សម្ដេច ហ៊ុន សែន

សម្ដេច ហ៊ុន សែន ចង់ទាក់ទាញវិនិយោគិន មកអភិវឌ្ឍន៍លើការកែច្នៃវត្ថុធាតុដើមក្នុងស្រុក

រ៉េត សុកធា — Mon, 27 Feb 2023 02:14:31 +0000

ប្រមុខរដ្ឋាភិបាលកម្ពុជា សម្ដេចតេជោ ហ៊ុន សែន បានបង្ហាញបំណងចង់ទាក់ទាញអ្នកវិនិយោគមកវិនិយោគលើការកែច្នៃវត្ថុធាតុដើមដែលមានក្នុងស្រុក ខណៈកម្ពុជានៅខ្វះសម្ភារៈបច្ចេកទេសសម្រាប់ការកែច្នៃលើផលិតផលនានា។

ថ្លែងក្នុងពេលដែល សម្តេចតេជោ អញ្ជើញជាអធិបតីក្នុងពិធីប្រគល់សញ្ញាបត្រដល់និស្សិតបច្ចេកវិទ្យា និង គរុនិស្សិតបច្ចេកទេស ជ័យលាភីនៃវិទ្យាស្ថានជាតិបណ្តុះបណ្តាលបច្ចេកទេស នាព្រឹកថ្ងៃទី២៧ ខែកុម្ភៈ ឆ្នាំ២០២៣ សម្ដេចតេជោ ហ៊ុន សែន បញ្ជាក់ថាកាលពីមុន វិស័យកសិកម្មស្រូវនៅកម្ពុជាយើង គ្រាន់តែធ្វើឡើងដើម្បីឱ្យហូបបានគ្រប់គ្រាន់តែប៉ុណ្ណោះ ប៉ុន្តែមកទល់ពេលនេះកម្ពុជាសល់ស្រូវ និងអង្ករយ៉ាងច្រើន ដែលទាមទាឱ្យមានការវិនិយោគ និងផ្តល់ទុនដល់រោងម៉ាស៊ីនកិនស្រូវ ដើម្បីកែច្នៃ និងសម្ងួតដើម្បីនាំចេញ”។

ទន្ទឹមគ្នានេះ សម្តេចតេជោ ក៏បានអះអាងឱ្យដឹងថា កម្ពុជាចង់ទាក់ទាញអ្នកវិនិយោគមកវិនិយោគលើការកែច្នៃវត្ថុធាតុដើម ដែលមានក្នុងស្រុក ពីព្រោះកម្ពុជាមានធនធានសម្រាប់កែច្នៃ ប៉ុន្ដែនៅខ្វះសម្ភារៈបច្ចេកទេសសម្រាប់ការកែច្នៃ លើផលិតផលនានា ដែលមាននៅក្នុងស្រុកក្នុងនោះមានដូចជា ស្រូវអង្ក កៅស៊ូ ដំឡូងមី និងគ្រាប់ស្វាយចន្ទីជាដើម។

យ៉ាងណាមិញ នាឱកាសនោះ ដែរ សម្ដេចតេជោ ហ៊ុន សែន ក៏បញ្ជាក់ថា កាលពីថ្ងៃមុនបណ្ដាអ្នកវិនិយោគក្រុមហ៊ុនធំៗដែលធ្វើដំណើរមកជាមួយប្រធានាធិបតីអាល្លឺម៉ង់ គឺមានបំណង់យកក្រុមហ៊ុនធំៗមកវិនិយោគនៅកម្ពុជា ដែលនេះគឺជាក្របខណ្ឌគោលនយោបាយក្នុងវិស័យឧស្សាហកម្មកម្ពុជា ដែលកំពុងត្រូវការអ្នកជំនាញបច្ចេកទេសជាច្រើននាពេលបច្ចុប្បន្ននេះ និងពេលអនាគតផងដែរ៕

អត្ថបទ៖ ពិសី

The post សម្ដេច ហ៊ុន សែន ចង់ទាក់ទាញវិនិយោគិន មកអភិវឌ្ឍន៍លើការកែច្នៃវត្ថុធាតុដើមក្នុងស្រុក appeared first on .

សម្ដេច ហ៊ុន សែន អនុញ្ញាតឱ្យមេបញ្ជាការកងស្វ័យការពារជើងគោកជប៉ុន ជួបសម្ដែងការគួរសម និងពិភាក្សាការងារ

ឧកញ៉ា ឆ្នាំងដី — Thu, 16 Feb 2023 06:02:23 +0000

នៅវិមានសន្តិភាព នាព្រឹកថ្ងៃទី១៦ ខែកុម្ភៈ ឆ្នាំ២០២៣នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឱ្យលោកនាយឧត្តមសេនីយ៍ យ៉ូស៊ីដា យ៉ូស៊ីហ៊ីដេ (Yoshida Yoshihide) មេបញ្ជាការកងស្វ័យការពារជើងគោកជប៉ុន ចូលជួបសម្ដែងការគួរសម និងពិភាក្សាការងារ។

