ជំនួបនេះផ្តោតលើការពង្រឹងទំនាក់ទំនងធុរកិច្ច និងការផ្លាស់ប្តូរទស្សនៈរវាងភាគីពាក់ព័ន្ធ ព្រមទាំងការពង្រីកបណ្តាញទំនាក់ទំនងរវាងវិស័យឯកជន និងស្វែងរកឱកាសក្នុងការទាក់ទាញវិនិយោគិនពីខេត្តហ្វូជៀន ឱ្យមកសិក្សា និងស្វែងរកលទ្ធភាពបណ្តាក់ទុននៅកម្ពុជា។

ការជួបជុំក្នុងបរិយាកាសធុរកិច្ចនេះ បានផ្តល់ឱកាសដល់ភាគីទាំងពីរ ក្នុងការផ្លាស់ប្តូរព័ត៌មាន និងស្វែងយល់កាន់តែច្បាស់អំពីសក្តានុពល និងឱកាសវិនិយោគនៅកម្ពុជា ព្រមទាំងបង្កើតទំនាក់ទំនងជាមួយសហគ្រាស និងដៃគូអាជីវកម្មដែលមានសក្តានុពលនៅខេត្តហ្វូជៀន។ ក្នុងន័យនេះ ការតភ្ជាប់ដោយផ្ទាល់រវាងវិស័យឯកជននៃប្រទេសទាំងពីរ អាចជាមូលដ្ឋានសម្រាប់ការពង្រីកកិច្ចសហប្រតិបត្តិការ និងការស្វែងរកឱកាសធុរកិច្ចថ្មីៗនៅពេលអនាគត។

សូមបញ្ជាក់ថា Xiamen Hongda Taxation Service Limited ជាក្រុមហ៊ុនផ្តល់សេវាកម្មពន្ធដារ និងសវនកម្មមួយនៅប្រទេសចិន ហើយបានដើរតួនាទីជាម្ចាស់ផ្ទះក្នុងការរៀបចំ ពន្លាកម្ពុជា (Cambodia’s Pavilion) និងសិក្ខាសាលាតុមូល ក្នុងក្របខ័ណ្ឌ ពិព័រណ៍អន្តរជាតិចិនសម្រាប់ការវិនិយោគ និងពាណិជ្ជកម្ម (CIFIT) លើកទី២៦។

ការចូលរួមរបស់សមាគមឧកញ៉ាកម្ពុជា ក្នុងជំនួបនេះ បានឆ្លុះបញ្ចាំងពីតួនាទីរបស់សមាគមក្នុងការពង្រឹងបណ្តាញទំនាក់ទំនងអន្តរជាតិ និងបង្កើតវេទិកាតភ្ជាប់សមាជិកជាមួយដៃគូធុរកិច្ច និងវិនិយោគិនអន្តរជាតិ។ ជាមួយគ្នានេះ សមាគមនឹងបន្តជំរុញការតភ្ជាប់ធុរកិច្ច និងការផ្លាស់ប្តូរឱកាសវិនិយោគ ដើម្បីរួមចំណែកទាក់ទាញលំហូរវិនិយោគ និងពង្រឹងភាពជាដៃគូសេដ្ឋកិច្ចរវាងកម្ពុជា និងចិន។

The post សមាគមឧកញ៉ាកម្ពុជា អមដំណើរគណៈប្រតិភូរាជរដ្ឋាភិបាល ក្នុងជំនួបអាហារថ្ងៃត្រង់ធុរកិច្ចជាមួយក្រុមហ៊ុន Xiamen Hongda ដើម្បីពង្រឹងការតភ្ជាប់ធុរកិច្ច និងជំរុញការវិនិយោគពីខេត្តហ្វូជៀនមកកម្ពុជា appeared first on .

ទស្សនកិច្ចនេះ បានផ្តល់ឱកាសដល់គណៈប្រតិភូសមាគមឧកញ៉ាកម្ពុជា ស្វែងយល់កាន់តែស៊ីជម្រៅអំពីសកម្មភាពអាជីវកម្ម យុទ្ធសាស្ត្រអភិវឌ្ឍផលិតផល បច្ចេកវិទ្យា និងទិសដៅពង្រីកទីផ្សាររបស់ 361° Group ព្រមទាំងពិភាក្សាអំពីសក្តានុពលនៃកិច្ចសហប្រតិបត្តិការ និងការតភ្ជាប់ធុរកិច្ចរវាងវិស័យឯកជនកម្ពុជា និងក្រុមហ៊ុនចិន។

សូមបញ្ជាក់ថា 361° គឺជាម៉ាកកីឡាចិនដែលបានចូលរួមយ៉ាងសកម្មក្នុងប្រព័ន្ធកីឡាអន្តរជាតិ និងបានពង្រីកវត្តមានអាជីវកម្មទៅកាន់ទីផ្សារក្រៅប្រទេសជាបន្តបន្ទាប់។ តាមរបាយការណ៍របស់ក្រុមហ៊ុន គិតត្រឹមថ្ងៃទី៣០ ខែមិថុនា ឆ្នាំ២០២៦ ក្រុមហ៊ុន 361° មានបណ្តាញលក់នៅក្រៅប្រទេសចំនួន ១,១៦៧កន្លែង ហើយកំពុងបន្តពង្រីកទីផ្សារអន្តរជាតិ។

ក្រុមហ៊ុនក៏បានពង្រីកហាង Super Premium របស់ខ្លួនមកកាន់ប្រទេសកម្ពុជាដោយបង្ហាញពីការកើនឡើងនៃវត្តមានម៉ាកល្បីៗនៅក្នុងទីផ្សារកម្ពុជា។

ក្នុងបរិបទនៃទំនាក់ទំនងសេដ្ឋកិច្ចកម្ពុជា–ចិន ការបំពេញទស្សនកិច្ចនេះ មានសារៈសំខាន់ក្នុងការបង្កើតវេទិកាសម្រាប់ការផ្លាស់ប្តូរទស្សនៈ បទពិសោធន៍ និងព័ត៌មានអាជីវកម្ម ព្រមទាំងស្វែងរកលទ្ធភាពពង្រីកភាពជាដៃគូក្នុងវិស័យពាណិជ្ជកម្ម កីឡា ផលិតកម្ម ចែកចាយ និងការវិនិយោគ។

ការតភ្ជាប់ដោយផ្ទាល់ជាមួយក្រុមហ៊ុនធំៗនៅប្រទេសចិន ក៏អាចបង្កើតឱកាសថ្មីសម្រាប់សមាជិកសមាគម ក្នុងការស្វែងរកដៃគូអាជីវកម្ម និងបង្កើនការចូលរួមនៅក្នុងខ្សែច្រវាក់តម្លៃ និងទីផ្សារអន្តរជាតិ។

ជាមួយគ្នានេះ វត្តមានរបស់សមាគមឧកញ៉ាកម្ពុជា នៅក្នុងបេសកកម្មពាណិជ្ជកម្ម និងវិនិយោគនៅប្រទេសចិន បានឆ្លុះបញ្ចាំងពីការប្តេជ្ញាចិត្តរបស់សមាគមក្នុងការពង្រឹងបណ្តាញទំនាក់ទំនងអន្តរជាតិ ជំរុញការតភ្ជាប់រវាងវិស័យឯកជន និងបង្កើតឱកាសធុរកិច្ច និងវិនិយោគថ្មីៗជូនដល់សមាជិក ស្របតាមទិសដៅរបស់សមាគមក្នុងការលើកកម្ពស់ភាពជាដៃគូ និងការរួមចំណែករបស់វិស័យឯកជនកម្ពុជា។

សមាគមឧកញ៉ាកម្ពុជា នឹងបន្តប្រើប្រាស់វេទិកាអន្តរជាតិ និងបេសកកម្មពាណិជ្ជកម្ម វិនិយោគ ដើម្បីពង្រីកការតភ្ជាប់ជាមួយសហគ្រាស និងដៃគូអន្តរជាតិ ជាពិសេសក្នុងទីផ្សារដែលមានសក្តានុពល ដើម្បីបង្កើតឱកាសសហប្រតិបត្តិការដែលមានតម្លៃជាក់ស្តែង និងរួមចំណែកជំរុញការវិនិយោគ និងការរីកចម្រើនរបស់វិស័យឯកជនកម្ពុជា។

The post គណៈប្រតិភូសមាគមឧកញ៉ាកម្ពុជា បំពេញទស្សនកិច្ចនៅស្នាក់ការកណ្តាលក្រុមហ៊ុន 361° Group ក្នុងទីក្រុងសៀមិន ដើម្បីពង្រឹងការតភ្ជាប់ធុរកិច្ច និងស្វែងរកឱកាសសហប្រតិបត្តិការថ្មី appeared first on .

