សាកលវិទ្យាល័យឌីជីថលកម្ពុជា

បើកបវេសនកាលថ្មី!សិស្សនិស្សិតទើបចប់ថ្នាក់ទី12 មានជីវភាពខ្វះខាត( DUC)ផ្ដល់ជូនប្រាក់ហាត់ការ 30 ម៉ឺនរៀលក្នុងមួយខែមិនបង់ថ្លៃសាលា រយៈពេល 4 ឆ្នាំ អាហារ កន្លែង ស្នាក់នៅទឹក ភ្លើង និង អ៊ីនធឺណិតកុំព្យូទ័រហាត់ការមួយគ្រឿង ជួយចេញថ្លៃព្យាបាលជំងឺកម្រិតស្រាល

រ៉េត សុកធា — Mon, 18 Nov 2024 03:32:22 +0000

ដំណឹងល្អ សម្រាប់សិស្សទើបចប់ទី១២ ដែលស្វែងរកសាកលវិទ្យាល័យដើម្បីបន្ដការសិក្សានៅថ្នាក់ឧត្ដមប៉ុន្ដែមិនមានលទ្ធភាព, សាកលវិទ្យាល័យឌីជីថលកម្ពុជា (DUC) ប្រកាសផ្ដល់អាហាររូបករណ៍រយៈពេល៤ឆ្នាំពេញ ប្រាក់ហាត់ការ កន្លែងស្នាក់នៅ និងអាហារបីពេល។

ការផ្ដល់ជូនអាហាររូបករណ៍នេះ មិនមែនផ្ដល់តែសម្រាប់សិស្សដែលប្រឡងជាប់បាកឌុបប៉ុណ្ណោះទេ សម្រាប់សិស្សដែលប្រឡងធ្លាក់ទី១២ ក៏សាកលវិទ្យាល័យផ្ដល់អាហាររូបករណ៍ឱ្យរៀនបរិញ្ញាបត្ររងផងដែរ។

អត្ថប្រយោជន៍ដែលសិស្ស និស្សិតនឹងទទួលបានក្រោយទទួលបានអាហាររូបករណ៍ពីសាកលវិទ្យាល័យឌីជីថលកម្ពុជា មានដូចជា៖ អាហាររូបករណ៍១០០%រយៈពេល៤ឆ្នាំពេញ ,ប្រាក់ហាត់ការ 30 ម៉ឺនរៀលក្នុងមួយខែ , អាហារបីពេល, កន្លែងស្នាក់នៅ, ទឹក ភ្លើង និង អ៊ីនធឺណិត, កុំព្យូទ័រហាត់ការមួយគ្រឿង, ព្រមទាំងជួយចេញថ្លៃព្យាបាលជំងឺកម្រិតស្រាលទៀតផង។

អ្វីដែលកាន់តែពិសេសសម្រាប់និស្សិតដែលបញ្ចប់ការសិក្សានៅសាកលវិទ្យាឌីជីថលកម្ពុជា Digital University of Cambodia (DUC) សាលានឹងជួយរកការងារឱ្យធ្វើផងដែរ។

សម្រាប់ព័ត៌មានលម្អិត ប្អូនៗអាចទាក់ទងមកកាន់តេឡេក្រាមខាងក្រោម៖
https://t.me/+855965667774

សូមជម្រាបជូនថា ការជ្រើសរើស និងផ្ដល់អាហាររូបករណ៍ដល់និស្សិតក្រីក្រនេះ គឺជាជំនាន់ទី២ហើយ ដែលសាកលវិទ្យាល័យ ឌីជីថលកម្ពុជា Digital University of Cambodia.(DUC) បានរៀបចំឡើង ដោយនៅក្នុងគោលបំណង បណ្ដុះបណ្ដាលធនធានមនុស្សឆ្លើយតបនឹងតម្រូវការទីផ្សារ និងសេដ្ឋកិច្ចក្នុងយុគសម័យឌីជីថល៕

The post បើកបវេសនកាលថ្មី!សិស្សនិស្សិតទើបចប់ថ្នាក់ទី12 មានជីវភាពខ្វះខាត( DUC)ផ្ដល់ជូនប្រាក់ហាត់ការ 30 ម៉ឺនរៀលក្នុងមួយខែមិនបង់ថ្លៃសាលា រយៈពេល 4 ឆ្នាំ អាហារ កន្លែង ស្នាក់នៅទឹក ភ្លើង និង អ៊ីនធឺណិតកុំព្យូទ័រហាត់ការមួយគ្រឿង ជួយចេញថ្លៃព្យាបាលជំងឺកម្រិតស្រាល appeared first on .

