ក្រុមហ៊ុនសម្ភារៈកីឡាចិន Li Ning ត្រូវការលុយ ជាង ១ ពាន់លានដុល្លារ ប្រកាសលក់ភាគហ៊ុនដើម្បីចូលទីផ្សារអន្តរជាតិ

ឧកញ៉ាសំពៅ — Thu, 28 Oct 2021 08:26:39 +0000

ក្រុមហ៊ុនលក់សម្ភារៈកីឡាចិន Li Ning Co បានប្រកាសកាលពីថ្ងៃព្រហស្បតិ៍ពីគម្រោងចង់លក់ភាគហ៊ុនក្រុមហ៊ុនប្រមាណ ១០ ពាន់លានដុល្លារហុងកុង ឬ ១,៣៥ ពាន់លានដុល្លារអាមេរិក ដើម្បីធ្វើជាដើមទុនសម្រាប់ការបោះជំហានចូលទីផ្សារអន្តរជាតិ។

ក្រុមហ៊ុនដែលមានមូលដ្ឋាននៅទីក្រុងប៉េកាំងបញ្ជាក់ថា ភាគហ៊ុនដែលចង់លក់នោះគឺប្រមាណ ១២០ លានហ៊ុន ស្មើនឹង ៤,៥៩% នៃភាគហ៊ុនសរុប ទៅកាន់ម្ចាស់ភាគហ៊ុនធំគឺ Viva China Holdings។

ដោយឡែក តម្លៃភាគហ៊ុនដែល Li Ning ប្រកាសលក់នោះគឺមានតម្លៃប្រមាណ ៨៧,៥ ដុល្លារហុងកុង ឬជាង ១១ ដុល្លារ/ហ៊ុន ខណៈដែលទឹកប្រាក់បានមកពីការលក់ នឹងវិនិយោគបន្ថែមទៅលើវិស័យសំណង់កែច្នៃឡើងវិញ និងការផ្គត់ផ្គង់សម្ភារៈជាដើម ហើយក៏ធ្វើជាដើមទុនបម្រុងផងដែរ។

បញ្ជាក់ដែរថា Viva នឹងព្រមទិញភាគហ៊ុនក្នុងតម្លៃខាងលើ ដូចវិនិយោគិនជនទី ៣ ជាមួយនឹងចំនួនដែលបានកំណត់ទុកមុន ស្របពេល Li Ning នឹងសល់ភាគហ៊ុនប្រមាណត្រឹម ១០,៣៧% ប៉ុណ្ណោះ ក្រោយបញ្ចប់កិច្ចសន្យាលក់ដូរ ខណៈកន្លងទៅពួកគេមាន ១០,៨៧% ៕

ប្រភព: channelnewsasia

The post ក្រុមហ៊ុនសម្ភារៈកីឡាចិន Li Ning ត្រូវការលុយ ជាង ១ ពាន់លានដុល្លារ ប្រកាសលក់ភាគហ៊ុនដើម្បីចូលទីផ្សារអន្តរជាតិ appeared first on .