យោងលិខិតអញ្ជើញរបស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងការណែនាំពី លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា អ្នកឧកញ៉ា លាង ម៉េង អនុប្រធានទទួល បន្ទុកការងារសមាគមខែកញ្ញា បានចាត់តាំង អ្នកឧកញ៉ា គួន ធីតា អនុប្រធានសមាគម និងជាប្រធានគណៈកម្មការសុខាភិបាល និងឱសថ និងជាប្រធានអនុគណៈកម្មការទំនាក់ទំនង និងធុរកិច្ច ឱ្យដឹកនាំគណៈប្រតិភូសមាគមឧកញ៉ាកម្ពុជា ដើម្បីអមដំណើរ ឯកឧត្តមឧបនាយករដ្ឋមន្ត្រី ចូលរួម «ពិព័រណ៍អន្តរជាតិចិនសម្រាប់ការវិនិយោគ និងពាណិជ្ជកម្មលើកទី២៦» នៅទីក្រុងសៀមិន និង «វេទិកាវិនិយោគកម្ពុជា» នៅទីក្រុងស៊ិនជិន ក្នុងបេសកកម្មទាក់ទាញ និងជំរុញវិនិយោគនៅសាធារណរដ្ឋប្រជាមានិតចិន ចាប់ពីថ្ងៃទី៦ ដល់ថ្ងៃទី១៣ ខែកញ្ញា ឆ្នាំ២០២៦។

សមាជិកគណៈប្រតិភូសមាគមឧកញ៉ាកម្ពុជា រួមមាន៖ អ្នកឧកញ៉ា អ៊ឹង លីហេង, ឧកញ៉ាបណ្ឌិត ត្រាំង លី, ឧកញ៉ា សូ សុខប៊ុនលីម, អ្នកឧកញ៉ា លី សុភាព, អ្នកឧកញ៉ា សួរ វីរៈ, ឧកញ៉ា លីវ ឃុងថៃ, ឧកញ៉ា សុខ បញ្ញារិទ្ធ និង លោក ខេន ញ៉ន។

ក្នុងបេសកកម្មនេះ គណៈប្រតិភូនឹងអមដំណើរ ឯកឧត្តមឧបនាយករដ្ឋមន្ត្រី ក្នុងជំនួបជាមួយថ្នាក់ដឹកនាំខេត្តហ៊្វូជៀន និងតំណាងក្រុមហ៊ុនធំៗ ដើម្បីពង្រឹងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ព្រមទាំងកសាងទំនុកចិត្តជាមួយសហគមន៍ធុរកិច្ចបរទេស។

The post គណៈប្រតិភូសមាគមឧកញ៉ាកម្ពុជា ចូលរួមអមដំណើរ ឧបនាយករដ្ឋមន្ត្រី ស៊ុន ចាន់ថុល ចូលរួម «ពិព័រណ៍អន្តរជាតិចិនសម្រាប់ការវិនិយោគ និងពាណិជ្ជកម្មលើកទី២៦» និង «វេទិកាវិនិយោគកម្ពុជា» នៅសាធារណរដ្ឋប្រជាមានិតចិន appeared first on .

ពិធីនេះប្រព្រឹត្តទៅក្រោមអធិបតីភាពរបស់ លោកអ្នកឧកញ៉ា លី យ៉ុងផាត់ ប្រធានសមាគមឧកញ៉ាកម្ពុជា ដោយមានការអញ្ជើញចូលរួមពីលោកអ្នកឧកញ៉ា អ្នកឧកញ៉ា និងឧកញ៉ា ជាអនុប្រធាន សមាជិកក្រុមប្រឹក្សាភិបាល និងសមាជិកសមាគម ព្រមទាំងថ្នាក់ដឹកនាំ និងតំណាងក្រុមហ៊ុនទាំង ១០។ ក្នុងឱកាសនេះ លោកអ្នកឧកញ៉ាប្រធានបានចាត់តាំងអ្នកឧកញ៉ា គួន ធីតា អនុប្រធានសមាគមទទួលបន្ទុកប្រចាំខែសីហា និងជាប្រធានគណៈកម្មការសុខាភិបាល និងឱសថ ធ្វើជាតំណាងសមាគមក្នុងការចុះហត្ថលេខាលើអនុស្សរណៈនៃការយោគយល់គ្នាជាមួយក្រុមហ៊ុនទាំង ១០។

ថ្លែងក្នុងឱកាសដ៏មានសារៈសំខាន់នេះ លោកអ្នកឧកញ៉ា លី យ៉ុងផាត់ បានមានប្រសាសន៍ថា ការចុះអនុស្សរណៈនៃការយោគយល់គ្នានេះ គឺជាជំហានមួយសំខាន់ក្នុងការពង្រឹងកិច្ចសហប្រតិបត្តិការរវាងសមាគម និងដៃគូក្នុងវិស័យឯកជន ព្រមទាំងបង្កើតអត្ថប្រយោជន៍ជាក់ស្តែងជូនដល់ សមាជិក គ្រួសារសមាជិក បុគ្គលិករបស់សមាជិក និងបុគ្គលិករបស់សមាគម។ កិច្ចសហប្រតិបត្តិការទាំងនេះក៏នឹងជួយពង្រីកបណ្តាញសេវាកម្ម និងឱកាសដែលអាចផ្តល់តម្លៃបន្ថែមដល់សហគមន៍សមាគមផងដែរ។

ការចុះអនុស្សរណៈនេះ គឺជាផ្នែកមួយនៃកិច្ចខិតខំប្រឹងប្រែងរបស់សមាគមឧកញ៉ាកម្ពុជា ក្នុងការពង្រឹងការបង្កើតតម្លៃបន្ថែមជូនសមាជិក តាមរយៈការភ្ជាប់សមាជិកជាមួយសហគ្រាស និងដៃគូអាជីវកម្មដែលមានសក្តានុពល បង្កើតភាពជាដៃគូដែលអាចផ្តល់អត្ថប្រយោជន៍ជាក់ស្តែង និងលើកកម្ពស់បរិយាកាសសហប្រតិបត្តិការប្រកបដោយភាពច្នៃប្រឌិត និងចីរភាព។

សូមបញ្ជាក់ថា ក្រុមហ៊ុនចំនួន ១០ ដែលបានចូលរួមចុះអនុស្សរណៈនៃការយោគយល់គ្នា រួមមាន៖

១. អាកាសយានដ្ឋានអន្តរជាតិតេជោ (Techo International Airport – TIA)

២. មន្ទីរពេទ្យ អ៊ីនធ័រឃែរ (Intercare Hospital)

៣. មន្ទីរពហុព្យាបាល សុខ រក្សា (Sok Reaksa Polyclinic)

៤. ក្រុមហ៊ុន KH Haitech

៥. សាលាអន្តរជាតិ TIA International School

៦. សាលាអន្តរជាតិ Bromsgrove International School

៧. សាលាអាមេរិកាំង ហ្គោលឌិនហ្គេត (Golden Gate American School)

៨. ក្រុមហ៊ុន Professional Trader Cambodia

៩. ក្រុមហ៊ុន FSC KH Solutions

១០. ក្រុមហ៊ុន CAMKO Motor Company Ltd.

