អស់រយៈពេលជាង ១៥ ឆ្នាំមកនេះ សមាគមបានរួមចំណែកយ៉ាងធំធេងដល់កិច្ចការអភិវឌ្ឍប្រព័ន្ធអេកូឡូស៊ីសហគ្រិនភាព គោលនយោបាយធុរកិច្ច ការវិនិយោគ និងការជួយជំរុញវឌ្ឍនភាពសហគ្រិន និងសហគ្រាសធុនមីក្រូ តូច និងមធ្យម (MSMEs) ដែលជាឆ្អឹងខ្នងដ៏សំខាន់របស់សេដ្ឋកិច្ចកម្ពុជា។ MSMEs មានប្រមាណជា ៥០០,០០០ សហគ្រាសសមមូលនឹង ៩៩,៨% នៃក្រុមហ៊ុនទាំងអស់ដែលផ្ដល់ការងារដល់ ៧០% នៃកម្លាំងពលកម្មសរុប និងចូលរួមក្នុងសេដ្ឋកិច្ចជាតិស្មើនឹង ៥៨% នៃផលិតផលក្នុងស្រុកសរុប។ សមាគមបានដើរតួយ៉ាងសំខាន់ ក្នុងភាពជាដៃគូជាមួយស្ថាប័នដៃគូអភិវឌ្ឍន៍ រាជរដ្ឋាភិបាល សង្គមស៊ីវិល និងវិស័យឯកជនដោយផ្ទាល់ ក្នុងការអភិវឌ្ឍធុរកិច្ច និងចូមរួមចំណែកយ៉ាងសកម្មបំផុត ក្នុងការលើកកម្ពស់ធុរកិច្ចកម្ពុជាឱ្យកាន់តែមានសមត្ថភាព និងអាចប្រកួតប្រជែងក្នុងវិស័យធុរកិច្ចក្នុងតំបន់ និងអន្តរជាតិ។

បច្ចុប្បន្ន សមាគមសហគ្រិនវ័យក្មេងកម្ពុជា មានសមាជិកប្រមាណជា ៦០០ នាក់ដែលតំណាងឱ្យក្រុមហ៊ុនប្រហែល ១៨០០ ក្រុមហ៊ុន ស្ថិតនៅរាជធានីភ្នំពេញ ខេត្តសៀមរាប ខេត្តបន្ទាយមានជ័យ ខេត្តបាត់ដំបង ខេត្តកំពង់ចាម ខេត្តត្បូងឃ្មុំ ខេត្តក្រចេះ ខេត្តព្រះសីហនុ ខេត្ត កំពត និងខេត្តកែប។ សមាគមក៏កំពុងធ្វើការយ៉ាងសកម្មក្នុងការរៀបចំបង្កើតសាខាសមាគមក្នុងខេត្តកោះកុង ខេត្តកំពង់ស្ពឺ និងខេត្តពោធិ៍សាត់នៅក្នុងឆ្នាំបន្តបន្ទាប់ទៀត ហើយសមាគមបានដាក់គោលដៅបើកសាខាឱ្យបានគ្រប់ខេត្តទូទាំងប្រទេសកម្ពុជា នៅត្រឹមដំណាច់ឆ្នាំ ២០២៦។ គោលបំណងសំខាន់គឺដើម្បីចងក្រងសហគ្រិនវ័យក្មេងទូទាំងប្រទេស ចូលរួមជាប្រតិបត្តិករសេដ្ឋកិច្ច អភិវឌ្ឍសហគ្រិនភាព និងរួមគ្នាលើកម្ពស់សេដ្ឋកិច្ចជាតិ។

