ថ្លែងក្នុងពិធីចុះកិច្ចព្រមព្រៀងវិនិយោគអគារខុនដូររួមគ្នានៅថ្ងៃទី៣ ខែឧសភា ឆ្នាំ២០២៣នេះ  លោក ញឹម រាសី អគ្គនាយកក្រុមហ៊ុន WH បានថ្លែងថា មូលហេតុដែលយើងឈានទៅចាប់ដៃគូរជាមួយក្រុមហ៊ុន តានីជូ គ្រុប ដើម្បីអភិវឌ្ឍន៍អគារខុនដូរកម្ពស់៧៧ជាន់នេះគឺ ដោយការសង្កេតឃើញថា គម្រោងអភិវឌ្ឍន៍របស់ក្រុមហ៊ុន តានីជូ គ្រុប កន្លងមក ដូចជា អគារ J Village, J City, J Tower 1 និង  J Tower 2 សុទ្ធតែទទួលបានជោគជ័យ និងការលក់យ៉ាងល្អប្រសើរ។

លោកគូសបញ្ជាក់ថា គម្រោងអគារ «J-TOWER 3» នឹងក្លាយជាផ្នែកមួយលើកតម្កើងមុខមាត់របស់កម្ពុជា ដែលជាប្រទេសកំពុងអភិវឌ្ឍន៍នៅក្នុងតំបន់ និងនៅលើឆាកអន្តរជាតិ។ គម្រោងនេះនឹងផ្តល់នូវបរិយាបទរស់នៅថ្មីមួយទៀត ដែលទំនើបទាន់សម័យ និងផ្តល់ភាពងាយស្រួលសម្រាប់ការរស់នៅប្រចាំថ្ងៃជាមួយនឹងបរិក្ខារដ៏សំបូរបែបរបស់អគារ។

លោកស្រី​ អាង​ ដាណែត​ និង លោក បណ្ឌិត ញឹម កលរស្មី ជាសមាជិកក្រុមប្រឹក្សាភិបាលនៃក្រុមហ៊ុន​ WH បានលើកឡើងរួមគ្នាថា៖«គម្រោងនេះក៏នឹងក្លាយជាឱកាសមួយសម្រាប់ការវិនិយោគដែលនឹងផ្តល់ផលចំណេញជាទីគាប់ចិត្ត មិនថាវិនិយោគសម្រាប់ផលចំណេញ​​ ឬផលចំណូលពីការជួលឡើយ។ ដូចនេះហើយ ទើបវិនិយោគជនជាតិជប៉ុន និងបរទេសជាច្រើនបានសម្តែងការចាប់អារម្មណ៍យ៉ាងខ្លាំងចំពោះគម្រោង។ ហើយគោលបំណងរបស់យើង​ គឺចង់ពាំនាំឱកាសនេះទៅដល់អ្នកវិនិយោគក្នុងស្រុក ដើម្បីទទួលនូវផលចំណេញ ក៏ដូចជាកន្លែងស្នាក់នៅដែលសមប្រកបដោយផាសុខភាពក្នុងបរិបទជំនាន់ថ្មីផងដែរ។»។

លោក តានី ស៊ុនជី អគ្គនាយកក្រុមហ៊ុន តានីជូ គ្រុប បានថ្លែងថា អគារខុនដូរ«J-TOWER 3» មាន៧៧ ជាន់មានកម្ពស់រហូតដល់៣២០ម៉ែត្រ នឹងក្លាយជាអគារដែលខ្ពស់ជាងគេនៅកម្ពុជា និងជាប់ចំណាត់លេខ៨នៅតំបន់អាស៊ី។​ លោកបានឱ្យដឹងថា«តាមរយៈការស្រាវជ្រាវពីគម្រោងអគារខ្ពស់ៗនៅក្នុងតំបន់អាស៊ី បន្ទាប់ពីអគារ J-TOWER 3 សាងសង់រួច អគារនេះនឹងក្លាយជាអគារជាប់ចំណាត់ថ្នាក់ទី៨នៅក្នុងតំបន់អាស៊ី ដែលមានកម្ពស់ខ្ពស់ជាងគេ។»