តាមការឲ្យដឹងពីឯកឧត្តម អ៊ាង សុផល្លែត ជំនួយការផ្ទាល់សម្រេចតេជោបានឲ្យដឹងអំពីលទ្ធផលជំនួបថា លោកនាយឧត្តមសេនីយ៍ យ៉ូស៊ីដា យ៉ូស៊ីហ៊ីដេ បានលើកឡើងប្រាប់សម្តេចតេជោ ហ៊ុន សែន ថា នឹងជំរុញពង្រីក ពង្រឹងកិច្ចសហប្រតិបត្តិការជាមួយកងទ័ពកម្ពុជា ក្នុងនាមជាដៃគូយុទ្ធសាស្ត្រគ្រប់ជ្រុងជ្រោយ ដោយស្មើភាព មិនមានអ្នកដើរពីមុខ ឬអ្នកដើរពីក្រោយ គឺដៃគូស្មើភាពគ្នា ដើម្បីបម្រើឱ្យការងារមនុស្សធម៌ផង និងរក្សាសុខសន្តិភាពផង។ ក្នុងន័យនេះ លោកនាយឧត្តមសេនីយ៍ បានគោរពស្នើសុំការគាំទ្រដ៏ខ្ពង់ខ្ពស់ពីសម្ដេចតេជោនាយករដ្ឋមន្ត្រី ។

លោក យ៉ូស៊ីដា បានសម្ដែងនូវការគោរពជូនសម្ដេចតេជោដែលបានកសាងទ័ព ដឹកនាំទ័ព និងដឹកនាំកិច្ចចរចានាំមកជូនកម្ពុជា នូវសុខសន្តិភាព ស្ថិរភាព និងការអភិវឌ្ឍយ៉ាងឆាប់រហ័ស។ លោក យ៉ូស៊ីដា បានបន្ថែមថា បើសិនគ្មានសម្ដេចតេជោទេ គឺគ្មានទេសន្តិភាពឡើយ។

ជាការឆ្លើយតប សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងអំណរគុណចំពោះការវាយតម្លៃរបស់លោក យ៉ូស៊ីដា ហើយបានជម្រាបជូនពីដំណើរការស្វែងរកសន្តិភាពរបស់កម្ពុជា ដែលជាប្រទេសបានរងការបែកបាក់គ្នាអស់រយៈពេលជាច្រើនឆ្នាំកន្លងមក។

សម្ដេចតេជោ បានមានប្រសាសន៍ថា នៅពេលនោះ ពិតជាពិបាកណាស់ កម្ពុជាបានរងនូវការបាត់បង់ស្ទើរទាំងអស់។មួយចំណែកទៀត កម្ពុជារងនូវការកាប់សម្លាប់អស់ជាង ៣លាននាក់។ ក្នុងនាមជាយុវជនមួយរូប សម្ដេច គ្មានជម្រើសផ្សេងទេ មានតែការកសាងទ័ព តស៊ូ ចចារ និងយកជីវិតទៅប្ដូរ ដើម្បីសន្តិភាព។ មានសន្តិភាព ទើបមានអ្វីៗទាំងអស់ គ្មានសន្តិភាពទេ គឺគ្មានទេលទ្ធិប្រជាធិបតេយ្យ គ្មានទេសិទ្ធិមនុស្ស ព្រោះប្រជាធិបតេយ្យ និងសិទ្ធិមនុស្ស មិនជ្រកក្រោមសង្គ្រាមទេ ជាក់ស្ដែងដូចជា ស្ថានភាពនៅអ៊ុយក្រែន ជាឧទាហរណ៍ស្រាប់ ។

ជាចុងក្រោយ សម្ដេចតេជោ ហ៊ុន សែន បានថ្លែងអំណរគុណដល់ប្រជាជន និងរដ្ឋាភិបាលជប៉ុន ដែលបានជួយដល់កម្ពុជា ក្នុងដំណើរការចរចា និងប្រតិបត្តិការស្វែងរកសន្តិភាព និងតែងតែជួយដល់កម្ពុជាក្នុងការអភិវឌ្ឍ ។

សម្ដេចតេជោ នាយករដ្ឋមន្ត្រី បានលើកទឹកចិត្តឱ្យកងទ័ពទាំងពីរ សហការគ្នាក្នុងភាពជាដៃគូយុទ្ធសាស្ត្រគ្រប់ជ្រុងជ្រោយ ដើម្បីបម្រើឱ្យសេចក្ដីសុខសន្តិភាព របស់ប្រជាជនទាំងពីរផង ទាំងក្នុងតំបន់ និងក្នុងពិភពលោកផងដែរ ៕

The post សម្ដេច ហ៊ុន សែន អនុញ្ញាតឱ្យមេបញ្ជាការកងស្វ័យការពារជើងគោកជប៉ុន ជួបសម្ដែងការគួរសម និងពិភាក្សាការងារ appeared first on .

