សមាគមសហគ្រិនស្រ្តីកម្ពុជា សាខាខេត្តកោះកុង បានបង្កើតវេទិការនេះឡើង ក្នុងគោលបំណង៖

1. លើកកម្ពស់សិទ្ធមនុស្ស ដែលត្រូវបានចាត់ទុកថាស្ត្រីមិនត្រូវបានទុកចោល។
2. បញ្ឈប់ភាពក្រីក្រ ព្រោះនៅប្រទេសកម្ពុជាស្ត្រីមានអាត្រ ៥១.១% ច្រើនជាងបុរស ដែរនៅក្នុងនោះផងដែលសកម្មភាពរបស់ស្ត្រី គឺជាត្រីវិស័យដ៏សំខាន់ក្នុងការដឹកនាំប្រទេសឲ្យកាន់តែទទួលបានភាពជោគជ័យ និងរីកចម្រើនកាន់តែឆាប់រហ័ស។
3. ការលើកម្ពស់ភេទជាស្រ្តី ឬសកម្មភាពយេនឌ័រឲ្យមានការចូលរួម នៅគ្រប់វិស័យពាក់ព័ន្ធទាំងអស់ ដែលបងស្រី និងប្អូនស្រីអាចដើរតួនាទីយ៉ាងសំខាន់នៅក្នុងការចូលរួម ទាំងវិស័យពាណិជ្ជកម្ម, វិស័យឌីជីថល និងវិស័យនានា។

វេទិការកិច្ចពិភាក្សានេះ បានអញ្ជើញចូលរួមជាអធិបតីពី លោកស្រី អ៉ី នារីនេត អភិបាលរង នៃគណៈអភិបាល ខេត្តកោះកុង តំណាងដ៏ខ្ពង់ខ្ពស់ លោកជំទាវ មិថុនា ភូថង អភិបាល នៃគណៈអភិបាល ខេត្តកោះកុង និង លោកជំទាវ ផុង ផាត់រ៉ាវី ប្រធានកិត្តិយសសមាគមសហគ្រិនស្រ្តីកម្ពុជា សាខាខេត្តកោះកុង ក្នុងនោះផងដែរក៏មានការអញ្ជើញចូលរួមពីសំណាក់វាគ្មិនដ៏ពិសេសចំនួន៣ រូប ÷ គឺ អ្នកឧញ៉ាសួរ វីរៈ អគ្គនាយកក្រុមហ៊ុនវីរៈប៊ុនថាំ អេចប្រេស, លោកជំទាវ ថុង ណាត់ស្យា ប្រធានសមាគមសហគ្រិនស្រ្តីកម្ពុជា សាខាខេត្តកោះកុង, លោកស្រី អ៉ី នារីនេត អភិបាលរង នៃគណៈអភិបាលខេត្តកោះកុង, និងលោកជំទាវ ដាំ ដានី ដែលជាអ្នកសម្របសម្រួលកម្មវិធី។ កម្មវិធីនេះផងដែរក៏មានការចូលរួមស្ថាប័នរដ្ឋ វិស័យឯកជន ដៃគូពាក់ព័ន្ធននា និងអជីវករ ប្រមាណជាង ១០០នាក់ ហើយក៏មានការគាំទ្រឧបត្ថម្ភពី ក្រុមហ៊ុនឯកជន COFFEE GENTLEMAN, Vireak Buntham Express Travel & Logistic, HUAWEI និង7Eleven។

The post អ្នកឧកញ៉ា សួរ វីរៈ រួមនឹងថ្នាក់ដឹកនាំស្រ្តីពីវិស័យរដ្ឋ និងឯកជនចូលរួមវេទិកា«វិនិយោគលើស្រ្តី ដើម្បីបង្កើនល្បឿនវឌ្ឍនភាព» ដែលរៀបចំដោយ សមាគមសហគ្រិនស្ត្រីកម្ពុជា សាខាខេត្តកោះកុង appeared first on .

ឧកញ៉ា កែវ មុំ ប្រធានសមាគមសហគ្រិនស្រ្តីកម្ពុជា មានប្រសាសន៍ថា វេទិកានេះនឹងជួយដល់ស្រ្តីទាំងអស់ឱ្យមានភាពក្លាហាន មានភាពជឿជាក់លើខ្លួនឯង នឹងរួមគ្នាធ្វើការងារជាក្រុម ដើម្បីសម្រេចជោគជ័យ…! ដូចពាក្យចាស់លោកពោលថា «ចង្កឹះមួយបាច់កាច់មិនបាក់» ហើយម្យ៉ាងទៀតនឹងជួយដោះស្រាយបញ្ហាមួយចំនួនទៅលើតុល្យភាពគ្រួសារ និងការងារដែលសហគ្រិនស្ដ្រីតែងតែជួបប្រទះ។

