានលំដាប់អភិជន បុរី វិមានសំណាង នៅថ្ងៃទី២៩ ខែមករា នេះ បានបង្ហើបឱ្យដឹងថា ការចាប់ផ្តើមដំណើរការសាងសង់គម្រោង «វិមានសំណាង ថោន» ដែលមានតម្លៃជាង ៥០០លានដុល្លារ គឺនឹងអាចធ្វើឡើងនៅពាក់កណ្តាលឆ្នាំ២០២៥ ឬយ៉ាងយូរបំផុតនៅចុងឆ្នាំ២០២៥ ខាងមុខនេះ។

លោកឧកញ៉ាបណ្ឌិត បានប្រាប់ដល់ Oknha News ឱ្យដឹងដូច្នេះថា៖ “លឿនបំផុត គឺត្រឹមពាក់កណ្តាលឆ្នាំ២០២៥ ហើយយូរបំផុត គឺចុងឆ្នាំ២០២៥ ទើបយើងមានលទ្ធភាព និងសមត្ថភាព ដើម្បីបង្កើត ទីក្រុងសំណាង (Samnang Town) តម្លៃជាង ៥០០លានដុល្លារ នៅក្នុងរាជធានីភ្នំពេញ សម្រាប់មនុស្សជាង ១ម៉ឺនគ្រួសារស្នាក់នៅ រួមជាមួយសាលារៀន មន្ទីរពេទ្យ ផ្សារ ការិយាល័យ”។

គួររំឭកថា កាលពីថ្ងៃទី២៣ ខែសីហា ឆ្នាំ២០២២ ឧកញ៉ាបណ្ឌិត គីម ហ៊ាង បានប្រកាសថានឹងបង្កើត ទីក្រុងសំណាង (Samnang Town) តម្លៃ ៥០០លានដុល្លារ ហើយមកទល់បច្ចុប្បន្ននេះ លោកនិងក្រុមការងារ បានរៀបចំការងារមួយចំនួនធំរួចជាស្រេចហើយ ក្នុងនោះមានដូចជា៖

១.បានរៀបចំដីច្រើនហិកតា មានប្លង់រឹង LMAP មិនជាប់បន្ទុកធនាគារ នៅកណ្តាលរាជធានីភ្នំពេញ។
២.បានរៀបចំក្រុមម៉ៅការសាងសង់ និងម៉ៅការសាងសង់បន្ត។
៣.បានរៀបចំដៃគូផ្គត់ផ្គង់សម្ភារៈសំណង់ និងដៃគូធនាគារ សម្រាប់ផ្តល់ឥណទានអោយអតិថិជន។
៤.បានរៀបចំក្រុមលក់ជាង ៥០០នាក់ នៅទូទាំងប្រទេសកម្ពុជា និងច្រើននាក់ទៀត នៅតំបន់អាស៊ាន និងទ្វីបអាស៊ី។
៥.ក្រុមហ៊ុននៅខ្វះលុយប្រហែល ៣០លានដុល្លារទៀត ដើម្បីចាប់ផ្តើមដំណើរការសាងសង់តែម្តង ដោយក្រុមហ៊ុននឹងមិនយកប្លង់ដីសាងសង់ទីក្រុង សំណាង ទៅដាក់បញ្ចាំយកលុយមកសាងសង់ទេ។

សូមបញ្ជាក់ថា គម្រោងវិមានសំណាងថោន (Vimean Samnang Town) លើដី ៥០ហិកតា ដែលមានតម្លៃវិនិយោគដល់ទៅជាង ៥០០លានដុល្លារ។ គម្រោងនេះនឹងមានការសាងសង់ដូចជា៖ ផ្ទះអាជីវកម្ម វីឡាព្រីង វីឡាឃ្វីន និងវីឡាឃីង, ខុនដូ ផ្សារទំនើប សាលារៀន សណ្ឋាគារ មន្ទីរពេទ្យ អគារការិយាល័យ កន្លែងរៀបចំជប់លៀង អាពាហ៌ពិពាហ៌ និងសាលប្រជុំ។ លោកឧកញ៉ា គីម ហ៊ាង បញ្ជាក់ថា គម្រោងនេះត្រូវការពេល៦ឆ្នាំ ដើម្បីលក់អស់ និង ៩ឆ្នាំដើម្បីសង់បញ្ចប់ ហើយក្នុងនោះអាចផ្តល់ការងាររាប់ពាន់កន្លែង ដល់ប្រជាជនកម្ពុជា ពន្ធគ្រប់ប្រភេទ រាប់សិបលានដុល្លារ ដល់រាជរដ្ឋាភិបាលកម្ពុជា មុខរបររាប់រយ ដល់អ្នករស់នៅក្នុងសហគមន៌ ហើយក៏ជាលំនៅដ្ឋានដល់ប្រជាជនរាប់ម៉ឺននាក់៕

The post «វិមានសំណាង ថោន» តម្លៃ៥០០លានដុល្លារ របស់ឧកញ៉ា គីម ហ៊ាង គ្រោងចាប់ផ្តើមសាងសង់ នៅឆ្នាំ២០២៥ appeared first on .

