សភាពាណិជ្ជកម្មកម្ពុជា បានឱ្យដឹងថា ដំណើរទស្សនកិច្ចនេះ ជាការឆ្លើយតបតាមការអញ្ជើញរបស់ លោក GAO liang ប្រធានសភាពាណិជ្ជកម្មខេត្តហឺណាន ប្រចាំប្រទេសកម្ពុជា ក្រោយពីការចុះអនុស្សរណៈយោគយល់គ្នា រវាងសភាពាណិជ្ជកម្មខេត្តបាត់ដំបង និងសភាពាណិជ្ជកម្មខេត្តហឺណាន ប្រចាំកម្ពុជា កាលពីខែធ្នូ ឆ្នាំ២០២៥កន្លងទៅ។

គោលបំណងនៃដំណើរទស្សនកិច្ចគឺ៖

១.ការផ្សព្វផ្សាយពាណិជ្ជកម្ម និងវិនិយោគ៖ បង្កើនការជួញដូរទំនិញ និងទាក់ទងការវិនិយោគពី​សហគ្រាសខេត្ត​ហឺណាន មកខេត្តបាត់ដំបង។

២.ការសហការផ្នែកកសិកម្ម និងអាហារ៖ ជំនួយបច្ចេកវិទ្យាកសិកម្ម ការរួមបញ្ចូលខ្សែសង្វាក់ ចាប់ពីផលិតដល់​ទីផ្សារ ដើម្បីបង្កើនផលិតភាព និងចំណូលដល់កសិករ។

៣.ការផ្សព្វផ្សាយវប្បធម៌ និងទេសចរណ៍៖ លើកកម្ពស់ការប្រាស្រ័យទាក់ទង ដើម្បីធ្វើការផ្លាស់ប្ដូរទស្សនកិច្ច​ពាណិជ្ជកម្ម ចំពោះអត្ថប្រយោជន៍រួម។

៤.ជំរុញការផ្គត់ផ្គង់ទីផ្សារ បណ្តុះបណ្តាល និងប្រើប្រាស់បណ្ដាញហិរញ្ញវត្ថុ ដើម្បីធ្វើឱ្យសេដ្ឋកិច្ចមូលដ្ឋាន​រឹងមាំ​ជាងមុន។

សូមជម្រាបថា ក្នុងដំណើរទស្សនកិច្ចនេះផងដែរ អ្នកឧកញ៉ា ភួ វាសនា និងប្រតិភូ ក៏នឹងអញ្ជើញទៅទស្សនកិច្ច​ទីតាំងឧស្សាហកម្ម និងពាណិជ្ជកម្មនានាផ្សេងទៀតរួមមាន តំបន់សេដ្ឋកិច្ចពិសេសនៃទីក្រុង Xin Xiang រោងចក្រ​ផលិតជី Xilian Xing និងជំនួបជាមួយសមាគមសហគ្រាសធុនតូច និងមធ្យមនៅខេត្តហឺណាន។

The post អ្នកឧកញ៉ា ភួ វាសនា ដឹកនាំប្រតិភូទៅទស្សនកិច្ចពាណិជ្ជកម្មនៅខេត្តហឺណាន ប្រទេសចិន ក្នុងគោលបំណងចំនួន ៤ appeared first on .

កិច្ចប្រជុំនេះដឹកនាំដោយ ឧកញ៉ា អ៊ុន យុទ្ធី សហប្រធាន​ក្រុមការងារ “ញ” តំណាងផ្នែកឯកជន និង ឯកឧត្តម យឹម វិសិដ្ឋ ប្រធានអាជ្ញាធរអគ្គិសនីកម្ពុជា និងមានការចូលរួមផងដែរ ពីសំណាក់សមាជិកនៃក្រុមការងារ “ញ” ផ្នែក​ឯកជន និងមន្ត្រីពាក់ព័ន្ធនៃ​អាជ្ញាធរអគ្គិសនីកម្ពុជា។

