លោក វ៉ាង យី បានគូសបញ្ជាក់ថា ក្នុងស្ថានភាពដែលការប្រកួតប្រជែងមហាអំណាចកាន់តែស្រួចស្រាល់ សហគមន៍អន្តរជាតិត្រូវតែរួមគ្នាការពារ និងគោរពនូវតួនាទីដឹកនាំរបស់អង្គការសហប្រជាជាតិ ជាជាងការធ្វើការប្រឆាំង ឬព្យាយាមបង្កើតយន្តការស្របគ្នាមកជំនួសឡើយ។

លោកព្រមានថា ការបង្កើតបក្សពួកនិយមក្រៅប្រព័ន្ធអង្គការសហប្រជាជាតិ មានតែធ្វើឱ្យតុល្យភាពអំណាចសកលកាន់តែមានភាពរង្គោះរង្គើ និងបង្ករឱ្យមានការបែកបាក់តែប៉ុណ្ណោះ។

ប្រមុខការទូតចិនរូបនេះ ក៏បានសង្កត់ធ្ងន់ៗថា អង្គការសហប្រជាជាតិខ្លួនឯងក៏ត្រូវតែដើរឱ្យទាន់សម័យកាល តាមរយៈការកែលម្អប្រព័ន្ធអភិបាលកិច្ច និងធ្វើការកែទម្រង់ដើម្បីសម្របខ្លួនទៅនឹងសក្ដានុពលនៃការប្រែប្រួលនៅក្នុងសតវត្សរ៍ទី ២១។ ជាពិសេស អង្គការសហប្រជាជាតិគួរតែបង្កើនតំណាង និងសម្លេងរបស់ប្រទេសកំពុងអភិវឌ្ឍន៍ ដើម្បីឆ្លុះបញ្ចាំងពីតថភាពនយោបាយសកល និងបង្កើតឱ្យមានតុល្យភាពអំណាចមួយដែលប្រកបដោយសមធម៌ និងបរិយាប័ន្នពិតប្រាកដ៕

The post ប្រមុខការទូតចិន៖ ការបង្កើតបក្សពួកក្រៅប្រព័ន្ធ UN គឺជាការដើរថយក្រោយ និងបង្កឱ្យបែកបាក់គ្នា appeared first on .

សេចក្តីប្រកាសព័ត៌មានរបស់ក្រសួងការបរទេស បានបញ្ជាក់ថា ក្នុងអំឡុងពេលទស្សនកិច្ចនេះ លោក វ៉ាង យី នឹងចូលក្រាបបង្គំគាល់ព្រះមហាក្សត្រកម្ពុជា នៅព្រះបរមរាជវាំង ព្រមទាំងអញ្ជើញចូលជួបសម្តែងការគួរសមដាច់ដោយឡែកចំពោះសម្តេចតេជោ ហ៊ុន សែន នាយករដ្ឋមន្រ្តី និងឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីចាត់តាំងកម្ពុជា។

បើតាមក្រសួងការបរទេសកម្ពុជា កិច្ចពិភាក្សានឹងផ្តោតលើបញ្ហាមួយចំនួនពាក់ព័ន្ធនឹងកិច្ចសហប្រតិបត្តិការទ្វេភាគី និងពហុភាគី ដែលឆ្លុះបញ្ចាំងអំពីវិស័យអាទិភាពរួម។

បន្ថែមពីនេះ លោក វ៉ាង យី នឹងមានជំនួបដាច់ដោយឡែកជាមួយ លោក ប្រាក់ សុខុន ឧបនាយករដ្ឋមន្ត្រី រដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ និងលោក សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្រ្តី និងជាអគ្គលេខាធិការ នៃក្រុមប្រឹក្សាអភិវឌ្ឍន៍កម្ពុជា។ ជំនួបនឹងគ្របដណ្ដប់លើទិដ្ឋភាពចម្រុះនៃកិច្ចសហប្រតិបត្តិការ ក្នុងក្របខ័ណ្ឌទ្វេភាគីនិងពហុភាគី ដែលជាផលប្រយោជន៍ទៅវិញទៅមកនៃប្រទេសទាំងពីរ។

