ក្នុងពិធីបើកជាផ្លូវការនេះ គេឃើញមានការតាំងបង្ហាញយុទ្ធោបករណ៍ទំនើបៗជាច្រើន ក្នុងនោះជាការចាប់អារម្មណ៍ខ្លាំងបំផុត គឺការតាំងបង្ហាញ កងទ័ពឆ្កែយន្ត ដែលមានសមត្ថភាពអាចស្ពាយកាំភ្លើងចូលសមរភូមិ បានថែមទៀត។

កងទ័ពឆ្កែយន្តនេះ គឺជាផលិតផលរបស់ក្រុមហ៊ុនចិន Unitree ដែលជំនាញលើការផលិតមនុស្សយន្ត និងគ្រឿងយន្តសម្រាប់ប្រើប្រាស់ក្នុងវិស័យយោធា។ ឆ្កែយន្តទាំង២គ្រឿងនេះគឺមានឈ្មោះថា Unitree Robot Dog B1 ដែលមានតម្លៃប្រហែល ១០០ ០០០ដុល្លារ និងមួយម៉ូដែលទឿតគឺ Unitree Robot Dog Go2 ដែលមានតម្លៃប្រហែល ១៤ ០០០ដុល្លារ។ នេះបើតាមទិន្នន័យបង្ហាញដោយគេហទំព័រផ្លូវការក្រុមហ៊ុន Unitree។

ជាមួយគ្នា គេហទំព័រ Gagadget ក៏បានបញ្ជាក់ថា ចំពោះម៉ូដែល Go2 ឆ្កែយន្តនេះ អាចប្រើប្រាស់ជំនួសការងារប្រចាំថ្ងៃបន្តិចបន្តួច ក៏ប៉ុន្តែសម្រាប់ម៉ូដែល B1 វិញ គឺមានសមត្ថភាពពេញលេញក្នុងការប្រើប្រាស់ក្នុងសមរភូមិ ដ្បិតវាធន់ការចុះទឹក អាចទ្រទំងន់ដល់ ១០០គីឡូក្រាម និងអាចប្រើប្រាស់រហូតដល់ ៤ម៉ោង ថែមទៀត។

គួរបញ្ជាក់ថា កងទ័ពកម្ពុជា និងចិន នឹងធ្វើសមយុទ្ធនាគមាស ២០២៤ រួមគ្នារយៈពេល១៥ថ្ងៃ ចាប់ពីថ្ងៃទី១៦ ដល់ថ្ងៃទី៣០ ខែឧសភា ។ សមយុទ្ធផ្តោតលើប្រតិបត្តិការប្រឆាំងភេរវកម្ម និងការងារមនុស្សធម៌។ កងកម្លាំងចូលរួម សរុបមានជាង២០០០ពាន់នាក់ ក្នុងនោះ កងទ័ពចិនមានចំនួនសរុបជាង ៧០០នាក់ និងកងទ័ពកម្ពុជាមានចំនួនសរុបជាង១០០០នាក់៕

The post កងទ័ពឆ្កែយន្តរបស់យោធាចិន បង្ហាញខ្លួនក្នុងពិធីបើកសមយុទ្ធនាគមាស មានតម្លៃរាប់សិបម៉ឺនដុល្លារ appeared first on .

លំហាត់សមយុទ្ធរួមគ្នានេះ បានប្រារព្ធពិធី​បើកជាផ្លូវការ កាលថ្ងៃទី២៣ ខែមីនានេះ នៅមជ្ឈមណ្ឌល​ហ្វឹកហ្វឺនកងរាជ​អាវុធ​ហត្ថ នៅភូមិច្រកកូវ ឃុំពាម ស្រុកសាមគ្គីមានជ័យ ខេត្តកំពង់ឆ្នាំង ក្រោមអធិបតីភាព នាយឧត្ដមសេនីយ៍ ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និង ឧត្តមសេនីយ៍ទោ ឈិន ម៉ីន​ធៀន នាយរងសេនា​ធិការកងទ័​ពជើងគោក នៃតំបន់ភូមិភាគ ខាង​ត្បូងនៃកង​ទ័ពរំដោះប្រជាជ​នចិន។

នាយឧត្ដមសេនីយ៍ ហ៊ុន ម៉ាណែត បានថ្លែងប​ញ្ជាក់ថា ការចាត់តាំងធ្វើសមយុទ្ធនាគ​មាស​លើកទី៥ នេះ ពិត​ជាឆ្លើយ តប​ទៅ​​នឹង​គោល​បំណង និងសំណូមពរភារកិច្ចចំពោះមុខរបស់កងទ័ពនៃប្រទេសទាំងពីរ រួមទាំង​តម្រូវការនៃកិច្ច​ស​ហ​ប្រតិ​​បត្តិ​ការ​​​ ​ដើម្បីថែ​​​រក្សា​សន្តិសុខនៅក្នុងតំបន់ ។

