ពិធីបរិច្ចាគឈាមមនុស្សធម៌ក្នុងគោលបំណងសំខាន់ចំនួន២ គឺ៖

១. បម្រើដល់សេចក្តីត្រូវការជាប្រចាំក្នុងការសង្គ្រោះជីវិតដែលទទួលគ្រោះថ្នាក់ ឬអ្នកជំងឺដែលកំពុងសម្រាកព្យាបាល ហើយយមានតម្រូវការឈាមជាបន្ទាន់

២. ត្រៀមបម្រុងសម្រាប់វីរកងទ័ពជួរមុខ ឬប្រជាពលរដ្ឋ ក្នុងករណីដែលទទួលរងរបួស ឬគ្រោះថ្នាក់ដោយសារសង្គ្រាមឈ្លានពានទឹកដីនៅទិសខេត្តឧត្តរមានជ័យ និងខេត្តព្រះវិហារ។

ដោយឈរលើគោលបំណងសំខាន់ ២ខាងលើ ពិធីបរិច្ចាគឈាមមនុស្សធម៌ពេលនេះ គឺធ្វើឡើងដើម្បីត្រៀមបង្ការផង និងយោងលើសេចក្តីត្រូវការផងសម្រាប់តម្រូវការឈាមជាទូទៅ និងចំពោះសភាពការណ៍វិវត្តជាក់ស្តែង ដែលអាចនឹងមានតម្រូវការសង្គ្រោះជីវិត ចំពោះបងប្អូនវីរកងទ័ពជួរមុខ និងបងប្អូនប្រជាពលរដ្ឋនៃតំបន់ប្រឈមនឹងសង្គ្រាមឈ្លានពាន ហើយអាចនឹងបង្កគ្រោះថ្នាក់ផ្សេងៗ ទាមទារឱ្យមានតម្រូវការឈាមជាចាំបាច់ក្នុងការសង្គ្រោះ ឬអាចនឹងសម្រាប់បំពេញតាមសេចក្តីត្រូវការឈាមជាបន្ទាន់ណាមួយរបស់គ្រូពេទ្យ ព្រោះ “ឈាមជាជីវិត“។ 

សូមបញ្ជាក់ថា ការចូលរួមបរិច្ចាគឈាមនេះ គឺមានការចូលរួមយ៉ាងច្រើនកុះករពីសំណាក់ ក្រុមគ្រូពេទ្យ(TYDA), និស្សិតអាហាររូបករណ៍សម្តេចតេជោ (AMT), សហភាពសហព័ន្ធយុវជនកម្ពុជា (ស.ស.យ.ក.) និងបងប្អូនប្រជាពលរដ្ឋ រួមគ្នាជាកម្លាំងជួរក្រោយ ក្នុងបុព្វហេតុមនុស្សធម៌ និងសង្គ្រោះជីវិត។

ការចូលរួមបរិច្ចាគឈាមនេះប្រព្រឹត្តទៅចាប់ពីថ្ងៃទី ២៥ ខែកក្កដា ឆ្នាំ២០២៥ វេលាម៉ោង ០៩.០០ ព្រឹក រហូតដល់ម៉ោង ១៧.០០ ល្ងាច នៅកោះពេជ្រ អគារ JKL៕

The post ក្នុងបុព្វហេតុមនុស្សធម៌ ទឹកចិត្តស្នេហាជាតិមាតុភូមិ ប្រជាពលរដ្ឋច្រើនកុះករ ចូលរួមបរិច្ចាគឈាម ត្រៀមបម្រុងសម្រាប់វីរកងទ័ពជួរមុខ ឬប្រជាពលរដ្ឋ ក្នុងករណីគ្រោះថ្នាក់ដោយសារសង្គ្រាមឈ្លានពានទឹកដី appeared first on .

លោកបណ្ឌិត ហ៊ុន ម៉ាណែត បានបន្តថា សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) ដែលបានធ្វើដំណើរអស់រយៈកាល ១០ឆ្នាំកន្លងមក ដោយចាប់ផ្តើមពីសមាគមក្រុមគ្រូពេទ្យស្ម័គ្រចិត្តយុវជនសម្តេចតេជោ ខេត្តកំពង់ចាម ជាមួយសមាជិកតែ ៨ នាក់ កាលពីឆ្នាំ២០១១ រហូតមកដល់ពេលបច្ចុប្បន្ន មានសមាជិកកើនទ្បើងដល់ជាង ៨.០០០ នាក់ និងមានការរីកលូតលាស់នៅតាមគ្រប់បណ្តាខេត្តក្នុងព្រះរាជាណាចក្រកម្ពុជា ហើយនឹងកំពុងបន្តរីកចម្រើនតទៅទៀត។

