វេធិការធុរកិច្ចនេះរៀបចំដោយ សមាគមសហព័ន្ធអ្នកវិនិយោគកម្ពុជា ដោយមានការការចូលរួមពីសំណាក់ម្ចាស់ក្រុមហ៊ុន សហគ្រាស និងអ្នកវិនិយោគចិន ជាង ២០០នាក់ ដើម្បីធ្វើការផ្សព្វផ្សាយ ពីសក្ដានុពលរបស់កម្ពុជា ដោយរួមមានទាំង វិស័យសេដ្ឋកិច្ច ពាណិជ្ជកម្ម កសិកម្ម ឧស្សាហកម្ម និងទេសចរណ៍ គោលបំណងទាក់ទាញវិនិយោគិនចិនអោយវិនិយោគបន្ថែមនៅប្រទេសកម្ពុជា។

ថ្លែងក្នុងវេទិកា អ្នកឧកញ៉ា លី ឃុនថៃ បានលើកឡើងថា ក្នុងឆ្នាំ២០២៤ ទំហំពាណិជ្ជកម្មរវាងកម្ពុជានិងចិនសម្រេចបាន១៥,១ពាន់លានដុល្លារអាមេរិក កើនឡើង២៣,៨% ពីមួយឆ្នាំទៅមួយឆ្នាំ។ ចិនជាដៃគូពាណិជ្ជកម្មធំបំផុតរបស់កម្ពុជារយៈពេល១២ឆ្នាំជាប់គ្នា។ សម្លៀកបំពាក់ និងផលិតផលកសិកម្មរបស់កម្ពុជាត្រូវបាននាំចេញទៅកាន់ប្រទេសចិនក្នុងបរិមាណដ៏ច្រើន ដែលធ្វើឲ្យទីផ្សារចិនកាន់តែរីកចម្រើន និងនាំមកនូវកម្លាំងជំរុញខ្លាំងដល់ការអភិវឌ្ឍន៍សេដ្ឋកិច្ចកម្ពុជា។ ផលិតផលគុណភាពខ្ពស់ បច្ចេកវិជ្ជាទំនើប និងដើមទុនដ៏ស៊ីជម្រៅរបស់ប្រទេសចិន ក៏បានបន្តហូរចូលប្រទេសកម្ពុជាផងដែរ ដែលជំរុញការកសាងហេដ្ឋារចនាសម្ព័ន្ធរបស់កម្ពុជា ការធ្វើឱ្យប្រសើរផ្នែកផលិតកម្ម និងវិស័យផ្សេងៗទៀតឱ្យមានការបោះជំហានទៅមុខដ៏អស្ចារ្យ ដូចជាផ្លូវហាយវេភ្នំពេញទៅកំពង់ផែព្រះសីហនុ ដែលជាផ្លូវល្បឿនលឿនដំបូងរបស់កម្ពុជា សាងសង់ដោយក្រុមហ៊ុនចិន វាបានកាត់បន្ថយពេលវេលាធ្វើដំណើររវាងទីក្រុងទាំងពីរពីជាងប្រាំម៉ោងមកតិចជាងពីរម៉ោង ធ្វើឱ្យប្រសើរឡើងយ៉ាងខ្លាំងនូវប្រសិទ្ធភាពដឹកជញ្ជូន ជំរុញការអភិវឌ្ឍសេដ្ឋកិច្ចតាមដងផ្លូវ ហើយបានក្លាយជាលទ្ធផលហត្ថលេខានៃកិច្ចសហប្រតិបត្តិការចិន-កម្ពុជា។

នៅក្នុងវិស័យកសិកម្ម ប្រទេសចិនបានក្លាយជាគោលដៅនាំចេញដ៏ធំបំផុតសម្រាប់ចេក និងផ្លែមាន ពីកម្ពុជា។ បច្ចុប្បន្ននេះ ផ្លែឈើសំខាន់ៗចំនួន ៤ របស់កម្ពុជាត្រូវបានអនុម័តឱ្យចូលទីផ្សារប្រទេសចិនគឺ ចេក ស្វាយ ផ្លែមៀន និងដូង។ កិច្ចព្រមព្រៀងពាណិជ្ជកម្មសេរីចិន-កម្ពុជា កិច្ចព្រមព្រៀងពាណិជ្ជកម្មសេរីចិន-អាស៊ាន និងកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ត្រូវបានអនុវត្តយ៉ាងស៊ីជម្រៅ ហើយវិធានការសម្របសម្រួលពាណិជ្ជកម្មកសិកម្មជាបន្តបន្ទាប់កំពុងអនុវត្ត។ ការកាត់បន្ថយយ៉ាងសំខាន់នៃតម្លៃនចរាចរណ៍ឆ្លងព្រំដែននៃផលិតផលកសិកម្មមិនត្រឹមតែធ្វើឱ្យ “កន្ត្រកបន្លែ” របស់ប្រជាជនចិនកាន់តែសម្បូរបែបប៉ុណ្ណោះទេ ថែមទាំងនាំទៅដល់ការធ្វើឱ្យមានស្ដង់ដារ និងខ្នាតនៃផលិតកម្មកសិកម្មកម្ពុជា បង្កើតផលប្រយោជន៍សេដ្ឋកិច្ចយ៉ាងច្រើនសម្រាប់កសិករកម្ពុជា។

