ជាមួយគ្នានេះ សម្រាប់ពិធីបិទសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារសម្រាប់ឆ្នាំ២០២៥ សមាគមអ្នកអភិវឌ្ឍន៍លំនៅឋានកម្ពុជា ត្រូវបានធ្វើឡើងដោយមានការអញ្ជើញជាអធិបតីភាពដ៏ខ្ពង់ខ្ពស់ពី ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់។

ក្នុងឱកាសអញ្ជើញបិទពិធីសន្និបាតនេះ ឯកឧត្តម សាយ សំអាល់ ឧបនាយករដ្ឋមន្ត្រី បានគូសបញ្ជាក់ថា ក្រសួងរៀបចំដែនដី នគរូបនីយកម្ម និងសំណង់ នឹងត្រៀមខ្លួនធ្វើជាដៃគូដ៏ល្អ ដៃគូដ៏ស្មោះត្រង់ ជាដៃគូដែលអាចពឹងពាក់បាន សម្រាប់សមាគមអ្នកអភិវឌ្ឍន៍លំនៅឋានកម្ពុជា ដើម្បីធ្វើយ៉ាងណាឱ្យឧស្សាហកម្មអចលនទ្រព្យ ឧស្សាហកម្មលំនៅឋាន និងឧស្សាហកម្មសំណង់ អាចដើរទៅមុខបានជាមួយគ្នាប្រកបដោយភាពរីកចម្រើន៕

The post លោកអ្នកឧកញ៉ា លី ហួរ និងអ្នកឧកញ៉ា ឧកញ៉ាៗម្ចាស់បុរីច្រើនរូប ចូលរួមសន្និបាតបូកសរុបលទ្ធផលការងារប្រចាំឆ្នាំ របស់សមាគមអ្នកអភិវឌ្ឍន៍លំនៅឋានកម្ពុជា appeared first on .

ថ្លែងនៅក្នុងពិធីនេះ លោកអ្នកឧកញ៉ា លី យ៉ុងផាត់ បានលើកឡើងថា កម្មវិធីនេះ រៀបចំឡើងដើម្បីពង្រឹង​កិច្ចសាមគ្គីភាពក្នុងគ្រួសារឧកញ៉ាកម្ពុជា ក៏ដូចជាអ្នកអភិវឌ្ឍន៍លំនៅឋាននៅកម្ពុជា ដែលសុទ្ធសឹងជាធាតុដ៏​សំខាន់សម្រាប់កិច្ចអភិវឌ្ឍន៍ និងកសាងសេដ្ឋកិច្ចកម្ពុជាឱ្យកាន់តែល្អប្រសើរ។ កម្មវិធីនេះ ជាជំនួបលើកដំបូងរវាង​ឧកញ៉ាកម្ពុជា ក៏ដូចជាអ្នកអភិវឌ្ឍន៍លំនៅឋានជាមួយសម្តេចធិបតី ហ៊ុន ម៉ាណែត។ ដូច្នេះជំនួបនេះ ក៏ជាឱកាស​ដ៏វិសេសវិសាលមួយក្នុងការទទួលអនុសាសន៍នានាពីប្រមុខរាជរដ្ឋាភិបាល ដើម្បីជំរុញសកម្មភាពរបស់​អ្នកឧកញ៉ា និងអ្នកអភិវឌ្ឍន៍លំនៅឋាននៅកម្ពុជា ឱ្យក្លាយជាសកម្មភាពដែលកាន់តែមាន​គុណតម្លៃដល់សង្គម​ជាតិ។

លោកអ្នកឧកញ៉ា លី យ៉ុងផាត់ ក៏បានថ្លែងប្រាប់អង្គពិធីផងដែរថា កន្លងមកនេះសមាគមឧកញ៉ាកម្ពុជា បាន​ចូលរួមយ៉ាងសកម្មជាមួយរាជរដ្ឋាភិបាលកម្ពុជា លើការងារសង្គម និងការងារសប្បុរសធម៌សំខាន់ៗ ដូចជា បានថ្វាយ តង្វាយ ជាអង្ករ និងថវិកា ថ្វាយ អង្គព្រះមហាក្សត្រ និង ហ្លួងម៉ែ ដើម្បីចូលរួមដង្ហែ ព្រះរាជសកម្មភាព​មនុស្សធម៌ ដ៏ឧត្តុង្គឧត្តមរបស់ព្រះអង្គទាំងទ្វេ , បានបរិច្ចាគថវិកាជូន ដល់កាកបាទក្រហមកម្ពុជា ជារៀងរាល់ឆ្នាំ, បានបរិច្ចាគថវិកាសម្រាប់សកម្មភាពបោសសម្អាតមីន និងអាវុធយុទ្ធភ័ណ្ឌ មិនទាន់ផ្ទុះផ្សេងទៀតនៅកម្ពុជា, បានបរិច្ចាគថវិកាជូនសមាគមយុវជនគ្រូពេទ្យស្ម័គ្រចិត្ត សម្តេចតេជោ (ធី ដា) ដើម្បីរៀបចំមន្ទីរពេទ្យ ល្លួង ម៉ែ, បានបរិច្ចាគថវិកាជាមួយសាលារាជធានីភ្នំពេញក្នុងអំឡុងពេល បិទខ្ទប់នៃការឆ្លងរីករាលដាលនៃជំងឺកូវីដ-១៩។