សូមជម្រាបថា គោលបំណងនៃកិច្ចប្រជុំគឺដើម្បី ១.ពិនិត្យ ពិភាក្សាលើសំណើ សំណូមពររបស់ផ្នែកឯកជនពាក់ព័ន្ធ​នឹងថ្លៃប៉ះប៉ូវសម្រាប់អ្នកប្រើប្រាស់ដែលមានដំឡើងប្រព័ន្ធថាមពលពន្លឺព្រះអាទិត្យលើដំបូល និង ២.ស្វែងយល់ និងស្តាប់បឋកថាខ្លីរបស់អាជ្ញាធរអគ្គិសនីកម្ពុជា ទាក់ទងនឹងនីតិវធី គោលការណ៍ និងបទប្បញ្ញាត្តិផ្សេងៗទាក់ទង​នឹងការដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យលើដំបូល ដើម្បីឱ្យក្រុមការងារផ្នែកឯកជនស្វែងយល់ ផ្សព្វផ្សាយបន្ត។

The post ឧកញ៉ា អ៊ុន យុទ្ធី ដឹកនាំកិច្ចប្រជុំពិភាក្សាស្តីពី គោលការណ៍ និងការអនុវត្តបញ្ជីថ្លៃប៉ះប៉ូវសម្រាប់អ្នកប្រើប្រាស់​ដែលមានដំឡើងប្រព័ន្ធថាមពលពន្លឺព្រះអាទិត្យលើដំបូល appeared first on .

កិច្ចសន្ទនាធុរកិច្ចនេះ មានការអញ្ជើញចូលរួមដោយ ឯកឧត្តម Nguyen Minh Vu ឯកអគ្គរដ្ឋទូតវិសាមញ្ញ និង​ពេញសមត្ថភាពនៃប្រទេសវៀតណាមប្រចាំកម្ពុជា, ឯកឧត្តម ជា វុទ្ធី អគ្គលេខាធិការនៃគណៈកម្មាធិការវិនិយោគ​កម្ពុជានៃក្រុមប្រឹក្សាអភិវឌ្ឍន៍កម្ពុជា, ឯកឧត្តម ហូ ស៊ីវយ៉ុង ប្រតិភូរាជរដ្ឋាភិបាលកម្ពុជាទទួលបន្ទុក​ជាអគ្គនាយក​សេវាពាណិជ្ជកម្មនៃក្រសួងពាណិជ្ជកម្ម និងឧកញ៉ា ឡេង ឬទ្ធី ប្រធានសមាគមធុរកិច្ចកម្ពុជា-វៀតណាម, សមាជិក សមាជិកា សភាពាណិជ្ជកម្មកម្ពុជា និងធុរជននៃប្រទេសទាំងពីរជាច្រើន។

សភាពាណិជ្ជកម្មកម្ពុជា បានឱ្យដឹងថា កិច្ចសន្ទនានេះរៀបចំឡើងក្នុងគោលបំណងពង្រឹង និងពង្រីកកិច្ចសហ​ប្រតិបត្តិការ​ទ្វេភាគីលើវិស័យសេដ្ឋកិច្ច ពាណិជ្ជកម្ម និងវិនិយោគឱ្យកាន់តែស៊ីជម្រៅ នៃប្រទេសវៀតណាម និងកម្ពុជា។

ថ្លែងនៅក្នុងសន្និសីទនេះ អ្នកឧកញ៉ាប្រធាន បានលើកឡើងថា សន្និសីទនាថ្ងៃនេះគឺជាចំណុចរបត់មួយ ដែល​មិនមែនគ្រាន់តែជាការចាប់ដៃគ្នាប៉ុណ្ណោះទេ ប៉ុន្តែគឺជាការពង្រឹងចំណងសេដ្ឋកិច្ច ការលើកកម្ពស់ពាណិជ្ជកម្ម និងការវិនិយោគទ្វេភាគី និងការស្វែងរកច្រកចូលទីផ្សារកាន់តែទូលំទូលាយសម្រាប់ផលិតផលកម្ពុជា និង​វៀតណាម។

អ្នកឧកញ៉ា គិត ម៉េង បានបន្ថែមទៀតថា បច្ចុប្បន្ន វៀតណាមគឺជាដៃគូពាណិជ្ជកម្មចម្បងរបស់កម្ពុជាក្នុងអាស៊ាន និងជាដៃគូពាណិជ្ជកម្មដ៏ធំបំផុតមួយរបស់កម្ពុជានៅលើពិភពលោក ដែលទំហំពាណិជ្ជកម្មទ្វេភាគីមានរហូតដល់ ១១,៣៣ ប៊ីលានដុល្លារ ស្តែងឱ្យឃើញពីភាពធន់នៃខ្សែច្រវាក់ផ្គត់ផ្គង់សមាហរណកម្ម បើទោះបីជាមានបញ្ហា​ប្រឈមសេដ្ឋកិច្ចសកលក៏ដោយ។

