សណ្ឋាគារដ៏ប្រណិតនេះទទួលបានការសាទរយ៉ាងទូលំទូលាយចាប់តាំងពីបើកដំណើរការក្នុងខែមករា ឆ្នាំ២០២១ កន្លងមក។ ថ្មីៗនេះត្រូវបានជាប់ចំណាត់ថ្នាក់ជា “សណ្ឋាគារកំពូលក្នុងប្រទេសកម្ពុជា នៅលើប្រព័ន្ធផ្សព្វផ្សាយទេសចរណ៍ឈានមុខគេ Travel & Leisure ទទួលបានពានរង្វាន់លេខ១ “Asia’s Best Awards 2022”។

ទើបចូលកាន់តំណែងក្នុងខែ សីហា នេះ លោក Mercadante លើកឡើងថា៖ “ពិតជារំភើបនិងការសហការជាមួយសហការីនៃសណ្ឋាគារ Hyatt Regency Phnom Penh “គោលបំណងរបស់ខ្ញុំ គឺលើកកម្ពស់សេវាកម្ម និងផ្តល់បទពិសោធន៍ជូនដល់អតិថិជនអោយល្អប្រសើរ ខ្ញុំរីករាយក្នុងការចែករំលែកចំណេះដឹងរបស់ខ្ញុំ និងរួមចំណែកដល់ភាពជោគជ័យរបស់សណ្ឋាគារទំាងមូល”។

លោក Mercadante ទទួលបានភាពជោគជ័យយ៉ាងច្រើនលើគម្រោងជាបន្តបន្ទាប់អំពីការបង្កើតម៉ាកយីហោឡើងវិញ ប្រតិបត្តិការ​លើម៉ាកយីហោឯករាជ្យធំៗ និងប្រតិបត្តិការសាកល្បង​សណ្ឋាគារមុនពេលបើកដំណើរការជាផ្លូវការ។

គាត់បាននិយាយថា៖ “នៅក្នុងអាណត្តិរបស់ខ្ញុំជាមួយ Hyatt ខ្ញុំមានឯកសិទ្ធិធ្វើការនៅក្នុងទ្វីបចំនួនប្រាំផ្សេងគ្នា ហើយតួនាទីនីមួយៗ គឺជាបទពិសោធន៍ដ៏អស្ចារ្យ ដែលបានរួមចំណែកដល់ការលើកកម្ពស់ចំណេះដឹង និងជំនាញរបស់ខ្ញុំ ដើម្បីក្លាយជាអ្នកដឹកនាំដ៏គំរូមួយរូប ក្នុងវិស័យនេះ”។

អស់ជាច្រើនឆ្នាំដែលលោកទទួលបានមុខដំណែងជាអ្នកគ្រប់គ្រងនៅសណ្ឋាគារ និងរមណីយដ្ឋានល្បីៗរបស់ហៃយ៉ាត់៖ Hyatt Regency Cancun Mexico, Hyatt Regency Almaty Kazakhstan, Hyatt Regency London -The Churchill និង Hyatt Regency Dubai និង Galleria Residence ។ ក្នុងឆ្នាំ ២០១២ លោកបានត្រលប់ទៅស្រុកកំណើតដើម្បីចូលរួមជាមួយ Hyatt Regency Mexico City ជាអ្នកគ្រប់គ្រង បន្ទាប់មកលោកបានទៅកាន់មុខដំណែងមួយទៀតជាអ្នកគ្រប់គ្រងទូទៅ បើកសាកល្បង​សណ្ឋាគារ Grand Hyatt Playa Del Carmen Resort មុនបើកដំណើរការជាផ្លូវការ។ Grand Hyatt ជាម៉ាកយីហោដំបូងគេនៅក្នុងប្រទេសម៉ិកស៊ិក។​ ក្រោយមកទៀតលោក​ត្រូវ​បាន​គេ​ជ្រើស​រើស​ជា​អ្នក​គ្រប់​គ្រង​ទូទៅ​នៅ​សណ្ឋាគារម៉ាកយីហោ Andaz ដំបូង​គេ​បង្អស់ក្នុង​ប្រទេស​កូរ៉េ​ខាង​ត្បូង។