ក្រសួងការបរទេសបានបញ្ជាក់បន្ថែមទៀតថា ​ដំណើរទស្សនកិច្ចនាពេលខាងមុខនេះប្រព្រឹត្តទៅ ស្របពេលជាមួយនឹងការប្រារព្ធខួបអនុស្សាវរីយ៍លើកទី៦៥ឆ្នាំ នៃទំនាក់ទំនងការទូត និងឆ្នាំមិត្តភាពរវាងកម្ពុជានិងចិន។ ដំណើរទស្សនកិច្ចនេះ នឹងរួមចំណែកបន្ថែមទៀតក្នុងការពង្រឹងនូវកិច្ចសហប្រតិបត្តិការនៃភាពជាដៃគូយុទ្ធសាស្ត្រគ្រប់ជ្រុងជ្រោយ ពង្រឹងសហគមន៍វាសនារួមប្រកបដោយគុណភាពខ្ពស់ កម្រិតខ្ពស់ និងស្ដង់ដារខ្ពស់ លើកកម្ពស់ក្របខណ្ឌកិច្ចសហប្រតិបត្តិការត្បូងពេជ្រ ព្រមទាំងជំរុញកិច្ចសហប្រតិបត្តិការនៅក្នុងវេទិកាតំបន់និងអន្តរជាតិ ដើម្បីជាផលប្រយោជន៍ទៅវិញទៅមក សម្រាប់ប្រទេសនិងប្រជាជនទាំងពីរ៕

The post តើលោក វ៉ាង យី ដែលនឹងមកបំពេញទស្សនកិច្ចនៅកម្ពុជាជួបឥស្សរជនកំពូលណាខ្លះ? appeared first on .

បើយោងតាមប្រព័ន្ធផ្សព្វផ្សាយរដ្ឋចិនបានចុះផ្សាយនៅអង្គារ ទី២៥កក្កដានេះ ការដកតំណែងលោក Qin Gang ត្រូវបានដាក់ជំនួសមកវិញដោយអ្នកការទូតជើងចាស់ដ៏មានបទពិសោធន៍ដែលមានវ័យ ៦៩ឆ្នាំ គឺលោក វ៉ាង យី ដែលជាអតីតរដ្ឋមន្រ្តីការបរទេសចិន នៅចន្លោះឆ្នាំ២០១៨ និងឆ្នាំ២០២២។

លោក Qing Gang ជិះពីក្រោយប្រធានាធិបតីចិន

លោក Qin Gang ជាសមាជិកក្រុមប្រឹក្សាកិច្ចការរដ្ឋនិងជារដ្ឋមន្ត្រីការបរទេសចិន អតីតអគ្គរដ្ឋទូតចិនប្រចាំនៅអាម៉េរិក ចាប់តាំងពីឆ្នាំ២០១៣ រហូតមកដល់ខែធ្នូ ឆ្នាំ២០២២ ត្រូវបានតែងតាំងជារដ្ឋមន្រ្តីការបរទេសចិនជំនួសលោកវ៉ាង យី​ ដែលទទួលការងារជាមន្ត្រីជាន់ខ្ពស់ចិន ​ទទួលកិ​ច្ចការបរទេស​។

លោក វ៉ាង យី ក៏ជាទីប្រឹក្សារដ្ឋចិន និងជាសមាជិកគណៈកម្មាធិការ មជ្ឈិមលើកទី១៧ រហូតដល់លើកទី១៩ នៃគណបក្សកុម្មុយនិស្ដចិនផងដែរ៕

The post ចិនដកតំណែងលោក Qin Gang ចេញពីរដ្ឋមន្រ្តីការបរទេស ដាក់ជំនួសអ្នកការទូតជើងចាស់ធ្លាប់កម្ពុជាច្រើនលើក appeared first on .

