សភាពាណិជ្ជកម្មខេត្តពោធិ៍សាត់

ឧកញ៉ាម្ចាស់សណ្ឋាគារមួយ ជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣

ឧកញ៉ាដែនដី — Thu, 29 Dec 2022 04:28:08 +0000

ឧកញ៉ា ទុយ គី ម្ចាស់សណ្ឋាគារ ពោធិ៍សាត់ រីវើសាយ បានជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣ លើកទី១ ដោយទទួលបានការទុកចិត្តពីសមាជិកបោះឆ្នោតគាំទ្រ ១០០% នារសៀលថ្ងៃអង្គារ ទី២៧ ខែធ្នូ ឆ្នាំ២០២២។

លទ្ធផលនៃការបោះឆ្នោតដ៏ជោគជ័យនេះ ជាសក្ខីភាពសរបញ្ជាក់ឱ្យឃើញនូវការដឹកនាំប្រកបដោយភាពឈ្លាសវៃ ប៉ិនប្រសព្វ និងការទទួលខុសត្រូវខ្ពស់របស់លោកឧកញ៉ា ទុយ គី ដែលជាប្រធានសភាពាណិជ្ជកម្មខេត្តពោធិ៍សាត់ អាណត្តិមុនផងដែរ ដែលបានផ្តល់ភាពកក់ក្តៅជូនដល់គ្រប់ពាណិជ្ជករ នៅក្នុងខេត្ត ញ៉ាំងឱ្យស្ថាប័នសភាពាណិជ្ជកម្មខេត្តពោធិ៍សាត់ ដើរតួនាទីរួមជាមួយសភាពាណិជ្ជកម្មកម្ពុជា មិនអាចខ្វះបាន ក្នុងការចូលរួមយ៉ាងសកម្មជាមួយរដ្ឋបាលខេត្ត ក៏ដូចជារាជរដ្ឋាភិបាលកម្ពុជា ធ្វើឱ្យសេដ្ឋកិច្ចជាតិមានការអភិវឌ្ឍន៍រីកចម្រើនជាលំដាប់ គួរជាទីមោទនៈ។

គួរបញ្ជាក់ថា ពិធីបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មខេត្តពោធិ៍សាត់ អាណត្តិទី៣ លើកទី១ កាលពីថ្ងៃទី២៧ ខែធ្នូ ឆ្នាំ២០២២ បានធ្វើឡើងនៅសាលាមត្តេយ្យខេត្តពោធិ៍សាត់ ក្រោមអធិបតីភាព លោក គឹម មាសសុខសីហា អនុរដ្ឋលេខាធិការក្រសួងពាណិជ្ជកម្ម, លោក ងួន ប៉ោសេង អភិបាលរង នៃគណៈអភិបាលខេត្តពោធិ៍សាត់ ដោយមានការអញ្ជើញចូលរួមពី លោកស្រី សេង សុម៉ុន ប្រធាននាយកដ្ឋានទំនាក់ទំនងសភាពាណិជ្ជកម្មរាជធានី -ខេត្ត តំណាង លោកឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា លោកស្រីប្រធានមន្ទីរពាណិជ្ជកម្មខេត្ត និងមន្រ្តីក្រោមឱវាទ ព្រមទាំងថ្នាក់ដឹកនាំមន្ទីរពាក់ព័ន្ធមួយចំនួនទៀត៕

The post ឧកញ៉ាម្ចាស់សណ្ឋាគារមួយ ជាប់ឆ្នោតជា ប្រធានសភាពាណិជ្ជកម្មខេត្តពោធិ៍សាត់ អាណត្តិទី៣ appeared first on .

