សកម្មភាពអ្នកជំនួញ

អ្នកឧកញ៉ា គិត ម៉េង រំលឹកអនុស្សាវរីយ៍ទសវត្សរ៍ទី៩០ រួចសួរសំនួ១ ទៅទស្សនិកជន

កូនចៅឧកញ៉ា — Wed, 25 Nov 2020 05:59:12 +0000

មុននេះបន្តិចផេកផ្លូវការរបស់អ្នកឧកញ៉ា គិត ម៉េង បានបង្ហោះរូបរំលឹកអនុស្សាវរីយ៍រូបភាព នៃម៉ូឌែលទូរសព្ទ័ Motorola StarTAC ទសវត្សរ៍ទី៩០ដែលជាទូរស័ព្ទដ៏ពេញនិយាមខ្លាំងនាសម័យនេះ ក្នុងនោះផងដែរ អ្នកឧកញ៉ាល្បីឈ្មោះរូបនេះ បានថែមទាំងដាក់សំនួរ ទៅប្រិយមិត្តថា សូមក្រឡេក ទៅអតីតកាល ថា តើឧបករណ៍ ណាមួយ ដែល អ្នក ចូលចិត្ត នៅ ទសវត្សរ៍ ឆ្នាំ ១៩៩០?

ផេកNeak Oknha Kith Meng បានសរសេរមានខ្លឹមសារទាំងស្រុងបែបនេះថា”រំលឹក អនុស្សាវរីយ៍ កាលពី ទសវត្សរ៍ ទី ៩០ ដែល យើង បាន នាំ យកបច្ចេកវិទ្យា ថ្មី ដ៏ គួរ ឲ ចាប់អារម្មណ៍។ Star ចាំបានថា ម៉ូ ឌែ ល ទូរសព្ទ័ Motorola StarTAC និង Nokia 8110 ជា ទូរស័ព្ទ ដៃ ដ៏ ពេញនិយម នាពេលនោះ។ ក្រុមហ៊ុនក៏ជាទសវត្សរ៍ មួយដែល ក្រុមហ៊ុន Canon បាន បង្កើត បន្ទះឈីបដំបូងគេនៅលើ ពិភពលោក ជាមួយនឹង គ្រោង ការ បង្រួម រូបភាព បែប ឌីជីថល ដ៏ ទំនើប។ សូមក្រឡេក ទៅអតីតកាល ថា តើឧបករណ៍ ណាមួយ ដែល អ្នក ចូលចិត្ត នៅ ទសវត្សរ៍ ឆ្នាំ ១៩៩០?
Beepers declined in the 90s at the advent of mobile phones. Can you guess the model of the device I was using here?”។

ប្រភព៖ ផេកNeak Oknha Kith Meng

The post អ្នកឧកញ៉ា គិត ម៉េង រំលឹកអនុស្សាវរីយ៍ទសវត្សរ៍ទី៩០ រួចសួរសំនួ១ ទៅទស្សនិកជន appeared first on .

ឧកញ៉ា ប៊ុន រតនានាំយកអំណោយអង្ករចំនួន១០តោន ជូនរដ្ឋបាលខេត្តពោធិ៍សាត់ ដើម្បីចែកជូនដល់ប្រជាពលរដ្ឋរងគ្រោះ ដោយជំនន់ទឹកភ្លៀង

កូនចៅឧកញ៉ា — Fri, 16 Oct 2020 05:03:05 +0000

កាលព្រឹកថ្ងៃព្រហស្បតិ៍ទី 15 ខែតុលាឆ្នាំ 2020 លោកឧកញ៉ា ប៊ុន រតនា(សេម) និងលោកជំទាវ ខៀវ យឺនពុទ្ធារ័ត្ន (លីឈី) អគ្គនាយក Amazing Family Trading Co,.Ltd និងឃ្លាំងទិញលក់រថយន្ត អេសអូតូ ខេមបូឌា បាននាំយកអំណោយ ជាអង្ករចំនួន១០តោន ជូនរដ្ឋបាលខេត្តពោធិ៍សាត់ ដើម្បីចែកជូនដល់ប្រជាពលរដ្ឋរងគ្រោះ ដោយជំនន់ទឹកភ្លៀង។

លោកឧកញ៉ា ប៊ុន រតនា បានឱ្យដឹងថា អង្ករទាំង១០តោន បានទិញពីរោងម៉ាស៊ីនផ្ទាល់ រួចច្រកចូលក្នុងការុងតូចៗ ដោយក្នុងមួយការុងមានទម្ងន់ ២៥គីឡូក្រាម ដើម្បីងាយស្រួល ក្នុងការយកទៅចែកជូនដល់ជនងាយរងគ្រោះ និងជនរងគ្រោះដោយប្រការផ្សេងៗ។ ជាក់ស្តែងថ្ងៃនេះ ដោយមើលឃើញពីតម្រូវការដ៏ចាំបាច់ របស់រដ្ឋបាលសាលាខេត្ត ក្នុងការបម្រើសេវាមនុស្សធម៌ ពិសេសជួយដល់ប្រជាពលរដ្ឋរងគ្រោះទឹកជំនន់ លោកឧកញ៉ាក៏បានឆ្លើយតប និងប្រគល់ជូនរដ្ឋបាលខេត្តភ្លាមៗតែម្តង។

ឯកឧត្តម ម៉ៅ ធនិន បានថ្លែងអំណរព្រះគុណយ៉ាងជ្រាលជ្រៅ ជូនចំពោះលោកឧកញ៉ា ប៊ុន រតនា(សេម) និងលោកជំទាវ ខៀវ យឺនពុទ្ធារ័ត្ន (លីឈី) អគ្គនាយក Amazing Family Trading Co,.Ltd និងឃ្លាំងទិញលក់រថយន្ត អេសអូតូ ខេមបូឌា ដែលមានទឹកចិត្តគិតគូ និងយកចិត្តទុកដាក់ ដល់ការងារសង្គមគ្រប់ពេលវេលា។ ទង្វើរ និងសកម្មភាពមនុស្សធម៌របស់លោកឧកញ៉ា និងលោកជំទាវ សបញ្ជាក់ឱ្យឃើញពីសទ្ធាជ្រះថ្លា ជាមួយរាជរដ្ឋាភិបាល អាជ្ញាធរដែនដី ជាពិសេសជាមួយរដ្ឋបាលសាលាខេត្ត ក្នុងការជួយទំនុកបម្រុងដល់ប្រជាពលរដ្ឋរងគ្រោះដោយជំនន់ទឹកភ្លៀង ជាសក្ខីភាពស្រាប់។