នៅខ្វះទុនតែ៣០លានដុល្លារទៀត «វិមានសំណាង ថោន» តម្លៃ៥០០លានដុល្លារ របស់ឧកញ៉ា គីម ហ៊ាង នឹងចាប់ផ្តើមសាងសង់

ឧកញ៉ាដែនដី — Tue, 01 Aug 2023 06:14:53 +0000

លោកឧកញ៉ាបណ្ឌិត គីម ហ៊ាង ម្ចាស់គម្រោងលំនៅឋានលំដាប់អភិជន បុរី វិមានសំណាង នៅព្រឹកថ្ងៃទី០១ ខែសីហា នេះ បានបង្ហើបឱ្យដឹងថា ក្រុមហ៊ុននៅខ្វះដើមទុនប្រមាណតែ ៣០លានដុល្លារប៉ុណ្ណោះ ក្នុងការចាប់ផ្តើមដំណើរការសាងសង់គម្រោង «វិមានសំណាង ថោន» ដែលមានតម្លៃប្រមាណ ៥០០លានដុល្លារ ក្នុងពេលឆាប់ៗខាងមុខនេះ។

ឧកញ៉ាបណ្ឌិត គីម ហ៊ាង បានលើកឡើងថា លោកបាននិយាយតាំងពីថ្ងៃទី២៣ ខែសីហា ឆ្នាំ២០២២ ថានឹងបង្កើត ទីក្រុងសំណាង (Samnang Town) តម្លៃ ៥០០លានដុល្លារ នៅថ្ងៃទី២៤ ខែសីហា ឆ្នាំ២០២៣។ យ៉ាងណាមិញ មកទល់បច្ចុប្បន្ននេះ លោកនិងក្រុមការងារ បានរៀបចំការងារមួយចំនួនធំរួចជាស្រេចហើយ ក្នុងនោះមានដូចជា៖

កាលពីដើមខែកញ្ញា ឆ្នាំ២០២២ ឧកញ៉ាបណ្ឌិត គីម ហ៊ាង ក៏បានប្រកាសពីគោលបំណងរបស់ខ្លួន ចង់សាងសង់ «វិមានសំណាង ថោន» នៅប្រទេសកម្ពុជា ឱ្យបានលើសពី ១២ទីតាំង សម្រាប់អ្នកស្នាក់នៅ និងអ្នកធ្វើអាជីវកម្មជាង ៥០ម៉ឺននាក់ នៅមុនឆ្នាំ២០៤២។

សូមបញ្ជាក់ថា គម្រោងវិមានសំណាងថោន (Vimean Samnang Town) លើដី ៥០ហិកតា ដែលមានតម្លៃវិនិយោគដល់ទៅជាង ៥០០លានដុល្លារ បានកំណត់ថ្ងៃត្រៀមបុកគ្រឹះសាងសង់យ៉ាងច្បាស់លាស់ នាថ្ងៃព្រហស្បត៌ ២៤ សីហា ២០២៣។ គម្រោងនេះនឹងមានការសាងសង់ដូចជា៖ ផ្ទះអាជីវកម្ម វីឡាព្រីង វីឡាឃ្វីន និងវីឡាឃីង, ខុនដូ ផ្សារទំនើប សាលារៀន សណ្ឋាគារ មន្ទីរពេទ្យ អគារការិយាល័យ កន្លែងរៀបចំជប់លៀង អាពាហ៌ពិពាហ៌ និងសាលប្រជុំ។ លោកឧកញ៉ា គីម ហ៊ាង បញ្ជាក់ថា គម្រោងនេះត្រូវការពេល៦ឆ្នាំ ដើម្បីលក់អស់ និង ៩ឆ្នាំដើម្បីសង់បញ្ចប់ ហើយក្នុងនោះអាចផ្តល់ការងាររាប់ពាន់កន្លែង ដល់ប្រជាជនកម្ពុជា ពន្ធគ្រប់ប្រភេទ រាប់សិបលានដុល្លារ ដល់រាជរដ្ឋាភិបាលកម្ពុជា មុខរបររាប់រយ ដល់អ្នករស់នៅក្នុងសហគមន៌ ហើយក៏ជាលំនៅដ្ឋានដល់ប្រជាជនរាប់ម៉ឺននាក់៕

The post នៅខ្វះទុនតែ៣០លានដុល្លារទៀត «វិមានសំណាង ថោន» តម្លៃ៥០០លានដុល្លារ របស់ឧកញ៉ា គីម ហ៊ាង នឹងចាប់ផ្តើមសាងសង់ appeared first on .