សម្តេចតេជោណែនាំ ៥ ចំណុច ដល់ក្រសួងស្ថាប័ន យកចិត្តទុកដាក់លើកកម្ពស់ផលិតផលក្នុងស្រុក

ជំទាវឧកញ៉ាស្រីទីន — Tue, 05 Apr 2022 07:46:52 +0000

ក្នុងទិវាជាតិលើកកម្ពស់ការប្រើប្រាស់ផលិតផលខ្មែរ សម្តេចតេជោ ហ៊ុន សែន បានថ្លែងសារដើម្បីបំផុសឲ្យមានការគាំទ្រ និងយកចិត្តទុកដាក់ក្នុងការលើកកម្ពស់ផលិតផលក្នុងស្រុក ដើម្បីរួមចំណែកដល់ការអភិវឌ្ឍនិងការរីកចម្រើនសម្រាប់សង្គមជាតិ។

ឆ្លើយតបទៅនឹងប្រធានបទ “ គាំទ្រផលិតផលខ្មែរ គឺថែរក្សាសេដ្ឋកិច្ចជាតិ “ ក្នុងទិវាជាតិ លើកកម្ពស់ការប្រើប្រាស់ផលិតផលខ្មែរ លើកទី៥ នៅឆ្នាំនេះ ប្រមុខរដ្ឋាភិបាលក៏បានផ្តល់មតិណែនាំមួយចំនួនដល់ក្រសួង ស្ថាប័នពាក់ព័ន្ធ រដ្ឋបាលថ្នាក់ក្រោមជាតិ និងបងប្អូនប្រជាពលរដ្ឋចូលរួមក្នុងការលើកកម្ពស់និងគាំទ្រផលិតផលខ្មែរដូចខាងក្រោម៖

ទីមួយ៖ គណៈកម្មាធិការជាតិជំរុញចលនាភូមិមួយផលិតផលមួយក្រសួងពាណិជ្ជកម្ម និងក្រសួងស្ថាប័នពាក់ព័ន្ធត្រូវបន្តកិច្ចសហការនិងសម្របសម្រួលជាមួយគ្នាឱ្យបានរលូនបន្តទៀត ដើម្បីលើកកម្ពស់ការ ប្រើប្រាស់ផលិតផលខ្មែរបន្តផ្សព្វផ្សាយឱ្យបានទូលំទូលាយពីផលិតផលខ្មែរ និងបន្តផ្តល់ជំនាញនានាដល់ ផលិតករលើដំណើរការខ្សែសង្វាក់ផលិតកម្ម ការពង្រឹងគុណភាព សុវត្ថិភាពផលិតផល ការកែច្នៃ និងការ វេចខ្ចប់ដើម្បីឆ្លើយតបទៅនឹងទីផ្សារក្នុងប្រទេសនិងក្រៅប្រទេស។

ទីពីរ៖ គណៈកម្មាធិការជាតិជំរុញចលនាភូមិមួយផលិតផលមួយ គណៈកម្មាធិការជំរុញចលនាភូមិ មួយផលិតផលមួយរាជធានីខេត្តទាំងអស់ និងក្រសួងពាណិជ្ជកម្ម ត្រូវសហការជាមួយនឹងវិស័យឯកជន រៀបចំទីផ្សារអនឡាញជួយផលិតផលខ្មែរក្នុងការទិញ-លក់ និងដាក់បង្ហាញក្នុងព្រឹត្តិការណ៍ពិព័រណ៍ផលិតផល នានាទាំងក្នុងប្រទេសនិងក្រៅប្រទេស និងតាមស្ថានតំណាងកម្ពុជាប្រចាំនៅបរទេស។

ទីបី៖ គណៈកម្មាធិការជាតិជំរុញចលនាភូមិមួយផលិតផលមួយ និងក្រសួងពាណិជ្ជកម្ម ត្រូវសហការជាមួយនឹងក្រសួងការបរទេសនិងសហប្រតិបត្តិការអន្តរជាតិ ដើម្បីឱ្យស្ថានតំណាងកម្ពុជាប្រចាំនៅបរទេសផ្សព្វផ្សាយផលិតផលខ្មែរនៅក្នុងព្រឹត្តិការណ៍ផ្សេងៗ ជាពិសេសផ្សារភ្ជាប់ការងារជំរុញចលនាភូមិ មួយផលិតផលមួយនៅកម្ពុជាទៅក្នុងក្របខ័ណ្ឌកិច្ចសហប្រតិបត្តិការក្នុងតំបន់ក្រោមការសម្របសម្រួលរបស់ អគ្គលេខាធិការដ្ឋានអាស៊ាន។

ទីបួន៖ គណៈកម្មាធិការជំរុញចលនាភូមិមួយផលិតផលមួយរាជធានីខេត្តទាំងអស់ ត្រូវបន្តសហការជាមួយនឹងគណៈកម្មាធិការជាតិជំរុញចលនាភូមិមួយផលិតផលមួយ ក្រសួងពាណិជ្ជកម្ម និងក្រសួងស្ថាប័នពាក់ព័ន្ធ រៀបចំចងក្រងផលិតផលក្នុងស្រុកដែលមានសក្តានុពលនៅក្នុងមូលដ្ឋានរបស់ខ្លួន ដោយបញ្ចូលជាផលិតផលភូមិមួយផលិតផលមួយ ដើម្បីតាមដាននិងវាយតម្លៃវឌ្ឍនភាពនៃការងារជួយដល់ផលិតផលក្នុងស្រុកពីបណ្តាក្រសួង ស្ថាប័នពាក់ព័ន្ធ និងកៀរគរការវិនិយោគនានាលើផលិតផលក្នុងស្រុក ស្របតាមគោលនយោបាយជាតិស្តីពីការជំរុញចលនាភូមិមួយផលិតផលមួយ ២០១៦ -២០២៦។