លោកអ្នកឧកញ៉ាបានបន្ថែមថា សមាគមឧកញ៉ាកម្ពុជាក៏បានបរិច្ចាគថវិកាកសាងអគារសិក្សានៅ ពុទ្ធិកៈសាកល​វិទ្យាល័យព្រះសីហមុនីរាជា, បានបរិច្ចាគថវិកាចូលរួមជួសជុលមហាកុដិ សម្តេចព្រះសង្ឃរាជ ជួន ណាត, បាន​បរិច្ចាគថវិកាកសាងសារមន្ទីរ សម្តេចព្រះ ព្រហ្មរតនមុនី ពិន សែម រាជបូណ៌, បានចែកសម្លៀកបំពាក់ សម្ភារៈ​សិក្សាថវិកា និងកសាងហេដ្ឋារចនាសម័្ពន្ធនានានៅសាលាអនុវិទ្យាល័យស្ទឹងជ្រៅ ក្រុងតាខ្មៅ ខេត្តកណ្តាល និង​បានចែកសម្លៀកបំពាក់ គ្រឿងឧបភោគបរិភោគ និងថវិកា ដល់កុមារកំព្រានៅក្នុងមណ្ឌលចំនួន ៤កន្លែងក្នុងខេត្ត​កំពង់ស្ពឺផងដែរ។

លោកអ្នកឧកញ៉ា លី យ៉ុងផាត់ បានគូសបញ្ជាក់ថា ជាមួយនឹងការងារ សប្បុរសធម៌នេះសមាគមនឹងបង្កើនកិច្ច​ខិតខំ​ចូលរួមចំណែកជាមួយ រាជរដ្ឋាភិបាលកម្ពុជា ក្នុងការអភិវឌ្ឍសង្គម-សេដ្ឋកិច្ចកម្ពុជា ស្របតាមយុទ្ធសាស្ត្រ​បញ្ចកោណ ដំណាក់កាលទី១ ដែលជារបៀបវារៈ សង្គម-សេដ្ឋកិច្ចគ្រប់ជ្រុងជ្រោយ។

ក្នុងន័យនេះ សមាគមឧកញ៉ាកម្ពុជា ប្តេជ្ញាខិតខំប្រឹងប្រែងបំពេញសកម្មភាព ដូចជា៖ ១, បន្តពង្រឹងកិត្យានុភាព​របស់សមាគម​ឧកញ៉ាការពារនូវផលប្រយោជន៍ស្របច្បាប់ កិត្តិយស និងសេចក្តីថ្លៃថ្នូររបស់គោរមងារ​ដ៏ឧត្តុង្គ​ឧត្តមនេះ។ ២, បន្តសហការយ៉ាងជិតស្និទ្ធ ជាមួយរាជរដ្ឋាភិបាល លើកិច្ចការតំណាងឱ្យគោរមវន្ត ទាំងអស់នៅ​ទូទាំងកម្ពុជា ព្រមទាំងពិនិត្យនិងវាយតម្លៃលើ សំណើនិងបញ្ចប់គោរមងារឧកញ៉ា ការគ្រប់គ្រងឯកសណ្ឋាន​ឧកញ៉ា ជាពិសេសការរៀបចំបច្ចុប្បន្នកម្មបញ្ជីឈ្មោះគោរមវន្តទាំងអស់នៅកម្ពុជា។ ៣, ចូលរួមជំរុញផ្សព្វផ្សាយ​អំពីសក្តានុពល និងកាលានុវត្តភាព វិនិយោគនៅកម្ពុជា តាមរយៈការរៀបចំវេទិកាផ្គូផ្គងធុរកិច្ច សិក្ខាសាលា វិនិយោគ និងកម្មវិធីផ្សេងៗ ទាំងក្នុង និងក្រៅប្រទេសព្រមទាំង ចូលរួមចំណែកធ្វើឱ្យប្រសើរឡើង នូវ បរិយាកាស ធុរកិច្ចវិនិយោគ និង ពាណិជ្ជកម្មនៅកម្ពុជា។ ៤, ចូលរួមជំរុញកិច្ចសហប្រតិបត្តិការរវាងវិនិយោគិនកម្ពុជា និង​បរទេសដើម្បីសម្រួលដល់ការវិនិយោគ ពង្រឹងនិងពង្រីកទំនាក់ទំនងឱ្យកាន់តែជិតស្និទ្ធរវាងវិនិយោគិន ធុរជន និងសហគ្រិន។ ៥, លើកកម្ពស់ការគោរពច្បាប់ និងលិខិតបទដ្ឋាន គតិយុត្តិជាធរមាន នៃព្រះរាជាណាចក្រកម្ពុជា និង៦ ចូលរួមធ្វើសកម្មភាព ដែលរួមចំណែកដល់ការអភិវឌ្ឍប្រទេស រួមទាំងសកម្មភាពមនុស្សធម៌នានា៕

The post លោកអ្នកឧកញ៉ា អ្នកឧកញ៉ា ឧកញ៉ា និងវិនិយោគិន ជាង ១៣០០នាក់ ចូលរួមពិសាអាហារសាមគ្គី នៃមហាគ្រួសារសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា appeared first on .

តាមសេចក្ដីប្រកាសព័ត៌មាន សមាគមឧកញ៉ាកម្ពុជា បានឱ្យដឹងថា សមាគមឧកញ៉ាកម្ពុជា បានសហការ ជាមួយសមាគមអ្នកអភិវឌ្ឍន៍លំនៅឋានកម្ពុជា រៀបចំពិធីសំណេះសំណាល និងពិសាភោជនាហារសាមគ្គី ក្រោម អធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត នាថ្ងៃសុក្រ ទី២ ខែសីហា ឆ្នាំ២០២៤ នៅអគារ ដឺ ព្រេមៀ សេនធ័រ សែនសុខ។

សមាគមឧកញ៉ាកម្ពុជា គូសបញ្ជាក់ថា កម្មវិធីដ៏មានសារៈសំខាន់នេះមានការចូលរួមពី លោកអ្នកឧកញ៉ា អ្នកឧកញ៉ា ឧកញ៉ា ឥស្សរជនជាន់ខ្ពស់ ថ្នាក់ដឹកនាំក្រសួង-ស្ថាប័ន ឯកអគ្គរាជទូត-រដ្ឋទូត តំណាងស្ថាន​ពាណិជ្ជកម្ម​ជាតិ-អន្តរជាតិ និងវិស័យឯកជន សរុបប្រមាណ ១០០០នាក់។