អ្នកឧកញ៉ាប្រធាន ក៏បានលើកសំណូមពរដល់ រដ្ឋាភិបាលប្រទេសទាំងពីរ សូមបើកច្រកព្រំដែនទាំងអស់ទៅជា​ច្រកព្រំដែនអន្តរជាតិ ដើម្បីសម្រួលដល់ពាណិជ្ជកម្ម វិនិយោគ ទេសចរណ៍ និង ការឆ្លងកាត់របស់ប្រជាជន និង សំណូមពរសម្រួលនីតិវិធីឆ្លងកាត់ព្រំដែន ដើម្បីកំណើនសេដ្ឋកិច្ចផងដែរ៕

The post អ្នកឧកញ៉ា គិត ម៉េង ចូលរួមកិច្ចសន្ទនាធុរកិច្ច វៀតណាម-កម្ពុជា ដើម្បីស្វែងរកច្រកចូលទីផ្សារកាន់តែទូលំទូលាយ​សម្រាប់ផលិតផលកម្ពុជា និងវៀតណាម appeared first on .

សភាពាណិជ្ជកម្មកម្ពុជា បានឱ្យដឹងថា ទស្សនកិច្ចនេះ ក៏មានការចូលរួមពីលោក ចាង ជីវិញ ប្រធានសភាពាណិជ្ជកម្មខេត្តកោះកុង និងលោកបណ្ឌិត អោម សេងបូរ៉ា សមាជិកទីប្រឹក្សាសភាពាណិជ្ជកម្មរាជធានីភ្នំពេញ និងជាស្ថាបនិក ស៊ីអ៊ីអូមាស្ទ័រក្លឹប និងសមាជិកសមាជិកា។

ក្នុងឱកាសនៃទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងអញ្ជើញចូលរួមព្រឹត្តិការណ៍សំខាន់ៗជាច្រើន រួមមាន ចូលរួមពិព័រណ៍ស្តីពីវិស័យនាំចេញ នាំចូលប្រទេសចិន (139th Canton Fair), ចូលរួមកិច្ចប្រជុំវេទិកាចែករំលែក និងទស្សនកិច្ចរោងចក្រ សហគ្រាសផលិត, ជំនួបពិភាក្សាជាមួយសភាពាណិជ្ជកម្មខេត្តក្វាងទុង និងជំនួបពាណិជ្ជកម្ម និងចាប់ដៃគូជាមួយក្រុមហ៊ុនអន្តរជាតិល្បីៗ។

ដំណើរទស្សនកិច្ចនេះ ជាការឆ្លុះបញ្ចាំងពីទស្សនវិស័យរបស់សភាពាណិជ្ជកម្មកម្ពុជា ក្រោមការដឹកនាំរបស់ អ្នកឧកញ៉ា គិត ម៉េង ជាប្រធាន ដែលតែងតែណែនាំ និងចង្អុលបង្ហាញឱ្យធ្វើការយ៉ាងសកម្មជាមួយដៃគូ និងអង្គភាពអន្ដរជាតិនានា ដើម្បីពង្រឹងបន្ថែមកិច្ចសហប្រតិបត្តិការធុរកិច្ច ពាណិជ្ជកម្ម និងការវិនិយោគទៅកាន់ប្រទេសនានាទាំងក្នុងតំបន់ និងអន្តរជាតិ។

កម្មវិធីទស្សនកិច្ចនេះ រៀបចំឡើងដោយសភាពាណិជ្ជកម្ពុជា រួមសហការជាមួយ មជ្ឈមណ្ឌលអភិវឌ្ឍធុរកិច្ច និងមូលនិធិអភិវឌ្ឍន៍ជំនាញ (SDF) ក្រោមការគាំទ្រពីសហគ្រិនខ្មែរ (KE) ឧបត្ថម្ភដោយ ធនាគារអភិវឌ្ឍន៍ជនបទ និងកសិកម្ម – ធនាគារ វីង ខេមបូឌា – ធនាគារប្រៃសណីយ៍កម្ពុជា និងកំពង់ផែស្វយ័តភ្នំពេញ៕

The post ឧកញ៉ា អ៊ឹង វណ្ណម៉ៅ ដឹកនាំគណៈប្រតិភូសភាពាណិជ្ជកម្មកម្ពុជា ៤៨រូប បំពេញទស្សនកិច្ចពាណិជ្ជកម្មទៅកាន់ទីក្រុងក្វាងចូវ ប្រទេសចិន appeared first on .