សភាពាណិជ្ជកម្មខេត្តពោធិ៍សាត់ ឧបត្ថម្ភ រថយន្តម៉ាក ISUZU PICK UP ចំនួន ០១គ្រឿង ដល់អធិការដ្ឋាននគរបាលក្រុងពោធិ៍សាត់

ឧកញ៉ាកោះក្របី — Wed, 09 Dec 2020 09:28:29 +0000

ឧកញ៉ា ទុយ គី ប្រធានសភាពាណិជ្ជកម្មខេត្តពោធិ៍សាត់ អញ្ជើញចូលជួបសំណេះសំណាល និងពិភាក្សាការងារ ជាមួយ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ ព្រមទាំងនាំយកម៉ាស់ចំនួន 50,000ម៉ាស់ និង អាល់កុល ចំនួន2,000ដប ឧបត្ថម្ភដល់រដ្ឋបាលខេត្ត ពោធិ៍សាត់ សម្រាប់ប្រើប្រាស់ក្នុងវិធានការ បង្ការ ការពារ និងទប់ស្កាត់ជម្ងឺ COVID 19 នៅខេត្តពោធិ៍សាត់ នៅថ្ងៃទី៩ ខែធ្នូ ឆ្នាំ២០២០នេះ។

នៅក្នុងឪកាសនោះដែរ សភាពាណិជ្ជកម្មខេត្តពោធិ៍សាត់ បានឧបត្ថម្ភ រថយន្តម៉ាក ISUZU PICK UP ចំនួន ០១គ្រឿង ដល់អធិការដ្ឋាននគរបាលក្រុងពោធិ៍សាត់ ដើម្បីលើកកម្ពស់ប្រសិទ្ធភាព គុណភាព ប្រតិបត្តិការរក្សាសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម របស់អធិការដ្ឋាននគរបាលក្រុងពោធិ៍សាត់។

គួរំលឹកផងដែរ សម្រាប់ខេត្តពោធិ៍សាត់ មិនទាន់មានរីករាលដាលព្រឹត្តិការណ៍ សហគមន៍ ២៨វិច្ឆិកា និងមានអ្នកឆ្លងវិរុសកូរ៉ូណា កូវីដ១៩ នៅឡើងទេ។

The post សភាពាណិជ្ជកម្មខេត្តពោធិ៍សាត់ ឧបត្ថម្ភ រថយន្តម៉ាក ISUZU PICK UP ចំនួន ០១គ្រឿង ដល់អធិការដ្ឋាននគរបាលក្រុងពោធិ៍សាត់ appeared first on .

ឧកញ៉ា ទុយ គី នាំ យកអំណោយចែកជូនពលរដ្ឋរងគ្រោះដោយទឹកជំនន់៥០០គ្រួសារ សរុបជាប្រាក់អស់ ២៥០០០ដុល្លារ

កូនចៅឧកញ៉ា — Tue, 27 Oct 2020 04:48:00 +0000

ព្រឹកទី២៤-២៥ ខែតុលា ឆ្នាំ២០២០ លោកឧញ៉ា ទុយ គី អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តពោធិ៍សាត់ ព្រមទាំងសមាជិក សមាជិកា បានអមដំណើរឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ឯកឧត្តមបណ្ឌិត ម៉ៅ ធនិន អភិបាលនៃគណៈអភិបាលខេត្ត និងលោកជំទាវ ហ៊ុន ចាន់ធី ប្រធានកិត្តយសសមាគមនារីដើម្បីសន្តិភាព និង អភិវឌ្ឍន៍ខេត្ត នាំយកអំណោយចែកជូនប្រជាពលរដ្ឋដែលរងគ្រោះដោយសារទឹកជំនន់ចំនួន៥០០គ្រួសារ និងលោកគ្រូអ្នកគ្រូទូទាំងខេត្តពោធិ៍សាត់ ចំនួន១០០០នាក់ ។

នៅក្នុងពិធីសំណេះសំណាល និងចែកជូនគ្រឿងឧបភោគ បរិភោគនាពេលនេះដែលលោកឧកញ៉ាបានចូលរួមចំណែកជាមួយរដ្ឋបាលខេត្តក្នុងមួយគ្រួសារទទួលបានអង្ករ២០គីឡូក្រាម ទឹកត្រី១យូរ និងមី១កេះ ដែលសរុបជាទឹកប្រាក់ ២៥០០០ដុល្លាអាមេរិច ។

អត្ថបទ និងរូបភាពដោយ៖ សភាពាណិជ្ជកម្មខេត្តពោធិ៍សាត់

The post ឧកញ៉ា ទុយ គី នាំ យកអំណោយចែកជូនពលរដ្ឋរងគ្រោះដោយទឹកជំនន់៥០០គ្រួសារ សរុបជាប្រាក់អស់ ២៥០០០ដុល្លារ appeared first on .