ព័ត៌មានអំពីក្រុមហ៊ុនទាំង ១០៖

១. អាកាសយានដ្ឋានអន្តរជាតិតេជោ (Techo International Airport – TIA)

អាកាសយានដ្ឋានអន្តរជាតិលំដាប់ 4F ដ៏ធំ និងទំនើបបំផុតមួយរបស់កម្ពុជានេះស្ថិតនៅចម្ងាយប្រមាណ ២០ គីឡូម៉ែត្រ ភាគខាងត្បូងរាជធានីភ្នំពេញលើផ្ទៃដីប្រមាណ ២,៦០០ហិកតា ក្នុងភូមិសាស្ត្រខេត្តកណ្តាល និងខេត្តតាកែវ។ TIA ត្រូវបានវិនិយោគ និងអភិវឌ្ឍដោយក្រុមហ៊ុន Cambodia Airport Investment Co., Ltd. (CAIC) ដែលជាក្រុមហ៊ុនវិនិយោគរួមគ្នារវាងរាជរដ្ឋាភិបាលកម្ពុជា និងក្រុមហ៊ុន OCIC។ ស្ថានីយ៍អ្នកដំណើរអាកាសដ្ឋានអន្តរជាតិតេជោ ត្រូវបានរចនា និងគូរប្លង់ដោយក្រុមហ៊ុនស្ថាបត្យកម្មល្បីល្បាញលើពិភពលោក Foster + Partners ដោយបញ្ចូលគ្នាយ៉ាងប្រណីតនូវបច្ចេកវិទ្យា ទំនើប ធម្មជាតិបៃតង និងរចនាបថវប្បធម៌ខ្មែរ។ ក្នុងនាមជាអាកាសយានដ្ឋានលំដាប់4F, TIAមានសមត្ថភាពទទួលយន្តហោះដឹកអ្នកដំណើរខ្នាតធំ និងរយៈចម្ងាយឆ្ងាយដូចជា Airbus 0 និង Boeing 747/777។ ក្នុងដំណាក់កាលទី១ មានសមត្ថភាពទទួលអ្នកដំណើរប្រមាណ ១៣–១៥ លាននាក់ក្នុងមួយឆ្នាំហើយមានផែនការពង្រីកសមត្ថភាពដល់ ៣០លាននាក់ក្នុងមួយឆ្នាំនៅដំណាក់កាលទី២ និងរហូតដល់ ៥០លាននាក់ក្នុងមួយឆ្នាំនៅពេលអាកាសយានដ្ឋានត្រូវបានអភិវឌ្ឍពេញលេញ។

២. មន្ទីរពេទ្យ អ៊ីនធ័រឃែរ (Intercare Hospital)

មន្ទីរពេទ្យអ៊ីនធ័រឃែរត្រូវបានបង្កើតឡើងនាឆ្នាំ២០២០ ដោយចាប់ផ្តើមជាគ្លីនិកព្យាបាលជំងឺទូទៅនៅក្នុងមជ្ឈមណ្ឌលវេជ្ជសាស្ត្រអូឡាំព្យា និងបានផ្តោតសំខាន់លើការផ្តល់សេវាថែទាំសុខភាពទៅតាមស្តង់ដារអន្តរជាតិប្រកបដោយគុណភាពដល់ប្រជាជនកម្ពុជា។ មន្ទីរពេទ្យនេះ បានវិវត្តន៍ជាបន្តបន្ទាប់ដើម្បីឆ្លើយតបទៅនឹងតម្រូវការសង្គមពោលគឺបានចាប់ផ្តើមពីសេវាពិគ្រោះក្រៅ និងព្យាបាលជំងឺទូទៅ ហើយបានពង្រីកសេវាដោយបន្ថែមនូវសេវាមន្ទីរពិសោធន៍ និងរូបភាពវេជ្ជសាស្ត្រ, សេវាសម្រាកព្យាបាល (Inpatient), សេវាសម្ភព, សេវាថែទាំសម្ផស្សនិងសេវាសង្គ្រោះបន្ទាន់២៤ម៉ោង, បន្ទប់វះកាត់, មជ្ឈមណ្ឌលពិនិត្យសុខភាពសម្រាប់ការស្នើសុំទិដ្ឋាការអូស្ត្រាលី និងសេវាចល័តផ្នែកវេជ្ជសាស្ត្រដើម្បីឆ្លើយតបទៅនឹងតម្រូវការរបស់អ្នកជំងឺ និងស្ថាប័ននានា, សេវាសុខភាពកុមារ តាមរយៈការបង្កើត Child Wellbeing Center និងពង្រីកបណ្តាញសេវា Intercare Express ទៅកាន់ Rose Garden ក៏ដូចជាមជ្ឈមណ្ឌលសង្គ្រោះបន្ទាន់ទំនើបដើម្បីបង្កើនសមត្ថភាពក្នុងការផ្តល់ការថែទាំបន្ទាន់ និងមានប្រសិទ្ធភាពសម្រាប់ប្រជាជនកម្ពុជា។ បន្ថែមពីលើនេះ ចាប់ពីឆ្នាំ២០២៥ មន្ទីរពេទ្យអ៊ីនធ័រឃែរបានពង្រីកបណ្តាញ និងកិច្ចសហប្រតិបត្តិការអន្តរជាតិតាមរយៈការបើក Intercare Express នៅអាកាសយានដ្ឋាន- អន្តរជាតិតេជោ  ដើម្បីឆ្លើយតបទៅនឹងតម្រូវការសុខភាពចាំបាច់សម្រាប់ភ្ញៀវទេសចរណ៍ជាតិ និងអន្តរជាតិទាំងអស់ ព្រមទាំងបានបោះជំហានថ្មីដោយបាននាំឱ្យអ៊ីនធ័រឃែរពង្រីកសេវារបស់ខ្លួនទៅកាន់មជ្ឈមណ្ឌលវេជ្ជ-សាស្ត្រអ៊ីនធ័រឃែរ ខេត្តសៀមរាបដោយបន្តបេសកកម្មក្នុងការនាំយកសេវាថែទាំសុខភាពដែលមានគុណភាព និង ស្តង់ដារអន្តរជាតិ ឱ្យកាន់តែខិតជិតប្រជាជនកម្ពុជា។

៣. មន្ទីរពហុព្យាបាល សុខ រក្សា (Sok Reaksa Polyclinic)

មន្ទីរពហុព្យាបាល សុខ រក្សា ជាមន្ទីរពហុព្យាបាលដែលផ្តល់សេវាថែទាំសុខភាពគ្រប់ជ្រុងជ្រោយ ដោយយកចិត្តទុកដាក់ខ្ពស់លើ គុណភាព សុវត្ថិភាព និងទំនុកចិត្តរបស់អ្នកជំងឺ។ សុខ រក្សា ផ្តោតជាពិសេសលើការព្យាបាល ជំងឺប្រព័ន្ធរំលាយអាហារ និងការឆ្លុះក្រពះពោះវៀន, ជំងឺមហារីក និងជំងឺឈាម ព្រមទាំងការវះកាត់ ដោយមានសេវាគាំទ្រសំខាន់ៗ រួមមាន ការថែទាំបែបសម្រន់ (Palliative Care), សង្គ្រោះបន្ទាន់ ២៤ម៉ោង, ICU, ការពិនិត្យសុខភាពទូទៅ និងសេវាថែទាំអ្នកជំងឺនៅផ្ទះ ដើម្បីធានាបាននូវការថែទាំប្រកបដោយគុណភាព និងបន្តគ្រប់ដំណាក់កាលនៃការព្យាបាល។

៤. ក្រុមហ៊ុន KH Haitech

KH Haitech-Haier Global Business ជាក្រុមហ៊ុនដែលរួមបញ្ចូលគ្នាដោយក្រុមហ៊ុនខ្មែរ និងក្រុមហ៊ុនអន្តរជាតិ Haitech-Haier Global Business តំណាងឱ្យបច្ចេកវិទ្យាស្តង់ដាអន្តរជាតិរបស់ក្រុមហ៊ុន Haier Group ដែលជាក្រុមហ៊ុន ជាប់ចំណាត់ថ្នាក់លេខ១ លើសកលលោកផ្នែកផលិតគ្រឿងអេឡិចត្រូនិច។ ក្រុមហ៊ុនកំពុងសាងសង់រោងចក្រផលិតថេប្លេតម៉ាក «K Haitech» លើផ្ទៃដីប្រមាណ ៥ហិកតាស្ថិតក្នុងខណ្ឌជ្រោយចង្វារ រាជធានីភ្នំពេញ។ ផលិតផលដែលនឹងផលិតនៅកម្ពុជានេះត្រូវបានរំពឹងថានឹងផ្តល់ជាជម្រើសបច្ចេកវិទ្យាដែលមានតម្លៃសមរម្យសម្រាប់សិស្ស និស្សិត និងប្រជាពលរដ្ឋទូទៅ។

