ផលប្រយោជន៍ពីជំងឺរាតត្បាតមួយតង់ ថែមឥទ្ធិពលសង្គ្រាមទៀត ជួយឲ្យមហាសេដ្ឋីកើបលុយរាប់លានដុល្លារ

ឧកញ៉ាសំពៅ — Tue, 24 May 2022 07:48:21 +0000

អំឡុងពេលមានការរាតត្បាតជំងឺកូវីដ ១៩ ប្រជាជនទូទាំងពិភពលោកមានការភ័យខ្លាច ប្រមែប្រមូលទិញស្បៀងអាហារស្តុកទុកតាមផ្ទះរៀងៗខ្លួន ដែលជាហេតុបណ្ដាលឲ្យតម្លៃចំណីអាហារមានការឡើងថ្លៃ ហើយមហាសេដ្ឋីដែលមានមុខជំនួញនៅលើវិស័យមួយនេះសំងំកើបលុយបានរាប់លានដុល្លារ។

ជាការពិត នៅពេលមានគ្រោះអាសន្នម្ដងៗ ចំណីអាហារ និងថ្នាំសង្កូវគឺពិតជាដើរតួយ៉ាងសំខាន់ ហើយបុគ្គលដែលរកស៊ីលើវិស័យទាំងនេះ ទទួលបានផលប្រយោជណ៍ជាច្រើន ស្របពេលបើតាមរបាយការណ៍ពីសារព័ត៌មានក្រៅប្រទេសបានបង្ហាញថា រៀងរាល់ ៣០ ម៉ោងម្ដង តួលេខមហាសេដ្ឋីទូទាំងពិភពលោកមានការកើនឡើងជាលំដាប់។

ក្រឡេកទៅមើលស្ថិតិនៃការកើនទ្រព្យសម្បត្តិរបស់មហាសេដ្ឋីនៅលើវិស័យចំណីអាហារវិញ ក្នុងរយៈពេលត្រឹម ២ ឆ្នាំ ទ្រព្យសម្បត្តិរបស់ពួកគេកើនដល់ ៤៥% ឬប្រមាណ ៣៨២ ពាន់លានដុល្លារសរុប ដែលនេះគឺផ្ដើមចេញពីការឡើងថ្លៃអាហារដល់ ៣០% នៅឆ្នាំ ២០២១ ទាំងស្រុង។

ចំណេញពីការរាតត្បាតមធ្យម ងំពួកគេអាចនឹងពង្រីកខ្លួនកាន់តែខ្លាំងជាងមុនទៀត ដោយសារសង្គ្រាមរវាងរុស្ស៊ី-អ៊ុយក្រែន បានធ្វើឲ្យតម្លៃចំណីអាហារកើនឡើងដល់ ២៣% នៅឆ្នាំ ២០២២ ខណៈឆ្នាំនេះមហាសេដ្ឋីថ្មីនៅលើវិស័យចំណីអាហារមានចំនួនកើនឡើង ៦២ នាក់។

បញ្ជាក់ដែរថា មហាសេដ្ឋីមានទ្រព្យច្រើនបំផុតលើវិស័យ F&B គឺ Jacqueline Badger Mars និង John Mars ដោយបុគ្គលទាំង ២ រូបនេះ សុទ្ធតែមានទ្រព្យសម្បត្តិ ៤៩ ពាន់លានដុល្លារដូចគ្នា៕

ប្រភព: Businessinsider

The post ផលប្រយោជន៍ពីជំងឺរាតត្បាតមួយតង់ ថែមឥទ្ធិពលសង្គ្រាមទៀត ជួយឲ្យមហាសេដ្ឋីកើបលុយរាប់លានដុល្លារ appeared first on .

