ឧកញ៉ា ឃាង ពុទ្ធី ប្រធានក្រុមប្រឹក្សាភិបាល សមាគមអ្នកជំនាញអចលនទ្រព្យកម្ពុជា បានប្រាប់ឧកញ៉ាញូស៍ថា ក្នុងជំនួបថ្ងៃនេះសមាគមបានស្វែងករការគាំទ្រពីនិយ័តករអាជីវកម្មអចលនវត្ថុ និងបញ្ចាំ ក្នុងការសហការផ្សព្វផ្សាយអំពីអាជ្ញាបណ្ណអ្នកជំនាញអចលនវត្ថុ អាជ្ញាបណ្ណអ្នកអភិវឌ្ឍន៍អចលនវត្ថុ និងអាជ្ញាបណ្ណអាជីវកម្មដីឡូតិ៍ជាដើម។

ទន្ទឹមនឹងនោះ សមាគមអ្នកជំនាញអចលនទ្រព្យកម្ពុជា ក៏បានស្នើឲ្យមានការរៀបចំការបណ្តុះបណ្តាល និងផ្សព្វផ្សាយជាសាធារណៈដល់អ្នកវិនិយោគិនជាតិ និងអន្តរជាតិ ឲ្យកាន់តែយល់ច្បាស់ដើម្បីកាត់បន្ថយហានិភ័យក្នុងការវិនិយោគ។

លោកឧកញ៉ាថ្លែងថា៖ «មួយរយៈចុងក្រោយនេះ ខ្ញុំសង្កេតឃើញថាមានបញ្ហាកើតឡើងពីការទិញលក់អលចនទ្រព្យមិនមានកម្មសិទ្ធិច្បាស់លាស់ បោកបន្លំ ការឆបោកជាដើមក្នុងវិស័យអចលនវត្ថុ។ បញ្ហានេះបានកើតឡើងនៅពេលមានបញ្ហាវិបត្តិសេដ្ឋកិច្ចបណ្តាមកពីកូវីដ១៩ ដូច្នេះក្នុងនាមសមាគមយើងបានសំណូមពរឲ្យនិយ័តករអាជីវកម្មអចលនវត្ថុ និងបញ្ចាំ ធ្វើការផ្សព្វផ្សាយចំណេះដឹងឲ្យបានទូលំទូលាយទៅមហាជន»។

នៅក្នុងជំនួបដដែលនេះ ភាគីទាំងពីរបានស្វាគមន៍ និងបន្តសហការគ្នា ជំរុញឲ្យវិស័យអចលនទ្រព្យនៅប្រទេសកម្ពុជាមានការរីកចម្រើនប្រកបដោយចីរភាព និងនិរន្តភាព។ ជាមួយគ្នានេះ និយ័តករអាជីវកម្មអចលនវត្ថុ និងបញ្ចាំ ក៏បានផ្តល់អនុសាសន៍ឲ្យដឹកនាំសមាគមអ្នកជំនាញអចលនទ្រព្យកម្ពុជា ខិតខំធ្វើការសិក្សាស្រាវជ្រាវពង្រឹងសមត្ថភាពទាំងក្រុមហ៊ុន ក៏ដូចជាភ្នាក់ងារអចលនវត្ថុ និងអ្នកអភិវឌ្ឍនអចលនវត្ថុផ្សេងទៀតដើម្បីចូលរួមក្នុងការអភិវឌ្ឍវិស័យអចលនទ្រព្យ និងសេដ្ឋកិច្ចកម្ពុជា។

បើតាមឧកញ៉ា ឃាង ពុទ្ធី ៥ឆ្នាំចុងក្រោយនេះប្រទេសកម្ពុជាមានការរីកចម្រើន និងអភិវឌ្ឍខ្លាំងក្លាទាំងហេដ្ឋារចនាសម្ព័ន្ធ អគារខ្ពស់ៗ ខុនដូរ សំណង់ផ្ទះល្វែង បុរី ដីឡូតិ៍ ផ្សារទំនើប និងអគារពាណិជ្ជកម្មបានរីកដុះដាល ក្នុងន័យនេះ ដើម្បីឲ្យវិស័យអចលនទ្រព្យ និងសំណង់មានការអភិវឌ្ឍបន្តឥតឈប់ឈរ កម្ពុជាត្រូវការធនធានមនុស្សជាសំខាន់ ដូចជា ភ្នាក់ងារទិញលក់ ជួល វាយតម្លៃ ព្រោះជាផ្នែកមួយសំខាន់ក្នុងការអភិវឌ្ឍ។