លោកបានបញ្ជាក់បន្ថែម អគារ J-TOWER 3  ត្រូវបានសាងសង់ឡើងផ្តោតទៅលើភ្ញៀវដែលស្នាក់នៅ ជាសំខាន់ពោលគឺនឹងផ្តល់នូវសុវត្ថិភាព២៤ម៉ោងទៅអ្នករស់នៅក្នុងអគារ និងធ្វើឱ្យភ្ញៀវមានភាពសប្បាយរីករាយ ។ 

លោកបន្តថា នៅជាន់ទី៧៧នៃអគារនេះ នឹងរៀបចំជាស្កាយបារ និង អាងហែលទឹក ដែលជាអាងហែលទឹកខ្ពស់ជាងគេនៅលើពិភពលោក សម្រាប់ភ្ញៀវកម្សាន្ត៕

The post វិនិយោគិនកម្ពុជា និងជប៉ុន ចុះកិច្ចព្រមព្រៀងវិនិយោគរួមគ្នា អភិវឌ្ឍន៍អគារខុនដូរ «J-TOWER 3» ខ្ពស់ជាងគេនៅកម្ពុជា appeared first on .

ក្នុងនោះ ក្រុមហ៊ុន ERA Cambodia ដែលជាក្រុមហ៊ុនកម្រិតស្តង់ដារអន្តរជាតិ មានមែកធាងនៅតាមបណ្ដាប្រទេសនានាក្នុងតំបន់អាស៊ី-ប៉ាស៊ីហ្វិក បានលាតត្រដាងពីវឌ្ឍភាពនៃដំណើរការលក់ក្នុងវិស័យខុនដូនៅកម្ពុជាថា ទីផ្សារខុនដូនៅកម្ពុជាមានស្ថានភាពល្អប្រសើរឡើងវិញហើយ។

“បើប្រៀបធៀបនឹងស្ថានភាពទីផ្សារខុនដូក្នុងឆ្នាំ២០២១កន្លងទៅ ឃើញថារយៈពេល ៥ខែ ក្នុងឆ្នាំ២០២២នេះ ចរន្តនៃការទិញលក់ខុនដូមានភាពល្អប្រសើរឡើងច្រើន”។ នេះជាការលើកឡើងរបស់ លោក ខន គង្គា ។

លោកបានពន្យល់ថា នេះក៏ដោយសារតែ កម្ពុជាអាចទប់ស្កាត់ស្ថានភាពកូវីដបានជោគជ័យ ជាហេតុធ្វើឱ្យអាជីវកម្មក្នុងគ្រប់វិស័យល្អប្រសើរមកវិញ។ ស្ថាបនិកក្រុមហ៊ុនអចលនទ្រព្យ ERA រូបនេះ បញ្ជាក់ឱ្យដឹងទៀតថា៖ “បច្ចុប្បន្ន ERA កំពុងកាន់គម្រោងទិញលក់ខុនដូនៅកម្ពុជាជិត ៣០គម្រោង ហើយសុទ្ធតែជាគម្រោងធំៗ ទាំងក្នុងស្រុក និងគម្រោងវិនិយោគមកពីបរទេសកម្រិតស្តង់ដារអន្តរជាតិ។

បើគិតជាទំហំទឹកប្រាក់វិញ លោក ខន គង្គា បានប្រាប់ Oknha News ទៀតថា ជិត ៣០គម្រោង ដែលក្រុមហ៊ុន ERA កំពុងទទូលសិទ្ធលក់នេះ បើគិតជាទំហំសាច់ប្រាក់ ចូលដល់ខ្ទង់រាប់ពាន់លានដុល្លារសហរដ្ឋអាមេរិចឯណោះ។

ក្នុងនាមជាក្រុមហ៊ុនភ្នាក់ងារអចលនទ្រព្យដ៏សកម្មនៅកម្ពុជា និងជាមគ្គុទេសន៍ដឹកនាំក្រុមហ៊ុន និងបុគ្គលិកដ៏ឆ្នើម លោក គង្គា បានបង្ហាញពីចក្ខុវិស័យ និងក្ដីស្រមៃដ៏ធំមហិមា។ លោកថា ថ្ងៃទៅថ្ងៃមុខអគ្គនាយកក្រុមហ៊ុន ERA Cambodia រូបនេះ បានអះអាងថា ERA មិនត្រឹមតែក្លាយជាក្រុមហ៊ុនអចលនទ្រព្យដ៏ធំនៅកម្ពុជាទេ គឺនឹងវិវឌ្ឍន៍ក្លាយជាក្រុមហ៊ុនអចលនទ្រព្យធំជាងគេ នៅក្នុងអាស៊ីតែម្ដង។

