សកម្មភាពតារា

Wow! កញ្ញា តន់ ច័ន្ទសីម៉ា ប៉ះលោកសិរីមន្តលើកដំបូងផ្អើលគើល

កូនចៅឧកញ៉ា — Wed, 09 Jun 2021 10:14:10 +0000

ពិតជាមានការភ្ញាក់ផ្អើលជាខ្លាំងប៉ុន្មាននាទីមុននេះនៅរូបភាពជាច្រើនសន្លឹករបស់តារាចម្រៀងកញ្ញា តន់ ច័ន្ទសីម៉ា ថតជាមួយនិង តារាចម្រៀងលោក ខេមរៈ សិរីមន្ត ដោយរូបភាពនោះ បានបង្ហាញឲ្យដឹងថា ពួកគេកំពុងតែធ្វើការងារធំមួយជាមួយគ្នាជាលើកដំបូង។

សកម្មភាពក្រៅឆាកទាំងនោះត្រូវបានបង្ហោះលើផេកផ្លូវការរបស់កំពូលតារាចម្រៀងក្នុងផលិតកម្មGalaxy Navatra តែម្ដង។ អមជាមួយរូបជាច្រើនសន្លឹកនោះ កញ្ញា តន់ ច័ន្ទសីម៉ា បានសរសេររៀបរាប់បែបនេះថា “ថ្ងៃនេះបំពេញការងាជាមួយលោកពូ ខេមរៈ សិរីមន្តជាលើកដំបូងសូមផ្ញើរក្ដីនឹករលឹកដល់ពុកម៉ែបងប្អូនផង បងប្អូនទាយមើលថាសីម៉ាអាយុតិចជាងគាត់ប៉ុន្មានឆ្នាំ?“។

ប្រិយមិត្តដែលបានឃើញរូបភាពទាំងនេះភ្លាម អាចជាមានការភ្ញាក់ផ្អើល ហើយអាចស្មានបានភ្លាមៗថា តារាចម្រៀង ខេមរៈ សិរីមន្ត ច្បាស់ជារត់មកជ្រកក្រោមផលិតកម្មGalaxy Navatra របស់អ្នកឧកញ៉ាវ័យក្មេង ឡេង ណាវ៉ាត្រា ហើយមើលទៅ។ ត្បិតអី បើមើលទំនាក់ទំនងរវាងអ្នកឧកញ៉ា ឡេង ណាវ៉ាត្រា និង តារាចម្រៀង លោក ខេមរៈ គឺមានភាពស្និទ្ធស្នាលខ្លាំងណាស់ ដែលទំនងគេ អាចវាយតម្លៃថា នៅថ្ងៃណាមួយច្បាស់ជា សិរីមន្ត រត់មកជ្រកក្រោមផលិតកម្ម Galaxy Navatra ជាក់ជាមិនខាន។

បែបនេះក្ដី មិនទាន់មានរឿងនោះកើតឡើងនៅឡើយទេគិតមកដល់ម៉ោងនេះ ព្រោះលោក ខេមរៈ សិរីមន្ត មិនទាន់ចប់កុងត្រាជាមួយផលិតកម្មដែលលោកកំពុងតែច្រៀងនៅឡើយទេ។ ការជួបគ្នារបស់ កញ្ញា តន់ ច័ន្ទសីម៉ា និង លោក ខេមរៈ សិរីមន្ត ត្រូវបានប្រភពច្បាស់ការដែលគួរឲ្យទុកចិត្តមួយបញ្ជាក់ឲ្យដឹងថា ពួកគេទាំងពីរ បានបំពេញការងារថតស្ប៉តពាណិជ្ជកម្មឲ្យក្រុមហ៊ុនធំលំដាប់អន្តរជាតិមួយ។

ប្រភពដដែលនោះមិនបានទម្លាយឈ្មោះក្រុមហ៊ុនដែលកំពូលតារាចម្រៀងទាំងពីរថតឲ្យនោះទេ ហើយចំពោះតម្លៃខ្លួននៃការថតវិញក៏មិនបានទម្លាយឲ្យដឹងនោះដែរ គ្រាន់តែប្រាប់ថា ពួកគេទាំងពីរជាតារាគ្រេតA ដូចនេះតម្លៃខ្លួន ក៏ទៅតាមនោះដូចគ្នា។

ជាមួយគ្នានោះគេហទំព័រឧកញ៉ា មិនអាចស្នើសុំការបញ្ជាក់លំអិតពីកញ្ញា តន់ ច័ន្ទសីម៉ា បាននៅឡើយទេ ខណៈទូរសព្ទរបស់នាង ខលចូល មិនមានអ្នកទទួល។

ចំណែកលោក យឹម តាស្រង់ អ្នកគ្រប់គ្រងទូទៅរបស់ផលិតកម្ម Galaxy Navatra បានប្រាប់ថា មិនមានវត្តមានរបស់កំពូលតារាចម្រៀងខេមរៈ សិរីមន្ត ចូលក្នុងផលិតកម្មGalaxy Navatra នោះទេ។ ដូចនិងការលើកឡើងពីប្រភពខាងលើ។ លោកថា គ្រាន់តែកិច្ចការធំមួយជាមួយ លោក ខេមរៈ សិរីមន្ត លើការងារថតស្ប៉តពាណិជ្ជកម្មប៉ុណ្ណោះ៕

The post Wow! កញ្ញា តន់ ច័ន្ទសីម៉ា ប៉ះលោកសិរីមន្តលើកដំបូងផ្អើលគើល appeared first on .