សមាគមសហគ្រិនវ័យក្មេងកម្ពុជា មានចក្ខុវិស័យជួយដល់សហគ្រាសធុនមីក្រូ តូច និងមធ្យមនៅកម្ពុជា ឱ្យឈានទៅរកការធ្វើអាជីវកម្មបែបឌីជីថល បរិយាបន្ន និងភាពច្នៃប្រឌិត ដើម្បីតាមទាន់នូវការវិវត្តរបស់បច្ចេកវិទ្យាឥតឈប់ឈរ។ យោងតាមការសិក្សារបស់សមាគមអំពីបញ្ហាប្រឈមរបស់សហគ្រិន​នៅកម្ពុជាកន្លងមកឃើញថា សហគ្រិន និងម្ចាស់អាជីវកម្មបាននិងកំពុងជួបបញ្ហាជាច្រើន ក្នុងនោះរួមមាន កង្វះលទ្ធភាពទទួលបានហិរញ្ញប្បទានបំណុល និងវិនិយោគទុន កង្វះធនធានមនុស្សដែលមានជំនាញ និងផលិតភាពខ្ពស់ និងកង្វះលទ្ធភាពទាញយកប្រយោជន៍ពីបច្ចេកវិទ្យាឌីជីថល ព្រមទាំងបញ្ហាមួយចំនួនផ្សេងទៀត។ ដូច្នេះ សមាគមបានដាក់ចេញនូវទិសដៅយុទ្ធសាស្ត្រ ២០២០​-២០២៥ ចំនួន ៦ សំខាន់ៗ (បច្ចុប្បន្នកំពុងសិក្សាដាក់ចេញទិសដៅយុទ្ធសាស្ត្រ ២០២៦-២០៣០) ដើម្បីជាផែនការប្រតិបត្តិការស្នូលនៃសកម្មភាពរបស់សមាគម។

សូមជម្រាបថា សមាគមសហគ្រិនវ័យក្មេងកម្ពុជា បច្ចុប្បន្នដឹកនាំដោយ ឧកញ៉ា ស គីណាល់ បន្ទាប់ពីលោកឧកញ៉ា បានជាប់ឆ្នោតជាប្រធានសមាគម អាណត្តិទី៧ (២០២៦-២០២៩) ជំនួសលោកឧកញ៉ា ប៉ិច បូឡែន ប្រធាន​សមាគម អាណត្តិទី៦ (២០២៣-២០២៦) ក្នុងការបោះឆ្នោតក្រុមប្រឹក្សាភិបាល កាលថ្ងៃទី៣ ខែមេសា ឆ្នាំ២០២៦៕

The post មកស្វែងយល់ពីសមាគមសហគ្រិនវ័យក្មេងកម្ពុជា ដែលបច្ចុប្បន្នដឹកនាំដោយ ឧកញ៉ា ស គីណាល់ appeared first on .

សមាគមសហគ្រិនវ័យក្មេងកម្ពុជា បានរៀបចំកម្មវិធីបោះឆ្នោតជ្រើសរើសក្រុមប្រឹក្សាភិបាល អាណត្តិទី៧ ដែលបានប្រព្រឹត្តទៅយ៉ាងអធិកអធមនៅសណ្ឋាគារ ហៃយ៉ាត់ រីជិនស៊ី ភ្នំពេញ នារសៀលថ្ងៃទី០៣ ខែមេសា ឆ្នាំ២០២៦។

ក្នុងឱកាសនោះ បេក្ខភាពក្រុមប្រឹក្សាភិបាលអាណត្តិទី៧ នីមួយៗបានធ្វើបទបង្ហាញយ៉ាងខ្លីខ្លឹមអំពីចក្ខុវិស័យ និងផែនការយុទ្ធសាស្ត្ររៀងៗខ្លួន ដើម្បីបម្រើផលប្រយោជន៍សមាជិក និងជំរុញសកម្មភាពសមាគមឱ្យកាន់តែមានសក្តានុពល។ ដំណើរការបោះឆ្នោតត្រូវបានរៀបចំឡើងយ៉ាងមានតម្លាភាព និងទំនុកចិត្តខ្ពស់បំផុត ក្រោមការចូលរួមបោះឆ្នោតពីសំណាក់ក្រុមប្រឹក្សាភិបាល និងសមាជិកដែលមានសិទ្ធិបោះឆ្នោត ដោយមានការពិនិត្យ និងត្រួតពិនិត្យយ៉ាងហ្មត់ចត់ពីសំណាក់ក្រុមប្រឹក្សាភិបាលពិគ្រោះយោបល់របស់សមាគម។

សូមជម្រាបថា បន្ទាប់ពីកម្មវិធីបោះឆ្នោតក្រុមប្រឹក្សាភិបាលអាណត្តិទី៧ នាល្ងាចថ្ងៃទី០៣ ខែមេសា ឆ្នាំ២០២៦ សមាគមសហគ្រិនវ័យក្មេងកម្ពុជា បានទទួលស្វាគមន៍វត្តមានអធិបតីភាពរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា ក្នុងពិធីលៀងសាយភាជន៍ នៃមហាសន្និបាត ២០២៦។