ក្នុងពិធីបើកសិក្ខាសាលានេះ ឧកញ៉ា ងួន ម៉េងតិច បានថ្លែងថា ការវិនិយោគលើការអប់រំអន្តរជាតិរបស់បុត្រធីតា គឺជា «ការវិនិយោគជាយុទ្ធសាស្ត្រ»។ តាមរយៈការសិក្សាក្នុងបរិយាកាសកម្រិតពិភពលោក ដូចជានៅប្រទេសអូស្ត្រាលី សិស្សានុសិស្សនឹងទទួលបាននូវផ្នត់គំនិត និងសមត្ថភាពអន្តរជាតិដែលចាំបាច់ ដើម្បីធ្វើទំនើបកម្មសហគ្រាសគ្រួសារ និងរួមចំណែកដល់គោលដៅអភិវឌ្ឍធនធានមនុស្ស ស្របតាមចក្ខុវិស័យកម្ពុជាក្លាយជាប្រទេសដែលមានចំណូលខ្ពស់នៅឆ្នាំ២០៥០។

លោកឧកញ៉ា ងួន ម៉េងតិច បានបន្ថែមថា សម្រាប់ម្ចាស់អាជីវកម្មគ្រប់រូប ការរក្សានិរន្តរភាពអាជីវកម្មឱ្យបានគង់វង្សតជំនាន់ គឺជាបំណងប្រាថ្នាដ៏ធំបំផុត។ ការបង្កើតអាជីវកម្មឱ្យជោគជ័យគឺជារឿងពិបាក ប៉ុន្តែការរក្សាអាជីវកម្មឱ្យមាននិរន្តរភាពទៅជំនាន់ក្រោយ គឺរឹតតែមានភាពប្រឈមខ្លាំងជាងនេះទៅទៀត។ មូលហេតុចម្បងដែលនាំឱ្យអាជីវកម្មគ្រួសារភាគច្រើនជួបហានិភ័យ គឺការខ្វះចន្លោះក្នុងការរៀបចំផែនការបន្តវេន ឬការខកខានក្នុងការបណ្តុះបណ្តាល “មរតកចំណេះដឹង” ឱ្យបានត្រឹមត្រូវ។ ដូច្នេះ ការវិនិយោគលើការសិក្សារបស់បុត្រធីតា គឺជាកត្តាចាំបាច់បំផុតដែលត្រូវគិតគូរឱ្យបានគ្រប់ជ្រុងជ្រោយ។

សូមជម្រាបថា សិក្ខាសាលាខាងលើនេះ បានជជែកពិភាក្សាលម្អិតអំពីការត្រៀមលក្ខណៈ និងមូលដ្ឋានគ្រឹះនានាដែលចាំបាច់សម្រាប់បណ្តុះបណ្តាល និងបញ្ជូនបុត្រធីតាទៅសិក្សានៅក្រៅប្រទេសជាពិសេសប្រទេសអូស្ត្រាលី និងវិធីសិក្សាមូលដ្ឋានគ្រឹះរយៈពេល ៦ខែ ព្រមទាំងបទពិសោធន៍ជោគជ័យនៅតាមបណ្តាប្រទេសនានាផងដែរ៕

The post ឧកញ៉ា ងួន ម៉េងតិច អញ្ជើញបើកសិក្ខាសាលាស្តីពីមាគ៌ាអប់រំសកល ដើម្បីគាំទ្រការរៀបចំអ្នកបន្តវេនអាជីវកម្ម និងអភិវឌ្ឍធនធានមនុស្សជំនាន់ក្រោយ appeared first on .

