សន វិជ្ជបុត្រ

ទើបបើកធ្លាយងារ ជាឯកឧត្ដម តារាចម្រៀង សន វិជ្ជបុត្រ រៃអង្គាសប្រាក់ជួយ ស្ត្រីម្នាក់មានជំងឺមហារីកសុដន់យ៉ាងធ្ងន់ធ្ងរ បានជិត២ពាន់ដុល្លារ ដើម្បីបន្តជីវិតចុងក្រោយ

កូនចៅឧកញ៉ា — Thu, 05 Dec 2019 08:02:17 +0000

បន្ទាប់ពីទទួលការអំពាវនាវពីក្រុមគ្រួសារស្ត្រីរងគ្រោះម្នាក់មានជំងឺមហារីកសុដន់ យ៉ាងធ្ងន់ធ្ងរ ដង្ហោយរកជំនួញ ដើម្បីបន្តជីវិតចុងក្រោយ តារាចម្រៀង សន វិជ្ជបុត្រ ដែលទើបបើកធ្លាយទទួលងារជាឯកឧត្ដមនៅក្រសួងមួយ បានព្យាយាមរៃអង្គាសប្រាក់ពីមិត្តភ័ក្ដិក៏ដូចជាសប្បុរសជននានា បានរហូតជិត២ពាន់ដុល្លារ យកទៅចែកជូន ស្ត្រីរងគ្រោះដើម្បីបន្តជីវិតចុងក្រោយ។

ស្ត្រីដែលមានជំងឺមហារីកសុដន់ យ៉ាងធ្ងន់ធ្ងរ សុភ័ក្ដ្រ វ័យជាង៥០ឆ្នាំ រស់នៅក្នុងភូមិ ភូមិ ថ្មគរ ឃុំ ថ្មគរ ស្រុក ល្វាឯម ខេត្ត កណ្ដាល ដោយលោកបានយកប្រាក់ដែលបានមកពីសប្បុរសជនទាំងឡាយបូករួមទាំងប្រាក់ផ្ទាល់ខ្លួនលោកផងនោះ ទៅជូនកាលពីពេលថ្មីៗនេះ។ សប្បុរសជនដែលបានបរិច្ចាគចូលរួមជួយស្ត្រីខាងលើមានឈ្មោះដូចខាងក្រោម៖