៥. សាលាអន្តរជាតិ TIA International School

TIA គឺជាសាលាអន្តរជាតិ Cambridge នៅកម្ពុជាដែលផ្តល់ការអប់រំចាប់ពីមត្តេយ្យសិក្សាដល់ថ្នាក់ទី១២ ដោយមានទាំងកម្មវិធីអន្តរជាតិ និងកម្មវិធីអប់រំជាតិ។ TIA ប្តេជ្ញាផ្តល់មូលដ្ឋានសិក្សាដ៏រឹងមាំព្រមទាំងអភិវឌ្ឍសិស្សឱ្យមាន ការគិតបែបវិភាគ និងរិះគន់, ភាពច្នៃប្រឌិត, សមត្ថភាពទំនាក់ទំនង, ទំនុកចិត្ត, ភាពជាអ្នកដឹកនាំ និងសមត្ថភាពដោះស្រាយបញ្ហា។ តាមរយៈកម្មវិធីសិក្សាអន្តរជាតិ Cambridge សិស្សត្រូវបានត្រៀមខ្លួនសម្រាប់ការទទួលបានវិញ្ញាបនបត្រ និងគុណវុឌ្ឍិដែលត្រូវបានទទួលស្គាល់ជាអន្តរជាតិព្រមទាំងឱកាសបន្តការសិក្សានៅសាកលវិទ្យាល័យក្នុងប្រទេសកម្ពុជា និងនៅជុំវិញពិភពលោក។ ជាមួយគ្នានេះ កម្មវិធីអប់រំជាតិដែលទទួលស្គាល់ដោយក្រសួងអប់រំ យុវជន និងកីឡា ផ្តល់ជូនគ្រួសារនូវជម្រើសអប់រំជាតិដែលមានស្តង់ដារ និងទំនុកចិត្ត។ TIA ក៏ជាមជ្ឈមណ្ឌលប្រឡង SAT ផ្លូវការ ដែលអាចជួយអោយសិស្សក្នុងការត្រៀមខ្លួនសម្រាប់ការប្រឡងចូលសាកលវិទ្យាល័យ និងការបន្តការសិក្សាថ្នាក់ឧត្តមសិក្សានាពេលអនាគត។

៦. សាលាអន្តរជាតិ Bromsgrove International School

សាលាអន្តរជាតិប្រូមស៍ហ្គ្រូវកម្ពុជា គឺជាសាលាដែលទទួលបានសិទ្ធិអនុញ្ញាតឱ្យប្រើប្រាស់ម៉ាក និងកម្មវិធីសិក្សាពីសាលា Bromsgrove នៅចក្រភពអង់គ្លេស។ សាលា Bromsgrove មានប្រវត្តិសាស្ត្រជិត ៥០០ ឆ្នាំ ក្នុងការផ្តល់សេវាអប់រំ និងការអភិវឌ្ឍកិច្ចការសិក្សាធិការ។ រហូតមកដល់បច្ចុប្បន្ន Bromsgrove បានពង្រីកសេវាអប់រំរបស់ខ្លួនទៅកាន់ប្រទេសមួយចំនួននៅអាស៊ី ព្រមទាំងមានសាលាដើមកំណើតនៅចក្រភពអង់គ្លេស។ សាលាផ្តល់សេវាអប់រំចំណោះទូទៅ (General Education Programme) ជូនសិស្សចាប់ពីថ្នាក់មត្តេយ្យកម្រិតទាប (Pre-nursery)  រហូតដល់ថ្នាក់មធ្យមសិក្សាឆ្នាំទី១៣​ កម្រិត A-Level ( Secondary Year 13, A-Level) ដែលមានកម្រិតអប់រំទៅតាមបទដ្ឋានអន្តរជាតិ។ មុខវិជ្ជាស្នូលទាំងអស់ ត្រូវបានបង្រៀនដោយគ្រូជនជាតិដើម (Native Teachers) ដែលមានសមត្ថភាព​ ជំនាញ និងបទពិសោធន៍សមស្រប។ ចំពោះការប្រឡងមានលក្ខណៈអន្តរជាតិដែលវិញ្ញាសាប្រលងទាំងអស់គឺរៀបចំមកពីចក្រភពអង់គ្លេសដោយផ្ទាល់។

៧. សាលាអាមេរិកាំងហ្គោលឌិនហ្គេត  (Golden Gate American School)

សាលាអាមេរិកាំង ហ្គោលឌិនហ្គេត (Golden Gate American School – GGAS) គឺជាគ្រឹះស្ថានអប់រំឯកជនដ៏ល្បីល្បាញមួយនៅក្នុងរាជធានីភ្នំពេញ ដែលបានបង្កើតឡើងតាំងពីឆ្នាំ១៩៩៦។ សាលានេះផ្តល់ការអប់រំចាប់ពីកម្រិតមត្តេយ្យ (Early Years) រហូតដល់ថ្នាក់វិទ្យាល័យ (Grade 12)។ ចំពោះកម្មវិធីសិក្សាចម្បងៗរួមមាន៖ កម្មវិធីអន្តរជាតិ IB (IB World School) ដែលទទួលបានសិទ្ធិអនុវត្តកម្មវិធី IB ពេញលេញ (IB Continuum) ដែលរួមមាន PYP (បឋមសិក្សា), MYP (អនុវិទ្យាល័យ) និង DP (វិទ្យាល័យ), កម្មវិធីសិក្សាអាម៉េរិក (American Curriculum) & AP ដោយមានផ្តល់ជូនមុខវិជ្ជា Advanced Placement (AP) និងឱកាសទទួលបានសញ្ញាបត្រឌុប្លូមឌុប (Dual Diploma) សហការជាមួយគ្រឹះស្ថានអប់រំនៅសហរដ្ឋអាម៉េរិក, កម្មវិធីសិក្សាបីភាសា (Trilingual Track) ដោយបង្រៀនជាភាសាអង់គ្លេស ខ្មែរ និងចិន (Mandarin) ដើម្បីពង្រឹងសមត្ថភាពប្រកួតប្រជែងជាសកល ព្រមទាំងកម្មវិធីសិក្សាតាមក្រសួងអប់រំ យុវជន និងកីឡា សម្រាប់សិស្សដែលចង់បានសញ្ញាបត្រចំណេះទូទៅខ្មែរ។

៨. ក្រុមហ៊ុន Professional Trader Cambodia

ក្រុមហ៊ុនប្រឹហ្វេសិនណល ត្រេឌើរ ខេមបូឌា (Professional Trader (Cambodia) Co., LTD) ជាក្រុមហ៊ុនពហុវិស័យដោយផ្តោតលើការចែកចាយផលិតផលប្រេងម៉ាស៊ីន អចលនទ្រព្យ សេវាកម្មផ្លូវច្បាប់ សេវាប្រឹក្សាផ្នែកអជីវកម្ម សេវាកម្មស្ប៉ា និង ភោជនីយដ្ឋាន។ ក្រុមហ៊ុន Professional Trader (Cambodia) បានទទួលសិទ្ធិចែកចាយផ្តាច់មុខនូវផលិតផលប្រេងម៉ាស៊ីនពីសម្ព័ន្ធក្រុមហ៊ុន ENEOS Corporation ដែលជាក្រុមហ៊ុន ថាមពលលំដាប់លេខ ១ នៅប្រទេសជប៉ុន។ សព្វថ្ងៃក្រុមហ៊ុនបាននឹងកំពុងចែកចាយទៅកាន់ ២៥ខេត្ត-ក្រុងទូទាំងព្រះរាជាណាចក្រកម្ពុជា តាមរយៈតំណាងចែកចាយជាង ២,០០០កន្លែង។

៩. ក្រុមហ៊ុន FSC.KH Co., LTD

ក្រុមហ៊ុន FSC.KH Co., LTD ត្រូវបានបង្កើតឡើងនៅឆ្នាំ២០២៤ ជាក្រុមហ៊ុនក្នុងស្រុកដែលបានចុះបញ្ជីផ្លូវការនៅក្នុងប្រទេសកម្ពុជា។ ក្រុមហ៊ុននេះត្រូវបានបង្កើតឡើងដោយ ឧកញ៉ា អាន ឌីណា ដែលជាពាណិជ្ជករដ៏ឆ្នើមមួយរូបនៅក្នុងប្រទេសកម្ពុជា។ លោកគឺជាស្ថាបនិក អគ្គនាយក (CEO) និងជាប្រធានក្រុមប្រឹក្សាភិបាលនៃក្រុមហ៊ុនជាច្រើនក្រោមបុត្រសម្ព័ន្ធ FSC Group ព្រមទាំងជាសមាជិកទ្រទ្រង់នៃសមាគមឧកញ៉ាកម្ពុជា និងសមាជិកសភាពាណិជ្ជកម្មកម្ពុជាផងដែរ។ ក្រុមហ៊ុនកំពុងវិនិយោគលើអាជីវកម្មដូចជា៖ បច្ចេកវិទ្យាព័ត៌មានវិទ្យា និងដំណោះស្រាយ IT, ផលិតផលបច្ចេកវិទ្យា, គ្រឿងអេឡិចត្រូនិច និងគ្រឿងបន្លាស់, ដំណោះស្រាយគ្រឿងសង្ហារឹមការិយាល័យ, វិស័យសំណង់, អចលនទ្រព្យ និងទេសចរណ៍។