សម្រាប់ព័ត៌មានលម្អិតអំពីកម្មវិធីនេះ សូមទាក់ទង អ្នកឧកញ៉ា ហ៊ុន ឡាក់ អគ្គលេខាធិការសមាគម ឧកញ៉ា​កម្ពុជាតាមរយៈទូរសព្ទលេខ៖ ០១២ ៨១០ ៨១១។

សូមជម្រាបជូនថា សមាគមឧកញ៉ាកម្ពុជា (សរសេរជាអក្សរកាត់ ស.ឧ.ក) ត្រូវបានបង្កើតឡើង និងទទួល​ស្គាល់ជា​ផ្លូវការដោយក្រសួងមហាផ្ទៃនៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការ​មិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៣/២២៥០ ចុះថ្ងៃទី១១ ខែតុលា ឆ្នាំ២០២៣ ស្តីពីគោរមងារឧកញ៉ា។ សមាគមឧកញ៉ាកម្ពុជា គឺជាស្ថាប័នតែមួយគត់តំណាងឱ្យគោរមវន្ត ទាំងអស់នៅកម្ពុជា និងជាស្ថាប័ន អព្យាក្រឹត មិនស្វែងរកប្រាក់កម្រៃ ព្រមទាំងធ្វើសកម្មភាពដោយមិនមានការរើសអើង ការប្រកាន់​ពូជសាសន៍ ពណ៌សម្បុរ ភេទ ឬសាសនាណាមួយឡើយ៕

The post សមាគមឧកញ៉ាកម្ពុជា ប្រកាសរៀបចំពិធីសំណេះសំណាល និងពិសាភោជនាហារសាមគ្គី នៃមហាគ្រួសារសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅឋានកម្ពុជា នៅចុងសប្តាហ៍នេះ appeared first on .

លោកជំទាវឧកញ៉ា សុខ ចន្ថា បច្ចុប្បន្ន​មានតួនាទីជា អនុប្រធានក្រុមហ៊ុនសូគីម៉ិច អ៊ុនវេសមេន គ្រុប, អនុប្រធាន ក្រុមហ៊ុន សុខា អូតែល និង​​ជា​ប្រធានក្រុមហ៊ុន សុខា រៀលអេស្តេត ឯ.ក (Sokha Real Estate)។ លោកជំទាវ​ឧកញ៉ា សុខ ចន្ថា ដែលជាកូនទី៤ ​ក្នុងចំណោមកូន៦នាក់​របស់​អ្នកឧកញ៉ា សុខ គង់ បានសិក្សា​នៅ​ប្រទេស​សិង្ហបុរី និងបន្តការសិក្សានៅប្រទេសអូស្ត្រាលី ផ្នែកគ្រប់គ្រង ហើយបានរៀបអាពាហ៍ពិពាហ៍ ជាមួយឧកញា ណាំង សុភាត នៅឆ្នាំ២០០៧។

កាលពីរសៀល​ថ្ងៃទី២០ ខែឧសភា ឆ្នាំ២០២៤ ម្សិលមិញ​នេះ ក្នុងនាមជា​អនុប្រធាន​សមាគម ដែលទើប​ទទួល​ការតែងតាំង​ថ្មី លោកជំទាវឧកញ៉ា សុខ ចន្ថា ក៏​បាន​អញ្ជើញ​ចូលរួម​ក្នុងកិច្ចប្រជុំ​ពិភាក្សាអំពី ការអនុវត្តច្បាប់​ពន្ធដារ និងបញ្ហាប្រឈមលើវិស័យ​សំណង់​នៅកម្ពុជា នៅសណ្ឋាគារភ្នំពេញ ក្រោមការដឹកនាំ​របស់​ លោកអ្នកឧកញ៉ា លី ហួរ ប្រធាន​សមាគមអ្នកអភិវឌ្ឍន៍លំនៅឋានកម្ពុជា ផងដែរ។

គួរបញ្ជាក់ថា សមាគមអ្នកអភិវឌ្ឍន៍លំនៅឋានកម្ពុជា បង្កើត​ឡើង​នៅ​ថ្ងៃទី១៣ ខែវិច្ឆិកា ឆ្នាំ២០១៥ ក្នុងគោលបំណង ដើម្បីពង្រឹងគុណភាពបុរី និងផ្ទះល្វែងឡើងវិញ ព្រមទាំងជំរុញ​ឱ្យសមាជិក​របស់​ខ្លួន សាងសង់​ផ្ទះ សំណង់អគារ ដែលមានចរិតលក្ខណៈបែបរចនាបទខ្មែរ ព្រមទាំងផ្តល់ព័ត៌មានចាំបាច់ជុំវិញ ការរកស៊ីខុស​ច្បាប់ របស់ក្រុមហ៊ុន​ខ្លះ ដែលឆ្មក់​ឱកាសឆរបោកពលរដ្ឋ និងជួយជំរុញ​ឱ្យមានការប្រកួត​ប្រជែកគ្នា​ផ្នែកតម្លៃ​និងសេវាកម្ម ដែលជា​ប្រយោជន៍ ដើម្បីអតិថិជនទទួលព័ត៌មានច្រើនជាងមុន និងមានជម្រើសល្អច្រើន​ជាងមុន។ លើសពីនេះ សមាគម ក៏មានការ​ផ្សព្វផ្សាយជុំវិញវិស័យលំនៅឋានឱ្យទូលំទូលាយ ដោះដូរ​បទពិសោធន៍​រវាង​សមាជិក ព្រមទាំងចូលរួម ដោះស្រាយបញ្ហាផ្លូវច្បាប់នានាជូនអ្នកទិញរបស់ខ្លួន ឱ្យបានច្រើន​ជាងមុន៕

The post កូនស្រីអ្នកឧកញ៉ា សុខ គង់ ទទួលការតែងតាំងជា អនុប្រធានសមាគមអ្នកអភិវឌ្ឍន៍លំនៅឋានកម្ពុជា appeared first on .

