ការជាប់ឆ្នោតបន្តជាប្រធានសមាគមអ្នកអភិវឌ្ឍន៍ដីឡូត៍កម្ពុជា សម្រាប់អាណត្តិទី២នេះ គឺជាលើកទី២របស់លោកឧកញ៉ា បន្ទាប់ពីការបង្កើតសមាគមនេះឡើង ដើម្បីចូលរួមអភិវឌ្ឍវិស័យអចលនទ្រព្យ ពិសេសផ្នែកអភិវឌ្ឍដីឡូត៍តែម្តង។

ឧកញ៉ា ម៉ន សុខា ស្ថាបនិកក្រុមហ៊ុន Utrust Investment Co,.LTD ដែលវិនិយោគលើការ​អភិវឌ្ឍ​អចលនទ្រព្យ សេវា​គ្រប់គ្រង និង​វាយ​តម្លៃ​អចលនវត្ថុ។ លោកទទួលគោរមងារ «ឧកញ៉ា» ពីព្រះមហាក្សត្រកម្ពុជា នៅថ្ងៃទី២ ខែធ្នូ ឆ្នាំ២០២០ ដោយព្រះរាជក្រឹត្យលេខ នស/ករត/១២២០/១៣០៩ តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រី។

តាមរយៈទំព័រហ្វេសប៊ុកផ្លូវការផ្ទាល់ខ្លួន ឧកញ៉ា ម៉ន សុខា បង្ហាញនូវការកោតសរសើរថ្នាក់ដឹកនាំ​ ក្រុម​ប្រឹក្សា​ភិបាល​ ទីប្រឹក្សា អគ្គលេខាធិការ​ អគ្គលេខាធិការ​រង​ សមាគម​អ្នក​អភិវឌ្ឍ​ន៍​ដីឡូត៍​កម្ពុជា​ អាណត្តិទី១ គ្រប់​រូប​ដែលបានលះបង់កំលាំងកាយ កំលាំងចិត្ត បញ្ញាស្មារតី សម្ភារៈថវិកា និងពេលវេលាដ៏មានតម្លៃចូលរួមជ្រោមជ្រែងសមាគមនាពេលកន្លងមកប្រកបដោយទឹក​ចិត្ត​ថ្លៃថ្លា​ គុណធម៌ ដើម្បីលើកកម្ពស់វិស័យអចលនទ្រ​ព្យ សេដ្ឋកិច្ច​សង្គម​ជាតិ​ បង្កើត​ការងារ​ជូន​ប្រជាពលរដ្ឋ​ ឱ្យមានភាពរីកចម្រើន​ នាពេល​កន្លង​មក​ រហូត​ដល់​បច្ចុប្បន្ន​។

សូមជម្រាបជូនថា សមាគមអ្នកអភិវឌ្ឍន៍ដីឡូតិ៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ខណៈដែលបច្ចុប្បន្នឧកញ៉ា ម៉ន សុខា បន្តជាប្រធាន និងមានអនុប្រធាន ក្រុមប្រឹក្សាភិបាល អគ្គលេខាធិការ ព្រមទាំងសមាជិកច្រើនរូបទៀត ប្រមូលផ្តុំដោយអ្នកអភិវឌ្ឍវិស័យអចលនទ្រព្យ៕

The post ឧកញ៉ាវ័យក្មេង ម៉ន សុខា ជាប់ជាប្រធានសមាគមអ្នកអភិវឌ្ឍន៍ដីឡូត៍កម្ពុជា អាណត្តិទី២ appeared first on .

ខាងក្រោមនេះ គឺជាការចែករំលែក ផ្នត់គំនិតខ្លីៗ តែខ្លឹម ពីឧកញ៉ា ផន វណ្ណិត អនុប្រធានសមាគមអ្នកអភិវឌ្ឍន៍ដីឡូតិ៍កម្ពុជា ជូនដល់ប្រិយមិត្តអ្នកអាន មុននឹងសម្រេចចិត្តវិនិយោគទិញដីទុកលក់យកចំណេញ៖

1/ទិញដី ត្រូវគិតថាចង់បានដីសម្រាប់ ធ្វើផ្ទះ និងទិញដីសម្រាប់កូនចៅជំនាន់ក្រោយ ព្រោះក្រុងកាន់តែរីក មនុស្សកាន់តែកើន ដីកាន់តែថ្លៃ។