លោកឧកញ៉ាបញ្ជាក់បន្ថែមថា នៅពេលដែលយើងមានធនធានមនុស្សខ្លាំងៗក្នុងវិស័យអចលនទ្រព្យ វាបង្ករភាពងាយស្រួលក្នុងការទាក់ទាញវិនិយោគិនមកបណ្តាក់ទុន ដូច្នេះវិស័យអចលនទ្រព្យ និងសំណង់នឹងមានការរីកចម្រើនទៅមុខ។

ក្រសួងសេដ្ឋកិច្ច និងហិរញ្ញវត្ថុ បានព្យាករថា វិស័យអចលនវត្ថុនៅកម្ពុជា នឹងស្ទុះងើបឡើងវិញនៅឆ្នាំ ២០២២នេះ គាំទ្រដោយការកើនឡើងសន្សឹមៗ នៃលំហូរទុនវិនិយោគពីបរទេស និងកំណើនតម្រូវការអចលនវត្ថុ មានតម្លៃទាប និងមធ្យម នៅក្នុងស្រុក។

លោក  អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានលើកឡើងថា ការកើននេះគឺស្របតាមនិន្នាការសកល និងសេដ្ឋកិច្ចកម្ពុជា ដែលត្រូវបានព្យាករថា នឹងអាចងើបឡើងវិញក្នុងកំណើនទាប ២,៤% ក្នុងឆ្នាំ ២០២១ និង ៤,៨% ក្នុងឆ្នាំ ២០២២៕

The post និយ័តករអាជីវកម្មអចលនវត្ថុ និងបញ្ចាំ និងសមាគម CREA ប្តេជ្ញាជំរុញការផ្សព្វផ្សាយដើម្បីជៀសវាងហានិភ័យទិញលក់ជួលអចលនវត្ថុ appeared first on .

តាមរយៈសេចក្តីថ្លែងការណ៍ សមាគមទាំងពីរបានលើកឡើងថា សូមអំពាវនាវ និងលើកទឹកចិត្តដល់សមាជិក សមាជិកា របស់សមាគម និងបងប្អូនសាធារណជនទាំងអស់ ដែលជាម្ចាស់គម្រោងអភិវឌ្ឍន៍ដីឡូត៍ ម្ចាស់គម្រោងបុរី ផ្ទះល្វែង ម្ចាស់អគារសហកម្មសិទ្ធិ និងក្រុមហ៊ុនអភិវឌ្ឍន៍អចលនវត្ថុទាំងអស់ និងប្រជាពលរដ្ឋទូទាំងប្រទេស សូមចូលរួមអនុវត្តដូចខាងក្រោម៖

ទី១ អនុវត្តតាមវិធានការ “៣ការពារ និង៣កុំ”

ទី២ អនុវត្តតាមសេចក្តីប្រកាសរួម ចុះថ្ងៃទី២២ ខែមីនា ឆ្នាំ២០២១

ទី៣ ក្នុងអំឡុងពេលចូលឆ្នាំថ្មីខាងមុខនេះ សូមរៀបចំកម្មវិធីចូលឆ្នាំថ្មីប្រពៃណីជាតិខ្មែរនៅផ្ទះរៀងៗខ្លួន និងសូមអញ្ជើញទៅចាក់វ៉ាក់សាំងការពារជំងឺកូវីដ-១៩ ឱ្យបានគ្រប់ៗគ្នា។

ពិស្តារខាងក្រោម៖

The post សមាគម២ ចេញសេចក្តីថ្លែងការស្តីពី សកម្មភាពនិងបញ្ហាប្រឈមរបស់វិស័យអចលនទ្រព្យ ក្នុងស្ថានភាពដ៏លំបាកនៃជំងឺកូវីដ-១៩ appeared first on .