ទីប្រាំ៖ ប្រជាជនកម្ពុជាគ្រប់រូបត្រូវចូលរួមគាំទ្រលើកកម្ពស់ផលិតផលខ្មែរ តាមពាក្យស្លោក ប្រជាជនម្នាក់ទិញផលិតផលខ្មែរយ៉ាងតិចមួយមុខ និងសូមឱ្យក្រសួងស្ថាប័នពាក់ព័ន្ធទាំងថ្នាក់ជាតិ ថ្នាក់ក្រោមជាតិ ត្រូវសហការជាមួយនឹងអង្គការដៃគូអភិវឌ្ឍ វិស័យឯកជន សហគ្រាសធុនតូចនិងមធ្យម សហគមន៍ សមាគមជាដើម បន្តកិច្ចខិតខំប្រឹងប្រែងជួយជំរុញ អភិវឌ្ឍ និងចូលរួមសហការគ្នាយ៉ាងសកម្មនិង ជិតស្និទ្ធក្រោមកិច្ចសម្របសម្រួលរបស់គណៈកម្មាធិការជាតិជំរុញចលនាភូមិមួយផលិតផលមួយ ដើម្បីអនុវត្ត ឱ្យបានជោគជ័យនូវទិសដៅលើកកម្ពស់ផលិតផលខ្មែរ៕

The post សម្តេចតេជោណែនាំ ៥ ចំណុច ដល់ក្រសួងស្ថាប័ន យកចិត្តទុកដាក់លើកកម្ពស់ផលិតផលក្នុងស្រុក appeared first on .

លទ្ធផលដំណើរទស្សនកិច្ចសម្តេច ហ៊ុន សែន ទៅកាន់ប្រទេសមីយ៉ាន់ម៉ា

ឧកញ៉ាកោះក្របី — Fri, 07 Jan 2022 15:20:09 +0000

The post លទ្ធផលដំណើរទស្សនកិច្ចសម្តេច ហ៊ុន សែន ទៅកាន់ប្រទេសមីយ៉ាន់ម៉ា appeared first on .

មុនផ្លាស់ចូលឆ្នាំថ្មី ព្រះមហាក្សត្រតែងតាំងមន្ត្រីយោធាជាន់ខ្ពស់ ២រូប ជាទីប្រឹក្សាផ្ទាល់សម្តេចនាយករដ្ឋមន្រ្តី

ឧកញ៉ាកោះក្របី — Sat, 01 Jan 2022 15:54:27 +0000

ព្រះមហាក្សត្រកម្ពុជា ព្រះករុណា ព្រះបាទសម្ដេចព្រះ បរមនាថ នរោត្ដម សីហមុនី ព្រះអង្គសព្វព្រះរាជហឫទ័យ ចេញព្រះរាជក្រឹត្យផ្ដល់ឋានៈដល់ឥស្សរជនពីររូប ជាទីប្រឹក្សាផ្ទាល់សម្ដេច ហ៊ុន សែន នាយករដ្ឋមន្ត្រី នៅថ្ងៃទី៣១ ខែធ្នូ ថ្ងៃឆ្លងឆ្នាំសកល ២០២២ម្សិលមិញ។

ឥស្សរៈជន ដែលទើបទទួលបានការតែងតាំងជាទីប្រឹក្សាផ្ទាល់សម្តេចនាយករដ្ឋមន្ត្រី គឺលោក សឹង សំណាង មានឋានៈស្មើ ទេសរដ្ឋមន្ត្រី បន្ថែមលើមុខងារបច្ចុប្បន្ន។ លោកកាន់តួនាទីជានាយឧត្តមសេនីយ៍ អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងអាកាស ទទួលបន្ទុកលើការងារគ្រប់គ្រងបញ្ជាផ្ទាល់កងទ័ពជើងអាកាស និងបញ្ជាការដ្ឋានការពារអាកាកាស។

លោក ឈួន ថាវរិន្ទ មានឋានៈស្មើ រដ្ឋមន្ត្រី បន្ថែមលើមុខងារបច្ចុប្បន្ន។ លោកមានងារជាឧត្តមសេនីយ៍ឯក មេបញ្ជាការរងកងទ័ពជើងអាកាស នៃអគ្គបញ្ជាការដ្ឋាន និងជាសមាជិកគណៈកម្មាធិការកណ្តាលគណបក្សប្រជាជនកម្ពុជា។

តាមរយៈព្រះរាជក្រឹត្យមួយទំព័ររបស់ព្រះករុណា ព្រះមហាក្សត្រ បានបញ្ជាក់ថា ការតែងតាំង និងផ្តល់ឋានៈ ជាទីប្រឹក្សាផ្ទាល់សម្តេច ហ៊ុន សែន នាយករដ្ឋមន្ត្រីកម្ពុជា ដោយពុំទទួលប្រាក់បំណាច់មុខងារនោះទេ។

សូមជម្រាបជូនថា មុនដាច់ឆ្នាំចាស់ផ្លាស់ចូលឆ្នាំថ្មី ២០២២នេះ ពោលគឺនៅថ្ងៃទី២៨ ធ្នូដែលនោះ ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា ក៏បានចេញព្រះរាជក្រឹត្យត្រាស់បង្គាប់តែងតាំង និងផ្តល់ឋានៈជាទីប្រឹក្សា លោក ជាម យៀប អនុប្រធានទី១ ក្នុងនីតិកាលទី៦ នៃរដ្ឋសភាចំនួន ៣៣រូបផងដែរ។