ក្រុមហ៊ុន ERA Cambodia ជាក្រុមហ៊ុន​មានឯកទេសទិញ លក់ និងជួល​ខុនដូនៅក្នុងប្រទេសកម្ពុជា ដោយ​ផ្ដោតលើ​តំបន់​សំខាន់៣រួមមាន រាជធានីភ្នំពេញ ខេត្តព្រះសីហនុ និងខេត្តសៀមរាប។ បច្ចុប្បន្ន ERA មានបុគ្គលិកសកម្មលើផ្នែកផ្ដល់សេវាកម្មទិញ លក់ និងជួទលអចលនទ្រព្យក្នុងវិស័យខុនដូនេះ ចំនួនជាង ១៥០០នាក់ និងកំពុងបន្តជ្រើសរើសបុគ្គលិកបន្ថែមជារៀងរាល់ថ្ងៃ ហើយទៅថ្ងៃមុខ ដើម្បីសម្រេចបានតាមផែនការ ក្រុមហ៊ុននេះ ដាក់មហិច្ឆតាថា នឹងបង្កើនភ្នាក់ងាររបស់ខ្លួនឱ្យដល់ ២ម៉ឺននាក់។

​ក្រុមហ៊ុន Knight Frank ដែលជាភ្នាក់ងារអចលនទ្រព្យ និងជាអ្នកប្រឹក្សាយោបល់ផ្នែកអចលនទ្រព្យដ៏មានវិជ្ជាជីវៈ និងមានវ័យចាស់វស្សាក្នុងឧស្សាហកម្មអចលនទ្រព្យ បានបង្ហាញពីការព្យាករណ៍ថា ចំនួននៃការផ្គត់ផ្គង់ខុនដូនៅកម្ពុជា នឹងកើនដល់ជាង ៧ម៉ឺន ៨ពាន់ យូនីត (ស្មើនឹង១៧៥ អគារ) នៅត្រឹមឆ្នាំ២០២៥ ខណៈដែលកាលពី ឆ្នាំ ២០២១ កន្លងទៅ ការផ្គត់ផ្គង់ខុនដូនៅរាជធានីភ្នំពេញ បានកើនដល់ជាង ២ម៉ឺន ៧ពាន់យូនីត (ស្មើនឹង៩៥ អគារ) ។

ដោយឡែក របាយការណ៍ពីខាងក្រសួងទេសចរណ៍ វិញបានបង្ហាញថា រយៈពេល ៤ខែ ដើមឆ្នាំ២០២២ កម្ពុជាទទួលបានទេសចរអន្តរជាតិសរុបជាង ២៤ម៉ឺននាក់ កើនឡើងជាង ១៩០% បើធៀបនឹងឆ្នាំចាស់។ កត្តាទាំងអស់ខាងលើនេះ ត្រូវបានអ្នកវិភាគសេដ្ឋកិច្ចនៅកម្ពុជា អះអាងថា វិស័យសអចលនទ្រព្យ និងសំណង់ នៅកម្ពុជា នឹងបន្តរីកលូតលាស់កាន់តែខ្លាំង ក្នុងពេលឆាប់ៗនេះ៕

The post អគ្គនាយក ERA Cambodia កាន់កាប់គម្រោងលក់គ្រាក់ៗតម្លៃរាប់ពាន់លានដុល្លារ លាតត្រដាងពីស្ថានភាពទីផ្សារខុនដូនៅកម្ពុជា appeared first on .

