លោក Ahmad Saiful Mujab ប្រធានការិយាល័យវិនិយោគសហគ្រាសរដ្ឋរបស់ក្រសួងហិរញ្ញវត្ថុឥណ្ឌូណេស៊ី បានមានប្រសាសន៍ថា មូលនិធិនេះនឹងត្រូវបានបែងចែកសម្រាប់លទ្ធកម្មស្រូវ ក៏ដូចជាធ្វើឲ្យប្រសើរឡើងនូវឧបករណ៍ផលិតកម្ម និងជំនួយហិរញ្ញវត្ថុសម្រាប់ការវិនិយោគ។

យ៉ាងណាមិញ ដោយខុសពីការវិនិយោគមុនៗ ដូចជានៅក្នុងវិស័យមូលបត្រ ឬអចលនវត្ថុ រដ្ឋាភិបាលឥណ្ឌូណេស៊ី ឥឡូវនេះ បាននិងកំពុងផ្តល់អាទិភាពខ្ពស់ចំពោះការគាំទ្រដោយផ្ទាល់សម្រាប់សហគ្រាសរដ្ឋ ក្នុងការទិញចូលស្រូវជំនួសវិញ។

មិនតែប៉ុណ្ណោះ លោក Mujab បានសង្កត់ធ្ងន់ថា សន្តិសុខស្បៀងអាហារគឺជាអាទិភាពសន្តិសុខជាតិ ជាពិសេសចំពេលកំពុងមានជម្លោះជាសកល និងការរំខានដល់ខ្សែសង្វាក់ផ្គត់ផ្គង់។ ​

យោងតាមរដ្ឋមន្ត្រីសម្របសម្រួលកិច្ចការស្បៀងអាហារ លោក Zulkifli Hasan បានកត់សម្គាល់ថា ថវិកាចំនួន ១៦,៦ទ្រីលានរូពៀ (១ពាន់លានដុល្លារ) នឹងត្រូវបែងចែកទុកទុកសម្រាប់ទីភ្នាក់ងារភស្តុភារជាតិ (Bulog) ដើម្បីទិញអង្ករចំនួន ៣លានតោន ត្រឹមខែមេសា ឆ្នាំនេះ រួមទាំងអង្ករមិនទាន់កែច្នៃផងដែរ។ ការពិភាក្សាជុំវិញការបែងចែកថវិកានៅតែបន្ត ដើម្បីអាចផ្តល់ឲ្យ Bulog មានធនធានហិរញ្ញវត្ថុគ្រប់គ្រាន់ សម្រាប់បម្រុងស្បៀងអាហារទុក៕

The post ឥណ្ឌូណេស៊ី​ អនុម័ត​ថវិកាជាង ​៧​ពាន់​លាន​ដុល្លារ​សម្រាប់​សន្តិសុខ​ស្បៀងអាហារ ​នៅ​ឆ្នាំ​នេះ appeared first on .

បើតាមរដ្ឋលេខាធិការក្រសួងកសិកម្ម ជាមធ្យមកសិករកម្ពុជាផលិតស្រូវបានសរុបបាន ១២ លានតោនក្នុងមួយឆ្នាំ គឺលើស៦ លានតោនសម្រាប់នាំចេញ ដែលធ្វើឲ្យកម្ពុជាក្លាយជាប្រទេសនាំស្រូវអង្ករចេញជាប់លេខរៀងទី៨នៅលើពិភពលោក។

លើសពីនោះ កម្ពុជាក៏នៅមានសក្តានុពលខ្ពស់ក្នុងការបង្កើនផលិតកម្មស្រូវនៅលើផ្ទៃដីដែលមានស្រាប់និងពង្រីកទីផ្សារអង្ករនៅក្រៅប្រទេសថែមទៀត ជាពិសេសតាមរយ:គោលនយោបាយដាក់ពង្រាយមន្រ្តីកសិកម្មឃុំ ការកសាងសហគមន៍កសិកម្មឬសមាគមកសិករផ្សារភ្ជាប់មកទីផ្សារតាមរយ:យន្តការកិច្ចសន្យាកសិកម្ម គោលនយោបាយហិរញ្ញប្បទានរបស់រាជរដ្ឋាភិបាលជាមួយកញ្ចប់ថវិកាជាង ១០០ លានដុល្លារដើម្បីដោះស្រាយបញ្ហាទីផ្សារនិងរក្សាលំនឹងថ្លៃស្រូវ ការបន្តការអភិវឌ្ឍប្រព័ន្ធធារាសាស្រ្តឲ្យបានទូលំទូលាយ និងគោលនយោបាយពាក់ព័ន្ធផ្សេងទៀត។

សូមជម្រាបផងដែរថា ក្នុងឆមាសទី១ ឆ្នាំ២០២៣ នេះ កម្ពុជាបានសម្រេចការនាំចេញអង្ករបាន ៣៣ម៉ឺនតោន ដែលគិតជាទឹកប្រាក់មានប្រមាណ ២២៩.២៣លានដុល្លារ។ ចំណែកការនាំចេញស្រូវទៅកាន់ប្រទេសជិតខាង ចំនួន ២ ២២៤ ៩១៣ តោន គិតជាទឹកប្រាក់ប្រមាណ ៥៧៨.៦៧ លានដុល្លារ ដែលក្នុងនោះចំនួន ៥៥% ឆ្លងកាត់ការស្នើសុំការបញ្ជាក់ឯកសារនាំចេញពីអាជ្ញាធរមានសមត្ថកិច្ច៕

The post កសិករកម្ពុជាកំពុងក្លាយជាអ្នកចូលរួមចំណែកដ៏សំខាន់ ក្នុងការលើកស្ទួយសន្តិសុខស្បៀងជាតិ និងពិភពលោក appeared first on .