ក្នុងឱកាសនោះ ឯកឧត្តមឧបនាយករដ្ឋមន្ត្រី បានថ្លែងសុន្ទរកថាពិសេសដោយបានកោតសរសើរចំពោះស្មារតីសហគ្រិនភាព និងការរួមចំណែកយ៉ាងសកម្មក្នុងសមាគម ក្នុងការកសាងប្រព័ន្ធអេកូឡូស៊ីធុរកិច្ចនៅកម្ពុជាឱ្យកាន់តែរឹងមាំ។ ឯកឧត្តមបានផ្តល់នូវការលើកទឹកចិត្ត និងអនុសាសន៍គន្លឹះៗដល់ក្រុមប្រឹក្សាភិបាលអាណត្តិទី៧ និងថ្នាក់ដឹកនាំ ក៏ដូចជាសមាជិកទាំងអស់ ឱ្យបន្តពង្រឹងសាមគ្គីភាព និងសមត្ថភាព ដើម្បីក្លាយជាសសរទ្រូងនៃសេដ្ឋកិច្ចជាតិ ស្របតាមចក្ខុវិស័យអភិវឌ្ឍរបស់រាជរដ្ឋាភិបាល៕

The post ឧកញ៉ា ស គីណាល់ ជាប់ឆ្នោតជាប្រធានសមាគមសហគ្រិនវ័យក្មេងកម្ពុជា អាណត្តិទី៧ ជំនួសឧកញ៉ាមួយរូប appeared first on .

ក្នុង​ជំនួបពិភាក្សា និងពិសាអាហារពេលល្ងាចនេះ អ្នកឧកញ៉ា គិត ម៉េង ក៏​បានចូលរួមអបអរសាទរទៅកាន់ ឧកញ៉ា ប៉ិច បូឡែន ដែលត្រូវបានសមាជិកក្រុមប្រឹក្សាភិបាលបោះឆ្នោតផ្ដល់សេចក្ដីទុកចិត្ត ជ្រើសតាំងជាប្រធាន​សមាគមសហគ្រិនវ័យក្មេងកម្ពុជា អាណត្តិ ២០២៣ – ២០២៦។

ក្នុងឱកាសនោះផងដែរ សមាគមសហគ្រិនវ័យក្មេងកម្ពុជា និងសភាពាណិជ្ជកម្មកម្ពុជា ក៏បានលើកឡើងអំពី​ការ​ប្ដេជ្ញាកសាងកិច្ចសហប្រតិបត្តិការរវាងស្ថាប័នទាំងពីរ ក្នុងការជួយជំរុញ និងជ្រោមជ្រែងដល់វិស័យ​សហគ្រាស​ធុនមីក្រូ តូច និងមធ្យមនៅកម្ពុជា ឱ្យកាន់តែរីកចម្រើនទៅមុខបន្ថែមទៀត។

សូម​ជម្រាប​ថា សមាគមសហគ្រិនវ័យក្មេងកម្ពុជា ​​ត្រូវ​បាន​បង្កើត​ឡើង​ នៅ​ឆ្នាំ២០០៩ ហើយ​ក្នុងរយៈពេល​ត្រឹម ១៤ឆ្នាំ ​មក​ទល់​បច្ចុប្បន្ន​នេះ សមាគម​បានពង្រីកសមាជិកកើនដល់ ៥៤៦នាក់ មកពីវិស័យផ្សេងៗគ្នា និងមាន​ការ​បង្កើត​សាខានៅតាម​បណ្តារាជធានី-ខេត្តជាបន្តបន្ទាប់ ដើម្បី​បម្រើឱ្យការពង្រឹង និងពង្រីកសក្តានុពល​នៃ​អាជីវកម្មផង និងជា​ពិសេស​បានរួមគ្នាដោះស្រាយនូវបញ្ហាប្រឈម​នានា៕

The post ឧកញ៉ាប្រធានសមាគមសហគ្រិនវ័យក្មេងកម្ពុជា ដឹកនាំសមាជិក ជួបសំណេះសំណាលជាមួយអ្នកឧកញ៉ា គិត ម៉េង appeared first on .