បំពេញក្ដីស្រមៃ ករុណា ពេជ្រ នាំឪពុក ចូលនៅផ្ទះវីឡាដ៏ស្កឹមស្កៃតម្លៃខ្ទង់រាប់ម៉ឺនដុល្លារ

កូនចៅឧកញ៉ា — Tue, 01 Jun 2021 08:41:59 +0000

តារាចម្រៀង ករុណា ពេជ្រ បានរៀបចំពិធីឡើងផ្ទះក្នុងសភាពស្ងប់ស្ងាត់ ស្របពេលដែលតារារូបនេះបានសន្សាថា នឹងរៀបចំផ្ទះអោយរួចរាល់ នឹងឆាប់បាននាំយកលោកឪពុកមករស់នៅ ជុំគ្នាក្នុងផ្ទះតែមួយ ខណៈដែលពេលមុនលោកឪពុករបស់ករុណា បានត្រឹមសម្រាកព្យាបាលនៅក្នុងមន្ទីរពេទ្យអស់ជាច្រើនខែ ។

អស់រយៈពេលជាង៣ឆ្នាំ លោកករុណា ពេជ្រ បានជំរុញទាំងទឹកប្រាក់ និងទឹកចិត្ត ព្រោះតែការពុះពារធ្វើយ៉ាងណាពន្លឿនក្នុងការសាងសង់អោយបានឆាប់រហ័ស និងអាចឆាប់យកអ្នកមានគុណដែលកំពុងសម្រាន្តមភលើគ្រែពេទ្យមករួមរស់ជុំគ្នាក្នុងដំបូលផ្ទះតែមួយ ។

ចំណែកផ្ទះវីឡាដ៏ស្កឹមស្កៃនេះ ត្រូវបានគេដឹងថា ចំណាយទឹកប្រាក់ប្រមាណជាង៦០ម៉ឺនដុល្លារ ប៉ុន្តែស្របពេលកំពុងផ្ទុះការរីករាលដាលជំងឺកូវីដ-១៩ បែបនេះ បានធ្វើឱ្យលោក ករុណា ពេជ្រ រៀបចំឡើង ផ្ទះវីឡាយ៉ាងសាមញ្ញ និងស្ងប់ស្ងាត់។

លោកពិតជាស្រឡាញ់លោកឪពុកណាស់ ទោះលំបាកបែបណាក៏ដោយ ក៏លោកនៅតែខិតខំបំពេញបំណងរបស់លោកឪពុក។ តារាប្រុសរូបនេះ រមែងបំពេញការងារមនុស្សធម៌ ដើម្បីចែករំលែកបុណ្យកុសល ជូនដល់លោកឪពុកអោយបានបន្តរស់រានមានជីវិត ជុំកូនជុំចៅ សុខសប្បាយតទៅ។

The post បំពេញក្ដីស្រមៃ ករុណា ពេជ្រ នាំឪពុក ចូលនៅផ្ទះវីឡាដ៏ស្កឹមស្កៃតម្លៃខ្ទង់រាប់ម៉ឺនដុល្លារ appeared first on .

តោះទស្សនា តាៗ ធាក់ស៊ីក្លូ ច្រៀងរាំ កម្សាន្ត នៅថ្ងៃប្រារព្វពិធីបុណ្យក្តីស្រឡាញ់ បន្តិចទៅមើល!

កូនចៅឧកញ៉ា — Mon, 15 Feb 2021 02:39:05 +0000

បើយើងក្រឡេកត្រឡប់ក្រោយវិញ កាលពីថ្ងៃទី៤ កុម្ភៈ តាៗធាក់ស៊ីក្លូ ជាង ៣០០ នាក់ ត្រូវបានតារាចម្រៀង ករុណា ពេជ្រ និង ក្រុមការងាររបស់ខ្លួន រៀបចំពិធីទទួលទានអាហារ នៅភោជនីយដ្ឋាន វីហ្វ្រេន ជាមួយនឹងមុខម្ហូបល្អៗ ឆ្ងាញ់ៗ ដូចម្ហូបតុការ អីចឹងដែរ។

ក្រៅពីពិសាអាហារ និងទទួលបានអំណោយ ជាថវិកា សម្ភារៈប្រើប្រាស់ ជាច្រើននោះ គេក៏បានឃើញ ស្នាមញញឹមរបស់ពួកគាត់ ខណៈដែលពួកគាត់ បានច្រៀង រាំលេងកម្សាន្ត យ៉ាងរីករាយក្រៃលែង។

ករុណា ពេជ្រ បានអោយដឹង កាលពីពេលកន្លងទៅថាៈ ដំបូងឡើយ កម្មវិធីជួបជុំតាស៊ីក្លូ ពិសាអាហារ និងរៀបចំឡើង ចំថ្ងៃ ១៤ កុម្ភៈ ប៉ុន្តែដោយសារជាថ្ងៃជាប់គ្នា នឹងថ្ងៃបុណ្យចូលឆ្នាំចិន ដូច្នេះលោក បានផ្លាស់ប្តូរថ្ងៃ មកធ្វើនៅថ្ងៃ៤ កុម្ភៈវិញ។ដូច្នេះសូមទស្សនា វីដេអូច្រៀងរាំកម្សាន្ត របស់តាស៊ីក្លូ ក្នុងថ្ងៃកម្មវិធី នៃថ្ងៃបុណ្យ នៃក្តីស្រឡាញ់ នាពេលកន្លងមក៕

The post តោះទស្សនា តាៗ ធាក់ស៊ីក្លូ ច្រៀងរាំ កម្សាន្ត នៅថ្ងៃប្រារព្វពិធីបុណ្យក្តីស្រឡាញ់ បន្តិចទៅមើល! appeared first on .