ដោយឡែក កាលពី​ពេល​ថ្មីៗ​នេះ នៅ​តំបន់ Miami ឯណោះ​វិញ ក៏​មាន​ដំណឹង​មក​ថា ខុនដូ​តម្លៃ​ដល់ទៅ ២២,៥ លាន​ដុល្លារ​បាន​រក​ឃើញ​ម្ចាស់​ហើយ តែ​អ្នកទិញ​មិន​ត្រូវ​បាន​បង្ហាញ​ឲ្យ​ស្គាល់​ពី​អត្តសញ្ញាណ​ឡើយ ដោយ​គ្រាន់តែ​ដឹង​ថា​បុគ្គល​រូប​នោះ​ទូទាត់​តម្លៃ​ខុនដូ​ដោយ​ប្រើប្រាស់​លុយ​ឌីជីថល​ទាំងអស់​។

អចលនទ្រព្យ​មួយ​នេះ គឺ​ស្ថិត​នៅ​តាម​បណ្ដោយ​ឆ្នេរ​ Miami Beach តែ​ម្ដង ជាមួយ​ទំហំ ៤៧០,៧ ម៉ែត្រការ៉េ និង​ស្ថិត​នៅ​ជាន់ទី ៩​ នៃ​អគារ​ដែល​មាន​​កំពស់​ ១២ ជាន់។ ខុនដូ​នេះ​ក៏​មាន​បំពាក់​ជាមួយ​បន្ទប់គេង ៤ បន្ទប់ទឹក​ ៤ រួម​ជាមួយ​រានហាល​ខាងមុខ​ដ៏​ធំ​ទូលាយ​អាច​គយគន់​ឆ្នេរ Miami បាន​ដោយ​ពេញភ្នែក​។

ជាមួយ​តម្លៃ​ថ្លៃ​មហាសាល ២២,៥ លាន​ដុល្លារ​ ពិត​ណាស់​លំនៅឋាន​មួយ​នេះ មិនមែន​មាន​លក្ខណៈ​អស្ចារ្យ​តែ​ត្រឹមហ្នឹង​ឡើយ ពោល​មាន​ទាំង​អាងហែលទឹក​ក្នុង​ និង​ក្រៅ​ផ្ទះ កន្លែង​លេង​វាយ​កូន​បាល់​នៅ​លើ​ដំបូល​ផ្ទះ កន្លែង​ហាត់ប្រាណ និង​ហាត់​ Yoga បន្ទប់​ស្ទីម​ និង​សោណា ហើយ​អ្វី​កាន់តែ​ពិសេស គឺ​កន្លែង​ចត​យានយន្ត​ដែល​អាច​កំណត់​សីតុណ្ហភាព​បាន​ថែម​ទៀត៕

ប្រភព: luxurylaunches

The post មិន​ចាយ​លុយ ជន​អនាមិក​​ម្នាក់​ទិញ​ខុនដូ​តម្លៃ​ជាង ២០ លាន​ដុល្លារ ​អាច​គយគន់​ឆ្នេរ​សមុទ្រ​យ៉ាង​​ពេញភ្នែក​ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ខាងក្រោមនេះ គឺជាការលើកឡើងរបស់អ្នកជំនាញ ដែលមានបទពិសោធន៍លើវិស័យអចលនទ្រព្យផ្នែកខុនដូ អំពីការវិនិយោគខុនដូលើកដំបូង ដោយចំណាយទុនវិនិយោគតិច តែអាចលក់ចេញ ឬជួលចំណេញបានច្រើនត្រឡប់មកវិញ។

មានប្រសាសន៍ប្រាប់បណ្ដាញសារព័ត៌មានក្នុងស្រុក លោក ង៉ែត តារា ប្រធានក្រុមហ៊ុនភ្នាក់ងារអចលនទ្រព្យ IPIN បានពន្យល់ថា៖ ដើម្បីវិនិយោគ ឬទិញខុនដូលើកដំបូងដោយប្រើប្រាស់ដើមទុនតិចបាន លោកអ្នកអាចគិតដល់ ២ជម្រើស៖

ជម្រើសទី១ អាចយកវិធីបង់រំលស់ជាមួយធនាគារមានការប្រាក់ទាប ដែលគម្រោងអភិវឌ្ឍន៍ខុនដូខ្លះ តម្រូវឱ្យយើងបង់ប្រាក់កក់តិច រំលស់ច្រើន ឬខ្លះទៀតបង់រំលស់១០០%តែម្តង ធ្វើឱ្យយើងប្រើប្រាស់លុយតិចជាងធម្មតា។ ប្រសិនបើយើងសម្រេចចិត្តបង់រំសល់១០០% គឺយើងប្រើដើមទុនតែ១០០០ ឬ២០០០ដុល្លារ រួចបង់រំលស់យកតែម្តង។

