ក្រុមប្រឹក្សាអភិវឌ្ឍន៍កម្ពុជា នៅថ្ងៃទី២២ ខែមករា ឆ្នាំ២០២៥ បានឱ្យដឹងថា ក្នុងកិច្ចប្រជុំប្រចាំឆ្នាំ២០២៥នេះ វេទិកាសេដ្ឋកិច្ចពិភពលោក គឺនឹងពិភាក្សាលើប្រធានបទ កិច្ចសហការសម្រាប់យុគសម័យឆ្លាតវៃ “Collaboration for the Intelligent Age” ដែលមានការចូលរួមពីថ្នាក់ដឹកនាំប្រមាណ ៣០០០នាក់ ពីជាង ១៣០ប្រទេសនៅទូទាំងពិភពលោក។

វេទិកាសេដ្ឋកិច្ចពិភពលលោក ដែលរៀបចំឡើងក្នុងឆ្នាំ២០២៥ នេះ នឹងជួយជំរុញភាពជាដៃគូ និងការយល់ដឹងថ្មីៗ ដើម្បីអាចរៀបចំផែនការទៅថ្ងៃអនាគតបានប្រកបដោយនិរន្តរភាព និងបរិយាប័ន្ន នៅក្នុងយុគសម័យដែលបច្ចេកវិទ្យាមានភាពជឿនលឿនយ៉ាងឆាប់រហ័ស ដោយផ្តោតលើផ្នែកសំខាន់ៗចំនួន ០៥ រួមមាន ៖ ១. ការប្រមើមើលឡើងវិញនូវកំណើន (Reimagining Growth), ២. ឧស្សាហកម្មក្នុងយុគសម័យឆ្លាតវៃ (Industries in the Intelligent Age), ៣. ការវិនិយោគលើមូលធនមនុស្ស (Investing in People), ៤. ការការពារភពផែនដី (Safeguarding the Planet), និង ៥. ការកសាងទំនុកចិត្តឡើងវិញ (Rebuilding Trust )៕ អត្ថបទ៖ ហ្សាលីន

The post CDC៖ វេទិកាសេដ្ឋកិច្ចពិភពលោក ឆ្នាំ២០២៥ ធ្វើឡើងដោយផ្តោតលើការជំរុញផ្នែកសំខាន់ៗចំនួន ៥ appeared first on .

ក្រុមប្រឹក្សាអភិវឌ្ឍន៍កម្ពុជា បានឱ្យដឹងថា កិច្ចប្រជុំប្រចាំឆ្នាំ២០២៥ នៃវេទិកាសេដ្ឋកិច្ចពិភពលោក  បានធ្វើឡើង ក្រោមប្រធានបទ “កិច្ចសហការសម្រាប់យុគសម័យឆ្លាតវៃ” (Collaboration for The Intelligent Age) ដែលប្រព្រឹត្តទៅនៅក្នុងទីក្រុងដាវ៉ូស ប្រទេសស្វីស​ ចាប់ពីថ្ងៃទី២០ ដល់ថ្ងៃទី២៤ ខែមករា ឆ្នាំ២០២៥។

គួរជម្រាបថា វេទិកាសេដ្ឋកិច្ចពិភពលោក (WEF) គឺជាមូលនិធិមិនស្វែងរកប្រាក់ចំណូល ដែលមានមូលដ្ឋានក្នុងទីក្រុង ហ្សឺណែវ ប្រទេសស្វីស។ បេសកកម្មវេទិកាសេដ្ឋកិច្ចពិភពលោក គឺប្តេជ្ញាជម្រុញវិស័យពាណិជ្ជកម្ម នយោបាយ និងរៀបចំរបៀបវារៈ នៃកិច្ចប្រជុំផ្តោតលើវិស័យឧស្សាហកម្មថ្នាក់តំបន់ និងពិភពលោក។

សូមរម្លឹកដែរថា ជាការកត់សម្គាល់ កាលពីដើមឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ធ្លាប់បានអញ្ជើញចូលរួមកិច្ចប្រជុំប្រចាំឆ្នាំរបស់វេទិកាសេដ្ឋកិច្ចពិភពលោកនេះម្ដងរួចមកហើយ នៅទីក្រុងដាវ៉ូស-ក្លូស្ទ័រ ប្រទេសស្វីស៕ អត្ថបទ៖ ហ្សាលីន

The post លោក ស៊ុន ចាន់ថុល ធ្វើជាតំណាងសម្តេចធិបតី ចូលរួមវេទិកាសេដ្ឋកិច្ចពិភពលោក នៅប្រទេសស្វីស appeared first on .