សាកលវិទ្យាល័យឌីជីថលកម្ពុជា ផ្ដល់ជូន ប្រាក់ហាត់ការ30មុឺន/1ខែ អាហារ កន្លែងស្នាក់នៅ មិនបង់ថ្លៃសិក្សា4ឆ្នាំ ចំពោះអ្នកមានជីវភាពខ្វះខាត

រ៉េត សុកធា — Tue, 12 Nov 2024 06:50:51 +0000

សាកលវិទ្យាល័យឌីជីថលកម្ពុជា (DUC) ប្រកាសផ្ដល់អាហាររូបករណ៍១០០% រយ:ពេល៤ឆ្នាំពេញ ជូនចំពោះសិស្សក្រីក្រដែលទើបប្រឡងចប់បាក់ឌុបហើយថ្មីៗ ទោះបីជាលទ្ធផលជាប់ ឬធ្លាក់បាក់ឌុបក៏ដោយ មិនត្រឹមតែប៉ុណ្ណោះថែមទាំង ផ្ដល់ជូន ប្រាក់ហាត់ការ30មុឺនក្នុង1ខែ អាហារ និងកន្លែងស្នាក់នៅ ថែមទៀតផង។

សម្រាប់សិស្សានុសិស្សដែលមានជីវភាពក្រីក្រ ចង់បន្ដការសិក្សានៅថ្នាក់ឧត្ដមតែគ្មានលទ្ធភាព អាចអញ្ជើញមកចុះឈ្មោះសុំអាហាររូបករណ៍ពីសាកលវិទ្យាល័យឌីជីថលកម្ពុជាបាន។ ដែលសាលាបានបើកបង្រៀនផ្ដោតទៅលើមុខជំនាញចំនួន១០ សំខាន់ៗគឺ៖ ១, ភាសាអង់គ្លេស, ២, ក្សេត្រសាស្រ្តនិងសាកវប្បកម្ម(កសិកម្ម) ៣, ព័ត៌មានវិទ្យា ៤, ស្ថាបត្យកម្មនិងសំណង់ស៊ីវិល ៥, ក្រាហ្វិកឌីហ្សាញ ៦, រដ្ឋបាលសាធារណៈ ៧,នីតិសាធារណៈ ៨, ប្រព័ន្ធផ្សព្វផ្សាយសង្គម ៩,ទីផ្សារឌីជីថល និង១០, សេដ្ឋកិច្ចឌីជីថល។

មិនត្រឹមតែផ្ដល់អាហាររូបករណ៍១០០% លើការសិក្សាប៉ុណ្ណោះទេ សាកលវិទ្យាល័យឌីជីថលកម្ពុជា Digital University of Cambodia.(DUC) ក៏នឹងផ្ដល់កន្លែងស្នាក់នៅ អាហារហូបចុក៣ពេលក្នុងមួយថ្ងៃ ប្រើប្រាស់ទឹក ភ្លើង អ៊ីនធើណេត ដោយសេរី កំព្យូទ័រហាត់ការមួយគ្រឿង ព្រមទាំងឧបត្ថម្ភប្រាក់ហាត់ការចំនួន៣០ម៉ឺនរៀលក្នុងមួយខែទៀតផង។ អ្វីដែលកាន់តែពិសេសទៀតនោះ នៅពេលនិស្សិតមានជំងឺកម្រិតស្រាលណាមួយ សាលានឹងចេញថ្លៃព្យាបាលឱ្យថែមទៀតផង។