លោកបណ្ឌិត ហ៊ុន ម៉ាណែត បានបន្តទៀតថា TYDA បានវិវត្តពីការព្យាបាលជម្ងឺទូទៅ និង តូចតាច នៅតាមមូលដ្ឋានឈានទៅព្យាបាលប្រភេទជម្ងឺធ្ងន់ជាអាទិ៍៖ ជំងឺមហារីក ជំងឺបេះដូង និងជាពិសេសបានពុះពារក្នុងដំណាក់កាលដ៏ស្មុគ្រស្មាញជាមួយរាជរដ្ឋាភិបាលក្នុងការប្រយុទ្ធប្រឆាំងនឹងជំងឺកូវីដ-១៩។ ដោយសារសមិទ្ធផលទាំងអស់នេះហើយ ទើប TYDA ត្រូវបានទទួលស្គាល់ពីសំណាក់ប្រជាជនគ្រប់ស្រទាប់ ព្រមទាំងគ្រប់ស្ថាប័នពាក់ព័ន្ធ ចំពោះកិច្ចខិតខំប្រឹងប្រែងយកចិត្តទុកដាក់របស់ថ្នាក់ដឹកនាំ និងសមាជិក សមាជិកាទាំងអស់ក្នុងការសង្គ្រោះអាយុជីវិតរបស់ប្រជាជនគ្រប់រូប ដើម្បីជួយផ្តល់នូវស្នាមញញឹម និងភាពសប្បាយរីករាយដល់សង្គមគ្រួសារកម្ពុជា។

សូមជម្រាបថា សមាគមគ្រូពេទ្យស្ម័គ្រចិត្តយុវជនសម្តេចតេជោ ហៅកាត់ថា ស.គ.យ.ត ត្រូវបានបង្កើតឡើងកាលពីឆ្នាំ២០១២ ក្រោមការផ្តួចផ្តើមគំនិតផ្ទាល់ របស់សម្តេចតេជោ ហ៊ុន សែន នាយករដ្ឋមន្រ្តីនិងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។

សមាគមគ្រូពេទ្យស្ម័គ្រចិត្តយុវជនសម្តេចតេជោ ដឹកនាំផ្ទាល់ដោយលោកបណ្ឌិត ហ៊ុន ម៉ាណែត និងលោកស្រីបណ្ឌិត ពេជ ចន្ទមុន្នី ក្នុងគោលបំណងផ្តល់សេវាព្យាបាល ប្រជាពលរដ្ឋក្រីក្រនានាទូទាំងប្រទេស ដោយមិនប្រកាន់និន្នាការនយោបាយ។

ចាប់តាំងពីបង្កើតឡើងមក សមាគមគ្រូពេទ្យស្ម័គ្រចិត្តយុវជនសម្តេចតេជោ ដែលប្រមូលផ្តុំដោយក្រុមគ្រូពេទ្យគ្រប់ជំនាញ គ្រប់ឯកទេស ទាំងស្ថាប័នរដ្ឋ និងឯកជន បានចូលរួមសកម្មភាពក្នុងការពិនិត្យ និងព្យាបាលជំងឺជូនប្រជាពលរដ្ឋ ជាពិសេសនៅតាមទីជនបទ៕

The post ១០ឆ្នាំមកនេះ TYDA ព្យាបាលជូនប្រជាជនបានជាងប្រមាណ ៣៦ម៉ឺននាក់ appeared first on .

ទន្ទឹមនឹងទឹកចិត្តសប្បុរសធម៌ បន្តជួយដល់ការងារសង្គម ក្រុមគ្រូពេទ្យជួរមុខសម្ដេចតេជោនេះដែរ អ្នកឧកញ៉ា ឡេង ណាវ៉ាត្រា ក៏បានបង្ហោះរូបភាពអនុស្សាវរីយ៍បងប្អូនបង្កើតទាំង ៤នាក់ កាលពី១៥ឆ្នាំមុន និងរូបភាពចូលរួមក្នុងពិធីសំណេះសំណាល ថ្លែអំណរគុណ និងពិសាអាហារសាមគ្គីជាមួយគ្រូពេទ្យសម្តេចតេជោប្រឆាំងកូវី-១៩ យ៉ាងដូច្នេះថា៖ រូបកាលពី15ឆ្នាំមុន និងរូបបច្ចុប្បន្នបងប្អូនយើងរួមសុខរួមទុក្ខជាមួយគ្នាទោះបីគ្រួសារយើងមិនទាន់មានអ្វីធំដុំ តែសកម្មភាពការងារមនុស្សធម៌តែងតែចូលរួម។