ទីប្រឹក្សារដ្ឋ និងជារដ្ឋមន្ត្រីការបរទេសចិន លោក វ៉ាង យី បានធ្វើ​ដំណើរ​មកដល់​ទីក្រុង​ភ្នំពេញ កាលពី​ថ្ងៃទី​២ ខែសីហា ឆ្នាំ​២០២២ ដើម្បី​ចូលរួម​កិច្ចប្រជុំ​រដ្ឋមន្ត្រីការបរទេស​អាស៊ាន លើក​ទី​៥៥ និង​កិច្ចប្រជុំ​ពាក់ព័ន្ធ (55th AMM and Related Meetings) ដែលកម្ពុជា​ធ្វើជា​ម្ចាស់ផ្ទះ។

The post ឧត្តមសេនីយ៍ឯក ហ៊ុន ម៉ាណែត ជួបសំណេះសំណាលនិងសម្តែងការគួរសមជាមួយឯកឧត្តម វ៉ាង យី រដ្ឋមន្ត្រីការបរទេសចិន appeared first on .

នៅក្នុងកិច្ចប្រជុំទ្វេភាគី ប្រមុខការទូតកម្ពុជា និងទីប្រឹក្សារដ្ឋចិន ភាគីទាំងព​ីរបានបន្តប្តេជ្ញាកសាងភាពធន់ទប់ទល់នឹងជំងឺកូវីដ-១៩ ពង្រឹងការងើបឡើងវិញនៃសេដ្ឋកិច្ច និងទេសចរណ៍ លើកស្ទួយការអភិវឌ្ឍហេដ្ឋារចនាសម្ព័ន្ធ ក៏ដូចជាកិច្ចសហប្រតិបត្តិការផ្នែកថាមពល និងបច្ចេកទេសជាដើម។ បើតាមប្រមុខការទូតកម្ពុជា លោក ប្រាក់ សុខុន កម្ពុជាតែងតែវាយតម្លៃខ្ពស់ចំពោះការគាំទ្រ និងមិត្តភាពដ៏គង់វង្សរបស់មិត្តចិន។

លោកថ្លែងថា ទោះបីជាការធ្វើដំណើរអន្តរជាតិនៅតែជាបញ្ហាប្រឈមសម្រាប់ប្រទេសជាច្រើនក៏ដោយ វិធានការរឹតបន្តឹងការធ្វើដំណើររបស់កម្ពុជា និងចិនគឺមានភាពធូរស្រាលច្រើនដែរហើយ ដោយសារតែរដ្ឋាភិបាលទាំងពីរបានធ្វើយុទ្ធនាការចាក់វ៉ាក់សាំងទាន់ពេលវេលា និងមានប្រសិទ្ធភាពខ្ពស់។

ក្រសួងពាណិជ្ជកម្មកម្ពុជា បានឱ្យដឹងថា រយៈពេលចំនួន១០ខែក្នុងឆ្នាំ២០២១នេះ ទំហំពាណិជ្ជកម្មទ្វេភាគីរវាងចិននិងកម្ពុជាមានចំនួនទឹកប្រាក់កើនរហូតដល់៨៩៣១លានដុល្លារអាមេរិក មានកំណើន៣៨.៥៦%បើធៀបនឹងរយៈពេលដូចគ្នាកាលពីឆ្នាំ២០២០។ ក្នុងនោះ ទំហំនៃការនាំចេញរបស់កម្ពុជាទៅកាន់ប្រទេសចិនមានចំនួនប្រមាណ១២២២លានដុល្លារអាមេរិក មានកំណើន៤៩%បើធៀបនឹងរយៈពេលដូចគ្នាកាលពីឆ្នាំ២០២០។