គួរបញ្ជាក់ថា បន្ទាប់ពីទទួលរងឥទ្ធិពលព្យុះ និងភ្លៀងធ្លាក់ជាបន្តបន្ទាប់ រយៈពេលជាច្រើនថ្ងៃមក ធ្វើឱ្យក្នុងភូមិសាស្ត្រក្នុងខេត្តពោធិ៍សាត់ បង្កឱ្យមានជំនន់ទឹកភ្លៀងតាមដងស្ទឹងពោធិ៍សាត់ និងរងប៉ះពាល់ ៦ក្រុង/ស្រុក ក្នុងនោះក្រុងពោធិ៍សាត់ និងស្រុកកណ្តៀង បានរងប៉ះពាល់ខ្លាំងជាងគេ បណ្តាលឱ្យលិចលង់ផ្លូវមួយចំនួន ប៉ះពាល់ដល់លំនៅដ្ឋាន ដំណាំស្រូវ ហេដ្ឋារចនាសម្ព័ន្ធមួយចំនួន និងបណ្តាលឱ្យបាត់បង់អាយុជីវិតមនុស្ស៣នាក់ផងដែរ៕

ដោយ ស៊ីន ខ្វាន់ ថៃ
ប្រភព៖ANN Hot News

The post ឧកញ៉ា ប៊ុន រតនានាំយកអំណោយអង្ករចំនួន១០តោន ជូនរដ្ឋបាលខេត្តពោធិ៍សាត់ ដើម្បីចែកជូនដល់ប្រជាពលរដ្ឋរងគ្រោះ ដោយជំនន់ទឹកភ្លៀង appeared first on .

អតីតពលករខ្មែរនៅកូរ៉េ ឈរលើលេខរៀងទី១ ក្នុងចំណោមឧកញ៉ាទាំងអស់ ដែលបានបរិច្ចាគថវិកាជូនសម្តេចតេជោ ហ៊ុន សែន សម្រាប់ជួយសង្គ្រោះពលរដ្ឋរងគ្រោះដោយសារទឹកជំនន់

កូនចៅឧកញ៉ា — Fri, 16 Oct 2020 02:47:09 +0000

ក្នុងតួលេខបង្ហាញដោយសម្ដេចតេជោហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា សប្បុរសជនដែលបានចូលរួមជួយប្រជាជនក្នុងគ្រោះជំនន់ទឹកភ្លៀងដែលកំពុងកើតមាននៅក្នុងប្រទេស គិតត្រឹមម៉ោង 9.00នាទី ព្រឹក ថ្ងៃ១៦ តុលា ២០២០នេះថវិកាទទួលបាន $6,153,049 ដុល្លារ និង 204 លានរៀល ហើយ។។ ក្នុងចំណោម ឧកញ៉ាល្បីៗដែលជាម្ចាស់ក្រុមហ៊ុនជាច្រើនរូបបានចូលរួមបរិច្ចាគថវិកា គេឃើញលោកឧកញ៉ា ឡេង ណាវ៉ាត្រា នាយកក្រុមហ៊ុនឡេងណាវ៉ាត្រាគ្រុប បានចូលរួមបរិច្ចាគថវិកាជូន៦០ម៉ឺនដុល្លារ ជាចំនួនដែលច្រើនជាងគេ ខណៈដែលអ្នកដែលឈរលេខរៀងទី២ គឺឧកញ៉ា ហុង ពីវ នឹង ឧកញ៉ា ចេញ ស៊ី បានចូលចំនួន៥០ម៉ឺនដុល្លារ។

ខាងក្រុមនេះ គឺជាឈ្មោះសប្បុរសជន ដែលបានបរិច្ចាគថវិកាជូនសម្តេចតេជោ ហ៊ុន សែន សម្រាប់ជួយសង្គ្រោះពលរដ្ឋរងគ្រោះដោយសារទឹកជំនន់ ដែលគិតត្រឹមម៉ោង 9.00នាទី ព្រឹក ថ្ងៃ១៦ តុលា ២០២០នេះថវិកាទទួលបាន $6,153,049 ដុល្លារ និង 204 លានរៀល ដែលក្នុងនោះ ៖