មហាជនក៏នៅចាំមិនទាន់ភ្លេចដែរ ពីសកម្មភាពសប្បុរសធម៌របស់បងប្អូនបង្កើតត្រកូលឡេងទាំង ៤រូប ព្រមទាំងក្រុមគ្រួសារ កាលពីដើមខែមុន នាថ្ងៃទី០៥ ខែមេសា ឆ្នាំ២០២២ ដែលបានដឹកដៃគ្នា នាំយកនូវថវិកាសរុបចំនួន ២.០០០.០០០ដុល្លារ (ពីរលានដុល្លារអាម៉េរិក) ជូនកាកបាទក្រហមកម្ពុជា ក្នុងឱកាសខួបទី១៥៩ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ឆ្នាំ២០២២ ។

ក្រុមគ្រូពេទ្យស្ម័គ្រចិត្តយុវជនសម្ដេចតេជោ- TYDA ដែលមានឯកឧត្តម បណ្ឌិត ហ៊ុន ម៉ាណែត ប្រធានក្រុមប្រឹក្សាសមាគម និងលោកជំទាវបណ្ឌិត ពេជ ចន្ទមុន្នី អនុប្រធានក្រុមប្រឹក្សាភិបាលសមាគម ត្រូវបានថ្នាក់ដឹកនាំ និងប្រជាជនកម្ពុជាគ្រប់មជ្ឍដ្ឋានប្រសិទ្ធនាមថា “កងទ័ពអាវស” ខណៈដែលយុវជន ជាក្រុមគ្រូពេទ្យ TYDA និងក្រុមគ្រូពេទ្យទាហាននៃកងយោធិពលខេមរៈភូមិន្ទ នាពេលកន្លងមក បានរួមដៃគ្នា ក្នុងយុទ្ធនាការចាក់វ៉ាក់សាំង និងប្រឆាំងទប់ស្កាត់ជំងឺកូវីដ១៩ ប្រកបដោយជោគជ័យ រហូតលើកមុខមាត់កម្ពុជាលើឆាកអន្តរជាតិ៕

The post បងប្អូនបង្កើតអ្នកឧកញ៉ា ឡេង ណាវ៉ាត្រា ឧបត្ថមថវិកា ១២ម៉ឺនដុល្លារ ជាការដឹងគុណដល់កងទ័ពអាវស TYDA សម្ដេចតេជោ appeared first on .

គ្រាន់តែសម្លៀមបំពាក់ឈុតស របស់ក្រុមគ្រូពេទ្យបានបង្ហាញពីការតស៊ូ អត់ធ្មត់យ៉ាងខ្លាំង។ ទាំងហប់ ទាំងក្តៅ ទាំងពិបាកដកដង្ហេីម​ បិទស្កុតមួយជាន់ទៀត តែត្រូវ​តែទ្រាំ​ ស៊ូខ្លាំងណាស់ទម្រាំបានដោះចេញម្តងៗ។ពួកគាត់ខំណាស់ដើម្បីប្រយុទ្ធប្រឆាំងនឹងជំងឺកូវីត១៩នេះ។

ក្នុងបុព្វហេតុជួយការងារសុខភាពសាធារណៈដ៏លំបាកនេះ ពួកគាត់ត្រូវឃ្លាតពីគ្រួសារ បងប្អូន កូនៗ របស់ពួកគាត់ ញាុំបាយមិនត្រង់មាត់ សម្រាកមិនដែលគ្រប់គ្រាន់ ។ល។ ការលះបង់របស់ពួកគាត់ គឺដើម្បី ប្រជាជនទាំងអស់គ្នា ហេតុដូច្នេះហើយ សូមបងប្អូនទាំងអស់គ្នាបន្តនៅផ្ទះបន្ត បើមិនមានការងារចាំបាច់ត្រូវចេញក្រៅ ជាពិសេសត្រូវអនុវត្តន៍ឱ្យបាននូវអនុសាសន៍ណែនាំរបស់សម្ដេចតេជោ គឺ «៣ការពារ ៣កុំ»។

ប្រភព៖ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA)

The post កម្រងរូបភាព«វីរបុរសបិទមុខក្នុងដួងចិត្តខ្មែរ» ឃើញហើយអាណិតពួកគាត់ខ្លាំងណាស់ appeared first on .