លោក ជាម យៀប មុនក្លាយជាអនុប្រធានទី១ រដ្ឋសភាជាផ្លូវការ កាលពីថ្ងៃទី២៥ ខែវិច្ឆិកា ឆ្នាំ២០២១ ជំនួសលោក ងួន ញ៉ិល ដែលទទួលមរណភាព លោកជាប្រធានគណៈកម្មការសេដ្ឋកិច្ចហិរញ្ញវត្ថុ និងសវនកម្មនៃរដ្ឋសភា៕

The post មុនផ្លាស់ចូលឆ្នាំថ្មី ព្រះមហាក្សត្រតែងតាំងមន្ត្រីយោធាជាន់ខ្ពស់ ២រូប ជាទីប្រឹក្សាផ្ទាល់សម្តេចនាយករដ្ឋមន្រ្តី appeared first on .

រដ្ឋាភិបាល គ្រោងនឹងរៀបចំច្បាប់កំណត់អាយុចូលនិវត្តន៍របស់នាយករដ្ឋមន្រ្កីកម្ពុជា ប៉ុន្តែមិនកំណត់អាណត្តិឡើយ

ឧកញ៉ាកោះក្របី — Wed, 29 Dec 2021 14:35:48 +0000

មេដឹកនាំគណបក្សកាន់អំណាច សម្តេច ហ៊ុន សែន បានបង្ហើបថា សម្តេចគ្រោងនឹងរៀបចំច្បាប់មួយកំណត់អាយុចូលនិវត្តន៍របស់នាយករដ្ឋមន្រ្កីកម្ពុជា គឺបន្ទាប់ពីសម្តេចចាកចេញពីតំណែងកំពូលមួយនេះ។ ការប្រកាសនៅពេលនេះ នៅថ្ងៃនេះ ទំនងកើតឡើងពីការចង់បានរបស់មេក្រុមប្រឆាំងក្រៅរដ្ឋាភិបាល ដែលសំដៅដល់អតីតប្រធានស្តីទីអតីតគណបក្សសង្រ្គោះជាតិ ប៉ុន្តែសម្តេចបានអះអាងថានឹងមិនកំណត់អាណត្តិនាយករដ្ឋមន្រ្តីឡើយ។

នៅក្នុងពិធីសម្ពោធដាក់ឲ្យប្រើប្រាស់ជាផ្លូវការនូវអគាររដ្ឋបាល និងសាលប្រជុំទីស្តីការក្រសួងការពាជាតិ នៅព្រឹកថ្ងៃទី២៩ ខែធ្នូនេះ សម្តេច ហ៊ុន សែន បានថ្លែងថា៖ «នៅពេលដែលខ្ញុំចាកចេញពីតំណែងនាយករដ្ឋមន្រ្តី ខ្ញុំនឹងសម្រេចបំណងអ្នកដែលស្នើសុំឱ្យរៀបចំច្បាប់កំណត់អាយុនាយករដ្ឋមន្រ្តី»។ សម្តេចថា «តើអ្នកឯងចង់បានអាយុប៉ុន្មាន ប្រាប់មកមួយសារទៀត»។

ជុំវិញករណីនេះ ប្រមុខរដ្ឋាភិបាលកម្ពុជា បានពន្យល់ថា៖« អាណត្តិនាយករដ្ឋមន្រ្តី អត់មានកំណត់បានទេ ព្រោះគេបោះឆ្នោតរើសសមាជិកសភា គេមិនមែនបោះឆ្នោតផ្ទាល់រើសប្រធានាធិបតីឯណា ហើយសភាទេដែលបោះឆ្នោតរើសនាយករដ្ឋមន្រ្តី គេមិនមែនបោះឆ្នោត Direct ដើម្បីឱ្យមនុស្សហ្នឹងក្លាយទៅជានាយករដ្ឋមន្រ្តីឯណា? ហើយរឿងនរណាធ្វើនាយករដ្ឋមន្រ្តីនៅពេលណាគឺជារឿងបក្សរបស់គេ»។

ជាថ្មីម្តងទៀត សម្តេច ហ៊ុន សែន បានអះអាងបន្តថា សម្តេចអាចចូលនិវត្តមុន១ឆ្នាំទៅទៀត នៃអាយុចូលនិវត្តន៍របស់នាយករដ្ឋមន្រ្តី។

ដូចគ្នានេះដែរ រដ្ឋសភាកម្ពុជា ក៏បានអនុម័តច្បាប់កំណត់សញ្ជាតិខ្មែរតែមួយរួចមកហើយ សម្រាប់ដំណែងនាយករដ្ឋមន្រ្តី ប្រធានរដ្ឋសភា ប្រធានព្រឹទ្ធសភា និងប្រធានក្រុមប្រឹក្សាធម្មនុញ្ញ ដែលចូលជាធរមានកាលពីថ្ងៃទី០៨ ខែតុលា ឆ្នាំ២០២១៕

The post រដ្ឋាភិបាល គ្រោងនឹងរៀបចំច្បាប់កំណត់អាយុចូលនិវត្តន៍របស់នាយករដ្ឋមន្រ្កីកម្ពុជា ប៉ុន្តែមិនកំណត់អាណត្តិឡើយ appeared first on .