ជាមួយនឹងការផ្លាស់ប្តូរ សណ្ឋាគារ និងរមណីយដ្ឋានល្បីៗជុំវិញពិភពលោក នៅពីក្រោយភាពជោគជ័យរបស់លោក Mercadante បានទាញយកបទពិសោធន៍យ៉ាងទូលំទូលាយនៅក្នុងវិស័យបដិសណ្ឋារកិច្ច។ អ្នក​ដំណើរ​ដ៏មានឥទិ្ធពលមក​ពី​ទីក្រុង​ម៉ិកស៊ិកនេះ​បាន​ត្រៀម​ខ្លួន​ជា​ស្រេច គាត់មានទំនុកចិត្តនិងភាពជាអ្នកដឹកនាំនឹងធានាថា Hyatt Regency Phnom Penh នៅតែលេចធ្លោក្នុងចំណោមសណ្ឋាគារលំដាប់កំពូលនៅកម្ពុជា៕

The post អ្នកគ្រប់គ្រងទូទៅសណ្ឋាគារ ហៃយ៉ាត់ ទើបកាន់តំណែងថ្មី មានប្រវត្តិការងារមិនធម្មតាក្នុងវិស័យសណ្ឋាគារ និងបដិសណ្ឋារកិច្ច appeared first on .

អត្រាស្លាប់នៃជម្ងឺនេះនៅកម្ពុជាមានរហូតដល់ ១ពាន់នាក់ក្នុងមួយឆ្នាំ ដោយសារកង្វះខាតការពិនិត្យ ការចាក់វ៉ាក់សាំង papillomavirus ​(HPV) ប្រឆាំងនឹងជម្ងឺមហារីកមាត់ស្បូនដល់ស្រ្តីទូទាំងប្រទេស។​

សណ្ឋាគារ ហៃយ៉ាត់ បានរួមសហការជាមួយសភាពាណិជ្ជកម្មអាមេរិកនៅកម្ពុជា រៀបចំកម្មវិធីសប្បុរសធម៌ ‘Let’s Give Back!’ ​ដែល​នឹង​ប្រព្រឹត្ត​ទៅ​នៅ​ថ្ងៃ​សុក្រ ទី១២ ខែ​សីហា ដើម្បីមូលនិធិជួយដល់ដំណើរការពិនិត្យនិងធ្វើតេស្តជម្ងឺមហារីកមាត់ស្បូនអោយកាន់តែប្រសើរឡើង។ នាយកប្រតិបត្តិនៃសភាពាណិជ្ជកម្មអាមេរិក លោក Travis Mitchell បានមានប្រសាសន៍ថា “ការធ្វើមូលនិធិសប្បុរសធម៌ជាគុណតម្លៃ និងជាទំនួលខុសត្រូវចម្បង​ក្នុងការផ្តល់ជូនដល់សង្គម និងសហគមន៍”។ ក្នុងឆ្នាំនេះ​ សភាពាណិជ្ជកម្មអាមេរិកនៅកម្ពុជានឹងផ្ដល់អាទិភាពដល់សកម្មភាព​ទំនួលខុសត្រូវសង្គមអោយកាន់តែច្រើនជាងឆ្នាំមុនៗ។ សម្រាប់ការចុះឈ្មោះចូលរួមកម្មវិធីសូមចូលទៅកាន់ដំណភ្ជាប់ https://amchamcambodia.glueup.com/event/lets-give-it-back-59773/​