តាមរយៈលំហាត់សមយុទ្ធលើកនេះ នាយឧត្ដមសេនីយ៍ បាន រំពឹងថានឹងទទួលបាននូវបទពិសោធន៍ជាក់ស្តែងលើការងារ និងទិសដៅមួយចំនួន ដូចជា ការផ្លាស់ប្តូរបទពិសោធន៍លើប្រតិបត្តិការការពារសន្តិសុខក្នុងព្រឹត្តិការណ៍ធំៗ និងប្រតិបត្តិការ​​ជួយ​​សង្គ្រោះមនុស្សធម៌ក្នុងគ្រោះមហន្តរាយផ្សេងៗ និង ការលើកកម្ពស់ចំណងមិត្តភាព និងទំនាក់ទំនងកិច្ច​សហ​ប្រតិ​បត្តិ​​ការ​​​ល្អរវាងប្រទេស, ប្រជាជន និងកងទ័ពទាំងពីរ តាមរយៈការបង្កើនទំនុកចិត្ត, ការប្រាស្រ័យទាក់ទងរាប់អានគ្នារវាង​យោ​ធិនជាលក្ខណៈបុគ្គល និងការស្វែងយល់អំពីវប្បធម៌គ្នាទៅវិញទៅមក ក៏ដូចជាការលេងកីឡាជាមួយគ្នា។

ជាមួយគ្នានេះ ភាគីកងទ័ពចិន គឺ ឧត្តមសេនីយ៍ទោ ឈិន ម៉ីនធៀន នាយរងសេនាធិ​ការកងទ័ពជើងគោក នៃតំបន់ភូមិ​ភាគ​​ខាងត្បូងនៃកងទ័ពរំដោះប្រជាជនចិន ក៏បានបង្ហាញការរំពឹងដែរថា សមយុទ្ធ នាគមាស​២០២៣ នឹងប្រព្រឹត្ត​ទៅ​ដោយរលូន​​និងទទួលបានជោគជ័យ ។ លោកឧត្តមសេនីយ៍ទោ ចាត់ទុកថាសមយុទ្ធ​​នេះមិន​​ត្រឹមតែចែ​ករំលែកបទពិសោធឲ្យគ្នាទៅ​​វិញ​ទៅមក ប៉ុណ្ណោះទេ សមយុទ្ធនេះ ក៏ ពង្រឹងនិងពង្រីក មិត្តភាពជាប្រពៃណី​ចិន កម្ពុជាឲ្យកាន់តែរីកធំឡើង ជា​ពិសេសកិច្ច​សហប្រតិបត្តិការយោធារវាងប្រទេសទាំង២។

គួរបញ្ជាក់ថា សមយុទ្ធ “នាគមាស-ឆ្នាំ២០២៣” នេះ រៀបចំឡើងដោយមាន ​ពេលវេលារួម នៃលំហាត់សមយុទ្ធមានចំនួន ២០ ថ្ងៃ ចាប់ពីថ្ងៃទី ២០ ខែ មីនា ដល់ថ្ងៃទី០៨ ខែមេសា កន្លែងស្នាក់នៅ ពិធីបើក ពិធីបិទ និងលំហាត់ទីបញ្ជាការ និង​លំហាត់​ទីលាន​ស្ថិតនៅមជ្ឈមណ្ឌលហ្វឹកហ្វឺនកងរា​ជអាវុធហត្ថ នៅភូ​មិច្រកកូវ ឃុំពាម ស្រុកសាម​គ្គីមានជ័យ ខេត្តកំពង់ឆ្នាំង។

កងកម្លាំងចូលរួមក្នុងលំហាត់សមយុទ្ធសរុបមានជាង៣ពាន់​នាក់ ក្នុងភាគីចិនមានចំនួ​នសរុបជាង២០០នាក់ ភា​គីកម្ពុជាមាន​ចំនួនសរុបជាង២ពាន់៨រយនាក់ ។

កម្ពុជា និងចិន ធា្លប់បានធ្វើសមយុ​ទ្ធ«នាគមាស» រួមគ្នា ចំនួន៤លើករួចមកហើយ គឺនៅក្នុងឆ្នាំ២០១៦ ,២០១៨, ២០១៩ និង​ឆ្នាំ២០២០ ។ ការអាក់ខានធ្វើនៅឆ្នាំ២០១៧ ដោយសារកម្ពុជាជាប់យុទ្ធនាការបង្ក្រាបគ្រឿងញៀន និងការបោះ​ឆ្នោតក្រុម​ប្រឹក្សាឃុំ សង្កាត់ និងឆ្នាំ២០២១ និងឆ្នាំ២០២២ ដោយសារការឆ្លងរីករាលដាលជំងឺកូវីដ១៩ ៕ អត្ថបទ៖ សន ពុទ្ធិកា

The post កងទ័ពកម្ពុជា-ចិន រំពឹងថា សមយុទ្ធនាគមាស នឹងជួយ​​លើក​កម្ពស់ចំណងមិត្តភាព និងកិច្ចសហប្រតិបត្តិការ appeared first on .