ពិធីចុះហត្ថលេខានេះ ធ្វើឡើងក្នុងឱកាសដែលសម្តេចធិបតី ហ៊ុន ម៉ាណែត នាយករដ្ឋមន្ត្រីបំពេញទស្សនកិច្ចផ្លូវការលើកដំបូងនៅប្រទេសវៀតណាម រយៈពេលពីរថ្ងៃ ចាប់ពីទី១១ ដល់ទី១២ ខែធ្នូ ឆ្នាំ២០២៣ នៅរដ្ឋធានីហាណូយ។

បើតាមសភាពាណិជ្ជកម្មកម្ពុជា គោលបំណងសំខាន់នៃអនុស្សរណៈយោគយល់នេះ គឺដើម្បីជួយជំរុញ និងពង្រីកទំនាក់ទំនងពាណិជ្ជកម្ម និងសេដ្ឋកិច្ចរវាងសហគមន៍ធុរកិច្ចប្រទេសទាំងពីរតាមរយៈការផ្លាស់ប្តូរ ព័ត៌មាន និងការរៀបចំព្រឹត្តិការណ៍ធុរកិច្ចរួមគ្នា ដូចជា ពិព័រណ៍ពាណិជ្ជកម្ម វេទិកាធុរកិច្ច ទស្សនកិច្ចធុរកិច្ច និងសិក្ខា សាលា ជាដើម។

សូមបញ្ជាក់ថា សភាពាណិជ្ជកម្មទាំងពីរ នឹងជួបពិភាក្សាគ្នាជាទៀងទាត់ ដើម្បីផ្លាស់ប្តូរព័ត៌មាន និងទស្សនៈ អំពីការពង្រីកទំនាក់ទំនងពាណិជ្ជកម្មនិងសេដ្ឋកិច្ច។

តាម​ទិន្ន​ន័យ​ពី​អគ្គនាយកដ្ឋាន​គយ និង​រដ្ឋាករ​កម្ពុជា វៀតណាម​បាន​ក្លាយជា​ដៃគូ​ពាណិជ្ជកម្ម​ដ៏​ធំ​បំផុត​របស់​កម្ពុជា ក្នុងចំណោម​បណ្ដា​ប្រទេស​ជា​សមាជិក​អាស៊ាន ខណៈ​ពាណិជ្ជកម្ម​ទ្វេភាគី​បាន​គ្របដណ្ដប់​ជិត​ ៥០​ភាគរយ​នៃ​ពាណិជ្ជកម្ម​សរុប​រវាង​កម្ពុជា និង​បណ្ដា​ប្រទេស​សមាជិក​អាស៊ាន​ផ្សេងទៀត នៅ​ឆមាស​ទី​១ ឆ្នាំ​ ២០២៣។ក្នុងនោះ កម្ពុជាបាន​នាំ​ចេញទៅ​វៀត​​ណា​ម ក្នុង​ទំហំ​ទឹកប្រាក់ជាង​ ១ ៤២៩ លាន​ដុល្លារ កើន​ឡើង​ជិត​ ២២ ​ភាគរយ ខណៈដែល​កម្ពុជានាំចូល​ពី​វៀត​ណា​ម​មកវិញ​មាន​ទំហំ​ទឹក​ប្រា​ក់ជាង​ ១ ៨៧២ ​លាន​ដុល្លារ ថយចុះ​ជាង ​១០​ ភាគ​រយ បើ​ធៀប​នឹង​ឆមាស​ទី​១ ក្នុង​ឆ្នាំ​ ២០២២​៕

The post អ្នកឧកញ៉ា លឹម ហេង ចុះហត្ថលេខាលើអនុស្សរណៈយោគយល់ជាមួយសភាពាណិជ្ជកម្ម និងឧស្សាហកម្មវៀតណាម appeared first on .