រាត្រីសប្បុរសធម៌ ‘Let’s Give Back!’ នឹងប្រព្រឹត្តិឡើងនៅសាលប្រជុំនៃសណ្ឋាគារ ហៃយ៉ាត់ កម្មវិធីទាំងមូលរួមមាន៖ ការទទួលទានអាហារសម្រន់ ភេសជ្ជៈ ការចាប់រង្វាន់ និងតន្ត្រី។ ថវិការដែលទទួលបានពីកម្មវិធីនេះ នឹងត្រូវបរិច្ចាគជូន មជ្ឍមណ្ឌលសុខភាព មេត្តា ករុណា កម្ពុជា ដើម្បីជួយដល់ការពិនិត្យនិងធ្វើតេស្តជម្ងឺមហារីកមាត់ស្បូនដែលនឹងដំណើរការនៅ ខែ​វិច្ឆិកា ឆ្នាំ២០២២ ដល់ស្រ្តីកម្ពុជា ៥00,000 នាក់ទទួលបានការធ្វើតេស្ត។

“មិនមានស្រ្តីណាម្នាក់គួរទទួលមរណភាពដោយសារជម្ងឺមហារីកមាត់ស្បូនឡើយ” នេះជាប្រសាសន៍របស់លោក Herman Kemp អ្នកគ្រប់គ្រងទូទៅនៃសណ្ឋាគារ ហៃយ៉ាត់ រីជិនស៊ី ភ្នំពេញ លោកបានបន្តទៀតថា “ដោយសារតែកង្វះខាតទើបធ្វើអោយជម្ងឺនេះនៅតែជាបញ្ហា ដែលត្រូវការដំណោះស្រាយដ៏ធំមួយនៅកម្ពុជា”។

អង្គការសុខភាពពិភពលោក និងក្រសួងសុខាភិបាលនៃប្រទេសកម្ពុជា សម្រេចកំណត់យកជម្ងឺមហារីកមាត់ស្បូនជាអាទិភាពទី១ក្នុងការបង្ការជាច​ម្បង ជាមួយផែនការលុបបំបាត់អត្រាស្លាប់ដោយសារជម្ងឺនេះទាំង ស្រុងនៅ ឆ្នាំ២០៣០។

ការពិនិត្យនិងព្យាបាលជាគោលដៅដែលបានកំណត់យ៉ាងច្បាស់លាស់ពីក្រុមការងារផ្នែកមហារីកមាត់ស្បូនរបស់រាជរដ្ឋាភិបាល រួមជាមួយ ស្ថាប័នរដ្ឋ និងឯកជនដូចជា សកលវិទ្យាល័យ ពុទ្ធិសាស្រ្ត និងមជ្ឍមណ្ឌលសុខភាព មេត្តា ករុណា កម្ពុជា ដែលកំពុងចូលរួមទប់ស្កាត់ជម្ងឺមហារីក និងសង្គ្រោះជីវិតពីការទទួលមរណភាពដោយសារជម្ងឺនេះ។

ការធ្វើតេស្តមហារីកមាត់ស្បូន១ដងចំណាយពេលពី​៥ ទៅ ១៥នាទី និងទឹកប្រាក់ ១៥ដុល្លារ តែប៉ុណ្ណោះសម្រាប់ស្រ្តីម្នាក់។ លោកអ្នកក៏អាចធ្វើការបរិច្ចាគដោយផ្ទាល់ទៅកាន់ មជ្ឍមណ្ឌលសុខភាព មេត្តា ករុណា កម្ពុជា។ សម្រាប់ពត៌មានបន្ថែមអំពីការបរិច្ចាគសូមចូលទៅកាន់ https://mercymedcambodia.org/

The post សណ្ឋាគារ ហៃយ៉ាត់ រៀបចំកម្មវិធីសប្បុរសធម៌​មូលនិធិប្រយុទ្ធប្រឆាំងនឹងជម្ងឺមហារីកមាត់ស្បូនដល់កម្មការនីរោងចក្រកាត់ដេរនៅកម្ពុជា appeared first on .