តាមការបញ្ជាក់ពី​សមាគមអ្នកអភិវឌ្ឍន៍លំនៅឋានកម្ពុជា កិច្ចប្រជុំនេះ​បានធ្វើឡើងក្នុងគោលបំណង​ដើម្បី​ពិភាក្សា និងរបាយការណ៍វឌ្ឍនភាពវិស័សំណង់នៅកម្ពុជា ជាពិសេសការអនុវត្តន៍ច្បាប់ពន្ធ និងបញ្ហាបឈម​នានាក្នុងការអភិវឌ្ឍន៍គំរោងបុរី សំណង់ខុនដូ របស់សមាជិក សមាជិកសមាគមអ្នកអភិវឌ្ឍន៍លំនៅឋានកម្ពុជា។

ក្នុងជំនួបពិភាក្សាខាងលើ ក៏មានការអញ្ជើញចូលរួម​ពី លោកអ្នកឧកញ៉ា លាង ឃុន ទីប្រឹក្សាជាន់ខ្ពស់​សមាគម, អ្នកឧកញ៉ា ថៃ ជាហួត អនុប្រធានសមាគម, អ្នកឧកញ៉ា លី សេងឃាង អនុប្រធាន, អ្នកឧកញ៉ា តេង ហឿង អនុប្រធាន, អ្នកឧកញ៉ា ប៊ុន ហៃ អនុប្រធាន, អ្នកឧកញ៉ា ចាប ហុងលី អនុប្រធាន, អ្នកឧកញ៉ា ចាន់ សុទ្ធា ទីប្រឹក្សាបច្ចេកទេស, ឧកញ៉ា តាន់ មុនីវណ្ណ ទីប្រឹក្សាបច្ចេកទេស, លោកជំទាវឧកញ៉ា សុខ ចិន្ថា អនុប្រធាន រួមទាំងអ្នកឧកញ៉ា ឧកញ៉ា សមាជិក សមាជិកា នៃសមាគមអ្នកអភិវឌ្ឍន៍លំនៅឋានកម្ពុជា និង​ម្ចាស់បុរី​ជា​ច្រើន​​នាក់​ទៀត។

​គួរបញ្ជាក់ថា វិស័យ​​អចលនទ្រព្យ និង​វិស័យសំណង់​នៅកម្ពុជា បាន​រង​នូវ​ផលប៉ះពាល់​ ​ដោយសារ​​បញ្ហា​វិបត្តិ​សេដ្ឋកិច្ច និង​បញ្ហាសកល​នៃ​សង្គ្រាម​នៅ​បណ្តា​ប្រទេស​មួយ​ចំនួន។ ក្នុងសន្និបាតប្រចាំឆ្នាំ​របស់​សមាគមអ្នក​អភិវឌ្ឍន៍លំនៅឋានកម្ពុជា កាលថ្ងៃទី​០២ ខែមេសា ឆ្នាំ២០២៤ អ្នកឧកញ៉ា លី ហួរ បាន​លើកឡើង​ថា បញ្ហាសេដ្ឋកិច្ច​ធ្លាក់ចុះ​ជាសកល ​​បាន​ជះឥទ្ធិពលយ៉ាងខ្លាំង​ដល់​សេដ្ឋកិច្ច​កម្ពុជា​ទាំង​មូល ជាពិសេស​លើ​វិស័យ​អចលនទ្រព្យ ​ខណៈ​ដែល​បច្ចុប្បន្ន​នេះ​ គម្រោង​បុរី និងខុនដូ ការលក់​មាន​ការ​ធ្លាក់​ចុះ​យ៉ាង​ខ្លាំង។

ឧបនាយករដ្ឋមន្ដ្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ ក្នុងនាម​ជា​ប្រធានស្ថាប័ន​​ដែលជា​អាណាព្យា​បាល ធ្លាប់បាន​ថ្លែងថា កង្វល់របស់សមាគម ក៏ជាកង្វល់​របស់​ក្រសួងដូចគ្នា​ ដូច្នេះ​ក្រសួងនិងសមាគម​យកឱកាសនេះ ដើម្បីស្វែងរក​យុទ្ធសាស្ដ្ររួម សម្រាប់ដើរទៅមុខ​ទាំងអស់គ្នា ដោយពួតដៃគ្នាឈរលើវិថីមួយដ៏ត្រឹមត្រូវ ដើម្បីកុំឱ្យមានការលំបាក​ទៅថ្ងៃ​ខាងមុខទៀត ពិសេសការ​ខាតបង់ទាំងពេលវេលា និងថវិកា៕

The post លោកអ្នកឧកញ៉ា លី ហួរ ដឹកនាំកិច្ចប្រជុំពិភាក្សាពីបញ្ហាប្រឈមលើវិស័យសំណង់នៅកម្ពុជា appeared first on .