WEF ដែលត្រូវបានគេស្គាល់យ៉ាងទូលំទូលាយថាជាស្ថាប័នរៀបចំកិច្ចប្រជុំប្រចាំឆ្នាំដ៏ធំបំផុតមួយ នៃបណ្តាឥស្សរជនល្បីល្បាញជុំវិញពិភពលោកដែលមានទ្រព្យសម្បត្តិ និងមានឥទ្ធិពល នៅទីក្រុង Davos ប្រទេសស្វីស បាននិយាយកាលពីថ្ងៃអង្គារ ទី២១ ខែឧសភាកន្លងទៅថា លោក Schwab នឹងផ្លាស់ប្តូរពីតំណែងជានាយកប្រតិបត្តិ ទៅជាប្រធានក្រុមប្រឹក្សាភិបាលវិញ នៅក្នុងពេលឆាប់ៗខាងមុខនេះ។

ជុំវិញការចាកចេញរបស់លោក Schwab ពីតំណែងខាងលើនេះ ខាង WEF ហាក់នៅមិនទាន់បានធ្វើការបញ្ជាក់ច្បាស់លាស់ ថានរណានឹងត្រូវចូលមកកាន់តំណែងនេះវិញនៅឡើយទេ។ ប៉ុន្តេយ៉ាងណា វាត្រូវបានគេយល់ឃើញថា លោក Borge Brende ដែលបច្ចុប្បន្នកំពុងកាន់តំណែងជាប្រធាន និងធ្លាប់ជាអតីតរដ្ឋមន្ត្រីការបរទេសន័រវេសផងនោះ អាចនឹងចូលមកជំនួសលោក Schwab។

ជម្រាបជូនផងដែរថា វេទិកាសេដ្ឋកិច្ចពិភពដែលមានមូលដ្ឋាននៅទីក្រុងហ្សឺណែវ ប្រទេសស្វីសនេះ បច្ចុប្បន្នមានបុគ្គលិកសរុបប្រហែល ៨០០ នាក់នៅទូទាំងពិភពលោក និងទទួលបានប្រាក់ចំណូលប្រចាំឆ្នាំចំនួនប្រមាណ ៤៤៧លានដុល្លារ នៅក្នុងឆ្នាំសារពើពន្ធចុងក្រោយនេះ។ ស្របពេលស្ថាប័នដ៏ធំនេះ បាននិយាយថា ខ្លួនបាននិងកំពុងផ្លាស់ប្តូរពីវេទិកាប្រជុំ ទៅជាវេទិកាឈានមុខគេនៅលើពិភពលោក សម្រាប់បម្រើដល់កិច្ចសហប្រតិបត្តិការរវាងវិស័យសាធារណៈ និងឯកជន៕

The post ស្ថាបនិកវេទិកាសេដ្ឋកិច្ចពិភពលោក លោក Schwab ប្រកាសលែលាងពីតំណែងជា CEO appeared first on .

ក្រោមទស្សនាទានការទូតសេដ្ឋកិច្ច និងគោលនយោបាយទាក់ម៉ូយដែលសម្តេចធិបតី ហ៊ុន ម៉ាណែត បានដាក់ចេញគឺជាសក្ខីភាពថ្មីមួយនៃការប្តេជ្ញាជំរុញការធ្វើពិពិធកម្មសេដ្ឋកិច្ច ពាណិជ្ជកម្ម វិនិយោគ អមដោយក្រុមអ្នកឧកញ៉ា ឧកញ៉ា ម្ចាស់ក្រុមហ៊ុនធំៗនៅកម្ពុជាច្រើនរូប ដើម្បីបើកផ្លូវពាណិជ្ជកម្មឱ្យកាន់តែទូលំទូលាយជាមួយនឹងអឺរ៉ុបបន្ថែមលើអ្វីដែលកំពុងតែមានស្រាប់។

