វិស័យបច្ចេកវិទ្យា

ចិនប្រាប់អាមេរិកពិចារណាឲ្យល្អិតល្អន់ ជុំវិញការហាមឃាត់ការវិនិយោគលើវិស័យបច្ចេកវិទ្យា

ឧកញ៉ាសំពៅ — Fri, 29 Sep 2023 05:58:00 +0000

នាថ្ងៃទី២៩ ខែកញ្ញានេះ ក្រុមប្រឹក្សាពាណិជ្ជកម្មអន្តរជាតិរបស់ប្រទេសចិន បានប្រាប់ទៅកាន់សហរដ្ឋអាមេរិកថា សូមពិចារណាឲ្យល្អិតល្អន់មែនទែន ជុំវិញច្បាប់រារាំងការបណ្ដាក់ទុនរបស់ក្រុមហ៊ុនអាមេរិក នៅក្នុងវិស័យបច្ចេកវិទ្យារបស់ចិន។ នេះបើតាមការចុះផ្សាយពីសារព័ត៌មាន CNA។

គួររំលឹកបន្តិចថា កាលពីខែមុន ប្រធានាធិបតីអាមេរិក លោក ចូ បៃដិន បានបញ្ជាឲ្យដាក់បម្រាម ទៅលើក្រុមហ៊ុនអាមេរិក ដែលចង់បណ្ដាក់ទុននៅក្នុងវិស័យបច្ចេកវិទ្យារបស់ចិន ដែលមានដូចជាក្រុមហ៊ុនផលិតបន្ទះឈីប គ្រឿងអេឡិចត្រូនិក និងប្រព័ន្ធឆ្លាតវៃជាដើម។

ជាមួយគ្នានេះ ក្រុមប្រឹក្សារដ្ឋាភិបាលចិនបានព្រមានអាមេរិកថា ការហាមឃាត់ដ៏ច្រើនបែបនេះ នឹងធ្វើឲ្យប៉ះពាល់ដល់ខ្សែសង្វាក់ផ្គត់ផ្គង់ទូទាំងពិភពលោក។

ជម្រាបបន្ថែមថា ការបញ្ជារបស់លោកបៃដិន គឺមានបំណងចង់រារាំងការពង្រីកខ្លួនរបស់ចិន ក្នុងវិស័យយោធា ដោយហាមឃាត់ការបណ្ដាក់ទុនពីអាមេរិកចូលក្នុងប្រទេសចិន ដូច្នេះចិននឹងមិនមានទឹកប្រាក់គ្រប់គ្រាន់ ដើម្បីយកទៅអភិវឌ្ឍន៍វិស័យការពារជាតិឡើយ៕

The post ចិនប្រាប់អាមេរិកពិចារណាឲ្យល្អិតល្អន់ ជុំវិញការហាមឃាត់ការវិនិយោគលើវិស័យបច្ចេកវិទ្យា appeared first on .

ការបង្ក្រាបវិស័យបច្ចេកវិទ្យានៅចិន ធ្វើឲ្យក្រុមហ៊ុនខ្នាតយក្សខាតបង់ជាង ១ទ្រីលានដុល្លារ

ឧកញ៉ាសំពៅ — Wed, 12 Jul 2023 10:57:00 +0000

ការបង្ក្រាបវិស័យបច្ចេកវិទ្យារបស់រដ្ឋាភិបាលចិនកាលពីជាង ២ឆ្នាំមុន បានធ្វើឲ្យក្រុមហ៊ុនខ្នាតយក្សជាច្រើនដែលរកស៊ីលើវិស័យមួយនេះ ទទួលរងផលប៉ះពាល់ជាខ្លាំង ប្រមាណជាង ១ទ្រីលានដុល្លារឯណោះ។

យោងតាមការចុះផ្សាយពីសារព័ត៌មាន CNA បានបង្ហាញថា រយៈពេលជាង ២ឆ្នាំមកនេះ វិស័យបច្ចេកវិទ្យានៅចិន ទទួលរងការខាតបង់ប្រហែល ១,១ទ្រីលានដុល្លារ ខណៈក្រុមហ៊ុនដែលរងការខាតបង់ខ្លាំងបំផុតនោះគឺ Alibaba Group, Tencent, Meituan, Baidu Inc និង JD.com។

យ៉ាងណាមួយរយៈកាលចុងក្រោយនេះ រដ្ឋាភិបាលចិនបានចេញវិធានការថ្មី ដោយបន្ធូរបន្ថយលើការរឹតបន្តឹង និងងាកមកបង្កើនកិច្ចសហប្រតិបត្តិការជាមួយនឹងក្រុមហ៊ុនឯកជននានាឡើងវិញ ដើម្បីបង្កើនកំណើនសេដ្ឋកិច្ច ដែលបានខាតបង់អំឡុងពេលមានជំងឺរាតត្បាត។

SHENZHEN, CHINA – 2020/10/06: Chinese multinational technology conglomerate holding company Tencent logo seen at its global headquarters in Shenzhen. (Photo by Alex Tai/SOPA Images/LightRocket via Getty Images)

តួយ៉ាង កាលពីពេលថ្មីៗនេះ ទីភ្នាក់ងាររៀបចំគម្រោងរដ្ឋចិនបានបើកកិច្ចពិភាក្សា ជាមួយក្រុមហ៊ុនបច្ចេកវិទ្យាធំៗដូចជា Tencent Holdings និង Alibaba Group ជាដើម ហើយថែមទាំងបានសរសើរក្រុមហ៊ុនទាំងនោះ ដែលរួមចំណែកក្នុងការអភិវឌ្ឍន៍វិស័យបច្ចេកវិទ្យាចិននាពេលកន្លងមក៕

The post ការបង្ក្រាបវិស័យបច្ចេកវិទ្យានៅចិន ធ្វើឲ្យក្រុមហ៊ុនខ្នាតយក្សខាតបង់ជាង ១ទ្រីលានដុល្លារ appeared first on .