ជាង ១០ ឆ្នាំក្នុងវិថីសិល្បៈ ភុល សុវណ្ណដានីន ទើបបានក្លាយជាអ្នកតំណាងផលិតផល ឲ្យក្រុមហ៊ុនមួយ

កូនចៅឧកញ៉ា — Thu, 21 Jan 2021 05:08:26 +0000

ជាលើកដំបូងហើយដែលតារាសម្តែង ភុល សុវណ្ណដានីន ទទួលធ្វើជាអ្នកតំណាងផលិតផល មួយ ក្រោយពីប្រលូកក្នុងវិស័យសិល្បៈអស់ជាង ១០ ឆ្នាំ ។ ចូលឆ្នាំ ២០២១ ភ្លាមបុរសសង្ហារ ភុល សុវណ្ណដានីន មិនត្រឹមតែក្លាយទៅជាអ្នកតំណាងផលិតផលធុងបាសឱ្យក្រុមហ៊ុនធំមួយប៉ុណ្ណោះទេ លោកថែមទាំងមានភាគហ៊ុនតូចមួយនៅទីនោះផងដែរ ដែលកាន់តែបង្ហាញឱ្យឃើញថាតារាសម្តែងរូបនេះខ្លាំងមិនធម្មតាឡើយ ។

បុរសសង្ហារ ភុល សុវណ្ណដានីន ត្រូវបានក្រុមហ៊ុន Life T International ប្រកាសជាផ្លូវការដោយទទួលធ្វើជាតារាតំណាងផលិតផលធុងបាសម៉ាក់ W King កាលពីថ្ងៃទី ២០ ខែ មករា ដោយមានការចូលរួមអបអរសាទរ ពីបណ្តាក្រុមហ៊ុនមួយចំនួន និងសិល្បករសិល្បការីនីល្បីៗជាច្រើន នាឱកាសនោះផងដែរក៏មានការបង្ហាញម៉ូដពីសំណាក់តារាសម្តែងជាច្រើនដួង ដែលធ្វើឱ្យកម្មវិធីកាន់តែកក្រើកឡើង ។

លោក ផាត តូម៉ាស់ អគ្គនាយកក្រុមហ៊ុន Life T International បានបញ្ជាក់ប្រាប់ថា មានមូលហេតុជាច្រើនដែលធ្វើឱ្យលោកជ្រើសរើសលោក ភុល សុវណ្ណដានីន ធ្វើជាអ្នកតំណាងឱ្យផលិតផលធុងបាស W King ដោយលោករំពឹងថា វត្តមានលោក ភុល សុវណ្ណដានីន នឹងកាន់តែធ្វើឱ្យអតិថិជនចាប់អារម្មណ៍នូវ ផលិតផលរបស់ក្រុមហ៊ុនលោក ពីព្រោះលោក ភុល សុវណ្ណដានីន ជាតារាល្បីម្នាក់ដែលលោកស្គាល់ យូរឆ្នាំមកហើយ ។

ក្រឡេកមើលលោក ភុល សុវណ្ណដានីន វិញញញឹមបិទមាត់មិនជិតឡើយនៅក្នុងថ្ងៃពិសេសនោះ លោកបានឱ្យដឹងថា ជាង ១០ ឆ្នាំក្នុងសិល្បៈលោកមិនធ្លាប់បានទទួលធ្វើជាអ្នកតំណាងឱ្យក្រុមហ៊ុន ណាទេ ទើបតែឆ្នាំនេះលោកទទួលធ្វើការងារនេះ ។

ក្រៅពីចុះកុងត្រាទទួលធ្វើជាអ្នកតំណាងផលិតផលនៅក្នុងក្រុមហ៊ុននេះដោយគ្មានដែនកំណត់ លោក ភុល សុវណ្ណដានីន បានទម្លាយផងដែរថា លោកក៏មានភាគហ៊ុនតូចមួយនៅទីនោះដែរ ។ ថ្វីដ្បិតតែលោក ភុល សុវណ្ណដានីន មិនបញ្ជាក់ពីហ៊ុនដែលលោកមាន តែលោកបានត្រៀមខ្លួនរួចជាស្រេចដើម្បីធ្វើការផ្សព្វផ្សាយពីផលិតផលនេះឱ្យកាន់តែល្បីល្បាញ ។

គួរបញ្ជាក់ផងដែរថា បុរសសសង្ហារ ភុល សុវណ្ណដានីន បានធ្វើឱ្យទស្សនិកជនចាប់អារម្មណ៍ខ្លាំងក្រោយពីលេចមុខ ក្នុងត្រេល័ររឿង « អ្នកទី ៣ » របស់ទូរទស្សន៍ ភីអិនអិន ដោយលោកសម្តែងជាតួអង្គ ព្រាននារីមានស្រីរាប់មិនអស់ ។ ភុល សុវណ្ណដានីន ធ្លាប់បានចេញទៅរស់នៅប្រទេស អាលី្លម៉ង់ នៅឆ្នាំ ២០១១ ជាមួយម្តាយនិងបងប្អូន តែដោយសារនៅទីនោះពិបាកក្នុងការរស់នៅនិងប្រកបការងារលោកក៏បានវិលត្រឡប់មកកសាង ជីវិតនិងស្នាដៃក្នុងប្រទេស កម្ពុជា វិញ ។ ឆ្នាំនេះលោកមានវ័យ ៣៧ ឆ្នាំហើយ ៕

The post ជាង ១០ ឆ្នាំក្នុងវិថីសិល្បៈ ភុល សុវណ្ណដានីន ទើបបានក្លាយជាអ្នកតំណាងផលិតផល ឲ្យក្រុមហ៊ុនមួយ appeared first on .