១-លោកឧកញ៉ា គិត ម៉េង និង លោកជំទាវម៉ៅ ចំណាន ២០ ម៉ឺនដុល្លារ

២-ក្រុមហ៊ុនជីប ម៉ុង ៣០ម៉ឺនដុល្លារ

៣-លោកឧកញ៉ា ថៃ ជាហួត ក្រុមហ៊ុន ប៉េង ហួត ២០ម៉ឺនដុល្លារ

៤-លោកឧកញ៉ា ឌួង ឆាយ និង លោកជំទាវ ដេត ម៉ាលីណា ១០ម៉ឺនដុល្លារ

៥-លោកជំទាវឧកញ៉ា ង៉ូវ ម៉ុក និង លោក

ឧកញ៉ា ង៉ូវ ស្រ៊ុន ១០ម៉ឺនដុល្លារ

៦-លោកឧកញ៉ា ថោង សារ៉ាត និង លោកជំទាវ ធីតា ១០ ម៉ឺនដុល្លារ

៧-ឧកញ៉ា ហុង ពីវ ៥០ម៉ឺនដុល្លារ

៨-អ្នកឧកញ៉ា ចេន ស៊ី ៥០ម៉ឺនដុល្លារ

៩-ឧកញ៉ា ឃុន សៀ ១០ម៉ឺនដុល្លារ

១០-ឧកញ៉ា លី ហួរ ១០ម៉ឺនដុល្លារ

១១-ក្មួយ នឹម វណ្ណះ ៥ពាន់ដុល្លារ

១២-ក្រុមហ៊ុនស្រាបៀ Ganzberg ៣០ម៉ឺនដុល្លារ

១៣-ឧកញ៉ា សៀ ឬទ្ធី ១០ម៉ឺនដុល្លារ

១៤-ឧកញ៉ា ហេង សិទ្ធី និងលោកជំទាវ ១០ម៉ឺនដុល្លារ

១៥ -ឧកញ៉ា ពុង ឃាវសែ ២០ម៉ឺនដុល្លារ

១៦ -ក្រុមហ៊ុន 7NG ១ម៉ឺនដុល្លារ

១៧ -ឧកញ៉ា អ៊ុល ចំណាន និងភរិយា ២ម៉ឺនដុល្លារ

១៨ -ឧកញ៉ា អឹង ប៊ុនហ៊ូវ ២០ម៉ឺនដុល្លារ

១៩ -ឧកញ៉ា លី យ៉ុងផាត់ និងលោកជំទាវ ២០ម៉ឺនដុល្លារ

២០ -ធនាគារអេស៉ីលីដា ២០ម៉ឺនដុល្លារ

២១-ស៊ីន ឃីម ទីប្រឹក្សាសម្តេចអគ្គមហាចក្រី ហេង សំរិន ២ម៉ឺនដុល្លារ

២២-ឧកញ៉ា ឡេង ណាវ៉ាត្រា និងលោកជំទាវ ៦០ម៉ឺនដុល្លារ

២៣-ឯឧ ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល ៥ពាន់ដុល្លារ

២៤-ឯឧ យឹម លាង ១០ម៉ឺនដុល្លារ

២៥-អ៊ឹង លីហេង និងលោកជំទាវ ៥ម៉ឺនដុល្លារ

២៦-ក្រុមហ៊ុន កម្ពុជាតេឡា ២០ម៉ឺនដុល្លារ

២៧ -ឧកញ៉ា ជឹង ធានសេង អគ្គនាយកក្រុមហ៊ុន ព្រីខាស ផ្លេន បរិច្ចាក១០ម៉ឺនដុល្លារ

២៨ -ឧកញ៉ា សុីវ គង់ទ្រីវ និង លោកជំទាវ ១០មុឺនដុល្លារ

២៩ -ឧកញ៉ា វិញ ហួនិងលោកជំទាវ ១០មុឺនដុល្លារ

៣០ -ឧកញ៉ា វេជ្ជបណ្ឌិត គួច ម៉េងលី ២៥០០០ដុល្លារ

៣១ -ឧកញ្ញ៉ា ខូវ សម្បត្តិ ២០ ម៉ឺន ដុល្លារ

៣២ -ឧកញ៉ា ជាម ឃុន ណាត និង លោកជំទាវ ២ម៉ឺនដុល្លារ

៣៣ -ឧកញ៉ាទ្រី ភាព នាយកក្រុមហ៊ុន M.B.S ២០មុឺនដុល្លារ

៣៤-លោកជំទាវ ឡងឌី សាន់ណារ៉ា អនុរដ្ឋលេខាធិការនៃក្រសួងពត៌មាន បរិច្ចាគថវិកា១ពាន់ដុល្លារ

៣៥-ឧកញ៉ា ឡាយ ប៊ុនប៉ា បរិច្ចាគថវិកា៥ម៉ឺនដុល្លារ

៣៦-អ្នកឧកញ៉ា សុខ គង់ បរិច្ចាគថវិកា១០ម៉ឺនដុល្លារ

៣៧-ឧកញ៉ា គិត សែនសូរិយា និងលោកជំទាវ អគ្គនាយក ក្រុមហ៊ុន KFour Group Ltd បរិច្ចាគថវិកា១ម៉ឺនដុល្លារ

៣៨-លោកជំទាវ ហា សុខហ័រ ទ្រីហេង បរិច្ចាគថវិកា២ម៉ឺនដុល្លារ

៣៩-លោកជំទាវ យិន ផាន្នី ថុង អ៊ុយប៉ាង សារព័ត៌មានកោះសន្តិភាព បរិច្ចាគថវិកា២លានរៀល

៤០-ឯកឧត្តម កង ណែម និងលោកជំទាវ បរិច្ចាគថវិកា២លានរៀល

៤១-ឯកឧត្តម អ៊ុក ដាមរី តំណាងរាស្ត្រមណ្ឌលខេត្តកណ្តាល និងលោកជំទាវ បរិច្ចាគថវិកា១ពាន់ដុល្លារ

៤២-លោក ហ៊ាង រតនា និងលោកស្រី បរិច្ចាគថវិកា១ពាន់ដុល្លារ

៤៣-លោក Park Sang Ho ក្រុមហ៊ុន Wonlim Construction Co., Ltd បរិច្ចាគថវិកា១ពាន់ដុល្លារ

៤៤. លោកស្រី ឱក សុគន្ធកញ្ញា និងស្វាមី បរិច្ចាគថវិកា១ពាន់ដុល្លារ

៤៥-ឯកឧត្តម ជាវ តាយ អភិបាលខេត្តកំពត និង លោកជំទាវ លាង ហៃ ជាវតាយ បរិច្ចាគថវិកា២ម៉ឺនដុល្លារ

៤៦-ឧកញ៉ា ទៀ វិចិត្រ និងលោកជំទាវ បរិច្ចាគថវិកា៥ម៉ឺនដុល្លារ

៤៧-ឧកញ៉ាបណ្ឌិត ឡាច សំរោង ជាសាកលវិទ្យាធិការនៃសាកលវិទ្យាល័យឥន្រ្ទវិជ្ជា ( UI) បរិច្ចាគថវិកា៥ពាន់ដុល្លារ