អ្នកឧកញ៉ា តុល លន ​​ត្រូវ​បាន​គេ​ស្គាល់​​ថា ជា​​ស្ថាបនិក​ បុរី លន ស៊ីធី ​​​​ដែល​ជា​គម្រោង​អភិវឌ្ឍន៍​លំនៅឋាន​​ដ៏​ធំ​មួយ​ នៅ​​ស្រុកព្រៃនប់ ខេត្ត​ព្រះសីហនុ លើ​ផ្ទៃ​ដី ៦៦ហិកតា ក្រោម​ទុន​វិនិយោគ​​​​​រហូត​ដល់​ជាង ១០០​លាន​ដុល្លារ​អាមេរិក។ លោកត្រូវបានព្រះមហាក្សត្រ ត្រាស់បង្គាប់​ផ្តល់គោរមងារ​ជា «អ្នកឧកញ៉ា» កាលពី​ថ្ងៃទី១៨ ខែសីហា ឆ្នាំ២០២៣។

​សមាគមអ្នកអភិវឌ្ឍន៍លំនៅឋានកម្ពុជា បង្កើត​ឡើង​នៅ​ថ្ងៃទី១៣ ខែវិច្ឆិកា ឆ្នាំ២០១៥ ក្នុងគោលបំណង ដើម្បីពង្រឹងគុណភាពបុរី និងផ្ទះល្វែងឡើងវិញ ព្រមទាំងជំរុញ​ឱ្យសមាជិក​របស់​ខ្លួន សាងសង់ផ្ទះ សំណង់អគារ ដែលមានចរិតលក្ខណៈបែបរចនាបទខ្មែរ ព្រមទាំងផ្តល់ព័ត៌មានចាំបាច់ជុំវិញ ការរកស៊ីខុសច្បាប់ របស់ក្រុមហ៊ុនខ្លះ ដែលឆ្មក់​ឱកាសឆរបោកពលរដ្ឋ និងជួយជំរុញ​ឱ្យមានការប្រកួត​ប្រជែកគ្នា​ផ្នែកតម្លៃនិងសេវាកម្ម ដែលជាប្រយោជន៍ ដើម្បីអតិថិជនទទួលព័ត៌មានច្រើនជាងមុន និងមានជម្រើសល្អច្រើន​ជាងមុន។ លើសពីនេះ សមាគម ក៏នឹង មានការផ្សព្វផ្សាយជុំវិញវិស័យលំនៅឋានឱ្យទូលំទូលាយ ដោះដូរ​បទពិសោធ​រវាងសមាជិក ព្រមទាំងចូលរួម ដោះស្រាយបញ្ហាផ្លូវច្បាប់នានាជូនអ្នកទិញរបស់ខ្លួន ឱ្យបានច្រើន​ជាងមុន​ផងដែរ៕

The post អ្នកឧកញ៉ា លី ហួរ តែងតាំងអ្នកឧកញ៉ា តុល លន ជាអនុប្រធានសមាគមអ្នកអភិវឌ្ឍន៍លំនៅឋានកម្ពុជា appeared first on .

សំណើ​ខាង​លើ​នេះ​ បាន​ធ្វើ​ឡើង​ក្នុង​ឱកាស​ដែល​​សមាគមអ្នកអភិវឌ្ឍន៍លំនៅឋានកម្ពុជា និងក្រសួង​រៀបចំ​ដែនដី នគរូបនីយកម្ម និងសំណង់ បានរៀបចំកិច្ចប្រជុំបន្ទាន់​មួយ​ ​កាលពី​ថ្ងៃទី២៣ ខែតុលា ឆ្នាំ២០២៣ ដើម្បី​ ពិភាក្សាលើស្ថានភាពវិស័យសំណង់ និង​​វិស័យ​អចលនទ្រព្យជា​រួម​នៅកម្ពុជា ដែលកំពុងជួបបញ្ហាប្រឈម​បច្ចុប្បន្ន។

ក្នុង​កិច្ចប្រជុំ​​នេះ​ ​តំណាង​សមាគមអ្នកអភិវឌ្ឍន៍​លំនៅឋាន​កម្ពុជា បាន​ស្នើ​សុំ​ដល់លោក​ឧបនាយក​រដ្ឋមន្រ្តី សាយ សំអាល់ រដ្ឋមន្ត្រី​ក្រសួង​រៀបចំ​ដែនដី នគរូបនីយកម្ម និងសំណង់ ​នូវ​២​ចំណុច​សំខាន់​ដូច​ខាង​ក្រោម៖

១.ការស្វែងរកហិរញ្ញប្បទានជួយគាំទ្រ និងទ្រទ្រង់ដល់វិស័យសំណង់នៅកម្ពុជា។
២.អំពីទិដ្ឋភាពច្បាប់ដើម្បីអនុញ្ញាតឱ្យ​ជនបរទេសមានសិទ្ធិស្របច្បាប់ក្នុងការទិញលំនៅឋាន និងដី​នៅក្នុង​គម្រោង​បុរី។

ជាការអំពាវនាវរបស់សមាគមអ្នកអភិវឌ្ឍន៍​លំនៅឋាន​កម្ពុជា សូមប្រមុខរដ្ឋាភិបាលមេត្តាជួយអន្តរាគមន៍ ដើម្បី​កុំ​ ឱ្យ​វិស័អចនទ្រព្យនេះ​ធ្លាក់​កាន់​តែ​ដុនដាបជាង​នេះ​ទៀត និង​សង្ឃឹមយ៉ាងមុតមាំ​ថាប្រមុខរដ្ឋាភិបាល​ នឹងយក​សំណើ​ទាំង២ចំណុចខាងលើ ទៅធ្វើការជាមួយអន្តរក្រសួងដើម្បីចេញវិធានការ ឬគោលនយោបាយបន្ទាន់ ដើម្បី​ស្តាស្ថានភាពវិស័យំយយនេះ។

សេដ្ឋកិច្ចរបស់កម្ពុជា​បានរងការ​ខូច​ខាត​ធ្ងន់ធ្ងរពីសំណាក់​ជំងឺរាតត្បាតកូវីដ-១៩ ដែល​​ធ្វើ​ឱ្យ​ផលិតផ​លក្នុងស្រុ​ក​សរុបបានធ្លាក់ចុះដក ៣,១ ភាគរយ ក្នុងឆ្នាំ២០២០។ បើទោះជា​សេដ្ឋកិច្ចបានងើបឡើងវិញ​បណ្តើរៗ​ចាប់ពី​ឆ្នាំ២០២១ រហូតដល់ឆ្នាំ២០២៣នេះមែនក្តី ប៉ុន្តែ​​អ្នកជំនាញ​នៅ​តែ​យល់​ថា វិស័យ​អចលនទ្រព្យ និង​វិស័យ​សំណង់ នៅ​រង​ផល​ប៉ះពាល់​ខ្លាំង ដែល​កត្តា​ទាំង​នេះ​ទាមទារ​ឱ្យ​​មាន​ការ​អន្តរាគមន៍​ពី​រដ្ឋាភិបាល​ ដើម្បី​ជួយ​ដល់​វិស័យ​នេះ​ឱ្យ​​ងើប​ឡើង​វិញ។