វីដេអូទាំងអស់នេះហើយបានអង្រួនបេះដូង ឧកញ៉ា ឡេង ណាវ៉ាត្រា ហៅ គុយលី មករស់នៅជាមួយ

កូនចៅឧកញ៉ា — Wed, 09 Dec 2020 11:04:22 +0000

គុយ លី ដំបូងឡើយគ្រាន់តែជា អ្នកចូលចិត្តថតវីដេអូច្រៀងលើបណ្ដាញសង្គម បន្ទាប់ពីទំនេរការងារជាកម្មករចិញ្ចឹមបង្គា ក៏ដូចជាសំណង់ នៅប្រទេសថៃ ប៉ុន្តែវីដេអូរបស់តារាចម្រៀងពលករលើបណ្ដាញសង្គមរូបនេះ ទទួលបានការចាប់អារម្មណ៍ជាខ្លាំងទាំងនៅប្រទេសកម្ពុជា ក៏ដូចជានៅប្រទេសថៃ ហើយឈានដល់បណ្ដាពលករផ្សេងទៀតដែលធ្វើការងារនៅក្រៅប្រទេស។ អាចថា លោក ឧកញ៉ា ឡេង ណាវ៉ាត្រា ក៏ជាFans ម្នាក់ដែលគាំទ្រគុយ លី ផងដែរ រហូតដល់លោកមានចិត្តអាណិតបានហៅ គុយ លី មករស់នៅផ្ទះ ព្រមទាំងឲ្យកាន់ការងារធំៗ ថែមទៀតផង។ គិតមកដល់បច្ចុប្បន្ននេះ គុយលី បានមករស់នៅធ្វើការងារផ្ទះលោកឧកញ៉ា ឡេង ណាវ៉ាត្រាជិត៤ឆ្នាំមកហើយ។

មុននេះបន្តិច គុយលីបានរំលឹករឿងទាំងនោះ មុនឈានដល់ជីវិតលោកជោគជ័យដូចបច្ចុប្បន្ន។ គុយលី បានសរសេររៀបលើផេកផ្លូវការរបស់លោបែបនេះថា (អូសចុះអូសឡើងឃើញវីដេចាស់ៗ របស់ខ្លួនឯងបានដឹងថាសម្រស់គុយលី យ៉ាងណា!

វីដេអូទាំងនេះហើយធ្វើឲ្យខ្ញុំមានឱកាសបានស្កាល បងឧកញ៉ា ឡេង ណាវ៉ាត្រា ខ្ញុំមិនដែលគិតថាខ្លួនឯងមានថ្ងៃនេះទេ។ អរគុណបងឧកញ៉ា ដែលបានផ្ដល់ឱកាស ផ្ដល់អ្វីគ្រប់យ៉ាងដល់ប្អូន បងស្រលាញ់ប្អូនដូចជាបងប្អូនបង្កើត ទោះខ្ញុំនឹងបងឧកញ៉ា មិនជាប់សាច់ឈាមគ្នាក្ដី ប៉ុន្តែខ្ញុំចាក់ទុកជាបងដូចជាបងបង្កើតឪពុកបង្កើតអីចឹង។

ទទឹមគ្នានោះដែរខ្ញុំក៏សូមអរគុណបងប្អូនដែលស្រលាញ់គាំទ្រ គុយលីរហូតមក បើគ្មានបងប្អូនក៏គ្មានម្នាក់ឈ្មោះ គុយលី ចម្រៀងពលករដល់សព្វថ្ងៃនេះដែរ។

សូមជូនពរបងប្អូនដែលស្រលាញ់សិល្បៈទាំងអស់ សូមឲ្យជោគជ័យល្បីឈ្មោះគ្រប់ៗគ្នា ក្នុងនោះដែរសូមបងប្អូនដែលនិយមលេងលើបណ្ដាញសង្គម សូមលេងអ្វីដោយមានការប្រុងប្រយ័ត្ន ត្បិតអីបណ្ដាញសង្គមជាអាវុធមុនពីរ ហាមប៉ះពាល់អ្នកដទៃ សង្គមជាតិ ប្រសិនបើយើងមិនបានជួយកុំបំផ្លាញអី អរគុណ៕)

៕

The post វីដេអូទាំងអស់នេះហើយបានអង្រួនបេះដូង ឧកញ៉ា ឡេង ណាវ៉ាត្រា ហៅ គុយលី មករស់នៅជាមួយ appeared first on .

ជំទាវឧកញ៉ា នឹម វណ្ណៈឧបត្ថម្ភ 200$ជូនតារាសម្ដែងជើងចាស់ក្រីក្រម្នាក់

កូនចៅឧកញ៉ា — Tue, 08 Dec 2020 02:13:03 +0000

តារាសម្តែងជើងចាស់ អ្នកគ្រូ ញឹម សុខា ដោយសារតែជីវភាពក្រីក្រព្រមទាំងមានជំងឺប្រចាំកាយផងពេលនេះ ត្រូវបានលោកជំទាវឧកញ៉ា នឹម វណ្ណៈ ឧបត្ថម្ភ 200$ ។ នេះបើតាមការឲ្យដឹងពីលោក អ៊ឹម ជីវ៉ា ដែលបាននាំយកអំណោយទៅជូនផ្ទាល់។

តាមការឲ្យដឹងពីលោក លោក អ៊ឹម ជីវ៉ា តារាសម្ដែងជើងចាស់ អ្នកស្រី ញឹម សុខា គឺជាគ្រួរបង្រៀងសិល្បៈ បច្ចុប្បន្នមានជីវភាពក្រីក្រជាខ្លាំង មានជំងឺប្រចាំកាយ គ្មានប្រាក់ព្យាបាលជំងឺឡើយ សុខចិត្តដើលាងចានតាមផ្ទះគេ ដើម្បីយកប្រាក់ចិញ្ចឹមជីវិត។