កិច្ចប្រជុំរវាងស្ថាប័នរដ្ឋ និងវិស័យឯកជននេះ ធ្វើឡើងក្រោមអធិបតីភាព ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា និង អ្នកឧកញ៉ា​ គិត​ ម៉េង ប្រធានសភាពាណិជ្ជកម្ម និងជាសហប្រធាននៃយន្ដការភាពដៃគូគយ-ផ្នែកឯកជន និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្ដការវេទិការាជរដ្ឋាភិបាល-ផ្នែកឯកជន ព្រមទាំង អ្នកឧកញ៉ា ឧកញ៉ាៗ និង​មន្ត្រីគយជាច្រើនរូប។

សូមជម្រាបថា កិច្ចប្រជុំនេះ មានការពិភាក្សានិងលើកឡើងអំពី ១.ការកែសម្រួលអត្រាពន្ធ និងអាករសម្រាប់ឆ្នាំ២០២៦, ២.ការបន្ធូរបន្ថយបន្ទុកអាករលើតម្លៃបន្ថែមលើផលិតផលតេលសិលា, ៣.សេចក្ដីព្រាងវិធានការបង្ការ និងបង្ក្រាបអំពើរត់គេចពន្ធ និងការពង្រឹងអភិបាលកិច្ចរបស់អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា សម្រាប់អនុវត្ដក្នុងឆ្នាំ២០២៦ និង ៤.ពិភាក្សាដោះស្រាយសំណើបញ្ហា ដែលលើកឡើងដោយផ្នែកឯកជន៕

The post អ្នកឧកញ៉ា​ គិត​ ម៉េង ដឹកនាំប្រតិភូចូលរួមកិច្ចប្រជុំជាមួយអគ្គនាយកដ្ឋានគយ ពិភាក្សាលើរឿង ៤ចំណុច appeared first on .

សភាពាណិជ្ជកម្មកម្ពុជា បានឱ្យដឹងថា ដំណើរទស្សនកិច្ចពាណិជ្ជកម្មនេះ នឹងចាប់ពីថ្ងៃទី ១៧ មេសា ដល់ថ្ងៃទី ២១ ខែមេសា ឆ្នាំ២០២៦។ ក្នុងដំណើរទស្សនកិច្ចពាណិជ្ជកម្មនេះ គណៈប្រតិភូសភាពាណិជ្ជកម្មកម្ពុជា នឹងត្រូវ៖ ១.ចូលរួមកម្មវិធីពិព័រណ៍ផលិតផលនាំចេញ នាំចូលប្រទេសចិន (The 139th Canton Fair), ២.ចូលរួមកិច្ចប្រជុំ និងវេទិកាចែករំលែក, ៣.ជំនួបពាណិជ្ជកម្ម និងចាប់ដៃគូរជាមួយក្រុមហ៊ុនចិនល្បីៗ, ៤.ទស្សនកិច្ចរោងចក្រ សហគ្រាសផលិត ដែលមានឧបករណ៍ និងបច្ចេកវិទ្យាទំនើបៗ នៅក្នុងវិស័យឧស្សាហកម្មប្រទេសចិន។

សូមជម្រាបថា ដំណើរទស្សនកិច្ចពាណិជ្ជកម្មទៅកាន់ទីក្រុងក្វាងចូវខាងលើនេះ រៀបចំដោយសភាពាណិជ្ជកម្មកម្ពុជា និងសហការរៀបចំដោយ មជ្ឈមណ្ឌលអភិវឌ្ឍធុរកិច្ច (BDC) និងមូលនិធិអភិវឌ្ឍន៍ជំនាញ (SDF) ព្រមទាំងគាំទ្រដោយ សហគ្រិនខ្មែរ នៃក្រសួងឧស្សាហកម្ម វិទ្យាសាស្រ្ដ បច្ចេកវិទ្យា និងនវានុវត្តន៍៕

The post អ្នកឧកញ៉ា ឧកញ៉ា ២រូប នឹងដឹកនាំប្រតិភូ ៤៥រូប ធ្វើទស្សនកិច្ចពាណិជ្ជកម្មទៅកាន់ទីក្រុងក្វាងចូវ ប្រទេសចិន រយៈពេល ៤យប់៥ថ្ងៃ appeared first on .