លោក​ហួ ឆៃឡេង ប្រធាន​គម្រោង​បាន​ប្រាប់​ឧកញ៉ា​ញូសន៍​ឲ្យ​ដឹង​ថា ការ​រៀបចំ​កម្មវិធី​នេះ​ជា​​ឱកាស​ពិសេស​សម្រាប់​សហគ្រាស​ធុន​មីក្រូ តូច និង​មធ្យម ក្នុង​ការ​អភិវឌ្ឍ​អាជីវកម្ម​របស់​ខ្លួន​ទៅ​ជា​អាជីវកម្ម​តាម​បែប​ឌីជីថល។

កម្មវិធី​បណ្តុះបណ្តាល​សម្រាប់​សហគ្រាសធុនតូច និង​មធ្យម លើ​អាជីវកម្ម​បែបឌីជីថល (SME Incubation Programme on Digitalization) ជំនាន់ទី២ នេះ បាន​ចាប់ផ្ដើម​ទទួល​ពាក្យ​ពី​ថ្ងៃ ០១ កុម្ភៈ​ដល់ ០១ មីនា ​ឆ្នាំ​២០២២។

បើ​តាម​លោក​ហួ ឆៃឡេង មក​ដល់​ពេល​នេះ​មាន​សហគ្រាស​ខ្នាត​តូច​និង​មធ្យម​ជាង ៧០ បាន​ដាក់​ពាក្យ​ចូលរួម។ កម្មវិធី​នឹង​ដំណើរការ​ជ្រើសរើស​សហគ្រាស​តែ ៥០ ដែលអាច​​ចូលរួម​វគ្គ​បណ្តុះ​បណ្តាលនេះ។

បើ​តាម​សេចក្តីប្រកាស​ព័ត៌មាន កម្មវិធី​បណ្ដុះបណ្ដាល​សម្រាប់​សហគ្រាស​ធុនមីក្រូ តូច និង​មធ្យម លើ​អាជីវកម្ម​បែប​ឌីជីថល​ផ្តោត​លើ​វិស័យ​អាទិភាព​ចំនួន ៥ គឺ៖

-សិប្បកម្ម

-កសិកម្ម​ និង​កែច្នៃ​ផលិតផល​កសិកម្ម

-កែច្នៃ​សម្លៀកបំពាក់

-ផលិតផល​ដែល​មិន​ប៉ះពាល់​ដល់​បរិស្ថាន

-ផលិតកម្ម​ខ្នាត​តូច​ក្នុង​ស្រុក។

លក្ខណៈ​សម្បត្តិ​អាជីវកម្ម​ដែលអាចចូលរួមក្នុងកម្មវិធី៖

-ជា​អាជីវកម្ម​ដែល​បាន​ចុះបញ្ជី និង​ពុំទាន់បានចុះបញ្ជី

-អាជីកម្មកែច្នៃ​និងចែកចាយផលិតផល (ក្រៅពី​សេវាកម្ម)

-មាន​ទស្សន​វិស័យ​ពង្រីក​ការប្រើប្រាស់​បច្ចេកវិទ្យា​ឌីជីថល

-អាជីកម្ម​ដែល​ដឹកនាំ​ដោយស្ត្រី/ មាន​ស្ត្រី​ជា​ម្ចាស់ ឬ​អាជីវកម្ម​ដែល​មាន​មូលដ្ឋាននៅ​តាម​បណ្តា​ខេត្ត នឹង​ត្រូវ​បាន​លើកទឹកចិត្ត

-មាន​ការ​ប្តេជ្ញា​ចិត្ត​ខ្ពស់​ក្នុង​ការ​រួម​ចំណែក​ដើម្បី​ការ​អភិវឌ្ឍ​ប្រកប​ដោយ​ចិរភាព។

លោក​ហួ ឆៃឡេង បាន​ឲ្យ​ដឹង​បន្ត​ថា កម្មវិធី​នេះ​មាន​ការ​បណ្ដុះបណ្ដាល​បច្ចេកទេស និង​បង្វឹក​ផ្ទាល់​ជាមួយ​គ្រូ​ជំនាញ ហើយ​កម្មវិធី​នឹង​ចាប់ផ្តើម​នៅ​ចុង​ខែ​មីនា​នេះ។