១.លោកឧកញ៉ា ឬទ្ធសី ឧបត្ថម្ភ ១០០$ នៅភ្នំពេញ

២.លោកជំទាវ លីលី ឧបត្ថម្ភ ២០០$ នៅភ្នំពេញ

៣.អ្នកស្រី គឹម លីហ្សា ឧបត្ថម្ភ ៥០$ នៅអូស្រ្តាលី

៤.លោកស្រី Sarina Lucky Luy ឧបត្ថម្ភ ៥០$ នៅអូស្រ្តាលី

៥.លោកស្រី ហួត មួយហៀង ឧបត្ថម្ភ ៥០$ នៅភ្នំពេញ

៦.លោក វ៉ាន់ ឆាលី ឧបត្ថម្ភ ១២០$ នៅអូស្រ្តាលី

៧.លោក ខុត សីហា ឧបត្ថម្ភ ២៥$ រស់នៅភ្នំពេញ

៨.លោក មាស វិរៈ ឧប្តម្ភ ២០$ រស់នៅភ្នំពេញ

៩.លោក រឿន រតនៈ ឧបត្ថម្ភ ២៥$ រស់នៅភ្នំពេញ

១០.លោក គីម វុទ្ធី ឧបត្ថម្ភ ៥០$ រស់នៅUSA

១១.កញ្ញា Anna Lita ឧបត្ថម្ភ ៣០$ រស់នៅក្រុងព្រះសីហនុ

១២.លោក សុខគា (រ៉ឺម៉កជួលភូមិយើង) ឧបត្ថម្ភ ១០$ រស់នៅភ្នំពេញ

១៣.លោក ទុន វុធថុល ឧបត្ថម្ភ ៥០$ រស់នៅភ្នំពេញ

១៤.លោក សារិទ្ធ ២០$ នៅភ្នំពេញ

១៥.លោក Routh Routh ឧបត្ថម្ភ ៥០$ រស់នៅភ្នំពេញ

១៦.កញ្ញា សាវ៉ាត កូនខ្មែរ ឧបត្ថម្ភ ៥ម៉ឹនរៀល រស់នៅខេត្តកណ្តាលកោះធំ

១៧.លោក លីម សុថា ឧបត្ថម្ភ ៥០$ រស់នៅកាណាដា

១៨.លោក តូ (លក់គ្រឿងឡាន) ឧបត្ថម្ភ ៥០$ រស់នៅភ្នំពេញ

១៩.លោក តាំង អ៊ុយឃាង ឧបត្ថម្ភ ១០០$ រស់នៅ USA

២០.លោក លីម បញ្ញា ឧបត្ថម្ភ ១០០$ រស់នៅភ្នំពេញ

២១.លោកយាយ ម៉ា ស្រីឧបត្ថម្ភ ថវិការ 30$ ខេត្តបន្ទាយមានជ័យ

២២.ឯកឧត្ដម សន វិជ្ជបុត្រ ឧបត្ថម្ភ ១លានរៀល នៅភ្នំពេញ

២៣. អ្នកស្រី Minea Chan Kung ជួយថ្នាំបំបាត់កាឈឺចាប់ រស់នៅក្រៅប្រទេស

សរុបទឹកប្រាក់ទាំងអស់ លុយដុល្លា ១១៨០$ លុយខ្មែរ ១,០៥០,០០០៛

នេះមិនមែនជាលើកទី១ឡើយ ដែលតារាចម្រៀង លោក សន វិជ្ជបុត្រ ដែលមានងារជាឯកឧត្ដម ធ្វើអំពើសប្បុរសធម៌បែបនេះ កន្លងលោកធ្លាប់ ធ្វើផ្ទះឲ្យជនក្រីក្រចាស់ជរា បុកអណ្ដូង ក៏ដូចជាចែកអំណោយអ្នកសិល្បៈក្រីក្រជាច្រើនអ្នកទៀត។តារាចម្រៀងមកកំណើតមកពីស្រុក បាភ្នំ ខេត្ត ព្រៃវែងរូបនេះ បានបញ្ជាក់ថា សកម្មភាពដែលខ្លួនកំពុងធ្វើអំពើសប្បុរសធម៌កន្លងមកនេះ មិនមែនជាការចង់បានប្រជាប្រិយភាពឬពាក់ព័ន្ធរឿងនយោបាយអ្វីឡើយ គឺជាកើតចេញពីទឹកចិត្តផ្ទាល់តែម្ដង។ លោក ថា ខ្លួននឹងបន្តសកម្មភាពសប្បុរសធម៌នេះបន្តទៀត ជាមួយគ្នាប្រសិនបើមានសប្បុរសជនផ្សេងទៀតចង់ចូលរួមជាមួយលោកបាន ខ្លួនស្វាគមន៍ជានិច្ច។ ប្រសិនបើមានសប្បុរសជនមានចំណងចង់ជួយស្ត្រីរងគ្រោះខាងលើ អាចទាក់ទងទៅអ្នកស្រីដោយផ្ទាល់តាមរយៈលេខ077415146&0877593535៕

The post ទើបបើកធ្លាយងារ ជាឯកឧត្ដម តារាចម្រៀង សន វិជ្ជបុត្រ រៃអង្គាសប្រាក់ជួយ ស្ត្រីម្នាក់មានជំងឺមហារីកសុដន់យ៉ាងធ្ងន់ធ្ងរ បានជិត២ពាន់ដុល្លារ ដើម្បីបន្តជីវិតចុងក្រោយ appeared first on .

តារាចម្រៀងម្នាក់ សួទៅផលិតកម្មថោន ហេតុអ្វីផលិតបទចម្រៀង ដូចបទរបស់ខ្លួន តើនរណាលួចនរណា? មានវីដេអូ

កូនចៅឧកញ៉ា — Sat, 23 Nov 2019 02:35:58 +0000

បទ”លុយមិនស្ដាយតែបងសាំចិត្ត” របស់តារាចម្រៀងលោក សន វិជ្ជបុត្រ អតីតតារាចម្រៀងក្នុងផលិតកម្មM ដែលចេញជាង១ឆ្នាំហើយ និង បទ”ល្ងង់ម្ល៉េះទេបេះដូងខ្ញុំអើយ” របស់តារាចម្រៀងកញ្ញា ស៊ូ ស៊ីរីកា របស់ផលិតកម្មថោន ដែលចេញជាង១ឆ្នាំដូចគ្នា សាច់ភ្លេចនិងទំនុកច្រៀង ដូចគ្នាស្ទើរទាំងស្រុង។ ចំណុចនេះ ធ្វើឲ្យតារាចម្រៀង លោក សន វិជ្ជបុត្រ បានដាក់ជាចម្ងល់របស់ខ្លួនសួរទៅផលិតកម្មថោនសូមឲ្យធ្វើការបងស្រាយ តើបទ១នេះ នរណាលួចនរណា? នេះបើតាមការបង្ហោះលើគណនីFacebook របស់តារាចម្រៀងរូបនេះ កាលពីម្សិលមិញ។