ក្នុងឱកាសនោះដែរ គណៈប្រតិភូសភាពាណិជ្ជកម្មកម្ពុជា អ្នកឧកញ៉ា ឧកញ៉ាៗ ដែលអញ្ជើញចូលរួម រួមមាន អ្នកឧកញ៉ា ឡាវ កាង, អ្នកឧកញ៉ា វិញ ហួរ, អ្នកឧកញ៉ា ភួ វាសនា, អ្នកឧកញ៉ា អុឹង សែ, អ្នកឧកញ៉ា សុខ សុភាព, ឧកញ៉ា គួច ផេង, ឧកញ៉ា តាន់ មុនីវណ្ណ, ឧកញ៉ា ងួន ម៉េងតិច, ឧកញ៉ា ហ៊ួត ឈឿន, ឧកញ៉ា ហាក់ សុវណ្ណ, ឧកញ៉ា អ៊ុន វុទ្ធី, ឧកញ៉ា ឡេង សុខគា, ឧកញ៉ា កែវ ចំរើន និងឧកញ៉ា នួន ពេជ្រសុផល។

ជាកិច្ចចាប់ផ្តើម អ្នកឧកញ៉ា លឹម ហេង បានថ្លែងអំណរគុណយ៉ាងជ្រាលជ្រៅ គោរពជូន លោកជំទាវរដ្ឋមន្ត្រី ដែលបានអនុញ្ញាតឱ្យគណៈប្រតិភូសភាពាណិជ្ជកម្មកម្ពុជា បានចូលជួបសម្តែងការគួរសម និងគោរពជូនពរ លោកជំទាវរដ្ឋមន្រ្តី ក្នុងឱកាសចូលឆ្នាំថ្មីប្រពៃណីខ្មែរ។ ក្នុងឱកាសនោះផងដែរ អ្នកឧកញ៉ាអនុប្រធាន បានរាយការណ៍អំពីវឌ្ឍនភាពការងារ បញ្ហាប្រឈម និងសំណូមពរ របស់សភាពាណិជ្ជកម្មកម្ពុជា គោរពជូនលោកជំទាវរដ្ឋមន្ត្រី ដើម្បីជ្រាប។

ជាកិច្ចឆ្លើយតប លោកជំទាវរដ្ឋមន្រ្តីបានវាយតម្លៃខ្ពស់លើលទ្ធផលការងារនិងតួនាទីរបស់សភាពាណិជ្ជកម្មក្នុងការចូលរួមជំរុញសកម្មភាពសេដ្ឋកិច្ច-ពាណិជ្ជកម្ម ដែលបានរួមចំណែកយ៉ាងសំខាន់ក្នុងការរុញច្រានកំណើនសេដ្ឋកិច្ច និងអភិវឌ្ឍសង្គម សេដ្ឋកិច្ច។ លោកជំទាវរដ្ឋមន្រ្តី បានបញ្ជាក់ជូនថា ក្រសួងពាណិជ្ជកម្ម ក្នុងនាមជាអាណាព្យាបាលបច្ចេកទេស នឹងបន្តគាំទ្រសភាពាណិជ្ជកម្ម ដើម្បីសម្រេចបាននូវទិសដៅការងារ និងសមិទ្ធផលបន្ថែមទៀត៕

The post អ្នកឧកញ៉ា ឧកញ៉ាៗប្រតិភូសភាពាណិជ្ជកម្មជាង ១០រូប អញ្ជើញជួបសម្តែងការគួរសម និងគោរពជូនពរ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម ក្នុងឱកាសចូលឆ្នាំថ្មីប្រពៃណីខ្មែរ appeared first on .

កិច្ចប្រជុំនេះក៏មានការចូលរួមផងដែរពីសំណាក់ ឧកញ៉ា ងួន ម៉េងតិច, ឧកញ៉ា នួន ពេជ្រសុផល, ឧកញ៉ា ហាក់ លាងហ៊ ព្រមទាំងអនុសហប្រធានក្រុមការងារតំណាបច្ចេកទេសទាំង៤ តំណាងផ្នែកឯកជន​, តំណាងគ្រឹះស្ថានសមាគម ក្រុមហ៊ុនឯកជន និងអ្នកកពាក់ព័ន្ធដែលជាសមាជិកនៃក្រុមការងារបច្ចេកទេសផ្នែកឯកជនជាច្រើនទៀត។