ដោយឡែក ទំហំនៃការនាំចូលពីប្រទេសចិនមកកាន់កម្ពុជាវិញ មានចំនួនប្រហែល៧៧០៩លានដុល្លារអាមេរិក មានកំណើន៣៧%បើធៀបនឹងរយៈពេលដូចគ្នាកាលពីឆ្នាំ២០២០។

លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្ម បានបង្ហាញថា ពាណិជ្ជកម្មទ្វេភាគីរវាងកម្ពុជា-ចិនមានកំណើនកើនឡើងទោះបីជាស្ថិតក្នុងបរិបទជំងឺកូវីដ១៩ក៏ដោយ ដែលបង្ហាញឱ្យឃើញពីភាពខ្លាំងក្លានិងមានកម្លាំងឥទ្ធិពលនៃកិច្ចសហប្រតិបត្តិការសេដ្ឋកិច្ចនិងពាណិជ្ជកម្មរវាងប្រទេសទាំងពីរ៕

The post ប្រមុខការទូតកម្ពុជា ជួបទីប្រឹក្សារដ្ឋចិន វ៉ាង យី ពិភាក្សាលើការពង្រឹងការងើបឡើងវិញនៃសេដ្ឋកិច្ច និងទេសចរណ៍ appeared first on .

សម្តេចតេជោបានបញ្ជាក់ថានៅក្នុងជំនួបថា សម្តេចបានលើកបញ្ហាកសិផលជាមួយ លោក វ៉ាង យី ស្ដីពីការនាំកសិផលកម្ពុជាត្រង់ទៅកាន់ប្រទេសចិន ដែលក្នុងនោះដូចជាមានប៉ៃលិនជាដើម។ សម្តេចតេជោមានប្រសាសន៍ថា ចិនកំពុងបើកទូលាយទីផ្សារ ហើយ នៅពេលដែលកិច្ចព្រមព្រៀងពាណិជ្ជកម្មកម្ពុជា- ចិន ដែលនឹងចូលជាធរមាននៅពេលខាងមុខ យើងនឹងអាចប្រើប្រាស់ទីផ្សាររបស់ចិន និងទទួលបានផលប្រយោជន៍ពីទីផ្សាររបស់ចិន។ រាជរដ្ឋាភិបាលកម្ពុជា នឹងប្រឹងប្រែងឱ្យអស់លទ្ធភាព ជាមួយនឹងការប្តេជ្ញាជួយពីមិត្តចិន។

ជាការឆ្លើយតបនឹងការលើកឡើងនេះ លោក វ៉ាង យី បានថ្លែងថា ការលំបាករបស់ប្រជាជនកម្ពុជា គឺជាការលំបាករបស់ប្រជាជនចិន យើងនឹងពួតដៃគ្នាជាមួយប្រទេសកម្ពុជា ដើម្បីជួយកម្ពុជាឱ្យបានកាន់តែច្រើន។ លោក អះអាងថា ចិននឹងគាំទ្រវិស័យកសិកម្មនៅកម្ពុជា។

បើតាមការបញ្ជាក់ពីលោក ទីប្រឹក្សារដ្ឋចិនដ៏មានអំណាចរូបនេះថា ប្រទេសចិននឹងនាំចូលផលិតផលកសិកម្មពីប្រទេសកម្ពុជាទៅកាន់ទីផ្សារចិនឱ្យបានច្រើន ដើម្បីនាំមកនូវផលប្រយោជន៍កាន់តែច្រើនសម្រាប់កសិករកម្ពុជា។

សូមបញ្ជាក់ថា សម្តេចតេជោ ហ៊ុន សែន និង លោក វ៉ាង យី កាលពីថ្ងៃទី១២ ម្សិលមិញ បានចូលរួមជាអធិបតី ក្នុងពិធីចុះហត្ថលេខារវាងកម្ពុជា-ចិន នៅវិមានសន្តិភាព លើឯកសារចំនួន០៦រួមមាន៖

