ទឹកបរិសុទ្ធ វីតាល់ របស់អ្នកឧកញ៉ា១រូប ត្រូវបានជ្រើសរើសជាទឹកពិសាផ្លូវការក្នុងកិច្ចប្រជុំកំពូលអាស៊ាន

ឧកញ៉ាដែនដី — Mon, 07 Nov 2022 03:37:26 +0000

ទឹកបរិសុទ្ធ វីតាល់ ជាម៉ាកល្បីឈ្មោះមួយក្នុងចំណោមក្រុមហ៊ុនផលិតទឹកបរិសុទ្ធឈានមុខគេនៅស្រុកខ្មែរ ដែលគ្រប់គ្រងដោយអ្នកឧកញ៉ា ជឹង សុគន្ធាវី ជាអគ្គនាយិកាក្រុមហ៊ុន ត្រូវបានជ្រើសរើសជាទឹកពិសាផ្លូវការ ក្នុងកិច្ចប្រជុំកំពូលអាស៊ានលើកទី៤០ និង ៤១ និងកិច្ចប្រជុំកំពូលពាក់ព័ន្ធ ដែលនឹងប្រព្រឹត្តិទៅនៅរាជធានីភ្នំពេញ នាថ្ងៃទី១០ ដល់ ១៣ ខែវិច្ឆិកា ឆ្នាំ២០២២ នេះ។

អ្នកឧកញ៉ា ជឹង សុគន្ធាវី

ឈរជើងក្នុងទីផ្សារកម្ពុជាជាងមួយទស្សវត្សរ៍ វីតាល បានសាងភាពល្បីល្បាញ និងបង្កើតនូវស្តង់ដារមួយដែលមានការទទួលស្គាល់ពីសហគមន៍ជាតិ និងអន្តរជាតិ។ រហូតមកដល់សព្វថ្ងៃនេះ វីតាល់នៅតែជាផលិតផលនាំមុខគេនៅលើទីផ្សារ ដែលផ្តល់ជូនទឹកពិសាដល់ប្រជាជនរាប់លាននាក់ជារៀងរាល់ថ្ងៃ។ អ្នកឧកញ៉ា ជឹង សុគន្ធាវី ដែលជាថ្នាក់ដឹកនាំក្រុមហ៊ុនផលិតទឹកបរិសុទ្ធ វីតាល់ នេះ ត្រូវបានគេស្គាល់ថា ជាកូនស្រីបង្កើតរបស់អ្នកឧកញ៉ា ឡៅ ម៉េងឃីន និងអ្នកឧកញ៉ា ជឹង សុភាព ហៅ «យាយភូ»។

សូមជម្រាបថា កម្ពុជា ក្នុងនាមជាប្រធានអាស៊ាន ឆ្នាំ២០២២ នឹងធ្វើជាម្ចាស់ផ្ទះ រៀបចំកិច្ចប្រជុំកំពូលអាស៊ានលើកទី៤០ និង ៤១ និងកិច្ចប្រជុំកំពូលពាក់ព័ន្ធ ចាប់ពីថ្ងៃទី១០-១៣ ខែ វិច្ឆិកា ឆ្នាំ២០២២ ខាងមុខនេះ នៅសណ្ឋាគារលំដាប់ផ្កាយ៥ សុខា ភ្នំពេញ, រាជធានីភ្នំពេញ ខណៈដែលថ្នាក់ដឹកនាំកំពូលៗនៃប្រទេសមួយចំនួន នឹងអញ្ជើញធ្វើដំណើរមកកាន់រាជធានីភ្នំពេញ ជាបណ្តើៗចាប់ពីថ្ងៃទី០៨ ខែវិច្ឆិកា ស្អែកនេះតទៅ៕

The post ទឹកបរិសុទ្ធ វីតាល់ របស់អ្នកឧកញ៉ា១រូប ត្រូវបានជ្រើសរើសជាទឹកពិសាផ្លូវការក្នុងកិច្ចប្រជុំកំពូលអាស៊ាន appeared first on .

ភាពជោគជ័យដ៏សំបើម និងធំមហិមារពេលបច្ចុប្បន្ននេះគឺ “វីតាល់” ប្រកាន់យកនូវគោលការណ៍ ៥ ជាតម្លៃស្នូល

ឧកញ៉ាកោះក្របី — Tue, 03 Aug 2021 04:00:27 +0000

មានប្រិយមិត្តជាច្រើនស្គាល់ច្បាស់ពីទឹកបរិសុទ្ធ វីតាល់ ដែលជាម៉ាកល្បីឈ្មោះមួយក្នុងចំណោមក្រុមហ៊ុនផលិតទឹកបរិសុទ្ធឈានមុខគេនៅស្រុកខ្មែរ ជាមួយនឹងគុណភាពខ្ពស់ តម្លៃសមរម្យ ព្រមទាំងបានជួយឧបត្តម្ភជួយដល់សង្គមជាច្រើនតាមរយៈគំនិតផ្តូចផ្តើមនៅកម្មវិធីសប្បុរសធម៌ “មូលនិធិ២៥៛” ។ មានន័យថា រាល់ការពិសាទឹកវីតាល់១ដបរបស់លោកអ្នក គឺបានបរិច្ចាគប្រាក់ចំនួន២៥៛ ជូនមូលនិធិនេះ។