១០. ក្រុមហ៊ុន CAMKO Motor Company Ltd

Camko Motor Company Ltd. (Hyundai Cambodia) បានចាប់ផ្តើមប្រតិបត្តិការនៅកម្ពុជាតាំងពីឆ្នាំ២០០៧ និងបានបង្កើតរោងចក្រដំឡើងរថយន្ត Hyundai នៅខេត្តកោះកុង ដែលជារោងចក្រដំឡើងរថយន្តដំបូងគេនៅកម្ពុជា។ នៅឆ្នាំ២០១៩ ក្រុមហ៊ុនបានលក់រថយន្តប្រមាណ ១,០០០គ្រឿងហើយបច្ចុប្បន្នមានបុគ្គលិកប្រមាណ ៧២៥នាក់។ បច្ចុប្បន្ន ក្រុមហ៊ុនមានបណ្តាញប្រតិបត្តិការដូចជា៖ ទីស្នាក់ការកណ្តាលសែនសុខ, សាខាមុនីវង្ស City Store, មជ្ឈមណ្ឌលសេវាកម្ម និងឃ្លាំងស្តុករថយន្តសែនសុខ, សាខាខេត្តសៀមរាប និងរោងចក្រដំឡើងរថយន្តនៅខេត្តកោះកុង។

The post សមាគមឧកញ៉ាកម្ពុជា ចុះអនុស្សរណៈនៃការយោគយល់គ្នាជាមួយក្រុមហ៊ុនសមាជិក និងក្រុមហ៊ុនជាដៃគូ ដើម្បីពង្រឹងភាពជាដៃគូ និងបង្កើតអត្ថប្រយោជន៍ជាក់ស្តែងជូនសមាជិក appeared first on .

ជំនួបនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា (ក.អ.ក.) និងត្រូវបានរៀបចំដោយ ក.អ.ក. សហការជាមួយស្ថានទូតអូស្ត្រាលីប្រចាំកម្ពុជា។

សូមបញ្ជាក់ថា «ក្របខ័ណ្ឌអភិវឌ្ឍន៍សួនកសិឧស្សាហកម្មនៅកម្ពុជា» ត្រូវបានអនុម័តដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា កាលពីថ្ងៃទី២៩ ខែឧសភា ឆ្នាំ២០២៦ ក្នុងគោលបំណងពន្លឿនការអភិវឌ្ឍឧស្សាហូបនីយកម្មកសិឧស្សាហកម្ម តាមរយៈគំរូអាជីវកម្ម «វិស័យឯកជនជាអ្នកអនុវត្ត ដោយមានការគាំទ្រពីផ្នែករដ្ឋ»។ ក្របខ័ណ្ឌនេះមានគោលដៅទាក់ទាញការវិនិយោគប្រកបដោយគុណភាព បង្កើតការងារ ជំរុញការកែច្នៃកសិផលបន្ថែមតម្លៃ និងពង្រឹងសមត្ថភាពប្រកួតប្រជែងរបស់ផលិតផលកម្ពុជានៅទីផ្សារនាំចេញ។

ក្នុងឱកាសនោះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានបង្ហាញពីទិដ្ឋភាពទូទៅនៃក្របខ័ណ្ឌអភិវឌ្ឍន៍សួនកសិឧស្សាហកម្ម ព្រមទាំងលក្ខខណ្ឌតម្រូវសម្រាប់គម្រោង និងកញ្ចប់លើកទឹកចិត្តបន្ថែមសម្រាប់វិនិយោគិន ដែលមានលក្ខណៈអនុគ្រោះលើសពីការលើកទឹកចិត្តទូទៅសម្រាប់គម្រោងវិនិយោគមានលក្ខណៈសម្បត្តិគ្រប់គ្រាន់ (QIP) ឬ QIP Plus។ កញ្ចប់លើកទឹកចិត្ត និងវិធានការសម្របសម្រួលពិសេសនេះ ត្រូវបានរៀបចំឡើងដើម្បីបង្កើនភាពទាក់ទាញ និងលើកកម្ពស់ប្រសិទ្ធភាពនៃការវិនិយោគក្នុងការអភិវឌ្ឍសួនកសិឧស្សាហកម្មនៅកម្ពុជា។

ឯកឧត្តមឧបនាយករដ្ឋមន្ត្រីបានគូសបញ្ជាក់បន្ថែមថា រាជរដ្ឋាភិបាលកម្ពុជាបាននិងកំពុងបន្តពង្រឹងសមត្ថភាពប្រកួតប្រជែង និងបង្កើតបរិយាកាសអំណោយផលសម្រាប់ការវិនិយោគ ដើម្បីគាំទ្រដល់កំណើនសេដ្ឋកិច្ចប្រកបដោយបរិយាបន្ន និងភាពធន់ ព្រមទាំងបង្កើតការងារ និងបង្កើនតម្លៃបន្ថែមក្នុងវិស័យកសិកម្ម។ ក្នុងន័យនេះ ការអភិវឌ្ឍសួនកសិឧស្សាហកម្ម គឺជាគំនិតផ្តួចផ្តើមអាទិភាពមួយសម្រាប់ជំរុញការធ្វើទំនើបកម្មវិស័យកសិកម្ម ពង្រឹងខ្សែច្រវាក់តម្លៃ និងបង្កើនការចូលរួមរបស់វិស័យឯកជនក្នុងការអភិវឌ្ឍកសិឧស្សាហកម្មកម្ពុជា។

ការចូលរួមរបស់សមាគមឧកញ៉ាកម្ពុជា ក្នុងជំនួបនេះ បានឆ្លុះបញ្ចាំងពីការយកចិត្តទុកដាក់ និងការប្តេជ្ញាចិត្តរបស់សមាគម ក្នុងការចូលរួមគាំទ្រការអភិវឌ្ឍវិស័យកសិឧស្សាហកម្ម ដែលជាវិស័យមានសារៈសំខាន់ចំពោះសេដ្ឋកិច្ចកម្ពុជា និងជាមូលដ្ឋានសម្រាប់ការបង្កើនតម្លៃបន្ថែម ការបង្កើតការងារ និងការពង្រីកទីផ្សារនាំចេញ។ តាមទិន្នន័យដែលបានបង្ហាញ ក្នុងរយៈពេល៧ខែដំបូងនៃឆ្នាំ២០២៦ ការនាំចេញផលិតផលកសិកម្មរបស់កម្ពុជាមានតម្លៃជាង ៣ ពាន់លានដុល្លារអាម៉េរិក ខណៈវិស័យកសិកម្មនៅតែផ្តល់ការងារដល់ប្រជាពលរដ្ឋជាងមួយភាគបីនៃកម្លាំងពលកម្មសរុប។

ជាមួយគ្នានេះ សមាគមឧកញ៉ាកម្ពុជា នឹងបន្តជំរុញការតភ្ជាប់រវាងសមាជិក និងវិនិយោគិន ដៃគូអាជីវកម្ម និងភាគីពាក់ព័ន្ធក្នុងវិស័យកសិកម្ម និងកសិឧស្សាហកម្ម ដើម្បីពង្រីកឱកាសវិនិយោគ បង្កើនការផ្ទេរបច្ចេកវិទ្យា និងពង្រឹងសមត្ថភាពក្នុងការកែច្នៃកសិផលនៅកម្ពុជា។ កិច្ចខិតខំប្រឹងប្រែងនេះ នឹងរួមចំណែកដល់ការអភិវឌ្ឍខ្សែច្រវាក់តម្លៃកសិកម្មឱ្យកាន់តែមានប្រសិទ្ធភាព បង្កើនតម្លៃបន្ថែមក្នុងស្រុក និងពង្រឹងសមត្ថភាពប្រកួតប្រជែងរបស់ផលិតផលកម្ពុជានៅទីផ្សារក្នុងតំបន់ និងអន្តរជាតិ។

The post សមាគមឧកញ៉ាកម្ពុជា ចូលរួមជំនួបវិនិយោគិន និងដៃគូអភិវឌ្ឍន៍ ដើម្បីផ្សព្វផ្សាយកាលានុវត្តភាពវិនិយោគក្រោម «ក្របខ័ណ្ឌអភិវឌ្ឍន៍សួនកសិឧស្សាហកម្មនៅកម្ពុជា» appeared first on .