ជម្រើសទី២ យើងអាច​សហការជាមួយមិត្តភ័ក្ត ឬមនុស្សជាទីស្រលាញ់ ចូលហ៊ុនគ្នា ដើម្បីធ្វើការបង់រំលស់ វាក៏ជាជម្រើសល្អ សម្រាប់អ្នកវិនិយោគលើដំបូង។ ធ្វើដូច្នេះ យើងនឹងមិនសូវប្រើប្រាស់ដើមទុនច្រើន ដូចការវិនិយោគតែម្នាក់ឯងឡើយ។

អ្នកជំនាញអចលនទ្រព្យជាន់ខ្ពស់ ប្រចាំក្រុមហ៊ុន IPIN ដដែលរូបនេះ បញ្ជាក់បន្ថែមថា៖ មុនសម្រេចចិត្តវិនិយោគលើគម្រោងខុនដូណាមួយនោះត្រូវតែពិនិត្យ និងស្រាវជ្រាវឱ្យបានច្បាស់ ជាពិសេសជ្រើសរើសទីតាំងមានសក្តានុពលខ្លាំង ប្រវត្តិអ្នកអភិវឌ្ឍន៍មានកេរ្តិ៍ឈ្មោះល្អ គុណភាពសំណង់ និងគម្រោងអភិវឌ្ឍន៍ស្របច្បាប់ដែរ ឬទេ?

សម្រាប់តម្លៃខុនដូ គម្រោងនីមួយៗប្រែប្រួលតាមការសាងសង់ ទិញមុនពេលសង់ ក្រោយបុកគ្រឹះ និងសង់ឡើងជាន់ទី១ ទី២ទៅ តម្លៃក៏ខុសៗគ្នាទៅតាមនោះដែរ។ដូច្នេះបើយើងជឿជាក់គម្រោងអភិវឌ្ឍន៍ច្បាស់ហើយគួរទិញមុនបុកគ្រឹះ ដែលគេទើបប្រកាសលក់លើកដំបូង តម្លៃធូរថ្លៃជាងកំពុងសាងសង់ ឬសង់ចប់។

ចំណែកលោក ខន គង្គារ អគ្គនាយកក្រុមហ៊ុនភ្នាក់ងារអចលនទ្រព្យលំដាប់ពិភពលោក ERA ធ្លាប់មានប្រសាសន៍ថា ដើម្បីវិនិយោគខុនដូរទទួលផលចំណេញ ដំបូងត្រូវគិតលើទីតាំង ព្រោះជាទូទៅខុនដូរដែល្អ ត្រូវតែអភិវឌ្ឍន៍នៅទីតាំងល្អដែរ។

ទីតាំងពិតជាមានសារៈសំខាន់ ដែលយើងត្រូវគិត និងវិភាគឱ្យបានល្អ បើមិនចឹងទេ អាចមានបញ្ហាក្រោយពេលទិញ ហើយរឿងតម្លៃចាំគិតតាមក្រោយ។ លោក ខន គង្គារ បន្ថែម៕

The post អ្នកជំនាញអចលនទ្រព្យ ២រូប បង្ហើបក្បួនវិនិយោគខុនដូដោយចំណាយទុនតិច តែឱកាសចំណេញច្រើន appeared first on .