នៅក្នុងឧស្សាហកម្មទេសចរណ៍ ឆ្នាំ២០២៥ ត្រូវបានចាត់តាំងជា “ឆ្នាំទេសចរណ៍ចិន-កម្ពុជា” ហើយក្រសួងទេសចរណ៍កម្ពុជាបានដាក់ចេញនូវវិធានការជាបន្តបន្ទាប់ ដើម្បីលើកកម្ពស់ការធ្វើពិពិធកម្មផលិតផលទេសចរណ៍ និងបង្កើនប្រសិទ្ធភាពសេវាកម្មទេសចរណ៍បន្ថែមទៀត។ នៅឆ្នាំ២០២៤ ចំនួនភ្ញៀវទេសចរចិនមកកម្ពុជាបានកើនឡើងដល់ ៨៤៨.៩៥២នាក់ កើនឡើង ៥៥% បើធៀបនឹងឆ្នាំ២០២៣ ហើយត្រូវបានគេរំពឹងថានឹងទាក់ទាញភ្ញៀវទេសចរចិនបានជាង ១លាននាក់នៅឆ្នាំនេះ។ ការរីកដុះដាលនៃវិស័យទេសចរណ៍មិនត្រឹមតែជំរុញការប្រើប្រាស់ក្នុងស្រុកប៉ុណ្ណោះទេ ប៉ុន្តែថែមទាំងបង្កើតឱកាសវិនិយោគមួយចំនួនធំសម្រាប់ឧស្សាហកម្មដែលពាក់ព័ន្ធដូចជា សណ្ឋាគារ ភោជនីយដ្ឋាន និងការដឹកជញ្ជូន។

អ្នកឧកញ៉ា លី ឃុនថៃ បានគូសបញ្ជាក់ថា សមិទ្ធិផលទាំងនេះបានមកពីមូលដ្ឋានគ្រឹះនៃកិច្ចសហប្រតិបត្តិការដ៏ល្អរវាងប្រទេសទាំងពីរ និងបរិយាកាសវិនិយោគដ៏ល្អប្រសើររបស់កម្ពុជាផ្ទាល់។ ប្រទេសកម្ពុជាមានធនធានធម្មជាតិដ៏សំបូរបែប ទីតាំងភូមិសាស្រ្តដ៏ល្អ ដែលជាសរសៃឈាមដឹកជញ្ជូនដ៏សំខាន់មួយនៅអាស៊ីអាគ្នេយ៍ និងជាមជ្ឈមណ្ឌលដ៏សំខាន់មួយតភ្ជាប់ប្រទេសជាច្រើន៕

The post អ្នកឧកញ៉ា លី ឃុនថៃ ផ្សព្វផ្សាយពីសក្ដានុពលរបស់កម្ពុជា ដល់អ្នកវិនិយោគចិន ជាង ២០០នាក់ នៅទីក្រុងណាននីង ប្រទេសចិន appeared first on .

អ្នកឧកញ៉ាថ្លែងដូច្នេះ ក្នុងពិធីអាហារសាមគ្គីធុរកិច្ចជាមួយសមាគមសហព័ន្ធអ្នកវិនិយោគកម្ពុជា ក្រោមអធិបតីភាព សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា កាលពីរសៀលថ្ងៃទី០៩ ខែឧសភា ឆ្នាំ២០២៤។

នាឱកាសនោះ អ្នកឧកញ៉ា លី ឃុនថៃ ប្រធានសមាគមសហព័ន្ធអ្នកវិនិយោគកម្ពុជា បានឱ្យដឹងថា៖«មកដល់ពេលនេះ សមាគមសហព័ន្ធអ្នកវិនិយោគកម្ពុជា បានសម្រេចការជំរុញការនាំចេញ និងទាក់ទាញវិនិយោគិនបរទេសចូលមកបណ្ដាក់ទុនក្នុងប្រទេសកម្ពុជា ដែលមានទំហំទឹកប្រាក់វិនិយោគ ជាង១៥ពាន់លានដុល្លារ និងបានផ្ដល់ឱកាសការងារជូនដល់កម្មករ កម្មការិនី និងនិយោជិក ជាង៦៤ម៉ឺននាក់»។