ពិព័រណ៍នេះបានប្រមូលផ្តុំក្រុមហ៊ុនក្នុងស្រុក និងអន្តរជាតិជាង ២០០ ក្រុមហ៊ុន ដើម្បីតាំងបង្ហាញបច្ចេកវិទ្យា គ្រឿងចក្រ និងគ្រឿងម៉ាស៊ីនទំនើប ប្រព័ន្ធស្វ័យប្រវត្តិកម្ម និងដំណោះស្រាយនវានុវត្តន៍ សម្រាប់គាំទ្រដល់ការអភិវឌ្ឍវិស័យកម្មន្តសាល និងផលិតកម្មនៅកម្ពុជា។

ពិព័រណ៍នេះប្រព្រឹត្តទៅរយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែសីហា ឆ្នាំ២០២៦ និងរួមមាន ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ (CIMIF 2026), ពិព័រណ៍ឧស្សាហកម្មសម្លៀកបំពាក់ និងវាយនភណ្ឌកម្ពុជាអន្តរជាតិ (CTG 2026) និង ពិព័រណ៍ឧស្សាហកម្មប្លាស្ទិក កៅស៊ូ បោះពុម្ព និងវេចខ្ចប់កម្ពុជាអន្តរជាតិ លើកទី១០។

ព្រឹត្តិការណ៍នេះមានគោលបំណងជំរុញការផ្លាស់ប្តូរចំណេះដឹង និងបច្ចេកវិទ្យា ពង្រឹងភាពជាដៃគូធុរកិច្ច និងបង្កើតឱកាសវិនិយោគថ្មីៗក្នុងវិស័យផលិតកម្ម។

ក្នុងបរិបទនៃការអភិវឌ្ឍវិស័យឧស្សាហកម្មកម្ពុជា ព្រឹត្តិការណ៍នេះបានបង្ហាញពីសារៈសំខាន់នៃការបន្តធ្វើទំនើបកម្មវិស័យផលិតកម្ម តាមរយៈការប្រើប្រាស់បច្ចេកវិទ្យាទំនើប ស្វ័យប្រវត្តិកម្ម និងនវានុវត្តន៍ ដើម្បីបង្កើនផលិតភាព គុណភាព និងសមត្ថភាពប្រកួតប្រជែងរបស់សហគ្រាសកម្ពុជា ព្រមទាំងបង្កើនសមត្ថភាពក្នុងការចូលរួមក្នុងខ្សែច្រវាក់ផ្គត់ផ្គង់ក្នុងតំបន់ និងសកល។

យោងតាមទិន្នន័យដែលបានបង្ហាញ គិតត្រឹមដំណាច់ខែកក្កដា ឆ្នាំ២០២៦ កម្ពុជាមានរោងចក្រដែលបានចុះបញ្ជី និងកំពុងដំណើរការចំនួន ៣,៣៥៧ រោងចក្រ ដែលបានបង្កើតការងារជាង ១,៣៥ លានកន្លែង ក្នុងនោះស្ត្រីមានច្រើនជាង ៧០%។ ទុនវិនិយោគសរុបក្នុងវិស័យឧស្សាហកម្មធុនធ្ងន់មានប្រមាណ ២៨,០៨ ពាន់លានដុល្លារអាម៉េរិក កើនឡើងជាង ២៩% បើធៀបនឹងរយៈពេលដូចគ្នាក្នុងឆ្នាំ២០២៥។ ក្នុងរយៈពេល៦ខែដំបូងនៃឆ្នាំ២០២៦ តម្លៃផលិតកម្មឧស្សាហកម្មមានជាង ៩,៨ ពាន់លានដុល្លារអាម៉េរិក ក្នុងនោះផលិតផលសម្រាប់នាំចេញមានតម្លៃប្រមាណ ៧,៣ ពាន់លានដុល្លារអាម៉េរិក។

ការចូលរួមរបស់សមាគមឧកញ៉ាកម្ពុជា ក្នុងពិព័រណ៍ឧស្សាហកម្មកម្ពុជា–អន្តរជាតិ ឆ្នាំ២០២៦ បានឆ្លុះបញ្ចាំងពីការប្តេជ្ញាចិត្តរបស់សមាគមក្នុងការពង្រឹងបណ្តាញធុរកិច្ច ការផ្លាស់ប្តូរចំណេះដឹង និងបទពិសោធន៍ ព្រមទាំងបង្កើតឱកាសសម្រាប់សមាជិកក្នុងការស្វែងរកដៃគូពាណិជ្ជកម្ម និងវិនិយោគថ្មីៗ។ ជាមួយគ្នានេះ ការចូលរួមក្នុងវេទិកាឧស្សាហកម្មអន្តរជាតិនេះ ក៏ជាឱកាសសម្រាប់សមាគមក្នុងការភ្ជាប់វិស័យឯកជនកម្ពុជាជាមួយបច្ចេកវិទ្យា អ្នកផ្គត់ផ្គង់ និងដៃគូអន្តរជាតិ ដើម្បីរួមចំណែកដល់ការធ្វើពិពិធកម្ម និងទំនើបកម្មវិស័យផលិតកម្មនៅកម្ពុជា ពីឧស្សាហកម្មដែលពឹងផ្អែកលើកម្លាំងពលកម្ម ទៅកាន់ឧស្សាហកម្មដែលមានភាពចម្រុះ ផ្អែកលើបច្ចេកវិទ្យា និងមានតម្លៃបន្ថែមខ្ពស់។

តាមរយៈការចូលរួមជាបន្តបន្ទាប់ក្នុងវេទិកាធុរកិច្ច និងឧស្សាហកម្មជាតិ និងអន្តរជាតិ សមាគមឧកញ៉ាកម្ពុជា នឹងបន្តជំរុញការតភ្ជាប់រវាងសមាជិក និងដៃគូអាជីវកម្ម ព្រមទាំងរួមចំណែកក្នុងការបង្កើតបរិយាកាសអំណោយផលសម្រាប់ការវិនិយោគ ការផ្ទេរបច្ចេកវិទ្យា និងការពង្រឹងសមត្ថភាពប្រកួតប្រជែងរបស់វិស័យឯកជនកម្ពុជា។

The post សមាគមឧកញ៉ាកម្ពុជា ចូលរួមពិព័រណ៍ឧស្សាហកម្មកម្ពុជា–អន្តរជាតិ ឆ្នាំ២០២៦ ដើម្បីពង្រឹងកិច្ចសហប្រតិបត្តិការ និងពង្រីកឱកាសធុរកិច្ចក្នុងវិស័យផលិតកម្ម appeared first on .

តាមរយៈប្រភពព័ត៌មានដែលទទួលបាន បច្ចុប្បន្ន ឧកញ៉ា ពៅ គឹមថង គឺជាសហស្ថាបនិក និងជាម្ចាស់ភាគហ៊ុន​នៃក្រុមហ៊ុន អោកធូសា អឌីត & អាសូរេន ឯ.ក (AUCTUSA AUDIT & ASSURANCE CO., LTD.) និងជាអតីត​សហស្ថាបនិក នៃក្រុមហ៊ុន អលលីណឺស ថាក់ & ប៊ីស៊ីនីស ខន់សាល់ថេន ឯ.ក (ALLINUS TAX & BUSINESS CONSULTANT CO., LTD.) ដែលផ្តោតលើការផ្តល់សេវាកម្មនានា ដើម្បីគាំទ្រដល់ សហគ្រាសធនតូចនិងមធ្យម អាជីវកម្មគ្រប់ប្រភេទ និងការវិនិយោគនានា មានជាអាទិ៍៖ សេវាកម្មគណនេយ្យ ពន្ធដារ សវនកម្ម និងប្រឹក្សាយោបល់ ជាដើម។ ក្រៅពីនោះ ឧកញ៉ា ពៅ គឹមថង ក៏កំពុងកាន់កាប់អាជីវកម្មផ្សេងៗទៀត ដូចជា សេវាកម្មដឹកជញ្ជូន ជួលគ្រឿងចក្រ ជួលរថយន្ត និងសេវាកម្មអចលនទ្រព្យផងដែរ។