សូមចុច Subscribe Telegram oknha_news នឹងទទួលបានព័ត៌មានពីសកម្មភាពឧកញ៉ា សេដ្ឋកិច្ច ពាណិជ្ជកម្ម និងសហគ្រិនភាព

ក្រុមហ៊ុនផលិតទឹកបរិសុទ្ធ វីតាល់ គ្រប់គ្រងដោយផ្ទាល់ពីកូនស្រីបង្កើតរបស់អ្នកស្រី ជឹង សុភាព ហៅ «យាយភូ» គឺអ្នកឧកញ៉ា ជឹង សុគន្ធាវី ដែលជាអគ្គនាយិកា ហើយក៏ជាអគ្គនាយិកាក្រុមហ៊ុនផលិត មីជាតិ ដែលត្រូវបានផ្តល់គោរមងារជា «អ្នកឧកញ៉ា» នៅដើមខែមករា ឆ្នាំ២០២១នេះ។

ភាពជោគជ័យដ៏សំបើម និងធំមហិមារនៅពេលបច្ចុប្បន្ននេះគឺដោយសារ “វីតាល់” ប្រកាន់យកនូវគោលការណ៍ចំនួន ៥ ដែលជាគុណតម្លៃស្នូលដើម្បីប្រកួតប្រជែងក្នុងទីផ្សារ៖

១.គុណភាព

វីតាល់ បានប្តេជ្ញាចិត្តថា គ្រប់យ៉ាងដែលយើងធ្វើ គឺផ្តោតទៅលើគុណភាពជាចំបង យើងជឿជាក់ថាបុគ្គលិកទាំងអស់នៅក្នុងអង្គភាពមួយ មានតួនាទីសំខាន់ក្នុងការធានាឲ្យបាននូវគុណភាពនៃផលិតផល និងសេវាកម្មរបស់អង្គភាពនោះ។ ដូច្នេះ យើងត្រូវយកចិត្តទុកដាក់ទៅលើរាល់កិច្ចការរបស់យើង ហើយអ្វីដែលយើងធ្វើ គឺយើងប្តេជ្ញាថានឹងធ្វើឲ្យមានគុណភាពល្អបំផុតតាមដែលអាចធ្វើទៅបាន។

២.លទ្ធផលជាចំបង

ការងារគ្រប់យ៉ាង គឺយើងធ្វើដោយមានគោលដៅច្បាស់លាស់ យើងក្លៀវក្លា ហើយគ្រប់ពេលចង់សម្រេចឲ្យបាននូវគោលដៅរបស់យើង។ វីតាល់ បញ្ជាក់ថា យើងលើកទឹកចិត្ត ឲ្យមានការច្នៃប្រឌិតខ្ពស់ បង្កើតយុទ្ធសាស្ត្រ និងយន្តការប្លែកៗដើម្បីសម្រេចគោលដៅរបស់យើងដោយប្រើប្រាស់ពេលវេលា និងធនធានយ៉ាងមានប្រសិទ្ធិភាព។

៣.សុចរិតភាព

យើងធ្វើការងារដែលត្រឹមត្រូវ សុចរិត និងដោយការគោរពគ្នាទៅវិញទៅមក ហើយនិយាយ និងធ្វើការតាមអ្វីដែលយើងជឿជាក់។ យើងមានភាពស្មោះត្រង់ គោរពអ្នកដទៃ ហើយយើងមានឥរិយាបទប្រកបទៅដោយក្រមសីលធម៌ខ្ពស់។

៤.ទំនាក់ទំនង

យើងបើកទូលាយក្នុងការទំនាក់ទំនងប្រកបដោយភាពច្បាស់លាស់ និងសុភវិនិច្ឆ័យ។ វីតាល់ ជឿជាក់លើការចរចារ ជជែកវែកញែក ជាជាងការដាក់គំនាប ហើយផ្តោតសំខាន់លើភាពច្បាស់លាស់ និងគោលបំណងជាក់លាក់នៅក្នុងពេលទំនាក់ទំនងគ្នា។ យើងគោរពសិទ្ធិ និងលើកទឹកចិត្តដល់គ្រប់បុគ្គលិក និងអតិថិជនក្នុងការបញ្ចេញមតិ និងចែករំលែកទស្សនៈរបស់ពួកគេដោយគ្មានដែនកំណត់។

៥.ភាពជាសហគ្រិន

វីតាល់ បានអះអាងថា ខ្លួនមានភាពម្ចាស់ការ និងអភិវឌ្ឍន៍ខ្លួនឲ្យកាន់តែមានប្រសិទ្ធិភាពជាលំដាប់។ យើងមានភាពជាម្ចាស់លើអ្វីដែលយើងធ្វើ និងទទួលខុសត្រូវលើលទ្ធផលរបស់វា។ ស្មារតីសហគ្រិនភាពបំផុសគំនិតយើងឲ្យចេះស្វែងរកដំណោះស្រាយល្អប្រសើរជាងមុនជានិច្ច។ យើងទាមទារឲ្យមានការរៀនសូត្របន្ថែមដោយឥតឈប់ឈរ៕

The post ភាពជោគជ័យដ៏សំបើម និងធំមហិមារពេលបច្ចុប្បន្ននេះគឺ “វីតាល់” ប្រកាន់យកនូវគោលការណ៍ ៥ ជាតម្លៃស្នូល appeared first on .