ថ្ងៃទី២៤ សីហា ២០២៣ ឧកញ៉ាបណ្ឌិត គីម ហ៊ាង នឹងសាងសង់ វិមានសំណាងថោន តម្លៃជាង ៥០០លានដុល្លារ

អ្នកឧកញ៉ាវត្តភ្នំ — Wed, 24 Aug 2022 06:46:32 +0000

នាថ្ងៃទី២៣ សីហា ឆ្នាំ២០២២នេះ ម្ចាស់គម្រោងលំនៅឋានអភិជនបុរី វិមានសំណាង ឧកញ៉ាបណ្ឌិត គីម ហ៊ាង ប្រកាសកំណត់យកថ្ងៃទី២៤ ខែសីហា ឆ្នាំក្រោយ ថានឹងចាប់ផ្ដើមសាងសង់គម្រោង វិមានសំណាងថោន (Vimean Samnang Town) ជាផ្លូវការ។ នេះបើយោងតាមការបញ្ជាក់ឱ្យដឹងរបស់លោកឧកញ៉ាបណ្ឌិតផ្ទាល់។

វិមានសំណាងថោន (Vimean Samnang Town) ដែលមានតម្លៃវិនិយោគដល់ទៅជាង ៥០០លានដុល្លារ ហើយបានកំណត់ថ្ងៃត្រៀមបុកគ្រឹះសាងសង់យ៉ាងច្បាស់លាស់ នាថ្ងៃព្រហស្បត៌ ២៤ សីហា ២០២៣ នោះនឹងមានសាងសង់ដូចជា៖

1. ផ្ទះអាជីវកម្ម វីឡាព្រីង វីឡាឃ្វីន និងវីឡាឃីង!

2. ខុនដូ ផ្សារទំនើប សាលារៀន សណ្ឋាគារ មន្ទីរពេទ្យ អគារការិយាល័យ កន្លែងរៀបចំជប់លៀង អាពាហ៌ពិពាហ៌ និងសាលប្រជុំ!

3. គំរោងនេះតម្លៃប្រហែល ៥០០លានដុល្លារ ត្រូវការពេល៦ឆ្នាំដើម្បីលក់អស់ និង ៩ឆ្នាំដើម្បីសង់បញ្ចប់!

4. អាចផ្តល់ការងាររាប់ពាន់កន្លែងដល់ប្រជាជនកម្ពុជា ពន្ធគ្រប់ប្រភេទ រាប់សិបលានដុល្លារ ដល់រាជរដ្ឋាភិបាលកម្ពុជា មុខរបររាប់រយដល់អ្នករស់នៅក្នុងសហគមន៌ ហើយក៏ជាលំនៅដ្ឋានដល់ប្រជាជនរាប់ម៉ឺននាក់!

ទន្ទឹមនឹងការប្រកាសត្រៀមអភិវឌ្ឍន៍គម្រោង សហគមន៍ខុនដូ តម្លៃជាងពាក់កណ្ដាលពាន់លានដុល្លារនេះ ឧកញ៉ាបណ្ឌិត គីម ហ៊ាង ក៏បានប្រកាសស្វាគមន៍អ្នកវិនិយោគិនទាំងឡាយណា ដែលចាប់អារម្មណ៍ និងមានទុនក៏អាចសហការជាមួយលោកបានផងដែរ។

ម្ចាស់បុរី វិមានសំណាង រូបនេះ បញ្ជាក់ថា៖ “យើងខ្ញុំមានពេល ៦ខែ ដើម្បីស្វែងរកមនុស្សពី ១០ ទៅ ១៨នាក់ ដែលអាចចូលហ៊ុនបាន ចាប់ពី ១លានដុល្លារឡើងទៅ!”។

The post ថ្ងៃទី២៤ សីហា ២០២៣ ឧកញ៉ាបណ្ឌិត គីម ហ៊ាង នឹងសាងសង់ វិមានសំណាងថោន តម្លៃជាង ៥០០លានដុល្លារ appeared first on .