រដ្ឋាភិបាលចេញសារាចរណែនាំឱ្យឈប់សម្រាកចូលឆ្នាំខ្មែរខាងមុខហើយ តែត្រូវគោរពតាមលក្ខខណ្ឌទាំងនេះដាច់ខាត

អ្នកឧកញ៉ាវត្តភ្នំ — Sun, 21 Mar 2021 09:08:52 +0000

រាជរដ្ឋាភិបាលកម្ពុជា ទើបចេញសារាចរណែនាំថ្មី ស្ដីពីការឈប់សម្រាកក្នុងពិធីបុណ្យចូលឆ្នាំខ្មែរប្រពៃណីជាតិ ដែលនឹងប្រព្រឹត្តទៅ នៅថ្ងៃទី១៤ ដល់ថ្ងៃទី១៦ ខែមីនា ឆ្នាំ២០២១ខាងមុខនេះ។ ទី១. បុគ្គលិកស្ថាប័នរដ្ឋ អាចឈប់សម្រាករយៈពេល ៣ថ្ងៃ ទី២. បុគ្គលិក កម្មករ និយោជិតស្ថាប័នឯកជន អាចឈប់បាន ៣ថ្ងៃ តែមានជម្រើស២ (សូមអានសារាចរណែនាំ) ៕

The post រដ្ឋាភិបាលចេញសារាចរណែនាំឱ្យឈប់សម្រាកចូលឆ្នាំខ្មែរខាងមុខហើយ តែត្រូវគោរពតាមលក្ខខណ្ឌទាំងនេះដាច់ខាត appeared first on .

ចៅស្រីសម្តេចតេជោ ទទួលបានវិញ្ញាបនបត្រមាសថ្មីមួយទៀត ពីកម្មវិធីប្រឡងគណិតវិទ្យាលលំដាប់ពិភពលោក

ឧកញ៉ាសម្រែ — Fri, 26 Feb 2021 10:46:47 +0000

កុមារី ហ៊ុន ពេជ្រមុន្នីលីណា ចៅស្រីបណ្តូលចិត្តរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងជាកូនស្រីទី២របស់លោក ហ៊ុន ម៉ាណែត និងលោកស្រី ពេជ ចន្ទមុន្នី បានទទួលវិញ្ញាបនបត្រមាសថ្មី ពីកម្មវិធីប្រឡងគណិតវិទ្យាលលំដាប់ពិភពលោក ដែលមានឈ្មោះថា «Mathletics»។

វិញ្ញាបនបត្រមាសនេះ ត្រូវបានកម្មវិធី «Mathletics» ប្រគល់ជូនកុមារី ហ៊ុន ពេជ្រមុន្នីលីណា កាលពីថ្ងៃទី១៥ ខែកុម្ភៈ ជាមួយពិន្ទុ ២០,៥៤០។

កម្មវិធីនេះប្រឡងធ្វើរៀងរាល់ថ្ងៃ អ្នកប្រឡងបានពិន្ទុលើសពី ១,០០០ នឹងបានទទួលវិញ្ញាបនបត្រសំរឹទ្ធ (Bronze certificate) មួយ។ អ្នកទទួលបានវិញ្ញាបនបត្រសំរឹទ្ធ៥ នឹងទទួលបានវិញ្ញាបនបត្រប្រាក់ (Silver certificate) មួយ ហើយអ្នកទទួលបានវិញ្ញាបនបត្រប្រាក់៤ និងទទួលបានវិញ្ញាបនបត្រមាស (Gold certificate) មួយ។ វិញ្ញាបនបត្រទាំងនេះ គឺជាវិញ្ញាបនបត្រថ្នាក់ពិភពលោក។

សូមជម្រាបថា «Mathletics» គឺជាគេហទំព័រអប់រំ តាមអ៊ីនធឺណិតមួយ ដែលបានបង្កើតឡើងក្នុងឆ្នាំ ២០០៥ នៅប្រទេសអូស្ត្រាលី។ កម្មវិធីនេះ ត្រូវបានពង្រីកផ្សព្វផ្សាយទូទាំងពិភពលោក។ «Mathletics» ទាក់ទាញអ្នកចូលរួមបានរាប់លាននាក់ នៅទូទាំងពិភពលោក។

The post ចៅស្រីសម្តេចតេជោ ទទួលបានវិញ្ញាបនបត្រមាសថ្មីមួយទៀត ពីកម្មវិធីប្រឡងគណិតវិទ្យាលលំដាប់ពិភពលោក appeared first on .