ដោយឡែក មុនចូលរួមវេទិកាសេដ្ឋកិច្ចពិភពលោកលើកទី៥៤ នៅទីក្រុងដាវ៉ុស សម្តេចធិបតី ហ៊ុន ម៉ាណែត អមដំណើរដោយអ្នកឧកញ៉ា សៀ ឬទ្ធី អនុប្រធានសមាគមឧកញ៉ាកម្ពុជា និងមន្រ្តីជាន់ខ្ពស់រាជរដ្ឋាភិបាលកម្ពុជា បានជួបពិភាក្សាការងារជាមួយថ្នាក់ដឹកនាំនៃក្រុមហ៊ុនធំៗ ថ្នាក់ដឹកនាំក្រសួងស្ថាប័ននៃបណ្តាប្រទេសមួយចំនួនដែលមានវត្តមាននៃវេទិកាសេដ្ឋកិច្ចពិភពលោក (WEF) ក្នុងគោលបំណងបង្ហាញអំពីកាលានុវត្តភាពថ្មីៗ និងទាក់ទាញវិនិយោគិនដើម្បីមកបណ្តាក់ទុនវិនិយោគនៅក្នុងប្រទេសកម្ពុជា។

អ្នកឧកញ៉ា សៀ ឬទ្ធី អគ្គនាយកក្រុមហ៊ុន វើលប៊្រីដគ្រុប និងជាម្ចាស់អគារខ្ពស់កប់ពពក The Bridge នៅខាងត្បូងស្ថានទូតអូស្រ្តាលី ជានិច្ចកាលតែងតែអមដំណើរមេដឹកនាំកម្ពុជាចូលរួមគោះទ្វារវិនិយោគនៅបណ្តាប្រទេសលើពិភពលោកដើម្បីបង្ហាញអំពីសក្តានុពលប្រទេសកម្ពុជាក្នុងការទាញចំណាប់អារម្មណ៍វិនិយោគិនបរទេសមករកស៊ី។ បច្ចុប្បន្នអ្នកឧកញ៉ាមានតួនាទីជាអនុប្រធានសមាគមឧកញ៉ាកម្ពុជា ទទួលបន្ទុកដឹកនាំទំនាក់ទំនងសាធារណៈ និងអន្តរជាតិ ដែលមានអ្នកឧកញ៉ា លី យ៉ុងផាត់ ជាប្រធាន។

សូមជម្រាបជូនថា វេទិកាសេដ្ឋកិច្ចពិភពលោក World Economic Forum ដែលជាអង្គការអន្តរជាតិសម្រាប់កិច្ចសហប្រតិបត្តិការសាធារណៈ និងឯកជន បង្កើតឡើងតាំងពីឆ្នាំ១៩៧១ ត្រូវបានរាជរដ្ឋាភិបាលកម្ពុជាបានចាត់ទុកជាដៃគូមួយដ៏សំខាន់តាំងតែពីឆ្នាំ២០១៧ ហើយកម្ពុជាក៏ធ្លាប់ទទួលធ្វើជាម្ចាស់ផ្ទះរៀបចំវេទិកាសេដ្ឋកិច្ចពិភពលោកម្តងរួចមកហើយ ស្តីពីអាស៊ាន នៅរាជធានីភ្នំពេញ កាលពីឆ្នាំ២០១៧ផងដែរ៕

The post អ្នកឧកញ៉ាម្ចាស់អគារខ្ពស់កប់ពពកខាងត្បូងស្ថានទូតអូស្រ្តាលី អមដំណើរសម្តេចធិបតី ហ៊ុន ម៉ាណែត ជួបថ្នាក់ដឹកនាំក្រុមហ៊ុនធំៗនៅស្វីស appeared first on .