លោកស្រីឧកញ៉ាគូសបញ្ជាក់ថា ស្រ្ដីមិនមែនទន់ខ្សោយនោះទេ ស្រ្តីរឹងមាំនិងទន់ភ្លន់ ហើយប្រសិនបើស្ដ្រីមានភាពរឹងមាំ អ្វីៗដែលធ្វើគឺពិតជាទទួលបានជោគជ័យ ហើយវេទិកាដែលយើងរៀបចំនៅថ្ងៃនេះក៏នឹងបង្ហាញយ៉ាងច្បាស់ថា ស្ដ្រីខ្លាំងមិនចាញ់បុរសនោះទេ។ ទន្ទឹមនឹងនេះលោកស្រីបន្តថា «សុភាពផ្លូវកាយ និងសុខភាពផ្លូវចិត្តត្រូវតែមានភាពស្មើគ្នា ទើបធ្វើឱ្យយើងម្នាក់ៗអាចដើរទៅមុខបាន»។

បើតាមលោកស្រីឧកញ៉ា កែវ មុំ ការរៀបចំវេទិកានេះ សមាគមសហគ្រិនស្រ្តីកម្ពុជា បានមើលឃើញពីភាពខ្វះខាតមួយចំនួនរបស់ស្រ្តីដែលមិនទាន់ចេះធ្វើទីផ្សារក្នុងការលក់ផលិតផលរបស់ខ្លួន។ ជាដំណោះស្រាយសមាគមបាននឹងកំពុងគិតគូរទៅលើផលិតផលទាំងនោះ ហើយប្រមូលមកដាក់លក់មួយកន្លែង ព្រមទាំងនាំចេញទៅលក់លើទីផ្សារថ្នាក់ជាតិ និងអន្តរជាតិផងដែរនាពេលខាងមុខ៕

The post ឧកញ៉ា កែវ មុំ បើកវេទិកាជួយដល់សហគ្រិនស្រ្តីឱ្យមានភាពក្លាហាន មានភាពជឿជាក់លើខ្លួនឯង, ស្ដ្រីខ្លាំងមិនចាញ់បុរសនោះទេ appeared first on .

ពិធីសម្ពោធជាផ្លូវការសមាគមសហគ្រិនស្រ្តីកម្ពុជា សាខាខេត្តកោះកុង មានការអញ្ជើញចូលរួមពីសំណាក់ ឧកញ៉ា កែវ មុំ ប្រធានសហគ្រិនស្រ្តីកម្ពុជា , លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង, លោកជំទាវ អេលីដា គីមស្រ៊ុន ប្រធានគណៈកម្មាធិការអភិឌ្ឍនស្ថាប័ន និងលោកស្រី លឹម ណាវី សមាជិកក្រុមប្រឹក្សាភិបាលសមាគម។

សមាគមសហគ្រិនស្ដ្រីកម្ពុជា សាខាខេត្តកោះកុង ដឹកនាំដោយលោកជំទាវ ថុង ណាត់ស្យា ។ សាខាថ្មីនៅខេត្តកោះកុងនេះ បានបង្ហាញពីឆន្ទៈរបស់បងប្អូនស្ត្រីដែលមានចិត្តចង់ចូលរួមក្នុងការកសាងសមត្ថភាពនឹងពង្រីកទីផ្សារសម្រាប់អាជីវកម្មរបស់ខ្លួន ព្រមទាំងជួយលើកស្ទួយដល់សហគ្រិនស្ត្រី ឱ្យមានភាពក្លាហាន ក្នុងការសម្រេចចិត្ត នឹងធ្វើអាជីវកម្មមួយសមស្របផងដែរ។

សូមជម្រាបជូនថា សមាគមសហគ្រិនស្ដ្រីកម្ពុជា បានពង្រីកខ្លួនជាច្រើនខេត្តក្នុងប្រទេសកម្ពុជា តាមរយៈផែនការ CWEA នឹងបង្កើតសាខាឲ្យបានគ្រប់ខេត្ត-ក្រុង នៅត្រឹមចុងឆ្នាំ២០២៥។

សមាគមសហគ្រិនស្រ្តីកម្ពុជា (CWEA) គឺជាអង្គការសមាជិកមួយ បានបង្កើតឡើងនៅក្នុងឆ្នាំ២០១១ ក្រោមគំនិតផ្ដួចផ្ដើមរបស់ក្រសួងកិច្ចការនារី ដោយមានការគាំទ្របច្ចេកទេសពីសំណាក់ធនាគារពិភពលោក និងសហគ្រិនស្រ្តីកម្ពុជាចំនួន១៤រូប។ សមគមសហគ្រិនស្រ្តីកម្ពុជា មានគោលបំណងជួយគាំទ្រឱ្យស្ដី្រមានការរីកចម្រើនផ្នែកធុរកិច្ចតាមរយៈការផ្ដល់ឱ្យស្ដ្រីនូវវេទិកាធុរកិច្ច និងឱកាសរៀបចំបង្កើតបណ្ដាញស្រ្តីទាំងនៅក្នុង និងក្រៅប្រទេស ក៏ដូចជាគាំទ្រដល់ការបង្កើតប្រព័ន្ធអេកូសហគ្រិនភាពសម្រាប់ស្រ្តីក្នុងប្រទេសកម្ពុជាផងដែរ៕

អត្ថបទ៖ សុកធា

The post ឧកញ៉ា កែវ មុំ សម្ពោធបើកដំណើរការសមាគមសហគ្រិនស្ត្រីកម្ពុជា សាខាខេត្តកោះកុង appeared first on .