រំភើបចិត្តជំនួស!សម្ដេចតេជោ ហ៊ុន សែន កោតសរសើរនូវទឹកចិត្តមនុស្សធម៌របស់ឧកញ៉ាឡេង ណាវ៉ាត្រា នៅចំពោះមុខចំៗតែម្ដង

កូនចៅឧកញ៉ា — Wed, 21 Oct 2020 05:10:46 +0000

សម្ដេចតេជោ ហ៊ុន សែន ប្រមុខនៃរាជរដ្ឋាភិបាលកម្ពុជានៅព្រឹកនេះ បានលើកសរសើរ ឧកញ៉ាវ័យក្មេង ឡេង ណាវ៉ាត្រា ដែលបានចូលរួមឧបត្ថម្ភដល់រាជរដ្ឋាភិបាល៦០ម៉ឺនដុល្លារ សម្រាប់ជួយសង្គ្រោះប្រជាពលរដ្ឋ ដែលរងគ្រោះដោយសារទឹកជំនន់ព្រមទាំង យកអំណោយអង្ករ៥០តោន ហើយថែមដឹកនាំ កំពូលតារាចម្រៀងល្បីៗ ដូចជា ព្រាប សុវត្ថិ ខេម តន់ ច័ន្ទសីម៉ា អ៊ុក សុវណ្ណារីជាដើមចុះចែកអំណោយដោយផ្ទាល់ នៅខេត្តបន្ទាយមានជ័យ។

សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា លើកឡើងថា ” ការពិតលោកឧកញ៉ាឡេង ណាវ៉ាត្រា បានធ្វើដំណើរត្រឡប់វិញហើយដោយសម្រាកនៅខេត្តសៀមរាប បន្ទាប់ពីនាំក្រុមតារា មកចែកអំណោយជូនពលរដ្ឋ ប៉ុន្តែសម្ដេចបានបបួល មកចូលរួមកម្មវិធីចែកអំណោយនេះ។ “គេជួយ៦០ម៉ឺនដុល្លារ ឧកញ៉ាវ័យក្មេងរូបនេះ ជួយដល់៦០ម៉ឺនដុល្លារឯណោះ រួចគេដឹកអង្ករ៥០តោន មកចែកជូនពលរដ្ឋនៅខេត្តបន្ទាយមានជ័យទៀត ចឹងហើយគេត្រឡប់ទៅដល់សៀមរាបក៏ហៅមកជាមួយទៅ”។ ការលើកសរសើរបែបនេះ គ្រាដែលសម្ដេចតេជោអញ្ជើញចែកអំណោយជូនប្រជាពលរដ្ឋ១ម៉ឺនគ្រួសារ ដែលរងគ្រោះដោយសារទឹកជំនន់ នៅស្រុកមង្គលបូរី ខេត្ត បន្ទាយមានជ័យ នាព្រឹកថ្ងៃទី២១ ខែ តុលា ឆ្នាំ២០២០នេះ។

ទទឹមគ្នានោះដែរ សម្ដេចក៏បានថ្លែងអំណរគុណដល់សប្បុរសជនទាំងអស់ដែលបានចូលរួមឧបត្ថម្ភដល់រាជរដ្ឋាភិបាល បើគិតត្រឹមម៉ោង 11:29 នាទីព្រឹក ថ្ងៃទី២០ តុលា ២០២០នេះថវិកាទទួលបាន 7,170,549 ដុល្លារ , 627,025,000 រៀល, ៥.០០០€ (ប្រាំពាន់អឺរ៉ូ) និងអង្ករ ១០០តោន ។ ក្នុងចំណោមឧកញ៉ាល្បីៗ ដែលជាម្ចាស់ក្រុមហ៊ុនជាច្រើនរូប បានចូលរួមបរិច្ចាគថវិកា គេឃើញថា លោកឧកញ៉ា ឡេង ណាវ៉ាត្រា នាយកក្រុមហ៊ុន ឡេង ណាវ៉ាត្រាគ្រុប បានចូលរួមបរិច្ចាគ ថវិកាជូន៦០ម៉ឺនដុល្លារ ដែលជាចំនួន ដ៏ច្រើនជាងគេ។

សូមបញ្ជាក់ផងដែរថា លោកឧកញ៉ាវ័យក្មេង ឡេង ណាវ៉ាត្រា កាលពីម្សិលមិញនេះ បានដឹកនាំ តារាចម្រៀងរបស់ផលិតកម្ម ហ្គាឡាក់ស៊ី ណាវ៉ាត់ត្រា ជាច្រើនដួង បានបង្ហាញវត្តមាន ជាមួយប្រជាពលរដ្ឋ ដែលកំពុងរងគ្រោះដោយជំនន់ទឹកភ្លៀង នៅស្រុកអង្គរបូរី ខេត្តបន្ទាយមានជ័យ ក្នុងមាន លោក ព្រាប សុវត្ថិភាព, ខេម, កញ្ញា តន់ ចន្ទសីម៉ា និង កញ្ញា អ៊ុក សុវណ្ណារី ដែលដឹកនាំដោយ លោកឧកញ៉ា ឡេង ណាវ៉ាត់ត្រា រួមជាមួយអំណោយជាអង្ករ ចំនួន៥០តោន និងគ្រឿងឧបភោប ជាច្រើន ថែមទៀតផង ដើម្បីចែកជូនដល់ពលរដ្ឋដែលកំពុងទទួលរងគ្រោះ។ សកម្មភាពនេះ បានធ្វើឲ្យមហាជន កោតសរសើរនៅទឹកចិត្តមនុស្សធម៌នេះជាខ្លាំង ពិសេសនោះ គឺសម្ដេចតែម្ដង បានលើកសរសើរចំពោះមុខតែម្ដង៕

The post រំភើបចិត្តជំនួស!សម្ដេចតេជោ ហ៊ុន សែន កោតសរសើរនូវទឹកចិត្តមនុស្សធម៌របស់ឧកញ៉ាឡេង ណាវ៉ាត្រា នៅចំពោះមុខចំៗតែម្ដង appeared first on .