៤៨-ឧកញ្ញា ផែ ហុកឈួន និង លោកជំទាវ អ៉ឹង ស៉ីស្រ៊ន បរិច្ចាគ ២ម៉ឺន៥ពាន់ដុល្លារ

៤៩- ក្រុមហ៊ុនដែលខុម (កម្ពុជា )ភីធីអុី អិលធីឌី បរិច្ចាគថវុកា ១០ម៉ឺនដុល្លារ

៥០- ក្រុមហ៊ុនសុិនសាន(xinshan）បរិច្ចាគថវិកា ៥ម៉ឺនដុល្លារ

៥១- ក្រុមហ៊ុនជិនសា（Jinsha）បរិច្ចាគថវិកា ៥ម៉ឺនដុល្លារ

៥២- លោកគ្រូ លី សាម៉េត បរិច្ចាគថវិកា ១ម៉ឺនដុល្លារ

៥៣- ឧកញ៉ា ង៉ូវ សារិន នឹង លោកជំទាវ (ហាងមាសពេជ្រ គួង ហុង) ១ម៉ឺនដុល្លារ

៥៤- ក្រុមហ៊ុនភេសជ្ជៈ ឆេមពាន ២ ម៉ឺនដុល្លារ

៥៥- អគ្គនាយកក្រុមហ៊ុន TEXAS TOBACCO (CAMBODIA) CO.,LTD ២ម៉ឺនដុល្លារ

៥៦- លោក ស៊ន សុខណា និង លោកជំទាវ មុំ ថាវី ២ម៉ឺនដុល្លារ

៥៧- លោកជំទាវ ឧកញ្ញា ស៊ុយ សុផាន និង ឯកឧត្ដម តាំង គីមថុង ១០០ លានរៀល

៥៨- ឯកឧត្ដម ជីវ កេង និង លោកជំទាវ ៣ពាន់ដុល្លារ

៥៩- លោកឧកញ្ញា លឹម ហេង និងលោកជំទាវ ប្រធានក្រុមហ៊ុន លឹម ហេង គ្រុប ៥ម៉ឺនដុល្លារ

៦០- ឯកឧត្តមកិត្តិសេដ្ឋាបណ្ឌិត ទេសរដ្ឋមន្ត្រី ចម ប្រសិទ្ធ និង លោកជំទាវ ទេព បុប្ឋា ប្រសិទ្ធ ចំនួន១ម៉ឺនដុល្លារ

៦១- នាយឧត្ដមសេនីយ៍ ប៉ុល សារឿន ទេសរដ្ឋមន្ត្រីទទួលបន្ទុកបេសកកម្មពិសេស និងលោកជំទាវ ៥ពាន់ដុល្លារ

៦២- ឧកញ្ញា សំ អាង និង លោកជំទាវ ឈុន លាង ១០ម៉ឺនដុល្លារ

៦៣- លោកស្រី ឡៅ គីមលាង ក្រុមហ៊ុនលក់អាវ Montagut បរិច្ចាគថវិកា ៣ពាន់ដុល្លារ

៦៤- ឧកញ៉ា ម៉ក់ គឹមហុង និងលោកជំទាវ ទុយ រស្ម៊ី បរិច្ចាគថវិកា ២ម៉ឺននដុល្លារ

៦៥- ឯកឧត្តម យូ ប៊ុនឡេង ប្រធានសាលាឧទ្ធរណ៍ភ្នំពេញ និងលោកជំទាវ ឃុន សុភាវី បរិច្ចាគថវិកា ៥ពាន់ដុល្លារ

៦៦- ក្រុមអតីតនិស្សិតអាហារូបករណ៍ប្រទេសបារាំង (ABF) បរិច្ចាគថវិកា ១១៧០០ដុល្លារ

៦៧- ឯកឧត្តម សេង ស៉ីវុត្ថា អនុប្រធាន សាលាឧទ្ធរណ៍ភ្នំពេញ និងលោកជំទាវ ស្រី វិបុប្ផា បរិច្ចាគថវិកា ៥ពាន់ដុល្លារ

៦៨- ឧកញ៉ា សូ ងួន និងលោកជំទាវ យឹម ស៉ីថា បរិច្ចាគថវិកា ៣ម៉ឺនដុល្លារ

៦៩- ឧកញ៉ា លីសេង ឃាង និងលោកជំទាវ ចាន់ដានី បរិច្ចាគថវិកា ៥ម៉ឺនដុល្លារ

៧០- មហាឧបាសិកាធម្មបណ្ឌិត ញឹក ប៊ុនថា ប្រធានមជ្ឈមណ្ឌលវប្បធម៍ ព្រះពុទ្ធសាសនាកម្ពុជា បរិច្ចាគថវិកា ៥ពាន់ដុល្លារ

៧១- ឯ ឧ ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួងសាធារណការនិងដឹកជញ្ជូន បរិច្ចាគថវិកា ២ម៉ឺនដុល្លារ