ទី១៖ លិខិតប្រគល់-ទទួល សម្ភារមនុស្សធម៌ក្នុងវិស័យបោសសម្អាតមីន ដោយ ឯកឧត្ដម ទេសរដ្ឋមន្ត្រី លី ធុជ និង ឯកឧត្ដម វ៉ាង វិនធៀន (WANG Wentian) ឯកអគ្គរដ្ឋទូតចិនប្រចាំកម្ពុជា។

ទី២៖ កិច្ចព្រមព្រៀងសហប្រតិបត្តិការស្តីអំពីការគាំទ្រមន្ទីរពេទ្យដៃគូរ រវាងគណៈកម្មាធិការសុខាភិបាលជាតិ នៃសាធារណរដ្ឋប្រជាមានិតចិន និងក្រសួងសុខាភិបាល នៃព្រះរាជាណាចក្រកម្ពុជា ដោយ ឯកឧត្ដម ម៉ម ប៊ុនហេង និងឯកឧត្ដម វូ ហ្សីនហាវ ( Wu Jianghao) ឧបការីរដ្ឋមន្ត្រីក្រសួងការបរទេស នៃសាធារណរដ្ឋប្រជាមានិតចិន។

ទី៣៖ លិខិតប្រគល់-ទទួលបរិក្ខារ ដើម្បីប្រយុទ្ធប្រឆាំងនឹងជំងឺរាតត្បាត រវាងរដ្ឋាភិបាល នៃសាធារណរដ្ឋប្រជាមានិតចិន និងរាជរដ្ឋាភិបាល នៃព្រះរាជាណាចក្រកម្ពុជា ដោយ ឯកឧត្ដម ម៉ម ប៊ុនហេង និង ឯកឧត្ដម គៀន ខឹមីង (H.E. Qian Keming) អនុរដ្ឋមន្ត្រីក្រសួងពាណិជ្ជកម្ម នៃសាធារណរដ្ឋប្រជាមានិតចិន។

ទី៤៖ កិច្ចព្រមព្រៀងសហប្រតិបត្តិការសេដ្ឋកិច្ច និងបច្ចេកទេសស្តីពីការផ្តល់ហិរញ្ញប្បទានឥតសំណង ចំនួន១,៧៥០,០០០,០០០យ័នចិន (ប្រមាណ ២៧០លានដុល្លារអាមេរិក) ដោយ ឯកឧត្ដម វង្សី វិស្សុត និងលោក ដេង បូគិង (Deng Boqing) អនុប្រធានភ្នាក់ងារអភិវឌ្ឍន និងសហប្រតិបត្តិការអន្តរជាតិ។

ទី៥៖ លិខិតប្រគល់-ទទួលថវិកាចំនួន ២,៥លានដុល្លារអាមេរិក ជូនរាជរដ្ឋាភិបាលកម្ពុជា សម្រាប់ការងារបោសសម្អាតមីន និងយុទ្ធភ័ណ្ឌមិនទាន់ផ្ទុះនៅកម្ពុជា ដោយឯកឧត្ដម វង្សី វិស្សុត និងលោក ដេង បូគិង (Deng Boqing) អនុប្រធានភ្នាក់ងារអភិវឌ្ឍន និងសហប្រតិបត្តិការអន្តរជាតិ។

ទី៦៖ កិច្ចព្រមព្រៀងស្ដីពីគម្រោងកិច្ចសហប្រតិបត្តិការរបស់មូលនិធិពិសេសមេគង្គ-ឡានឆាង ដោយលោក សុខ សូកេន និងលោក វ៉ាង វិនធៀន ឯកអគ្គរដ្ឋទូតចិនប្រចាំកម្ពុជា៕

The post លោក វ៉ាង យី អះអាងថា ចិននឹងគាំទ្រវិស័យកសិកម្មនៅកម្ពុជា ដើម្បីនាំមកនូវផលប្រយោជន៍កាន់តែច្រើនសម្រាប់កសិករ appeared first on .