សម្ដេចតេជោ៖គិតត្រឹមម៉ោង10:27 ព្រឹកថ្ងៃ១៤តុលា២០២០នេះថវិកាទទួលបាន$4,510,000ដុល្លារហើយ

កូនចៅឧកញ៉ា — Wed, 14 Oct 2020 05:07:48 +0000

សម្ដេចតេជោ ហ៊ុន សែន បានសរសេរលើផេក ស្ដេចបែបនេះថា( ខ្ញុំសូមអរគុណចំពោះសប្បុរសជនដែលបានចូលរួមជួយប្រជាជនក្នុងគ្រោះជំនន់ទឹកភ្លៀងដែលកំពុងកើតមាននៅក្នុងប្រទេស។គិតត្រឹមម៉ោង 10:27 ព្រឹកថ្ងៃ១៤តុលា២០២០នេះថវិកាទទួលបាន $4,510,000 ដុល្លារដែលក្នុងនោះ –

១.លោកឧកញ៉ា គិត ម៉េង និង លោកជំទាវ

ម៉ៅ ចំណាន ២០ មុឺនដុល្លារ។

២.ក្រុមហ៊ុនជីប ម៉ុង ៣០មុឺនដុល្លារ។

៣.លោកឧកញ៉ា ថៃ ជាហួត ក្រុមហ៊ុន ប៉េង ហួត២០មុឺនដុល្លារ។

៤.លោកឧកញ៉ា ឌួង ឆាយ និង លោកជំទាវ ដេត ម៉ាលីណា ១០មុឺនដុល្លារ។

៥.លោកជំទាវឧកញ៉ា ង៉ូវ ម៉ុក និង លោក

ឧកញ៉ា ង៉ូវ ស្រ៊ុន ១០ម៉ឺនដុល្លារ។

៦.លោកឧកញ៉ា ថោង សារ៉ាត និង លោក

ជំទាវ ធីតា ១០មុឺនដុល្លារ។

៧.ឧកញ៉ា ហុង ពីវ ៥០មុឺនដុល្លារ។

៨.អ្នកឧកញ៉ា ចេន សុី ៥០មុឺនដុល្លារ។

៩.ឧកញ៉ា ឃុន សៀ ១០មុឺនដុល្លារ។

១០.ឧកញ៉ា លី ហួរ ១០មុឺនដុល្លារ។

១១. ក្មួយ នឹម វណ្ណះ ៥ពាន់ដុល្លារ។

១២. ក្រុមហ៊ុនស្រាបៀ Ganzberg ៣០ម៉ឺនដុល្លារ។

១៣.ឧកញ៉ា សៀ ឬទ្ធី ១០ម៉ឺនដុល្លារ។

១៤. ឧកញ៉ា ហេង សិទ្ធី និងលោកជំទាវ ១០ម៉ឺនដុល្លារ។

១៥.ឧកញ៉ា ពុង ឃាវសែ ២០ម៉ឺនដុល្លារ។

១៦. ក្រុមហ៊ុន 7NG ១ម៉ឺនដុល្លារ

១៧.ឧកញ៉ា អ៊ុល ចំណាន និងភរិយា ២ម៉ឺនដុល្លារ។

១៨.ឧកញ៉ា អឹង ប៊ុនហ៊ូវ ២០ម៉ឺនដុល្លារ។

១៩.ឧកញ៉ា លី យ៉ុងផាត់ និងលោកជំទាវ ២០ម៉ឺនដុល្លារ។

២០. ធនាគារអេស៉ីលីដា ២០ម៉ឺនដុល្លារ។

២១ ស៊ីន ឃីម ទីប្រឹក្សាសម្តេចអគ្គមហាចក្រី ហេង សំរិន ២ម៉ឺនដុល្លារ ។

២២ ឧកញ៉ា ឡេង ណាវ៉ាត្រា និងលោកជំទាវ ៦០ម៉ឺនដុល្លារ។

២៣ ឯឧ ម៉ៅ ហាវណ្ណាល់ រដ្ឋមន្រ្តីទទួលបន្ទុករដ្ឋលេខាធិការដ្ឋានអាកាសចរស៊ីវិល ៥ពាន់ដុល្លារ ។

២៤ ឯឧ លឹម លាង ១០ម៉ឺនដុល្លារ ។

២៥ អ៊ឹង លីហេង និងលោកជំទាវ ៥ម៉ឺនដុល្លារ។

២៦ ក្រុមហ៊ុន កម្ពុជាតេឡា ២០ម៉ឺនដុល្លារ។

ថវិកាដែលសប្បុរសជនចូលរួមនេះនឹងចាត់ចែងជួយសង្រ្គោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ។ក្នុងករណីយមានសប្បុរសជនចង់ចូលរួមបន្ថែមទៀតសូមទាក់ទងលោកសេង ទៀង រដ្ឋលេខាធិការទីស្តីការគណៈរដ្ឋមន្ត្រី។ (ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក)៕)

The post សម្ដេចតេជោ៖គិតត្រឹមម៉ោង10:27 ព្រឹកថ្ងៃ១៤តុលា២០២០នេះថវិកាទទួលបាន$4,510,000ដុល្លារហើយ appeared first on .