៧៣. លោកហេង ឡុង និងអ្នកនាង ចន ច័ន្ទលក្ខិណា ១,០០០ ដុល្លារ

៧៤. លោក ព្រាប សុវត្ថិ និងក្រុមគ្រួសារ ៥,០០០ដុល្លារ

៧៥. ឧកញ៉ា ឡេង ប្រុស ២,០០០ ដុល្លារ

៧៦. ឧកញ៉ា ឡេង និមល ១,០០០ ដុល្លារ

៧៧. កញ្ញា សុខ ពិសី ២,០០០ដុល្លារ

៧៨. ទៀង មុំសុធាវី និង ស្វាមី ២.០០០ដុល្លារ

៧៩. កញ្ញា ឌួង ហ្សូរីដា ២,០០០ដុល្លារ

៨០. តារាចម្រៀងលោក ខេមរៈ សិរីមន្ត និងក្រុមគ្រួសារ ១,២៥០ដុល្លារ

៨១. កញ្ញា ពេជ្រ សោភា ១,០០០ ដុល្លារ

៨២. លោកជំទាវឧកញ៉ា ម៉ែន ចិន្តា និងក្រុមគ្រួសារ ១,០០០ ដុល្លារ

៨៣. លោកជំទាវឧកញ៉ា យិន ចន្ធូ និងក្រុមគ្រួសារ ១,០០០ ដុល្លារ

៨៤. លោក ឆន សុវណ្ណារាជ ១.០០០ដុល្លារ

៨៥. លោកឧកញ៉ា លី គង់ហុង និងលោកជំទាវ សៀក ឡា ៩៩៩ដុល្លារ

៨៦. អ្នកនាង សួស វីហ្សា និងក្រុមគ្រួសារ ៥០០ ដុល្លារ

៨៧. ឧកញ៉ា លឹម ជា និងលោកជំទាវ ២,៥០០ដុល្លារ

៨៨. ជំទាវឧកញ៉ា គង់ គន្ធា ១,០០០ ដុល្លារ

៨៩. ជំទាវឧកញ៉ា ឡៅ កាវី ១,០០០ ដុល្លារ

៩០. ជំទាវឧកញ៉ា ឡៅ កាយិន ១,០០០ ដុល្លារ

៩១. លោក នី រតនា និងភរិយា ៥០០ ដុល្លារ

៩២. លោក ចា រិទ្ធី ៥០០ ដុល្លារ

៩៣. អ្នកនាង យាយសួយ ៥០០ដុល្លារ

៩៤. យុង ចាន់កណ្ណិកា ម្ចាស់ក្រុមហ៊ុនCKNK ៥០០ដុល្លារ

៩៥. កញ្ញា វី ឌីណែត ២០០ ដុល្លារ

៩៦. លោក ជា វិបុល និងភរិយា អ្នកនាង គង់ សុជាតិ ២០០ដុល្លារ

៩៧. លោក ផូ កែវសម្បត្តិ និងអ្នកនាង ហង្ស ម៉ារីនី ២០០ដុល្លារ

៩៨. កញ្ញា ឌី សូនីតា ១០០ដុល្លារ

៩៩. កញ្ញា នី មុនីនាថ ១០០ដុល្លារ

១០០. នាយ ក្រឹម ១០០ដុល្លារ

១០១. លោក ផែ សុវណ្ណារិទ្ធ និងភរិយា ១០០ដុល្លារ

១០២. កញ្ញា មាស សុវណ្ណរតនា ១០០ដុល្លារ

១០៣. លោក តែ គីមហុក ១០០ដុល្លារ

១០៤. លោក សុខ រ៉ាស៊ី ៥០ដុល្លារ

១០៥. កញ្ញា ឃុត សោភា ៥០ ដុល្លារ

១០៦. លោកស្រី ចាន់កែវនិមល និងស្វាមី ៥០០ដុល្លារ

១០៧. ឧកញ៉ា ឈន ថារី និងលោកជំទាចំនួន ១ ម៉ឺនដុល្លារ

សម្ដេចតេជោបានបន្តឲ្យដឹងថា ថវិកាដែលសប្បុរសជនចូលរួមនេះនឹងចាត់ចែងជួយសង្រ្គោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ។ក្នុងករណីយមានសប្បុរសជនចង់ចូលរួមបន្ថែមទៀតសូមទាក់ទងលោកសេង ទៀង រដ្ឋលេខាធិការទីស្តីការគណៈរដ្ឋមន្ត្រី។ (ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក)៕

The post អតីតពលករខ្មែរនៅកូរ៉េ ឈរលើលេខរៀងទី១ ក្នុងចំណោមឧកញ៉ាទាំងអស់ ដែលបានបរិច្ចាគថវិកាជូនសម្តេចតេជោ ហ៊ុន សែន សម្រាប់ជួយសង្គ្រោះពលរដ្ឋរងគ្រោះដោយសារទឹកជំនន់ appeared first on .

អ្នកឧកញ៉ា គិត ម៉េងចុះហត្ថលេខាលើគម្រោងសាងសង់ផ្លូវបេតុងប្រវែង៧០គីឡូម៉ែត្រ នៅកោះរ៉ុង ក្រុងកោះរ៉ុង

កូនចៅឧកញ៉ា — Thu, 16 Jul 2020 12:41:03 +0000

នៅព្រឹកថ្ងៃទី១៤ ខែកក្កដា ឆ្នាំ២០២០ អ្នកឧកញ៉ា គិត ម៉េង បានអញ្ជើញចុះហត្ថលេខាលើកិច្ចព្រមព្រៀងសាងសង់ផ្លូវបេតុងប្រវែង៧០គីឡូម៉ែត្រ ទទឹង៨ម៉ែត្រ នៅលើតំបន់អភិវឌ្ឍន៍កោះរ៉ុង ក្រុងកោះរ៉ុង ខេត្តព្រះសីហនុ។

ពិធីចុះហត្ថលេខានេះ ធ្វើឡើងរវាងក្រុមហ៊ុនរ៉ូយ៉ាល់គ្រុបកោះរ៉ុង ឌីវេឡុបមេនខមភេនី ក្រោមការចូលរួមពីសំណាក់ អ្នកឧកញ៉ា គិត ម៉េង និងលោកជំទាវ ម៉ៅ ចំណាន ជាមួយនឹងក្រុមហ៊ុន ស៊ីណូ ហៃដ្រូ ខនស្ដ្រាក់សិន ខូអិលធីឌី ក្រោមអធិបតីភាពលោក គួច ចំរើន អភិបាលខេត្ដព្រះសីហនុ នៅសណ្ឋាគារ Goddess of Liberty Hotel and Resort ភូមិ១ សង្កាត់ លេខ៣ ក្រុងព្រះសីហនុ។

ជាកិច្ចបញ្ចប់ ភាគីទាំងសងខាងរំពឹងថា គម្រោងសាងសង់ផ្លូវនេះនឹងជួយជម្រុញដល់ការអភិវឌ្ឍន៍សេដ្ឋកិច្ចនៃព្រះរាជាណាចក្រកម្ពុជា។ ពិធីនេះ ត្រូវបានអញ្ជើញចូលរួមពីមន្ត្រីរាជការ កម្លាំងប្រដាប់អាវុធ និងភាគីពាក់ព័ន្ធច្រើននាក់ទៀតផងដែរ។ សូមចូលរួមអបអរសាទរដល់ ក្រុមហ៊ុន រ៉ូយ៉ាល់គ្រុប និងក្រុមហ៊ុន ស៊ីណូ ហៃដ្រូ ខនស្រ្តាក់សិន ខូអិលធីឌី។

អត្ថបទនឹងរូបភាព៖ផេក Royal Group Careers

The post អ្នកឧកញ៉ា គិត ម៉េងចុះហត្ថលេខាលើគម្រោងសាងសង់ផ្លូវបេតុងប្រវែង៧០គីឡូម៉ែត្រ នៅកោះរ៉ុង ក្រុងកោះរ៉ុង appeared first on .

សម័យកូវិត ម្នាក់ៗថ្ងូរគ្រប់គ្នា ខាន់ ជេមស៍ បែរជាឡើងកូដខ្លាំង ត្រូវបានក្រុមហ៊ុន «ASPOR» ជ្រើសរើសឲ្យក្លាយជាតំណាងផលិតផល ប្រចាំនៅកម្ពុជា!