សូមជម្រាបជូនផងដែរ​ថា ក្នុង​ក្របខ័ណ្ឌច្បាប់​កម្ពុជា​បច្ចុប្បន្ន​ ជនបរទេស​ពុំ​​មានសិទ្ធិស្របច្បាប់​ក្នុងការទិញ​លំនៅឋាន និងដីធ្លី​នោះ​ទេ ហើយមាន​តែ​​រូបវន្តបុគ្គល ឬ​នីតិបុគ្គលដែលមានសញ្ជាតិខ្មែរប៉ុណ្ណោះ ទើបមាន​សិទ្ធិ​ជាម្ចាស់​កម្មសិទ្ធិលើដីធ្លី។ យ៉ាងណាក្តី ក្នុង​ការអនុវត្តជាក់ស្តែង​ ជនបរទេស​អាច​ទិញ​លំនៅឋាន និង​ដីធ្លី​នៅ​កម្ពុជា​បាន ​តាម​រយៈ​វិធីសាស្ត្រ ៤​យ៉ាង​​ដូចជា៖ ១)តាមរយៈ​តំណាង​ជាជនជាតិខ្មែរ ២)តាមរយៈក្រុមហ៊ុន​សាជីវកម្មដែលមាន​ម្ចាស់​ខ្មែរ​យ៉ាងហោច ៥១% ឬហៅថា Land Holding Company, ៣)ទិញតាមរយៈ​ក្រុមហ៊ុនបរធនបាល ឬ Trusty Company និង​ ៤)ការចូលសញ្ញាតិខ្មែរ៕

The post អ្នកឧកញ៉ា ម្ចាស់បុរីធំៗច្រើនរូប ស្នើសុំដល់រាជរដ្ឋាភិបាលឱ្យជួយលើ ២ចំណុចសំខាន់ appeared first on .

កិច្ចប្រជុំនេះ​ មានវត្តមាន​អ្នកឧកញ៉ា ឧកញ៉ា ជា​ម្ចាស់បុរី​ធំៗ​​ដូចជា អ្នកឧកញ៉ា លី ហួរ ប្រធានសមាគមអ្នក​អភិវឌ្ឍន៍​លំនៅឋាន​កម្ពុជា និង​ជា​​ម្ចាស់បុរី វិមានភ្នំពេញ, អ្នកឧកញ៉ា លាង ឃុន ម្ចាស់បុរី​ ជីប ម៉ុង លែន,​ អ្នកឧកញ៉ា ថៃ ជាហួត ម្ចាស់​បុរី ប៉េង ហួត, អ្នកឧកញ៉ា ជាម ឃុនណាត ម្ចាស់​បុរី មេគង្គលែន, អ្នកឧកញ៉ា​ សៀ ឫទ្ធី ប្រធានក្រុមប្រឹក្សាភិបាលនៃក្រុមហ៊ុន វើលដ៏ប្រ៊ីដ គ្រុប ព្រម​ទាំង​អនុប្រធាន សមាជិក​នៃសមាគម​អ្នកអភិវឌ្ឍន៍​លំនៅឋាន​កម្ពុជា​ជា​ច្រើន​រូប​ទៀត។

វិស័យអចលនទ្រព្យ គឺជាវិស័យដែលធំ និងចាំបាច់របស់កម្ពុជា ដែលទាក់ទងដល់សន្តិសុខ នយោបាយ និង​សុវត្ថិភាពរបស់ប្រទេស។ ដូច្នេះ​កិច្ចប្រជុំ​រវាង​ស្ថាប័នរដ្ឋ​និង​ឯកជន​នេះ​ គឺ​ជាការ​​រួមគ្នា​គិតដោះស្រាយ ដើម្បី​ផ្តល់​សុវត្ថិភាព និងការពារវិស័យនេះ សំដៅឈានទៅសម្រេចឱ្យបាន​នូវគោលនយោបាយ​លំនៅឋានសមរម្យ​ជូន​ប្រជាពលរដ្ឋកម្ពុជា។

ជាលទ្ធផល​នៃ​កិច្ចប្រជុំ​នេះ លោក​ឧបនាយករដ្ឋមន្ត្រី សាយ សំអាល់ បានលើកពីវិធានការចាំបាច់មួយចំនួន ដើម្បី​កែលម្អ និងលើកស្ទួយវិស័យអចលនទ្រព្យ ដូចជា៖ ១.ពិភាក្សាលើការជួលអចិន្ត្រៃយ៍សម្រាប់ជនបរទេស, ២.ពិនិត្យ និងស្នើធនាគារជាតិ ពិចារណាឡើងវិញ លើការផ្ដល់លំហូរសាច់ប្រាក់ និងការអនុវត្តការប្រាក់, ៣.ស្វែង​រកវិធីកៀរគរទុនវិនិយោគពីបរទេស, ៤.បើកទំព័រសករាជថ្មី ជាដៃគូយុទ្ធសាស្រ្តរួមគ្នារវាងក្រសួង និង​អ្នកអភិវឌ្ឍន៍ ដើម្បីជជែកពិភាក្សា និងដាក់ចេញនូវវិធានការនានា ដើម្បីទ្រទ្រង់វិស័យអចលនទ្រព្យ។

