នាយខ័ណ្ឌរដ្ឋបាលព្រៃឈើ​ខេត្តមណ្ឌលគិរី​ លោក​ អ៊ុំ​ វណ្ណសុភៈ​ បានឱ្យដឹងថា​ ៖ ក្រុមហ៊ុនលឹម រ៉ូយ៉ាល់ បានរាយការណ៍ថា​មានសត្វទន្សោងងាប់នៅក្នុងដីក្រុមហ៊ុន​ ​របស់ខ្លួន ទើបក្រុមការងារខ័ណ្ឌរដ្ឋបាលព្រៃឈេី​ បានចុះទៅពិនិត្យដល់ទីតាំងកើតហេតុ និងសហការជាមួយក្រុមហ៊ុន លឹម រ៉ូយ៉ាល់ ។ តាមការពិនិត្យជាក់ស្តែងនៅនឹងកន្លែងកើតក្រុមការងារបានឃើញសត្វទន្សោងញីចំនួន២ក្បាល​ បានងាប់មានសភាពហើមស្អុយ ប្រហែលជាងាប់៣ទៅ ៤ថ្ងៃមកហើយ សត្វទន្សោងដែលងាប់នេះ​ ត្រូវបានជនមិនស្គាល់មុខបាញ់នៅក្នុងព្រៃការពារភ្នំព្រេច​ ហើយសត្វទន្សោងនោះបានរត់មកងាប់នៅក្នុងដីក្រុមហ៊ុនចំងាយពីផ្លូវធំប្រហែល៣០ម៉ែត្រ។ បច្ចុប្បន្នក្រុមការងារបានធ្វើការកប់សពសត្វទន្សោងនៅនឹងកន្លែងកើតហេតុតែម្តង។

លោក​ កែវ​ សុភក៌​ ប្រធានមន្ទីរបរិស្ថានខេត្តមណ្ឌលគិរី​ សំដែងការសោកស្ដាយ​យ៉ាងខ្លាំង ចំពោះការបាត់បង់ប្រភេទសត្វដ៏កម្រ​បែបនេះ ។ លោកបន្តថា​៖ បានចាត់មន្រ្តីជំនាញចុះធ្វេីការស្រាវជ្រាវ​ ករណីបាញ់សត្វទន្សោងនេះហេីយ​ ដេីម្បីវែកមុខរកជនដែលប្រព្តឹតខុសច្បាប់។

សូមបញ្ជាក់ថា៖ មួយរយៈនេះក្រុមព្រានព្រៃ ជំនាញខាងបរបាញ់សត្វ ឈានដល់ប្រើកាំភ្លើងកែច្នៃ ប្រើគ្រាប់ជាតិគីមី បាញ់ពេលថ្ងៃ ហើយរក្សាទុកសត្វងាប់ក្នុងព្រៃ ដោយមិនអោយខូចសាច់ លុះពេលយប់ទើបពួកគេចូលទៅយក ដើម្បីបញ្ចៀសពីការចាប់ខ្លួនពីក្រុមសមត្ថកិច្ចជំនាញ ។ ដូច្នេះករណី សត្វទន្សោងពីរក្បាលត្រូវគេបាញ់ងាប់ ក្នុងក្រុមហ៊ុន លឹម រ៉ូយ៉ាល់ នៅខេត្តមណ្ឌលគិរី គួរបន្តស្រាវជ្រាវអោយបានដិតដល់ ថាតើត្រូវបានគេបាញ់នៅខាងក្រៅ ហើយរត់មកងាប់ក្នុងដីក្រុមហ៊ុន ឬមួយក៏បុគ្គលិកក្រុមហ៊ុននេះបាញ់..? ខណៈក្រុមហ៊ុន លឹម រ៉ូយ៉ាល់ នេះកន្លងមកធ្លាប់កាប់ឈើពីខាងក្រៅក្រុមហ៊ុន មកដាក់ចូលក្រុមហ៊ុនផងដែរ៕

ប្រភព៖nkdnews.com

The post រឿង​លំអិត​ជុំ​វិញ សត្វទន្សោងពីរក្បាលត្រូវគេបាញ់ងាប់នៅខេត្តមណ្ឌលគិរី appeared first on .

ឯកឧត្តម វ៉ី សំណាង អភិបាលនៃគណៈអភិបាលខេត្តកំពង់ស្ពឺបានថ្លែងប្រាប់ AKP កាលពីថ្ងៃទី០៣ ខែកុម្ភៈ ឆ្នាំ២០២០ថា ជនណាក៏ដោយដែលហ៊ាន ប្រព្រឹត្តអំពើ បាញ់សត្វព្រៃ ឬដាក់អន្ទាក់សត្វព្រៃ ជាពិសេសសត្វទន្សោង ដែលជិតផុតពូជ នឹងត្រូវទទួលទោសទណ្ឌជាក់ជាមិនខានឡើយ។

ឯកឧត្តមបានអំពាវនាវឱ្យសមត្ថកិច្ចពាក់ព័ន្ធ ស្វែងរកជនល្មើសយកមកផ្តន្ទារទោស តាមច្បាប់ឱ្យ​ទាល់តែបាន ហើយស្នើឱ្យបងប្អូនប្រជាពលរដ្ឋចូលរួមផ្តល់ព័ត៌មាន អំពីការទិញ និងលក់សត្វព្រៃដោយខុសច្បាប់មកអាជ្ញាធរផងដែរ។

ឯកឧត្តមបានបញ្ជាក់ថា គ្រប់អន្ទាក់ទាំងអស់សុទ្ធតែអាចសម្លាប់ជីវិតសត្វ និងមនុ​ស្សបាន​គ្រប់ពេល ប្រសិនបើមិនប្រយ័ត្នដើរជាន់ចំពីលើវា។ ការបន្តប្រើអន្ទាក់​ដើម្បីប្រមាញ់ សត្វព្រៃនឹងបង្កឱ្យមានវិនាសកម្មសត្វព្រៃយ៉ាងធ្ងន់ធ្ងរ និងឈាន​ដល់ការបាត់បង់ពូជ សត្វកម្រដូចជាទន្សោង ខ្ទីងជាដើមយ៉ាងឆាប់រហ័ស៕

The post សត្វទន្សោងជិត​ផុត​ពូជ​១ក្បាល ជាប់អន្ទាក់​ងាប់ នៅ​សហគម​ន៍ ឃុំប្រាំបីមុំ កំពង់​ស្ពឺ appeared first on .