ជាមួយគ្នានេះដែរ អ្នកឧញ៉ាបន្តថា ដើម្បីឆ្លើយតបទៅនឹងគោលដៅ និងការជំរុញសកម្មភាពវិនិយោគក្នុងប្រទេសកម្ពុជា សមាគមសហព័ន្ធអ្នកវិនិយោគកម្ពុជា បេជ្ញាចិត្ដបន្ដអនុវត្ដតួនាទី និងដាក់ចេញផែនការដើម្បីសម្រេចចេញគោលដៅជាច្រើន។

ដោយអ្នកឧកញ៉ាបានបញ្ជាក់ថា៖«ដើម្បីសម្រេចផែនការនោះ យើងនឹងផ្ដល់ជាវេទិកាសម្រាប់វិនិយោគិនជាតិ និងអន្ដរជាតិ អាចស្វែងរកឱកាសកសាងទំនាក់ទំនង ពង្រីកទីផ្សារ និងការបណ្ដាក់ទុនមកប្រទេសកម្ពុជាជាពិសេសជំរុញការចុះអនុស្សរណៈនៃការយោគយល់គ្នាឱ្យបានកាន់តែទូលំទូលាយថែមទៀត»។

ជុំវិញការលើកឡើងនេះ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានលើកឡើងថា រាជរដ្ឋាភិបាល និងវិស័យឯកជនមានបេសកកម្មរួម ក្នុងការសម្រេចគោលដៅអភិវឌ្ឍន៍ ហើយរាជរដ្ឋាភិបាលយកចិត្តទុកដាក់ខ្ពស់លើវិស័យឯកជន និងរបបទីផ្សារសេរី ដើម្បីជំរុញការអភិវឌ្ឍនៅកម្ពុជា ឈានទៅសម្រេចគោលដៅជាប្រទេសមានចំណូលខ្ពស់នៅឆ្នាំ២០២៥០។

ជាមួយគ្នានេះ សម្តេចធិបតីបន្តថា៖« ការធ្វើឱ្យកម្ពុជាមានបរិយាកាសល្អសម្រាប់ការវិនិយោគ គឺជារឿងសំខាន់សម្រាប់ការទាក់ទាញអ្នកវិនិយោគជាតិ និងអន្តរជាតិបន្ថែមទៀត»។

គួរបញ្ជាក់ដែរថា សមាគមសហព័ន្ធអ្នកវិនិយោគកម្ពុជា ត្រូវបានបង្កើតឡើងក្នុងគោលបំណងប្រមូលផ្តុំនូវ​សមាស​ភាព​សមាគមនីមួយៗ រួមគ្នាជាថ្នាលធំមួយពង្រឹង និងពង្រីកសកម្មភាពទាក់ទាញវិនិយោគិន​បរទេស​មកពីគ្រប់ប្រទេស បណ្តាក់ទុនក្នុងប្រទេសកម្ពុជា រួមចំណែកដល់ការអភិវឌ្ឍសេដ្ឋកិច្ច​ជាតិ ស្របតាមគោលនយោបាយរបស់រាជរដ្ឋាភិបាលកម្ពុជា។

ការកៀរគរការវិនិយោគទាំងអ្នកវិនិយោគក្នុងស្រុក និងមកពីក្រៅស្រុក គឺជាគោលដៅដ៏ចាំបាច់​មួយ​របស់រាជរដ្ឋាភិបាល ដើម្បីជំរុញសេដ្ឋកិច្ចជាតិ និងជីវភាពរបស់ប្រជាពលរដ្ឋឱ្យកាន់តែល្អ​ប្រសើរ។ វត្តមានរបស់សម្តេចធិបតី ហ៊ុន ម៉ាណែត ក្នុងពិធីប្រកាសជាផ្លូវការនូវសមាគមសហព័ន្ធ​អ្នក​វិនិយោគ​កម្ពុជា បង្ហាញឱ្យឃើញនូវការគាំទ្រយ៉ាងមុតមាំរបស់រាជរដ្ឋាភិបាលទៅលើសកម្មភាព​របស់​សមាគម៕ អត្ថបទ៖ រង្សី

The post អ្នកឧកញ៉ា លី ឃុនថៃ ៖ សមាគមសហព័ន្ធអ្នកវិនិយោគកម្ពុជា បានទាក់ទាញវិនិយោគបរទេសមកបោះទុននៅកម្ពុជា ក្នុងទំហំទឹកប្រាក់រហូតជាង១៥ពាន់លានដុល្លារ appeared first on .