ក្នុងឱកាសនៃជំនួបនោះ ប្រធានអគ្គនាយកក្រុមហ៊ុន Wilmar International Group បានបង្ហាញអំពីគោលបំណងរបស់ក្រុមហ៊ុន ក្នុងការស្វែងរកឱកាសវិនិយោគលើវិស័យកសិកម្មនៅកម្ពុជា ដោយផ្តោតលើដំណាំស្រូវ និងអំពៅ ក្នុងខ្សែច្រវាក់ផលិតកម្មទាំងមូល រាប់ទាំងការដាំដុះ, ការប្រមូលផល, ការកែច្នៃ, ការវេចខ្ចប់ និងការនាំចេញទៅកាន់ទីផ្សារអន្តរជាតិ។

ជាការឆ្លើយតប សម្តេចធិបតី បានបង្ហាញនូវការស្វាគមន៍ចំពោះបំណងរបស់ក្រុមហ៊ុនក្នុងការបណ្តាក់ទុនវិនិយោគលើវិស័យកសិកម្មនៅកម្ពុជា ដែលជាវិស័យមួយប្រកបដោយសក្តានុពល និងជាវិស័យអាទិភាពរបស់រាជរដ្ឋាភិបាល អាណត្តិទី៧ ដើម្បីលើកកម្ពស់ជីវភាពរស់នៅរបស់ប្រជាជនកម្ពុជាឱ្យកាន់តែប្រសើរឡើង។

សូមជម្រាបជូនថា ក្រុមហ៊ុន Wilmar International Group គឺជាក្រុមហ៊ុនដែលមានធុរកិច្ចចម្បង ក្នុងវិស័យកសិកម្ម និងត្រូវបានបង្កើតឡើងក្នុងឆ្នាំ១៩៩១ នៅប្រទេសសិង្ហបុរី ។ សព្វថ្ងៃ ក្រុមហ៊ុន Wilmar International Group គឺជាក្រុមហ៊ុនឈានមុខគេមួយនៅអាស៊ី ហើយក្រុមហ៊ុនមានបច្ចេកទេសខ្ពស់ក្នុងវិស័យកសិកម្ម រាប់ចាប់ពីការដាំដុះ, ការកែច្នៃ, ការវេចខ្ចប់, ការផ្គត់ផ្គង់ និងការចែកចាយយ៉ាងទូលំទូលាយ ហើយផលិតផលចម្បងរបស់ក្រុមហ៊ុន មានដូចជា ប្រេងដូង ប្រេងធញ្ញជាតិ ម្សៅ និងស្ករ ជាដើម៕

The post ក្រុមហ៊ុនកសិកម្ម Wilmar ស្វែងរកឱកាសវិនិយោគលើដំណាំស្រូវ និងអំពៅនៅកម្ពុជា appeared first on .

ពិធីដ៏មានអត្ថន័យនោះក៏មានការអញ្ជើញចូលរួមពីវាគ្មិនសេដ្ឋកិច្ច មកពីសឹង្ហបុរី ម៉ាឡេស៊ី ឥណ្ឌូនេស៊ី អឺរ៉ុប ក្រោមការដឹកនាំសម្របសម្រួលរបស់វេទិកាសេដ្ឋកិច្ចពិភពលោក។

នៅក្នុងវេទិកាដ៏មានសារសំខាន់នោះ វាគ្មិនទាំងអស់បានធ្វើការពិភាក្សាទៅលើប្រធានបទ ស្តីពីទិដ្ឋភាពយុទ្ធសាស្រ្ត ស្តីពីអាស៊ាន ពិសេសពាក់ព័ន្ធទៅនិងវិបត្តិស្បៀងអាហារ សន្តិសុខថាមពល បម្រែបម្រួលអាកាសធាតុ និង វិបត្តិនៃសង្រ្គាមរវាងរុស្សី និងអ៊ុយក្រែង រួមទាំងបញ្ហាពាក់ព័ន្ធដទៃទៀត។