លោក សន វិជ្ជបុត្រ បានសរសេរបែបនេះថា” មហាឆ្ងល់ ??? New Melody ដូចគ្នា មិនដឹងថាខ្ញុំលូចពីផលិកម្មថោន រឺ ផលិតកម្មថោន លូចពីខ្ញុំ ព្រោះអ្នកសរសេរទំនុកច្រៀងតែមួយ របៀបច្រៀងតបគ្នា តែអ្នកធ្វើទំនុកភ្លេងខុសគ្នា ព្រោះមួយរយះពេលខ្ញុំមិនសូវមានពេលតាមដានបទចំរៀងរវល់កាងារក្រៅសិល្បះតិចទូចទើបតែឃើញបទនេះដូចគ្នាបានឆ្ងល់ អាស្រ័យហេតុនេះសូមបងដែលជាម្ជាស់ផលិតកម្មថោន នឹង បងប្អូនល្អរបស់ខ្ញុំ មេត្តាជួយបកស្រាយដោយអនុគ្រោះផងចុះ ព្រោះប្អូនផុសនេះមិនបានមានគំនិតបកអាក្រាតឈ្មោះគ្នាតាម សង្គម FB អោយល្បី រឺ ចង់ប្តឹងផ្តល់នោះទេ ដោយក្តីគោរពពីខ្ញុំបាទ សន វិជ្ជបុត្រ”។

ក្រៅពីសាច់ភ្លេងនឹងទំនុកច្រៀងដូចគ្នានោះ បទចម្រៀងទាំងពីបទនោះ អ្នកនិពន្ធទំនុកច្រៀង គឺជាមនុស្សតែមួយ គឺលោក ងួន សុបិន្ត។ លោក សន វិជ្ជបុត្រ បានឲ្យដឹងថាបន្ថែមថា បទចម្រៀងមួយបទនេះ លោក បានទិញពីអ្នកនិពន្ធ លោក ងួន សុបិន្ត កាលពីជាង១ឆ្នាំមុនជាNew Melody ប៉ុន្តែលោកមិនបានចាប់អារម្មណ៍ថា បទចម្រៀងនេះ មានតារាចម្រៀងផ្សេងយកមកច្រៀងឡើយ ក្នុងនោះ ក៏មិនបានដឹងថា បទនោះ អ្នកនិពន្ធបានលក់ឲ្យផលិតផ្សេងនោះដែរ។ ទើបតែថ្មីៗនេះ មានមិត្តភក្តបានផ្ញើបទចម្រៀងទាំងពីរនោះ ឲ្យស្ដាប់ទើបដឹងថា បទទាំងពីរដូចគ្នា។ ភ្លាមៗលោក បានសួទៅ លោក ងួន សុបិន្ត ដែលបានលក់បទចម្រៀងនោះ ឲ្យខ្លួន ប៉ុន្តែអ្នកនិពន្ធរូបនោះ បានឆ្លើយថា លោកបានលាឈប់ពីផលិតកម្មថោនជាង៣ឆ្នាំមកហើយ មិនបានចាំឡើយ។

ជុំវិញបង្ហាខាងលើ មិនអាចទាក់ទងសុំការបកស្រាយពី លោក លោក ងួន សុបិន្ត និង ផលិតកម្មថោនបានឡើយ លើរឿងនេះ។

ចង់ដឹងថាបទចម្រៀងទាំងពីរបទនោះ មានលក្ខណៈដូចគ្នាបែបណាសូមស្ដាប់ទាំងអស់គ្នា៖

១/ស្ដាប់បទ”លុយមិនស្ដាយតែបងសាំចិត្ត” របស់តារាចម្រៀងលោក សន វិជ្ជបុត្រ ទាំងអស់គ្នា។

២/ស្ដាប់បទ បទ”ល្ងង់ម្ល៉េះទេបេះដូងខ្ញុំអើយ” របស់តារាចម្រៀងកញ្ញា ស៊ូ ស៊ីរីកា របស់ផលិតកម្មថោនទាំងអស់គ្នា៕

https://youtu.be/63-pUmlYPfs

The post តារាចម្រៀងម្នាក់ សួទៅផលិតកម្មថោន ហេតុអ្វីផលិតបទចម្រៀង ដូចបទរបស់ខ្លួន តើនរណាលួចនរណា? មានវីដេអូ appeared first on .