លោក Tom Hogan គឺជាអ្នកគ្រប់គ្រងទូទៅ (GM) ប្រចាំតំបន់អាស៊ី Proof & Company ដែលមានមូលដ្ឋាននៅប្រទេសសិង្ហបុរី។ លោក គឺជាអ្នកជំនាញខាងក្រឡុកស្រា និងមានបទពិសោធន៍ចាស់វស្សារ នៅក្នុងឧស្សាហកម្មនេះអស់រយៈពេលជាង ១៤ឆ្នាំ ។

តាមរយៈចំណេះដឹង និងបទពិសោធន៍ជោគជាំ ក្នុងនាមជាអ្នកក្រឡុកស្រា លោក Tom Hogan ក៏ជាម្ចាស់ពានរង្វាន់ក្នុងកម្មវិធីប្រឡុកស្រាលំដាប់ពិភពលោកល្បីៗជាច្រើន ហើយក្រោយមក លោកក៏បានក្លាយទៅជាអ្នកប្រឹក្សាស្រាក្រឡុកជាមួយក្រុមហ៊ុន Proof ដោយបង្កើតនូវបទពិសោធន៍ភេសជ្ជៈពិសេសបំផុតមួយចំនួននៅក្នុងតំបន់អាសុីប៉ាសុីហ្វ្រិក (APAC) ។

លោក Tom ធ្លាប់ទទួលការបណ្តុះបណ្តាលជាផ្លូវការពី School of the Arts Institute of Chicago ហើយលោក ក៏ត្រូវបានអ្នកគាំទ្រជាច្រើនក្នុងអាជីពក្រឡុកស្រា និងភេសជ្ជៈ កត់សម្គាល់ថា ជាមនុស្សដែលមានចំណាប់អារម្មណ៍យ៉ាងខ្លាំង ក្នុងការរួមបញ្ចូលសិល្បៈហត្ថកម្ម និងបទពិសោធន៍ក្នុងការធ្វើស្រាក្រឡុករបស់គាត់។

បេសកកម្មរបស់លោក Tom Hogan គឺបង្កើតបទពិសោធន៍ភេសជ្ជៈប្លែកៗ ដើម្បីចែករំលែកទស្សនៈរបស់គាត់លើឧស្សាហកម្មនេះជាមួយក្រុមបារក្រឡុកស្រាវ័យក្មេង និងជួយផ្សព្វផ្សាយចំណេះដឹងទៅកាន់សហគមន៍ស្រាក្រឡុកដែលកំពុងរីកចម្រើននៅជុំវិញតំបន់ និងពិភពលោក។

Metropole Underground នៅសណ្ឋាគារ Hyatt Regency Phnom Penh គឺជាបារក្រោមដីដ៏ទំនើប និងទាន់សម័យ សម្រាប់អតិថិជនប្រារព្ធកម្មវិធីពិសេសៗ ដូចជា៖ ខួបកំណើត ខួបអាពាហ៍ពិពាហ៍ ឬកម្មវិធីជប់លៀងលក្ខណៈឯកជន និងព្រឹត្តិការណ៍សម្ភោធផលិតផលផ្សេងៗជាដើម។ Metropole Underground បារ បើកបម្រើភ្ញៀវរៀងរាល់ថ្ងៃពុធ ដល់អាទិត្យ ចាប់ពីម៉ោង 6:00pm ដល់ម៉ោង 1:00am។ សម្រាប់ព័ត៌មានន្ថែម៖ 023 600 1234 phnompenh.regency@hyatt.com ៕

The post សណ្ឋាគារ Hyatt អញ្ជើញជើងខ្លាំងក្រឡុកស្រាលំដាប់ពិភពលោក ចែករំលែកបទពិសោធន៍នៅបារទំនើបក្រោមដី Metropole Underground appeared first on .

កាលពីឆ្នាំ ២០១៩ លោក Carne Griffiths បានបង្ហាញស្នាដៃគូសគំនូរនៃ សម្ដេចរាជបុត្រី ទ្រង់ព្រះរាម អ្នកអង្គម្ចាស់នរោត្តម បុប្ផាទេវី ដែលមានក្បូរក្បាច់រចនាបង្កប់នូវអត្តន័យដ៏អស្ចារ្យ ផ្ទាំងគំនូរនេះត្រូវបានដាក់តាំងបង្ហាញនៅក្នុងសណ្ឋារគារដ៏ប្រណិតលំដាប់ផ្កាយប្រាំ ផាក ហៃយ៉ាត់ ខេត្តសៀមរាប។

