ស្ថិតនៅតាមដងទន្លេ អមជាមួយនឹងសួនច្បារដ៏ស្រស់បំព្រង សណ្ឋាគារ សូហ្វីតែលភ្នំពេញភូគីត្រា មានកន្លែងរៀបចំសាលសន្និសីទ សាលប្រជុំ សាលតាំងពិពណ៌ កន្លែងរៀបចំអាពាហ៍ពិពាហ៍ដ៏សក្តិសមបំផុតសម្រាប់លំដាប់អភិជន ជាមួយអគាររចនាម៉ូតបែបបារាំង និង ការតុបតែងយ៉ាងល្អប្រណិត សុវត្ថិភាពខ្ពស់។

សណ្ឋាគារ​សូហ្វីតែល ភូគីត្រា ភ្នំពេញ ត្រូវ​បាន​ទស្សនាវដ្ដី​ទេសចរណ៍​លំដាប់​ខ្ពស់​ Conde Nast Traveller ផ្ដល់​ចំណាត់​ថ្នាក់​ឆ្នើម​លេខ​២​ប្រចាំ​តំបន់​អាស៊ីអាគ្នេយ៍។ សណ្ឋាគារ​ លំដាប់​ផ្កាយ​៥​ដែល​មាន​តម្លៃ​បន្ទប់​ចាប់ពី​២០០​ដុល្លារ​ឡើង​ទៅ​នេះ ក៏​ត្រូវ​បាន​គេ​បោះឆ្នោត​ឲ្យ​បាន​ចំណាត់​ថ្នាក់​លេខ​៣៥ ក្នុង​ចំណោម​សណ្ឋាគារ​ល្អ​បំផុត​ក្នុង​ពិភពលោក​ប្រចាំ​ឆ្នាំ​២០១៣​ផង​ដែរ។

 សណ្ឋាគារ​ សូហ្វីតែល ក៏​ត្រូវ​បាន​ទស្សនាវដ្ដី​ទេសចរណ៍​ដដែល​នេះ​កោតសរសើរ​ថា ជា​សណ្ឋាគារ​ឆ្នើម និង​មាន​សេវាកម្ម​ប្រកប​ដោយ​វិជ្ជាជីវៈ​បំផុត។

លើសពីនេះ សណ្ឋាគារសូហ្វីតែលអង្គរភូគីត្រា Golf & Spa Resort នៅសៀមរាប ក៏ត្រូវបានទទួលស្គាល់ថា ជាជម្រើសសណ្ឋាគារមួយដ៏ល្អសម្រាប់ភ្ញៀវទេសចរទូទាំងពិភពលោក ពី Forbes Travel Guide ប្រចាំឆ្នាំ ២០២០។ Forbes Travel Guide គឺជាស្ថាប័នវាយតម្លៃដ៏ល្បីល្បាញលំដាប់ពិភពលោកតែមួយគត់សម្រាប់សណ្ឋាគារ ភោជនីយដ្ឋាន និងស្ប៉ា។

សណ្ឋាគារលំដាប់ផ្កាយ ៥ មួយនេះ ត្រូវបានកាន់កាប់ភាគហ៊ុនដោយក្រុមហ៊ុនថៃ សម្ព័ន្ធកាន់តាណា ហើយក៏ក្រោបដណ្តប់ទៅលើក្រុមហ៊ុន មីកាមីឌៀ ដែលមានកម្មសិទ្ធិ ៥០ ភាគរយ លើស្ថានីយទូរទស្សន៍ប៉ុស្តិ៍លេខ៥ ដោយមានកិច្ចសហការវិនិយោគ ជាមួយក្រសួងការពារជាតិនៃប្រទេសកម្ពុជា។

ក្រុមហ៊ុន មីកាមីឌៀ ត្រូវបង្កើតឡើងក្នុងឆ្នាំ១៩៩៥ ដោយសម្ព័ន្ធកាន់តាណា ដែលជាក្រុមហ៊ុនផលិតកម្មក្នុងប្រព័ន្ធផ្សព្វផ្សាយដ៏ធំ និងចំណាស់ជាងគេមួយនៅក្នុងប្រទេសថៃ។ ក្រុមហ៊ុននេះត្រូវបានចុះបញ្ជីនៅក្រសួងពាណិជ្ជកម្ម ជាក្រុមហ៊ុនទោលឯកជន ដោយមានអគ្គនាយកឈ្មោះ សុភូឆៃ វេរ៉ូភុឈុង៕

The post សណ្ឋាគារផ្កាយ ៥ របស់ម្ចាស់ភាគហ៊ុនថៃមានអាយុកាល ២២ឆ្នាំនៅកម្ពុជាបន្តទទួលប្រជាប្រិយភាពពីស្ថាប័នអន្តរជាតិ appeared first on .

តាមរយៈការប្រកាសព័ត៌មាននៅថ្ងៃចន្ទ ទី១៧ មករានេះ ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា គម្រោងវិនិយោគសាងសង់ និងអាជីវកម្មសណ្ឋាគារថ្នាក់ផ្កាយ ៥ នេះមាន ចំនួន៥២៨បន្ទប់ ប្រើប្រាស់ទុនវិនិយោគចំនួន ១២៩ លានដុល្លារអាមេរិក រួមនឹងអាចបង្កើតការងារបានចំនួន ៧៣៧កន្លែងឲ្យប្រជាពលរដ្ឋ ស្ថិតនៅមហាវិថីព្រះមុនីវង្ស សង្កាត់បឹងកេងកងទី៣ ខណ្ឌបឹងកេងកង រាជធានីភ្នំពេញ។

ជាមួយគ្នានេះ គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ក៏បានសម្រេចចេញវិញ្ញាបនបត្រចុះបញ្ជីគម្រោងវិនិយោគចំនួន ៩ផ្សេងទៀត ដែលវិនិយោគទៅលើវិស័យកាត់ដេរវាយនភ័ណ្ឌ រោងចក្រកែច្នៃក្តារបន្ទះ រោងចក្រផលិតការ៉ូជ័រ រោងចក្រកែច្នៃនិងវេចខ្ចប់សាច់ និង ផលិតម្ហូបអាហារ រោងចក្រផលិត និងផ្គុំដំឡើងបន្ទះសូឡា អភិវឌ្ឍន៍វារីអគ្គិសនី រួមនឹងការអភិវឌ្ឍន៍មណ្ឌល ភ័ស្តុភារកម្ម និងកំពង់ផែពហុបំណង។

គម្រោងវិនិយោគទាំង ១០កន្លែងដែល CDC បានចុះបញ្ជីមានទុនសរុបចំនួនប្រមាណ ៥៩៨លានដុល្លារអាមេរិក​ និងអាចបង្កើតការងារបានប្រមាណជាង ៥ពាន់កន្លែង៕

The post រដ្ឋ យល់ព្រមឲ្យក្រុមហ៊ុន K.B.X បោះទុន ១២៩ លានដុល្លារ វិនិយោគលើសណ្ឋាគារលំដាប់ផ្កាយ ៥ នៅភ្នំពេញ appeared first on .