កូនចៅឧកញ៉ា — Fri, 26 Jun 2020 01:23:15 +0000

ក្រៅពីអាជីពជាតារាចម្រៀង និងមុខជំនួញទទួលបានជោគជ័យហើយនោះ ថ្មីៗនេះលោក ខាន់ ជេមស៍ ហាក់ឡើងកូដខ្លាំង រីកមុខរីកមាត់ រហូតត្រូវបានក្រុមហ៊ុន «ASPOR» ដែលនាំចូលគ្រឿងអេឡិចត្រូនិកធំមួយ ជ្រើសរើសជាទូតសុឆន្ទៈ ប្រចាំប្រទេសកម្ពុជា។

តារាចម្រៀងសំឡេងផ្អែម លោក ខាន់ ជេមស៍ បានឲ្យដឹងថា លោកពិតមានអារម្មណ៍សប្បាយរីករាយ ក្នុងការធ្វើទូតសុឆន្ទៈ ឲ្យក្រុមហ៊ុន «ASPOR» និងមានមោទនភាព ដែលត្រូវបានក្រុមហ៊ុនជ្រើសរើសរូបលោក តំណាងឲ្យម៉ាកសញ្ញា «ASPOR» ជាម៉ាកល្បី កំពុងវាយលុកទីផ្សារទាំងនៅលើពិភពលោក និងក្នុងប្រទេសកម្ពុជា។

លោក ខាន់ ជេមស៍ បន្តថា ក្រុមហ៊ុន «ASPOR» គឺផ្តោតសំខាន់ទៅលើគុណភាព និងសុវត្ថិភាពអ្នកប្រើប្រាស់ ជាពិសេសគ្រឿង Accessories ផ្សេងៗដូចជា ឆ្នាំងសាកទូរស័ព្ទ, Power Bank, ឈុតការ៉ាអូខេ និងកាស់ស្ដាប់ ជាដើមនោះ សុទ្ធសឹងតែមានគុណភាពល្អ លំដាប់អន្តរជាតិ ពេញនិយមច្រើន ក្នុងការប្រើប្រាស់សម្រាប់អតិថិជនទាំងក្នុង និងក្រៅប្រទេស។

ដោយសារតែលេចមុខមាត់ខ្លាំង ក្នុងវិស័យជំនួញ មានដៃគូសហការច្រើន រួមទាំងប្រជាប្រិយភាពកេរ្តិ៍ឈ្មោះល្អផងនោះ បានធ្វើឲ្យលោក ខាន់ ជេមស៍ ក្លាយជាអ្នកជម្រើសទី១ សម្រាប់ក្រុមហ៊ុន «ASPOR» ក្នុងការជ្រើសរើសជាទូតសុឆន្ទៈ ប្រចាំប្រទេសកម្ពុជា។

ការចុះកុងត្រា ជាតំណាងឲ្យក្រុមហ៊ុន «ASPOR» បានធ្វើឡើងកាលពីម្សិលមិញនេះ ដោយកុងត្រានោះ មានរយៈពេល៥ឆ្នាំ ហើយនឹងបន្តទៀត នៅ៥ឆ្នាំខាងមុខ៕

The post សម័យកូវិត ម្នាក់ៗថ្ងូរគ្រប់គ្នា ខាន់ ជេមស៍ បែរជាឡើងកូដខ្លាំង ត្រូវបានក្រុមហ៊ុន «ASPOR» ជ្រើសរើសឲ្យក្លាយជាតំណាងផលិតផល ប្រចាំនៅកម្ពុជា! appeared first on .

អាកាសយានដ្ឋានអន្តរជាតិថ្មីនៅតាខ្មៅ របស់អ្នកឧកញ៉ា ពុង ឃាវសែ ដែលវិនិយោគជាង ១,៥០០លានដុល្លារ គ្រោងសាងសង់អាចនឹងរួចរាល់នៅឆ្នាំ២០២៣

កូនចៅឧកញ៉ា — Mon, 22 Jun 2020 03:58:32 +0000

នៅព្រឹកថ្ងៃចន្ទ ទី២២ ខែមិថុនា ឆ្នាំ២០២០នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញចុះត្រួតពិនិត្យការដ្ឋានសាងសង់ ព្រលានយន្តហោះអន្តរជាតិភ្នំពេញថ្មី ស្ថិតនៅឃុំ ព្រែកស្លែង ស្រុក កណ្ដាល ស្ទឹង ខេត្ត កណ្ដាល ។ អាកាសយានដ្ឋានអន្តរជាតិថ្មីនេះ ត្រូវបានសាងសង់លើផ្ទៃដីទំហំប្រមាណ ២,៦០០ហិកតា ក្រោមទុនវិនិយោគក្នុងទឹកប្រាក់ប្រមាណ ១,៥០០លានដុល្លារ ហើយ នឹងសាងសង់អាចនឹងរួចរាល់នៅឆ្នាំ២០២៣ ខាងមុខនេះ។

ដើម្បីឆ្លើយតបនឹងកំណើនអ្នកដំណើរចេញចូលប្រទេសកម្ពុជា និងបង្កើនសមត្ថភាពក្នុងការទទួលវត្តមានយន្តហោះនោះ រាជរដ្ឋាភិបាលកម្ពុជា បានសម្រេចសាងសង់អាកាសយានដ្ឋានអន្តរជាតិភ្នំពេញមួយកន្លែងថ្មីទៀត លើផ្ទៃដីទំហំប្រមាណ ២,៦០០ហិកតា ស្ថិតនៅក្នុង ក្រុង តាខ្មៅ និង ស្រុក កណ្ដាល ស្ទឹង ខេត្ត កណ្ដាល និងដីខ្លះស្ថិតនៅ ក្នុងស្រុក បាទី ខេត្ត តាកែវ។

គម្រោងសាងសង់អាកាសយានដ្ឋានអន្តរជាតិភ្នំពេញថ្មីនេះ ត្រូវបានប្រកាសឡើងក្នុងដំណើរទស្សនកិច្ចរបស់លោកនាយករដ្ឋមន្ត្រីចិន លី ខឺឈាង មកកម្ពុជា កាលពីខែមករា ឆ្នាំ២០១៨។ សម្តេចតេជោ ហ៊ុន សែន និងលោក លី ខឺឈាង បានអញ្ជើញជាអធិបតីភាពក្នុងពិធីចុះហត្ថលេខាគម្រោងវិនិយោគរវាងក្រុមហ៊ុន OCIC អ្នកឧកញ៉ា ពុង ឃាវសែ និងក្រុមហ៊ុនចិននាពេលនោះផងដែរ។

អ្នកឧកញ៉ា ពុង ឃាវសែ អគ្គនាយកក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) ដែលជាអ្នកទទួលបានសិទ្ធិសាងសង់អាកាសយានដ្ឋានអន្តរជាតិថ្មីនេះ ធ្លាប់បានបញ្ជាក់ថា ការសាងសង់អាចនឹងរួចរាល់នៅឆ្នាំ២០២៣។ អាកាសយានដ្ឋានអន្តរជាតិថ្មីនេះ វិនិយោគក្នុងទឹកប្រាក់ប្រមាណ ១,៥០០លានដុល្លារ។