លោកបន្តថា  “មិត្តភាពរវាងកម្ពុជា និងចិន មិនត្រឹមតែផ្តល់ផលប្រយោជន៍ដល់ប្រជាជនទាំងពីរប៉ុណ្ណោះទេ វាថែមទាំងបានបង្ហាញជាគំរូបមួយដល់សគមន៍អន្តរជាតិ ក៏ដូចជាការកសាងវាសនារួម ដោយគោរពគ្នាទៅវិញទៅមក”។

​បើតាមលោក ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេស និងសហប្រតិបត្តិការអន្តរជាតិ មានប្រសាសន៍ថា មិនមែនចៃដន្យនោះទេដែលទំនាក់ទំនងរវាងប្រទេសយើងទាំងពីរនៅតែបន្តរីកដុះដាលក្នុងគ្រាលំបាក។ លោកសង្កត់ធ្ងន់ថា វាទាមទារនូវឆន្ទៈមោះមុតពីភាគីទាំងសងខាង ការគោរព និងការយោគយល់គ្នា និងទស្សនៈវិស័យរួមឆ្ពោះទៅកាន់អនាគតមួយដែលនឹងផ្តល់ផលប្រយោជន៍ដល់ប្រជាជនរបស់យើង។

ក្នុងជំនួបនៅរសៀលថ្ងៃតំបូងនៃដំណើរទស្សនកិច្ចផ្លូវការមកកម្ពុជារបស់ទីប្រឹក្សារដ្ឋចិន នៅពេលនេះគឺ លោក វ៉ាង យី បានពិភាក្សាលើទិដ្ឋភាពផ្សេងៗ នៃកិច្ចសហប្រតិបត្តិការទ្វេភាគី រួមមាន ការប្រយុទ្ធប្រឆាំងនឹងជំងឺកូវីដ-១៩ ពាណិជ្ជកម្ម និងការវិនិយោគ ការអប់រំ សន្តិសុខនិងការពារជាតិ ព្រមទាំងបញ្ហាតំបន់ និងអន្តរជាតិដែលជាប្រយោជន៍ និង កង្វល់រួមផងដែរ៕

The post លោក វ៉ាង យី៖ ទំនាក់ទំនងរវាងកម្ពុជានិងចិន គឺជាទំនាក់ទំនងគំរូមួយសម្រាប់សហគមន៍អន្តរជាតិ appeared first on .

ដំណើរទស្សនកិច្ចផ្លូវការរបស់ ឯកឧត្តម វ៉ាង យី មកកាន់កម្ពុជាលើកនេះ ដើម្បីបន្តពង្រឹងបន្ថែមទៀតនូវមិត្តភាពជាប្រពៃណី និងកិច្ចសហប្រតិបត្តិការណ៍នៃភាពជាដៃគូយុទ្ធសាស្រ្តគ្រប់ជ្រុងជ្រោយរវាងប្រទេសទាំងពីរ ក្នុងបរិបទនៃបញ្ហាប្រឈមជាសកលដែលកំពុងកើតមាន។ នេះបើតាមសេចក្តីប្រកាសព័ត៌មានរបស់ក្រសួងការបរទេស និងសហការប្រតិបត្តិការអន្តរជាតិ។

ក្នុងអំឡុងពេលទស្សនកិច្ចនេះ ឯកឧត្តម វ៉ាង យី នឹងចូលរួមសម្តែងការគួរសមចំពោះសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងមានអាហារការងារពេលព្រឹកជាមួយ ឯកឧត្តមឧបនាយករដ្ឋមន្រ្តី ហោ ណាំហុង។