អត្ថប្រយោជន៍ដែលទទួលបាន មិនមែនត្រឹមតែប៉ុណ្ណេះនោះទេ នៅពេលនិស្សិតបញ្ចប់ការសិក្សា សាលាក៏រកការងារឱ្យធ្វើថែមទៀតផង។

The post សាកលវិទ្យាល័យឌីជីថលកម្ពុជា ផ្ដល់ជូន ប្រាក់ហាត់ការ30មុឺន/1ខែ អាហារ កន្លែងស្នាក់នៅ មិនបង់ថ្លៃសិក្សា4ឆ្នាំ ចំពោះអ្នកមានជីវភាពខ្វះខាត appeared first on .

និស្សិតនៅសាកលវិទ្យាល័យឌីជីថលកម្ពុជា រៀបរាប់ពីការសិក្សានិងការរស់នៅ ក្នុងរយៈពេលមួយឆ្នាំនៅទីនោះ

រ៉េត សុកធា — Mon, 11 Nov 2024 09:21:50 +0000

កញ្ញា ហោ ស្រីនី និស្សិតក្រីក្រដែលមានជីវភាពខ្វះខាត កំពុងសិក្សានៅសាកលវិទ្យាល័យឌីជីថលកម្ពុជា (DUC) បារៀបរាប់ពីការសិក្សានិងការរស់នៅ ក្នុងរយៈពេលមួយឆ្នាំនៅទីនោះ ក្នុងនោះដែរ នាងបានបង្ហាញការខកចិត្តយ៉ាងខ្លាំង ចំពោះការចុះផ្សាយរបស់សារព័ត៌មាន The cambodia daily ដែលមានលោក តាំង សារ៉ាដា បានចោទប្រកាន់មកលើសាកលវិទ្យាល័យថា ជាសាលាដែលគ្មានគុណភាពសម្រាប់សិស្សនិស្សិត។

តាមរយៈឃ្លីបវីដេអូ នៅថ្ងៃទី១១ ខែវិច្ឆិកា ឆ្នាំ២០២៤ និស្សិត ហោ ស្រីនី ដែលមកពីគ្រួសារក្រីក្រនៅខេត្តសៀមរាប និងទទួលបានឱកាសសិក្សានៅសាកលវិទ្យាល័យឌីជីថលកម្ពុជា (DUC) បានឲ្យដឹងពីស្ថានភាពពិតនៃការរស់នៅ និងការសិក្សានៅសាកលវិទ្យាល័យ DUC ផ្ទុយស្រឡះពីការចុះផ្សាយបំភ្លើសរបស់លោក តាំង សារ៉ាដា នៅលើសារព័ត៌មាន The Cambodia Daily Khmer ។

និស្សិត ហោ ស្រីនី បានលើកឡើងថា រូបគេពិតជាឈឺចាប់ និងខកចិត្តជាខ្លាំង ចំពោះការចុះផ្សាយបំភ្លើសរបស់លោក តាំង សារ៉ាដា ដោយសារសាលាបានផ្តល់ការយកចិត្តទុកដាក់ និងផ្តល់អ្វីៗគ្រប់យ៉ាងដល់និស្សិតគ្រប់គ្នា។ និស្សិតរូបនេះ បានបញ្ជាក់ច្បាស់ៗថា រូបគេមករៀននៅសាកលវិទ្យាល័យ DUC គឺទទួលបានអ្វីៗលើសពីការរំពឹងទុក ដោយទទួលបានអាហារូបករណ៍សិក្សា ៤ឆ្នាំ ដោយឥតគិតថ្លៃ ទទួលបានកន្លែងស្នាក់ ទឹកភ្លើង អាហាបីពេល សំលៀកបំពាក់ សម្ភារៈប្រើប្រាស់ដូចជាកុំព្យូទ័រ និងមានការផ្តល់សេវាថែទាំសុខភាពផងដែរ។ មិនតែប៉ុណ្ណោះ រូបនេះក៏ទទួលបានឱកាសការងារហាត់ការ និងប្រាក់ឧបត្ថម្ភ ៣០ម៉ឺនរៀលក្នុងមួយខែទៀតផង។