ព្រលានយន្តហោះភ្នំពេញថ្មីជាប្រភេទ 4F គឺប្រភេទព្រលានយន្តហោះធំ ដែលអាចនឹងស្រូបយក និងទទួលបានការហោះហើរពីឆ្ងាយឆ្លងទ្វីប ដែលអាចឲ្យប្រភេទយន្តហោះធុនយក្ស រហូតដល់ Airbus A380-800 និង យន្តហោះ Boeing 747-800 ចុះចតបាន។ ក្រុមហ៊ុនវិនិយោគមានមហិច្ឆិតា អភិវឌ្ឍន៍ជាព្រលានយន្តហោះថ្មីនេះឲ្យធំ និងទំនើបជាងគេនៅតំបន់អាស៊ី។

លោក ស៊ីន ចាន់សិរីវុត្ថា អគ្គនាយករងបច្ចេកទេស និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល ធ្លាប់បានអះអាងថា ការសាងសង់អាកាសយានដ្ឋានអន្តរជាតិនេះ សម្រេចបានប្រមាណ ៣០ភាគរយហើយ។ លោកបានបញ្ជាក់ទៀតថា តាមការគ្រោងទុកវត្តមានអាកាសយានដ្ឋានអន្តរជាតិមួយនេះ អាចទទួលអ្នកដំណើរបានប្រមាណ ១៣លាននាក់នៅឆ្នាំ២០៣០ ហើយអាចទទួលអ្នកដំណើរ ៣០លាននាក់ នៅឆ្នាំ២០៥០៕

The post អាកាសយានដ្ឋានអន្តរជាតិថ្មីនៅតាខ្មៅ របស់អ្នកឧកញ៉ា ពុង ឃាវសែ ដែលវិនិយោគជាង ១,៥០០លានដុល្លារ គ្រោងសាងសង់អាចនឹងរួចរាល់នៅឆ្នាំ២០២៣ appeared first on .

ឧកញ៉ា នួន អក បង្ហាញ៣ចំណុច ដើម្បីបង្កើតផ្នត់គំនិតសេដ្ឋី

កូនចៅឧកញ៉ា — Tue, 05 May 2020 03:04:45 +0000

តើអ្នកធ្លាក់ចង់ក្លាយជាអ្នកមានទ្រព្យសម្បត្តិហូហៀរដែរទេ? អ្នកចង់ក្លាយជាអ្នកមានដោយសារអាជីវកម្មរបស់មែនទេ? ហើយគំនិតនោះក៏បានបាត់ទៅវិញ នៅពេលអ្នកភ្លេចខ្លួនមែនទេ? ការបណ្ដុំគំនិតវាជារឿងដំបូងដែលអ្នកត្រូវគិតមុនគេ។

១. មានចក្ខុវិស័យ

បើអ្នកប្រថ្នាចង់ក្លាយអ្នកមានទ្រព្យសម្បត្តិច្រើនសន្ធឹកសន្ធាប់ អ្នកត្រូវកំណត់ថា អ្នកក្លាយជាសេដ្ឋីដោយសារអ្វី? ដោយសារអាជីវកម្មរបស់អ្នក ឬ ជំនាញពិសេសរបស់អ្នក? បើសិនអ្នកបានដឹងច្បាស់ពីអ្វីដែរអ្នកចង់បានហើយ អ្នកត្រូវធ្វើផែនការណ៍ ១០ ឬ ២០ ឆ្នាំជាដើម ដើម្បីជាទិសមួយសម្រាប់ ចង្អុលបង្ហាញផ្លូវដល់អ្នក ក្នុងការទៅដល់គោលដៅ។ បើសិនអ្នកជោគជ័យ វាជាល្អរឿងណាស់សម្រាប់អ្នក តែបើអ្នកបរាជ័យ វាជាមេរៀនដែលអ្នកបានសិក្សាស៊ីជម្រៅ និងមានអត្តន័យខ្លឹមសារល្អបំផុត។ ប្រសិនបើអ្នកមិនចង់ក្លាយជាសេដ្ឋីដែលមានប្រាក់ស្តុកស្តុមទេ អ្នកត្រូវសួរខ្លួនឯងថា ហេតុអ្វី? តើអ្នករំពឹងចង់បានអ្វី? អ្នកជោគជ័យមានកិច្ចការជាច្រើនដែលពួកគេនឹងធ្វើ ដូច្នេះអ្នកត្រូវមានគំរោងអោយបានច្បាស់លាស់ សម្រាប់ជំហាននីមួយៗ។

២. ពេញចិត្តនូវអ្វីដែលអ្នកកំពុងធ្វើ

ប្រសិនបើអ្នកមិនពេញចិត្តនូវអ្វីដែលអ្នកកំពុងធ្វើទេ អ្នកនឹងមិនមានអារម្មន៍ធ្វើការនោះទេ ហើយការងារនោះក៏មិនបានល្អទៀតផង ប៉ុន្តែបើអ្នកស្រលាញ់នូវអ្វីដែលអ្នកកំពុងធ្វើ អ្នកនឹងធ្វើអោយអស់ពីសម្ថតភាព លុយនឹងរត់មករកអ្នកមិនខាតឡើយ។ បើទោះបីអ្នកកំពុងធ្វើការងារដែលអ្នកមិនចូលចិត្តក៏ដោយ បើអ្នកអាចផ្លាស់ប្ដូរគំនិតបាន អ្វីៗនឹងល្អប្រសើឡើងវិញ។

៣. ត្រូវមានដំណោះស្រាយ

អ្នកត្រូវមានដំណោះស្រាយបញ្ហាលើអាជីវកម្ម ឬ ការងាររបស់អ្នក ។ មិនសំខាន់ថា បញ្ហាធំ ឬ តូចប៉ុណ្ណានោះទេ អ្នកត្រូវរកដើមហេតុនៃបញ្ហាអោយឃើញសិន នោះអ្នកនឹងអាចរកវិធីដោះស្រាយបានហើយ។ សេដ្ឋីដឹងពីក្បួតនៃការដោះស្រាយបញ្ហា ដោយមិនគេចវេសពីបញ្ហានោះឡើយ។

ប្រភពផេក៖ ឧកញ៉ា នួន អក Oknha Nourn Ork

The post ឧកញ៉ា នួន អក បង្ហាញ៣ចំណុច ដើម្បីបង្កើតផ្នត់គំនិតសេដ្ឋី appeared first on .