បន្ថែមលើនេះ ឯកឧត្តមនឹងបន្តជំនួបជាមួយឯកឧត្តម ប្រាក់ សុខុន ឧបនាយករដ្ឋមន្រ្តី ដើម្បីពិភាក្សាលើទិដ្ឋភាពផ្សេងៗនៃកិច្ចសហប្រតិបត្តិការទ្វេភាគី រួមមាន ការប្រយុទ្ធប្រឆាំងនឹងជំងឺកូវីដ១៩ ពាណិជ្ជកម្ម ការវិនិយោគ ការអប់រំ សន្តិសុខ ការពារជាតិ ព្រមទាំងបញ្ហាតំបន់និងអន្តរជាតិដែលជាប្រយោជន៍នឹងកង្វល់រួមផងដែរ។

តាមការគ្រោងទុក សម្តេចតេជោនាយករដ្ឋមន្រ្តី និងឯកឧត្តមទីប្រឹក្សារដ្ឋចិន វ៉ាង យី នឹងចូលរួមជាអធិបតីក្នុងប្រគល់-ទទួលជាផ្លូវការនូវពហុកីឡដ្ឋានជាតិមរតកតេជោ ដែលនេះនឹងក្លាយជាទីតាំងសំខាន់សម្រាប់រៀបចំការប្រកួតកីឡាអាស៊ីអាគ្នេយ៍ (ស៊ីហ្គេម) នៅឆ្នាំ២០២៣ខាងមុខ ខណៈដែលកម្ពុជាធ្វើជាម្ចាស់ផ្ទះ ដែលមានទំហំផ្ទៃដីជាង ៨៥ហិកតានេះ ជាជំនួយឥតសំណងរបស់រដ្ឋាភិបាលចិន ប្រមាណ១៦០ លានដុល្លារ ។ 

ពិសេសទៀតនោះ សម្តេចតេជោ ហ៊ុន សែន និងឯកឧត្តម វ៉ាង យី ក៏នឹងធ្វើជាសាក្សីក្នុងពិធីចុះហត្ថលេខាលើឯកសារទ្វេភាគីដ៏សំខាន់មួយចំនួនផងដែរ។

សូមបញ្ជាក់ថា ការបំពេញទស្សនកិច្ចនេះនៅតំបន់អាស៊ីរបស់ទីប្រឹក្សារដ្ឋចិនរូបនេះ នឹងពិភាក្សាយុទ្ធសាស្រ្ត កាន់តែស៊ីជម្រៅជាមួយ បណ្ដាភាគី ដើម្បីជំរុញអនុវត្តកុងសុងស៊ីសសំខាន់ៗ ដែលបានឯកភាពគ្នាដោយលោកប្រធានាធិបតីចិន Xi Jinping និងថ្នាក់ដឹកនាំនៃប្រទេសទាំងបួន ដែលផ្តោតជាសំខាន់លើកិច្ចប្រយុទ្ធប្រឆាំងជំងឺវីរុស និងកិច្ចសហប្រតិបត្តិ ការអភិវឌ្ឍន៍ ជំរុញកិច្ចផ្ទៀងផ្ទាត់រវាងផែនការអភិវឌ្ឍន៍ថ្មី ដែលបង្កើតឡើងដោយចិន និងយុទ្ធសាស្រ្តអភិវឌ្ឍន៍របស់បណ្ដាប្រទេស លើកកម្ពស់កិច្ចសហប្រតិបត្តិការ “ខ្សែក្រវាត់ និងផ្លូវ” និងកិច្ចកសាងសហគមន៍ វាសនារួមសម្រាប់មនុស្សជាតិកាន់តែស៊ីជម្រៅ៕

The post ឯកឧត្តមទីប្រឹក្សារដ្ឋចិន វ៉ាង យី បានមកដល់ទឹកដីកម្ពុជាហើយ ឧកញ៉ាញូស៍បង្ហាញគោលបំណងនៃដំណើរទស្សនកិច្ចផ្លូវការចំនួន ២ ថ្ងៃ appeared first on .