ណែនាំពីវិស័យអាជីវកម្ម ១០ ប្រភេទប្រមូលផ្ដុំដោយមហាសេដ្ឋីច្រើនបំផុត

ឧកញ៉ាសំពៅ — Wed, 23 Feb 2022 00:37:32 +0000

បច្ចុប្បន្ន មហាសេដ្ឋីជុំវិញពិភពលោកគឺមានប្រមាណ ២ ៧៧៥ នាក់ជាមួយនឹងទំហំទ្រព្យសម្បត្តិសរុបប្រមាណជាង ១៣ ទ្រីលានដុល្លារ។

ដោយឡែក សម្រាប់ប្រទេសដែលសំបូរមហាសេដ្ឋីច្រើនជាងគេលើលោកគឺ សហរដ្ឋអាមេរិក ស្របពេលមហាអំណាចមួយនេះ គឺពោរពេញទៅដោយបុគ្គលមានទ្រព្យខ្ទង់ពាន់លានដុល្លារស្ទើរគ្រប់វិស័យទៅហើយ។

ថ្វីបើគ្រប់វិស័យអាជីវកម្មនីមួយៗសុទ្ធតែមានមហាសេដ្ឋីរកស៊ីនៅក្នុងនោះ តែសម្រាប់អត្ថបទមួយនេះ ឧកញ៉ាញូស៍នឹងបង្ហាញនូវវិស័យអាជីវកម្ម ១០ ប្រភេទដែលមានមហាសេដ្ឋីច្រើនបំផុតនាពេលបច្ចុប្បន្ន៖

វិស័យបច្ចេកវិទ្យា ខណៈអ្នកមានបំផុតនៅក្នុងអាជីវកម្មប្រភេទនេះគឺ Elon Musk (Tesla)
វិស័យថែទាំសុខភាព ខណៈអ្នកមានបំផុតនៅក្នុងអាជីវកម្មប្រភេទនេះគឺ គ្រួសារត្រកូល Jiang (Chongqing Zhifei Biological Products)
វិស័យហិរញ្ញវត្ថុ និងវិនិយោគ ខណៈអ្នកមានបំផុតនៅក្នុងអាជីវកម្មប្រភេទនេះគឺ Warren Buffet (Berkshire Hathaway)
វិស័យផលិតទំនិញ (Manufacturing) ខណៈអ្នកមានបំផុតនៅក្នុងអាជីវកម្មប្រភេទនេះគឺ Hexiangjian (Midea Group)
វិស័យផលិតម៉ូតសម្លៀកបំពាក់ ខណៈអ្នកមានបំផុតនៅក្នុងអាជីវកម្មប្រភេទនេះគឺ Bernard Arnault (LVMH)
វិស័យអាហារ និងភេសជ្ជៈ ខណៈអ្នកមានបំផុតនៅក្នុងអាជីវកម្មប្រភេទនេះគឺ Zhong Shanshan (Nongfu Spring)
វិស័យអចលនទ្រព្យ ខណៈអ្នកមានបំផុតនៅក្នុងអាជីវកម្មប្រភេទនេះគឺ Lee Shau Kee (Henderson Land Development)
វិស័យបដិសណ្ឋារកិច្ច ខណៈអ្នកមានបំផុតនៅក្នុងអាជីវកម្មប្រភេទនេះគឺ Sheldon Adelson (Sands Hotel)
វិស័យថាមពលកកើតឡើងវិញ ខណៈអ្នកមានបំផុតនៅក្នុងអាជីវកម្មប្រភេទនេះគឺ Elon Musk
វិស័យកម្សាន្ត និងប្រព័ន្ធផ្សព្វផ្សាយ ខណៈអ្នកមានបំផុតនៅក្នុងអាជីវកម្មប្រភេទនេះគឺ Donald Newhouse (Advance Publications)

ប្រភព: Startuptalky

The post ណែនាំពីវិស័យអាជីវកម្ម ១០ ប្រភេទប្រមូលផ្ដុំដោយមហាសេដ្ឋីច្រើនបំផុត appeared first on .

វិស័យ​បច្ចេកវិទ្យា

ចិនប្រាប់អាមេរិកពិចារណាឲ្យល្អិតល្អន់ ជុំវិញការហាមឃាត់ការវិនិយោគលើវិស័យបច្ចេកវិទ្យា

ការបង្ក្រាបវិស័យបច្ចេកវិទ្យានៅចិន ធ្វើឲ្យក្រុមហ៊ុនខ្នាតយក្សខាតបង់ជាង ១ទ្រីលានដុល្លារ

ណែនាំ​ពី​វិស័យ​អាជីវកម្ម​ ១០ ប្រភេទ​ប្រមូលផ្ដុំ​ដោយ​មហាសេដ្ឋី​ច្រើន​បំផុត

វិស័យបច្ចេកវិទ្យា

ណែនាំពីវិស័យអាជីវកម្ម ១០ ប្រភេទប្រមូលផ្ដុំដោយមហាសេដ្ឋីច្រើនបំផុត