និស្សិតរៀនផ្នែកអក្សរសាស្ត្រអង់គ្លេសរូបនេះ បានរៀបចំរាប់ទៀតថា រូបគេពិតជាមានទំនុកចិត្ត កក់ក្តៅ បានមកសិក្សានៅសាកលវិទ្យាល័យ DUC។ រូបគេពិតជាសប្បាយចិត្តនៅពេលបានរៀនសូត្របណ្តើរ និងអនុវត្តការងារបណ្តើរ ព្រមទាំងបានចំណេះដឹងថ្មីៗ ដើម្បីអភិវឌ្ឍសមត្ថភាពពីមួយជំហានទៅមួយជំហាន។

ជុំវិញការចោទប្រកាន់ដោយគ្មានមូលដ្ឋានពីសារព័ត៌មាន The Cambodia Daily Khmer , និស្សិត ហោ ស្រីនី បានចាត់ទុកការចុះផ្សាយនោះថា ដូចជាការបង្ខូចអនាគតសិស្សនិស្សិតរាប់ពាន់ និងបានផ្ញើសារទៅលោក តាំង សារ៉ាដា បើមិនបានជួយកូនខ្មែរទេ សូមកុំបំផ្លាញទឹកចិត្ត និងកុំបំផ្លាញធនធាននិស្សិតខ្មែរអី។ ទន្ទឹមនេះដែរ និស្សិត និងមហាជនអ្នកប្រើប្រាស់បណ្តាញសង្គមជាច្រើនទៀត ក៏បានប្រតិកម្មចំពោះអង្គភាពព័ត៌មានមួយនេះ ដែលតែងតែមានចេតនាញុះញង់បំបែកបំបាក់ជាតិ ថោកទាប និងមួយថ្ងៃៗចាំតែញុះញង់បង្កាច់បង្ខូច។

សូមជម្រាបថា សាកលវិទ្យាល័យ ឌីជីថលកម្ពុជា Digital University of Cambodia (DUC) បានប្រកាសផ្ដល់ជូនអាហាររូបករណ៍ 100% ដល់និស្សិតក្រីក្រដែលមានជីវភាពខ្វះខាត មកពីតាមបណ្ដាររាជធានី ខេត្ដនានា នៅក្នុងឆ្នាំសិក្សា២០២៤-២០២៥នេះ។ អត្ថប្រយោជន៍ផ្សេងៗដែលនិស្សិតនឹងទទួលបានក្រោយសម្ភាសន៍ជាប់គ្រប់លក្ខខណ្ឌ និងគោរពតាមបទបញ្ជាផ្ទៃក្នុងសាលា និស្សិតនឹងទទួលបានអាហាររូបករណ៍ 100% រយៈពេល ៤ឆ្នាំពេញ, ផ្ដល់អាហារចំនួន៣ពេល, កន្លែងស្នាក់នៅ និងផ្ដល់ប្រាក់ហាត់ការ ជារៀងរាល់ខែចំនួន ៣០ម៉ឺនរៀលផងដែរ។

អាហារូបកណ៍នេះ គឺផ្ដល់ជូនសម្រាប់សិស្សនិស្សិត ក្រីក្រ ដែលគ្មានលទ្ធភាពរៀនបន្ត ធ្លាក់បាក់ឌុប ក៏អាចរៀនបរិញ្ញាបត្ររងបានដែរ ហើយរៀនចប់សាលានិងជួយស្វែងរកការងារឲ្យធ្វើថែមទៀត។

សូមស្ដាប់ការរៀបរាប់របស់និស្សិតកញ្ញា ហោ ស្រីនី ទាំងអស់គ្នា។

The post និស្សិតនៅសាកលវិទ្យាល័យឌីជីថលកម្ពុជា រៀបរាប់ពីការសិក្សានិងការរស់នៅ ក្នុងរយៈពេលមួយឆ្នាំនៅទីនោះ appeared first on .