ក្រសួងឧស្សាហកម្មស្នើសមាគមអ្នកផលិតចំណីអាហារកម្ពុជា កៀរគរសមាជិកមកចុះបញ្ជីតាមច្បាប់ដើម្បីការពារផលប្រយោជន៍

ឧកញ៉ាតូច — Wed, 18 May 2022 04:49:56 +0000

តាមរយៈជំនួបពិភាក្សាការងារជាមួយប្រតិភូសមាគមអ្នកផលិតចំណីអាហារកម្ពុជា កាលថ្ងៃទី ១៦ ខែឧសភា ឆ្នាំ២០២២ លោក ចម ប្រសិទ្ធ រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានស្នើទៅកាន់សមាគមអ្នកផលិតចំណីអាហារកម្ពុជាឲ្យជួយគៀងគរសមាជិកមកចុះបញ្ជីតាមច្បាប់បន្ថែមទៀត។

បើតាមលោក ចម ប្រសិទ្ធ ការបង្កើតសមាគមអ្នកផលិតចំណីអាហារនេះឡើង ពីព្រោះជាវិស័យដ៏សំខាន់ទាក់ទងនិងជីវភាពប្រចាំថ្ងៃ និងវិស័យខ្លះបានចូលរួមក្នុងស្តុកយុទ្ធសាស្ត្រចំណីអាហាររបស់ប្រទេសផងដែរ។

លោកកបញ្ជាក់ថា តាមការសម្រង់ស្ថិតិសហគ្រាសមីក្រូធនតូចនិងមធ្យមនៅកម្ពុជាមានប្រមាណជាង ៥សែនមូលដ្ឋាន ក្នុងនោះផ្នែកផលិតចំណីអាហារមានរាប់ម៉ឺនមូលដ្ឋានផងដែរ ក៏ប៉ុន្តែការចុះបញ្ញីទទួលស្គាល់តាមច្បាប់ទើបបានជាង២ម៉ឺនមូលដ្ឋានអាជីវកម្មប៉ុណ្ណោះ។ ហេតុនេះ លោកបានស្នើឲ្យសមាគមជួយកៀរគរសមាជិកឲ្យបានច្រើនថែមទៀត ព្រមទាំងមកចុះបញ្ជីទទួលស្គាល់តាមច្បាប់ ពីព្រោះបច្ចុប្បន្នត្រូវបានធ្វើតាមប្រព័ន្ធអនឡាញ ដែលមានភាពងាយស្រួលជាងមុនច្រើនណាស់ ។

លោករដ្ឋមន្រ្តីអះអាងថា ផលប្រយោជន៍នៃការចូលជាសមាជិកសមាគម គឺក្រៅពីងាយស្រួលលើការងារីគ្រប់គ្រង គឺយើងបានចែករំលែកនូវព័ត៌មានទីផ្សារ ការងារបណ្តុះបណ្តាល ហើយសមាគមមានសិទ្ធអំណាចតវាជាសមូហភាព សម្រាប់ផលប្រយោជន៍ក្រុមរបស់ខ្លួន ជាមួយរដ្ឋាភិបាលផងដែរ។

ចំណែកឯ លោក មេវ សុខទ្រី ប្រធានសមាគមអ្នកផលិតចំណីអាហារកម្ពុជា បញ្ជាក់ដែថា បច្ចុប្បន្នសមាគមមានសមាជិកចូលរួមជាង៥០មូលដ្ឋានអាជីវកម្ម។ លោកថា សមាគមបច្ចុប្បន្នជួបបញ្ហា និងកត្តារាំងស្ទះមួយចំនួន ដែលមិនមែនជាបញ្ហារាំងស្ទះ ខ្សែសង្វាក់ផលិតកម្មនោះទេ តែបញ្ហា និងកត្តារាំងស្ទះទាំងអស់នោះ ជាការអនុវត្តតាមបញ្ញតិកម្ម បទដ្ឋានគតិយុត្ត នីតិវិធី ស្តង់ដារ បច្ចេកទេស និងភាពអនុលោម ដែលត្រូវការមានការពិគ្រោះយោបល់ ការណែនាំ និងបណ្តុះបណ្តាលបន្ថែម៕

The post ក្រសួងឧស្សាហកម្មស្នើសមាគមអ្នកផលិតចំណីអាហារកម្ពុជា កៀរគរសមាជិកមកចុះបញ្ជីតាមច្បាប់ដើម្បីការពារផលប្រយោជន៍ appeared first on .