ជាមួយនឹងការទទួលបានអំណោយខាងលើ អ្នកគ្រូ ញឹម សុខាក៏បានលើកដៃសំពះថ្លែងអំណរគុណពីចម្ងាយសូមអរគុណដល់លោកជំទាវនិងក្រុមគ្រួសារដែលបានយកចិត្តទុក្ខដាក់ជួយដល់គ្រួសារអ្នកគ្រូនិងជូនពរដល់លោកជំទាវសូមទទួលបាននូវសុខភាពល្អបរិបូរណ៍ជោគជ័យជារៀងរហូត។

The post ជំទាវឧកញ៉ា នឹម វណ្ណៈឧបត្ថម្ភ 200$ជូនតារាសម្ដែងជើងចាស់ក្រីក្រម្នាក់ appeared first on .

wow! បែកធ្លាយតម្លៃច្រៀងរបស់ តន់ ចន្ទសីម៉ា ច្រៀង១លើក ថ្លៃ២ម៉ឺនដុល្លា ថ្លៃជាងគេនៅកម្ពុជា

កូនចៅឧកញ៉ា — Sat, 05 Dec 2020 07:34:07 +0000

ប្រភពច្បាស់ការមួយបានទម្លាយឲ្យដឹងថា តារាចម្រៀង តន់ ចន្ទសីម៉ា ដែលជាគ្រាប់ពេជ្ររបស់ផលិតកម្មGalaxy Navatra ត្រូវបានក្រុមហ៊ុនដាក់តម្លៃខ្លួនខ្ពស់ដែលអាចនិយាយបានថា ថ្លៃជាងក្នុងចំណោមតារាចម្រៀងល្បីៗទាំងអស់នៅក្នុងប្រទេសកម្ពុជា ដោយគ្រាន់តែកម្មវិធីតូចៗដូចជា អាពាហ៍ពិពាហ៍ឬជប់លៀង នាង ស៊ីថ្លៃដល់ទៅ២ម៉ឺនដុល្លារ ចំណែក Concert នាងស៊ីថ្លៃ៥ពាន់ដុល្លារឯណោះ ក្នុងមួយកម្មវិធី។

បងប្អូនប្រាកដជាជ្រាបហើយថា តារាចម្រៀងវ័យក្មេង តន់ ចន្ទសីម៉ា ដែលជាគ្រាប់ពេជ្ររបស់ផលិតកម្មGalaxy Navatra បានកំពុងតែឈរនៅលំដាប់កំពូលនៅក្នុងឆ្នាំ 2020 នេះ ដោយបទចម្រៀងរបស់នាងមានអ្នកទស្សនារហូតជាង 400 លានដងដែលចំនួននេះមិនទាន់អាចមានតារាចម្រៀងរូបណាអាចយកឈ្នះនាងបាននៅឡើយ។ថ្វីត្បិតតែនាងនៅក្មេងខ្ចី ប៉ុន្តែការច្រៀង តារាចម្រៀងស្រីល្បីឈ្មោះរូបនេះ អាចច្រៀងបានគ្រប់ទម្រង់និងច្រើនភាសា។

តាមប្រភពច្បាស់ការខាងលើ បានទម្លាយឲ្យដឹងទៀតថា បច្ចុប្បន្នមានក្រុមហ៊ុនជាច្រើន បានទាក់ទងមកខាងផលិតកម្ម ក្នុងនោះមានតែក្រុមហ៊ុនធំៗប៉ុន្មានប៉ុណ្ណោះដែលហ៊ានជួលតម្លៃខាងលើ។

មួយវិញទៀតទស្សនិកជនប្រហែលជាឆ្ងល់ហើយថា កញ្ញា តន់ ចន្ទសីម៉ា ជាតារាចម្រៀងល្បី ហេតុអ្វីមិនដែលសូវឃើញច្រៀងតាមការប្រគំតន្ត្រីផ្សាយលើកញ្ចក់ទូរទស្សន៍ មូលហេតុតែមួយគត់ដោយសារតែតម្លៃខ្លួននាងថ្លៃ ដូចនេះតាមបណ្ដាស្ថានីយទូរទស្សន៍មួយចំនួន មិនអាចមានលទ្ធភាពជួលនាងឡើងច្រៀងបានឡើយ។

លោក យឹម តាស្រង់ អ្នកគ្រប់គ្រង ផលិតកម្មGalaxy Navatra បានទទួលស្គាល់ថា តម្លៃខ្លួននៃ ការច្រៀង របស់ កញ្ញា តន់ ចន្ទសីម៉ា ក្រុមហ៊ុនពិតជា បានកំណត់ដូចបានលើកឡើងខាងលើពិតមែន ។ អ្នកគ្រប់គ្រងផលិតកម្មល្បីឈ្មោះរូបនេះបានបន្តឲ្យដឹងថា ការការកំណត់តម្លៃនេះ គឺស័ក្ដិសមនឹងប្រជាប្រិយភាពរបស់នាងនាពេលបច្ចុប្បន្ននេះ។

លោក យឹម តាស្រង់ បានបន្តឲ្យដឹងទៀតថា បច្ចុប្បន្នមានក្រុមហ៊ុនជា ច្រើនបានទាក់ទងនាង ទៅច្រៀង ក្នុងនោះមានតែក្រុមហ៊ុនធំៗប៉ុណ្ណោះ ដែលហ៊ានជួលនាងច្រៀង។ក្រៅតែមានទីផ្សារខ្ពស់ជាងតារាចម្រៀងផ្សេងទៀត បច្ចុប្បន្នកញ្ញា តន់ ចន្ទសីម៉ា បានក្លាយជា brand ambassador របស់ក្រុមហ៊ុនធំៗ២នាពេលខាងមុខនេះ។ នៅថ្ងៃឆ្លងឆ្នាំខាងមុខនេះ តន់ ចន្ទសីម៉ា នឹងត្រូវចូលច្រៀងក្នុងកម្មវិធីឆ្លងឆ្នាំឲ្យក្រុមហ៊ុនធំមួយផងដែរ ។

