មកដឹងតម្លៃ ស្ពាន ពីជ្រោយចង្វា ទៅស្វាយជ្រំ គ្រោងធ្វើឆាប់ៗនេះ

កូនចៅឧកញ៉ា — Tue, 11 Feb 2020 02:16:07 +0000

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថា ស្ពាន ឆ្លងពី តំបន់ជ្រោយចង្វា ទៅ ស្វាយជ្រំ គ្រោងដែលជាជំនួញរបស់ប្រទេសកូរ៉េ អាចនឹងចាប់ផ្ដើម ក្នុងពេលឆាប់ៗនេះ ដោយស្ពាន១នេះ អាចគ្រោងចំណាយ ចន្លោះ ៤០ទៅ ៥០ លានដុល្លារ ។ នេះបើតាមប្រសាសន៍ សម្តេចអគ្គមហាសេនាបតីតេជោ ហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជា ក្នុងពិធីបើកការដ្ឋានស្តារ និងសាងសង់ផ្លូវលេខ២ ព្រឹកនេះ។

តាមប្រសាសន៍របស់ សម្តេច តេជោ ហ៊ុន សែន ស្ពាន១នេះ សម្ដេចនឹងស្នើជំរុញបន្ថែម ទៅ នាយករដ្ឋមន្ត្រីកូរ៉េ ដែលនឹងមកទស្សនកិច្ចនៅប្រទេសកម្ពុជាឆាប់ៗនេះ។ សម្ដេចថា កូរ៉េបានផ្ដល់ប្រាក់កម្ចីក្នុងឆ្នាំ២០១៩- ២០២០នេះ មានចំនួនរហូតដល់ទៅ ៧០០ ដុល្លារឯណោះ អីចឹងត្រឹមដក៤០ទៅ ៥០ លានដុល្លារ មកសាងសង់ស្ពាននេះ គឺមិនមានបញ្ហានោះឡើយ។

សូមបញ្ជាក់ផងដែរ កាលពីឆ្នាំ២០១៨ រដ្ឋាភិបាលកម្ពុជាបានស្នើឲ្យសាធារណរដ្ឋកូរ៉េខាងត្បូងជួយសាងសង់ស្ពានមិត្តភាពកម្ពុជា-កូរ៉េ នឆ្លងកាត់ទន្លេមេគង្គតភ្ជាប់ពីតំបន់ជ្រោយចង្វារទៅកាន់ឃុំស្វាយជ្រុំ ស្រុកល្វាឯម ខេត្តកណ្តាល ទុកជាចំណងដៃ ប៉ុន្តែបែបណាក្ដី គិតមកដល់ពេលនេះ ស្ពាននោះស្ថិតនៅការទន្ទឹងរង់ចាំ របស់ប្រជាជននៅឡើយ ។ ប្រសិនបើស្ពាន១នេះត្រូវបានសាងសង់ឡើងតាមផែនការគ្រោងទុកមែននោះ វានឹងជួយសម្រួលដល់ការធ្វើចរាចរណ៍ខ្លាំង ហើយប្រជាជនមានការសប្បាយចិត្តជាខ្លាំង ព្រោះរាល់ថ្ងៃនេះ ពួកគាត់ត្រូវឆ្លង ទូកដ សាឡាង ជាដើម អស់ប្រាក់ ជាច្រើនជារៀងរាល់ថ្ងៃ។ ទទឹមគ្នានោះដែរ ទីផ្សារអចលនទ្រព្យនឹងកាន់តែឡើងខ្លាំងថែមទៀត៕

The post មកដឹងតម្លៃ ស្ពាន ពីជ្រោយចង្វា ទៅស្វាយជ្រំ គ្រោងធ្វើឆាប់ៗនេះ appeared first on .

ដំណឹងល្អ! គ្រោងសាងសង់ស្ពាន ភ្ជាប់ពីព្រែកប្រា ចាក់អង្រែលើ ឆាប់ៗនេះ

កូនចៅឧកញ៉ា — Wed, 18 Dec 2019 08:26:20 +0000

បងប្អូនដែលធ្វើដំណើរឆ្លងកាត់ និងអ្នករស់នៅច្បារអំពៅ ទំនងលែងធុញថប់ស្ទះផ្លូវទៀតហើយពេលនេះ រដ្ឋបាលរាជធានីភ្នំពេញ បានបង្កើតក្រុមការងារមួយដើម្បីចុះសិក្សាគម្រោងសាងសង់ស្ពានឆ្លងកាត់ទន្លេបាសាក់ ភ្ជាប់ពីសង្កាត់ព្រែកប្រា ខណ្ឌច្បារអំពៅ មកសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ សម្ដៅកាត់បន្ថយការកកស្ទះចរាចរណ៍ នៅតបន់ច្បារអំពៅ និងតំបន់ស្ពានអាកាសក្បាលថ្នល់។

យោងតាមសេចក្ដីសម្រេចរបស់លោក ឃួង ស្រេង អភិបាលរាជធានីភ្នំពេញ ដែលទទួលបាននៅរសៀលថ្ងៃទី១៨ ខែធ្នូ ឆ្នាំ២០១៩នេះ បានចាត់លោក ស៊ុយ សេរិទ្ធ អភិបាលរងរាជធានីភ្នំពេញ ជាប្រធានក្រុមការងារ និងលោក ចេង មុនីរ៉ាអភិបាលខណ្ឌច្បារអំពៅ, និងលោក ពេជ្រ កែវមុនី អភិបាលខណ្ឌមានជ័យ ជាអនុប្រធានក្រុមការងារ ព្រមទាំងសមាជិក១៧នាក់ផ្សេងទៀត។ កំណត់ដោយក្រុមការងារនេះ ចុះសិក្សាកំណត់ទីតាំងសាងសង់ ដើម្បីលើកគម្រោងប្លង់សាងសង់ស្ពាន, ចុះស្រង់ស្ថិតិប្រជាពលរដ្ឋដែលរងផលប៉ះពាល់ ពីការសាងសង់ស្ពានឆ្លងកាត់ទន្លេបាសាក់ និងការងារសំខាន់ៗមួយចំនួនទៀត៕

The post ដំណឹងល្អ! គ្រោងសាងសង់ស្ពាន ភ្ជាប់ពីព្រែកប្រា ចាក់អង្រែលើ ឆាប់ៗនេះ appeared first on .

សាងសង់ស្អាន

មក​ដឹង​តម្លៃ ស្ពាន ពីជ្រោយ​ចង្វា ទៅស្វាយជ្រំ គ្រោង​ធ្វើ​ឆាប់ៗ​នេះ

ដំណឹង​ល្អ! គ្រោង​សាង​សង់​ស្ពាន​ ភ្ជាប់​ពី​ព្រែកប្រា ចាក់អង្រែលើ ឆាប់ៗ​នេះ

មកដឹងតម្លៃ ស្ពាន ពីជ្រោយចង្វា ទៅស្វាយជ្រំ គ្រោងធ្វើឆាប់ៗនេះ

ដំណឹងល្អ! គ្រោងសាងសង់ស្ពាន ភ្ជាប់ពីព្រែកប្រា ចាក់អង្រែលើ ឆាប់ៗនេះ