នៅក្នុងរបៀបវារៈដែលបានគ្រោងទុក វាគ្មិនសេដ្ឋកិច្ចមកពីសឹង្ហបុរី ម៉ាឡេស៊ី ឥណ្ឌូនេស៊ី និងសហភាពអឺរ៉ុប មានចំណាប់អារម្មណ៍ទៅលើរបៀបវារៈដែលបានគ្រោងទុក និងប្រធានបទ ការស្តារសន្តិភាព និងសណ្តាប់ធ្នាប់ឡើងវិញ។

បន្ទាប់ពីចំណាប់អារម្មណ៍ពីបណ្តាវាគ្មិនសេដ្ឋកិច្ចដែលទាក់ទិនទៅនិងបញ្ហាសន្តិសុខស្បៀងនិងថាមពល បម្រែបម្រួល អាកាសធាតុ បញ្ហាសង្រ្គាមរវាងរុស្សី និងអ៊ុយក្រែង ប្រកបដោយអត្ថន័យនិងខ្លឹមសារ ដែលគ្របដណ្តប់នៅក្នុងវេទិកាសេដ្ឋកិច្ចពិភពលោករួមមក សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះ រាជាណាចក្រកម្ពុជា និងក្នុងនាមជាប្រធានអាស៊ាន ឆ្នាំ២០២២ អញ្ជើញឆ្លើយតបទៅនិងសំណួរ នៃអ្នកសម្របសម្រួលកម្មវិធីទាក់ទិនទៅនិងវិបត្តិនៅអ៊ុយក្រែន ការបម្រែបម្រួលអាកាសធាតុ ក្រុមប្រទេសឧស្សាហកម្ម២០ រួមទាំងបញ្ហាសកលមួយចំនួនទៀត៕

The post សម្តេច ហ៊ុន សែន អញ្ជើញថ្លែងសុន្ទរកថា ក្នុងកម្មវិធីពិភាក្សាក្រោមប្រធានបទ ទិដ្ឋភាពយុទ្ធសាស្រ្តស្តីពីអាស៊ាននិងតួនាទីជាប្រធានអាស៊ានរបស់កម្ពុជា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោក សុខ ចិន្តសោភា រដ្ឋមន្រ្តីប្រតិភូអមឧបនាយករដ្ឋមន្រ្តី អគ្គលេខាធិការក្រុមប្រឹក្សាអភិវឌ្ឍន៍កម្ពុជា បានស្នើសុំឲ្យតួអង្គពាក់ព័ន្ធទាំងអស់ចូលរួមប្រើប្រាស់ប្រព័ន្ធទិន្នន័យនេះឲ្យបានទូលំទូលាយ ដោយសង្ឃឹមថា អ្នកវិនិយោគនិងក្រុមហ៊ុនបរទេសនឹងមើលឃើញថា កម្ពុជាកំពុងបង្កើតនូវបរិស្ថានវិនិយោគដែលស្វាគមន៍វត្តមានរបស់ពួកគេ និងខិតខំជម្រុញការវិនិយោគដែលមានទង្វើធុរកិច្ចប្របកដោយការទទួលខុសត្រូវ និងចីរភាព។

លោកបណ្ឌិត ម៉ាធូ ស្តេហ្វិនសុន នាយកគោលនយោបាយ និងសហគមន៍នៃនាយកដ្ឋានវិនិយោគ និងពាណិជ្ជកម្មអន្តរជាតិនៃវេទិកាសេដ្ឋកិច្ចពិភពលោក បានលើកឡើងដែលថា ក្រុមហ៊ុនបរទេសដែលស្វែងរកការវិនិយោគអនុលោមតាមគោលការណ៍បរិស្ថាន សង្គម និងអភិបាលកិច្ច (ESG) អាចបោះទុនវិនិយោគនៅកម្ពុជា ជាមួយក្រុមហ៊ុនក្នុងស្រុកដែលកំពុងប្រតិបត្តិការប្រកបដោយចីរភាព ហើយក្រុមហ៊ុនកម្ពុជាដទៃទៀតអាចបង្វែរការតម្រង់ទិសប្រតិបត្តិការធុរកិច្ចរបស់ខ្លួនទៅរកការអភិវឌ្ឍន៍ប្រកបដោយចីរភាពកាន់តែច្រើនឡើងថែមទៀត ដើម្បីទាក់ទាញការធ្វើធុរៈកិច្ចគ្នាជាមួយនឹងក្រុមហ៊ុនបរទេស សំដៅលើកកម្ពស់ការធ្វើសន្ធានកម្មខ្សែច្រវ៉ាក់ផ្គត់ផ្គង់តំបន់ និងសកលលោក។