សមាគមអ្នកអភិវឌ្ឍន៍លំនៅឋានកម្ពុជា បង្កើតឡើងក្នុងគោលបំណង ដើម្បីពង្រឹង គុណភាពបុរីនិងផ្ទះល្វែង​ឡើងវិញ ព្រមទាំងជំរុញឱ្យសមាជិករបស់ខ្លួន សាងសង់ផ្ទះ សំណង់អគារ ដែលមាន ចរិតលក្ខណៈបែបរចនាបទ​ខ្មែរ ព្រមទាំងផ្តល់ព័ត៌មានចាំបាច់ជុំវិញ ការរកស៊ីខុសច្បាប់របស់ក្រុមហ៊ុនខ្លះ ដែលឆ្មក់ឱកាសឆរបោកពលរដ្ឋ និងជួយជំរុញឱ្យមានការប្រកួតប្រជែកគ្នាផ្នែកតម្លៃ និងសេវាកម្ម ដែលជាប្រយោជន៍ ដើម្បីអតិថិជនទទួល​ព័ត៌មាន​ច្រើនជាងមុន និងមានជម្រើសល្អច្រើនជាងមុន។ លើសពីនេះ សមាគម ក៏នឹង មានការផ្សព្វផ្សាយ​ជុំវិញ​វិស័យលំនៅឋានឱ្យទូលំទូលាយ ដោះដូរបទពិសោធរវាងសមាជិក ព្រមទាំងចូលរួម ដោះស្រាយបញ្ហាផ្លូវច្បាប់​នានា ជូនអ្នកទិញរបស់ខ្លួនឱ្យបានច្រើនជាងមុន៕

The post អ្នកឧកញ៉ា លី ហួរ និងឧកញ៉ាម្ចាស់បុរីច្រើនរូប ចូលរួមកិច្ចប្រជុំជាមួយរដ្ឋមន្ត្រីក្រសួងរៀបចំដែនដី appeared first on .

ក្រោយចាប់ផ្ដើមបង្កើតឡើង សមាគមនេះ ទទួលបានការគាំទ្រយ៉ាងខ្លាំង ពីសំណាក់ក្រុមហ៊ុនអ្នកវិនិយោគ វិស័យអភិវឌ្ឍន៍លំនៅឋាន ដោយសមាគម ទទួលបានសមាជិកដំបូងជាផ្លូវការចំនួន ៣២ក្រុមហ៊ុន ដើម្បី ទ្រទ្រង់សមាគមឱ្យមានសកម្មភាព រហូតមកដល់បច្ចុប្បន្ននេះ។

សមាគមអ្នកអភិវឌ្ឍន៍លំនៅឋានកម្ពុជា បានរៀបចំរចនាសម្ព័ន្ធគ្រប់គ្រង ដោយមានប្រធាន១រូប អនុប្រធាន ១០រូប ក្រុមអគ្គលេខាធិការដ្ឋាន៥ រូប មេធាវី ១រូប ទីប្រឹក្សាសមាគម២រូប ជំនួយការប្រធានសមាគម ១រូប និងមានគណៈកម្មាការទទួលបន្ទុកតាមវិស័យនីមួយៗ ដូចជា៖ គណៈកម្មការទំនាក់ទំនងជាតិ និងអន្តរជាតិ គណៈកម្មការគ្រប់គ្រងហិរញ្ញវត្ថុ និងគណៈកម្មការបណ្តុះបណ្តាល និងស្រាវជ្រាវ។

ថ្ងៃនេះ គេហទំព័រឧកញ៉ាញូស៍ សូមបង្ហាញឱ្យដឹងពី សមាសភាពដឹកនាំក្នុងសមាគមនេះ មានងារជាអ្នកឧកញ៉ា និងឧកញ៉ា។ តាមរយៈការបង្ហាញពីសមាគមអ្នកអភិវឌ្ឍន៍លំនៅឋានកម្ពុជា កាលពីឆ្នាំ២០១៦ សមាគមនេះ មានសមាសភាព អ្នកឧកញ៉ា និងឧកញ៉ា ដូចខាងក្រោម៖

១. អ្នកឧកញ៉ា លី ហួរ អគ្គនាយក ក្រុមហ៊ុន លី ហួរ គ្រុប ជាប្រធានសមាគមអ្នកអភិវឌ្ឍន៍ឋាននៅកម្ពុជា
២. អ្នកឧកញ៉ា ហុង ពីវ អគ្គនាយក ក្រុមហ៊ុន ពិភពថ្មី គ្រុប ជាអនុប្រធាន
៣. អ្នកឧកញ៉ា ថៃ ជាហួត អគ្គនាយក ក្រុមហ៊ុន បុរីប៉េង ហួត គ្រុប ជាអនុប្រធាន
៤. អ្នកឧកញ៉ា លាង ម៉េង អគ្គនាយក គ្រុបហ៊ុន ជីប ម៉ុង គ្រុប ជាអនុប្រធាន
៥. អ្នកឧកញ៉ា ជាម ឃុនណាត អគ្គនាយក ក្រុមហ៊ុន មេគង្គភ្នំពេញ ឌីវីឡុបមេន ជាអនុប្រធាន
៦. អ្នកឧកញ៉ា តេង ហឿង អគ្គនាយក ក្រុមហ៊ុន បុរី អ័រគីដេវីឡា ខូអិលធីឌី ជាអនុប្រធាន
៧. លោកជំទាវឧកញ៉ា កែវ ម៉ាលី អគ្គនាយិកា ក្រុមហ៊ុន ខុនដូ វិមាន កែវចរណៃ ជាអនុប្រធាន (បានទទួលមរណភាពហើយកាលពី ថ្ងៃទី១៤ ខែតុលា ឆ្នាំ២០២០)
៨. អ្នកឧកញ៉ា លី សេងឃាង អគ្គនាយក ក្រុមហ៊ុន ប៊ីអេស លែន& ហូម ខូអិលធីឌី ជាអនុប្រធាន
៩. ឧកញ៉ា លាង សាំង អគ្គនាយក ក្រុមហ៊ុន អេស អ៊ិល ហាយ តិច ខូអិលធីឌី ជាអនុប្រធាន
១០. ឧកញ៉ា តាំង គួង អគ្គនាយក ក្រុមហ៊ុន តាំង គួង គ្រុប ជាអនុប្រធាន
១១. អ្នកឧកញ៉ា ប៊ុន ហៃ អគ្គនាយក ក្រុមហ៊ុន បុរីភ្នំពេញថ្មី ខូអិលធីឌី ជាសមាជិក
១២. ឧកញ៉ា ថៃ ឈុនគ្រី អគ្គនាយក ក្រុមហ៊ុន ថៃ ឈុនគ្រី អាហរ័ណ ជាសមាជិក
១៣. ឧកញ៉ា ព្រំ សុធី អគ្គនាយក អង្គ ខនធីណឹន គ្រុប ខូអិលធីឌី ជាសមាជិក
១៤. ឧកញ៉ា លីម ឈាងហាក់ អគ្គនាយក លីម ឈាងហាក់ ខូអិលធីឌី ជាសមាជិក
១៥. ឧកញ៉ា គង់ ប៊ុនហាវ អគ្គនាយក បុរី វីឡាទួលសង្កែ ជាសមាជិក។