អ្នកគ្រប់គ្រង ល្បីឈ្មោះរូបនេះបញ្ជាក់ថា មូលហេតុដែលនាំឲ្យក្រុមហ៊ុន កំណត់ឲ្យ តន់ ចន្ទសីម៉ា ចេញច្រៀង តាមកម្មវិធីតូចៗដូចជា អាពាហ៍ពិពាហ៍ឬជប់លៀង នាង ស៊ីថ្លៃដល់ទៅ២ម៉ឺនដុល្លារ ថ្លៃជាងច្រៀងតាម Concert ក៏ព្រោះផលិតកម្មGalaxy Navatra នឹងGalaxy Navatra Thailand បានពិភាក្សាយ៉ាងល្អិតល្អន់ហើយនៅតម្លៃនេះ ជាតម្លៃស្តង់ដារអន្តរជាតិ១មួយ ព្រោះកម្មវិធីតូចៗដូចជា អាពាហ៍ពិពាហ៍ឬជប់លៀង ជាកម្មវិធីឯកជន ហេតុនេះមានតែ កម្រិតអ្នកមានសេដ្ឋកិច្ចប្រសើរប៉ុណ្ណោះទើបអាចជួលនាងទៅច្រៀងបាន៕

The post wow! បែកធ្លាយតម្លៃច្រៀងរបស់ តន់ ចន្ទសីម៉ា ច្រៀង១លើក ថ្លៃ២ម៉ឺនដុល្លា ថ្លៃជាងគេនៅកម្ពុជា appeared first on .

លេចធ្លាយមុខមាត់អនាគតភរិយាតារាចម្រៀង ខេម ថ្ងៃសម្ពាធហាង ..

កូនចៅឧកញ៉ា — Sun, 08 Nov 2020 00:21:56 +0000

តារាចម្រៀងប្រចាំផលិតកម្ម Galaxy Navatra លោក ខេម បានប្រកាសបើកសម្ពោធភោជនីយដ្ឋានថ្លៃ២០ម៉ឺនដុល្លារអាមេរិករបស់ខ្លួនហើយកាលពីថ្ងៃទី០៧ ខែវិច្ឆិកាឆ្នាំ២០២០នេះ ក្រៅពីប្រកាសបើកដំណើរការហាងជាផ្លូវការតារារូបនេះក៏បានបង្ហើបពីរឿងរ៉ាវមានសគូស្នេហ៍ជាច្រើនឆ្នាំកន្លងមកហើយផងដែរ ប៉ុន្តែតារារូបនេះស្នើមិនបញ្ជាក់ពីមុខមាត់ពិតអនាគតភរិយានោះទេ។

ទោះជាយ៉ាងណា តាមការស៊ើបសួរពីអ្នកជិតដិតតារាចម្រៀងខេម នោះបានទម្លាយថានារីរូបស្រស់ជាអនគតភរិយាតារាចម្រៀងរូបនេះក៏មានវត្តមានក្នុងកម្មវិធីសម្ពោធនេះផងដែរ ហើយនាងបានធ្វើដំណើរមកពីប្រទេសបារាំងជាង១ឆ្នាំកន្លងមកហើយ។ នារីរូបស្រស់នេះមានឈ្មោះស្រីកា មុខមាត់ស្រស់សោភាខ្លាំងមិនចាញ់តារាសម្តែងឡើយ។ នាងមានសម្បុរស ច្រមុះស្រួច ស្បែកសភ្លឺថ្លាមានវ័យប្រមាណជិត៣០ឆ្នាំប៉ុណ្ណោះ។ ក្រៅពីមានរូបរាងស្រស់ស្អាតមិនចាញ់តារាៗនោះនាងក៏មានអត្តចរិករួសរាយរាក់ទាក់ គឺនាងបានដើរស្វាគមន៍ភ្ញៀវដែលចូលរួមកម្មវិធីខាងលើផងដែរ។ នាងទទួលបានការកោសរសើរខ្លាំងពីមិត្តរួមអាជីពថាក្រៅតែរកបាននារីស្រស់សោភាជាសង្សារ នាងក៏មានអត្តចរិករួសរាយរាក់ទាក់ផងដែរ។

ជុំវិញទំនាក់ទំនងស្នេហានេះដែរ តារាចម្រៀងខេមបានបង្ហើបថា លោកបានភ្ជាប់ស្នេហ៍ជាមួយនារីម្នាក់ដែលជាអាណិកជននៅប្រទេសបារាំងមិនមែនជាអ្នកសិល្បៈទេហើយការស្រលាញ់គ្នានេះអស់រយៈពេល៥ឆ្នាំកន្លងមកហើយពោលគឺក្រោយពីលោកបានចេញទៅច្រៀងរាំនៅទីនោះ។ លោកបន្តថា នៅមិនទាន់រកពេលវេលាដើម្បីបង្ហាញមហាជនជាសាធារណៈ ឬពេលវេលារៀបមង្គលការបើទោះបីជាច្បាស់លាស់ជាមួយគ្នាទៅហើយក្តី។

លោកមិនមានគម្រោងចេញទៅរស់នៅប្រទេសបារាំងឡើយ ហើយការបើកដំណើរការអាជីវកម្មថ្មីនេះនឹងជាក្លាយជាមុខរបរលំនឹងមួយសម្រាប់លោកនិងអនាគតភរិយា ។ លោកថាហាងនៅជិតខ្លោងទ្វារវត្តសំរោងអណ្តែតយីហោ T & Yនេះចាយទុនប្រមាណ២០ម៉ឺនដុល្លារអាមេរិក និងមិនមានការរួមចំណែកពីអនាគតភរិយានោះឡើយ។ លោករំពឹងថាក្រោយពីបើកដំណើរការអាជីវកម្មនេះនឹងទទួលបានគាំទ្រច្រើនពីទស្សនិកជន ខណៈដែលហាងលោកមានចំណុចពិសេសទាំងការរៀបចំហាង ជា៣ផ្នែកផ្សេងគ្នា និងរស់ជាតិអាហារឆ្ងាញ់ ផងដែរ៕

The post លេចធ្លាយមុខមាត់អនាគតភរិយាតារាចម្រៀង ខេម ថ្ងៃសម្ពាធហាង .. appeared first on .