ការជ្រើសរើសកម្ពុជា ជាដៃគូពិភាក្សារបស់វេទិកាសេដ្ឋកិច្ចពិភពលោកលើការផ្តល់កិច្ចសម្របសម្រួលវិនិយោគសម្រាប់ការអភិវឌ្ឍន៍ប្រកបដោយចីរភាព គឺឈរលើមូលដ្ឋានរឹងមាំរបស់កម្ពុជា ដែលមានគោលនយោបាយបើកចំហរដ៏ប្រសើរចំពោះការវិនិយោគ។ ដោយមានហេតុផលចំនួន ៣ ដែលវេទកាសេដ្ឋកិច្ចពិភពលោកសម្រេចជ្រើសរើសកម្ពុជា ជាដៃគូរក្នុងដំណើរការ រួមមាន៖

ទី១ កម្ពុជាសម្រេចបាននូវភាពជោគជ័យដ៏ធំធេងក្នុងការទាក់ទាញវិនិយោគផ្ទាល់ពីបរទេស ក្នុងកំណើនគួរឲ្យមោទនៈជាមធ្យមប្រមាណជាង ៥០% ចាប់ពីឆ្នាំ២០០៥ មកដល់ពេលបច្ចុប្បន្ន ហើយវិធានការផ្តល់កិច្ចសម្រួលវិនិយោគបានដើរតួនាទីសំខាន់ក្នុងការសម្រេចបាននូវជោគជ័យ។

ទី ២ នៅពេលដែលកម្ពុជាត្រូវការការអភិវឌ្ឍន៍ស្របតាមកំណើនសេដ្ឋកិច្ចប្រមាណជា ៧% តាំងពីឆ្នាំ២០១១មក បទពិសោធន៍របស់កម្ពុជា ក្នុងការធ្វើអានុភាវូបនីយកម្មការវិនិយោគសម្រាប់ការអភិវឌ្ឍន៍អាចជួយប្រទេសផ្សេងទៀតក្នុងការៀនសូត្រពីជ្រុងសំខាន់ៗ នៃការអភិវឌ្ឍន៍ពាក់ព័ន្ធនឹងកិច្ចសម្រួលវិនិយោគនៅកម្ពុជា។

ទី៣ កម្ពុជា បានក្រសោបយកនូវកិច្ចសហការធ្វើការរួមគ្នារវាងរាជរដ្ឋាភិបាលនិងផ្នែកឯកជនតាមរយៈវេទិការាជរដ្ឋាភិបាល-ផ្នែកឯកជន។

ឈរលើមូលដ្ឋានខាងលើនេះ វេទិកាសេដ្ឋកិច្ចពិភពលោក និងកម្ពុជា បានធ្វើការរួមគ្នាដើម្បីចែករំលែកនូវរបកគំហើញនិងឧត្តម្មានុវត្តស្តីពីការផ្តល់កិច្ចសម្រួលវិនិយោគ ជាពិសេសដំណើរការនៃការរៀបចំប្រព័ន្ធទិន្នន័យស្តីពីសន្ធានកម្មខ្សែច្រវ៉ាក់ផ្គត់ផ្គង់សំដៅផ្តល់កិច្ចសម្រួលវិនិយោគសម្រាប់អភិវឌ្ឍន៍ចីរភាពជាមួយប្រទេសដទៃទៀត ក្នុងក្របខណ្ឌអង្គការពាណិជ្ជកម្មពិភពលោក និងក្របខណ្ឌតំបន់ដទៃទៀត៕

The post ហេតុផលសំខាន់ៗចំនួន ៣ ដែលជ្រើសរើសកម្ពុជា ជាដៃគូពិភាក្សារបស់វេទិកាសេដ្ឋកិច្ចពិភពលោក appeared first on .