កម្មវិធីបណ្ដុះបណ្ដាល​សម្រាប់សហគ្រាស​ធុន​មីក្រូ តូច និង​មធ្យម លើ​អាជីវកម្មបែប​​ឌីជីថល​ អនុវត្តដោយសមាគមសហគ្រិនវ័យក្មេងកម្ពុជា ដោយមានការគាំទ្រដោយភ្នាក់ងារអភិវឌ្ឍន៍អង្គការសហប្រជាជាតិប្រចាំនៅកម្ពុជា (UNDP Cambodia) នៅក្នុងភាពជាដៃគូយុទ្ធសាស្រ្តជាមួយក្រសួងពាណិជ្ជកម្ម (MOC) និងសហគ្រិនខ្មែរ (KE) ក្រោមការអនុវត្តការផ្តួចផ្តើមថ្មីសំខាន់មួយ នៃគម្រោងពង្រីកការពាណិជ្ជកម្មតាមប្រព័ន្ធអេឡិចត្រូនិចនៅកម្ពុជា (Go4eCAM) ជាមួយនឹងការផ្តោតលើជំនាញ និងសហគ្រិនភាព សម្រាប់ការធ្វើពាណិជ្ជកម្មតាមប្រព័ន្ធអេឡិចត្រូនិច (SME eBiZnest) ដែលត្រូវបានផ្តល់ការគាំទ្រហិរញ្ញវត្ថុដោយកម្មវិធី Enhance Integrated Framework (EIF) និងក្រសួងសេដ្ឋកិច្ច និងហិរញ្ញវត្ថុ (MEF)៕

The post សហគ្រាស​ខ្នាត​មីក្រូ តូច និង​មធ្យម​ជាង ៧០ បាន​​ដាក់​ពាក្យ​ចូលរួម​វគ្គ​បណ្ដុះបណ្ដាល​អាជីវកម្ម​ឌីជីថល appeared first on .

វគ្គនេះ ត្រូវបានផ្តល់ការបណ្តុះបណ្តាលដោយ អ្នកស្រី យូ បូរី អនុប្រធានសមាគមសហគ្រិនវ័យក្មេងកម្ពុជា និងអគ្គនាយិការក្រុមហ៊ុន Talent Excellent Development Partner Co., Ltd. ដែលជាអ្នកជំនាញ KPI ធនធានមនុស្ស បង្វឹក អភិវឌ្ឍន៍អាជីព និងអ្នកប្រឹក្សាយោបល់អំពីអាកប្បកិរិយា។

អ្នកស្រី យូ បូរី បានថ្លែងថា តាមរយះបណ្តុះបណ្តាលនេះ អ្នកចូលរួមបានស្វែងយល់អំពី សំគាល់ពីឥរិយាបទទូទៅរបស់អាកប្បកិរិយា DISC សំគាល់អំពីចំនុចខ្លាំង (សក្តានុពល ) ដែលអាចប្រើប្រាស់បាន និងចំនុចខ្សោយ (ចំនុចមានកម្រិត) ត្រូវកែលម្អ ឬអភិវឌ្ឍន៍ខ្លួនឯងក្លាយជាមនុស្សកាន់តែមានឥទ្ធិពល ចេះប្រើវិធីសាស្រ្តគ្រប់គ្រងបុគ្គលិកតាមអាកប្បកិរិយានីមួយៗឲ្យមានប្រសិទ្ធភាព ចេះពីការបង្កើតបរិយាកាសទាក់ទាញបុគ្គលិកឲ្យរីករាយក្នុងការងារដោយប្រើ DISC ចេះប្រើវិធីសាស្រ្តរៀបចំអាកប្បកិរិយាឲ្យមានភាពទាក់ទាញពេលបង្វឹក ឬបង្រៀន ចេះជ្រើសរើសបុគ្គលិកឲ្យត្រូវនឹងការងារ និង ដឹងអំពីការទំនាក់ទំនងក្នុងការងារ និងបុគ្គល។