សូមជម្រាបជូនផងដែរថា សមាគមអ្នកអភិវឌ្ឍន៍លំនៅឋានកម្ពុជា បង្កើតឡើងក្នុងគោលបំណង ដើម្បី ពង្រឹង គុណភាពបុរីនិងផ្ទះល្វែងឡើងវិញ ព្រមទាំងជំរុញឱ្យសមាជិករបស់ខ្លួន សាងសង់ផ្ទះ សំណង់អគារ ដែលមាន ចរិតលក្ខណៈបែបរចនាបទខ្មែរ ព្រមទាំងផ្តល់ព័ត៌មានចាំបាច់ជុំវិញ ការរកស៊ីខុសច្បាប់ របស់ក្រុមហ៊ុនខ្លះ ដែល ឆ្មក់ ឱកាសឆរបោកពលរដ្ឋ និងជួយជំរុញឱ្យមានការប្រកួតប្រជែកគ្នាផ្នែកតម្លៃនិងសេវាកម្ម ដែលជាប្រយោជន៍ ដើម្បីអតិថិជនទទួលព័ត៌មានច្រើនជាងមុន និងមានជម្រើសល្អច្រើនជាងមុន។ លើសពីនេះ សមាគម ក៏នឹង មានការផ្សព្វផ្សាយជុំវិញវិស័យលំនៅឋានឱ្យទូលំទូលាយ ដោះដូរបទពិសោធរវាងសមាជិក ព្រមទាំងចូលរួម ដោះស្រាយបញ្ហាផ្លូវច្បាប់នានាជូនអ្នកទិញរបស់ខ្លួន ឱ្យបានច្រើនជាងមុនផងដែរ៕

អត្ថបទ៖ សុកធា

The post តើសមាគមអ្នកអភិវឌ្ឍន៍លំនៅឋានកម្ពុជា បង្កើតឡើងដំបូង មានអ្នកឧកញ៉ា ឧកញ៉ា ប៉ុន្មានរូប? appeared first on .

កិច្ចប្រជុំនេះ បានធ្វើឡើងតាមរយៈប្រព័ន្ធអនឡាញ (Zoom) ដោយមានក្រុមហ៊ុនអភិវឌ្ឍលំនៅឋានជាសមាជិក-សមាជិការបស់សមាគមអ្នកអភិវឌ្ឍន៍លំនៅឋានកម្ពុជាជាង ៤០ ក្រុមហ៊ុន និងមន្ដ្រីបច្ចេកទេស សហការី របស់និយ័តករបរធនបាលកិច្ច(ន.ប.ធ) ផងដែរ។

បើតាមសមាគមអ្នកអភិវឌ្ឍន៍លំនៅឋានកម្ពុជា បានអោយដឹងថា ក្រៅពីបង្ហាញពីតួនាទីរបស់និយ័តករបរ​ធនបាលកិច្ច (ន.ប.ធ) កិច្ចប្រជុំក៏បានសម្រេច ឲ្យអ្នកវិនិយោគលើវិស័យសំណង់ និងអចលនទ្រព្យយល់ច្បាស់ពី «បរធន​បាលកិច្ច» និងពិនិត្យលទ្ធភាពក្នុងការបង្កើតកិច្ចសហប្រតិបត្តិការរវាងនិយ័តករបរធនបាលកិច្ច (ន.ប.ធ) និងសមាគមអ្នកអភិវឌ្ឍន៍លំនៅឋានកម្ពុជា (ស.អ.ល.ក)ជាដើម។

ជាមួយគ្នានេះ កិច្ចប្រជុំក៏បានពិភាក្សាស្វែងយល់បន្ថែមពីដំណើរការអនុវត្តរបស់វិស័យបរធនបាលកិច្ច ដើម្បី​ទាញរកផលចំណេញដល់ដំណើរការអភិវឌ្ឍន៍វិស័យសំណង់ បុរី លំនៅឋាន និងខុនដូរកាន់តែមានកំណើនបន្ថែមទៀតផងដែរ៕

The post សមាគមអ្នកអភិវឌ្ឍន៍លំនៅឋានកម្ពុជា និងនិយ័ត​ករបរធនបាលកិច្ច ឯកភាពគ្នាបន្ដលើកកម្ពស់ការអភិវឌ្ឍន៍វិស័យសំណង់ បុរីលំនៅឋាន និងខុនដូរ appeared first on .