សាកលវិទ្យាល័យឌីជីថលមិនមែនមានលុយបង់ចេះតែចូលរៀនបានទេ លក្ខខណ្ឌវិន័យតឹងរឹង និងផ្ដល់ឱកាស ឲ្យនិស្សិតក្រីក្រ ជាអទិភាព

ឧកញ៉ាតូច — Wed, 29 Nov 2023 10:36:07 +0000

មកមើលសាកលវិទ្យាល័យ ឌីជីថលកម្ពុជា ដំបូងគេបង្អស់ សាងសង់លើផ្ទៃដីជាង ២០ហិចតា មិនមែនមានលុយបង់ចេះតែចូលរៀនបានទេ លក្ខខណ្ឌវិន័យតឹងរឹង និងផ្ដល់ឱកាស ឲ្យនិស្សិតក្រីក្រ ជាអទិភាព។ នេះបើផ្អែកតាមផេកផ្លូវការសាកលវិទ្យាល័យបង្ហោះ។

ដើម្បីឆ្លើយតបនឹងតម្រូវការទីផ្សារ និងសេដ្ឋកិច្ចក្នុងយុគសម័យឌីជីថល សាកលវិទ្យាល័យដែលផ្តោតលើការបណ្តុះបណ្តាលមុខវិជ្ជាឌីជីថល ដំបូងគេបង្អស់នៅប្រទេសកម្ពុជា នឹងចាប់ផ្ដើមបើកបវេសនកាលលើកដំបូងឆាប់ៗខាងមុខនេះ។

សាកលវិទ្យាល័យដែលចូលខ្លួនមកបណ្តុះបណ្តាលជំនាញឌីជីថលមួយនេះមានឈ្មោះថា «សាកលវិទ្យាល័យ ឌីជីថល កម្ពុជា ជាភាសាអង់គ្លេស Digital University of Cambodia ហៅកាត់ថា(DUC) » ស្របតាមស្តង់ដារក្រសួងអប់រំយុវជន និងកីឡា។

សិស្ស និស្សិត បន្ទាប់ពីបញ្ចប់ការសិក្សានឹងទទួលបានចំណេះដឹង ជំនាញ បទពិសោធន៍ក្នុងការធ្វើទីផ្សារ ស្គាល់បរិបទសេដ្ឋកិច្ច នយោបាយ បច្ចេកវិទ្យា ការធ្វើកសិកម្ម សំណង់ស៊ីវិល និងស្ថាបត្យកម្មឌីជីថល ទៅតាមយុគសម័យទំនើប ក្នុងការរស់នៅជាមួយទីផ្សារបើកជំហជើងមេឃនៃសង្គមឌីជីថល។

សូមបញ្ជាក់ថា សាកលវិទ្យាល័យ ឌីជីថល កម្ពុជា សាងសង់លើផ្ទៃដីជាង ២០ហិចតា ជាប់នឹងរាជធានីភ្នំពេញ ពោលពេញដោយតំបន់ពណ៌បៃតងគ្រប់ជ្រុងស្អាត មានផាសុកភាព ចំណែកបន្ទប់សិក្សា សាលសន្និសីទ មានស្តង់ដារខ្ពស់ ដែលចាប់ផ្តើមបើកបវេសនកាលដំបូងឆាប់ៗខាងមុខនេះហើយ។ សម្រាប់សិស្សដែលប្រឡងធ្លាក់បាក់ឌុបក៏អាចចូលរៀនបរិញ្ញាប័ត្ររងសិក្សានៅសាកលវិទ្យាល័យ ឌីជីថលកម្ពុជា បានផងដែរ ហើយផ្ដល់ អាទិភាពលើ សិស្សក្រីក្រ ៕

The post សាកលវិទ្យាល័យឌីជីថលមិនមែនមានលុយបង់ចេះតែចូលរៀនបានទេ លក្ខខណ្ឌវិន័យតឹងរឹង និងផ្ដល់ឱកាស ឲ្យនិស្សិតក្រីក្រ ជាអទិភាព appeared first on .