លោក Griffiths ជាវិចិត្រករដៃឯក ដោយទេពកោសល្យសិល្បៈនៃការគូសគំនូរ ដោយប្រើទឹកតែជាចម្បង មកធ្វើជាទឹកថ្នាំសម្រាប់គូស ការសរសេរអក្សរផ្ចង់ និងក្រាហ្វិចជាដើម។ គំនូររបស់លោកគូរសុទ្ធតែបង្កប់នូវគោលគំនិតដ៏អស្ចារ្យ ជាពិសេសទាក់ទងនឹងការស្វែងយល់ពីទម្រង់រូបមនុស្ស លក្ខណៈធរណីមាត្រ និងទម្រង់បែបផ្កា ដោយមានការរួមបញ្ជូលគ្នានៃព្យញ្ជនៈ និងភាពអរូបី។

ភាគច្រើន សិល្បៈនៃផ្ទាំងគំនូរនីមួយៗរបស់លោក ជាប់ទាក់ទងនឹងអ្វី លោកបានជួបប្រទះក្នុងស្ថានភាពរស់នៅគ្រប់យ៉ាង ដែលបានកើតឡើងនៅជុំវិញខ្លួនរបស់លោក។

ការចងក្រងរូបភាពនេះកើតឡើងពីក្តីសុបិន្តឥតព្រំដែនរបស់លោក ហើយបានបង្កើតនូវផ្ទាំងគំនូរបង្កប់ខ្លឹមសារពោរពេញដោយសេរីភាព រួមទាំងផ្តោតទៅលើទិដ្ឋភាពនៃភាពស្ញប់ស្ញែង និងភាពអស្ចារ្យ ក៏ដូចជាការបង្ហាញពីអារម្មណ៍នៃការលះបង់ចោលអ្វីមួយ​ ដើម្បីចាប់យកអ្វីមួយដែលថ្មី និងការស្វែងរកអាណាចក្រថ្មី និងកាន់តែអស្ចារ្យគ្មានដែនកំណត់។

ដោយឡែក សម្រាប់កម្មវិធីរាត្រីស្រមោលសរ និង​ពិសារភោជនីយអាហារពេលល្ងាច នឹងរៀបចំនៅថ្ងៃទី២៣ ខែមេសា ឆ្នាំ២០២២ ​–  St. Georges Day Ball in the Regency Ballroom ក្នុងសាលហៃយ៉ាត់

• តម្លៃសំបុត្រ ១១៥ដុល្លារ ក្នុងម្នាក់ (អាហារឈុត៤មុខ ភេសជ្ជៈ និង​ទស្សនីយភាពគូសគំនូររូប ម្ចាស់ក្សត្រី Elizabeth II ដោយលោក Griffiths)

• ចាប់ពីថ្ងៃទី ២៤​ ខែមេសា ដល់ថ្ងៃទី ១៥ ខែឧសភា – សូមអញ្ជើញទស្សនាការតាំងពិពណ៌សិល្បៈគំនូរដោយសេរី នៅក្នុងសណ្ឋាគារ ហៃយ៉ាត់ រីជិនស៊ី ភ្នំពេញ

• សម្រាប់ថវិការដែលទទួលបាន​ពីកម្មវិធីរាត្រីស្រមោលសរ ​នឹង​ត្រូវ​បរិច្ចាគ​ជូនទៅមូលនិធិ Terry McIlkenny Foundation ដែល​ផ្តល់​អាហារូបករណ៍​ផ្នែក​សិល្បៈនៅ​អង្គការ​ ហ្វារ​ពន្លឺ​សិល្បៈ។

The post វិចិត្រករគំនូរប្រើទឹកតែ ត្រៀមគូសរូបម្ចាស់ក្សត្រី គ្រងរាជ្យយូរបំផុតក្នុងប្រវត្តិសាស្ត្រអង់គ្លេស នៅសណ្ឋារគារ ហៃយ៉ាត់ រីជិនស៊ី ភ្នំពេញ​ appeared first on .