កាន់តែជោគជ័យ ដង្ខៅ ដីឡូតិ៍ ឈូសឆាយ សែនបើកគម្រោងទី៤ លើផ្ទៃដី ៥ហិតាបន្ថែមទៀត

កូនចៅឧកញ៉ា — Tue, 18 Feb 2020 01:56:33 +0000

ស្របពេលកំពុងជោគជ័យជាបន្តបន្ទាប់ដោយទទួលបានការគាំទ្រនិងផ្ដល់ទំនុកចិត្តសម្រាប់អតិថិជនរបស់ខ្លួនលើគម្រោងលក់ដីឡូតិ៍រាប់សិបហិតានោះពេលនេះ ដង្ខៅ ដីឡូតិ៍ ដែលមានលោក គល់ តុលា ជាថៅកែបានប្រកាសចាប់ផ្តើមឈូសឆាយ ធ្វើពិធីសែនបើកគម្រោងទី៤លើផ្ទៃដី ៥ហិតា នៅខេត្តកំពង់ស្ពឺ ដើម្បីបំពេញតម្រូវការអតិថិជន។

លោក គល់ តុលា បានបញ្ជាក់ប្រាប់ឲ្យដឹងថា គម្រោងទី៤លើផ្ទៃដីចំនួន ៥ហិតា នេះបានចាប់ផ្តើមឈូសឆាយនិងសែនបើកដំណើរការហើយកាលពីព្រឹកថ្ងៃទី ១៧ ខែកុម្ភៈ ឆ្នាំ២០២០ ដែលមានទីតាំងស្ថិតនៅផ្លូវជាតិលេខ៣ ត្រង់ចំណុចគីឡូម៉ែត្រលេខ៥៨ ក្នុងភូមិ ដំណាក់ត្រាច ឃុំ ទួលអំពិល ស្រុក បសែត ខេត្តកំពង់ស្ពឺ។លោកបន្តថាទីតាំងដីគម្រោងទី៤នេះ គឺមានចំណាយពីថ្នល់ជាតិត្រឹមតែ១គីឡូម៉ែត្រប៉ុណ្ណោះនឹងចុះទៅដល់តែម្តង។

https://www.facebook.com/thepoptimes/videos/485526029017319/

លោក គល់ តុលា បានឲ្យដឹងថា គ្រប់គម្រោងដីឡូតិ៍របស់ខ្លួននីមួយៗ គឺទទួលបានការគាំទ្រហើយមានទំនុកចិត្តខ្លាំងចំពោះអតិថិជនដែលបានមកទិញដីឡូតិ៍នៅក្នុងគម្រោងរបស់លោកដើម្បីសាងផ្ទះ ឬទុកលក់យកចំណេញបន្តព្រោះគម្រោងទាំងអស់គឺស្ថិតនៅលើផ្ទៃដីមានទីតាំងល្អនិងមានសក្ដានុពលដោយសារតែរាល់ការវិនិយោគគឺលោកគិតពីអតិថិជនជាចម្បង។

លោកបន្ថែមថាជាក់ស្តែងដូចគម្រោងជាង៤០ហិតាដែលមានទីតាំងស្ថិតនៅតាមបណ្តោយផ្លូវ៤១ក្នុងភូមិព្រីងទឹក ឃុំរកាកោះ ស្រុកគងពិសី កំពង់ស្ពឺបន្ទាប់ពីប្រកាសបើកលក់ភ្លាម គឺទទួលបានការចាប់អារម្មណ៍នឹងគាំទ្រច្រើនពីអតិថិជនព្រោះតែក្រុមបានផ្ដល់ទំនុកចិត្តជូនពូកគាត់ដោយហេតុថានៅក្នុងទីតាំងនោះក៏មានបង្កើតឲ្យមានរោងចក្រចំនួន ៣ ដោយក្នុងនោះមាន៖ រោងចក្រ កែច្នៃផលិតផលវិចខ្ចប់ រោងចក្រកាត់ដេរ រោងចក្រផលិតកាបូប រួមនឹងគម្រោងសាងសង់ផ្ទះល្វែងចាប់ពីតម្លៃ១៨០០០ដុល្លារ ចុះក្រោមផងដែរ៕

The post កាន់តែជោគជ័យ ដង្ខៅ ដីឡូតិ៍ ឈូសឆាយ សែនបើកគម្រោងទី៤ លើផ្ទៃដី ៥ហិតាបន្ថែមទៀត appeared first on .

សកម្មភាពអ្នកជំនួញ

អ្នក​ឧកញ៉ា គិត ម៉េង រំលឹក​អនុស្សាវ​រី​យ៍​​ទសវត្សរ៍​ទី​៩០ រួច​សួរ​សំនួ​១ ទៅទស្សនិកជន

អ្នកឧកញ៉ា គិត ម៉េង​ចុះហត្ថលេខា​លើ​​គម្រោង​​សាងសង់ផ្លូវបេតុងប្រវែង៧០គីឡូម៉ែត្រ នៅ​កោះរ៉ុង ក្រុងកោះរ៉ុង

ឧកញ៉ា នួន អក បង្ហាញ​៣​ចំណុច ដើម្បី​បង្កើត​ផ្នត់​គំនិតសេដ្ឋី

កាន់តែជោគជ័យ ដង្ខៅ ដីឡូតិ៍ ឈូស​ឆាយ​ ​សែន​បើក​គម្រោង​ទី​៤​ លើ​ផ្ទៃដី ​៥​ហិតាបន្ថែម​ទៀត

អ្នកឧកញ៉ា គិត ម៉េង រំលឹកអនុស្សាវរីយ៍ទសវត្សរ៍ទី៩០ រួចសួរសំនួ១ ទៅទស្សនិកជន

អ្នកឧកញ៉ា គិត ម៉េងចុះហត្ថលេខាលើគម្រោងសាងសង់ផ្លូវបេតុងប្រវែង៧០គីឡូម៉ែត្រ នៅកោះរ៉ុង ក្រុងកោះរ៉ុង

ឧកញ៉ា នួន អក បង្ហាញ៣ចំណុច ដើម្បីបង្កើតផ្នត់គំនិតសេដ្ឋី

កាន់តែជោគជ័យ ដង្ខៅ ដីឡូតិ៍ ឈូសឆាយ សែនបើកគម្រោងទី៤ លើផ្ទៃដី ៥ហិតាបន្ថែមទៀត