2/ទិញដី កុំគិតតែរឿងចំណេញ គិតអោយចេញ ទិញដីអោយបានសិន។

3/ទិញដី គឺរៀនរៀបចំគោលដៅ រៀនជួបនិងជជែកជាមួយអ្នកស្រឡាញ់ដី ចង់បានដី ឈ្នុុសឈ្នុល រកដីមានតម្លៃធូរថ្លៃ នោះយើង និងមានចិត្ត សន្សំលុយចង់បានដី ទិញមួយហើយ ទិញទៀត នោះយើងនិងមានដីច្រើន។

4/ទិញដី ត្រូវគិតពីដី ស្គាល់ពីការអភិវឌ្ឍន៍ដី ការរីកដាលនៃក្រុង នោះយើងប្រាកដជាមានដី។

5/ទិញដី ត្រូវទិញហើយរង់ចាំ កុំរង់ចាំទិញដី។

អ្នកជំនាញអភិវឌ្ឍន៍អចលនទ្រព្យ ដដែលរូបនេះ ក៏ធ្លាប់បានក្រើនរំលឹកដែរថា ការចាប់ផ្តើមចេញលក់ ឬរកស៊ីក្នុងវិស័យអចលនទ្រព្យ មិនមែនមនុស្សគ្រប់គ្នាសុទ្ធតែជោគជ័យនោះទេ ក្នុងនោះក៏មានអ្នករកស៊ីខាងដីធ្លីខាតបង់លុយកាក់ឡុងចុងដែរ។

ទោះយ៉ាងណា បើពិនិត្យមើលពីការអភិវឌ្ឍវិស័យអចលនទ្រព្យក្នុងរយៈពេល២០ឆ្នាំចុងក្រោយនេះ លោកសម្លឹងឃើញថា វិស័យនេះបានបន្តរីកចម្រើនជាលំដាប់ ទាំងនៅរាជធានីភ្នំពេញ និងតាមបណ្តាខេត្ត គឺសុទ្ធសឹងតែបានបង្ហាញពីតួលេខនៃការអភិវឌ្ឍកើនឡើងជាមួយនឹងសំណង់អគារលំនៅដ្ឋាន សំណង់អគារពាណិជ្ជកម្មខ្ពស់ៗ សំណង់សណ្ឋាគារ និងសំណង់លំនៅដ្ឋានលក្ខណៈបុរីជាដើម ដូច្នេះឱកាសវិនិយោគក្នុងវិស័យនេះ នៅតែមានវិសាលភាពវែងឆ្ងាយ៕

The post គោលគំនិតខ្លីៗក្នុងការវិនិយោគដីឱ្យចំណេញចំគោលដៅពី ឧកញ៉ា ផន វណ្ណិត appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ក្នុងការជួបសំណេះសំណាលគ្នានោះ ឯកឧត្តម ឧកញ៉ា អគ្គនាយកសភាពាណិជ្ជកម្មកម្ពុជា បានសម្ដែងនូវក្ដីរីករាយ និងស្វាគមន៍យ៉ាងកក់ក្តៅ ចំពោះវត្តមាន លោកឧកញ៉ា ម៉ន សុខា ប្រធានសមាគមន៍អភិវឌ្ឍន៍ដីឡូតិ៍កម្ពុជា និងសមាជិក សមាជិកា សមាគមអ្នកអភិវឌ្ឍន៍ដីឡូតិ៍កម្ពុជាទាំងអស់ ។

លើសពីនេះ ឯកឧត្តម ឧកញ៉ា ក៏មានប្រសាសន៍ផងដែរថា បើទោះបីជាបញ្ហាជំងឺកូវីដ-១៩ កំពុងតែរាតត្បាតយ៉ាងខ្លាំង ទូទាំងសកលលោក តែមិនអាចរារាំងនូវកិច្ចពិភាក្សាការងារផ្សេងៗ ដែលសភាពាណិជ្ជកម្មកម្ពុជា បានរៀបចំតាមរយ:ពេលប្រព័ន្ធអនឡាញកន្លងមកនោះទេ ហើយសង្ឃឹមថានឹងអាចមានការរៀបចំការប្រជុំដោយផ្ទាល់នាពេលឆាប់ៗខាងមុខនេះ នៅពេលបញ្ហាកូវីដ-១៩ បានធូរស្បើយ ។