ថ្លែងឲ្យដឹងក្នុង ពិធីក្រុងពាលី សុំម្ចាស់ទឹកដី បើកដំណើរការសាងសង់ ជាផ្លូវការ គម្រោងសំណងខុនដូលំដាប់ផ្កាយ៥ ឌឺផ្លរ៉ាស្វីត (The Flora Suites) របស់ក្រុម​ហ៊ុនឌឹផ្លរ៉ា ដែលជាក្រុមហ៊ុនអចលនទ្រព្យខ្មែរក្នុងស្រុកដ៏ធំមួយ កាលពីថ្ងៃទី២៧ ខែកុម្ភៈ ឆ្នាំ២០២០ លោក សាំង សុភក្រ័្តរ៉ាឌី ប្រធានផ្នែកលក់ ឌឹផ្លរ៉ាស៊ូត បានបញ្ជាក់យ៉ាង​ដូច្នេះថា៖ «ទីផ្សារខុនដូនៅកម្ពុជាយើងនេះ មានការរីកចម្រើនយ៉ាងខ្លាំង ដោយសារ​មានការវិនិយោគមកពីក្រៅប្រទេស មានអង្គការ មានអ្នកធ្វើការងារផ្សេង ដែលពួក​គាត់ត្រូវការលំនៅស្ថាន ពោលសេដ្ឋកិច្ចកាន់តែរីកចម្រើន ទីផ្សារកាន់តែរីកចម្រើន ហើយកម្រិតជីវភាពប្រជាជនយើងបច្ចុប្បន្នមានការកើនឡើង និងភាពស៉ីវិល័យ​ប្រជាជនយើងក៏កើនឡើង អញ្ចឹងគាត់ចង់បានខុនដូទំនើប ស៉ីវីល័យ ទាន់សម័យ។ ដូច្នេះហើយ ទើបយើងសាងសង់ខុនដូកម្រិតផ្កាយ៥នេះឡើង»។

លោកបន្តថា ឈរលើមូលដ្ឋាននៃសុខសន្តិភាព និងស្ថិរភាពនយោបាយយ៉ាងរឹងមាំ ក្នុងរយៈពេលជាងពីរទស្សវត្សរ៍ចុងក្រោយនេះ កម្ពុជាសម្រេចបាននូវ​កំណើនសេ​ដ្ឋកិច្ចប្រចាំឆ្នាំ ជាមធ្យមក្នុងរង្វង់៧.៧% ហើយបានចាកចេញពីឋានៈ​ជាប្រទេសមាន​ចំណូលទាប ទៅជាប្រទេសមានចំណូលមធ្យមកម្រិតទាប។

ទន្ទឹមគ្នានេះ លោកថា ការបើកចំហសេដ្ឋកិច្ច សម្រាប់អ្នកវិនិយោគទាំងអស់ ដោយគ្មាន​ការរើសអើងរវាងអ្នកវិនិយោគកម្ពុជា និងអ្នកវិនិយោគបរទេស ព្រមទាំង​ការអនុញ្ញាត ឲ្យជនបរទេសបណ្តាក់ទុន១០០% លើគ្រប់វិស័យ ដោយពុំមាន​ការតម្រូវ​ឲ្យមាន​ភាគ​ហ៊ុន របស់អ្នកវិនិយោគក្នុងស្រុក គឺជាការបើកទូលាយ​បំផុតរបស់​កម្ពុជា ធៀបនឹង​ប្រទេសក្នុងតំបន់ ធ្វើឲ្យវិនិយោគិនបរទេស ចូលមកបណ្តាក់​ទុនយ៉ាងភ្លូកទឹក​ភ្លូកដី។

ជាការកត់សម្គាល់ ពីមួយឆ្នាំទៅមួយឆ្នាំ សកម្មភាពវិនិយោគមានការកើ​នឡើងជា​លំដាប់រៀងគ្នា ទាំងចំនួនគម្រោង ទាំងទុនវិនិយោគផងដែរ។

យោងតាមរបាយការណ៍របស់ក្រុមប្រឹក្សាអភិវឌ្ឍន៍កម្ពុជា (ក.អ.ក.) នៅក្នុងវិស័យ​វិនិយោគ កម្ពុជាសម្រេចបាននូវលទ្ធផលយ៉ាងល្អប្រសើរ ដោយគិតត​ចាប់តាំង​ពីឆ្នាំ២០១៦ មកដល់ខែសីហា ឆ្នាំ២០១៩ បានសម្រេចឯកភាពលើគម្រោង វិនិយោគ​ចំនួន ៨៣១គម្រោង ដែលមានទុនវិនិយោគសរុបប្រមាណជាង ២២,៥ប៊ី​លានដុល្លារ​អាមេរិក៕ អត្ថបទ៖ សិរីកា

The post អ្នកវិនិយោគ​៖ ខុន​ដូទំ​នើបបែបស៊ីវី​ល័យ​នៅភ្នំពេញ នៅតែមានហាង​ឆេង​ខ្ពស់ appeared first on .