ប្រធានសមាគមសហគ្រិនវ័យក្មេងប្រចាំខេត្តសៀមរាប លោក ថោង ប៊ុនថារី បានថ្លែងឲ្យដឹងថា វគ្គបណ្តុះបណ្តាលនេះពិតជាមានសារៈសំខាន់បំផុតសម្រាប់សហគ្រិន ដើម្បីដឹកនាំ និងពង្រឹងអាជីវកម្មរបស់ខ្លួនកាន់តែអភិវឌ្ឍ តាមរយៈការដឹកនាំធនធានមនុស្ស៕

The post សមាគមសហគ្រិនវ័យក្មេងកម្ពុជា រៀបចំវគ្គបណ្តុះបណ្តាល“ការដឹកនាំធនធានមនុស្សឲ្យមានប្រសិទ្ធភាពខ្ពស់ដោយប្រើDISC ” appeared first on .

សមាគមននេះបានបើកជាផ្លូវការនៅថ្ងៃទី២  ខែមីនា  ឆ្នាំ២០១៩ ដោយលោក ឈឿង ឈីវអៀន ដែលត្រូវបានប្រកាសតែងតាំងជាប្រធានសមាគមសហគ្រិនវ័យក្មេងកម្ពុជាសាខាខេត្តបន្ទាយមានជ័យ។

សូមបញ្ជាក់ថា សមាគមសហគ្រិនវ័យក្មេងកម្ពុជា (YEAC វ៉ាយអ៊ីអេស៊ី) ត្រូវបានបង្កើតឡើងនៅ ខែកញ្ញា ឆ្នាំ ២០០៩ ដោយក្រុមសហគ្រិនវ័យក្មេង ដែលមកពីវិស័យអាជីវកម្មផ្សេងៗគ្នា នៅក្នុងប្រទេសកម្ពុជា។ សមាគមសហគ្រិនវ័យក្មេងកម្ពុជា បង្កើតឡើងជាសមាគម មិនរកប្រាក់ចំណេញ ដែលផ្តល់អំណាចដល់សហគ្រិនវ័យក្មេង ជាពិសេសសហគ្រិនស្ត្រីដើម្បីលើកកម្ពស់សហគ្រិន និង យុវជន តាមរយៈ ការបង្កើតវេទិកា ចងក្រងនិងពង្រឹងបណ្តាញសហគ្រិន ការចែករំលែកការរៀនសូត្រពីធុរកិច្ច និងបង្កើតនូវឱកាសអាជីវកម្មនានា ដើម្បីបង្កើនផលិតភាព ការបង្កើតការងារ ការអភិវឌ្ឍសេដ្ឋកិច្ចនិងការកសាងសមត្ថភាពអ្នកជំនាន់ក្រោយសម្រាប់សេដ្ឋកិច្ចកម្ពុជា។

សមាគមសហគ្រិនវ័យក្មេងកម្ពុជាមានបេសកកម្មធ្វើការក្នុងភាពជាដៃគូសហការជាមួយអ្នកពាក់ព័ន្ធនានាដើម្បីធានាអោយមានការប្រកួតប្រជែងថ្នាក់តំបន់ លើធុរកិច្ចបែបបច្ចេកវិទ្យា ឌីជីថល អាជីវកម្មបែបពេញលេញ ការច្នៃប្រឌិត និងការតបង្កើតថ្មី របស់ សហគ្រាសធុនតូចនិងមធ្យម (MSME) នៅក្នុងប្រទេសកម្ពុជា។ បច្ចុប្បន្នសមាគមសហគ្រិនវ័យក្មេងមានសមាជិកចំនួន ៤០០ ដែលជាម្ចាស់អាជីវកម្មតូវនិងមធ្យម ដែលមានសាខាតាមខេត្តចំនួន ៤ កំពង់ចាម សៀមរាប បាត់ដំបង និងបន្ទាយមានជ័យ នឹងគ្រោងពង្រីកទៅកាន់ខេត្តផ្សេងទៀតជាពិសេសខេត្តតាមបណ្តាមាត់សមុទ្រនិងខេត្តមួយចំនួនដែលមានសក្តានុពលខ្ពស់និងមានធិរកិច្ចច្រើន៕

The post មកស្គាល់បេក្ខភាពក្រុមប្រឹក្សាភិបាលថ្មី នៃសមាគមសហគ្រិនវ័យក្មេងកម្ពុជាសាខាខេត្តបន្ទាយមានជ័យ appeared first on .