មុនឈានជើងចូលកាត់កាប់មុខជំនួញខាងលើ ឧកញ៉ា ពៅ គឹមថង ធ្លាប់មានប្រវត្តិជាអ្នកខិតខំប្រឹងប្រែង​សិក្សារៀនសូត្រ ដោយទទួលបានអាហារូបករណ៍ ទាំងនៅក្នុង និងក្រៅប្រទេសជាបន្តបន្ទាប់។ ឧកញ៉ា ពៅ គឹមថង ជាអតីតនិស្សិតថ្នាក់អនុបណ្ឌិត ជំនាញនីតិពាណិជ្ជកម្ម នៅសាកលវិទ្យាល័យជាតិគ្រប់គ្រង, ថ្នាក់អនុបណ្ឌិត​ជំនាញពាណិជ្ជកម្មអន្តរជាតិ នៅសាកលវិទ្យាល័យ Seoul National University (SNU) កូរ៉េខាងត្បូង, ថ្នាក់បរិញ្ញាបត្រជំនាញសេដ្ឋកិច្ចអភិវឌ្ឍន៍ នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE), ថ្នាក់បរិញ្ញាបត្រជំនាញភាសារអង់គ្លេស នៅសាកលវិទ្យាល័យមេគង្គកម្ពុជា (CMU), វគ្គគោល​នយោបាយនិងកិច្ចព្រមព្រៀងពាណិជ្ជកម្ម ក្រោមកម្មវិធី Australia Awards Fellowship នៅប្រទេសអូស្ត្រាលី, និងថ្នាក់ភាសាកូរ៉េ នៅសាកលវិទ្យាល័យ Keimyung University កូរ៉េខាងត្បូង ជាដើម។

លោក ពៅ គឹមថង ត្រូវបានព្រះមហាក្សត្រចេញព្រះរាជក្រឹត្យផ្តល់គោរមងារ «ឧកញ៉ា» នៅថ្ងៃទី១០ ខែកក្កដា ឆ្នាំ២០២៦ តបតាមសេចក្តីក្រាបបង្គំទូលថ្វាយរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះ​ឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា។

The post ឧកញ៉ា ពៅ គឹមថង ចូលជាសមាជិក នៃសមាគមឧកញ៉ាកម្ពុជា appeared first on .

ឧកញ៉ាបណ្ឌិត តាំង គង់ស្រេង ត្រូវបានគេស្គាល់ថា ជាទីប្រឹក្សា​ព្រឹទ្ធសភា និងជាម្ចាស់រមណីយដ្ឋានធម្មជាតិ “ចាស្តស្ទីន វីលេច” (Justin Village) ដែលមានទីតាំងស្ថិតនៅភូមិព្រៃព្រាល ស្រុកត្រាំកក់ ខេត្តតាកែវ។ រមណីយ​ដ្ឋាន ចាស្តស្ទីន វីលេច បានចូលរួមចំណែកយ៉ាងធំក្នុងការផ្តល់ឱកាស​ការងារដោយផ្ទាល់ និងដោយ​ប្រយោល ដល់ប្រជា​ពលរដ្ឋក្នុងស្រុក និងជួយលើកស្ទួយទេសចរណ៍ទាំងក្នុង និងក្រៅស្រុក។ លោក តាំង គង់ស្រេង ត្រូវបានសម្តេចតេជោ ហ៊ុន សែន ប្រមុខរដ្ឋស្តីទី ចេញ​ព្រះរាជក្រឹត្យ​ត្រាស់​បង្គាប់ផ្តល់គោរមងារជា «ឧកញ៉ា» កាលពីថ្ងៃទី២៩ ខែមេសា ឆ្នាំ២០២៦។

សូមជម្រាបជូនថា សមាគមឧកញ៉ាកម្ពុជា ត្រូវបានបង្កើតឡើង និងទទួលស្គាល់ជាផ្លូវការដោយក្រសួងមហាផ្ទៃ នៃព្រះរាជាណាចក្រកម្ពុជា តាមរយៈលិខិតលេខ ៥៩៧៩ ប្រ.ក. ចុះថ្ងៃទី២៥ ខែតុលាឆ្នាំ២០២២ ស្តីពីការសុំចុះ​ឈ្មោះសមាគមឧកញ៉ាកម្ពុជា ក្នុងបញ្ជីសមាគមនិងអង្គការមិនមែនរដ្ឋាភិបាល និងព្រះរាជក្រឹត្យលេខ នស/រកត/១០២៤/១៣០៩ ចុះថ្ងៃទី២៣ ខែតុលា ឆ្នាំ២០២៤ ស្តីពីគោរមងារឧកញ៉ា។

សមាគមឧកញ៉ាកម្ពុជា ជាស្ថាប័នតែមួយគត់ ដែលតំណាងឱ្យគោរមវន្តទាំងអស់នៅក្នុងព្រះរាជាណាចក្រកម្ពុជា និងបានចែងអំពីតួនាទី ភារកិច្ច ព្រមទាំងសិទ្ធិនិងកាតព្វកិច្ចរបស់សមាគម ដើម្បីរក្សានិងលើកកម្ពស់គុណតម្លៃ និងឧត្ដមភាពដ៏ឧត្ដុង្គឧត្ដម នៃគោរមងារឧកញ៉ា ដែលជាព្រះរាជទានដ៏ខ្ពង់ខ្ពស់បំផុតរបស់ ព្រះមហាក្សត្រ នៃព្រះរាជាណាចក្រកម្ពុជា តាំងពីបុរាណកាលរៀងមក ជាពិសេសការពង្រឹងសាមគ្គីភាព និងការគោរពច្បាប់​ជាធរមានរបស់គោរមវន្ត ដើម្បីរួមចំណែកថែរក្សា និងការពារវប្បធម៌ ប្រពៃណី និងទំនៀមទម្លាប់ដ៏ល្អ​ផូរផង់របស់​ជាតិ ក៏ដូចជាសន្ដិសុខ សណ្ដាប់ធ្នាប់សាធារណៈ និងការអភិវឌ្ឍសេដ្ឋកិច្ចនិងសង្គម៕

The post ឧកញ៉ាបណ្ឌិត តាំង គង់ស្រេង ចូលជាសមាជិក នៃសមាគមឧកញ៉ាកម្ពុជា appeared first on .

កម្មវិធីនេះត្រូវបានរៀបចំឡើងដោយស្ថានទូតឥណ្ឌាប្រចាំព្រះរាជាណាចក្រកម្ពុជា សហការជាមួយ ក្រុមប្រឹក្សាលើការផ្សព្វផ្សាយការនាំចេញអេឡិចត្រូនិក និងសូហ្វវែរកុំព្យូទ័រ (Electronics and Computer Software Export Promotion Council – ESC) ដែលជាស្ថាប័នជាតិឈានមុខរបស់ឥណ្ឌា ក្នុងការលើកកម្ពស់ពាណិជ្ជកម្ម និងការនាំចេញលើវិស័យអេឡិចត្រូនិក ទូរគមនាគមន៍ សូហ្វវែរ និងសេវាកម្មបច្ចេកវិទ្យាព័ត៌មាន។

ក្នុងឱកាសនោះ ឯកឧត្តម Bawitlung Vanlalvawna ឯកអគ្គរដ្ឋទូតឥណ្ឌាប្រចាំព្រះរាជាណាចក្រកម្ពុជា បានលើកទឹកចិត្តដល់ធុរជននៃប្រទេសទាំងពីរ ឱ្យពង្រឹងកិច្ចសហប្រតិបត្តិការ និងភាពជាដៃគូលើវិស័យបច្ចេកវិទ្យា នវានុវត្តន៍ ការកសាងសមត្ថភាពឌីជីថល និងការវិនិយោគ។ ឯកឧត្តមបានគូសបញ្ជាក់ថា ការពង្រឹងទំនាក់ទំនងរវាងសហគ្រាសឥណ្ឌា និងកម្ពុជា នឹងរួមចំណែកលើកកម្ពស់ទំនាក់ទំនងសេដ្ឋកិច្ចទ្វេភាគី គាំទ្រដល់បរិវត្តកម្មឌីជីថល និងជំរុញការអភិវឌ្ឍសេដ្ឋកិច្ចប្រកបដោយចីរភាពរបស់កម្ពុជា។