ក្នុងឱកាសនោះផងដែរ ឯកឧកត្តម ឧកញ៉ា អគ្គនាយក បានលើកអំពីអត្ថប្រយោជន៍នៃការចូលរួមជាមួយសភាពាណិជ្ជកម្មកម្ពុជា ដើម្បីជម្រុញអោយវិស័យឯកជនមានការអភិវឌ្ឍន៍ទៅមុនជាធ្លុងមួយ ព្រមទាំងអាចដោះស្រាយបញ្ហារួមផងដែរ ថែមទាំងអាចធ្វើឲ្យសមាជិកនីមួយៗអាចពង្រឹង និង ពង្រីកនូវការសហការគ្នាទៅវិញទៅមក តាមរយ:ទំនាក់ទំនង ដែលសភាពាណិជ្ជកម្មកម្ពុជាបានរៀបចំក្នុងជំនួបផ្សេងៗ។

បន្ថែមពីនេះ ឧកញ៉ា ម៉ន សុខា ប្រធានសមាគមន៍អ្នកអភិវឌ្ឍន៍ដីឡូត៍កម្ពុជា ក៏សូមអរគុណ ចំពោះការស្វាគមន៍យ៉ាងកក់ក្តៅ ពី ឯកឧត្តម ឧកញ៉ា ងួន ម៉េងតិច អគ្គនាយកសភាពាណិជ្ជកម្មកម្ពុជា ដែលអនុញ្ញាតឲ្យមាននូវជំនួបសម្តែងការគួរសមនេះ ព្រមទាំងមបានស្វែងយល់កាន់តែច្បាស់នូវសភាពាណិជ្ជកម្មកម្ពុជា ។ មិនតែប៉ុណ្ណោះ ក្នុងឱកាសនោះផងដែរ ឧកញ៉ា ប្រធានសមាគមន៍អ្នកអភិវឌ្ឍន៍ដីឡូត៍កម្ពុជាបានអនុញ្ញាតឲ្យសមាជិក សមាជិកានៃសមាគមន៍ដែលមានវត្តមាន បានណែនាំខ្លួនអំពីក្រុមហ៊ុននីមួយៗ៕

The post ឧកញ៉ា ម៉ន សុខា ប្រធានសមាគមន៍អ្នកអភិវឌ្ឍន៍ដីឡូតិ៍កម្ពុជា ពិភាក្សាការងារសំខាន់ៗជាមួយមន្ត្រីជាន់ខ្ពស់នៃសភាពាណិជ្ជកម្ពុជា appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ទីប្រឹក្សាដែលត្រូវបានតែងតាំងរួមមាន៖ ១.លោក អោម សេងបូរ៉ា ស្ថាបនិក CEO Master Club ២.លោក អួន សារ៉ាត់ គ្រូបណ្តុះបណ្តាល វិធីសាស្រ្តជោគជ័យ ៣.លោកឧកញ៉ា ឃាង ពុទ្ធី ប្រធានក្រុមប្រឹក្សាភិបាល សមាគមអ្នកជំនាញអចលនទ្រព្យ និងជាប្រធានក្រុមហ៊ុន Property 78 ៤.លោកឧកញ៉ា ម៉ាន់ ចន្ទឌី អគ្គនាយកក្រុមហ៊ុន​ IQI Cambodia ៥.លោក យិន លាងគង់ សហស្ថាបនិក និងជាអគ្គនាយក នៃគេហទំព័រ Propertyarea.asia និង Cambodiafinancialtimes.com. ៦.លោកឧត្តមសេនីយ៍ត្រី អ៉ិន មាន ប្រធានក្រុមជំនួយកិច្ចការសហប្រតិបត្តិការអន្តរជាតិនៃអគ្គលេខាធិការដ្ធាន គណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស (គ.ជ.ប.ជ) ៧.លោក ឃន ជឺ ស្ថាបនិកបង្កើតគ្រុបតេឡេក្រាមTelegram ជាង២មុឺននាក់ ៨.លោក ទូច ណារិន។

គួររម្លឹកជូនថា សមាគមអ្នកអភិវឌ្ឍន៍ដីឡូតិ៍កម្ពុជា បានបង្កើតឡើងថ្ងៃទី១៧ ខែកក្កដា ឆ្នាំ២០២០កន្លងទៅ ហើយបច្ចុប្បន្នលោកឧកញ៉ា ម៉ន សុខា ជាប្រធាន និងមានអនុប្រធាន ព្រមទាំងសមាជិកច្រើនរូបទៀត ដែលប្រមូលផ្តុំដោយអ្នកជំនាញអចលនទ្រព្យ៕

The post វាគ្មិនល្បីៗនិងសហគ្រិនអចលនទ្រព្យច្រើនរូបតែងតាំងជាទីប្រឹក្សាសមាគម CLDA appeared first on .