បើតាមសភាពាណិជ្ជកម្មកម្ពុជា កិច្ចប្រជុំនេះមានគោលបំណង ដើម្បីបន្តធ្វើការពិនិត្យ ពិភាក្សាលើបញ្ហាប្រឈមដែលនៅសេសសល់ និងបន្តលើកឡើងនូវបញ្ហាប្រឈមថ្មីៗបន្ថែមទៀតក្នុងវិស័យគយ ដើម្បីដាក់ស្នើសុំដំណោះស្រាយជាមួយនឹងដៃគូ គឺអគ្គនាយកដ្ឋានគយ និងរដ្ឋាករកម្ពុជា នាពេលឆាប់ៗខាងមុខនេះ។ 

កិច្ចប្រជុំបានធ្វើការពិនិត្យ ពិភាក្សាលើបញ្ហាប្រឈមរបស់ផ្នែកឯកជនមួយចំនួនរួមមាន៖ ១. បញ្ហាក្នុងការចំណាយលើ Customs Clearances, ២. ការធ្វើប្រតិភូកម្មអំណាចទៅមន្ត្រីគយថ្នាក់ក្រោម, ៣. ការប្រកាសយថាប្រភេទផលិតផលនាំចូល, ៤. ការនាំចូលផលិតផលស្វាយចន្ធីដែលមិនមានគុណភាពប្រកួតប្រជែងជាមួយនឹងផលិតផលក្នុងស្រុក , ៥. នីតិវិធីគយក្នុងការនាំចេញផលិតផលកសិកម្ម រួមនឹងបញ្ហាប្រឈមមួយចំនួន​ផ្សេងទៀតផងដែរ។

The post ឧកញ៉ា ៦រូប ចូលរួមកិច្ចប្រជុំក្រុមការងារបច្ចេកទេស​ទាំង៤ “វិស័យគយ” នៃយន្តការភាពជាដៃគូគយ-ផ្នែកឯកជន appeared first on .

លោកឧកញ៉ា សំរិទ្ធ មុនី ជានាយកប្រតិបត្តិក្រុមហ៊ុន អេធីអេ-អិមអេស (ខេមបូឌា) ឯ.ក ដែលជាប្រភេទអាជីវកម្មសេវាគណនេយ្យ កត់ត្រាគណនេយ្យ សវនកម្ម និងពិគ្រោះយោបល់ផ្នែកពន្ធដារ មានអាសយដ្ឋាននៅអគារលេខ ៨៨៨ ផ្លូវទន្លេសាប សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សូមជម្រាបជូនថា សភាពាណិជ្ជកម្មកម្ពុជា ត្រូវបានបង្កើតឡើងក្នុងឆ្នាំ១៩៩៥ ដោយមានទំនាក់ទំនងនៅទូទាំងប្រទេស ព្រមទាំងដៃគូកម្រិតតំបន់ និងពិភពលោក។ បច្ចុប្បន្ន មានសភាពាណិជ្ជកម្មកម្ពុជា មានសភាពាណិជ្ជកម្មរាជធានី-ខេត្ត ចំនួនសរុប១៨ ដែលស្ថិតនៅក្រោមសភាពាណិជ្ជកម្មកម្ពុជា។

សភាពាណិជ្ជកម្ម គឺជាស្ថាប័នមួយមិនសំដៅរកប្រាក់ចំណេញ ដែលសមាជិកភាពមានលក្ខណៈស្ម័គ្រចិត្ត និងជាស្ថាប័នតំណាងការពារផលប្រយោជន៍ជូនវិស័យឯកជនលើផ្នែកពាណិជ្ជកម្ម ឧស្សាហកម្ម សិប្បកម្ម សេវាកម្ម និងកសិកម្ម ដោយធ្វើសកម្មភាពបម្រើឱ្យសេដ្ឋកិច្ចជាតិ ក្នុងដែនសមត្ថកិច្ចរបស់ខ្លួន និងនៅទូទាំងប្រទេស៕

The post ឧកញ៉ា សំរិទ្ធ មុនី នាយកប្រតិបត្តិក្រុមហ៊ុន ATA-MS (Cambodia) ក្លាយជាសមាជិកថ្មី នៃសភាពាណិជ្ជកម្មកម្ពុជា appeared first on .