ក្នុងកិច្ចពិភាក្សានេះ ភាគីទាំងពីរក៏បានផ្លាស់ប្តូរទស្សនៈអំពីនិន្នាការបច្ចេកវិទ្យាសកល និងឱកាសកិច្ចសហប្រតិបត្តិការលើវិស័យឌីជីថល ដោយគូសបញ្ជាក់ពីភាពជាអ្នកដឹកនាំរបស់ឥណ្ឌាក្នុងវិស័យបច្ចេកវិទ្យាព័ត៌មាន ការអភិវឌ្ឍសូហ្វវែរ បញ្ញាសិប្បនិម្មិត (AI) និងនវានុវត្តន៍ឌីជីថល ដែលអាចបង្កើតឱកាសថ្មីៗសម្រាប់ការផ្ទេរបច្ចេកវិទ្យា ការអភិវឌ្ឍធនធានមនុស្ស និងការវិនិយោគរវាងប្រទេសទាំងពីរ។

ការចូលរួមរបស់សមាគមឧកញ៉ាកម្ពុជា ក្នុងវេទិកាធុរកិច្ចនេះ បានឆ្លុះបញ្ចាំងពីការប្តេជ្ញាចិត្តរបស់សមាគមក្នុងការពង្រឹងកិច្ចសហប្រតិបត្តិការអន្តរជាតិ បង្កើតឱកាសសម្រាប់សមាជិកក្នុងការភ្ជាប់បណ្តាញធុរកិច្ចជាមួយដៃគូអន្តរជាតិ និងរួមចំណែកជំរុញការវិនិយោគ ការផ្ទេរបច្ចេកវិទ្យា និងការអភិវឌ្ឍសេដ្ឋកិច្ចឌីជីថលរបស់កម្ពុជា។

The post សមាគមឧកញ៉ាកម្ពុជា ចូលរួមជំនួបផ្គូផ្គងធុរកិច្ច ឥណ្ឌា–កម្ពុជា ដើម្បីជំរុញកិច្ចសហប្រតិបត្តិការ និងការវិនិយោគលើវិស័យបច្ចេកវិទ្យាព័ត៌មាន appeared first on .

មានប្រសាសន៍ក្នុងឱកាសនោះ អ្នកឧកញ៉ា សៀ ឫទ្ធី ប្រធានក្រុមប្រឹក្សាភិបាលក្រុមហ៊ុន WorldBridge Group និងជាអនុប្រធានសមាគមឧកញ៉ាកម្ពុជា បានមានប្រសាសន៍ថា អនុស្សរណៈនេះ គឺជាចំណុចចាប់ផ្តើមនៃកិច្ចសហប្រតិបត្តិការយុទ្ធសាស្ត្ររវាងក្រុមហ៊ុនទាំងពីរ ក្នុងការសិក្សាឱកាសអភិវឌ្ឍវិស័យឡូជីស្ទិករបស់កម្ពុជា។ អ្នកឧកញ៉ាបានបញ្ជាក់ថា ការប្រើប្រាស់សក្តានុពលរួមរវាងកំពង់ផែទឹកជ្រៅ និងអាកាសយានដ្ឋានអន្តរជាតិនៅក្រុងព្រះសីហនុ រួមផ្សំជាមួយបទពិសោធ និងជំនាញរបស់ភាគីទាំងពីរ នឹងជួយពង្រឹងសមត្ថភាពប្រកួតប្រជែងរបស់កម្ពុជា និងគាំទ្រដល់ការប្រែក្លាយប្រទេសកម្ពុជាទៅជាមជ្ឈមណ្ឌលដឹកជញ្ជូន និងភស្តុភារកម្មដ៏សំខាន់មួយក្នុងតំបន់។

ជាមួយគ្នានេះ លោក Julien Bert នាយកប្រតិបត្តិក្រុមហ៊ុន Cambodia Airports បានមានប្រសាសន៍ថា កិច្ចសហប្រតិបត្តិការនេះ មានគោលបំណងពង្រឹងសមត្ថភាពដឹកជញ្ជូនទំនិញតាមផ្លូវអាកាស បង្កើនប្រសិទ្ធភាពនៃការគ្រប់គ្រងភស្តុភារកម្ម និងផ្តល់សេវាកម្មដែលមានភាពបត់បែន ស្របតាមកំណើននៃតម្រូវការដឹកជញ្ជូនទំនិញតាមផ្លូវអាកាស។ លោកបានសម្តែងជំនឿជាក់ថា ភាពជាដៃគូជាមួយ WorldBridge Group នឹងបង្កើតតម្លៃរួមក្នុងរយៈពេលវែងសម្រាប់ភាគីទាំងពីរ និងរួមចំណែកលើកកម្ពស់ជំហររបស់កម្ពុជាជាមជ្ឈមណ្ឌលឡូជីស្ទិក និងពាណិជ្ជកម្មក្នុងតំបន់។

ក្នុងឱកាសនោះ ឯកឧត្តមបណ្ឌិត ម៉ៅ ហាវណ្ណាល់ បានមានប្រសាសន៍ថា ការចូលរួមរបស់វិស័យឯកជនក្នុងការអភិវឌ្ឍវិស័យអាកាសចរណ៍ស៊ីវិល គឺជាកម្លាំងជំរុញដ៏សំខាន់ក្នុងការលើកកម្ពស់ប្រព័ន្ធដឹកជញ្ជូន និងភស្តុភារកម្មរបស់កម្ពុជា ស្របតាម «យុទ្ធសាស្ត្របញ្ចកោណ – ដំណាក់កាលទី១» របស់រាជរដ្ឋាភិបាល នីតិកាលទី៧ នៃរដ្ឋសភា។ ឯកឧត្តមបានគូសបញ្ជាក់ថា គម្រោងនេះឆ្លើយតបដោយផ្ទាល់ទៅនឹងបញ្ចកោណទី២ ស្តីពីការធ្វើពិពិធកម្មសេដ្ឋកិច្ច និងការពង្រឹងភាពប្រកួតប្រជែង ជាពិសេសមុំអាទិភាពស្តីពីការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន និងភស្តុភារកម្ម។

តាមរយៈអនុស្សរណៈនៃការយោគយល់គ្នានេះ ភាគីទាំងពីរនឹងរួមគ្នាវាយតម្លៃលទ្ធភាព និងរៀបចំក្របខ័ណ្ឌសម្រាប់ការអភិវឌ្ឍ មជ្ឈមណ្ឌលដឹកជញ្ជូនទំនិញតាមផ្លូវអាកាស និងភស្តុភារកម្ម (Air Cargo and Logistics Hub) នៅអាកាសយានដ្ឋានអន្តរជាតិខេត្តព្រះសីហនុ។ គម្រោងនេះ មានគោលបំណងពង្រឹងខ្សែច្រវាក់ភស្តុភារកម្មជាតិ និងអភិវឌ្ឍប្រព័ន្ធដឹកជញ្ជូនទំនិញដែលអាចតភ្ជាប់ប្រកបដោយប្រសិទ្ធភាពរវាងផ្លូវអាកាស និងផ្លូវសមុទ្រ ដើម្បីលើកកម្ពស់ប្រសិទ្ធភាពនៃការដឹកជញ្ជូនទំនិញទាំងក្នុងស្រុក និងឆ្លងដែន។

ក្នុងដំណាក់កាលបន្ទាប់ ក្រុមការងាររបស់ WorldBridge Group និង Cambodia Airports នឹងបន្តសិក្សាលទ្ធភាពបច្ចេកទេស សេដ្ឋកិច្ច និងពាណិជ្ជកម្ម ព្រមទាំងរៀបចំចក្ខុវិស័យរួមសម្រាប់ការអភិវឌ្ឍគម្រោងនេះ ដែលត្រូវបានរំពឹងថានឹងក្លាយជាគ្រឹះដ៏សំខាន់មួយក្នុងការជំរុញការតភ្ជាប់ភស្តុភារកម្មរបស់កម្ពុជា និងពង្រឹងតួនាទីរបស់ប្រទេសក្នុងបណ្តាញដឹកជញ្ជូន និងពាណិជ្ជកម្មអន្តរជាតិ។

The post WorldBridge Group និង Cambodia Airports ចុះអនុស្សរណៈនៃការយោគយល់គ្នា ដើម្បីសិក្សាគម្រោងអភិវឌ្ឍមជ្ឈមណ្ឌលដឹកជញ្ជូនទំនិញតភ្ជាប់ផ្លូវអាកាស–ផ្លូវសមុទ្រនៅក្រុងព្រះសីហនុ appeared first on .