“ភូមិខ្ញុំ update”ល្បីពេញTik Tok

កូនចៅឧកញ៉ា — Sat, 07 Nov 2020 23:39:01 +0000

«ភូមិខ្ញុំ update» មិនត្រឹមតែជាបទចម្រៀងពេញនិយមខ្លាំងក្នុងខែនេះរបស់ផលិតកម្ម Galaxy Navatra លើបណ្ដាញ យូធូប ប៉ុណ្ណោះទេ បើយើងងាកមកមើលលើបណ្ដាញសង្គមដ៏ពេញនិយម Tik Tok វិញគេឃើញមានអ្នកលេងលើបណ្ដាញនេះយកទៅច្រៀងតាម ឬខូវើជាច្រើនផងដែរ ។

@2006ponlork

ភូមិខ្ញុំ update
♬ សំឡេងដើម – PL កម្សាន្ត

យើងសូមលើកយកតែគណនី Tik Tok មួយក្នុងចំណោម Tik Tok ជាច្រើនលាននាក់ដែលកំពុងពេញនិយមនៅប្រទេសកម្ពុជា គណនី Tik Tok តារាចម្រៀងដែលជនពិការភ្នែក ឈ្មោះ PL កម្សាន្ត បានយកបទ «ភូមិខ្ញុំ update» ទៅខូវើច្រៀងធ្វើឲ្យមានការចាប់អារម្មណ៍ជាខ្លាំង គួបផ្សំគាត់ច្រៀងកាឡៃឡើងបែបសប្បាយៗចំរដូវទឹកជំនន់ផងនោះ ។

តាមការបង្ហាញបទច្រៀង «ភូមិខ្ញុំ update» ដែលគណនី Tik Tok PL កម្សាន្ត យកទៅច្រៀងនោះមានអ្នកឲ្យបេះដូងរហូតដល់ទៅជាង 330.3k និងអ្នកចូល Comment ក៏ដូចជាការ Share សរសើរជាច្រើនពាន់នាក់ទៀត ។

ទន្ទឹមគ្នានោះដែរនៅតាមភូមិស្រុក ធុងបាស់ អកកេស អកកាដង់ ផាប់ ឬ បៀរកាឌិន ជាដើម បទចម្រៀងរបស់ផលិតកម្ម Galaxy Navatra កំពុងតែវាយលុយខ្លាំងនៅកន្លែងណាក៏គេឃើញមានការចាក់ ឬ ច្រៀងបទចម្រៀងរបស់ផលិតកម្មមួយនេះដែរ ។

សូមបញ្ជាក់ផងដែរថា បទ «ភូមិខ្ញុំ update» ជាស្នាដៃនិពន្ធដោយកញ្ញា តន់ ចន្ទសីម៉ា និពន្ធជូនកំពូលតារាចម្រៀងលោក ព្រាប សុវត្ថិ បច្ចុប្បន្ននេះកំពុងផ្ទុះខ្លាំងដោយមិននឹកស្មានដល់ ។

កាលចេញភ្លាមៗ មានមហាជនមួយចំនួនមិនពេញចិត្តនឹងការផ្ដល់ឲ្យអ្នកនិពន្ធវ័យក្មេង តន់ ចន្ទសីម៉ា និពន្ធជូនរៀមច្បងលោក ព្រាប សុវត្ថិ ត្បិតអី សីម៉ា នាងនៅក្មេងខ្ចីពេក ប៉ុន្តែបច្ចុប្បន្នបទចម្រៀងមួយបទនេះមានអ្នកចូលទស្សនាជិត ៨លានដងក្នុងរយៈពេលតែ ១ខែប៉ុណ្ណោះនៅក្នុងបណ្ដាញ យូធូប ៕

The post “ភូមិខ្ញុំ update”ល្បីពេញTik Tok appeared first on .

តន់ ចន្ទសីម៉ា ចាប់ផ្ដើមចេញបទនៅក្រុមហ៊ុនថៃហើយ ជាមួយអ្នកភ្លេងថៃ៤រូប

កូនចៅឧកញ៉ា — Fri, 06 Nov 2020 09:41:23 +0000

Galaxy Navatra Thailand ដែលជាផលិតកម្មថ្មីស្រឡាងមួយនៅប្រទេសថៃ ដែលបានប្រកាសសហការវិនិយោគលើវិស័យចម្រៀងរួមគ្នាជាមួយ Galaxy Navatra របស់ឧកញ៉ា ឡេង ណាវ៉ាត្រា គ្រោងបញ្ចេញអាល់ប៊ុលថ្មីដំបូងរបស់ខ្លួននាឆាប់ៗខាងមុខនេះហើយ តន់ ចន្ទសីម៉ា ដែលជាគ្រាប់ពេជ្ររបស់ផលិតកម្ម នឹងក្លាយជាតារាចម្រៀងទី១ ចេញច្រៀងជាភាសាថៃមុនគេ។

លោក យឹម តាស្រង់ អ្នកចាត់ការទូទៅរបស់ផលិតកម្ម Galaxy Navatra បានឲ្យដឹងបន្ទាប់ពីភាគីថៃធ្វើcompeign លើបទចម្រៀងមួយបទដែលមានចំណងជើងថា”ចូលដណ្ដឹងបងទៅ”ដែលច្រៀងរួមគ្នាដោយតារាចម្រៀងខ្មែរ តន់ ចន្ទសីម៉ា និងតារាចម្រៀងប្រុសថៃម្នាក់កាលពីពេលថ្មីៗកន្លងទៅនោះ ឃើញថាទទួលបានការគាំទ្រយ៉ាងកក្រើកនៅថៃ ដូចនេះទើបផលិតកម្មនឹងធ្វើបទចម្រៀងឲ្យតន់ ច័ន្ទសីម៉ាច្រៀងជាផ្លូវការនាពេលនេះមុនគេ។

លោក យឹម តាស្រង់ លើកឡើងថាអាល់ប៊ុមថ្មីដំបូង របស់តន់ ចន្ទសីម៉ា នោះមានការចូលរួមពីក្រុមភ្លេងជនជាតថៃ៤រូប ចូលរួមប្រគំភ្លេង ។ ក្នុងនោះផងដែរ បទចម្រៀងល្បីដែលសុទ្ធតែជា original song របស់ផលិតកម្មGalaxy Navatra នឹងត្រូវប្រែសម្រួលជាភាសាថៃ ព្រមទាំងមានការផលិតថ្មីៗជាច្រើនទៀតផងដែរ។

លោក លោក យឹម តាស្រង់ បានបន្តឲ្យដឹងទៀតថា ជាជំហានដំបូងនេះយើងសម្រេចតែ តន់ ចន្ទសីម៉ា ម្នាក់សិន ហើយបន្ទាប់មកខាងផលិតកម្មនឹងបញ្ជូនតារាចម្រៀងជាបន្តបន្ទាប់ទៀតច្រៀង។

អ្នកនិពន្ធដែលមានប្រវត្តិចូលជ្រកក្រោមផលិតកម្មមួយណាធ្វើឲ្យល្បីផលិតកម្មនោះល្បី មិនបានទម្លាយប្រាប់ចំនួនបទចម្រៀង នៃអាល់ប៊ុម ជាភាសាថៃលើកដំបូង របស់តន់ ច័ន្ទសីម៉ា ឡើយ ប៉ុន្តែលោកបែរជា ប្រាប់ថា បច្ចុប្បន្ន តន់ ច័ន្ទសីម៉ា ក្រៅតែមមាញឹកលើការផលិតបទចម្រៀងថ្មីជាច្រើនបទទាំងបទខ្មែរនឹងបទថៃនោះ តារាចម្រៀងស្រីមាឌល្អិតសំឡេងលះរូបនេះ ក៏កំពុងតែខិតខំប្រឹងប្រែងរៀនភាសាថៃ និងភាសាអង់គ្លេសជាខ្លាំង ដើម្បីសម្រុកតាមផែនការរបស់ក្រុមហ៊ុន ៕

The post តន់ ចន្ទសីម៉ា ចាប់ផ្ដើមចេញបទនៅក្រុមហ៊ុនថៃហើយ ជាមួយអ្នកភ្លេងថៃ៤រូប appeared first on .

សកម្មភាពតារា

Wow! កញ្ញា តន់ ច័ន្ទសីម៉ា ប៉ះលោក​សិរីមន្ត​លើក​ដំបូងផ្អើលគើល

បំពេញ​ក្ដី​ស្រមៃ​ ករុណា ពេជ្រ នាំ​ឪពុក​ ចូល​នៅ​ផ្ទះ​វីឡា​ដ៏​ស្កឹមស្កៃ​តម្លៃ​ខ្ទង់​រាប់​ម៉ឺន​ដុល្លារ

តោះទស្សនា តាៗ ធាក់ស៊ីក្លូ ច្រៀងរាំ កម្សាន្ត នៅថ្ងៃប្រារព្វពិធីបុណ្យក្តីស្រឡាញ់ បន្តិចទៅមើល!

ជាង ១០ ឆ្នាំក្នុង​វិថី​សិល្បៈ ភុល សុវណ្ណដានីន ទើប​បាន​ក្លាយ​ជា​អ្នក​តំណាង​ផលិតផល ឲ្យ​ក្រុម​ហ៊ុន​មួយ

វីដេអូ​ទាំង​អស់​នេះ​ហើយ​បាន​អង្រួន​បេះដូង ឧកញ៉ា ឡេង ណាវ៉ាត្រា ហៅ គុយលី មក​រស់នៅ​ជា​មួយ

ជំទាវ​ឧកញ៉ា នឹម វណ្ណៈឧបត្ថម្ភ 200$ជូន​​តារា​សម្ដែង​ជើង​ចាស់​ក្រីក្រ​ម្នាក់

wow! បែក​ធ្លាយ​តម្លៃ​​ច្រៀង​របស់ តន់ ចន្ទសីម៉ា ច្រៀង១លើក ថ្លៃ​២ម៉ឺនដុល្លា ថ្លៃ​ជាង​គេ​នៅ​កម្ពុជា

លេចធ្លាយមុខមាត់អនាគតភរិយាតារាចម្រៀង ខេម ថ្ងៃ​សម្ពាធ​ហាង ..

“ភូមិខ្ញុំ update”ល្បី​ពេញ​Tik Tok

តន់ ចន្ទសីម៉ា ចាប់ផ្ដើមចេញបទ​នៅក្រុមហ៊ុនថៃហើយ ជា​មួយអ្នក​ភ្លេង​ថៃ​៤រូប